Global Rawn Chin Media (2024)

10/04/2023

Ralhrang motor CNA/CDF nih an hrawh piak mi😱

22/02/2023

Russia Ralkap Thimi le Hriamnam Sunghmi

Russia nih Ukraine a tuknak k*m 1 tlinnak dingah ni 2 te lawng ai duh cang, cứ chung ah Ukrainian’s Defense Ministry nih Russia Sunghmi zah a tialmi cu a tanglei ning hin a si.

•Ralkap 145, 060
•Tanks 3,334
•Combat Armored Machines(APV) 6,569
•Miakpi 2,345
•Rocket kahnak motors (MLRS) 471
•Vanlawng kahnak (Anti-aircraft) 243
•Vanlawng 299
•Helicopters 287
•Drones (UAV operational) 2,026
•Cruise missiles 873
•Tilawng 18
•Ralkap motors 5,212
•Special equipment 226

Data are being updated.

13/02/2023

RIP

CDF-Thantlang pasaltha tangval Sang Hlun Thang nih ram le miphun caah a nunnak a pek than🙏 February 7 Thantlang I kahnak ah a lu ai hliam i a lu ah thi a luh caah Aizawl sizung ah zahan kha an kalpi, lampi ah hliamtuar loin a kan kaltak😭 pasaltha ram le miphun caah na nunnak na pekmi hi kan miphun nih cun zeitik hmanh ah kan philh kho lai lo, upatnak sang bik kan in pek✊na saduhthah teinak có dingin ramchung le ramleng in kan vun i zuam zungzal ko lai, na sia herh hlah!

12/02/2023

Russia Ralkap Thimi le Hriamnam Sunghmi

Ukraine War cu thla 11 le zarh 2 le ni 5 a si cang, phichuak ngaingai kaphnih in an hmu kho veve lo. Kaphnih in a thimi hi ah tam nain Ukraine thimi hi fiangin theih khawh a si fawn lo, Ukrainian Defense Ministry nih tuzaan thawng a thanh ning ah Russian ralkap thimi le hriamnam sungmi cu a tanglei ning in asi.

•Ralkap -137,780 an thi cang
•Tanks -3,280
•Raltuknak motors (APV)- 6,488
•Miakpi (artillery systems ) -2,287
•Rocket kahnak motors (MLRS)- 465
•Vanlawng kahnak motors Anti-aircraft) -234
•Vanlawng - 296
•Helicopters -286 (
•Drones (UAV operational) 2007
•Cruise missiles -857
•Raltuknak tilawng -18
•Ralkap motors - 5,148
•Special equipment -215

10/02/2023

Russia Ralkap Minung 300,000 in 500,000 kar nih Ukraine cu lak hrimhrim an i tim
============================================================

Russia ralkap 200,000 in 300,000 karlak nih Ukraine cu k*m khat chung cunglei he, tang lei he, rili he an nam nain an tei khawh ti lo caah, a thapi dihlak chuah in nămthan an i tim, tiah intelligence agency reports nih an langhter.

Russia nih Ukraine cu nithum chungah lak dingin ralkap 200,000 renglo he a tuk, asinain an eek zong ceh viar dengin an dawi lengmang khawh hna caah zaam lawngte an rian. Thla 12 (1 year) chung ral an tu cang nain zeipa an tuah kho ti lo, Cutikah a thapi dihlak hmang in Ukraine nichuah lei Donbas cu lak hrimhrim thazaang dihlak hman an i tim, tiah Ukraine le Nitlak lei intelligence agencies pawl nih an chim.

Hmaizarh chungah maw hi hnu ni 10 chung dekah Donbas leiah kal dingin ready an si cang tiin an chim. Russia nih Donbas i kuat a timhmi ralkap hi 300,000 in 500,000 kar an si lai, 1,800 tanks, 3,950 armored vehicles, 2,700 artillery systems, 810 Soviet-era missile systems, 400 warplanes le 300 helicopters he bak thokmathar in Ukraine an luhhnawh than lai.

Asinain hi hna pawl hi training thatein a kaimi le raltuk ning a thiammi an si lo, hnawhsare in lakmi mithar lawngte an si, tiah Ukrainian Minister of Defense Oleksii Reznikov nihcun French TV nih an komhnak ah a chim. The New York Times nih kan hnu i Russia ralkap thimi report a pek ning ahcun minung 200,000 tluk hi a thimi, hliamtuar, tlaihmi le a zaam mi an tling deng ko cang lai, a ti.

Tulio Ukraine dirhmun nih dirawnh awk a tha lai lo timi cu a fian caah a rannak in US le EU sinah tank, long range missile, jet fighter le APV pawl phakter zokzok dingin Ukraine president nih cun a nawr cuahmah ve hna. Vanlawng kuat kongah hin NATO zong an hmuh ning le pom ning ai lo cio lo, France le UK nih cun kan zulhphung an buar lo dingah cun kuat cu zeidah poi an ti. Culio ah US le Germany nihcun an ngamtuk rih ve lo.

Russia nih a ralkap a khawmhsuat khawhmi um ek, a thapi i dihlak in Donbas hi tuk a timh caah Ukraine hrang ahhin thil fawi cu a si hrimhrim lai lo. Asinain Nato le US nih Ukraine hi sunghter cu an timh ve lo bak lo, Ukraine sungh nakin cun vanlawng pek lawlaw zong hi an duhdeuh lai ti cu zumh dih asi. Zeidek an lawh lai dai hlei siloin zual lei an panh zuahmah ko cang lai hi! Russia nih tutan a sungh ahcun nuclear hman ti dah lo cun option đang thim ding a ngei ti lai zumh a um lo.

10/02/2023

RIP

Tuzing February 10,2023 Timit I kahnak ah CNA Chin pasaltha Salai Phe Thang nih ram le miphun caah a nunnak a pek🙏

01/02/2023

ZRA cu CNA le CDF-Hualngo nih an dawi hna!

01/02/2023

Thantlang ralhrang minung 6 cu zahan ah kha kan pasaltha hna CDF le CNA nih CT Bank ah an erh khumh hna i an tlaih hna. Meithal ceilak an tlaih chih. Ralhrang minung nih an i hrukmi hi Thantlang khuachung i hnipuan an firmi lawng te asi ti a si ko hi. An nunnak zuah ding an si lo! Thantlang ralhrang cu an milu zong a zor ngai ko cang lai hi!

