Daily News For People

Home
Daily News For People

စစ်အာဏာရှင်တော်လှန်ရေးသတင်းများ တင်ဆက်ပေးသွားမည်။

19/02/2024

တောင်တွင်းကြီးရှိ ဆိုင်ခန်းများရှေ့တွင် စစ်မှု ထမ်းရေး ပြည်သူများ မစိုးရိမ်ကြရန်နှင့် သတင်းမီဒီယာများ၏ သတင်းများ မယုံကြရေး ဝါဒဖြန့် ဗီနိုင်းဆိုင်းဘုတ်ကြီးများ စိုက်ထူကြရန် စစ်တပ်က ဖိအားပေး ခြိမ်းခြောက်

မကွေးတိုင်း၊ တောင်တွင်းကြီးမြိုနယ်ရှိ ဆိုင်ခန်းများ ရှေ့တွင် စစ်မှု ထမ်းရေး ပြည်သူများ မစိုးရိမ်ကြရန်နှင့် သတင်းမီဒီယာများ၏ သတင်းများ မယုံကြရေး ဗီနိုင်းဆိုင်းဘုတ်ကြီးများ စိုက်ထူကြရန် စစ်တပ်က ဖိအား ပေး ခြိမ်းခြောက်နေကြောင်း ဆိုင်ရှင်များက ရန်ကုန်ခေတ်သစ်သတင်းဌာနထံသို ပြောဆိုသည်။

ယနေ့ ဖေဖော်ဝါရီ ၁၉ ရက်နေ့ မကွေးတိုင်း၊ တောင်တွင်းကြီးမြိုနယ်၊ ချောင်နက်အရှေ့၊ နေပြည်တော် -တောင်ညို လမ်းဘေးတွင်ရှိသည့် ဆိုင်ခန်းများတွင် စစ်ကောင်စီ၏ ဝါဒဖြန့် လက်ကမ်းစာစောင်ပါ စာသားများကို ဗီနိုင်းအဖြစ် စိုက်ထူကြရန် ဖိအားပေးထားခြင်းဖြစ်ကြောင်း သိရှိရသည်။

"စစ်မှုထမ်းဖို ပြည်သူတွေ မစိုးရိမ်သင့်ဘူး။ ပြည်ဖျက်မီဒီယာတွေရဲ့ သတင်းအတုတွေ မယုံသင့်ဘူးဆိုတဲ့ စစ်တပ်ရဲ့ ဝါဒဖြန့် စာသားတွေပါတဲ့ လက်ကမ်းကြော်ငြာကို ဗီနိုင်းဆိုင်းဘုတ် အလျာား ၄ ပေ x အနံ ၃ ပေ ထုတ်ပြီး ဆိုင်ရှေ့မှာ စိုက်ထူရမယ်။ ကိုယ့်ပိုက်ဆံနဲ့ကိုယ် လုပ်ရမှာ။ ဗီနိုင်း ၂ ခု စိုက်ထူရမယ်။ ဆိုင်းဘုတ် မထူတဲ့ ဆိုင်တွေကို အရေးယူမယ်လို စစ်တပ်က ခြိမ်းခြောက်တယ်" ဟု ဆိုင်ရှင်တစ်ဦးက ရှင်းပြသည်။

ဗီနိုင်း ထုတ်မည်ဆိုလျှင် အလျား ၄ ပေနှင့် အနံ ၃ ပေ ဗီနိုင်းတစ်ခု ၁၀၈၀၀ ကျပ်ခန့်ကုန်ကျပြီး ၂ ခုဆိုလျှင် ၂၁၆၀၀ ကျပ် ကုန်ကျကြောင်း၊ စစ်တပ်က ဆိုင်ရှင်များကို အတင်းအကျပ် ဖိအားပေး ခြိမ်းခြောက် လုပ်ခိုင်းနေသဖြင့် ဆိုင်ပိုင်ရှင်များ စိတ်ညစ်နေကြရကြောင်း သိရှိရသည်။

အကြမ်းဖက်စစ်ကောင်စီက တစ်နိုင်ငံလုံးတွင် ပြည်သူများ စစ်မှုထမ်းရေး မစိုးရိမ်ကြရန်၊ သတင်းမီဒီယာများ၏ သတင်းများကို မယုံကြရန် လက်ကမ်းကြော်ငြာများကို ဖြန့်ဝေလျက်ရှိကြောင်း သိရှိရသည်။

ဓာတ်ပုံ- ယနေ့ အကြမ်းဖက်စစ်ကောင်စီလက်အောက်ခံများက ပြည်သူများကို ဝါဒဖြန့် စာရွက်များ ဖြန့်ဝေနေစဉ်။

14/02/2024

စစ်မှုထမ်းရန် ဆင့်ခေါ်မည့် ပြည်သူ့စစ်မှုထမ်းဗဟိုအဖွဲ စစ်ကောင်စီဖွဲပြီ
------
စစ်မှုထမ်းရန်အတွက် ပြည်သူများကို ရွေးချယ်ခေါ်ဆိုမည့် ပြည်သူ့စစ်မှုထမ်းဗဟိုအဖွဲကို စစ်ကောင်စီက ယနေ့တွင် ဖွဲစည်းလိုက်သည်။

စစ်မှုထမ်းရန်အတွက် လူသစ်စုဆောင်းခြင်းကို သင်္ကြန်ရုံးပိတ်ရက်များအပြီး ဧပြီလအတွင်းတွင် စတင်မည်ဟုလည်း စစ်ကောင်စီပြောခွင့်ရအရာရှိ ဗိုလ်ချုပ်ဇော်မင်းထွန်းက BBC (မြန်မာပိုင်း) သတင်းဌာနကို ယနေ့တွင် ပြောဆိုထားသည်။

ပြည်သူ့စစ်မှုထမ်းဗဟိုအဖွဲကို စစ်ကောင်စီကာကွယ်ရေးဝန်ကြီးက ဦးဆောင်မည်ဖြစ်သည်။

စစ်မှုထမ်းရမည့် အသက်အရွယ်ရောက်သူ နိုင်ငံသားတိုင်းကို ဆင့်ခေါ်၍ မှတ်ပုံတင်ထားရမည်။ ယင်းသို မှတ်ပုံတင်ထားခြင်းအတွက် မှတ်ပုံတင်လက်မှတ် ထုတ်ပေးရမည်။

01/02/2024

စစ်ကောင်စီရဲ့ ပြည်ထောင်စုရွေးကောက်ပွဲကော်မရှင်ဥက္ကဋ္ဌ အပြောင်းအလဲ၊ ရှမ်းပြည်နယ်ဝန်ကြီးချုပ် အပြောင်း အလဲနဲ့ ခန့်အပ်တာဝန်ပေးခြင်း အမိန့်စာများ

19/01/2024

ကော့ကရိတ်မြိုသိမ်းတိုက်ပွဲတွင် စစ်ကောင်စီက တန်ပြန်ဒရုန်းစစ်ဆင်ရေး ပိုမိုပြုလုပ်လာ
******************************

Saw Smith
ဇန်နဝါရီ ၁၅ ၊ ၂၀၂၄ ။

ကရင်ပြည်နယ် ၊ ကော့ကရိတ်မြိုသိမ်းစစ်ဆင်ရေးအတွင်း ပိတ်ဆိုခံထားရသည့် စစ်ကောင်စီတပ်များဘက်က ဒရုန်းဖြင့်တန်ပြန်တိုက်ခိုက်မှုများ တွင်တွင်ကျယ်ကျယ်ပြုလုပ်လာနေသည်ဟု ပူးပေါင်းစစ်ကြောင်းနှင့် ဒေသခံများ ထံက သိရသည်။

ပြီးခဲ့သည် ဒီဇင်ဘာလ ၁ ရက်၌ ကော့ကရိတ်မြိုနှင့် အနီးဝန်းကျင်ရှိ စစ်ကောင်စီတပ်စခန်းများကို KNLA နှင့် PDF ပူးပေါင်းစစ်ကြောင်းများက ထိုးစစ်ဆင်တိုက်ခိုက်ခဲ့သည်။

စစ်ဆင်ရေး ၁ လကျော်အချိန်အတွင်း ကော့ကရိတ်မြိုပေါ်နေရာများထိ ပူးပေါင်းစစ်ကြောင်းများက နေရာယူ ထားနိုင်ခဲ့ပြီး ကော့ကရိတ်မြိုအထိုင်တပ် ခလရ ၉၇ အပါအဝင် ကျန်ရှိနေသည့် စစ်ကောင်စီတပ်စခန်းများကို လည်း ပိတ်ဆို၍ ဖိအားပေးနိုင်ခဲ့သည်။

ကော့ကရိတ်မြိုသိမ်းစစ်ဆင်ရေးအစပိုင်းတွင် တိုက်ပွဲများပြင်းထန်စွာဖြစ်ပွားခဲ့၍ ယခုနောက်ပိုင်း၌ နှစ်ဖက် ပစ် ခတ်သံများ ကြိုကြားကြိုကြားသာကြားရတော့သည့်အပြင် စစ်ကောင်စီ၏ တန်ပြန်ဒရုန်းစစ်ဆင်ရေးကြောင့် ပူးပေါင်းစစ်ကြောင်းဘက်က ထိခိုက်မှုများကြားနေရသည်ဟု ကော့ကရိတ်မြိုရှိအမျိုးသား ၁ ဦးကပြောသည်။

"ဒရုန်းသုံးတဲ့အရာရှိတွေ ရောက်နေတယ်လိုလည်း ကြားမိတယ်။ သူတိုက ငွေအားတတ်နိုင်တော့ စိတ်ကြိုက်ကို သုံးနေတာ။ ဒရုန်းတွေနဲ့ နေ့တိုင်းလာတိုက်နေတယ်လို သိရတယ်" ဟု ၎င်းကပြောသည်။

စစ်ကောင်စီတပ်ဘက်က ဒရုန်းများဖြင့် တန်ပြန်စစ်ဆင်ရေးလုပ်လာမှုများ သည် ယခုလအစပိုင်းကစ၍ ပိုများလာကာ နေ့တိုင်း ဒရုန်း ၂ စီးဖြင့် တနေ့ကုန်နီးပါး ဗုံးကြဲတိုက်ခိုက်မှုများ ရှိနေသည်ဟု ကျားဖြူစစ်ကြောင်း တာဝန်ရှိသူ ဗိုလ်ပွဲတော် က ပြောသည် ။

