Afghani

Home
Afghani

أسمي حمزة أفغاني رحال ومغامر فلسطيني مقدسي ومن هالصفحة راح نتعرف مع بعض على المناطق في فلسطين والعالم

22/11/2023

كيف عايشين داخل أسوار القدس في البلدة القديمة
لفة صغيرة مع الجزيرة لنحكيلكم شوي عن حياتنا
الفيديو مجرد لمحة صغيرة
شكراً لقناة الجزيرة ولفريق العمل

01/09/2023

مغامرة جديدة إنزال على شلال أرتفاعه 42 متر من أجمل الشلالات الموجودة في الجولان
جهزولي حالكم معي لمغامرات كلها أدرينالين بتسنا فينا انه نعيشها في الطبيعة

26/06/2023

أسبوع في المملكة المغربية لا يكفي
بس هالمرة رحلتي كانت مختلفة عن جميع رحلاتي لانها دعوة من وكالة بيت مال القدس الشريف لمؤثرين وصانعي محتوى فلسطينين
سعيد جداً في هالتجربة الجديدة يلي قدرت من خلالها أتعرف على القليل من الأماكن في المغرب
والأهم من كل هادا الشعب المغربي، كنت دايماً احكي معقول في شعوب بتحب فلسطين وأهلها للهدرجة ما صدقت إلا لما شفت في عيني ،
وان شاء الله في كل دولة أسافرلها أتعرف على ناسها وأماكنها وطبيعتها واقدر أحكيلكم قصصي وتجاربي
وكالة بيت المال القدس الشريف شكراً على الدعوة والإستضافة يلي كانت أكثر من رائعة

#المغرب

21/04/2023

أجواء العيد في المسجد الأقصى" عيد الفطر"

12/04/2023

100 ألف صديق ومتابع على instagram
كلي فخر في المحتوى يلي بقدمه للجميع
ان شاء الله دايماً أقدر أفيد أهل بلدي وجميع العالم
والمزيد من المعلومات والأماكن والمغامرات
والتحسين من اجل الأتي ❤️🇵🇸

30/03/2023

أغرب الحيوانات في الكرة الأرضية ويلي مهددة في الإنقراض

25/03/2023

٧٢ يوم في ترحالي حول العالم
كانت أعظم تجربة في حياتي
تجربة جديدة وتحدي كبير
لأني إخترت أخوض هالتجربة وأسافر كل هادي الأيام لحالي ، يعني " فقط أنا وشنطتي " يلي كانت بيتي المتنقل يمكن كثير منكم راح يستغرب كيف قدرت أعمل هيك بس بحب أحكيلكم انها أعظم تجربة عملتها في حياتي و بلا منازع
أكيد كل شخص بالدنيا عنده شغف لو حتى لسا مش ملاقيه
و انا هادا شغفي الكبير في هالدنيا " إكتشاف العالم "
لما أتعرف على منطقة جديدة أو ألتقي في حيوان جديد أو قبائل جديدة ومختلفة
هادا بكون قمة نشوتي
الموضوع لم يكن سهل ومرقت في أيام صعبة وفعلاً هادا يلي كان مطلوب أختبر حالي
هل أنا بقدر أعيش وأتأقلم وأنجح في كل التحديات والإختبارات و المغامرات يلي راح تصير معي ؟؟؟
٧٢ يوم مش أيام قليلة وكفيلة اني أعرف فيها حمزة أكثر وأكثر
إبتدأت الرحلة في تاريخ ٩/١/٢٠٢٣ ويلي بصادف يوم ميلادي ال ٢٧ سنة
وهيك طبقت ٢٧ سنة في دولة جديدة ويلي كانت الدولة المنتظر اني أزورها وهي الفلبين 🇵🇭❤️
وبعد ما خلصت شهر في الفلبين سافرت دولة أندونيسا🇮🇩 وتحديداً في جزيرة بالي واخر دولة كانت ماليزيا 🇲🇾 كثير عشت تجارب ووثقت كلشي ان شاء الله خلال الايام القادمة راح اعرض كتير من القصص
وحابب أحكي قدام كل العالم أني فخور جداً في ديني وفخور جداً بنفسي و بأهلي
"أبوي وأمي " الشكراً ألكم يلي تركوني أعمل هالمغامرة يلي بستناها من سنين بدون ما تضعطوا عليي
رغم الخوف والقلق وهادا الأشي الطبيعي يلي راح ينتاب أي والدين على ولدهم
بس الحياة اذا ما بنعيشها بالطريقة يلي بتحسسنا أنه أحنا أحياء بالنهاية راح نموت بدل المرة مرتين
واخر اشي بختم في رسالة لكم جميعاً
ان شاء الله كل شخص يعيش حياته متل مهو نفسه يعيشها
طول ما علاقتكم في ربكم منيحة ومحضرين حالكم … وكافيين شركم عن سائر مخلوقات ربنا
ما تخافوا من أي أشي وعيشوا حياتكم ❤️