30/01/2023

EU le US nih Ukraine hriamnam ngan chin lengmang an bawmh
====================================================

Russia nih Ukraine a tuknak cu thla 11 le zarh khat a tling cang, nihnih thum ah lak dingin a rak i ruahmi Ukraine cu tei cu chim lo sunghnak le thihnak lawngte nih a zulh dawi chin lengmang hna, tunai Ukraine defense ministry nih thawng a thanh ning ahcun Russia ralkap 126,650 an thi cang a ti. Nihin Ukraine dirhmun ah le nitlak lei ram pawl nih hriamnam ngan chin lengmang an kuat lai caah, Russia dirhmun ahcun nuclear le chemical weapons hman lo ahcun teinak lam a bi chin lengmang ko cang.

Ukraine nih battle field ah Russia kan tei khawhnak ding ahcun raltuknak tank 300 tal kan ngeih a herh, a ti i a hal hna. Cucu biatak tein EU le US nih an ceih hnu ah vawleicung tank thabikbik tulio thiamnak phuntling in tamhmi M1Abram tank le Leopard 2 tank telh in tanks 320 kua kho dingin an i tim. March thla dih lei ah maw April thlathok ka dek ah kuat ding an si. Russia pawl tank cu cawl kho ding dirhmun ah an dirti lo ti tluk a si caah Russia cu thin hunnak in a khat, 2026 tiang i nuclear arms control treaty zawrter deuhnak caah US he minthut zong kan tuah lo kho men, kan rawkter khawh men titiang in an i hrocer cang.

Ukraine nih thiamtuk in thil hi a hal ve hna i a d**ghnak ahcun a hmu ve lengmang taktak. Vawleicung tank thabikbik main battle tank ai ngeih hnu zongah Ukraine's deputy foreign minister, Andrii Melnyk nih cun tangrualphu (NATO) pawl cu US F-16s le F-35s, Eurofighters, Tornados, French Rafales le Swedish Gripen jets cu kan bawm hram rih u, a ti. Culawng si loin meng 297km hla kap kho US-made ATACMS missile zong a hal cuahmah. German chancellor nih cun vanlawng kuat dingmi cu a si kho lo mi a si, a ti ve.

Russia nih February 24 in Ukraine a tuk thokin US nih Ukraine ralkap hriamnam a bawmhmi hi $27 billion man a si cang. Hi chung ahhin 1,600 Stinger anti-aircraft rocket systems, 8,500 Javelin anti-tank missile systems le over 1 million 155mm artillery rounds an i tel. Tuhi UK nih main battle Challenger 2 a pek dingmi training kai dingin Ukraine ralkap pawl UK an phan cang in Reuters nih cun a chim.

Russia lei cu ralkap an chambau tuk cang caah hlan lio ralkap (combat personnel) 1.1 million a ngeimi chung in 1.5 million ah karhter dingin Russian defense ministry thawng a thanh, tiah CNBC nih cun a ti. Britain's Ministry of Defense nih a chim ning ahcun Russia nihhin ralkap tla dingin minung hi ai hmuh ti lo caah Kyrgyz minung pawl Russia ah riantuan i a ra mi tampi cu hi partial mobilization lists ahhin an i tel ve caah a rannak in Russia an zaamtak, an ti. Nihin tiang raltuknak bualrawn (battle field) chung ah an i kah ning zoh tikah, Russia hi cutipi cu an rak si lo timi hmuh khawh a si.

Russia nih a thapi chuah ti tluk in Ukraine hi a vun nawr liopi a si, a bikin Bakhmut hrawng ah biatak tein hmai nawr an vun i tim i hmai an vun fong kho deuh ngai cang. Tu Ukraine dirhmun nihhin Russia nih a thapi vun chuahthar mi hi dironhnak thazang taktak ai ngeihtilo caah a rannak in tank tha cungcuang kuat a siam lo tukmi an kuat ngamnak cu a si. Russia nihin hi nak thawng deuh rih dingmi thapi chuahnak thazaang hi ai ngeih ko rih lai nain, zeipipa cu a tangtuk ti lo. A hriamnam ngeihmi hmunli then hmunthum tluk cu Soviet chanlio thing p**i lawngte kha an si hna, advanced military weapons hi tampi a siamnak thazaang hi ai ngeih hrimhrim lo. Asinain Russia hi rak ti sawhsawh ding asilonak cu nuclear le biological chemical weapons tihnung tamtuk ai ngeih caah a duh ahcun Ukraine cu hrawh khawhnak thazaang ai ngeih peng.

Nihin Ukraine le Russia i tuknak I US dirhmun kan zoh tikah, remdaihnak siam kho tu le a porsoter kho tu asi timi cu hmuh khawh asi. Zeidah US nih a duh timi cu Ukraine hi ralhriamnam thatha hnakhat lo ah kuat colh loin a sungh dirhmun a dirding lawngah Russia ralkap pawl nawr khawhnak hriamnam thazaang a pek lengmang. Cu a sullam cu Russia hi hmakhat lo ah a sungh ahcun sipuaizi le thildangah faktuk in a tlachia manh hnga lo, raal caan hi sauhter taktak i a tluk rawh ahcun tho kho ti lo ding dirhmun in dirter hi a duh bikmi a si. Ukraine hi a sung ding dirhmun ah a dir sual asi ahcun vanlawng zong hi a kuat hrimhrim te lai zumh a si. A tawinak in kan chim asi ahcun Russia le US an i kap ti tluk khi a si ko.

Khuapau a hung chuak lai Russia nih a thapi dihlak nawn in 2023 chungah a hman dih lak zumh a um, Ukraine lei nih le an ral a tha, nunnak pek an ngamtuk fawn, hriamnam tha nih an d**g chin lengmang, cutikah Russia nihhin nuclear le biological weapon a hman ti dah lo ahcun a tei kho hrimhrim lai lo. Ad**ghnak biakhiahnak cu cabuai cung ah hmaisen in duh zong duh lo zongah kaphnih in an lung an thumh veve in a zatawk sungh veve hnu ah biatlang an kawm khawh te lai, tihi ka zumh ning asi.