" ဒီရက်ပိုင်းမှာ ဒရုန်းနဲ့လာချတာပိုများလာတယ်နော်။ အဲမှာ ၂ စီး၊ ၂ စီး ပုံမှန်တက်တယ် တနေကုန် ။ ဗုံးချတဲ့ အလုံးရေက နည်းနည်းများတာပေါ့နော်။ တစ်ခါတက်ရင် ၂ စီးဆိုတော့ တစ်ခါချရင် ဗုံး ၄ လုံးလေ ။ ၁ ရက်ကို ၄၊ ၅ ၊ ၆ ခါလောက်ကြဲတော့ နည်းနည်းများတာပေါ့နော် "ဟု ဗိုလ်ပွဲတော်ကပြောသည်။

စစ်ကောင်စီတပ်၏ ဒရုန်းဗုံးများဖြင့်ကြဲချတိုက်ခိုက်မှုတွင် ပူးပေါင်းစစ်ကြောင်းဘက်ကရဲဘော်များ ထိခိုက်ကျဆုံး မှုနှင့် ဒဏ်ရာရရှိမှုများရှိနေသည်ဟု KNLA တပ်ဖွဲဝင်များနှင့်နီးစပ်သည် ဒေသခံအမျိုးသမီးက ဒဏ်ရာရ ရဲဘော် များ၏ ပုံများပေးပို၍ ပြောသည်။

တော်လှန်ရေးပူးပေါင်းစစ်ကြောင်းများအတွက် အဓိကအားထားရာ ဒရုန်းစစ်ဆင်ရေးကြောင့် စစ်ကောင်စီဘက်က ထိခိုက်၊ ဆုံးရှုးမှုများလာသည့်အတွက် စစ်ကောင်စီဘက်ကလည်း နေရာတချို၌ တန်ပြန် ဒရုန်းစစ်ဆင်ရေး ပြုလာ နေသည်ကို တွေ့နေရသည်ဟု CDM ဗိုလ်ကြီး ခန့်ကို က ပြောသည်။

" ရုရှားမှာ နဂိုကတည်းက ဒရုန်းနည်းပညာ သင်လာတဲ့သူတွေရှိတယ် ။ အခုဆိုရင်လည်း တရုတ်နည်းပညာရှင် တွေ ပြည်တွင်းထဲကိုခေါ်ပြီး သင်နေတယ်ကြားတယ်။ ဟိုတုန်းကတည်းကလည်း ဒရုန်းနဲ့ ပတ်သက်လို သင်တန်း တွေလွှတ်ထားတဲ့ အရာရှိစစ်သည်တွေ အများကြီးရှိတယ် ။ ဒရုန်း ပရောဂျက်ရှိတယ် " ဟု ၎င်းက ပြောသည် ။

ဒရုန်းများကိုအသုံးပြုရာတွင် တော်လှန်ရေးပူးပေါင်းစစ်ကြောင်းများက ဘတ်ဂျက်အနေအထား ၊ ပစ္စည်းဝယ်ယူရ သည့် အခက်အခဲများကြောင့် ဒရုန်းများကို တစ်စချင်းဆီပြန်ဆင်၍ အသုံးပြုနေရသည့်တိုင် ကာကွယ်ရေးတပ် များက ဒရုန်းမျာကို ကျယ်ကျယ်ပြန့်ပြန့် အသုံးပြုနိုင်သေးသည်။

ထိုကြောင့် ဘတ်ဂျက်လုံလောက်စွာသုံးနိုင်ပြီး အစုံလိုက်ဆင်ပြီးသားပစ္စည်းများ ဝယ်ယူအသုံးပြုနိုင်သည့် စစ်ကောင်စီတပ်များအနေဖြင့် နောင်တစ်ချိန်၌ ဒရုန်းစစ်ဆင်ရေးများကို အခုထက်ပိုမိုအသုံးပြုလာနိုင်သည်ဟု စစ်ရေးအကဲခက်များ၏သတိပေးပြောဆိုမှုများလည်း ရှိနေသည်။

*

10/01/2024

နိုင်ငံကျော် ဂန္ထဝင်အဆိုတော်ကြီး ဒေါ်မာမာအေး ကွယ်လွန်

နိုင်ငံကျော် ဂန္ထဝင်အဆိုတော်ကြီး ဒေါ်မာမာအေး ယနေ့ မြန်မာစံတော်ချိန် နံနက် ၅ နာရီ ၅၈ မိနစ်တွင် အင်ဒီယားနားပြည်နယ်၊ ဖိုဒ်ဝိန်းမြိုနေအိမ်၌ ကွယ်လွန်သွားကြောင်းသိရသည်။

အဆိုတော် ဒေါ်မာမာအေးသည် မြန်မာနိုင်ငံ၊ ဧရာဝတီတိုင်း၊ မြောင်းမြမြိုဇာတိဖြစ်ပြီး ၎င်းကွယ်လွန်ချိန်တွင် အသက် ၈၁ နှစ်ရှိပြီ ဖြစ်သည်။

စစ်အစိုးရ ဗိုလ်ချုပ်မှူးကြီး ဦးသန်းရွှေလက်ထက် ၁၉၉၈ ခုနှစ်တွင် အဆိုတော် ဒေါ်မာမာအေးသည် မြန်မာပြည်မှ ထွက်ခွါခဲ့ရပြီး အမေရိကန်ပြည်ထောင်စု၌ အခြေချခဲ့သည်။

ထိုအချိန်က နယူးယောက်မြိုရှိ ပြည်ပအတိုက်အခံအဖွဲအစည်းများနှင့် ပတ်သက်သည့် သီဆိုဖျော်ဖြေပွဲများတွင် ပါဝင်ခဲ့သည့်အတွက် ဗိုလ်ချုပ်ကြီးများ၏ အမျက်သင့်ခံရကာ ၎င်းအား မြန်မာပြည်၌ တေးသီချင်းထုတ်လွှင့်ခွင့် ပိတ်ထားခဲ့သည်။

သမ္မတဦးသိန်းစိန် အစိုးရလက်ထက်တွင် ဒေါ်မာမာအေးကို ပြည်ဝင်ခွင့် ပြန်ပေးခဲ့ကြောင်း သိရသည်။

စွမ်စုံရအနုပညာရှင်တဦးဖြစ်သော ဒေါ်မာမာအေးသည် ကာလပေါ်၊ ခေတ်ဟောင်း စသည့် တေးသီချင်းများကို သီဆိုခဲ့ပြီး ၁၉၅၅ ၌ ထွက်ရှိသော “သက်တန့်ပေါ်မှာ ကစားမယ်” ဆိုသော တေးသီချင်းနှင့် လူသိများခဲ့ပြီး နိုင်ငံပိုင်မြန်မာ့အသံဌာနတွင်လည်း ထုတ်လွှင့်ရေးမှူးအဖြစ် တာဝန်ထမ်းဆောင်ခဲ့ဖူးသည်။

ရုပ်ရှင်ဘက်တွင်လည်း မြခြူသံ၊ မန်ဒါလီ၊ သူ့ကိုမှ ချစ်သည် စသည့် ဇာတ်ကားများ၌ ပါဝင်သရုပ်ဆောင်ခဲ့သည်။

12/12/2023

စင်္ကာပူရောက် မြန်မာများရဲ့ လုပ်ခလစာအပေါ် မြန်မာစစ်ကောင်စီက အခွန်စတင်ကောက်ခံ

စင်္ကာပူနိုင်ငံရှိ မြန်မာသံရုံးက စင်္ကာပူရောက် မြန်မာများကို ဝင်ငွေခွန် စတင်ကောက်ခံမယ်လို့ ဒီဇင်ဘာလ ၁၁ ရက်နေ့မှာ စာထုတ်ပြန် အသိပေးလိုက်ပါတယ်။
ကိုင်ဆောင်ထားတဲ့ Passport, Work Permit အပေါ်မူတည်ပြီး လစာရဲ့ ၂% ကို ဝင်ငွေခွန် ပေးဆောင်ရမယ်လို့ အသိပေးထားပြီး Student Passport ကိုင်ဆောင်ထားသူများ အနေနဲ့ လက်ရှိ ကျောင်းတက်ရောက်နေကြောင်း ထောက်ခံစာ တင်ပြနိုင်ပါက ကင်းလွတ်ခွင့် ရရှိမယ်လို့ ဆိုပါတယ်။
“လူကိုယ်တိုင်မေးခဲ့တယ် Jan လ အထိပြန်မယ်ဆိုရင် Jan အထိ tax ဆောင်သွားပါတဲ့၊ Tax ဆောင်ရမဲ့ အချိန်က မနက် ၉ နာရီ ကနေ ၁၁ နာရီ အထိပဲ ညနေခင်းမှာ လုပ်မပေးဘူး” လို့ သံရုံးကို သွားရောက်ခဲ့သူ တစ်ဦးက ပြောပြပါတယ်။
အကြောင်းအမျိုးမျိုးကြောင့် မြန်မာနိုင်ငံကို ပြန်မယ်ဆိုပါက သံရုံးတွင် ဝင်ငွေခွန် ထမ်းဆောင် ပြီးကြောင်း ထောက်ခံစာ လာရောက်ယူဆောင်သွားဖို့ လိုအပ်တယ်လို့လည်း အသိပေးထားပါတယ်။
စင်္ကာပူအစိုးရအနေနဲ့ အခွန်နှစ်ထပ် မကျခံစေရေး သဘောတူညီချက် Avoidance of Double Taxation Agreements (“DTAs”) ကိုလက်မှတ်ရေးထိုးထားပြီး အဆိုပါ သဘောတူညီချက်အရ စင်္ကာပူနိုင်ငံမှာ အခွန်ထမ်းနေသူတွေ အနေနဲ့ မိခင်နိုင်ငံကနေ အခွန်ကင်းလွတ်ခွင့် ရရှိထားပြီး ဖြစ်သော်လည်း အခုက မြန်မာတွေ အခွန် ၂ ထပ် ဆောင်ရမယ့် သဘောဖြစ်နေပါတယ်။
“စကစ က အာဆီယံအတွင်း အခွန်သဘောတူညီချက်တွေကို မလေးစားတဲ့ လုပ်ရပ်မျိုးကို စလုံး အပါအဝင် အာဆီယံနိုင်ငံတွေက သည်းခံခွင့်ပြုတာမျိုး မလုပ်သင့်ဘူး” လို့ စင်္ကာပူနိုင်ငံရောက် မြန်မာတစ်ဦးက သူ့ရဲ့သဘောထားကို ပြောပါတယ်။
ထိုသို့အခွန်နှစ်ထပ် ကောက်ခံခြင်းကို အရင်စစ်အစိုးရ လက်ထက်ကလည်း ပြုလုပ်ခဲ့ဖူးပြီး ၂၀၁၂ ခုနှစ် ဦးသိန်းစိန် အစိုးရလက်ထက်မှာ စတင်ကင်းလွတ်ခွင့် ပြုခဲ့တာပါ။
အာဏာသိမ်းစစ်ခေါင်းဆောင် မင်းအောင်လှိုင်ရဲ့ လက်မှတ်နဲ့ ပြီးခဲ့တဲ့ စက်တင်ဘာလက ပြည်ထောင်စုရဲ့ အခွန်အကောက် ဥပဒေကို ပြင်ဆင်ခဲ့ပြီး ပြည်ပရောက် မြန်မာအလုပ်သမားတွေကို အခွန်ကောက်ခံမယ်လို့ ကြေညာခဲ့ပါတယ်။

