Khit Thit PM

Khit Thit PM Contact information, map and directions, contact form, opening hours, services, ratings, photos, videos and announcements from Khit Thit PM, News & Media Website, .

ပခုက္ကူ-ရေစကြို လမ်းပိုင်းတွင်း စစ်ကားများကို မိုင်းဆွဲတိုက်ခိုက်မှု စစ်တပ်ဘက်မှ ၅ ဦးခန့်သေဆုံးဩဂုတ် ၂၉ မကွေးတိုင်း၊ ပခု...
29/08/2023

ပခုက္ကူ-ရေစကြို လမ်းပိုင်းတွင်း စစ်ကားများကို မိုင်းဆွဲတိုက်ခိုက်မှု စစ်တပ်ဘက်မှ ၅ ဦးခန့်သေဆုံး
ဩဂုတ် ၂၉
မကွေးတိုင်း၊ ပခုက္ကူမြို့နယ်၊ ပခုက္ကူ-ရေစကြိုလမ်းပိုင်းတွင် ဖြတ်သန်းသွားလာနေသည့် စစ်ကားများကို မိုင်းဆွဲတိုက်ခိုက်ခဲ့ရာ စစ်တပ်ဘက်မှ ၅ ဦးခန့်သေဆုံးနိုင်ကြောင်း Young Force – UG တပ်ဖွဲ့မှ တာဝန်ရှိသူတစ်ဦးက ပြောပါသည်။
ယနေ့ ဩဂုတ်လ ၂၉ ရက် နံနက်ပိုင်းက ပခုက္ကူမှ ရေစကြိုစကြိုလက်သို့ ထွက်ခွာလာသော ကားမှန်ချ မောင်းနှင်ခြင်းမရှိသည့် မတ်တူးကားတစ်စီးကို သတိပေးမိုင်းဆွဲခဲ့ရာ ကားထိကို ထိမှန်မှုရှိခဲ့ပြီး လူထိ ခိုက်သေဆုံးမှုမရှိခဲ့ကြောင်း၊အလားတူ ပခုက္ကူမှရေစကြိုသို့ ထွက်ခွာလာသော အကြမ်းဖက်စစ်ကောင်စီ တပ်ဖွဲ့ဝင် ပွိုင့်ကားတစ်စီးကို မိုင်းဆွဲတိုက်ခိုက်ခဲ့ရာ ၃ ဦးသေဆုံးခဲ့ကြောင်း သိရသည်။
“ပခုက္ကူကနေ ရေစကြိုကိုသွားတဲ့ ပွိုင့်ကားဗျ၊ အဲဒါကို ဆွဲတာ ထိတယ်၊ ထိတော့ ပခုက္ကူစက်မှုဇုန်ကနေ နောက်တစ်စီးနဲ့လာဆွဲတာ၊ အဲဒီမှာက ၃ ယောက်သေတယ်လို့ သိရတယ်၊ ဒီနေ့မွန်းလွဲပိုင်းမှာ ဆွဲခဲ့တာ၊ အဲနားမှာ သွေးကွက်တွေကျန်ခဲ့တာဆိုတော့ သေတာက သေချာတယ်၊ သွေးကွက်တွေကို လည်းသဲ တွေနဲ့ဖုံး ထားခဲ့တာ၊ နောက်ဆက်တွဲထုတ်ပြန်ထားတဲ့ သေတဲ့ ၂ ကောင်က ၂၆၊ ၂၇ ရက်တရက် ရက်နေ မှာ အဲဒီတုန်းက သေတာမသိလို့ မထုတ်ပြန် လိုက်ရတာ၊” ဟု Young Force – UG တပ်ဖွဲ့မှ တာဝန်ရှိသူတစ်ဦးက ပြောပါသည်။
ယမန်နေ့ ဩဂုတ်လ ၂၈ ရက် ည ၈ နာရီဝန်းကျင်ခန့်က ပခုက္ကူမြို့နယ်၊ ပန်းတိုင်ခြုံကျေးရွာမှ ပခုက္ကူ မြို့သို့ ပြန်လာသော အကြမ်းဖက်စစ်ကောင်စီ ပွိုင့်ကားတစ်စီးကို မိုင်း ၃ လုံးဖြင့်ဖောက်ခွဲတိုက်ခိုက်ခဲ့ ကြောင်း သိရသည်။
“ပခုက္ကူနဲ့ရေစကြိုကားလမ်းပေါ်မှာလည်း၊ မနေ့ညက အသွားတုန်းက သိတယ်၊ မဆွဲလိုက်ရဘူး၊ မီးမှိတ်ပြီးမောင်းသွားတာ၊ ပြည်သူဖြစ်မှာစိုးလို့ မဆွဲလိုက်ရဘူး၊ ပြန်လာမှ ခွေးကားမှန်းသိတော့ ဆွဲ လိုက်ရတာ၊ ကားမှန်မချပဲမောင်းတဲ့မတ်တူးကားကလည်း ပြည်သူကားလို့လည်း ပြောလို့ရ မရဘူး၊ မှန်ကချလည်းမထားဘူး၊ မတ်တူးကားဆိုတာ ကျနော်တို့ဘက်မှာ အများဆုံးသုံးတာက ပန်းတိုင်းခြုံနဲ့ ကျောက်လှေကားကားဂိတ်နဲ့ ပခုက္ကူနဲ့ကူးနေတဲ့အချိန်မှာ ခွေးသုံးတာများတာ၊ ဒါပေမယ့်မသေချာဘူး၊ မသေချာပေမယ့်လည်း အဲဒီလမ်းပိုင်းမှာ ထုတ်ပြန်ပြီးသား၊ ကျနော်တို့က မနက် ၆ နာရီကနေ ညနေ ၇ နာရီ အတွင်းပဲ သတ်မှတ်ထားတာ၊ ကားမှန်မချထားလို့ မှားယွင်းပစ်ခတ်မှုရှိခဲ့ရင် တာဝန်မယူဘူးလို့ အရင်နေ့ကလည်းက ပကဖကနေ စာထုတ်ထားပြီးသား၊ အဲဒီမှာကတော့ သေဆုံးမှုတော့ မရှိဘူး။ ကား ကတော့ထိတယ်၊ ပခုက္ကူကနေ ရေစကြိုဘက်ကို သွားတဲ့ကား၊” Young Force – UG တပ်ဖွဲ့မှ တာဝန်ရှိသူတစ်ဦးက ပြောပါသည်။
အဆိုပါတိုက်ခိုက်မှုကို ပခုက္ကူခရိုင် တပ်ရင်း ၁၃ ၊ Shwe Nyar Myae PDf နှင့် ပခုက္ကူမြိုနယ် ပကဖ တပ်ခွဲ ၂ Young Force UG တပ်ဖွဲ့တို့ ပူးပေါင်းကာ တိုက်ခိုက်ခဲ့ခြင်းဖြစ်ပြီး ပခုက္ကူ- ရေစ ကြိုကားလမ်းကိုအ သုံးပြုမည့် မိဘပြည်သူများအနေဖြင့် ထုတ်ပြန်ထားသည့် စည်းကမ်းများကိုတိတိကျကျ လိုက်နာပေး ပါရန် အသိပေးထုတ်ပြန်ထားသည်။

#စစ်ကောင်စီ

27/08/2023

ရှားတောမှာ အများအပြား ပွဲသိမ်းလိုက်ပြီ

25/08/2023

ဒီးမော့ဆို-ဖရူဆိုအစပ်မှာ တိုက်ပွဲတွေ ပြင်းထန်နေပြီး စစ်ကောင်စီက တင့်ကားတွေ လေယာဉ်တွေနဲ့ပါ တိုက်ခိုက်
ဩဂုတ် ၂၅
ကရင်နီပြည်နယ်၊ ဒီးမော့ဆို-ဖရူဆိုအစပ်မှာ စစ်ကောင်စီတပ်နဲ့ ပြည်သူ့ကာကွယ်ရေးတပ်ဖွဲ့ တိုက်ပွဲတွေ အပြင်းအထန်ဖြစ်ပွားနေပြီး စစ်ကောင်စီက တင့်ကားတွေ၊ လေယာဉ်တွေနဲ့ တရစပ် ပစ်ခတ်တိုက်ခိုက်နေတယ်လို့ တိုက်ပွဲတွင်းရောက်နေတဲ့ ဒီးမော့ဆို PDF အဖွဲ့ဝင် တစ်ဦးက ပြောပါတယ်။
ဩဂုတ်လ ၂၁ ရက်ကစပြီး စစ်ကောင်စီတပ်က အများအပြားနဲ့ စစ်ကြောင်းထိုးလာသလို တင့်ကားတွေ၊ လက်နက်ကြီးတွေ နဲ့ လေကြောင်းပစ်ကူတွေကိုပါ အလွန်အကျွံအသုံးပြုလာတယ်လို့ ဆိုပါတယ်။
“ဒီ ၃၊၄ ရက်အတွင်းတိုက်ပွဲက တော်တော်လေးပြင်းတယ်။ သူတို့( စစ်ကောင်စီ)ဘက်က တင့်ကားတွေ၊ လေယာဉ်တွေ၊ လက်နက်ကြီးတွေနဲ့ တောက်လျှောက်ပစ်နေတာပေါ့။ သူတို့လည်း ထိသလို ကိုယ်တွေလည်း လက်နက်အားနဲ့ အဖိခံရတာပေါ့” လို့ သူကရှင်းပြပါတယ်။
စစ်ကောင်စီက ကရင်နီပြည်နယ်အတွက် အရေးပါတဲ့ ပြည်ထောင်စုလမ်းမကြီးကိုထိန်းချုပ်လိုတာကြောင့် ဩဂုတ်လ ၂ ရက်ကတည်းက ထိုးစစ်ဆင်နေတာဖြစ်ပြီး မြေပြင်ရော၊ ‌ဝေဟင်ကိုပါ အသုံးပြုတိုက်ခိုက်နေတာပါ။
ဩဂုတ် ၂ ရက်ကနေ ၁၄ ရက်ထိ ဒီးမော့ဆို -ဖရူဆိုမြို့နယ်တိုက်ပွဲတွေမှာတော့ စစ်တပ် တပ်ရင်းမှူးတစ်ဦး၊ ဒုတပ်ရင်းမှူးတစ်ဦးအပါအဝင် စစ်ကောင်စီတပ်သား ၇၀ ကျော်ကို ရှင်းလင်းနိုင်ခဲ့တယ်လို့ ဒီးမော့ဆို PDF က ထုတ်ပြန်ထားပါတယ်။

#ဒီးမော့ဆို #ဖရူဆို #တင့်ကား #လေယာဉ် #စစ်ကောင်စီ

NUG အနေဖြင့် ၂၀၀၈ ခြေဥကို ဖျက်သိမ်းခဲ့ပြီးဖြစ်၍ လူသတ်သွေးစွန်းနေ သည့် စစ်ကောင်စီနှင့် တွေ့ဆုံဆွေးနွေးစရာ အကြောင်းမရှိဟုဆ...
24/08/2023