#الفلبين #اندونيسيا #ماليزيا

23/03/2023

أول صلاة تراويح في أولى القبلتين ❤️

18/03/2023

أجمل منطقة زرتها في حياتي لحد الأن
أسمها بحيرة البراكودا موجودة في الفلبين وتحديداً في جزيرة بالاوان " كورون " قد ما اقعد احكيلكم عنها مش راح أوفيها حقها الفيديو هادا أكبر برهان في حال سافرتوا الفلبين لازم تخلوا هادي المنطقة من أولوياتكم
📍barracuda lake

17/03/2023

أندونسيا ' جزيرة بالي
عيونكم راح تشبع من كمية الخضار يلي بالصور
هادا مجرد مكان واحد في جزيرة بالي وتحديداً في الشمال الناس يلي بتحب الأدرينالين والقفز هادا أفضل محل في كل جزيرة بالي
📍Aling Aling Waterfall
وفي داخل المحمية أكثر من قفزة وشلال
أول قفزة 5 متر
ثاني قفزة 10
وأكبر قفزة والأخيرة 15 متر

09/03/2023

"قرش الحوت "هادا المخلوق يلي خلاني أحب دولة كاملة من قبل ما أسافر لها ولما بلشت رحلتي في استكشاف الفلبين بقدر احكي انه الفلبين جنة من جنان الأرض
بالأيام القادمة راح أعمل فيديوهات اكثر عنها
وبالنسبة للمنطقة يلي سبحت فيها مع قرش الحوت أسمها oslob في مقاطعة "سيبو"
تجربة واحدة غير كافية بالنسبة لألي فجربت مرتين السباحة مع قرش الحوت في oslob
وراح أروح على كمان جزيرة على عشان أجرب للمرة الثالثة
والتجربة الثالثة راح تكون مختلفة ليش بالأيام القادمة بتعرفوا

08/03/2023

قديش إنتظرت هاللحظة ، وأخيراً التقينا
مع أضخم المخلوقات البحرية

27/02/2023

مش بس الجزيرة حلوة وناسها كمان
البيت يلي نزلت فيه بالجزيرة كبير زي الغابة
وصحاب البيت طيبين لدرجة حسيت معهم اني فرد من عيلتهم ، ثلاث أيام كل يوم افيق الصبح الختيارة تحضرلي الفطور واقعد معها شوي قبل ما أبدأ رحلة اكتشافي للهحزيرة وبس ارجع تكون محضرة العشا يلي راح عليي مرتين لاني بكون بكتشف مكان جديد وبتأخر لانه العشا ع الساعة سبعة بالليل وانا عالساعة سبعة بكون عندك ضايع في مكان بالهحزيرة بس اخلص ضيعان برجع وبتعاود تسخنلي الأكل ، حبيتها لهالختيارة قد ما قلبها طيب وضحكتها ما بتفرقها رغم انه لحالها بدون عيلة وصحاب البيت هم عيلتها التانية ، ان شاء الله تكون هالختيارة جد سعيدة في حياتها❤️