Photo: A tang hmanthlak hi US le a hawi le nih an tanks pawl Ukraine bawmh an timhmi le a zat cio a si.

29/01/2023

Ralhrang helicopter Thantlang a rak tum mi cu drone in kan ralkap nih an rak kah i a khu vuaimai ko khih! Kalay le Mandalay tiang cu aphak khawh ti lai zumh a um ti lo a fak pah theo lai dah!

28/01/2023

Ukraine Ram Abuai, Laimi Teh Zei Kan Lawh Vete Hnga Mu!

Ukraine ram ralzaam le ralkap hriamnam bawmhnak Ramdang nih an pekmi pawl cu, an bawi pawl nih ceilak in an ei (corruption) caah an buai ko tuhi. Investigative journalist nih cu kong biatak tein an dothlat i an phozarh ciammam cu Ukraine bawi nganngan 11 bak nizaan cun an rian in phuah (resigned) an si ko. Tuhi biatak tein an buai cuahmah i Ukraine President Zelensky zong nih biatak tein hma kan lak chin lengmang lai a ti.

Dothlennak le ram buainak ahhin cun corruption hi cu a rak i pehtlai tuk i fel taktak in dothlat le zulh dawi lo ahcun dothlennak hrawkhraltu bik a si. Afghanistan le Iraq tepawl zong i US nih a tei khawhlo bikmi le a kir phahnak kha corruption ruangah a si. 2010 lio Haiti ram lihninh puicimhnak vawleicung nih an bawmhnak $13.5 billion kha cozah nih a fir viar ti a si. Vawleicung ram tampi an thinhung tuk. 2008 lio Cyclone Nargis nih Myanmar a den lio ahkhan dollar million tampi International NGOs bawmhnak an corruption viar tiah The Irrawaddy News nih a tialmi na rel cio theo lai. Laimi tampi zong nan i rum phah kha mu.

Tutan kan dothlennak zong hi lamping kan suk lo nak dingah phaisa kongah mumal tein le phung fakpiin siam i, auditor le Anti-corruption commattee tiang zong dirh ahcun a fel taktak lai. Raal kan teinak ding zongah a biapi tuk, thilhmete a lo nain vawleicung pumpi nih a rak tonmi le an ton cuahmah mi a si. CNA le CBCUSA i bawm in committee ser kho hna sehlaw mino raltha taktak pawl rian khinh kho hna seh, ahohmanh mithmai i zoh lo bakin miti ngam dingmi pawl.

Fim hlei le thiam hlei kai cuh a si hrimhrim lo, kan chan a kan sautertu bik thil a si lai hihi tiah ka zumh bak. Raal hi kan tei lo sual ahcun mawhphurh ding bikmi pa hnih a um te lai; 1nk kan lung ai rual lo,2nk phaisa kong ah kan fel lo, tiin biatlam kan kawm te hrimhrim lai ka zumh. Cucu vawleicung nih an chim cio tawnmi a si. Cucaah hi raal kan teikhawhnak ding ah leh kan chan a sau khawhnak ding ahcun phaisa kongah mumal taktak in tuanvo kan lak bak a hau ko.

26/01/2023

Miphun Huap Anti- Corruption Phu asiloah Auditor Committee Kan Ser A Herh
==========================================================

Ramdang in bawmhnak a rat tikah an tei khawhlo bikmi le an umlo ngahlo mi cu eihmuarnak (corruption) hi a si zungzal. Ram pakhat raal a thawh ruangah maw, ramchung (disaster) a tlun tikah bawmhnak an pekmi pawl hi hruaitu/tolreltu pawl nih a zatceo paoh hi an fir zungzal, cucu vawleicung tuanbia ah um lo ngahlo khi a si ti ning law ka palh lai lo dah. Cucaah an i ralrin bikmi thil le tei hmasa a herh bikmi zong asi.

American ralkap nih Afghanistan cu k*m 20 chung a ramah daihnak a umnak hnga an rak bawmh hna, hi chung ahhin $2 trillion an rak dih. Hi chung ahhin an bawi pawl nih phaisa hi a thana loin eihmuar rumro an rak rian, kan ram le mipi caah zeidah kan tuah khawh lai, ti nakin zeitindah langh tung loin kan ei khawh ve lai, tiin tan an lak la hna. Ralkap lahkhah le cozah lahkhah hmanh a pe kho huaha ti lo, ah ram mipi nih an cozah zumhnak an ngeilo chin lengmang cang, mizeihmanh an i biatak lo chin lengmang cang. Cutikah America nih an zoh lengmang hna tikah Taliban raal tih ruangah si loin an cozah a dikhman duhlo ruangah k*m zeizat hmanh um usihlaw an i thatpi hlei lai lo timi an rak theih tuk caah an chuaktaknak kha a si.

Cubantuk thiam in Iraq War lio ahkhan US nih an bawmhnak billion tampi cu chim lo Iraq cozah nih US $150 billion zinan man-cozah minung nih an rak fir. Vawleicung ah corruption a tambiknak pahnihnak a rak si phah. Ram mipi nih Iraq cozah an zumh lo lawng si loin, US cozah tiangin an zum ti hna lo, an lungthin a te tenghnge dih cang, an cozah zumhlo hrat ahcun an ram caah an an i biatak duh ti lo. Cutikah Iraq ralkap minung ting tampi asi mi le hriamnam tha a ngeimi kha, ISIS minung 8000 tluk telawng nih ar dawi tluk in an rak dawi khawhnak hna kha a si.

Tuhi Ukraine zong corruption kongah biatak tein a buai ve cang, US le NATO nih an bawmhnak pawl phaisa cu an bawi pawl nih an zal chungah an i sanh cuahmah cang. US le NATO nih biatak tein an vun tlangtlak hna, President Zelensky hrimhrim nih Anti-Corruption Bureau an vun dirh ciammam i nizaan tihni chung te ahkhan Ukraine bawi ngan minung 16 bak an tlaih hna. Acting minister a tuan lio mi Vasyl Lozynskyy le bang cu $400,000 bak a rak fir caah Sunday ahkhan an tlaih colh. President Zelensky nih biatak tein tuanvo lak a herh timi ai fiantuk caah corruption leiah cun zero bak kan si lai tiin bia ai kam phah, tuhi biatak tukin tan an lak liopi asi.

