28/08/2023
စက်တင်ဘာလတွင်ဘင်္ဂလားပင်လယ်အော်အတွင်း မုန်တိုင်းငယ် တစ်ခုဖြစ်ပေါ်နိုင်ဟုဆို
++++++++++++++++++++++++++++++++++++++++++
28 August 2023
စက်တင်ဘာလတွင်ဘင်္ဂလားပင်လယ်အော်အတွင်း မုန်တိုင်းငယ်တစ်ခုဖြစ်ပေါ် နိုင်ကြောင်း မိုးလေဝသနှင့်ဇလ ဗေဒညွှန်ကြားမှူးဦးစီးဌာနက ယနေ့ သြဂုတ်လ ၂၈ရက်တွင်ထုတ်ပြန်လိုက်သည်။
စက်တင်ဘာလပတ်အတွက်မိုးလေဝသခန့်မှန်းချက်အရ ဘင်္ဂလာ ပင်လယ် အော်တွင် လေဖိအားနည်းရပ်ဝန်း (၂)ကြိမ်ဖြစ်ပေါ်နိုင်ပြီး (၁)ကြိမ်တွင် ပိုမို အားကောင်းလာကာ မုန်တိုင်းငယ်အဖြစ်သို့ရောက်ရှိနိုင်ကြောင်း မိုးလေဝသ နှင့်ဇလဗေဒညွှန်ကြားမှူးဦးစီးဌာနက ခန့်မှန်းထားသည်။
အနောက်တောင်မုတ်သုံလေသည် ၂၀၂၃ ခုနှစ်၊ စက်တင်ဘာလ ၁၂ရက် မှ ၁၈ ရက်အတွင်း မြန်မာနိုင်ငံ မြောက်ပိုင်းဒေသများမှ လည်းကောင်း၊ စက်တင် ဘာလ ၁၉ ရက် မှ၂၅ရက်အတွင်း မြန်မာနိုင်ငံအလယ်ပိုင်း ဒေသများမှ လည်း ကောင်း၊ စက်တင်ဘာလ (၂၆) ရက်မှ အောက်တိုဘာလ (၁) ရက်အတွင်း မြစ်ဝကျွန်းပေါ် ဒေသများမှ လည်းကောင်း ဆုတ်ခွာသွားဖွယ်ရာ ရှိကြောင်း လည်း သိရသည်။
အနောက်တောင်မုတ်သုံလေသည် ကပ္ပလီပင်လယ်ပြင်နှင့် ဘင်္ဂလားပင်လယ် အော် တို့တွင် အားအနည်းငယ်မှ အားအသင့်အတင့် ရှိနိုင်ကြောင်း ၊နေပြည် တော် ၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်း ဒေသ ကြီး၊ ပဲခူးတိုင်းဒေသကြီး၊ ရန်ကုန် တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင် ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည် နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်းလည်း ထုတ်ပြန်ထားသည်။
ထို့အပြင် ပဲခူးတိုင်းဒေသကြီး(အရှေ့ပိုင်း)၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကချင်ပြည်နယ်၊ ရခိုင်ပြည်နယ်၊ ကရင် ပြည်နယ်နှင့် မွန်ပြည်နယ်၊ စစ်ကိုင်းတိုင်းဒေသကြီး အထက်ပိုင်း၊ ပဲခူးတိုင်းဒေသကြီး(အနောက်ပိုင်း)၊ ရှမ်းပြည်နယ်နှင့် ချင်း ပြည်နယ် ၊နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် ကယား ပြည်နယ်တို့တွင် မိုးထစ်ချုန်းရွာနိုင်ကြောင်းလည်း ခန့်မှန်းထားကြောင်း သိရသည်။
မိုးလေဝသပညာရှင်ဦးဝင်းနိုင် က နောက်လာမည့် ရက်သတ္တပတ်တစ်ပတ် အတွင်း ဘင်္ဂလားပင်လယ်အော် အနောက်အလယ်ပိုင်း၊အနောက် မြောက် ပိုင်းပင်လယ်ပြင်အတွင်း လေဖိအားနည်း ရပ်ဝန်း တစ်ခုဖြစ်ပေါ် နိုင်ကြောင်း နှင့် မြစ်ဝကျွန်းပေါ်ကမ်းနီးရေလုပ်ငန်းလုပ်ကွက် များနဲ့ မွန်-တနင်္သာရီကမ်းရိုး တန်းတစ်လျှောက် တွင် မိုးသက်လေပြင်းများကျရောက်ပြီး လှိုင်းကြီးနိုင် ကြောင်း ခန့်မှန်းထားသည်။
မိုးသက်လေပြင်းကျချိန်တွင် လေတိုက်နှုန်း တစ်နာရီ မိုင် ၂၀ မှ မိုင် ၃၀ ခန့်အထိ တိုက်ခတ်နိုင်ပြီး၊ လှိုင်းအမြင့် ၄ ပေ မှ ၇ ပေခန့်အထိ ရှိနိုင်ကြောင်း ကြိုတင်ခန့်မှန်းချက်၌ တွေ့ရှိရ၍ ပင်လယ်ပြင်ရေလုပ်သား များ"သိရှိချင့် ချိန်နိုင်ကြပါရန်" ယင်းက ကြိုတင်အသိပေးထားသည်။