NUG အနေဖြင့် ၂၀၀၈ ခြေဥကို ဖျက်သိမ်းခဲ့ပြီးဖြစ်၍ လူသတ်သွေးစွန်းနေ သည့် စစ်ကောင်စီနှင့် တွေ့ဆုံဆွေးနွေးစရာ အကြောင်းမရှိဟုဆို
ဩဂုတ်လ ၂၄ ရက်
အမျိုးသားညီညွတ်ရေးအစိုးရ-NUG အနေဖြင့် ၂၀၀၈ ဖွဲ့စည်းပုံ အခြေခံဥပဒေကို ဖျက်သိမ်းပြီးဖြစ်၍ ယင်းအောက်ကို ပြန်သွားမည် မဟုတ်သလို လူသတ်သွေးစွန်း နေသည့် အာဏာသိမ်း စစ်ကောင်စီနှင့်လည်း တွေ့ဆုံဆွေးနွေးစရာ အကြောင်းမရှိ ကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောကြားသည်။
အမျိုးသားညီညွတ်ရေးအစိုးရ-NUG ၊ ပြည်ထောင်စုလွှတ်တော် ကိုယ်စားပြုကော်မတီ-CRPHနှင့် ပြည်သူ့ကာကွယ်ရေးတပ်မတော်-PDF တို့ကိုရည်ညွှန်း၍ တွေ့ဆုံ ဆွေးနွေးရေး လုပ်လိုပါက တိုက်ခိုက်မှုများကို ရှုံ့ချစွန့်ခွာပြီး ကမ္ဘာသိအောင် ကြေညာရမည်ဟု စစ်ကောင်စီ၏ ပြောရေးဆိုခွင့်ရှိသူ ဗိုလ်ချုပ်ဇော်မင်းထွန်းက နေပြည်တော်တွင် ပြုလုပ် သည့် သတင်းစာရှင်းလင်းပွဲတွင် ပြောဆိုသည်ကို NUG က ပြန်လည်တုံ့ပြန် ခဲ့ခြင်းဖြစ်သည်။
“ဒီလူသတ်ကောင်တွေ သွေးစွန်းနေတဲ့ လက်နဲ့တော့ ကျွန်တော်တို့က စားပွဲ တစ်ဝိုင်း တည်း ထိုင်မှာလည်းမဟုတ်ဘူး၊ လက်ဆွဲနှုတ်ဆက်မှာလည်း မဟုတ်ဘူး။ နောက်ပြီး တော့တော်လှန်ရေးဟာ NUG တစ်ခုတည်း လုပ်နေတာမဟုတ်ဘူး၊ တိုင်းရင်းသား တော်လှန်ရေး အင်အားစုတွေရယ်၊ CRPH ၊ NUCC စတဲ့ တော်လှန်ရေးတပ်ပေါင်း စုတွေရယ်၊ အထူးသဖြင့်တော့ ပြည်သူလူထုတစ်ရပ်လုံးရဲ့ အားပေးထောက်ခံမှုနဲ့ အတူပေါ့နော်။ ကျွန်တော်တို့အဓိဋ္ဌာန် ခိုင်ခိုင်မာမာချပြီးတော့ ဖက်ဒရယ်ဒီမိုကရေစီ ပြည်ထောင်စုကို သွားမယ်ဆိုပြီးတော့ ကျွန်တော်တို့ရဲ့ ပန်းတိုင်ကို ကျွန်တော်တို့ရဲ့ Roadmap နဲ့ သွားနေတာဖြစ်တယ်” ဟု ဦးနေဘုန်းလတ်က ပြောသည်။။
စစ်အာဏာသိမ်းချိန်မှ စတင်၍ လက်ရှိ နှစ်နှစ်ခွဲကျော်ကာလအထိ သက်ကြီးရွယ်အို၊ ကိုယ်ဝန်ဆောင်နှင့် ကလေးငယ်ပါမကျန် ပြည်သူလူထုအပေါ် မတရားဖိနှိပ်ဖမ်းဆီး ညှင်းပန်းသတ်ဖြတ်နေပြီး အမျိုးသမီးများကိုလည်း မုဒိမ်းကျင့်သတ်ဖြတ် အကြမ်းဖက် နေသူသည် စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင် ဦးဆောင်သော အာဏသိမ်း စစ်ကောင်စီသာဖြစ်ကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်း လတ်က ဆိုသည်။
“ဒါကိုသိလို့လည်း အခု အာဆီယံမှာဆိုလည်း (ဗိုလ်ချုပ်မှူးကြီး) မင်းအောင်လှိုင်တို့ကို ဖိတ်ကြားခြင်းမရှိဘူး။ အဲ့ဒီလိုပဲ အခြားနိုင်ငံတွေဆိုရင်လည်း ဘယ်နိုင်ငံကမှ အဆက်အဆံ မလုပ်ဘဲနဲ့ မြန်မာနိုင်ငံမှာ ဒီမိုကရေစီ ပြန်လည်ဖော်ဆောင်ရေးကို လုပ်ကြဖို့ တိုက်တွန်းနေကြတာ ဖြစ်တယ်။ ပြီးတော့ အမေရိကန်နဲ့ EU စတဲ့ နိုင်ငံတွေ ဆိုရင်လည်း ဆန်ရှင်တွေပေါ့နော်။ စီးပွားရေးပိတ်ဆို့မှုတွေ တောက်လျှောက်လုပ်နေတာ ဖြစ်တယ်ပေါ့နော်။ ဘယ်သူက အကြမ်းဖက်သမားလည်းဆိုတာကို ကမ္ဘာကြီးကလည်း သိတယ်၊ ပြည်သူတွေကလည်း သိတယ်ပေါ့။ ငပြူးက လာပြဲပြနေသလိုပဲ ဖြစ်နေတယ်” ဟု ဦးနေဘုန်း လတ်က ဆက်လက်ပြောသည်။
အကြမ်းဖက်မှုများကို မည်သူက ကျူးလွန်နေပြီး မည်သူများက ပြည်သူလူထုအား ကာကွယ်ပေးကာ တုံ့ပြန်နေသည်ကို မြန်မာပြည်သူသာမက ကမ္ဘာတဝန်းရှိ ပြည်သူများ ကပါ သိနေကြသလို ယခင်ကကဲ့သို့ ပြည်တွင်းရေးအခြေအနေကို ဖုံးဖိထား၍ မရတော့ကြောင်း ဒေါင်းမင်းစစ်ကြောင်း တာဝန်ခံက ပြောကြားသည်။
“သတင်းနဲ့ နည်းပညာ ဖွံ့ဖြိုးလာတဲ့အတွက် ဘယ်နေရာမှာ ဘာဖြစ်တယ်ဆိုတာ ကမ္ဘာ့ပြည်သူတွေရော၊ မြန်မာပြည်သူတွေရော အချိန်နဲ့တပြေးညီ အားလုံးသိ နေကြပါတယ်။ အညာမှာရွာတွေကို မီးရှို့နေတာ ဘယ်သူတွေလဲ၊ အပြစ်မဲ့ပြည်သူတွေကို တိုက်ခိုက်သတ်ဖြတ်နေတာ ဘယ်သူတွေလဲ၊ လူနေရပ်ကွက်တွေကို လေယာဉ်နဲ့ ဗုံးကြဲတာ၊ လက်နက်ကြီးနဲ့ပစ်တာ ဘယ်သူတွေလဲဆိုတာ အားလုံးသိနေတဲ့အတွက် ဒီစကားပေါ်မှာ ကျွန်တော်တို့က အရေးအရာထည့်ပြီး လုပ်စရာမလိုဘူးလို့ ယူဆပါတယ်။ ဘာလို့လည်းဆိုတော့ လိမ်နေကျသူက ဆက်လိမ်နေတဲ့အပေါ်မှာ တကယ်တမ်း သိတဲ့ သူတွေအတွက်က ဟာသကြီးပါပဲ” ဟု ဒေါင်းမင်းစစ်ကြောင်း တာဝန်ခံက ပြောသည်။
စစ်ကောင်စီအနေဖြင့် မတရားဖမ်းဆီးခံထားရသည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတကြီးဦးဝင်းမြင့်နှင့်တကွ နိုင်ငံရေးအကျဉ်းသားများ အားလုံး ခြွင်းချက်မရှိ ပြန်လွှတ် ရမည်ဖြစ်သည်။
ထို့ပြင် ပြည်သူလူထုအပေါ် စစ်ရာဇဝတ်မှုများ၊ အစုလိုက်အပြုံလိုက် သတ်ဖြတ် မှုများ၊ လူ့အခွင့်အရေး ချိုးဖောက်မှုများ ကျူးလွန်သည့် ကိစ္စရပ်များတွင် တာဝန်ရှိသူအားလုံး ပြည်သူ့တရားစီရင်မှုကို ခံရမည်ဖြစ်ပြီး ပြစ်ဒဏ်မှ ကင်းလွတ်ခွင့်ကိုလည်း ခွင့်မပြုနိုင် ကြောင်း NUG ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ဆိုသည်။

ပုံစာ-စစ်ကောင်စီအဖွဲ့ဝင်များ (ပုံဟောင်း)

#၂၀၀၈ခြေဥဖျက်သိမ်း

24/08/2023

MFTB နှင့် MICB ဘဏ် ၂ ခု အပေါ် အမေရိကန်က စီးပွားရေးပိတ်ဆို့မှုကြောင့် စစ်ကောင်စီ အတွက် နိုင်ငံခြားငွေရရှိမှု၊ နိုင်ငံခြားငွေ သုံးစွဲမှု၊ ပို့ကုန် သွင်းကုန် လုပ်ငန်း များ ထိခိုက်နေကြောင်း စီမံ/ဘဏ္ဍာ ဒုဝန်ကြီး ဝန်ခံ

ဒေါ်လာဘီလီယံချီ အကုန်ခံ ၀ယ်ထားတဲ့ JF-17 ဖိုက်တာဂျက်လေယာဉ် ၁၁ စီး လေထဲပျံမရလို့ မင်းအောင်လှိုင် ‌ဒေါသပုန်ထနေသြဂုတ် ၂၄စစ်က...
24/08/2023