Tutan kan dothlennak zong ahhin a chunglei in buaibainak tete a umziar mi cu corruption asi, mizeihmanh nih phaisa audit an tuah lo i mipi nih kan thei lo an hmannak pawl. An hmuhnak cu an chim ko nain an hmannak an chim duh ti lo, hriamnam c**knak kongah mipi theih a herhlo ti phun in an tang, a ngaitak lo ahcun Russia Ralpi a doh cuahmahtu Ukraine hmanh nih vawleicungpi theih in hriamnam an ngeihmi le an c**kmi cu a langhter ko si. Kanmah le kan pengtlang cio ahcun auditor cu kan chiah ve men, a min cun, asinain thildiklo a um tiah an hmuh hmanh ah an phuang ngam taktak tung lo, an thuhpiak lehlam hna si.

Amah le Pathian vei ceihte ko hna seh, tiin biatlang kan kawm tawnmi hi kan thanchonak dawntubik virus cu asi. Pastor a si le ka zumh ko, doctor le Rev pei a si cu, bochan tukmi pa le mifim pei a si cu, tiah Laimi cu ti kan hmanmi nih a kan hrawk tawn. Phaisa cu mi a tukforh kho tuk i phaisa kong ahcun kan zumh le zumh lo kong nakin ningcang tein a kal khawhnak ding le kan buai lo nak dingah phung thatein ser khawh kha a biapi tuk. Phaisa tom tonghthamh cu a caan a sau deuhdeuh lai i kan mit a kan cawtter deuh deuh ve ko lai, cu tikah midang zong an si ve cio ko, ti phun in pastor p**i zong an tluk lengmang nak kha a si tawn cuh.

Hi raal kan teinak ding ahhin vanlawng kahnak thatha le hriamnam thong tampi kan ngei kha a biapi bik a si lo, cubantuk kahnak lei tolreltu lutlai pawl an thianhlimh hmasa kha a biapi bik. Cu bantuk an thiamhlim khawhnak dingah le thiang hlimlo zong nih a fir khawhlo nak ding ahcun Chin miphun huap in auditor le anti-corruption phu kan i ngeih hna ah a thabik lai. Chinmi huap in kan i ngeih khawhlo hmanh ah CNA nih a command tangah a ummi hriamtlaiphu paoh cu ngeih khawh ah a tha. Cu hman cu a si khawh lo hrat asi le Hakha, Thantlang le Rawn Chin vial cu a si kho tukmi asi ko. Refugee bawmhnak tiangin check hlat viar hi a herh tuk.

Raal kan teinak ding ahhin zeibantuk dirhmun ahkhin dah kan dir? Afghanistan le Iraq bantuk in maw, asiloah Ukraine bantuk in kan lung hi kan i fim zau ko lai dah? Check hlattu le sualphawtu a ngei lomi phaisa tlaitu cu vawleicung ah a dik kho lomi kalphung a si. Mi zeibantuk pastor le hruaitu ding an si lo, mahti ka ti tikah phaisa tho ti hlah u, ka ti nak a si hrimhrim lo. Phaisa kan thawhmi hi kan thawh ah a za, tiin ruah menmen nih kan miphun a hrawktuk cang, a kalnak zong hi thatein zakhat ah zakhat kan theihlo hmanh ah a tlangpi in kan theih hrimhrim awk cu a si ve. Hmuhnak lawng langhter i hmannak langhter ti lomi cu zeitindah caansau a nguh khawh lai, Laimi riantuan zia le kan chan hi zeitindah kan sauter khawh peng lai timi hi kan ruah deuh hna cu a herh cang hi.

Hi raal hi kan tei lo a si ahcun kan buainak hrampi cu mahhi ruang ahhin puh viar a si te lai khah! Anti-Corruption phu le Auditor Committee kan dirh khawh ahcun mizeihmanh zaangfah lo ding, zeitluk mi poimawh an si zongah an rian in phuah bak ding, thlachiat kan ruah tukmi nihhin a kan lentil cang. Cuti I kan tuah khawh ahcun kan thangcho ning a rang taktak khi asi lai.

25/01/2023

Congratulations!

Vanlalsailoa cu nihin January 25,2023 ah a Dawtmi Cindy he kuhsin lehthahnak an ngei cang.

30/12/2022

𝐔𝐤𝐫𝐚𝐢𝐧𝐞 𝐖𝐚𝐫: 𝟐𝟎𝟐𝟑 𝐚𝐡 𝐊𝐚𝐩 𝟓 𝐢𝐧 𝐁𝐮𝐚𝐢𝐧𝐚𝐤 𝐚 𝐂𝐡𝐮𝐚𝐤 𝐤𝐡𝐨

2023 ah a dih kho te hnga maw? Asiloah 2024 tiang hna a phan te hnga maw?

Vaupi nikhua tiang Russia ai chang khho le khawh lo nih a neih te lai. Europe i ram khat nih a dang ram a doh tikah, khuasik thla chungah an sung deuh ngawt tawn hna.

Napoleon, Hi**er le Stalin hna zong kha an ralkap pawl khuasik thla tuar in heh tiah an mongh hna. Cu caah Putin nih cun khuasik thla ah cun a ralkap pawl hi khur chungah a dupter rih hna i, vaupi ni a chuah tikah biatak tein kahdohnak kalpi ai tim te kho mi a si.

Kaphnih ningin an i dinh ta cu a hau. Asinain Ukraine hramnaam hi a thadeuh cang caah din lo in hmainawr an i tim. Kreminna le Svatove hrawngah cun Ukraine pawl an cawlcangh a tha ngai i, tutan ral ai thoknak hmun in meng 40 ai hlatnak lei tiang Russia pawl hi dawi khawh an i ruahchan.

Ukraine nih hin cop le cilh in hlawhtlinnak hmu kho a si caah dinh hi a duh ruam lo. South-West belte ah cun Ukraine pawl an thaw an i chuah ta ve a hau. Dnipro tiva tan i Russia nih an hmanmi lam le Crimea lei kalnak tlanglong lam vialte hrawh dingah cun thazaang tamtuk bungh hau a si.