06/12/2023

Breaking News- စစ်ကောင်စီထံတွင် ဒေါ်လာ ပြတ်လပ်သွားသဖြင့် ဗဟိုဘဏ်သတ်မှတ်စျေးနှင့် ရောင်းချပေးမှုအားလုံး ရပ်ဆိုင်းပြီး စျေးကွက်ပေါက်စျေးအတိုင်း ရောင်းဝယ်ရန် ကြေညာ၊ စက်သုံးဆီ အပါအဝင် သွင်းကုန်သမားများ ဒေါ်လာ မရှိ၍ ဒေါ်လာဝယ်လိုအား ထိုးတက်နေ

အကြမ်းဖက်စစ်ကောင်စီထံတွင် အမေရိကန်ဒေါ်လာ ပြတ်လပ်နေသဖြင့် ဗဟိုဘဏ်က စျေးကွက်ပေါက်စျေးထက် သက်သာသော သတ်မှတ်စျေးနှုန်း ဖြင့် သွင်းကုန်သမားများထံ ရောင်းချပေးမှုအားလုံးကို ရပ်ဆိုင်းလိုက်ပြီး စျေးကွက်ပေါက်စျေးအတိုင်း ရောင်းဝယ်ရန် ယနေ့ ကြေညာလိုက်ကြောင်း သိရှိရသည်။

ယနေ့ ထုတ်ပြန်လိုက်သည့် စစ်ကောင်စီ၏ ဗဟိုဘဏ် ကြေညာချက်တွင် နိုင်ငံခြားသုံးငွေများ ရောင်းဝယ် ဖောက်ကားသည့် လုပ်ငန်း AD လိုင်စင်ရ ဘဏ်များအနေဖြင့် နိုင်ငံခြားငွေစျေးကွက် တွင် အရောင်းအဝယ်ပြုလုပ်ရာတွင် ငွေလဲလှယ်နှုန်းကို ဗဟိုဘဏ်က သတ်မှတ်ပေးမည်မဟုတ်တော့ဘဲ စျေးကွက်အတွင်း နိုင်ငံခြားငွေ ရောင်းချလိုသူနှင့် ဝယ်ယူလိုသူတိုက တင်သွင်းသော ငွေလဲလှယ်နှုန်းပေါ်မူတည်၍ စျေးကွက်ပေါက်စျေးအတိုင်း လွတ်လပ်စွာ ဆောင်ရွက်ရန် ဖြစ်ကြောင်း ထုတ်ပြန်ထားသည်။

"ကျနော်တို သိထားတာတော့ သူတိုဆီမှာ ဒေါ်လာ မရှိတော့ဘူး။ အဲဒီတော့ ဗဟိုဘဏ်သတ်မှတ်စျေးနဲ့ ရောင်းပေးခဲ့တာတွေ မလုပ်နိုင်တော့ဘူး။ ၃ နှစ်တောင် တောင့်ခံလိုက်တာဆိုတော့ ဒေါ်လာ မရှိတော့ဘူးလို ပြောလိုရတယ်။ အခု ဆီသမားတွေ သွင်းကုန်သမားတွေအားလုံး စျေးကွက်ထဲက လိုက်ဝယ်ရမှာဆိုတော့ အကုန်ဒုက္ခရောက်နေကြပြီ" ဟု UMFCCI မှ စီးပွားရေးသမားတစ်ဦးက ပြောဆိုသည်။

လက်ရှိတွင် ဗဟိုဘဏ်၏ ကြေညာချက်ကြောင့် စျေးကွက်တွင် အမေရိကန်ဒေါ်လာတန်ဖိုး မတည်မငြိမ်ဖြစ်နေပြီး မြင့်တက်နေကြောင်း၊ ဒီဇင်ဘာလ ၆ ရက်နေ့ မနက်ဖြန် စျေးကွက်ဖွင့်ချိန်တွင် စျေးကွက် ကသောင်းကနင်းဖြစ်နိုင်ကြောင်း သိရှိရသည်။

28/11/2023

ဂျပန်တွင် NUG နိုင်ငံခြားရေးဝန်ကြီးက ဂျပန်နိုင်ငံဆိုင်ရာ အမေရိကန်သံအမတ်ကြီး၊ Japanese Trade Union Confederation (JTUC-RENGO) ဥက္ကဋ္ဌတိုကို တွေ့ဆုံ

ဂျပန်နိုင်ငံတွင် အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီးနှင့် ဂျပန်နိုင်ငံဆိုင်ရာ အမေရိကန်သံအမတ်ကြီး တွေ့ဆုံကြောင်း NUG က သတင်းထုတ်ပြန်သည်။

အမျိုးသား ညီညွတ်ရေး အစိုးရ နိုင်ငံခြားရေးဝန်ကြီးဌာန ပြည်ထောင်စု ဝန်ကြီး ဒေါ်ဇင်မာအောင်သည် ဂျပန်နိုင်ငံဆိုင်ရာ အမေရိကန်သံအမတ်ကြီး Mr. Rahm J. Emanuel နှင့် ယနေ့ နေ့လယ်ပိုင်းတွင် တွေ့ဆုံခဲ့ကြောင်း၊ ဒီမိုကရေစီနှင့် လူ့အခွင့်အရေးဆိုင်ရာ စံနှုန်းများအား လေးစားတန်ဖိုးထားပြီး မြန်မာနိုင်ငံသားများနှင့်အတူ ရပ်တည်နေသည့် အမေရိကန်ပြည်ထောင်စု၏ ရပ်တည်ချက်ကို ကျေးဇူးတင်ရှိကြောင်း NUG ၏ သတင်းထုတ်ပြန်ချက်တွင် ဖော်ပြထားသည်။

ဝန်ကြီး ဒေါ်ဇင်မာအောင်နှင့် အင်အားကြီး အလုပ်သမားသမဂ္ဂတခုဖြစ်သည့် Japanese Trade Union Confederation (JTUC-RENGO) မှ ဥက္ကဋ္ဌဖြစ်သူ Ms.Tomoko Yoshino တိုတွေ့ဆုံဆွေးနွေးကြောင်း သိရှိရသည်။

ယနေ့ ညနေပိုင်းတွင် Japanese Trade Union Confederation (JTUC-RENGO) မှ ဥက္ကဋ္ဌဖြစ်သူ Ms.Tomoko Yoshino ကို RENGO ရုံးချုပ်တွင် သွားရောက်တွေ့ဆုံကာ လက်ရှိမြန်မာနိုင်ငံအရေး၊တိုင်းရင်းသားဒေသဆိုင်ရာနှင့်ဒုက္ခသည်အရေးကိစ္စများ၊လက်ရှိအလုပ်သမားအရေးနှင့် နှစ်နိုင်ငံ အနာဂတ်အလုပ်သမားအရေးများကို အပြန်အလှန်ဆွေးနွေးခဲ့ကြကြောင်း သိရှိရသည်။

မြန်မာ့ဒီမိုကရေစီ အသွင်ကူးပြောင်းရေးတွင်လည်း အမျိုးသားညီညွတ်ရေးအစိုးရနှင့် လက်တွဲဆောင်ရွက်ကာ အလုပ်သမားရေးရာ ကိစ္စရပ်များတွင် ပူးပေါင်းဆောင်ရွက်သွားနိုင်ရန် သဘောတူညီခဲ့ကြကြောင်း သိရှိရသည်။

09/11/2023

မူဆယ်တွင် TNLA နှင့် SSPP တို တိုက်ပွဲဖြစ်

ရှမ်းပြည်နယ် မြောက်ပိုင်း၊ မူဆယ်မြိုနယ် စယ်လန့်ကျေးရွာဒေသခံ စိုင်းမောဝ်အွန်ကို (ပလောင်) တအာင်း အမျိုးသား လွတ်မြောက်ရေးတပ် (TNLA) မှ ဖမ်းဆီးသွားသည့်ကိစ္စနှင့်ပတ်သက်၍ ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA) တိုကြား ယမန်နေ့က တိုက်ပွဲဖြစ်ပွားခဲ့ကြောင်း သိရသည်။

စိုင်းမောဝ်အွန်ကို နိုဝင်ဘာ ၇ ရက် ည ၉ နာရီကျော်အချိန်တွင် ဖမ်းဆီးသွားသဖြင့် SSPP/SSA မူဆယ် မြိုနယ်မှူးတပ်ဖွဲက အကျိုးအကြောင်း သွားရောက်မေးမြန်းရာ TNLA ဘက်က စတင်ပစ်ခတ်မှုကြောင့် ရွာအတွင်း အနီးကပ် တိုက်ပွဲဖြစ်ပွားခဲ့ကာ နှစ်ဖက်တပ်များ ထိခိုက်သေဆုံးမှုရှိပြီး SSPP မြိုနယ်မှူးနှင့် တပ်ဖွဲဝင် ၁ ဦးကို စစ်သုံပန်းအဖြစ် TNLA မှ ဖမ်းဆီး၍ ရွာလယ်တွင် ပစ်သတ်ခဲ့ကြောင်း SSPP ဘက်က ထုတ်ပြန်ထားသည်။