ဒေါ်လာဘီလီယံချီ အကုန်ခံ ၀ယ်ထားတဲ့ JF-17 ဖိုက်တာဂျက်လေယာဉ် ၁၁ စီး လေထဲပျံမရလို့ မင်းအောင်လှိုင် ‌ဒေါသပုန်ထနေ
သြဂုတ် ၂၄
စစ်ကောင်စီကို တော်လှန်နေတဲ့ မြန်မာပြည်သူတွေအတွက် သတင်းကောင်း တစ်ပုဒ်ကတော့ အားရကျေနပ်စရာ ထွက်ပေါ်လာခဲ့ပါပြီ။ ပါကစ္စတန် အစိုးရနဲ့ နေပြည်တော် စစ်ကောင်စီ အကြား ဖြေရှင်းလို့မရတဲ့ တင်းမာမှုကြီးကြောင့် မင်းအောင်လှိုင်တစ်ယောက် ထိပ်ပုတ်ခေါင်းခေါက်ခံလိုက်ရပြီး ဒေါသပုန်ထနေတယ် ဆိုတဲ့ သတင်းပါ။
မင်းအောင်လှိုင်နဲ့ စစ်ခေါင်းဆောင်တွေဟာ ၂၀၁၆ ခုနှစ်က ပါကစ္စတန်ဝန်ကြီးချုပ် ရှာဘက်ရှရစ်ဖ်နဲ့ ပါကစ္စတန် ဗိုလ်ချုပ် အာဆင်မူနီယာ တို့နဲ့ သဘောတူ လက်မှတ်ရေးထိုးပြီး ပါကစ္စတန်ထုတ် ဘက်စုံ တိုက်ခိုက်ရေး ဖိုက်တာ ဂျက်လေယာဉ် JF-17 Thunder ၁၁ စီးကို ဒေါ်လာ ဘီလီယံချီ အကုန်ခံပြီး ဝယ်ယူဖို့ လက်မှတ် ရေးထိုးခဲ့တယ်။
၂၀၁၉ နဲ့ ၂၀၂၁ ခုနှစ်ကြားကာလမှာ ဒီဂျက်လေယာဉ်တွေ မင်းအောင်လှိုင် စစ်တပ်ဆီ ရောက်လာခဲ့ပါတယ်။ ဒါပေမယ့် ဒီလေယာဉ်တွေ အားလုံးဟာ မြန်မာကိုရောက်ပြီး မကြာခင်ဘဲ စက်ချွတ်ယွင်းချက်နဲ့ တည်ဆောက်မှု ဆိုင်ရာ ချို့ယွင်းချက်များစွာကို တွေ့ရှိလို့ လေပေါ် မတက်နိုင်ဘဲ မြေပြင်မှာပဲ ရပ်နားထားရလို့ မင်းအောင်လှိုင် ပေါက်ကွဲနေတာဖြစ်တယ်လို့ လေတပ် သတင်းရင်းမြစ်က ပြောပါတယ်။
JF-17 Thunder ဖိုက်တာဂျက် လေယာဉ်တွေကို ပါကစ္စတန်ရဲ့ Aeronautical Complex နဲ့ တရုတ်ရဲ့ Chengdu Aircraft Industries Corporation တို့ ပူးပေါင်း ထုတ်လုပ်တာလို့ ဆိုပါတယ်။
ဒီလေယာဥ်တွေဟာ ရုရှား Klimov RD 93 အင်ဂျင်၊ အနောက်နိုင်ငံ လေကြောင်းနည်း ပညာနဲ့ တရုတ် လေယာဉ်ကိုယ်ထည်တွေ ပေါင်းဖက်ပြီး ခေတ်မီလက်နက်တွေ တပ်ဆင်တည်ဆောက်ထားတဲ့ ဂျက်လေယာဉ်တွေ ဖြစ်ပါတယ်။
နိုင်ငံတကာ လေကြောင်းပညာရှင်တွေကတော့ JF-17 Thunder ဟာ စစ်ဆင်ရေးလုပ်ဆောင်ရာမှာ နည်းပညာဆိုင်ရာ ရှုပ်ထွေးတဲ့ အနေအထားကြောင့် အသုံးပြုရခက်တယ်လို့ သုံးသပ်ခဲ့ကြတယ်။
လေယာဥ်မှာ တရုတ်ထုတ် KLJ-7 Al ရေဒါ တပ်ထားပေမယ့် မြေပြင်ကို မြင်နိုင်စွမ်း နည်းပါးပြီး ပြင်ပ ဒုံးကျည် (BVR) ဒါမှမဟုတ် ဝေဟင်ကြားဖြတ် ရေဒါစနစ် မပါဘူး။ ဒါကြောင့် စစ်ဆင်ရေးမှာ တိကျမှုမရှိ၊ ထိရောက်မှု မရှိတာ၊ တရုတ်ကိုယ်ထည်က ဆွဲငင်အားနဲ့ လေပြင်းဒဏ် ခံနိုင်ရည်ပိုင်း အားနည်းတဲ့ ပြဿနာတွေအပြင် တခြား နည်ပညာပိုင်းဆိုင်ရာ ပြဿနာတွေ များစွာရှိနေတယ်လို့ နိုင်ငံတကာက သုံးသပ်ခဲ့ကြတာ ဖြစ်ပါတယ်။
မြန်မာ တိုင်းရင်းသားလက်နက်ကိုင်တွေ၊ နွေဦးတော်လှန်ရေးက ပေါက်ဖွားလာတဲ့ PDF တွေနဲ့ ပြည်သူ့တော်လှန်ရေး အင်အားစုတွေကို ဝေဟင်ကနေ မြေပြင်ပစ် ဒုံးစနစ်နဲ့ ချေမှုန်းဖို့ ပြန်လည်ပြင်ဆင်နေပေမယ့် စစ်ဆင် ပစ်ခတ်ဖို့ အသာထား ပျံသန်းဖို့တောင် မလုပ်နိုင်ဘူးလို့ လေတပ်သတင်းရင်းမြစ်က ဆိုပါတယ်။
ဒီလို ချို့ယွင်းချက်တွေ များပြားနေတာကြောင့် အားလုံး မြေပြင် လေတပ် ပြင်ထိန်းရုံထဲမှာပဲ ထားရှိနေရလို့ မင်းအောင်လှိုင်ဟာ ပါကစ္စတန်ကို ဒေါသထွက် ပေါက်ကွဲနေရတာ ဖြစ်တယ်လို့ တပ်တွင်း သတင်းပေးက ဆိုပါတယ်။
၂၀၂၂ ခုနှစ်၊ စက်တင်ဘာလမှာ ပါကစ္စတန် အင်ဂျင်နီယာတွေ မြန်မာနိုင်ငံကို လျှို့ဝှက်လာရောက်ပြီး လေယာဉ်တွေရဲ့ ချို့ယွင်းချက်တွေကို ရှာဖွေပြင်ဆင်ဖို့ ကြိုးစားခဲ့ကြပေမယ့်လည်း အချီးအနှီး ဖြစ်ခဲ့ရပြီး ပါကစ္စတန်ဘက်က နောက်အသစ်ထုတ် နည်းပညာ အဆင့်မြှင့်ထားတဲ့ JF-17 ဖိုက်တာဂျက်လေယာဉ်တွေက တကယ် အသုံးတည့်စေရမယ်လို့ မင်းအောင်လှိုင်ကို ကမ်းလှမ်းခဲ့တယ်လို့ ဆိုပါတယ်။
မင်းအောင်လှိုင် ကတော့ ၁၁ စီးလုံး သုံးမရတဲ့ အခြေအနေကြောင့် ပါကစ္စတန်ရဲ့ JF-17 လေယာဉ်သစ်တွေကို မလိုချင်တော့ကြောင်း ဒေါသတကြီး တုံ့ပြန်လို့ တရုတ်ကွန်မြူနစ်ပါတီ ထိပ်တန်း ခေါင်းဆောင်တွေဟာ မင်းအောင်လှိုင်ဆီ လာရောက်ပြီး စေ့စပ်ဆွေးနွေးမှုတွေ လုပ်ခဲ့ပါတယ်။ ဒီဆွေးနွေးမှု ရလဒ်ကိုတော့ မသိရသေးပါဘူး။
ဒီ JF-17 ပါကစ္စတန် ဖိုက်တာဂျက် လေယာဉ်တွေကို ပထမဆုံး စဝယ်တာ မင်းအောင်လှိုင် ဖြစ်ပြီး တခြား လက်တင်အမေရိက နိုင်ငံတွေကလည်း ဒီလေယာဉ်တွေ ဝယ်ယူထားတာ ရှိပါတယ်။ ၂၀၀၉ ခုနှစ်မှာ နိုင်ဂျီးရီးယား နိုင်ငံဟာ ပါကစ္စတန်ဆီက အလားသဏ္ဍန်တူ F-7 NI ဖိုက်တာ ဂျက်လေယာဉ် ၁၅ စင်း ဝယ်ခဲ့တယ်။
၂၀၁၈ ခုနှစ် မှတ်တမ်းမှာ ဒီ ၁၅ စင်းထဲက ၆ စင်းက ပျက်ကျသွားပြီး ကျန် ၉ စင်းက အသုံးပြုလို့မရတဲ့ အခြေအနေ ရောက်သွားခဲ့ပြီး ဖြစ်ပါတယ်။ ဒီအထဲက ၅ စင်းကို တရုတ်ဆီပို့ပြီး အကြီးစား ပြင်ဆင်မွမ်းမံမှု လုပ်ခိုင်းခဲ့တယ်။
၂၀၂၂ ခုနှစ်မှာ နိုင်ဂျီးရီးယားကို ဒီ ၅ စင်း ပြန်ရောက်လာပြီး ၂၀၂၃ ခုနှစ်၊ ဇူလိုင်လမှာ တစ်စင်း ထပ်ပျက်ကျ သွားပါတယ်။
ဒီလို ပျက်ကျတဲ့ သတင်းကြောင့် တရုတ်-ပါကစ္စတန် ပေါင်းထုတ်တဲ့ ဖိုက်တာဂျက်တွေကို ဝယ်ယူဖို့ ငြင်းဆန်တဲ့ နိုင်ငံတွေထဲ အာဂျင်တီးနားပါ ပါဝင်လာတယ်လို့ နိုင်ငံတကာ သတင်းတွေမှာ ဖော်ပြပါတယ်။
တရုတ်ကတော့ ဒီလေယာဉ် ထုတ်လုပ်မှုမှာ ပါဝင်ပတ်သက်မှု မရှိတဲ့ အနေအထားနဲ့ လေယာဉ်မှာ သူတို့ အမှတ်တံဆိပ် တစ်ခုမှ မပါဘူးဆိုပြီး မသိချင်ယောင် ဆောင်နေခဲ့တယ်လို့ ဝေဖန်မှုတွေ များစွာရှိနေခဲ့ပါတယ်။
ဒါပေမယ့် သေချာတာကတော့ မင်းအောင်လှိုင်နဲ့ စစ်ခေါင်းဆောင်တွေဟာ ပါကစ္စတန်နဲ့ တရုတ်နဲ့ပေါင်းပြီး ထည့်လိုက်တဲ့ အကြီးဆုံးဂျင်းကြီး မိသွားခဲ့တယ် ဆိုတာပါပဲ။

23/08/2023

စစ်စခန်းတိုက်ခိုက်ခံရပြီး အရာခံဗိုလ်တဦးThay၊ PDFတိုက်ခိုက်တာမဟုတ်ဘဲ စစ်သားအချင်းချင်းပစ်တာလို့ သတင်းဖြန့်

23/08/2023

တပ်ကြပ်ကြီးအပါ ၃ ဦးသေဆုံးခဲ့ပြီး သေနတ် ၂ လက်ပါရခဲ့တဲ့ ကပစ ၂၃ စစ်စခန်းကုန်းတိုက်ပွဲ (ရုပ်/သံ)
ဂန့်ဂေါ၊ ဩဂုတ် ၂၂၊ ၂၀၂၃။
မကွေးတိုင်း၊ ဂန့်ဂေါခရိုင်၊ ကျောမြို့အခြေစိုက် ကပစ ၂၃ ရဲ့ အရေးပါတဲ့ ဗျူဟာစခန်းကုန်းတခု ဝင်ရောက်တိုက်ခိုက်ခံရပြီး တပ်ကြပ်ကြီးအပါအဝင် ၃ ဦးသေကာ ခဲယမ်းတွေလည်း သိမ်းမိခဲ့တယ်လို့ ရဲဘော်တွေဆီက သိရပါတယ်။
ဩဂုတ် ၂၁ ရက် မနက် ၉ နာရီခွဲဝန်းကျင်က ကပစ ၂၃ နဲ့ ၂ မိုင်ခန့်အကွာက စစ်ကောင်စီစခန်းကုန်းတခုကို ယောကာကွယ်ရေးတပ် YDFရဲ့ ယောနကစစ်ကြောင်းက ဝင်ရောက်တိုက်ခိုက်ခဲ့တာဖြစ်ပြီး မိနစ် ၂၀ ကြာ တိုက်ပွဲဖြစ်ပွားခဲ့ကာ တိုက်ပွဲဖြစ်နေချိန်အတွင်း ကပစထဲကနေလည်း လက်နက်ကြီး ပစ်ကူပေးတယ်လို့ ဆိုပါတယ်။
“လုံခြုံရေးမိုင်းတွေလည်း အထပ်ထပ်ကာထားတယ်။ အဲ့ဒါကို ကျနော်တို့က တက်ပြီးမှ သိမ်းတာပါဗျ။ သူတို့ဘက်က သေတဲ့သူတွေက ဒီတိုင်းပဲ အလောင်းတွေတွေ့ရတယ်။ မသေတဲ့ တချို့ တပ်သားတွေကတော့ လက်နက်တွေ ယူပြီးမှ ထွက်ပြေးသွားတယ်။ ကျနော်တို့က ပြင်းပြင်းထန်ထန် ကျားထိုးပြီးမှ ပစ်အားကောင်း ကောင်းနဲ့ ဝင်လိုက်တာဆိုတော့ ထွက်ပြေးသွားတဲ့အခြေနေမျိုးပါ။”လို့ ယောကာကွယ်ရေးတပ် YDF ရဲ့ ပြန်ကြားရေးတာဝန်ခံက ပြောပါတယ်။
တိုက်ပွဲအတွင်း စစ်ကောင်စီဘက်က တပ်ကြပ်ကြီး သီဟအောင် အပါအဝင် ၃ ဦးသေဆုံးပြီး MA 3 ၂ လက်၊ ကျည်ဘောက် ၁၃ ခု၊ ကျည် ၃၄၃ တောင့်၊ အီကွေးမန့် ၄ ခု၊ ကျောပိုးအိတ် ၁ လုံး၊ ဖုန်း ၄ လုံး၊ power bank ၂ လုံး သိမ်းမိခဲ့တယ်လို့ ဆိုပါတယ်။
သိမ်းဆည်းနိုင်ခဲ့တဲ့ စခန်းကုန်းဟာ ဗိုလ်ကြီး ၂ ဦး၊ ခွဲတပ်ကြပ်ကြီး ၁ ဦး၊ တပ်ကြပ်ကြီး ၅ ဦး၊ တပ်ကြပ် ၃ ဦး နေထိုင်ပြီး အဆိုပါ စခန်းကုန်းဟာ ကပစ ၂၃ တခုလုံးရဲ့ လုံခြုံရေးယူပေးတဲ့ စိုးမိုးကုန်းဖြစ်တယ်လို့ သိရပါတယ်။
ပြီးခဲ့တဲ့ ဇွန် ၃ရက်ကလည်း ကျောက်ထုမြို့နယ်၊ စံတောင်အနီးမှာ စစ်ကောင်စီစစ်ကြောင်းကို ကြားဖြတ် တိုက်ခိုက်ခဲ့ပြီး စစ်သား ၂ ဦးသေကာ ၄ ဦးဒဏ်ရာရခဲ့ပြီး ကျည်ဆံတချို့ သိမ်းဆည်းနိုင်ခဲ့ပါသေးတယ်။