𝐑𝐮𝐬𝐬𝐢𝐚 𝐧𝐢𝐡 𝐂𝐫𝐢𝐦𝐞𝐚 𝐥𝐞𝐢 𝐤𝐚𝐥𝐧𝐚𝐤 𝐡𝐥𝐞𝐢 𝐚 𝐬𝐞𝐫 𝐧𝐢𝐧𝐠

Ralkap thar a lakmi 300,000 chungin 50,000 hi ralram an phan cang i, a tangmi 250,000 hi k*mvui caah training an kai cuahmah hna.

𝐔𝐤𝐫𝐚𝐢𝐧𝐞 𝐧𝐢𝐡 𝐚 𝐫𝐚𝐦 𝐚 𝐥𝐚𝐤 𝐭𝐡𝐚𝐧 𝐥𝐚𝐢

2023 chungah hin cun Ukraine nih a ram a lak than dih hrimhrim te lai. A ruang pahnih a um: Pakhat cu mipi le ralkap an thathawhnak, biakhiahnak le ralthatnak hi a si. Western ram nih Russia dictator Putin an ngiar nak hi a sau cang i, tutan in cun zeitluk ttihnung le misual dah a si, ti an i fiang cikcek cang.

“Kannih nih a man kan pekmi cu phaisa in a si. Ukraine nih cun an thisen chuah in a man an pek. Ralkap uknak ai hmanmi hruaitu pawl nih an ralkap pawl hmanh laksawng an chuah hna a si ah cun, kannih nih cun tam chinchin in phaisa thazaang kan chuah chinchin ve awk a si. Mah ti lo cun kan vawlei hi kan dihlak caah tih a nung chinchin mi vawlei ah ai cang te ko lai” tiin NATO general secretary Jens Stoltenberg nih nai te ah a chim.

Ukraine nih lohtheih lo in teinak an hmuh te dingmi a ni le caan cu a ran khawh chung rang in NATO nih hrimnaam (tanks, vanlawng, long-range missiles) kan kuat tik caan khi a si te lai, tiin a chim.

𝐔𝐤𝐫𝐚𝐢𝐧𝐞 𝐡𝐞 𝐳𝐞𝐢𝐛𝐚𝐧𝐭𝐮𝐤 𝐡𝐫𝐢𝐚𝐦𝐧𝐚𝐚𝐦 𝐝𝐚𝐡 𝐛𝐨𝐦𝐡 𝐚𝐧 𝐬𝐢?

A ra lai mi thla hnihthum ah khin cun Melitopol hi an i kahdohnak bik hmunhma a si te lai. Melitopol an lak khawh ah cun, Azov Sea lei ah an i thial kho lai. Cu in cun Crimea lei kalnak Russia lam vialte cu an chahpiak hna lai.

Buanco biktu Ukraine, UK le USA nih international security muisam hi a thar tein an ser te lai, ti a fiang.

𝐌𝐢𝐭 𝐝𝐨𝐧𝐠 𝐚 𝐬𝐢

Ukraine hi a raminnpa pawl nih cutluk cun an cohlang theng lai lo, tiin Putin nih a rak i ruah sual diam. Mah hi ai palhmi khuatuaktannak ruangah hin mah hi ral dirhmun zeitik ah a d**g te lai, ti hmanh zawndamh awk tha huaha lo tiangin a chiatkhat hi a si.

Russia nih Ukraine meitha peknak sisehzung pawl lawngte kah ai timh cang caah, khuasik tuar a fak te ding a fiang ko. Asinain, Ukraine mipi hi fektein an dir peng ko.

Cabuai cung biaruahti ding cu si khawh dawh a si lo. A si khawh nak dingah cun khat le khat an lung an thumh hma sa i, an duhmi zong an thumh veve hmasa a hau ding khi a si.

𝐀 𝐬𝐢 𝐤𝐮𝐧 𝐚𝐡 𝐳𝐞𝐢 𝐭𝐢 𝐜𝐮𝐧 𝐝𝐚𝐡 𝐡𝐢 𝐫𝐚𝐥 𝐡𝐢 𝐚 𝐝𝐢𝐡 𝐧𝐢𝐧𝐠 𝐚 𝐬𝐢 𝐧𝐞 𝐥𝐚𝐢?

Ral nih a chuahpi mi a man (cost) nih lai a rel te ko lai. Minung le hriamnaam, chawva thazaang a dihmi nih Russia bawipa hi a lung a thumhter te ko lai. A biapibikmi cu anmah Russia ram chung i a tlung te dingmi thil hi a si te lai.

A liamcia ral pawl zok tikah, a tuak i palhmi nih hin tamtuk thil a chiatchuah tawn. Bianabia ah US nih Vietnam a tuaktan ai palh, Soviet Union nih Afghanistan a tuaktan ai palh.

Ukraine luhhnawh ruang i ram chungum Russia mipi pawl vava an tum i anmah lila an cawlcanghnak dingah cun Western pawl nih Ukraine hi biatak tein an bomh chinchin a hau rih lai.

Mah hi ral nih hin ramkhel, chawlehnak le ralkap kongah sautuk tiang remhsiam hau dirhmun a chuahter te hna lai. 2023 a d**ghnak lei tiang a rau kho rih mi a si.

𝐑𝐮𝐬𝐬𝐢𝐚 𝐚𝐧 𝐬𝐮𝐧𝐠𝐡𝐦𝐢 𝐝𝐚𝐡 𝐥𝐨 𝐳𝐞𝐢 𝐝𝐚𝐧𝐠 𝐳𝐞𝐢𝐡𝐦𝐚𝐧𝐡 𝐚 𝐭𝐡𝐞𝐢𝐩𝐚𝐫 𝐳𝐮𝐧 𝐚 𝐮𝐦 𝐥𝐚𝐢 𝐥𝐨

Ukraine nih tlar a tlir dingah cu a tu hi cu a tuandeuh ko rih. Asinain, an a tha a thotuk cang i, 2023 ah cun teinak an hmu hrimhrim ko lai.