သျှမ်းတိုင်းရင်းသားများ ဒီမိုကရေစီအဖွဲချုပ် (SNLD) ကလည်း စယ်လန့်ကျေးရွာအုပ်စုရှိ ပါတီ၏ အလုပ်အမှုဆောင်အဖွဲ အတွင်းရေးမှူးဖြစ်သူ စိုင်းမောဝ်အွန်ကို TNLA တပ်ဖွဲ ဖမ်းဆီးခြင်းဖြစ်ကြောင်း၊ ၎င်းမှာ လက်နက်ကိုင်အဖွဲအစည်းများနှင့် ပတ်သက်ခြင်းမရှိဘဲ လူမှုကူညီရေးလုပ်ငန်းများ လုပ်ကိုင်နေသူသာ ဖြစ်ပြီး ခြွင်းချက်မရှိ အမြန်ဆုံး ပြန်လွှတ်ပေးကာ အိမ်တိုင်ရာရောက် ပိုဆောင်ပေးရန် တောင်းဆိုထားသည်။

အဆိုပါ ကိစ္စရပ်နှင့် ပတ်သက်ပြီး TNLA ဘက်မှ တစုံတရာ ထုတ်ပြန်ကြေညာခြင်းမျိုး မရှိသေးပေ။

ဓာတ်ပုံ- SSPP

07/11/2023

ဆားလင်းကြီးတွင် စစ်အာဏာရှင် ဆန့်ကျင်ရေး ချီတက် ဆန္ဒပြ

ဆားလင်းကြီးမြိုနယ်တွင် လက်ပံတောင်းတောင်ပင်မသပိတ်နှင့် မုံရွာတက္ကသိုလ်ကျောင်းသားများသမဂ္ဂတို ပူးပေါင်းကာ ယနေ့ နိုဝင်ဘာလ ၇ ရက်နေ့၌ စစ်အာဏာရှင် ဆန့်ကျင်ရေး ချီတက် ဆန္ဒပြခဲ့ကြောင်း သိရသည်။

07/11/2023

ဂျာမနီနိုင်ငံတွင် The Way ဂီတရုပ်ရှင်ပြပွဲနှင့် လူသားချင်းစာနာဈေးရောင်းပွဲကျင်းပ

ဂျာမနီ နိုင်ငံ Frankfurt မြိုတွင် The Way ဂီတရုပ်ရှင်ပြပွဲနှင့် လူသားချင်းစာနာ စျေးရောင်းပွဲကို ကျင်းပခဲ့ကြောင်း သိရှိရသည်။

ရုပ်ရှင်ပွဲအပြီးတွင် ကိုလင်းလင်း+ချစ်သုဝ ၊ The Way အဖွဲသားများနှင့် ဗီဒီယို call ဖြင့် စကားပြောဆိုပြီး "ကိုယ်လျှောက်ခဲ့တဲ့လမ်း၊ကိုယ်ရွှေးခဲ့တဲ့လမ်း ဘာအကြောင်းပြချက်မှ မလိုဘူး" ဆိုသည့် စာသားကို အတူရွတ်ဆိုကြကာ "အရေးတော်ပုံအောင်ကို အောင်ကိုအောင်ရမယ်" ကြွေးကြော်သံ ၃ကြိမ် ဆို၍ ရုပ်ရှင်ပြပွဲကိုအောင်မြင်စွာ ကျင်းပနိုင်ခဲ့ကြောင်း သိရှိရသည်။

©KTM

01/11/2023

ယောဒေသမှာ ကျောင်းသားတပ်မတော် ABSDF (၃၅) နှစ်ပြည့် အခမ်းအနား ကျင်းပ

မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး (ကျောင်းသား တပ်မတော်) ၃၅ နှစ်ပြည့် အခမ်းအနားကို ယောဒေသရဲ့ စစ်ကြောင်း (၃)၊ အမှတ် (၁၂) တပ်ရင်းမှာ ဒီကနေ့ နိုဝင်ဘာ ၁ ရက် မနက်ပိုင်းက ကျင်းပခဲ့တယ်လို သိရပါတယ်။

ဒီနေ့ ကျရောက်တဲ့ ကျောင်းသား တပ်မတော် (၃၅) နှစ်ပြည့်နေ့မှာ ကျဆုံးရဲဘော်တွေကို အလေးပြုခြင်းနဲ့ အဖွဲအစည်း အသီးသီးက ပေးပိုတဲ့ သဝဏ်လွှာတွေ ဖတ်ကြားခဲ့တယ်လို ABSDF က ထုတ်ပြန်ပါတယ်။

ရှစ်လေးလုံး ဒီမိုကရေစီ အရေးတော်ပုံကြီးက ပေါက်ဖွားလာတဲ့ ကျောင်းသား တပ်မတော်ဟာ ဖိနှိပ်ခံ တိုင်းရင်းသား ပြည်သူလူထု တရပ်လုံး စစ်အာဏာရှင်စနစ် အောက်က လွတ်မြောက်ရေး၊ ဒီမိုကရေစီနှင့် လူ့အခွင့်အရေး၊ ပြည်တွင်း ငြိမ်းချမ်းရေးနဲ့ ဖက်ဒရယ် ပြည်ထောင်စု ပေါ်ထွန်းရေး ဦးတည်ချက် (၄) ရပ်နဲ့ ရပ်တည်ခဲ့တယ်လို သိရပါတယ်။

ကျောင်းသား တပ်မတော်ရဲ့ တော်လှန်ရေးခရီး တစ်လျှောက် တပ်ဖွဲဝင် ရဲဘော် ၈၁၂ ဦး ကျဆုံးခဲ့ပြီး ၄၁၁ ဦး ဒဏ်ရာရခဲ့တယ်လို ABSDF ရဲ့ ဒီနေ့မနက် ထုတ်ပြန်ချက်မှာ ဖော်ပြထားပါတယ်။

27/10/2023

ရှမ်းပြည်နယ်မြောက်ပိုင်းက မြိုနယ်တွေမှာ TNLA တပြိုင်တည်း ထိုးစစ်ဆင်

ပလောင် (တအာင်း) အမျိုးသားလွတ်မြောက်ရေးတပ်မတော် (TNLA) က ရှမ်းပြည်နယ်မြောက်ပိုင်းမှာ ရှိတဲ့ ကျောက်မဲ၊ ကွတ်ခိုင်၊ မူဆယ်၊ နမ့်ခမ်း၊ နောင်ချို အပါအဝင် မန္တလေးတိုင်းအတွင်းက မိုးကုတ်မြိုနယ်တိုမှာဒီကနေ့ အောက်တိုဘာ ၂၇ ရက်နေ့ မနက်အစောပိုင်းက စပြီး တပြိုင်တည်း ထိုးစစ်ဆင် တိုက်ခိုက်နေပါတယ်။

အဲဒီမြိုနယ်တွေမှာ ရှိနေတဲ့ စစ်ကောင်စီ တပ်စခန်းတွေ၊ ပြည်သူ့စစ်စခန်းတွေနဲ့ စစ်ကောင်စီတပ်စွဲထားတဲ့နေရာတွေကို ပစ်မှတ်ထားတိုက်ခိုက်နေတာဖြစ်တယ်လို မြေပြင်သတင်းရင်းမြစ်တွေက ပြောပါတယ်။

မူဆယ်၊ ကွတ်ခိုင်၊ ကျောက်မဲ၊ နောင်ချို နဲ့ သိန်းနီမြိုတိုမှာတော့ စစ်ကောင်စီအခြေစိုက်တပ်စခန်းတွေကို TNLA က ထိုးစစ်ဆင်တိုက်ခိုက်နေပြီး စစ်ကောင်စီတပ်က လက်နက်ကြီးတွေ အဆက်မပြတ်ပစ်ခတ်နေတာကြောင့် အရပ်သား သေဆုံးမှုနဲ့ စစ်ရှောင်တွေလည်း ရှိနေပါတယ်။

လားရှိးမြိုအနီး အရှေ့ခမ်းရင်ကျားကျိုင်ကျေးရွာအနီးမှာ တပ်စွဲထားတဲ့ ဌာနေပြည်သူ့စစ်စခန်းကို တိုက်ခိုက်စီးနင်း နေသလို နမ့်ခမ်းမြို ပန်းဆေးပြည်သူ့စစ်တပ်စခန်းတွေကိုလည်း ဒီကနေ့ မနက်အစောပိုင်းမှာဘဲ TNLA တပ်တွေက တိုက်ခိုက်စီးနင်းနေပါတယ်။

ဒါ့အပြင် လားရှိးမြိုအဝင် ဟိုပိတ်တိုးဂိတ်ထဲ လုံခြုံရေးယူထားတဲ့ စစ်ကောင်စီတပ်၊ ရဲတပ်ဖွဲတွေကို တိုက်ခိုက်ခဲ့ပြီး တိုးဂိတ်အဆောက်အဦးတွေ ပျက်စီးသွားသလို အဲ့ဒီလမ်းကိုလည်း ပိတ်ထားလိုက်ရပါတယ်။

ဒီတိုက်ပွဲတွေမှာ စစ်ကောင်စီဘက်က လေကြောင်းသုံးတိုက်ခိုက်တာ မရှိသေးဘဲ တိုက်ပွဲ အခြေနေ အသေးစိတ်ကို ဧရာဝတီက ဆက်လက်စုံစမ်းနေပါတယ်။
တိုက်ပွဲတွေက TNLA ရဲ့ လှုပ်ရှားဒေသတွေတင်မကဘဲ မဟာမိတ်ဖြစ်တဲ့ ကိုးကန့်အဖွဲလိုခေါ်တဲ့ မြန်မာအမျိုးသား ဒီမိုကရက်တစ် မဟာမိတ်တပ်မတော် (MNDAA) လှုပ်ရှားဒေသတွေဖြစ်တဲ့ ချင်းရွှေဟော်နဲ့ ကွမ်းလုံမြိုနယ်တိုမှာလည်း ဒီနေ့မနက်ပိုင်းမှာ တိုက်ပွဲတွေ တပြိုင်တည်းဖြစ်နေတယ်လို စုံစမ်းသိရှိရပါတယ်။

26/10/2023

ရုရှားစစ်ဘက်တက္ကသိုလ်ကျောင်းအုပ်နှင့် စစ်ခေါင်းဆောင်တို တွေ့ဆုံ

အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိင်အား ဂုဏ်ထူးဆောင် ပါမောက္ခဘွဲ ပေးအပ်ခဲ့ဖူးသည့် ရုရှား စစ်ဘက်ဆိုင်ရာ တက္ကသိုလ်ကျောင်းအုပ် ဒု ဗိုလ်ချုပ်ကြီး အီဂေါမီရှုသ်ကင်နှင့် စစ်ခေါင်းဆောင်တို ယမန်နေ့က နေပြည်တော်တွင် တွေ့ဆုံခဲ့ကြသည်။