24/02/2023

وصلت على جزيرة منفصلة عن باقي الجزر
من بين ألاف الجزر هادي الجزيرة "مستقلة "ما في طريقة الواحد يوصلها إلى عن طريق الباخرة
عايشين فيها بشر بس عددهم قليل
بعد ما وصلت ونزلت عالجزيرة طلعت حاجز في منطقة للمبيت بعيدة كثير
ميت من التعب و جعان قلت بروح بتعشا بعدين بشوف شو بدي أعمل في باقي القصص
إستأجرت فيسبا وحملت شنتي ع ظهري وابتدأت في رحلة البحث عن طعام حلال
اشتريت طعام واتعشيت والدنيا بتمطر عليي بس مش مشكلة بدي اخذ طاقة وأكمل باقي طريقي ،
عبيت بطني , الحمد الله
هلأ بلشت أصحصح
كان عندي حلين
يا اني بلغي الحجز وبعاود بحجز في محل قريب وبريح راسي من كل القصة
يا اني بعيش مغامرة جديدة سواقة بالليل في طريق معتمة تحت المطر لمدة ساعة وعشر دقائق وانا ميت تعب وما راح أعرف شو الطريق مخبتلي ,
طبعاً انا شو أخترت
الطريقة المتعبة
وبلشت رحلتي بعدين قلت حرام أضلني حامل شنتي ع ظهري وانا بسوق ، كثير ثقيلة
قعدت أدور على حبل وانا ماشي في الماطور ما لقيت ، لوصلت على أول بقالة صغيرة قلت بسأل بجرب
كان في البقالة ختيار وهو مرته
قدرت اني افهمه بدي حبل عشان اربط الشنتة طلع في عنده حبل وحل المشكلة الكبيرة مش بس هيك الختيار بنفسه بدور يربطلي الشنتة
يعني مش بس الدولة جنة على الأرض كمان شعبها رائع بعدين راح احكيلكم عنهم ، وبعد ما ربطت الشنتة كملت مشواري
دخلت طرق للأمانة اذا بصيرلي أشي ولا حدا راح يدرى عني كانت رحلة ممزوجة في الخوف والتحدي والادرينالين وأمل اني أوصل للمبيت صعب أشرحلكم قديش التجربة هادي الصغيرة أثرت فيي
بس شو فايدة رحلتي اذا مش راح اعيش مغامرات أضلني متذكرها طول حياتي
وما زالت الرحلة مستمرة … 🌍

20/02/2023

فرحتي بهالطقية زي يلي ملاقي مليون دولار
كنت موجود في جزيرة وشفت زلمة لابس هالطقية
قلتله من وين بقدر أشتري هيك طقية
قلي انا بصنعهم بأيدي بدك أصنعلك وحدة جديدة
قلتله يا ريت بكون سعيد اذا بملك هيك طقية وانا كنت في جولة ورايح أزور أعجوبة من عجائب الدنيا السبعة وبعدين بحكيلكم عن الرحلة في الها فيديو
قلي الزلمة كمل رحلتك ولتخلص انا بجيبلك الطقية لعندك
وفعلاً بس خلصت الجولة لقيته بستناني عشان يعطيني الطقية
أشتريتها في ثلاثة دولار يعني ١٠ شيكل تخيلوا ما أبسط هالرقم بالنسبة لألنا
الطقية صنع يدوي من أوراق جوز الهند وأكيد مش سهل الواحد يصنع هيك طقية بشكل أحترافي وصنع يدوي
أنا متأكد انه في حياتي كلها ما راح ألاقي نفس الدولة يلي انا موجود فيها ولا نفس ناسها يلي بنحطوا على الجرح بطيب
ما خاب ظني في دولة الأحلام ❤️

19/02/2023

في بقعة من بقاع الكرة الأرضية

17/02/2023

🙈🙉🙊

16/02/2023

اليوم الأربعون في ترحالي حول العالم
وما زالت الرحلة مستمرة…🌍

03/02/2023

في الغابة قانون يسري في كل مكان 🌿

07/01/2023

الأردن كما لم تشاهدوها من قبل
فخور جداً بهادا الفيديو لاني عملته من قلبي،ومتأكد راح يوصل لقلبكم

11/12/2022

إنطلقت في رحلتي الفردية لإستكشاف الأردن
وهادي الزيارة الأولى لي
انهيت لفتي في شمال الأردن
وبعدين توجهت إلى جنوبها وانا بالطريق إلى العقبة شفت مخيم كبير لفتني المنظر ونزلت أشوف شو في بداخله طلع مخيم للاجئين السوريين
ما كنت مخطط لهيك تجربة بس هادي التجربة صنعت لي يومي
لما نزلت وحاولت اني أسعد الأطفال يلي هناك ،
أمي قبل ما ترجع على فلسطين اعطتني كيس " أشي زاكي " وخلته بالسيارة عشان إذا أنقطعت من الأكل يكون لي هادا الكيس وجبة خفيفة هيك قلب الأم ووضعته في السيارة يلي مستأجرها بس كان هادا الكيس من نصيب هدول الأطفال يلي شافوا الكيس كنز وأسعدهم ، بس فعلاً انا يلي كنت سعيد بسعادتهم
أسأل الله الفرج للجميع