Busik thla ah cun zeizong te duhsah deuh in an umkal a hau. Khuasik channak hnipuan le thilri thatha cu UK, Canada le Germany nih an kuat hna caah, Ukraine hi Russia ralkap nakin khuasik an lalh kho deuh te lai.

January khin cun Crimea zong hi Ukraine nih a ningpi in a lak than te lai. Ral hi lungthawn le thluak hman thiamnak in tei a si. Ukraine mipi le ralkap an lungthawhnak ka hmuh tikah, Russia a sungh dingmi dah ti lo a dang zeihmanh a phichuak ka hmu lo.

𝐑𝐞𝐦𝐝𝐚𝐢𝐡𝐧𝐚𝐤 𝐜𝐞𝐢𝐡𝐤𝐡𝐚𝐧𝐭𝐢𝐧𝐚𝐤 𝐚𝐢 𝐭𝐡𝐨𝐤 𝐤𝐡𝐨 𝐥𝐚𝐢 𝐦𝐚𝐰?

Russia nih Kherson a chuahtak ruangah, Ukraine mipi an tha a tho chinchin, Kremlin a tha a chia chinchin, Ukraine ralkap pawl caah caantha a si chinchin. A tu le bang cu Crimea tiang kah khawhnak hriamnaam an i ngeih fawn cang.

2023 ah cun Crimea zong a ningpi in Ukraine k*t chung a phan cang lai. Cun Russia nih Crimea a lak hlan tein min an rak thut cangmi (2025) tiang Sevastopol i hman ding an ti mi zong an hrawh than khawh mi a si. Azov Sea hrawng i inn le lo ai rawkmi vialte zong sak than an thok chom te lai i, North Crimean Canal zong an awn than te lai.

𝐌𝐚𝐡 𝐛𝐚𝐧𝐭𝐮𝐤 𝐭𝐡𝐢𝐥 𝐜𝐮 𝐭𝐚𝐦 𝐜𝐡𝐢𝐧𝐜𝐡𝐢𝐧 𝐢𝐧 𝐚 𝐭𝐥𝐮𝐧𝐠 𝐥𝐚𝐢, 𝐭𝐢𝐢𝐧 𝐯𝐮𝐧 𝐢 𝐫𝐮𝐚𝐡𝐜𝐡𝐚𝐧 𝐤𝐨

Russia nih ralkap thar a lakmi 300,000 chungin zatceu lawng hi ralram ah an phan. A tangmi vial cu nehhnu ah hman dingin ai chiah hna.

Luhansk le Donetsk hi cu Russia nih ai tonenh ko rih lai, asinain Donbas i hmunhma a khuarmi Ukraine ralkap pawl hi cu a erhkhumh kho ti hna lai lo.

Svatove-Kreminna hmunhma bantukin Ukraine ralkap pawl hi duhsah tein nawr an i tim te lai. Ukraine meitha sehzung pawl hi heh tiah kahpiak ai tim rih lai.

Russia nih Kherson a chuahtak hnu cun hmual a ngei ngaimi Ukraine ralkap pawl zong zalong tein an cawlcang kho cang hna. Melitopol asiloah Berdyansk lei hi an i hmaithlak cang.

Ukraine ralkap lak in zeizat hi dah timhcia in a ummi an si, Gen. Zaluzhnyi nih zeibantuk in dah timhlamhnak a ngeih, ti hi a biapi. A ra lai mi thla hnihthum caah zeibantuk minung le hriamnaam thazaang dah hman ai timh, timi nih hin zeitindah mah hi ral hi a dih te ning a si lai, timi lai a rel lai.

24/12/2022

Federal nih 2023 Hman dingin a Tukmi $1.7 trillion chungah Zei ko dah an i Tel?
===========================================================

Friday ah khan k*m khat chung hman dingmi chawva a zat the House nih a thanh. President Biden nih min a thut te lai.

Thursday ah khan Senate nih an cohlanpiak ve hna. $772.5 billion hi cu buaktlak in hman ding caah an suaisam i, $858 billion hi defense caah a si, tiin Senate Committee on Appropriation chairman Dem. Sen. Patrick Leathy nih a chim. 2023 Chawva k*m (fiscal year) ca zongah thahnem te ngai ding a si.

Mah hi phaisa chungin hin Ukraine siseh, Nato siseh, vote relnak phung caah siseh, riantlai naubawi nunau pawl kilvennak caah siseh, rian in pensen a lakmi hna caah siseh, cozah hmanmi computer thilri paoh ah TikTok kham a si nak ding caah $45 billion hi hman dingin an suaisam.

Hi nih hin kokek hartongmi bomhnak, College kai khawhnak lam, ngakchia zohkhenh rian, thinlunglei ngamdamnak le eidin bomhnak, ralkap le veterans pawl le US Capitol Police caah thathnemnak tampi a chuahpi lai, tiah Senate Appropriation Committee chungtel Alabama aiawhtu Rep. Sen. Richard Shelby nih a chim. Cun Medicaid bomhnak tampi zong ai tel. Cu ti lo cun low-income American 19 million pawl hi ngandamnak lei ah dirhmun chia ngai ai ngeih ding an si hnga.

Mah hi phaisa hmannak kong hi catlap 4,000 khat in an tial ko nain, a cheukhat lawmakers nih telh dingin an aupimi pawl belte an telh hna lo. Child tax credit siseh, a dang mibu le pumpak in tax breaks um kho dingin an duhnak an langhtermi zong tutan ah an telhpiak hna lo. Phung (legal) he ai pehtlaimi riantuannak a kalpitu company pawl zong phaisa a tlap in an i chiahmi pawl hi Safe Banking Act, timi bank ah chiah a senh hna lo, cun US nih an chanhmi Afghan pawl zong bomhnak pek a tim rih hna lo. Cun Covid-19 caah, tiin White House nih $10 billion a hal chapmi zong an telhpiak duh lo.

Mah hi phaisa hi tuk*m September in tu k*m phaisa k*m a dih tiang caah suaisammi a si.

Mah hi phaisa hi Sep. 30 tein khan Congress nih an rak ceihkhan bal cang i, k*m vui Oct. 1 in ai thok te dingmi 2023 phaisa k*m tiang daih dingin an rak suaisam.