တွေ့ဆုံပွဲတွင် နှစ်နိုင်ငံနှင့် တပ်မတော်နှစ်ရပ်ကြား ပူးပေါင်းဆောင်ရွက်မှု တိုးမြှင့်နိုင်ရေး၊ စစ်ဘက်တက္ကသိုလ် သင်ကြားရေးဆိုင်ရာ ကိစ္စရပ်များနှင့် မြန်မာဘာသာစကား တိုးချဲ့သင်ကြားနိုင်ရေး၊ မြန်မာနိုင်ငံ၌ မြန်မာဘာ သာစကား လာရောက်သင်ကြားခွင့်ရရှိရေးတို ဆွေးနွေးခဲ့ကြကြောင်း စစ်ကောင်စီအာဘော် သတင်းစာများတွင် ဖော်ပြထားသည်။

ရုရှားစစ်ဘက်တက္ကသိုလ်အနေဖြင့် တပ်မတော်နှစ်ရပ်ကြား ဆက်ဆံရေး တိုးတက်အောင် တည်ဆောက်နိုင်မှု၊ စစ်ဘက်နည်းပညာဆိုင်ရာ ဖွံဖြိုးတိုးတက်ရေးဆောင်ရွက်နိုင်မှု၊ ပညာတော်သင်များ စေလွှတ်ခြင်းဖြင့် ချစ်ကြည်ရင်းနှီးမှု ခိုင်မာအောင် လုပ်ဆောင်နိုင်မှုတိုကြောင့်ဟုဆိုကာ ၂၀၂၁ ဇွန် ၂၃ ရက်က စစ်ခေါင်းဆောင်အား ဂုဏ်ထူးဆောင် ပါမောက္ခဘွဲ ပေးအပ်ခဲ့ခြင်းဖြစ်သည်။

ပြီးခဲ့သည့် အောက်တိုဘာ ၁၈ ရက်ကလည်း ရုရှားနိုင်ငံ၊ စိန့်ပီတာစဘတ်မြို ပြည်ပဆက်ဆံရေး ကော်မတီဥက္ကဋ္ဌ Mr. Grigoriev Evgeny Dmitrievich ဦးဆောင်သည့်အဖွဲနှင့် အရှေ့တောင်အာရှဆိုင်ရာ ရုရှားအော်သိုဒေါ့ခရစ်ယာန် ဘုန်းတော်ကြီး His Eminence Metropolitan Sergiy ဦးဆောင်သော ကိုယ်စာလှယ်အဖွဲတို မြန်မာနိုင်ငံလာရောက်ခဲ့သည်။

Mr. Grigoriev Evgeny Dmitrievich ဦးဆောင်သည့် ကိုယ်စားလှယ်အဖွဲအနေဖြင့် အောက်တိုဘာ ၁၈ ရက်က ပြင်ဦးလွင် စစ်တက္ကသိုလ်နှင့် နိုင်ငံ့ဝန်ထမ်းတက္ကသိုလ် (အထက်မြန်မာပြည်) သို သွားရောက်လေ့လာခဲ့ပြီး အခြေခံစစ်ရေးပြနှင့် လက်နက်ငယ်ဘာသာရပ် သင်ယူမှုများ၊ လက်တွေ့ သေနတ်ပစ်ခတ်လေ့ကျင့်မှုများအား လေ့လာခဲ့ပြီး အောက်တိုဘာ ၁၉ ရက်တွင် စစ်ခေါင်းဆောင်နှင့် တွေ့ဆုံခဲ့သည်။

ရုရှားအော်သိုဒေါ့ခရစ်ယာန်ဘုန်းတော်ကြီး His Eminence Metropolitan Sergiy ကလည်း အောက်တိုဘာ ၁၉ ရက်က ရန်ကုန်မြိုတော်ဝန် ဦးဗိုလ်ဌေးနှင့်တွေ့ဆုံပြီး ရန်ကုန်မြို၊ ဒဂုံမြိုသစ် (မြောက်ပိုင်း) မြိုနယ်တွင် ရုရှားအော်သိုဒေါ့ဘုရားကျောင်း တည်ဆောက်မည့်ကိစ္စ ဆွေးနွေးခဲ့ကြသည်။

25/10/2023

ဒီပဲယင်းမြိုနယ်တွင် စစ်ဘေးရှောင် ပြည်သူများ ရာသီတုပ်ကွေးရောဂါ ဖြစ်ပွားနေပြီး အရေးပေါ် ဆေးဝါးနှင့် ရိက္ခာများ လိုအပ်နေ၊ သောင်းနှင့်ချီသော ပြည်သူများ စစ်ဘေးတိမ်းရှောင်နေရ

စစ်ကိုင်းတိုင်း၊ ဒီပဲယင်းမြိုနယ်ရှိ စစ်ဘေးရှောင် ပြည်သူများ ရာသီတုပ်ကွေးရောဂါ ဖြစ်ပွားနေပြီး အရေးပေါ် ဆေးဝါးနှင့် ရိက္ခာများ လိုအပ်နေကြောင်း ဒီပဲယင်းမြိုနယ် ညီနောင်များအဖွဲ တာဝန်ခံ ကိုကြီးဖြိုးက ရန်ကုန်ခေတ်သစ် မီဒီယာသို ပြောဆိုသည်။

အောက်တိုဘာလ ၁၈ ရက်နေ့က စတင်ကာ ဒီပဲယင်းမြိုနယ်အတွင်း အကြမ်းဖက် စစ်တပ်က စစ်ကြောင်းထိုး ဝင်ရောက် လာသောကြောင့် သောင်းနှင့် ချီသော ပြည်သူများ မိုးရေထဲ ထွက်ပြေးတိမ်းရှောင်နေရပြီး စစ်ဘေးရှောင် ပြည်သူများလည်း ရာသီတုပ်ကွေး ရောဂါများဖြစ်ပွားနေကာ အရေးပေါ် ဆေးဝါးနှင့် ရိက္ခာများ လိုအပ်လျက်ရှိကြောင်း သိရသည်။

" ဆေးဝါးတွေ လိုအပ်နေတယ်။ စစ်ဘေးရှောင် ပြည်သူတွေ ရာသီတုပ်ကွေးတွေ ဖြစ်ပွားနေကြ‌တယ်။ မိုးကလည်း နှစ်ရက်ရှိပြီ ရွာတာ စစ်ဘေးရှောင် အရေး ကူညီပေးနေတဲ့ သူတွေလည်း တုပ်ကွေးမိနေတယ်" ဟု ဒီပဲယင်းမြိုနယ် ညီနောင်များအဖွဲ တာဝန်ခံ ကိုကြီးဖြိုးက ပြောဆိုသည်။

အောက်တိုဘာလ ၂၅ ရက်နေ့ အထိ ဒီပဲယင်းမြိုနယ်အတွင်း ကျေးရွာပေါင်း ၁၃ ရွာကျော်မှ ပြည်သူ ၁၀၀၀၀ ကျော် စစ်ဘေးတိမ်းရှောင်နေရပြီး စစ်ရှောင်ဌာန ၁၁ ခု ဖွင့်လှစ်ကာ ကူညီစောင့်ရှောက်လျက်ရှိကြောင်း သိရသည်။

စစ်ဘေးရှောင် ပြည်သူများ ရောက်ရှိလာသည်မှာ ၈ ရက်ကြာမြင့်ပြီဖြစ်ပြီး စစ်ရှောင်ပြည်သူများ ချက်ပြုတ်ကျွေးမွေးရာ ဌာနများမှာလည်း စားနပ်ရိက္ခာ အခက်အခဲရှိလာကြောင်း သိရှိရသည်။

23/10/2023

ရေစကြိုမြို့နယ်၊ ပေါက္ကူကျေးရွာကို စစ်တပ်က ဝင်ရောက်စီးနင်းပြီး ကျေးရွာသား ၂ ဦးကို သတ်ဖြတ်၊ ထွန်စက်၊ ထော်လာဂျီ၊ ဆိုင်ကယ်များနှင့် အဖိုးတန်ပစ္စည်းများကို လုယက်သွားပြီး နေအိမ်များကို မီးရှို့ဖျက်ဆီး

မကွေးတိုင်း၊ ရေစကြိုမြို့နယ်၊ ပေါက္ကူကျေးရွာကို စစ်တပ်က ဝင်ရောက်စီးနင်းပြီး ကျေးရွာသား ၂ ဦးကို သတ်ဖြတ်သွားကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုကြသည်။

အောက်တိုဘာလ ၁၉ ရက်နေ့ မကွေးတိုင်း၊ရေစကြိုမြို့နယ်၊ပေါက္ကူကျေးရွာကို စစ်တပ်က ဝင်ရောက်စီးနင်းခဲ့ကြောင်း၊ ယင်းနောက် စစ်တပ်က ရွာသား ၂ ဦးကိုသတ်ဖြတ်ပြီးရွာကို မီးရှို့ဖျက်ဆီးသွားကြောင်း၊ ထွန်စက်၊ ထော်လာဂျီ၊ ဆိုင်ကယ်၊ စက်ဘီးအားလုံး အပါအဝင် တန်ဖိုးရှိ ပစ္စည်းများကိုလည်း လုယက် ယူဆောင်သွားကြောင်း သိရှိရသည်။

"ရွာကို စစ်တပ်က မနက် အစော‌ကြီး ပစ်ခတ် ဝင်ရောက်လာတာ။ အဲဒီမှာ မပြေးနိုင်တဲ့ ရွာသား ၂ ဦး အဖမ်းခံရပြီး အသတ်ခံရတယ်။ စုစုပေါင်း အိမ်ခြေ ၅၈ အိမ်ထောင်စုမီးလောင်ပျက်စီးသွားတယ်။ ထွန်စက်၊ထော်လာဂျီ၊ ဆိုင်ကယ်၊ စက်ဘီးအားလုံးပါသွားတယ်။ မနက်အစောကြီးပစ်ခတ်ဝင်လာတော့ဘာမှယူဆောင်နိုင်ခြင်းမရှိလို့ အားလုံးပါသွားပါတယ်" ဟု ကျေးရွာသားတစ်ဦးက ရှင်းပြသည်။