29/11/2022

الغروب الأجمل في حياتي ❤️

29/11/2022

عمري في حياتي ما راح أنسى هالمنظر
أجمل غروب شمس بشوفه بحياتي كلها
في أقصى جنوب بلدي الحبيب ❤️

18/11/2022

ليش الناس بتغرق في بحيرة طبريا
وهل بحيرة طبريا خطر السباحة فيها
https://www.instagram.com/Hamzeh_Afghani/

17/11/2022

حديقة مجانية بتبعد عن القدس 15 دقيقية ومناسبة للجميع عائلات أطفال وخاصة أنه أهلنا بالضفة بقدروا يدخلوها
https://www.instagram.com/Hamzeh_Afghani/

03/11/2022

وطني الحبيب 🇵🇸
فلسطين وتحديداً في حيفا
📍سويسرا الصغرى
Waze: שוויצריה הקטנה
جد بنصح الجميع يزوره
كلشي كوم وهادا الأطلالة كوم تاني 🌿

26/10/2022

المسارات اليلية دنيا تانية 🌒🌿

25/10/2022

صباح الخير
بدي أحذر الجميع اليوم من النظر مباشرة إلى الشمس بالعين المجردة
لانه راح تصير ظاهرة الكسوف
وظاهرة الكسوف القمر يمر جزئياً أمام الشمس ليغطي معظمها
ديروا بالكم وحذروا أولادكم
النظر مباشرة إلى الشمس بدون نظارة الكسوف بيسبب مشاكل
وراح تكون فعالية مجانية مع الجمعية الفلكية الفلسطينية لرصد هادي الظاهرة عبر نظارات مخصصة للكسوف في منتزه روكفيلر بالقدس
الجمعية الفلكية الفلسطينية - The Palestinian Astronomical Society

23/10/2022

كل يوم بنعيشه هو هدية من ربنا
والله في حكي كتير نفسي اكتبه
بس عشان شفت الموت في عيوني بدي أحكي هالكم من كلمة البني ادم ما بعرف متى راح يكون دوره ومع القصص يلي بنشوفها وبنسمع عنها بطل الموت يخوفني ،
وبعرف انه فش بني ادم جاهز بس على قد ما بتقدروا خلي صفحتكم بيضا مع ربكم
وحصنوا حالكم منيح وفي أسفاركم دائماً أقرأوا دعاء السفر
ومش ضروي يصير معكم موقف او تشوفوا الموت عشان ترجعوا لربكم
عيشوا كل يوم كأنكم مفارقين
الدنيا مش مستاهلة كل هالتعب
والله يحمي ويهدي بالي الجميع

10/10/2022

الجولة الأولى مع مجموعتي في أرضنا فلسطين الحبيبة 🇵🇸
الحمد الله كانت جولة رائعة وأكثر مما توقعت انها تكون
تجولنا في جبلين من جبال فقوعة ( جبل قليلة و وجبل برقان )
ومن ثم مسار مائي في مدينة بيسان والسباحة في عيون بيسان
( عين المجدل ' عين الجوسق وعين الضبعة )
وهذه مجرد البداية ان شاء الله من جولاتنا في فلسطين 🌿

05/10/2022

يعطيكم العافية اهم اشي ما تنسوا ملابس وحذاء احتياطي لانه مسارنا مائي وفي سباحة يلي حابب انه يسبح ، راح نتجمع بجانب فندق الجروسليم بالقدس بجانب محطة الباصات وننطلق الساعة السابعة صباحاً

04/10/2022

قصة "قرية الغجر " بعد إغلاق 22 سنة

‏https://www.instagram.com/Hamzeh_Afghani/

22/09/2022

مسار عين التينة
من أجمل المسارات يلي في بلادنا مسار مجاني ومناسب لجميع الأعمار

‏https://www.instagram.com/Hamzeh_Afghani/

29/09/2021

into the blue

18/08/2021

درب التبانة 🌌

18/08/2021

كثير في كلام نفسي اكتبه بس راح أختصر الحكي من خلال الفيديوهات يلي راح نعملها عن جميع مناطق بلدنا فلسطين وهادا الفيديو الأول يلي صورنا بأعتم منطقة في النقب عشان نشوف جزء من مجرتنا درب التبانة والنجوم هادي مجرد بداية بأذن الله والقادم أفضل ...
رابط القناة https://youtu.be/8WJs-B0LExI