Hmannak Hmunhma Hna Cu:

Ukraine bomhnak: $45 billion an bomh chap rih lai. Cu chungin $9 billion hi Ukraine ralkap duhherh (hriamnam, training) ah a kal lai i, $12 billion hi Ukraine an kuatmi anmah US hriamnaam tuahtamhnak caah a si te lai. $13 billion hi cu Ukraine economic caah le European Command operations caah a si lai.

Lakhruak in kokek har bomhnak caah: Nai te i west le southeast ah kokek harnak a tonmi American mipi bomhnak caah $38 billion hman a si lai. Lothlo, economic, cozah inn le lo remhnak le Federal Emergency Management Agency’s Disaster Relief Fund caah hman an si lai.

Vote rel ning phung le lam remhnak caah: Election a khupthal leh duh ruang i US Capitol luhhnawh a si mi ruangah le Trump nih 2020 election a sungh ko bu ah Office ah thut peng ai timh rihmi ruangah a tu bantuk in 1887 Electoral Count Act hi remhsiam a si te lai.

Electoral result namhnehnak kong hi zeitin dah Vice-president nih a tuah awk a si, timi kong an ceih lai.

Jan. 6 tazacuainak kongkau caah: $2.6 billion hi Jan. 6 Capitol buainak kongah le ramchung terrorism dohnak caah hman a si lai.

Cun $11.3 billion hi ramchung terrorism le sual irlit pawl tawlrelnak caah FBI nih an hman ve lai.

Cun DOJ caah hin $39 billion tluk deng suaisam a si.

Pensen bomhnak kongah: Pensen kongah phung thar ai tel i, pensen ca i phaisa khon a fawideuh ngai cang lai. Pensen chuah a fawideuh cang lai. Lakhruak in herhhai mi kongah hnahnawhnak um lo tein phaisa chuah khawh a si lai. Cun riantuantu pawl hi riantlai siangngakchia loan caah tamdeuhin bomhnak a pekter khawh hna lai i, cun k*m upa tiang zong nih an employer retirement caah phaisa an khon khawh cang lai.

Cozah computer le sehthilri paoh ah Tiktok khamnak caah: China ser Tiktok a hmangmi US mipi hna an pumpak information hi China nih Tiktok hmangin an i ngeih sual lai, ti an phan caah a tu bantuk in Tiktok hi US cozah hmanmi sehthilri (computer) paoh ah hman lo siseh, tiin bia an chah hi a si.

Riantlai pumlawnglo nunau pawl bomhnak: Mah hi phaisa nih hin rian hmun ah naupawi pawl i dinhnak khaan dang tein – kholhnak dang, thutnak dang le thilrit cawi lo dingin zaangolh hna dingin – khanpiak dingin an suaisam mi a si. A nau ngeihnak kongah a hleice in hmun le hma, caan serpiak hau an siruang i hranhram in rian dinhter asiloah rian pek duh lo dirhmun an ton sual nak hnga lo mah hi phung nih hin a bawmh hna lai. Cun nausem a ngei mi hna caah rian hmun ah hmunhma dang te tuahpiak ding zong in khua an khan.

Medicaid le a dang ngandamnak ca i bomhnak: Federal nih thazaang a chuah khawh chung paoh cu, Medicaid a tingco mi hna pawl hi kham si hna hlawh sehlaw, cuhlan bantuk tein bomhnak hmu kho hna seh, ti hi tutan phung nih a dirpi. 2020 March Covid bomhnak he ai pehtlaimi a si i, Covid ruang i Medicaid a sokmi hi 90 million an phan, tiah theih a si. Asinain a tam u hi cu bomh hau an si theng ti lai lo, rian an i ngeih cang caah…

April 1 hnu in bomhnak a hmumi pawl kha cozah nih bomh hau an si rih le si ti lo thatein a hlathlai than lai. Mah hi Medicaid bomhnak hi 2023 Dec. 31 tiang daih ding a si. Cu chungah cun bomh awk ah ai tlak le tlak lo kong thatein zohfel an si lai.

A tuaktan ningah a tlawmbik 19 million mipi tluk hi cu an Medicaid benefits a sungmi si hna sehlaw a dawh in an chim. Medicaid le Children’s Health Insurance Program a hmu mi cu thla 12 chung bomh an si lai. American ngakchia 40 million tluk nih k*m khat chung hnahnawh tong lo tein Medicaid le CHIP bomhnak an hmu lai.

Cun, low-income ai ngeihmi nau ngei ka hringtunu pawl caah thla 6 si ti lo in, Medicaid hmangin 12 chung bomhnak pek ding in bia a khiah. Columbia telh in state 20 lenglo nih hihi a tak in an i hman cang, tiin Kaiser Family Foundation nih a chim A dang state 7 zong timhlamhnak an ngei.

Cun National Institutes of Health, Centers for Disease Control le Prevention and Assistant Secretary for Preparedness and Response ca zongah hman a si lai.

Ralkap le Veterans pawl bomhnak caah: Cuhlan i bomhnak an hmuhmi 4.6% in a tutan ah cun 22.4% in pek an si cang lai. Cozah nih siai a bomhmi veterans hi 7.3 million an si.

Thilman kaimi tawlrelnak caah $53 billion hman a si lai i, $2.7 billion hi veterans le an chungkhar hna inn le lo renhpiaknak le a herhmi zohkhennak rian caah hman a si lai.

$5 billion hi Cost of War Toxic Exposures Fund caah hman a si lai i, hihi veterans pawl an ngamdamnak kongah le ralkap an si lio i hliamhma le harnak an tonmi ca i bomhnak ah hman an si lai.

Dinei thaw bomhnak kongah: 2024 summer thok in Summer EBT program hi thok a si lai. Mah hi bomhnak a tingco mi chungkhar hna an fale hi sianginn rawl hi a lak, asiloah man deng tein an ei khawhnak hnga, thlakhat ah ngakchia pakhat ah $40 bomhnak an hmu lai.

Khuate um hngakchia hna hi chuncaw einak hmun ah vung kal thengmang hau ti lo in, ni 10 daih in tirawl inn lei ah an i tinpi, asiloah chanh an si cang lai.