"ပေါက်ပြီးသားသီချင်းကို ပြန်ဆိုတာမဟုတ်လို့ Anoni Mus အတွက် ဂုဏ်ယူတယ်ဆိုတဲ့ မေခလာ"
20/08/2023

"ပေါက်ပြီးသားသီချင်းကို ပြန်ဆိုတာမဟုတ်လို့ Anoni Mus အတွက် ဂုဏ်ယူတယ်ဆိုတဲ့ မေခလာ"

လျှပ်စစ်နှင့် စွမ်းအင်ဝန်ကြီးများဖြစ်လာသည့် စစ်အင်ဂျင်နီယာဗိုလ်ချုပ်နှစ်ဦးAugust 16, 2023အာဏာလက်မလွှတ်ရရေး အကြောင်းပြချက...
19/08/2023

လျှပ်စစ်နှင့် စွမ်းအင်ဝန်ကြီးများဖြစ်လာသည့် စစ်အင်ဂျင်နီယာဗိုလ်ချုပ်နှစ်ဦး
August 16, 2023

အာဏာလက်မလွှတ်ရရေး အကြောင်းပြချက်မျိုးစုံဖြင့် ခြောက်လသက်တမ်းတိုးပြီးနောက် ယခုလဆန်းပိုင်း၌ စစ်ကောင်စီက ဝန်ကြီးနေရာများ အပြောင်းအလဲပြုလုပ်ခဲ့ရာ စစ်အင်ဂျင်နီယာ ဗိုလ်ချုပ်နှစ်ဦးကို လျှပ်စစ်နှင့် စွမ်းအင်ဝန်ကြီးများအဖြစ် နေရာပေးလိုက်သည်။

စစ်တပ်က တစ်ကျော့ပြန်အာဏာသိမ်းပြီးနောက် လျှပ်စစ်နှင့် စွမ်းအင်ဝန်ကြီးများဖြစ်လာသည့် ဦးသောင်းဟန်နှင့် ဦးမျိုးမြင့်ဦးတို့သည် ဆိုင်ရာကဏ္ဍများတွင် နှစ်ပေါင်းများစွာ ကျင်လည်နေသူများဖြစ်သော်လည်း အပြီးအပိုင် အနားပေးခံလိုက်ရပြီး ၎င်းတို့နေရာ၌ အစားထိုးဝင်ရောက်လာသူနှစ်ဦးမှာ ဦးဉာဏ်ထွန်းနှင့် ဦးကိုကိုလွင်ဆိုသူဖြစ်သည်။

လျှပ်စစ်ဝန်ကြီးသစ် ဦးဉာဏ်ထွန်းသည် စစ်အင်ဂျင်နီယာညွှန်ကြားရေးမှူးရုံး (ကကယာ)၊ ညွှန်ကြားရေးမှူးအဖြစ် တာဝန်ထမ်းဆောင်ခဲ့သူ ဗိုလ်ချုပ်ဟောင်းဖြစ်ပြီး စွမ်းအင်ဝန်ကြီးသစ် ဦးကိုကိုလွင်မှာ ကာကွယ်ရေးပစ္စည်းထုတ်လုပ်ရေးအရာရှိချုပ်ရုံး (ကကထုတ်) တွင် ဒုအရာရှိချုပ်အဖြစ် လက်ရှိ တာဝန်ထမ်းဆောင်နေသည့် ဗိုလ်ချုပ်ဖြစ်သည်။

၎င်းတို့နှစ်ဦးစလုံးသည် စက်မှုတက္ကသိုလ်တက်ရောက်ပြီးနောက် ဗိုလ်သင်တန်းကျောင်း (OTS) မှတစ်ဆင့် စစ်ဗိုလ်ဖြစ်လာသူများဖြစ်ကြောင်း လျှပ်စစ်ဝန်ကြီးဌာနမှ အငြိမ်းစားညွှန်ကြားရေးမှူးတစ်ဦးနှင့် နီးစပ်သူအချို့ထံမှ သိရသည်။

ဦးဉာဏ်ထွန်းက ဗိုလ်သင်တန်းအပတ်စဉ် ၅၈၊ ဦးကိုကိုလွင်က အပတ်စဉ် ၇၁ တက်ရောက်ခဲ့သူဖြစ်ပြီး၊ လျှပ်စစ်နှင့် စွမ်းအင်ကဏ္ဍတို့တွင် အတွေ့အကြုံလုံးဝမရှိသော စစ်ဗိုလ်ချုပ်နှစ်ဦးကို ပြည်ထောင်စုဝန်ကြီးအဖြစ် ခန့်အပ်လိုက်ခြင်းမှာ ဌာနဆိုင်ရာဝန်ထမ်းများကို တင်းကျပ်ရုံသက်သက်သာဖြစ်သည်ဟု ညွှန်မှူးဟောင်းက ဆိုသည်။

“ကျပ်မယ်ဆိုတဲ့သဘောပေါ့၊ လက်ရင်းဗိုလ်ချုပ်တွေကို ထည့်လိုက်တာဆိုတော့။ အခင်းအကျင်းတစ်ခု သွားတာပေါ့။ အလုပ်ဖြစ်ဖို့ထက် လုံခြုံမှုကို ဦးစားပေးနေတဲ့ အနေအထားဖြစ်နေတာလေ”

အာဏာသိမ်းပြီးနောက် စစ်ကောင်စီနှင့် အစိုးရအဖွဲ့တစ်ခုလုံးတွင် စစ်ဗိုလ်ချုပ်များသာ ကြီးစိုးထားသည်။ ဦးသောင်းဟန်နှင့် ဦးမျိုးမြင့်ဦးတို့သည်လည်း စစ်တပ်အရာရှိဟောင်းများပင်ဖြစ်သည်။

သို့သော် အာဏာသိမ်းစစ်ကောင်စီကို လေးကြိမ်မြောက် သက်တမ်းတိုးပြီးနောက် စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ဗိုလ်ချုပ်နှင့် ဒုတိယဗိုလ်ချုပ်ကြီးအဆင့် တပ်အရာရှိဟောင်းများကို ပို၍နေရာပေးလာသည်ကို တွေ့ရသည်။

ဦးဉာဏ်ထွန်းသည် အသက် ၇၀ နီးပါးအရွယ်ရှိပြီဖြစ်ကာ အာဏာရှင်ဟောင်း ဦးသန်းရွှေလက်ထက် နေပြည်တော်တည်ဆောက်ရေးတွင် ထဲထဲဝင်ဝင် ပါဝင်ပတ်သက်ရင်း ကကယာညွှန်မှူးအဆင့်ထိ ရာထူးတက်လာသူဖြစ်သည်ဟု သိရသည်။

“ရှေ့တန်းတစ်နေရာမှာ ဗိုလ်ဉာဏ်က နှစ်ပွင့်အရာရှိပေါက်စပေါ့။ ဦးသန်းရွှေက အဲတုန်းက တပ်မမှူး။ နားမှာ အသီးလေးတစ်ခုရှိတော့ နားသီးလေးလို့ ဦးသန်းရွှေက ခေါ်တယ်။ ဦးသန်းရွှေ တပ်ချုပ်ဖြစ်ပြီး နောက်ပိုင်း နားသီးလေး ဗိုလ်ဉာဏ်ဆိုပြီး ရာထူးတွေ တောက်လျှောက် တိုးတာပဲ” ဟု တပ်ထဲတွင် ဦးဉာဏ်ထွန်းနှင့် ဆုံခဲ့ဖူးသည့် စစ်တပ်အရာရှိတစ်ဦးက ဆိုသည်။

ဦးသန်းရွှေလက်ထက် ရန်ကုန်-မန္တလေးအမြန်လမ်း တည်ဆောက်ရေးတွင် ဆောက်လုပ်ရေးဝန်ကြီးဌာန လက်အောက်ရှိ ပြည်သူ့ဆောက်လုပ်ရေးလုပ်ငန်းနှင့်အတူ စစ်အင်ဂျင်နီယာညွှန်ကြားရေးမှူးရုံးလည်း ပါဝင်ခဲ့ပြီး ထိုစဉ်က ကကယာညွှန်မှူး ဗိုလ်မှူးချုပ်ဉာဏ်ထွန်းက ဦးဆောင်ခဲ့ကြောင်း ၂၀၀၉ ခုနှစ် မတ်လအတွင်း နေပြည်တော်-ရန်ကုန်လမ်းပိုင်းဖွင့်ပွဲမှတ်တမ်းအရ သိရသည်။

စစ်အင်ဂျင်နီယာတပ်မှ ဗိုလ်ချုပ်များဖြစ်သည့် ဦးဉာဏ်ထွန်းနှင့် ဦးကိုကိုလွင်တို့ နှစ်ဦးစလုံးသည် လက်ရှိ အာဏာသိမ်းခေါင်းဆောင် ဗိုလ်ချုပ်မှူးကြီးမင်းအောင်လှိုင်၏ ဘုရားတည်ဆောက်ရေးတွင် ဦးဆောင်ပါဝင်ခဲ့သူများဖြစ်သည်ဟုလည်း အခြားနီးစပ်သူတစ်ဦးက ဆိုသည်။

ကကယာညွှန်မှူးဟောင်း ဦးဉာဏ်ထွန်းအနေဖြင့် စစ်ခေါင်းဆောင်၏ ဘုရားကြီးတည်ဆောက်ရေးတွင် မည်သည့်အခန်းကဏ္ဍ၌ ပါဝင်ပတ်သက်ခဲ့သည်ကို မသိရသော်လည်း ကကထုတ် ဒုအရာရှိချုပ် ဗိုလ်ချုပ်ကိုကိုလွင်သည် တည်ဆောက်ရေးလုပ်ငန်းများကို ဦးဆောင်ကြီးကြပ်ရသည့် အနီးကပ်ဗိုလ်ချုပ်တစ်ဦးဖြစ်သည်ကို တွေ့ရှိရသည်။