29/07/2021

من أجمل المناطق يلي في بلدنا هادي المغارة
موجودة في شاطئ الطنطورة بمدينة حيفا
الشاطئ ،اليوم هو محمية ضمن سلطة الطبيعة أستخدموا Waze عشان توصلوا

‏Use Waze to drive to המערה הכחולה, חוף הבונים, הבונים: https://waze.com/ul/hsvbcdwjw

* لما توصلوا في عندكم خيارين يا بتصفوا السيارة داخل المحمية وبتدفعوا عليها 36 شيكل
يا بتدبروها خارج منطقة المحمية بدون ما تدفعوا بس بدكم تمشوا شوي
* بعد ما توصلوا عالشاطئ بتمشوا بأتجاه غرفة المنقذ و بتكملوا مشي حوالي 5 دقايق في طلعة خفيفة بين الصخور و هيك بتوصلوا المغارة 😎🤙🏽

ما كنت مخطط أني أروح أزور المغارة كلشي أجى صدفة بعد يوم تخييم عالبحر وشوية مشي في (وادي القرن)
بس أن شاء الله بالأيام القادمة راح أعمل فيديو وأشرح فيه عن كلشي بهادي المنطقة وغيرها 🤙🏽❤️

10/04/2021

📍صفد
״عين يردة "

هادي المنطقة وصلتها بالصدفة وما كنت مخططلها بعد تخييم 4 أيام فش شمال فلسطين

استخدم Waze للقيادة إلى נחל מחניים: https://waze.com/ul/hsvc7c8jgd

03/04/2021

بعد 8 أيام بالنقب
من خلالهم كملت مشواري في التعرف على أرضي والمناطق الموجودة فيها
كملت يومين في مدينة (أم الرشراش) في البحر الأحمر مع أصدقائي
بس هادا الموقف يلي صار معنا عمري ما راح أنساه كل حياتي
قدرنا بفضل ربي وبفضل همتنا ننقذ روحين من الأختناق والغرق
يلي صار أنه طلعنا بالبراشوت كنا 8 ركاب وسائق المركبة ومساعده
أول ثنين طلعوا صديقي أبراهيم وأخوه بعدين أنا وصديقي صلاح وبعدين أثنين بنعرفهمش
وكان معنا بنتين طلعوا أخر أشي وهم فعلياً كانو خايفين من أنهم يطلعوا المهم طلعوا
بأخر دقيقة وهو قاعد بسحب فيهم عالمركبة على أرتفاع 10 متر تقريباً
(البراشوات )يلف مع الهوا بكل قوة ويوقع بالبحر
أنا من المنظر أنصدمت بطلع قاعد عالسائق هو والمساعد يلي معه مصدومين وبطلوا عارفين يعملوا اشي والبنات يلي وقعوا قاعدين بغرقوا وبختنقوا
أنا من الحرارة والموقف نطيت بالبحر بكل قوة وسباحة بكل سرعتي عليهم قدرت أني أمسك البنتين وما أخليهم يبلعوا ويختنقوا من المي والحمد الله لقيت أصدقائي نازلين معي لأني بطلت قادر أسيطر عليهم لأنهم مربوطين قدرنا أنو نفكهم وأنقذناهم بفضل رب العالمين
والسائق والمساعد لساهم على المركب ومش عارفين شو يعملوا
أكيد ما ستنيت أنه حد يشكرني ويحكيلي أنك بطل قدرت تنقذ أرواح
بفتخر بشغلي كمنقذ بعيداً عن كلشي عملته هو يلي ساعدني اني أقدر أقفز بدون ما أتردد ولا أخاف لأنه عارف ومتأكد أني راح أنقذهم بفضل ربنا
وواجبي كأنسان أني اشوف حد قاعد بموت وأنقذه الحمد الله على كلشي ❤️

20/03/2021

Dead Sea at night 23:42 PM
📍البحر الميت “ وادي درجة "

Address

Website

https://m.youtube.com/channel/UCdbRuAQUHoblfYOCohgSgxA

Alerts

Be the first to know and let us send you an email when Afghani posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Afghani:

Videos

والسؤال ليش #old_city #reels #facebook #jerusalem#oldcity #meta

كيف عايشين داخل أسوار القدس في البلدة القديمة

كيف عايشين داخل أسوار القدس في البلدة القديمة لفة صغيرة مع الجزيرة لنحكيلكم شوي عن حياتنا الفيديو مجرد لمحة صغيرة شكراً لقناة الجزيرة ولفريق العمل