မကွေးတိုင်း၊ ရေစကြိုမြို့နယ်တွင် စစ်တပ်က စစ်ကြောင်းများခွဲ၍ ဝင်ရောက်နေသဖြင့် ကျေးရွာများမှ ပြည်သူများ ထွက်ပြေးတိမ်းရှောင်နေရပြီး အရေးပေါ် စားနပ်ရိက္ခာ၊ အဝတ်အထည်နှင့် ဆေးဝါးလိုအပ်နေကြောင်း သိရှိရသည်။

22/10/2023

မကွေးတိုင်း၊ အမှတ် ၁ စစ်ဒေသရှိ မကွေးတိုင်း ကွပ်ကဲရေးရုံးက ဦးစီးသော လက်နက်တပ်ဆင်မှု သင်တန်းဆင်းပွဲ အခမ်းအနား ပြုလုပ်

မကွေးတိုင်း၊ အမှတ် ၁ စစ်ဒေသရှိ မကွေးတိုင်းကွပ်ကဲရေးရုံးက ဦးစီးသော လက်နက် တပ်ဆင်မှု သင်တန်း အပတ်စဥ် ၇ သင်တန်းဆင်းပွဲ အခမ်းအနားပြုလုပ်ခဲ့ကြောင်း သိရသည်။

အောက်တိုဘာလ ၁၉ ရက်နေ့တွင် အမျိုးသား ညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော် PDF ၊ အမှတ် ၁ စစ်ဒေသ၊ မကွေးတိုင်း ကွပ်ကဲရေးရုံးက ဦးစီးသော စုဖွဲ့ လေ့ကျင့် လက်နက်တပ်ဆင်မှုသင်တန်း အပတ်စဥ် ၇ သင်တန်းဆင်းပွဲ အခမ်းအနားကို မကွေးတိုင်းအတွင်းရှိ စိုးမိုးနယ်မြေ တစ်နေရာတွင် ကျင်းပပြုလုပ်ခဲ့ကြောင်း သိရှိရသည်။

အဆိုပါ အခမ်းအနားကို မကွေးတိုင်းပြည်သူ့ကာကွယ်ရေးတပ်မတော် PDF မကွေးတိုင်းတာဝန်ခံ၊ ခရိုင်ရေးထောက် တာဝန်ခံများ၊ တပ်ရင်းမှုး/ဒုတပ်ရင်းမှူးများ တက်ရောက်ခဲ့ပြီး ပြည်သူ့ကာကွယ်ရေးတပ်မတော် အလံကို အလေးပြုခြင်း၊ ကျဆုံးရဲဘော်များကို သတိရအောက်မေ့ ငြိမ်သက်ခြင်း၊ မိန့်ခွန်းပြောကြားခြင်း၊ လက်နက်ပေးအပ်ခြင်း အစီအစဥ်များ ဆောင်ရွက်ခဲ့ပြီး တော်လှန်ရေးသီချင်းများသံပြိုင်သီဆိုကာ အခမ်းအနားကို အောင်မြင်စွာ ကျင်းပပြုလုပ်ခဲ့ကြောင်း၊ အဆိုပါသင်တန်းကို တပ်ရင်းတပ်ဖွဲ့ အသီးသီးမှ PDF ရဲဘော်များနှင့်ပြည်သူ့ကာကွယ်ရေးအဖွဲ့များ(ပကဖ) တက်ရောက်သင်ကြားခဲ့ကြောင်း သိရသည်။

မကွေးတိုင်းကွပ်ကဲရေးရုံးက ဦးစီးသော စုဖွဲ့ လေ့ကျင့် လက်နက်တပ်ဆင်မှုသင်တန်း ၇ ကြိမ်အထိ ပြီးမြောက် အောင်မြင်ထားပြီး သင်တန်းသား ၈၀၀ ကျော် တက်ရောက်ခဲ့ကာ PDF တပ်ရင်း ၂၉ ရင်း ကို လက်နက်များ တပ်ဆင်ထားပြီး ဖြစ်ကြောင်း၊ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေဖြင့် ပြည်ထောင်စုဘတ်ဂျက်မှ ရန်ပုံငွေများ၊ အများပြည်သူလူထု၏ လက်နက်တပ်ဆင်ရေး ပရောဂျက်များအတွက် ထည့်ဝင်လှူဒါန်းမှုများဖြင့် စစ်ပညာသင်တန်းများနှင့်လက်နက်တပ်ဆင်ခြင်းများကို စဥ်ဆက်မပြတ် အားထုတ် ပြုလုပ်လျက်ရှိကြောင်း NUG ကာကွယ်ရေးဝန်ကြီးဌာန ပြည်သူ့ကာကွယ်ရေးတပ်မတော် PDF၊ စစ်ရုံးချုပ် က ထုတ်ပြန်ထားသည်။

22/10/2023

ကနီမြို့နယ်တွင် စစ်အာဏာရှင်ဆန့်ကျင်ရေးဟောပြောပွဲနှင့် တော်လှန်ရေးရုပ်ရှင်ပြပွဲ ကျင်းပပြုလုပ်

စစ်ကိုင်းတိုင်း၊ ကနီမြို့နယ် နွေဦးတော်လှန်ရေးသပိတ်အင်အားစုနှင့် ဒေသခံပြည်သူများ ဦးဆောင်၍ ကနီမြို့နယ် ကျေးရွာများတွင် စစ်အာဏာရှင်ဆန့်ကျင်ရေးဟောပြောပွဲနှင့် တော်လှန်ရုပ်ရှင်ပြပွဲများကို ယမန်နေ့ အောက်တိုဘာလ ၂၁ ရက်နေ့ ညပိုင်းတွင် ကျင်းပပြုလုပ်ခဲ့ကြကြောင်း သိရသည်။
ဓာတ်ပုံ-ပေးပို့

17/10/2023

ထိုင်းနိုင်ငံ အယုဒ္ဓယတွင် အထောက်အထားမဲ့ မြန်မာလုပ်သား ၇၀ နီးပါး ဖမ်းဆီးခံရ

ထိုင်းနိုင်ငံ၊ အယုဒ္ဓယခရိုင်တွင် အလုပ်လုပ်ခွင့်လက်မှတ်မရှိဘဲ တရားမဝင် လုပ်ကိုင်နေသော မြန်မာအလုပ်သမား ၇၀ နီးပါးကို ထိုင်းအာဏာပိုင်များက ဖမ်းဆီးခဲ့ကြောင်း အောက်တိုဘာလ ၁၄ ရက်နေ့ အလုပ်သမားခန့်ထားရေးဌာနက ထုတ်ပြန်ခဲ့သည်။

အူထိုင်းဒေသရှိ ဆောက်လုပ်ရေးလုပ်ငန်းခွင်မှ အလုပ်သမားများနေထိုင်သည့် စခန်းအတွင်း နိုင်ငံခြားသား အလုပ်သမား တစ်ထောင်ကျော်ရှိကြောင်း ရေဆိုးများကို စနစ်တကျစွန့်ပစ်မှုမရှိခြင်း၊ စိုက်ခင်းများအတွင်းမှ သီးနှံများကို မကြာခဏ ခိုးယူခြင်းတို လုပ်ဆောင်နေကြာင်း ထိုင်းရွာသားများက ရဲတပ်ဖွဲကို တိုင်ကြားရာမှ ဖမ်းဆီးခံခဲ့ရခြင်းဖြစ်ကြောင်း သိရှိရသည်။

ယင်းတိုင်ကြားမှုကြောင့် အလုပ်သမားခန့်ထားရေးဦးစီးဌာနနှင့် ပြည်သူ့ကျန်းမာရေးဌာနမှ ဝန်ထမ်းများက အောက်တိုဘာ ၁၂ ရက်နေ့တွင် အလုပ်သမားစခန်းထဲသို သွားရောက်ခဲ့ပြီး အလုပ်သမားများ၏ အလုပ်လုပ်ခွင့် အထောက်အထားများနှင့် နိုင်ငံကူးလက်မှတ်များ ကွင်းဆင်းစစ်ဆေးခဲ့ဟု သတင်းများတွင် ဖော်ပြထားသည်။

၎င်းတိုအနက် အလုပ်လုပ်ခွင့်လက်မှတ်မရှိဘဲ တရားမဝင် လုပ်ကိုင်နေသော မြန်မာအလုပ်သမား ၆၉ ဦးနှင့် ကမ္ဘောဒီးယားအလုပ်သမား ၂၇၈ ဦး စုစုပေါင်း ၃၄၇ ဦးကို စစ်ဆေးတွေ့ရှိခဲ့ကြောင်း ဖော်ပြထားသည်။

၎င်းတိုတွင် နိုင်ငံကူးလက်မှတ်၊ အစားထိုးနိုင်ငံကူးလက်မှတ်၊ အလုပ်လုပ်ခွင့်လက်မှတ် စသည်တိုကို မတွေ့ရှိခဲ့ရသဖြင့် ဖမ်းဆီးခဲ့ကြောင်း ရဲတပ်ဖွဲကဆိုသည်။

ဖမ်းဆီးခံရသူများကို လဝကဥပဒေအရ တရားမဝင် လုပ်ကိုင်နေမှုများဖြင့် အရေးယူခံရမည်ဖြစ်ပြီး အလုပ်ရှင်ကိုလည်း တရားမဝင် အလုပ်သမားခန့်ထားမှုဖြင့် အရေးယူသွားမည်ဖြစ်ကြောင်း ဖော်ပြထားသည်။

အလုပ်သမားခန့်ထားရေးဦးစီးဌာနက အယုဒ္ဓယခရိုင်အတွင်း တရားမဝင် အလုပ်သမားများကို တင်းတင်းကျပ်ကျပ် စစ်ဆေးအရေးယူရန်နှင့် ဥပဒေအရ တရားဝင် အလုပ်သမားများသာ ခန့်အပ်နိုင်သည်ကို အလုပ်ရှင် အလုပ်သမားများကြား သိရှိလာစေရန် ဆောင်ရွက်သွား မည်ဖြစ်ကြောင်း ဖော်ပြထားသည်။

Ref: Thai PBS, CH 7 News HD, Matichon Online

16/10/2023

အကြမ်းဖက်စစ်တပ်နဲ့ ပူးပေါင်းတဲ့ UNOCHA ကဆောင်ရွက်မယ့် AHCTအခင်းအကျင်းမှာ ပါဝင်မှာမဟုတ်ဘူးလို CNC Tanintharyiထုတ်ပြန်

ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိင်းရေးရုံး (UNOCHA)က ဆောင်ရွက်မယ့် AHCT (Aera of Humanitarian Country Team) အခင်းအကျင်းမှာ တနင်္သာရီဒေသ အရပ်ဘက်လူ့အဖွဲအစည်းတွေရဲ့ ကိုယ်စားလှယ်အဖြစ် ပါဝင်မှာ မဟုတ်ဘူးလို CSO Nexus Consortium Tanintharyi က မနေ့က ထုတ်ပြန်ကြေညာပါတယ်။

UNOCHA ရဲ့ AHCTအခင်းအကျင်းမှာ မပါဝင်ရတာဟာ UNOCHAအနေနဲ့ အာဏာသိမ်း အကြမ်းဖက်စစ်တပ်နဲ့ လူသားချင်းစာနာမှုဆိုင်ရာ လုပ်ငန်းတွေ ပူးပေါင်းဆောင်ရွက်နေတာကြောင့်လို CNC Tanintharyi ရဲ့ ထုတ်ပြန်ချက်က ဆိုပါတယ်။

အခုလိုဆုံးဖြတ်တာကို CNC Tanintharyiမှာ ပါဝင်နေတဲ့ အရပ်ဘက်လူထုအဖွဲအစည်းတွေ တွေ့ဆုံးဆွေးနွေးပြီးနောက် မပါဝင်သင့်ကြောင်း ဆုံးဖြတ်ခဲ့ကြတာလို ဆိုပါတယ်။

လက်ရှိမြန်မာနိုင်ငံက ပြည်သူတွေ ခံစားနေရတဲ့ လူ့အခွင့်အရေးချိုးဖောက်မှုတွေရဲ့ အဓိကတရားခံဟာ စစ်တပ်ဖြစ်ပြီး ဒီလိုအကြမ်းဖက်စစ်တပ်နဲ့ UNOCHA က လူသားချင်းစာနာထောက်ထားမှုလုပ်ငန်းစဉ်တွေ ပူးပေါင်းလုပ်ဆောင်မယ်ဆိုတာကို လက်ခံနိုင်စရာမရှိဘူးလို ဆိုပါတယ်။

UNOCHA က စစ်ကောင်စီနဲ့ တွေ့ဆုံဆွေးနွေးခဲ့တာဟာ မြန်မာနိုင်ငံမှာ လူသားချင်းစာနာကူညီမှုဆိုင်ရာအကြပ်အတည်းကို လျော့ပါးစေရမယ့်အစား စစ်ရာဇဝတ်မှုကျူးလွန်နေတဲ့ အကြမ်းဖက်စစ်တပ်ကို အသိအမှတ်ပြု ထောက်ခံအားပေးရာ‌ ရောက်လို ရက်စက်ကြမ်းကြုတ်မှုတွေ တိုးမြှင့်လုပ်ဆောင်လာမှာကိုလည်း အလွန်အမင်းစိုးရိမ်တယ်လို CNC Tanintharyi ကဆိုပါတယ်။

ဒါကြောင့် UNOCHA ကဆောင်ရွက်မယ့် AHCT (Aera of Humanitarian Country Team) လူသားချင်းစာနာထောက်ထားမှုဆိုင်ရာ အခင်းအကျင်းမှာ ပါဝင်ဆောင်ရွက်မှာ မဟုတ်တော့ကြောင်း ပြီးခဲ့တဲ့ အောက်တိုဘာလ ၅ရက်နေ့က AHCT အတွင်းရေးမှူးရုံးကို CNC Tanintharyiက သဘောထားပေးပိုခဲ့တာလို ဆိုပါတယ်။

အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိင်နဲ့ ကုလသမဂ္ဂ လူသားချင်းစာနာထောက်ထားမှုဆိုင်ရာ ညှိနှိင်းရေးရုံး (UNOCHA) ရဲ့ အကြီးအကဲ Martin Griffithsတို ပြီးခဲ့တဲ့ ဩဂုတ်လ ၁၅ရက်နေ့က နေပြည်တော်မှာ တွေ့ဆုံပြီး လူသားချင်းစာနာမှုအကူအညီပေးရေး ကိစ္စတွေ ဆွေးနွေးခဲ့ကြတာဖြစ်ပါတယ်။

#မပါဝင်ကြောင်းထုတ်ပြန်

13/10/2023

မြန်မာဘီယာစက်ရုံ ရှော့တိုက်ဒုံးဖြင့် ပစ်ခတ်ခံရ

ရန်ကုန်တိုင်း၊ မင်္ဂလာဒုံမြို့နယ်ရှိ စစ်တပ်ပိုင် မြန်မာဘီယာစက်ရုံအား ၁၀၇ မမ ရှော့တိုက်ဒုံးဖြင့် ပစ်ခတ်တိုက်ခိုက်ခဲ့ကြောင်း မြို့ပြပြောက်ကျားအဖွဲ့ဖြစ်သည့် URBAN SPECIAL OPERATION (U.S.O) က ထုတ်ပြန်သည်။

တိုက်ခိုက်မှုကို အောက်တိုဘာ ၁၂ ရက် ည ၇ နာရီခန့်တွင် လုပ်ဆောင်ခဲ့ခြင်းဖြစ်ပြီး အတွင်းသတင်းပေး၏ ပူးပေါင်းကူညီမှုဖြင့် တိုက်ခိုက်နိုင်ခဲ့ခြင်းဖြစ် သည်ဟု U.S.O ထုတ်ပြန်ချက်၌ ဖော်ပြထားသည်။

ပစ်ခတ်မှုတွင် ရှော့တိုက်ဒုံး၂ လုံးစလုံး မြန်မာဘီယာစက်ရုံဝင်းအတွင်းသို့ ကျရောက်ခဲ့ပြီး ထိခိုက်ပျက်စီးမှုရှိနိုင်ကြောင်း U.S.O က ဆိုထားသော်လည်း ဧရာဝတီအနေဖြင့် သီးခြားအတည်ပြုနိုင်ခြင်း မရှိသေးပေ။

မင်္ဂလာဒုံမြို့နယ်တွင် နေထိုင်သူတဦးက “ညက ၇ နာရီ ၃ မိနစ်လောက်မှာ ပေါက်ကွဲသံအကျယ်ကြီး ၂ ချက် ကြားလိုက်ရတယ်။ မြန်မာဘီယာစက်ရုံနားတဝိုက်ကပဲ နေရာအတိ အကျတော့ မသိဘူး” ဟု ပြောသည်။

ယင်းစက်ရုံသည် စစ်ကောင်စီ၏ စီးပွားရေးထောက်တိုင်တခုဖြစ်ပြီး လက်ရှိအချိန်တွင် ပြည်သူများ သပိတ်မှောက်ထားကြ၍ ရောင်းအားကျဆင်းလျက်ရှိသောကြောင့် ဖိအားပေးရောင်းချရန် ညွှန်ကြားမှုများရှိလာသဖြင့် တိုက်ခိုက်ရခြင်း ဖြစ်ကြောင်းလည်း U.S.O က ဆိုထားသည်။

U.S.O သည် မြို့ပြအထူးစစ်ဆင်ရေးများ လုပ်ဆောင်မည်ဖြစ်ကြောင်း စက်တင်ဘာ ၁၅ ရက်တွင် ကြေညာခဲ့ပြီးနောက် ယခု တိုက်ခိုက်မှုမှာ စတုတ္ထမြောက်ပြုလုပ်သည့် စစ်ဆင်ရေးတခုလည်း ဖြစ်သည်။
ဓာတ်ပုံ- CJ

11/10/2023

မြန်မာနယ်စပ်ရှိ ယူနီဆက်ဖ် အစီအစဉ်များအတွက် ဒေါ်လာ ၁၀၀,၀၀၀ ထိုင်းအစိုးရ လှူဒါန်း

ထိုင်းအစိုးရကိုယ်စား နိုင်ငံခြားရေးဝန်ကြီး Parnpree Bahiddha-Nukara က မြန်မာနယ်စပ်တလျှောက်ရှိ ထိုင်းယူနီဆက်ဖ်၏ လူသားချင်းစာနာထောက်ထားမှုဆိုင်ရာ အစီအစဉ်များကို ကူညီပံ့ပိုးရန် ဘတ်ငွေ ၃.၆ သန်း (အမေရိကန်ဒေါ်လာ ၁၀၀၀၀၀ နီးပါး) ကို အောက်တိုဘာ ၆ ရက်က လှူဒါန်းခဲ့သည်။ ငွေကြေးပံ့ပိုးမှုအနေဖြင့် UNICEF ၏ မိခင်နှင့်ကလေး ကာကွယ်ဆေးထိုးခြင်း၊ WASH (ရေ၊ သန့်ရှင်းရေးနှင့် တကိုယ်ရေသန့်ရှင်းမှု) အစီအစဉ်များနှင့် ကရင်ပြည်နယ်နှင့် ကယားပြည်နယ်ရှိ အာဟာရဆိုင်ရာလုပ်ငန်းများကို ပံ့ပိုးပေးမည်ဖြစ်ကြောင်း ဝန်ကြီးဌာနမှ သိရသည်။ (ဓာတ်ပုံ- ထိုင်းနိုင်ငံ နိုင်ငံခြားရေးဝန်ကြီးဌာန)