စစ်ခေါင်းဆောင်က နေပြည်တော်ရှိ ဘုရားတည်ဆောက်ရေးလုပ်ငန်းခွင်ကို မကြာခဏ သွားရောက် စစ်ဆေးလေ့ရှိရာ ယခုနှစ် ဇွန်လအတွင်းက ခရီးစဉ်တစ်ခုတွင် ဘုရားတည်လုပ်ငန်း တာဝန်ယူထားသည့် ဗိုလ်ချုပ်အချို့နှင့်အတူ ဗိုလ်ချုပ်ကိုကိုလွင်က အနီးကပ် လိုက်လံရှင်းပြခဲ့သည်။

စစ်ခေါင်းဆောင်က ၎င်း၏ခရီးစဉ်များတွင် လူယုံတော် ထိပ်တန်းစစ်ဗိုလ်ချုပ်အချို့ကိုသာ ခေါ်ဆောင်သွားလေ့ရှိပြီး လွန်ခဲ့သည့်ရက်ပိုင်းက ဧရာဝတီတိုင်းခရီးစဉ်၌ စွမ်းအင်ဝန်ကြီးသစ် ဦးကိုကိုလွင် လိုက်ပါခဲ့သည်ကို တွေ့ရသည်။

အာဏာသိမ်းပြီးနောက် စစ်တပ်ပိုင် မြန်မာ့စီးပွားရေးကော်ပိုးရေးရှင်းက လုပ်ကိုင်နေသည့် နိုင်ငံပိုင် သာပေါင်းစက္ကူစက်ဖွင့်ပွဲကို စစ်ခေါင်းဆောင်ကိုယ်တိုင် တက်ရောက်ခဲ့ပြီး ထိုစက်ရုံလည်ပတ်ရေးအတွက် သဘာဝဓာတ်ငွေ့ပို့လွှတ်ရေးနှင့် ပတ်သက်၍ မကြာမီက စွမ်းအင်ဝန်ကြီးဖြစ်လာသူ ဦးကိုကိုလွင်က ရှင်းလင်းတင်ပြခဲ့သည်။ အရှုံးပေါ်နေသည့် နိုင်ငံပိုင်စက်ရုံများကို အရပ်သားအစိုးရလက်ထက်တွင် ရပ်နားခဲ့ရာ သာပေါင်းစက္ကူစက်လည်း အပါအဝင်ဖြစ်သည်။​

အလုပ်မဖြစ်သော ဝန်ကြီးဟောင်းနှစ်ဦး

လျှပ်စစ်ဝန်ကြီး ဦးသောင်းဟန် အနားပေးခံရသည့်အကြောင်းရင်းကို မသိရသော်လည်း စွမ်းအင်ဝန်ကြီး ဦးမျိုးမြင့်ဦး အဖြုတ်ခံရခြင်းမှာ မကြာမီက နိုင်ငံပိုင် မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) မှ ဝန်ထမ်းများ အရေးယူခံရသည့် ကိစ္စနှင့် သက်ဆိုင်နိုင်သည်ဟုလည်း အထက်ပါ ညွှန်မှူးဟောင်းက မှတ်ချက်ပြုသည်။

ဥရောပသမဂ္ဂ၏ ပိတ်ဆို့အရေးယူမှုကြောင့် သဘာဝဓာတ်ငွေ့ တင်ပို့ရောင်းချရာမှ ရရှိသည့် အမေရိကန်ဒေါ်လာ သန်း ၅၀၀ ကျော် ပြည်ပတွင် ပိတ်နေပြီး၊ ထိုငွေများထုတ်ယူနိုင်ရေး စစ်ကောင်စီက လျှို့ဝှက်ဘဏ်စာရင်းများ ဖွင့်လှစ်နေသည်ဟု သတင်းပေါက်ကြားလာပြီးနောက် လွန်ခဲ့သည့်လအတွင်း နေပြည်တော်ရှိ MOGE ရုံးကို စစ်တပ်က ဝင်ရောက်စီးနင်းကာ ဝန်ထမ်း ၂၀ ခန့်ကို ဖမ်းဆီးစစ်ဆေးခဲ့သည်။

သဘာဝဓာတ်ငွေ့ရောင်းရငွေကို အဓိကအားထားနေရချိန် နိုင်ငံပိုင် မြန်မာ့နိုင်ငံခြားကုန်သွယ်မှုဘဏ် (MFT)၊ ရင်းနှီးမြှုပ်နှံမှုနှင့် ကူးသန်းရောင်းဝယ်ရေးဘဏ် (MICB) တို့ ပိတ်ဆို့အရေးယူခံလိုက်ရသဖြင့် စစ်ကောင်စီအနေဖြင့် ပို၍အခက်တွေ့လာသည်။

စစ်ကောင်စီလက်ထက် အပြောင်းအလဲများသည့် ဝန်ကြီးဌာနများ၌ လျှပ်စစ်လည်း အပါအဝင်ဖြစ်သည်။ လျှပ်စစ်စွမ်းအားဝန်ကြီးဌာနဟု အာဏာသိမ်းစစ်တပ်က အမည်ပြောင်းထားသည့် ထိုဌာနတွင် ဝန်ကြီးသုံးဦးရှိပြီဖြစ်ကာ အချိန်အားဖြင့် တစ်ဦးလျှင် ၇ လသာ ကြာသည်။​

လျှပ်စစ်ဝန်ကြီးဌာနတွင် အာဏာရှင်ဟောင်း ဦးသန်းရွှေလက်ထက်ကတည်းက စတင်တာဝန်ထမ်းဆောင်ခဲ့သူ ဦးသောင်းဟန် အနားပေးခံရခြင်းမှာ မီးပြတ်များသဖြင့် စီးပွားရေးသမားက တိုင်တန်းခဲ့သောကြောင့် ဖြစ်သည်ဟု နီးစပ်သူတစ်ဦးက ဆိုသည်။

ဦးသောင်းဟန်သည် စစ်ကောင်စီ၏ လျှပ်စစ်ဝန်ကြီးအနေဖြင့် ရုရှားသို့ အကြိမ်ကြိမ်သွားရောက်ခဲ့သည့်နည်းတူ လျှပ်စစ်စီမံကိန်းများနှင့် ပတ်သက်၍ ရင်းနှီးမြှုပ်နှံမှုရရှိရန် တရုတ်နိုင်ငံသို့လည်း သွားရောက်ခဲ့သည်။ ၎င်း၏ လက်ထက်တွင် လေအားလျှပ်စစ်စီမံကိန်းအချို့ လက်မှတ်ရေးထိုးခဲ့သော်လည်း ထူးထူးခြားခြား တိုးတက်ပြောင်းလဲမှု မရှိခဲ့ပေ။

လျှပ်စစ်ဓာတ်အားလိုအပ်ချက်မှာ အကြီးမားဆုံးစိန်ခေါ်မှုဖြစ်နေပြီး လက်ရှိအချိန်ထိ တစ်နိုင်ငံလုံး ဓာတ်အားလိုအပ်ချက်၏ ၅၀ ရာခိုင်နှုန်းကိုပင် ဖြည့်ဆည်းပေးနိုင်ခြင်း မရှိသေးကြောင်း ယခုလဆန်းပိုင်း၌ ဗိုလ်ချုပ်မှူးကြီးမင်းအောင်လှိုင်က ထုတ်ဖော်ပြောဆိုထားသည်။

လက်ရှိအနေအထားသည် နိုင်ငံတကာရင်းနှီးမြှုပ်နှံသူများကို ဆွဲဆောင်နိုင်သည့် အခင်းအကျင်းမရှိကြောင်း၊ ဝန်ကြီးများ ပြောင်းနေသော်လည်း အလုပ်ဖြစ်မည်မထင်ကြောင်း လျှပ်စစ်ဝန်ကြီးဌာနမှ အငြိမ်းစားညွှန်မှူးက မှတ်ချက်ပြုသည်။

“လျှပ်စစ်ကို ကြည့်လိုက်လေ၊ ဓာတ်အားခနှုန်းထားကို ဗမာငွေနဲ့ ချေမယ်။ အဲဒီ ဓာတ်အားခနှုန်းထားလေး ရဖို့ကိုလည်း တင်ပြနေရတာ အဆင့်ဆင့်။ ကျပ်သလား မမေးနဲ့။ ပြီးရင် ပစ္စည်းသွင်းရင်လည်း ကုန်သွယ်ရေးက ကျပ်လိုက် ဟိုကကျပ်လိုက်နဲ့၊ လိုင်စင်တစ်စောင်ထွက်ဖို့ ပိုက်ဆံပုံပေးနေရတာ။ ဘာကောင်းလို့လဲ။ အဲဒီတော့ ဘယ်ရင်းနှီးမြှုပ်နှံသူ လာမှာလဲ”

“ဘယ်ဌာနသွားသွား အပေးအကမ်းတွေနဲ့၊ မပေးရင် ထစ်ထားမယ်ဆိုတဲ့ အနေအထားတွေက အများကြီးကိုး။ တွေ့နေရတာ။ ဒါတွေ မပြင်ဘဲနဲ့ ဝန်ကြီးတွေကို အလုပ်မဖြစ်ဘူးလုပ်ရင်တော့ သိကြားမင်း ဆင်းလာလည်း မရဘူး” ဟုလည်း ၎င်းက ဖြည့်စွက်ပြောဆိုသည်။

မန္တလေးမြို့က နာမည်ကျော် ကိုယ်ပိုင်အထက်တန်းကျောင်း ပိုင်ရှင်နဲ့ ဆရာ၊ဆရာမတွေကို စစ်အုပ်စုက ဖမ်းပြီး ကျပ်သိန်းသောင်းချီတန်...
17/08/2023