هذه الخريطة احفظوها وعلموها لأولادكم#اكسبلور #خريطة #الوطن #أرضناز##reels

حقيقة أم حلم #world#life#new #soon

العودة إلى فلسطين بعد 40 سنة #فلسطين#القدس#الوطن#البلدة_القديمة

مغامرة في أعمق مغارة ملحية في العالم بالبحر الميت راح تكون يوم الجمعة للتسجيل تواصلوا معي عصفحة الأنستا #رحلات #مغامرات# #hiking #nature #travel #traveler

أعمق مغارة ملحية في كل العالم #mercuryretrograde #onam #ahsoka #totocutugno #loganpaul

أجواء العيد في المسجد الأقصى " عيد الفطر "

أجواء العيد في المسجد الأقصى" عيد الفطر"

معقول تكون هادي الجمعة الأخيرة من شهر رمضان المبارك

أغرب الحيوانات في الكرة الأرضية ويلي مهددة في الإنقراض

أول صلاة تراويح في أولى القبلتين ❤️

أجمل منطقة زرتها في حياتي لحد الأن 📍barracuda lake, Philippines 🇵🇭

أجمل منطقة زرتها في حياتي لحد الأن أسمها بحيرة البراكودا موجودة في الفلبين وتحديداً في جزيرة بالاوان " كورون " قد ما اقعد احكيلكم عنها مش راح أوفيها حقها الفيديو هادا أكبر برهان في حال سافرتوا الفلبين لازم تخلوا هادي المنطقة من أولوياتكم 📍barracuda lake

تجربة السباحة مع قرش الحوت

"قرش الحوت "هادا المخلوق يلي خلاني أحب دولة كاملة من قبل ما أسافر لها ولما بلشت رحلتي في استكشاف الفلبين بقدر احكي انه الفلبين جنة من جنان الأرض بالأيام القادمة راح أعمل فيديوهات اكثر عنها وبالنسبة للمنطقة يلي سبحت فيها مع قرش الحوت أسمها oslob في مقاطعة "سيبو" تجربة واحدة غير كافية بالنسبة لألي فجربت مرتين السباحة مع قرش الحوت في oslob وراح أروح على كمان جزيرة على عشان أجرب للمرة الثالثة والتجربة الثالثة راح تكون مختلفة ليش بالأيام القادمة بتعرفوا

في بقعة من بقاع الكرة الأرضية

الأردن كما لم تشاهدوها من قبل فخور جداً بهادا الفيديو لاني عملته من قلبي،ومتأكد راح يوصل لقلبكم

الغروب الأجمل في حياتي ❤️

خطر السباحة في بحيرة طبريا

ليش الناس بتغرق في بحيرة طبريا وهل بحيرة طبريا خطر السباحة فيها https://www.instagram.com/Hamzeh_Afghani/

Shortcuts

Address
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

22/11/2023

01/09/2023

26/06/2023

21/04/2023

12/04/2023

30/03/2023

25/03/2023

23/03/2023

18/03/2023

17/03/2023

09/03/2023

08/03/2023

27/02/2023

24/02/2023

20/02/2023

19/02/2023

17/02/2023

16/02/2023

03/02/2023

07/01/2023

11/12/2022

29/11/2022

29/11/2022

18/11/2022

17/11/2022

03/11/2022

26/10/2022

25/10/2022

23/10/2022

10/10/2022

05/10/2022

04/10/2022

22/09/2022

29/09/2021

18/08/2021

18/08/2021

29/07/2021

10/04/2021

03/04/2021

20/03/2021

Address

Website

Alerts

Contact The Business

Videos

كيف عايشين داخل أسوار القدس في البلدة القديمة

أجواء العيد في المسجد الأقصى " عيد الفطر "

أغرب الحيوانات في الكرة الأرضية ويلي مهددة في الإنقراض

أول صلاة تراويح في أولى القبلتين ❤️

أجمل منطقة زرتها في حياتي لحد الأن 📍barracuda lake, Philippines 🇵🇭

تجربة السباحة مع قرش الحوت

في بقعة من بقاع الكرة الأرضية

الأردن كما لم تشاهدوها من قبل فخور جداً بهادا الفيديو لاني عملته من قلبي،ومتأكد راح يوصل لقلبكم

الغروب الأجمل في حياتي ❤️

خطر السباحة في بحيرة طبريا

Shortcuts

Share