10/10/2023

ဟားမတ်စ်တိုက်ခိုက်မှုမှာ အစ္စရေးကို ကူညီဖို့ အမေရိကန်စစ်သင်္ဘောတွေ စေလွှတ်

ပါလက်စတိုင်း လက်နက်ကိုင် ဟားမတ်စ်အဖွဲ့ရဲ့ အစ္စရေးအပေါ် တိုက်ခိုက်မှုမှာ အမေရိကန်နို င်ငံသားတွေ ထိခိုက်သေဆုံးခဲ့တာကြောင့် သူ့ရဲ့မဟာမိတ်အစ္စရေးအတွက် ကူညီမှုတိုးမြှင့်ဖို့ အမေရိကန်စစ်သင်္ဘောတွေနဲ့ တိုက်လေယာဉ်တွေကို ဖြန့်ကျက်စေလွှတ်လိုက်ပါတယ်။
လက်ရှိဖြစ်ပွားနေတဲ့ ပဋိပက္ခမှာ အမေရိကန်နိုင်ငံသား အများအပြား သေဆုံးခဲ့ကြောင်း အမေရိကန် အရာရှိတစ်ဦးက အေပီသတင်းဌာနသို့ အတည်ပြုပြောဆိုခဲ့ပြီး အရေအတွက်ကို ရှင်းရှင်းလင်းလင်း မသိရသေးဘူးလို့ ဆိုပါတယ်။
“ဟားမတ်စ်တွေရဲ့ ရက်စက်တဲ့ အကြမ်းဖက်တိုက်ခိုက်မှုကြောင့် အစ္စရေးပြည်သူတွေနဲ့ သူတို့ ရဲ့ချစ်ခင်ရသူတွေကို ဆုံးရှုံးခဲ့ရတဲ့ မိသားစုများစွာနဲ့အတူ ကျွန်တော့်တို့တွေ ဆက်လက်ရှိနေ မှာပါ” လို့ အမေရိကန် ကာကွယ်ရေးဝန်ကြီး လွိုက်အော်စတင်ရဲ့ ထုတ်ပြန်ချက်မှာ ဖော်ပြထား တာပါ။
အစ္စရေးအပေါ် ဟားမတ်စ်အဖွဲ့ရဲ့ တိုက်ခိုက်မှုကို တုံ့ပြန်ဖို့ သမ္မတဘိုင်ဒင်နဲ့ အသေးစိတ် ဆွေးနွေးမှုပြီးနောက် ဒေသတွင်းကာကွယ်တားဆီးရေး လုပ်ငန်းစဉ်တွေ အားကောင်းလာစေဖို့ အဆင့်ပေါင်းများစွာ ညွှန်ကြားထားတယ်လို့ သူက ဆိုပါတယ်။
ဝန်ကြီးအော်စတင်က ဒီအရေးမှာ ရေတပ်စစ်သား ၅၀၀၀ နီးပါးအပြင် စစ်လေယာဉ်တွေ၊ ဘယ်အရာကိုမဆို တုံ့ပြန်ဖို့ အသင့်ရှိနေတဲ့ အမေရိကန်ရေတပ်ရဲ့ နောက်ဆုံးပေါ်အဆင့်မြင့်ဆုံး လေယာဉ်တင်သင်္ဘော ယူအက်စ်စ်ဂျီရတ်အာဖို့ဒ်တို့ကို တပ်ဖြန့်ချထားဖို့ အမိန့်ပေးခဲ့ပါတယ်။
ဒါ့အပြင်အမေရိကန်ဟာ အစ္စရေးသို့ ဒရုန်းကျည်ဖျက်သင်္ဘောတို့ကိုလည်း စေလွှတ်ထားပြီး လေတပ်တိုက်လေယာဉ်တွေကိုပါ တိုးချဲ့ဖြန့်ကျက်သွားမယ်လို့ ဆိုပါတယ်။
ဂါဇာမှ လေကြောင်းတိုက်ခိုက်မှုကြောင့် နှစ်ဘက်စလုံးလူပေါင်းထောင်ကျော် အသက်ဆုံးရှုံးခဲ့ရပြီး အစ္စရေး ဝန်ကြီးချုပ် ဘန်ဂျာမင်နေတန်ယာဟုက ဒီတိုက်ခိုက်မှုကို အမေရိကန်ရဲ့ ၉/၁၁ အကြမ်းဖက်တိုက်ခိုက်ခံရ မှုကဲ့သို့ဖြစ်ကြောင်း ပြောဆိုခဲ့ပါတယ်။
အမေရိကန်သမ္မတ ဂျိုးဘိုင်ဒင်နဲ့ဝန်ကြီးချုပ် နေတန်ယာဟုတို့ကလည်း ပဋိပက္ခအတွင်း မိသားစုတွေ၊ သက်ကြီးရွယ်အိုတွေ၊ ကလေးသူငယ်တွေအပါအဝင် ဟားမတ်စ်အကြမ်းဖက် သမားတွေရဲ့ ဓါးစာခံအဖြစ် ဖမ်းဆီးခံထားရတဲ့သူတွေ ပြန်လည်ခေါ်ယူနိုင်ရေးအတွက် ဆွေးနွေးခဲ့ကြောင်း အိမ်ဖြူတော်ရဲ့ထုတ်ပြန်ချက်မှာ ဖော်ပြခဲ့ပါတယ်။
တစ်ချိန်တည်းမှာပဲ ကုလသမဂ္ဂလုံခြုံရေးကောင်စီကလည်း တံခါးပိတ် အရေးပေါ်အစည်းအဝေး တစ်ရပ်ကျင်းပခဲ့ပြီး “ဟားမတ်စ် စစ်အုပ်စုရဲ့ ရက်စက်ကြမ်းကြုတ်တဲ့ အကြမ်းဖက်တိုက်ခိုက်မှု” ကို ပြင်းပြင်းထန်ထန် ရှုတ်ချဖို့ အမေရိကန်က တောင်းဆိုထားပေမယ့် အဖွဲ့ဝင် ၁၅ နိုင်ငံစလုံးက ချက်ချင်းတုံ့ပြန်မှု မရှိသေးပါဘူး။
ပြီးခဲ့တဲ့ စနေနေ့တုန်းက ဟားမတ်စ်အဖွဲ့ရဲ့ အစ္စရေးအပေါ် တိုက်ခိုက်မှုတွေ ပြုလုပ်ခဲ့ပြီးနောက် အစ္စရေးဘက်ကလည်း တန်ပြန်တိုက်ခိုက်မှုတွေ လုပ်ဆောင်နေတာကြောင့် လက်ရှိမှာတော့ အစ္စရေးနဲ့ ပါလက်စတိုင်းမှာ သေဆုံးသူ ၁၀၀၀ ကျော်အထိ မြင့်တက်လာတယ်လို့ ကုလသမဂ္ဂရဲ့ အချက်အလက်တွေအရ သိရပါတယ်။
Ref: Outlookindia

Address

Website

facebook.com

Alerts

Be the first to know and let us send you an email when Daily News For People posts news and promotions. Your email address will not be used for any other purpose, and you can unsubscribe at any time.

Videos

ကုလသမဂ္ဂအထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် နိုလင်းဟေဇာ ထံမှ နှစ်သစ်ကူး သဝဏ်လွှာ

"စစ်ဖိနပ်အောက်ဒူးမထောက်ဘူး"ဆိုတဲ့ ကြွေးကြော်သံနဲ့ မန္တလေးသပိတ် (ရုပ်/သံ) ဧရာ၀တီ၊ စက်တင်ဘာ ၂၁၊ ၂၀၂၁ မန္တလေးတပ်ပေါင်းစုသပိတ်ဟာ ဒီကနေ့ စက်တင်ဘာ ၂၂ ရက်နေ့မှာ ၈၄ မိန်းလမ်းမကြီးပေါ်အထိတက်ပြီး စစ်အာဏာရှင်တွေကို ဆန့်ကျင်ဆန္ဒပြခဲ့ကြပါတယ်။ စစ်ကောင်စီတပ်တွေရဲ့ ဖမ်းဆီးနှိပ်စက်မှုတွေ ရှိနေပေမယ့် မန္တလေးက သပိတ်တွေဟာ ရပ်တန့်သွားခြင်းမရှိပဲ တရက်မပြတ်စစ်အာဏာရှင်ကို ဆန့်ကျင်ဆန္ဒပြလျက်ရှိပါတယ်။ ဒီကနေ့မှာတော့ "မုဆိုးခြေထောက် စူးမကြောက်ဘူး" "စစ်ဖိနပ်အောက်ဒူးမထောက်ဘူး" "ဖမ်းဆီးခံ ကျောင်းသား၊ ပြည်သူများ ချက်ချင်းလွှတ်"စတဲ့ ကြွေးကြော်သံတွေနဲ့ စစ်အာဏာရှင်တွေကို ဆန္ဒပြခဲ့ကြပါတယ်။ ဖေဖော်ဝါရီလ ၁ ရက်နေ့က စစ်အာဏာသိမ်းခဲ့ပြီးတဲ့နောက် ဖေဖော်ဝါရီ ၄ ရက်နေ့မှာ ဒေါက်တာတေဇာဆန်း ဦးဆောင်ပြီး မန္တလေးမှာ စစ်အာဏာရှင်ကို ပထမဆုံးဆန့်ကျင်

အမျိုးသားညီညွတ်ရေးအစိုးရ၊ ပြည်ထောင်စုသမ္မတမြန်မာနိုင်ငံတော် ယာယီသမ္မတကြီး ဒူဝါလရှီးလမှ ပြည်သူလူထုများသို့ လက်တလောဖြစ်ပေါ်နေသည့် စစ်ရေး ပဋိပက္ခအခြေအနေများနှင့်ပတ်သက်ပြီး အရေးပေါ်ပြောကြားသည့် မိန့်ခွန်း

အာဏာသိမ်းစစ်ကောင်စီ၏ စစ်ကားတစ်စီး မိုင်းထိ ပေါက်ကွဲ ========= အာဏာသိမ်းစစ်ကောင်စီ၏ စစ်ကားတစ်စီး မိုင်းထိ ပေါက်ကွဲသည့် ဗီဒီယိုမှတ်တမ်း လူမှုကွန်ရက်များတွင် ပျံ့နှံ့နေပြီး မည်သည့်ဒေသတွင် ဖြစ်ပွားကြောင်း နှင့် သေဆုံးသူ အရေအတွက်ကိုတော့ မသိရပါ။ VDO: PDF

အာဖဂန်နစ္စတန် သမ္မတနန်းတော်သို့ တာဘီဘန်တို့ ရောက်ရှိသိမ်းပိုက်လိုက်ပြီပါပြီ။ နိုင်ငံနာမည်ကိုလဲ Islamic Emirates of Afghanistan လို့ကြေညာတော့မည် ဖြစ်သည်။ Crd. Al Jazeera English (Exclusive)

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

19/02/2024

14/02/2024

01/02/2024

19/01/2024

10/01/2024

12/12/2023

06/12/2023

28/11/2023

09/11/2023

07/11/2023

07/11/2023

01/11/2023

27/10/2023

26/10/2023

25/10/2023

23/10/2023

22/10/2023

22/10/2023

17/10/2023

16/10/2023

13/10/2023

11/10/2023

10/10/2023

Address

Website

Alerts

Videos

Shortcuts

Share