မန္တလေးမြို့က နာမည်ကျော် ကိုယ်ပိုင်အထက်တန်းကျောင်း ပိုင်ရှင်နဲ့ ဆရာ၊ဆရာမတွေကို စစ်အုပ်စုက ဖမ်းပြီး ကျပ်သိန်းသောင်းချီတန် ကျောင်းကို ချိတ်ပိတ်၊
ဩဂုတ် - ၁၆
မန္တလေးမြို့၊ မဟာအောင်မြေမြို့နယ်၊ လမ်း(၈၀)နဲ့ (၃၇)လမ်းအနီးက နာမည်ကျော် ကိုယ်ပိုင် အထက်တန်းကျောင်း ကျောင်းပိုင်ရှင်နဲ့ ဆရာ၊ဆရာမတွေကို PDF ထောက်ပံ့တယ်ဆိုတဲ့ စွပ်စွဲချက်နဲ့ စစ်အုပ်စုက စီးနင်း ဖမ်းဆီးပြီးနောက် ကျပ်သိန်းသောင်းချီတန် ကျောင်းကို ချိတ်ပိတ်သွားတယ်လို့ ဒေသခံ သတင်းရင်းမြစ်တွေက ပြောပါတယ်။
ဒီနေ့ ဩဂုတ်(၁၆)ရက် ညနေပိုင်းမှာ စစ်အုပ်စုနဲ့ ပျူတွေက မန္တလေးမြို့၊ မဟာအောင်မြေမြို့နယ်၊ မြို့လည်ခေါင် လမ်း(၈၀)နဲ့ (၈၁)လမ်းကြား၊ (၃၇)လမ်းပေါ်က ကိုယ်ပိုင် အထက်တန်းကျောင်းကို ချိတ်ပိတ် သွားတာလို့ ဆိုပါတယ်။
ကိုယ်ပိုင် အထက်တန်းကျောင်း ပိုင်ရှင်ကို တော်လှန်ရေးအစိုးရဖြစ်တဲ့ အမျိုးသား ညီညွတ်ရေးအစိုးရ (NUG) နဲ့ PDFတွေကို ထောက်ပံ့တယ်ဆိုတဲ့ စွပ်စွဲချက်နဲ့ စစ်အုပ်စုက မနေ့က ညပိုင်း စီးနင်းလုယက် ဖမ်းဆီးပြီးနောက် ဒီညနေပိုင်း ကျောင်းကို ချိတ်ပိတ်တာလို့ ဆိုပါတယ်။
"ဟန်ငြိမ်းဦးစီ တယောက်ယောက်က သတင်းပေးတယ်လို့ ကြားတယ်။ တယ်လီဂရမ်တွေမှာ မတင်ဘူး။ ဝင်ဖမ်းသွားတာ "လို့ မြို့ခံတစ်ဦးက ပြောပါတယ်။
စစ်အုပ်စုဟာ ပြီးခဲ့တဲ့ ၂၀၂၂ က မန္တလေးက CDM ကျန်းမာရေးဝန်ထမ်းကို လက်နက်ပြ အနိုင်ကျင့်ကာ ထင်တိုင်းကျဲ ဖမ်းဆီးဖိနှိပ်ခဲ့ပြီးနောက် ယခုနှစ်အတွင်း CDM ပညာရေး အသိုင်းအဝိုင်းဘက် ခြေဦးလှည့်လာတာ ဖြစ်မယ်လို့ ဒေသခံတွေက ဆိုပါတယ်။
မန္တလေးမြို့အနှံ့ ရပ်ကွက်တွေ၊ လမ်းတွေတိုင်းမှာ ဂိတ်ဖွင့်ပြီး အုပ်စုဖွဲ့ လက်နက်ကိုင်ကာ ပြည်သူတွေကို ဖမ်းဆီးငွေညှစ်နေတဲ့ စစ်အုပ်စုဟာ ရပ်ကျေးအုပ်ချုပ်ရေးမှူး၊ ပျူ၊ စည်ပင်၊ မီးသတ်၊ ကြက်ခြေနီ စတဲ့ စစ်အုပ်စု သစ္စာခံတွေက လက်ညှိုးထိုးသူတိုင်းကို လိုက်လံဖမ်းဆီးနေပြီး စစ်လော်ဘိတွေက တယ်လီဂရမ်မှာ တင်ပြီး ဖမ်းခိုင်းသူတိုင်းကိုလည်း အနိုင်ကျင့် ဖမ်းဆီးနေတယ်လို့ မြို့ခံတချို့က ဆိုပါတယ်။
စစ်အုပ်စုဟာ ယခုလ (၁၅)ရက်အတွင်း မန္တလေးမြို့ခံ လူ(၂၀)ထက်မနည်းကို ဖမ်းဆီးခဲ့တယ်လို့ စစ်လော်ဘိတွေက အောင်ပွဲခံပါတယ်။

ပေါက်မြို့မှ ပခုက္ကူသို့ ထွက်ခွာမည့် စစ်ယာဉ်တန်းကို မိုင်းဆွဲပစ်ခတ် တိုက် ခိုက်မှု စစ်သား ၇ ဦး ထက်မနည်းသေဆုံး၊ စစ်ကိုင်း...
15/08/2023

ပေါက်မြို့မှ ပခုက္ကူသို့ ထွက်ခွာမည့် စစ်ယာဉ်တန်းကို မိုင်းဆွဲပစ်ခတ် တိုက် ခိုက်မှု စစ်သား ၇ ဦး ထက်မနည်းသေဆုံး၊ စစ်ကိုင်း-မုံရွာလမ်းပေါ်တွင် မိုင်းရှင်းရန် ထွက်လာသော စစ်သားများ မိုင်းဆွဲခံရပြီး ၂ ဦးသေဆုံး
ဩဂုတ် ၁၅
မကွေးတိုင်း၊ ပေါက်မြို့မှ ပခုက္ကူမြို့သို့ ထွက်ခွာရန်ကြိုးစားသည့် အကြမ်းဖက် စစ်ယာဉ်တန်းကို မိုင်းဆွဲ ပစ်ခတ် တိုက်ခိုက်ခဲ့ရာ အကြမ်းဖက်စစ်သား ၇ ဦး ထက်နည်းသေဆုံးပြီး အများအပြားဒဏ်ရာရရှိခဲ့ ကြောင်း မြိုင် ပကဖမှ တာဝန်ရှိသူတစ်ဦးက ပြောပါသည်။
ယမန်နေ့ ဩဂုတ်လ ၁၄ ရက် နံနက် ၈ နာရီ ၂၂ မိနစ်ခန့်က ပေါက်မြို့မှ ပခုက္ကူ မြို့သို့ စတင်ထွက်ခွာ လာသည့် ယာဉ် ၄၈ စီးပါ ယာဉ်တန်း၏ ရှေ့ပြေး ပွိုင့်ခြေ လျင်စစ်သားများကို ပေါက်မြို့အထွက် မိုင်း ဆွဲ တိုက်ခိုက်ခဲ့ရာ စစ်သား ၂ ဦး သေဆုံးပြီး ၁ ဦးထိခိုက်ဒဏ်ရာရရှိခဲ့ကာ စစ်ကြောင်းရပ်နားသွားကြောင်း သိရှိရသည်။
ထို့နောက် ယမန်နေ့ နံနက် ၉ နာရီ ၁၃ မိနစ်ခန့်တွင် ခြေလျင်ထပ် ထွက်လာ သည့် စစ်သားများကို ပဒေသာမိုင်းများ ဖြင့် ထပ်မံတိုက်ခိုက်ရာ အကြမ်းဖက် စစ်သားများ ထိခိုက်မှုရှိပြီး အရေအတွက် အတိအကျ သိရှိနိုင်ရန် စုံစမ်းနေဆဲ ဖြစ်ကြောင်း မြိုင်ပကဖထံမှ သိရသည်။
အကြမ်းဖက်စစ်သားများ ပေါက်မြို့အိမ်တွင်းမှုကျောင်း၌ လက်နက်ကြီး အထိုင်ချကာ အုန်းတော မြောက်ရွာနှင့် တောင်ရွာတို့အတွင်းသို့ လက်နက်ကြီး ၃ လုံးပစ်ခတ်တိုက်ခိုက်ခဲ့သော်လည်း ပြည် သူ့ကာ ကွယ်ရေးတပ်ဖွဲ့ဝင်များ အထိအခိုက်မရှိခဲ့ကြောင်း၊ မွန်းလွဲ ၁၂ နာရီ မိနစ် ၄၀ ခန့်တွင် တမာခြောက် လမ်းအရောက် မိုင်း ၂ လုံးထပ်မံဖောက်ခွဲ တိုက်ခိုက်ခဲ့ရာ အကြမ်းဖက် စစ်သား များ ထိခိုက်မှုရှိပြီးလက် နက်ကြီးများဖြင့် ရမ်းသမ်းပစ်ခတ်နေခြင်း၊ အော်ဟစ် ငိုယို၍ လက်နက်ငယ်များ ဘောက်လိုက်ဆွဲပစ် ခတ်နေခြင်းတို့ လုပ်ဆောင် ခဲ့သည်ဟု ဆိုသည်။
ထို့နောက် ယမန်နေ့ မွန်းလွဲ ၁ နာရီ မိနစ် ၄၀ ခန့်တွင် စစ်ကြောင်းကို ပဒေသာမိုင်း ၆ လုံးထပ်မံတိုက်ခိုက်ရာ အကြမ်းဖက်စစ်သား ၄ ဦးသေဆုံးပြီး ၆ ဦးဒဏ်ရာရရှိခဲ့ကြောင်း၊ ထို့ပြင် ညနေ ၂ နာရီ မိနစ် ၄၀ ခန့်တွင် လမ်းပိုင်း၌ သစ်ပင်များ ခုတ်လှဲ၍ ပိတ်ထားသည်ကို အကြမ်းဖက်စစ်သားများမှ လွှစက်ဖြင့် ဖြတ်တောက်ရှင်းလင်းရာ မိုင်းထပ်မိပြီး ထိ ခိုက်သေဆုံးမှုရှိကာ လွှစက်ဖြင့် ရှင်းလင်းမှုကို ရပ်ခဲ့ကြောင်း မြိုင်ပကဖ ထံမှ သိရသည်။
ထို့ပြင် ယမန်နေ့ ညနေ ၄ နာရီ မိနစ် ၅၀ ခန့်တွင် အကြမ်းဖက်စစ်သားများမှ စစ်ဘေးရှောင်ပြည်သူများကို လက်နက်ငယ် များ ဖြင့် ပစ်ခတ်တိုက်ခိုက်နေ သောကြောင့် ပြည်သူ့ကာကွယ်ရေးတပ်ဖွဲ့ဝင်များက စစ်တပ်ကို တန်ပြန် တိုက်ခိုက်ခဲ့ကြောင်း၊ စစ်သား ၁ ဦးလဲကျသွားကြောင်း၊ Drone ဖြင့် ထပ်မံတိုက်ခိုက်ခဲ့ရာ Drone တစ်စီး ဆုံးရှုံးခဲ့ရ ကြောင်း သိရသည်။
အဆိုပါတိုက်ခိုက်မှုများကို မြိုင် ပ.က.ဖ ၊ တပ်ရင်း ၃ တပ်ခွဲ ၅ ၊ ပေါက် ပ.က.ဖ နှင့် ပေါက်ကျေးရွာကာ ကွယ်ရေး အဖွဲများ ပူးပေါင်းကာ တိုက်ခိုက်ခဲ့ခြင်း ဖြစ်ပြီး အကြမ်းဖက်စစ်သား ၇ ဦးထက်မနည်း သေဆုံး ကာ ၁၃ ဦးခန် ထိခိုက် ဒဏ်ရာ ရရှိခဲ့ကြောင်း မြိုင်ပကဖ က ပြောဆိုသည်။
အလားတူ စစ်ကိုင်းတိုင်း၊ စစ်ကိုင်းမြို့နယ်၊ ညောင်ပင်ကျေးရွာနှင့် နုံးတွင်း ကျေးရွာ အကြားတွင် မိုင်းရှင်းရန် ထွက်ခွာ လာသော အကြမ်းဖက် စစ်သား များကို မိုင်းဆွဲတိုက်ခိုက်ခဲ့ရာ စစ်သား ၂ ဦးသေဆုံးခဲ့ကြောင်း စစ်ကိုင်း ခရိုင် တပ်ရင်း ၁ က ထုတ်ပြန်သည်။
ယမန်နေ့ ဩဂုတ်လ ၁၄ ရက် နေ့လည် ၁၁ နာရီခန့်ကနုံးတွင်းကျေးရွာ အမှတ် ၇၂ သံချပ်ကာ တပ် အ တွင်းမှ မိုင်းရှင်းရန် ထွက်ခွာလာသော အကြမ်းဖက် စစ်သား ၅ ဦးကို နုံးတွင်းကျေးရွာနှင့် ညောင်ပင် ဝန်းကျေးရွာကြားတွင် မိုင်းဆွဲ တိုက်ခိုက်ခဲ့ရာ အကြမ်းဖက်စစ်သား ၂ ဦးသေဆုံးပြီး ၃ ဦးအပြင်းအထန် ဒဏ်ရာရရှိကာ သေဆုံးဒဏ်ရာရစစ်သားများကို ကားဖြင့် လာရောက်ကာ နုံးတွင်းတပ်အတွင်းသို့ သယ် ယူသွားကြောင်း သိရသည်။
အဆိုပါတိုက်ခိုက်မှုကို စစ်ကိုင်းခရိုင် အမှတ် ၁ တပ်ရင်းနှင့် Ground Fighter ဖက်တီးအဖွဲ့တို့ ပူးပေါင်း ကာ တိုက်ခိုက်ခဲ့ခြင်းဖြစ်ကြောင်း သိရသည်။
ဓာတ်ပုံ- ရှမ်းပြည်နယ်၊ ဂုတ်တွင်းတွင် မိုင်းမိခဲ့သော စစ်တပ်ကားကြီးတစ်စီး။