Oct. 1 i food stamp benefits a sungmi chungkhar hna zong pek than an si lai. Cu lawng si lo, cuhlan i food stamp tingco lo tein an ummi vialte zong cozah nih a cham than hna lai. Dawr thil zuarnak seh ah chamnak dingah thil pakhtkhat an bunh lai, asiloah card numbers an i ngeih khawh nak hnga PIN pads an tuahpiak te hna lai.

Pell laksawng tamdeuh in pek a si lai: A ra lai mi cacawn k*m ah cun Pell grand award hi $500 in $7,395 tiang karhter a si lai. Low-income ai ngeihmi chungkhar hna i an fale ko hi Pell grant awards a hmu mi an tam i, US ah hin 7 million hrawng an um. Hi bomhnak nih hin college kai kho ding tiangin a thathnem hna lai.

Chungkhar hmanmi (utility) Tuktak duhherh bomhnak: Low Income Home Energy Assistance Program caah $5billion hman a si lai. Tuan ah khan cun $1 billion lawng a rak si. Home heating le cooling ca i cozah bomhnak a sokmi hi tu k*m cu van a tong.

US Capitol Police ca i hman dingmi: Cuhlan an suaisammi pin ah $132 million an chappiak hna i, a dihlakin $735 million a si. Police 137, bawmtu civilian 123, Officers 2,126 le civilians 567 tluk rian an pek khawh hna lai. Lenglei in sentari a congtu caah $2 million an hman lai.

Child Care caah bomhnak chapmi: Child Care le Development Block Grant caah $8 billion hman a si lai i, cucu cuhlan nakin %30% an karhter, tinak a si. Low-income ai ngeimi chungkhar hna nih an fale an zohkhenh khawh hna nakhnga a bomh hna lai.

Head Start nih $12 billion hrawng a tinco ve lai, cucu cuhlan nakin 8.6% a karh, tinak a si. Mah hi bomhnak nih hin low-income chungkhar hna an tefa le sianginn a kaiter khawh hna lai.

Ngakchia hna an lungthin ngamdamnak le a serhsattu hna thil tawlrel rian caah bomhnak: Mah hi nih hin ngakchia hna an thinlung ngamdamnak le sianginn i an himnak kongah tampi rian a tuan lai. Cun zalong tuk in rihaisii an hmanmi le ningcang lo in thilri an hmanmi vialte tawlrel dingin mah hi phaisa hi an hman lai.

Homeless (awkhlawh) dirhmun khamnak le inn le lo damkhanpiaknak caah: Awkhlawh pawl bomhnak caah $3.6 billion hman a si lai, cuhlan nakin 13% a karh. Awkhlawh dirhmun in a ummi minung million 1 a bomh khawh hna lai.

Cun Community Development Block Grant caah le low-income ai ngeimi mipi hna khua an saknak hmun le hma sersiamnak le khuachung sipuazi thanternak caah $6.4 billion an hman lai. Cuhlan an hmanmi nakin $1.6 billion tluk in a karh.

Cun, HOME Investment Partnerships Program (inn hlang, inn c**k rian a tlaimi phu 10,000 caah) $1.5 billion hi hman a si lai.

Pawngkam zohkhennak kongah: Environmental Protection Agency hman dingah $576 million an chap i, an budget dihlak hi $10.1 billion a phan.

National Park Service caah 6.4% tiang phaisa hmannak an karter i, a liamcia k*m 10 i riantuantu 3,000 tluk an sunghmi kha riantuantu thar 500 tluk rian an pek khawh than cang hna lai.

Cun, tupi a kangh tik i tawlrelnak rian caah 14% tiangin bomhnak an chap.

Bill (Tutan ah) Ai Tel Lomi Zeidah An Si?

Child tax credit: Nik*m ah khan $1.9 trillion American Rescue Plan cu Democrats nih an chuahpi bal. 19 million tluk in a tammi ngakchia ai ngeihmi Low-income chungkhar hna i an fale nih hin tu k*m ah cun $2,000 benefits an tingco kho ti lai lo.

Phung (legal) rian a petu company pawl kongah: License ai ngeihmi legal rian petu company pawl hi credit cards cu an i ngeih ko lai nain, bank i phung ning tein an phaisa chiah belte cu an onh hna lo.

State 47 hrawng nih cun mah hi bantuk company pawl hi phungning in an cohlan ko hna nain, federal level tiangah cun cohlan an si hlei lo. Cucaah mah hna pawl an phaisa a cohlang tu bank paoh cu cozah nih an kong a hlathlai colh lai.

Covid-19 tawrelnak kongah: Covid-19 tawlrelnak caah, tiin White House nih $10 billion a halmi cu an cohlanpiak lo. Tu k*m det ka zongah khan Biden nih $22.5 billion a hal chap ko nain an pe duh lo.

FBI headquarters caah: FBI headquarters hi khuazei set ah dah hrambunh a si lai, timi kongah biatlang kawm a um rih lo. Maryland le Virgina pakhat changchang ah hram bunh dingin Chuck Schumber lei nih an state pahnih aiawhtu pawl a dang tein a ton te hna lai, tiah theih a si.

Afghan Adjustment Act: US a phanmi Afghan pawl hi US nih an kan thawl lai, ti lawng an phang. Lawlawse i dornak caan an pekmi hi 2023 ah a dih ding a si cang. Thatein dothlat ta an hau lai, tiin Republicans lei nih an lungretheihnak an langhter. Afghan ral lio ah US lei tangin a tuanmi hna paoh hi cu Special Immigrant Visa pek ding kongah le US rat a duhmi hna an kong tu hi cu nehhnu ah ceih si te seh, tiin bia an chah.

Global Rawn Chin Media

10/04/2023

22/02/2023

13/02/2023

12/02/2023

10/02/2023

10/02/2023

01/02/2023

01/02/2023

30/01/2023

29/01/2023

28/01/2023

26/01/2023

25/01/2023

30/12/2022

24/12/2022

Address

Telephone

Website

Alerts

Contact The Business

Videos

Chelsea Bawi's Personal Meeting Room

Chelsea Bawi's Personal Meeting Room

Chelsea Bawi's Personal Meeting Room

Chelsea Bawi's Personal Meeting Room

Chelsea Bawi's Personal Meeting Room

Shortcuts

Share