15/08/2023

မြို့သိမ်းဖို့ အစီအစဥ်နဲ့ မြောင်နယ် မြို့မရဲစခန်းကို တိုက်ခိုက်
ဩဂုတ် _ ၁၄

စစ်ကိုင်းတိုင်း ၊ မြောင်မြို့ပေါ်က မြို့မရဲစခန်းကို ပြည်သူ့ကာကွယ်ရေးအဖွဲ့တွေက ဩဂုတ်(၁၃)ရက် မနက်အစောပိုင်းမှာ မြို့သိမ်းဖို့ အစီအစဥ်နဲ့ သွားရောက်တိုက်ခိုက်ခဲ့တယ်လို့ ပြည်သူ့တပ်မတော် - မြောင် တာဝန်ခံ အဂ္ဂ က ပြောပါတယ်။
ဒီတိုက်ခိုက်မှု ဟာ မြို့သိမ်းဖို့အတွက် စနစ်တကျ ကြိုတင်ပြင်ဆင်ခဲ့တာ ဖြစ်ပြီး မြေပြင်ကနေလက်နက်ကြီးနဲ့ တိုက်ခိုက်သလို ဒရုန်းတွေနဲ့ပါတိုက်ခိုက်ခဲ့တာ ဖြစ်တယ်လို့ မြောင်မြို့နယ် ပြည်သူ့ကာကွယ်ရေးနဲ့ လုံခြုံရေးအဖွဲ့ - CDSOM ခေါင်းဆောင် ကိုနွေဦးက ပြောပါတယ်။
မြောင်နယ်ထဲမှာ ပြည်သူ့ကာကွယ်ရေးအဖွဲ့တွေက နယ်မြေရဲ့ (၈ဝ)ရာခိုင်နှုန်းခန့်ကို စိုးမိုးထားတာဖြစ်ပြီး စစ်အုပ်စုဘက်က ကျောက်ရစ် စခန်း နဲ့ အခုတိုက်ခိုက်ခံရတဲ့ မြို့မရဲစခန်း မှာပဲ တပ်စွဲထားနိုင်တာ ဖြစ်တယ်လို့လည်းဆိုပါတယ်။
အခုတိုက်ခိုက်မှုမှာ လက်နက်ကြီးတွေကိုပဲ အသုံးပြုခဲ့တာဖြစ်ပြီး မြို့မရဲစခန်း အနီးက ထွေအုပ်ရုံး ၊ ဝန်ထမ်းအိမ်ရာတွေကိုပါ ပစ်ခတ်တိုက်ခိုက်ခဲ့တာကြောင့် ထိခိုက် ဒဏ်ရာရတဲ့သူများနိုင်တယ်လို့လည်း ရဲဘော်အဂ္ဂကပြောပါတယ်။
စစ်အုပ်စုရဲ့ စခန်းအနီးမှာနေထိုင်ရတဲ့ ဒေသခံတွေအနေနဲ့လည်း အဆင်ပြေရင်ဘေးလွတ်ရာရှောင်နေဖို့ နဲ့ မရှောင်ဖြစ်ရင် သတိနဲ့နေကြဖို့ ရဲဘော်အဂ္ဂကပြောပါတယ် ။
အခုတိုက်ခိုက်မှု ကို M. U .A. မြောင်ပြည်သူ့တပ်မတော်၊M.U.A002၊ CDSOM၊ မြောင်မြို့နယ် ပလဖ၊စစ်ကိုင်းခရိုင်တပ်ရင်း (၂)တပ်ခွဲ(၃)၊ တပ်ရင်း(၁)တပ်ခွဲ(၃)၊တပ်ရင်း(၆)တပ်ခွဲ(၃)နှင့် အခြား မဟာမိတ်တပ်ရင်းတပ်ဖွဲ့များပူးပေါင်းတိုက်ခိုက်ခဲ့တာဖြစ်တယ်လို့လည်းထုတ်ပြန်ထားပါတယ် ။

လက်ခက်တောင်ကို ပြန်လည်ရရှိရေးအတွက် စစ်ကောင်စီက အင်အားအလုံးအရင်းနဲ့ စစ်ကြောင်းထိုးနေပေမယ့် တောင်ခြေထိမကပ်နိုင် သေးဘူးလို့...
15/08/2023

လက်ခက်တောင်ကို ပြန်လည်ရရှိရေးအတွက် စစ်ကောင်စီက အင်အားအလုံးအရင်းနဲ့ စစ်ကြောင်းထိုးနေပေမယ့် တောင်ခြေထိမကပ်နိုင် သေးဘူးလို့ Cobra ပြော
သြဂုတ်(၁၅)

ကရင်ပြည်နယ်၊ မြဝတီမြို့၊ လက်ခတ်တောင်စခန်း ကိုပြန်လည်ရယူရေးအတွက် စစ်ကောင်စီက စစ်ကြောင်းထိုးနေပေမယ့် တောင်ခြေထိမကပ်နိုင်သေးဘူးလို့ Cobra Column တပ်ဖွဲ့ဆီက သိရပါတယ်။
စစ်ကောင်စီအတွက် စစ်ရေးဗျူဟာအရ အရေးပါတဲ့ လက်ခတ်တောင်စခန်းကုန်းကို Cobra နဲ့ပူးပေါင်းအဖွဲ့တွေက ပြီးခဲ့တဲ့ ဇူလိုင်လ(၂၁) ရက်နေ့ကတည်းက သိမ်းပိုက်ရယူခဲ့တဲ့အတွက် အခုလိုစခန်းပြန်လည်ရရှိရေးအတွက် တိုက်ပွဲတွေဆက်လက်ဖြစ်ပေါ်နေတာပါ။
စခန်းသိမ်းယူနိုင်ခဲ့တဲ့ ဇူလိုင်လ(၂၁)ရက်ကနေ သြဂုတ်လ(၁၃)ရက်နေ့အထိ တိုက်ပွဲ(၁၀)ကြိမ်ထက်မနည်း ဖြစ်ခဲ့ပြီး စစ်ကောင်စီဘက်က ဗိုလ်ကြီး(၂)ယောက်အပါဝင် စုစုပေါင်း(၁၇) ယောက် သေဆုံးပြီး (၃၄)ယောက်ဒဏ်ရာရရှိခဲ့ပါတယ်။Cobra ပူးပေါင်းတပ်ဖွဲ့ ဘက်ကရဲဘော် (၁)ယောက်သေဆုံးခဲ့ရသလို (၈)ယောက်ဒဏ်ရာရရှိခဲ့တဲ့အပြင် Drone (၁)စီး ပျက်စီးဆုံးရှုံးခဲ့ပါတယ်။
တိုက်ပွဲအတွင်း စစ်ကောင်စီဘက်က ဒုတပ်ကြပ် တစ်ယောက်နဲ့ တပ်သားတစ်ယောက် လက်နက်နဲ့အလင်းဝင်ရောက်ခဲ့သလို့ ၄၀မမ (၈)လုံး၊ M16A2 (၂)လက်၊ M16ကျည်ဘောက်(၁၀)ခု၊ Carbineကျည် (၁၈၈)တောင့်၊ Carbineကျည်ဘောက် (၆)ခု၊ NATOကျည် (၉၃)တောင့်၊ ခြေနင်းမိုင်း (၁)လုံး၊ စကစ၅.၅၆ကျည် (၁၃၀)တောင့်၊ 5.56ကျည် (၆၈၈)တောင့်၊ အေကေကျည် (၇)တောင့် ကိုသိမ်းဆည်းရရှိခဲ့တယ်လို့ Cobra ကအသိပေးထားပါတယ်။
လက်ရှိအချိန်အထိ စစ်ကောင်စီက စစ်ကြောင်းထိုးတိုက်ခိုက်နေပေမယ့် ပူးပေါင်းတပ်ဖွဲ့တွေဖြစ်တဲ့ တပ်မဟာ (၆) KNU/KNLA၊ ကော်ဘရာစစ်ကြောင်း(၁)၊ ကျားသစ်နက်စစ်ကြောင်း၊ Federal Wings ၊ ရောင်နီ တို့ကအတူပူးပေါင်းပြီး ခုခံတိုက်ခိုက်နေတယ်လို့ သိရပါတယ်။

မုံရွာမြို့ပေါ်က တိုင်းရဲရုံးနဲ့ ထွေအုပ်ရုံးကို PDF က ဒရုန်းနဲ့ဗုံးကြဲ၊ မြောင်ရဲစခန်းလည်း တိုက်ခိုက်ခံရ14 Aug 2023စစ်ကို...
14/08/2023

မုံရွာမြို့ပေါ်က တိုင်းရဲရုံးနဲ့ ထွေအုပ်ရုံးကို PDF က ဒရုန်းနဲ့ဗုံးကြဲ၊ မြောင်ရဲစခန်းလည်း တိုက်ခိုက်ခံရ
14 Aug 2023

စစ်ကိုင်းတိုင်း၊ မုံရွာမြို့ပေါ်က စစ်ကောင်စီလက်အောက်ခံ ထိပ်ပိုင်းအရာရှိတွေရှိတဲ့ စစ်ကိုင်းတိုင်း ရဲတပ်ဖွဲ့ မှူးရုံးနဲ့ အထွေထွေအုပ်ချူပ်ရေးမှူးရုံးကို ဒေသကာကွယ်ရေးတပ်တွေက ဩဂုတ် ၁၃ ရက် ညနေ ၅ နာရီခွဲမှာ ဒရုန်းနဲ့ ဗုံးကြဲတိုက်ခိုက်ခဲ့တယ်လို့ ဒေါင်းတမန် လေကြောင်းစစ်ဆင်ရေးအဖွဲ့ထံက သိရပါတယ်။

PDF တပ်ဖွဲ့တွေက ဒရုန်း ၂ စီးနဲ့ ၄ ကြိမ်ဗုံးသီးချကာ တိုက်ခိုက်ခဲ့တာဖြစ်တယ်လို့ ဆိုပါတယ်။

တော်လှန်ရေးတပ်ဖွဲ့တွေအနေနဲ့ စစ်ကောင်စီတပ်ရဲ့ အောက်ခြေက စစ်သည်တွေကို ပစ်မှတ်မထားတော့ဘဲ အရေးပါတဲ့ အဓိက ပစ်မှတ်တွေကိုသာ တိုက်ခိုက်သွားမှာဖြစ်တဲ့အခါ အခု မုံရွာမြို့ပေါ်က အစိုးရရုံးကို တိုက်ခိုက်ခဲ့တာဖြစ်တယ်လို့ ဒေါင်းတမန်လေကြောင်းစစ်ဆေးရေးတာ၀န်ခံက ပြောပါတယ်။

"ဒီမြို့‌ထဲက အတားအဆီးတွေကို ထိုးဖောက်နိုင် မထိုးဖောက်နိုင်ဆိုတာ စမ်းသပ်ပြီးလုပ်ကြည့်တာ အောင်မြင်တယ်" လို့ ဒေါင်းတမန်လေကြောင်းစစ်ဆေးရေးတာ၀န်ခံက ဆိုပါတယ်။

ဒရုန်းနဲ့ ကြဲချခဲ့တဲ့ဗုံးတွေဟာ တိုင်းရဲတပ်ဖွဲ့မှူးရုံးနဲ့ ထွေအုပ်ရုံးတွေထဲသို့ ကျရောက်ပေါက်ကွဲခဲ့တာဖြစ်လို့ ထိခိုက်ပျက်စီးမှုအခြေအနေကိုတော့ ပြန်သိရဖို့ မလွယ်ကူဘူးလို့ သူကဆိုပါတယ်။

အဲ့ဒီလိုတိုက်ခိုက်ခံရပြီးတဲ့နောက်မှာတော့ စစ်ကောင်စီတပ်ဖွဲ့ဝင်တွေဟာ မုံရွာမြို့ပေါ်က ရဲတပ်ဖွဲ့မှူးရုံး အနီးဝန်းကျင်တွေကို လက်နက်ငယ်တွေနဲ့ ညသန်းခေါင်ချိန်ရောက်တဲ့အထိ ခြောက်လှန့်ပစ်ခတ်တာတွေ ပြုလုပ်နေတယ်လို့ ဆိုပါတယ်။

အထက်ပါ စစ်ဆင်ရေးကို Shar Htoo WAW နည်းပညာတပ်ဖွဲ့ရဲ့ Team 3- PDAF၊ Shar Htoo WAW နည်းပညာတပ်ဖွဲ့ Team 4 -SSTF ၊ Monywa Ranger၊ မုံရွာခရိုင်တပ်ရင်း ၂၄ ခွဲ (၃)(၄)၊ မုံရွာပကဖ၊ Wings of Kalay ကလေး၊ ကျောက်လုံးကြီး KLG တပ်မဟာ၊ မြောင်အနောက်ပိုင်း တိုက်ခိုက်ရေး CDSOM 001၊ MRTF-အရာတော်၊ စစ်ကိုင်းခရိုင်တပ်ရင်း အမှတ် ၄ MSPDF၊ Seven People Defence Force-Mandalay ၊ ပြည်သူ့အကျိုးဆောင်အဖွဲ့ (Union Brothers-UB)၊ ကြောက်ခေတ်ကို မှောက်ပစ်မယ့် ထောက်ပို့အဖွဲ့၊ ဒေါနစစ်ကြောင်းရဲ့ ဖိုးမောင်ပြန်လာပြီဇာတ်ကား ထောက်ပို့အဖွဲ့၊ မဖြူလေး၊ Support To Federal Democracy စတဲ့ ပူးပေါင်းတပ်ဖွဲ့က တိုက်ခိုက်ခဲ့တာ ဖြစ်တယ်လို့ သိရပါတယ်။

တော်လှန်ရေးတပ်ဖွဲ့တွေအနေနဲ့ နည်းပညာတွေလည်း ရှိနေပြီဖြစ်ရာ ရှေ့လျှောက်မစ်ရှင်တွေကို ဆက်လက်လုပ်ဆောင်နိုင်ဖို့အတွက် ပြည်သူတွေကလည်း ပူးပေါင်းပါ၀င်ပေးဖို့ ဒေါင်းတမန်လေကြောင်းစစ်ဆေးရေး တာ၀န်ခံက ပြောပါတယ်။

အလားတူ ဩဂုတ် ၁၃ ရက် မနက် ၄ နာရီအချိန်မှာလည်း စစ်ကိုင်းတိုင်း၊ မြောင်မြို့နယ်ရှိ စစ်ကောင်စီတပ်ဖွဲ့ တွေ အခိုင်အမာတပ်စွဲထားတဲ့ မြောင်ရဲစခန်းကို ဒေသတော်လှန်ရေးအင်အားစု ပူးပေါင်းအဖွဲ့က တိုက်ခိုက်ခဲ့ပါသေးတယ်။

မြောင်ရဲစခန်းကို တိုက်ခိုက်ခဲ့ရာမှာ မြေပြင်စစ်ရေးတွင် RPG၊ ၄၀ မမတွေနဲ့ အနီးကပ်ပစ်ခတ်ခဲ့သလို ဝေဟင်စစ်ဆင်ရေးအနေနဲ့ ဒရုန်း ၃ စီးနဲ့ ဗုံး ၈လုံး ကြဲချကာ တိုက်ခိုက်ခဲ့ကြတယ်လို့ မြောင်မြို့နယ်ပြည်သူ့ကာကွယ်ရေးနှင့် လုံခြုံရေးအဖွဲ့ခေါင်းဆောင်(CDSOM) ကိုနွေဦးက ပြောပါတယ်။

"မြောင်ရဲစခန်းထဲမှာ အချုပ်ခန်းရယ် နောက်သူတို့ အခိုင်အမာဆောက်ထားတဲ့ တိုက်ခန်းတခန်းရှိတယ်။ အတိုက်ခံရပြီးဆိုရင် အဲ့ဒီထဲပြေးပြေး၀င်ကြတာ သူတို့က။ အဲ့ဒီ‌နှစ်နေရာကို အဓိကထားပြီး လက်နက်‌ကြီးတွေနဲ့ အနီးကပ်ပစ်ခဲ့ရတာဆိုတော့ အောင်မြင်မှုရှိတယ်။ အထိအခိုက်များပြီး သေဆုံးတွေရှိနိုင်တယ်။ အသေးစိတ်တော့ အခုထိမသိရသေးဘူး" လို့ သူက ဆက်ရှင်းပြပါတယ်။

အဆိုပါတိုက်ခိုက်မှုတွင် စစ်ကောင်စီတပ်ဘက်က လက်နက်ကြီးတွေနဲ့ ပြန်လည်ပစ်ခတ်မှုတွေရှိခဲ့ပြီး ပူးပေါင်း အဖွဲ့တွေအနေနဲ့ ပြန်လည်ဆုတ်ခွာနိုင်သလို အခုချိန်ထိ စစ်ကောင်စီဘက်က ရဲစခန်းအတွင်း လှုပ်ရှားမှုတစုံတရာပင် မရှိဘူးလို့ သူက ပြောပါတယ်။

"အရင်ကဆို ခုလိုသူတို့ဘက်က တိုက်ခံရပြီဆိုရင် ဒေသခံတွေကို ထွက်ဖမ်းတာမျိုး၊ စစ်ကြောင်းထိုး ယုတ်မာတာတွေ လုပ်လေ့ရှိတယ်။ ခုတော့ တိုက်ခံရပြီး ဒီနေ့အထိ ရဲစခန်းထဲ လှုပ်ရှားမှုလည်း မတွေ့ရဘူး။ အပြင်ထွက်လိုက်ပစ်တာမျိုးလည်း မရှိဘူး။ အတော် အထိနာသွားတယ်လို့ပဲ ထင်တယ်"လို့ ကိုနွေဦး‌ (မြောင်)က ပြောပါတယ်

ဒါ့အပြင် ပူးပေါင်းအဖွဲ့တွေအနေနဲ့ မြောင်မြို့ပေါ်ရှိ ထွေအုပ်ရုံးကိုလည်း တစ်ချိန်တည်း တပြိုင်နက်တည်း ၀င်ရောက်တိုက်ခိုက်ခဲ့ကြတယ်လို့ သိရပါတယ်။

တိုက်ခိုက်မှုကို ဒရုန်းအဖွဲ့ ၃ ဖွဲ့ CDSOM အနောက်ပိုင်း 001၊ Drop For Justice MDY၊ MRTF အရာတော်အဖွဲ့နဲ့ ဒေသတော်လှန်ရေးတပ်ဖွဲ့များဖြစ်တဲ့ ဆင်ရိုင်းစစ်ကြောင်း-မြောင်၊ မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ့(CDSOM)၊ မြောင်မြို့နယ် ပလဖ၊ စစ်ကိုင်းခရိုင် တပ်ရင်း ၁ တပ်ခွဲ ၃၊ တပ်ရင်း ၂ တပ်ခွဲ ၃၊ တပ်ရင်း ၆ တပ်ခွဲ ၃၊ မြောင်ပြည်သူ့တပ်မတော် MUA၊ မြင်းခြံခရိုင်တပ်ရင်း ၂ (PDF TALOKE နှင့် MG Ranger)၊ စဉ့်ကိုင် PDF၊ မန္တလေးတပ်ရင်း ၅(မြစ်ငယ်)၊ အညာမြေ(ကျောက်ပန်းတောင်း)၊ Liberation Army Of Central Region(LCRA)၊ Blood Brother၊ Wolf Brother၊ ဒေါင်းညီနောင်၊ စည်တော်ကြီး၊ အမရစစ်သည်တော်(အမရပူရ)၊ 11 Brothers Revolution Force အဖွဲ့တို့မှ ပူးပေါင်းတိုက်ခိုက်ခဲ့ကြတာဖြစ်တယ်လို့ သိရပါတယ်။

Address


Website

Alerts

Be the first to know and let us send you an email when Khit Thit PM posts news and promotions. Your email address will not be used for any other purpose, and you can unsubscribe at any time.

Videos

ရှာတောမှာ
ရှာတောမှာ

ရှားတောမှာ အများအပြား ပွဲသိမ်းလိုက်ပြီ

ဒီးမော့ဆို
ဒီးမော့ဆို

ဒီးမော့ဆို-ဖရူဆိုအစပ်မှာ တိုက်ပွဲတွေ ပြင်းထန်နေပြီး စစ်ကောင်စီက တင့်ကားတွေ လေယာဉ်တွေနဲ့ပါ တိုက်ခိုက် ဩဂုတ် ၂၅ ကရင်နီပြည်နယ်၊ ဒီးမော့ဆို-ဖရူဆိုအစပ်မှာ စစ်ကောင်စီတပ်နဲ့ ပြည်သူ့ကာကွယ်ရေးတပ်ဖွဲ့ တိုက်ပွဲတွေ အပြင်းအထန်ဖြစ်ပွားနေပြီး စစ်ကောင်စီက တင့်ကားတွေ၊ လေယာဉ်တွေနဲ့ တရစပ် ပစ်ခတ်တိုက်ခိုက်နေတယ်လို့ တိုက်ပွဲတွင်းရောက်နေတဲ့ ဒီးမော့ဆို PDF အဖွဲ့ဝင် တစ်ဦးက ပြောပါတယ်။ ဩဂုတ်လ ၂၁ ရက်ကစပြီး စစ်ကောင်စီတပ်က အများအပြားနဲ့ စစ်ကြောင်းထိုးလာသလို တင့်ကားတွေ၊ လက်နက်ကြီးတွေ နဲ့ လေကြောင်းပစ်ကူတွေကိုပါ အလွန်အကျွံအသုံးပြုလာတယ်လို့ ဆိုပါတယ်။ “ဒီ ၃၊၄ ရက်အတွင်းတိုက်ပွဲက တော်တော်လေးပြင်းတယ်။ သူတို့( စစ်ကောင်စီ)ဘက်က တင့်ကားတွေ၊ လေယာဉ်တွေ၊ လက်နက်ကြီးတွေနဲ့ တောက်လျှောက်ပစ်နေတာပေါ့။ သူတို့လည်း ထိသလို ကိုယ်တွေလည်း လက်နက်အားနဲ့ အ

MFTB နှင့် MICB ဘဏ် ၂ ခု
MFTB နှင့် MICB ဘဏ် ၂ ခု

MFTB နှင့် MICB ဘဏ် ၂ ခု အပေါ် အမေရိကန်က စီးပွားရေးပိတ်ဆို့မှုကြောင့် စစ်ကောင်စီ အတွက် နိုင်ငံခြားငွေရရှိမှု၊ နိုင်ငံခြားငွေ သုံးစွဲမှု၊ ပို့ကုန် သွင်းကုန် လုပ်ငန်း များ ထိခိုက်နေကြောင်း စီမံ/ဘဏ္ဍာ ဒုဝန်ကြီး ဝန်ခံ

စခန်းတို-က်ခို-က်ခံရပြီး အရာခံဗိုလ်တဦးThay၊
စခန်းတို-က်ခို-က်ခံရပြီး အရာခံဗိုလ်တဦးThay၊

စစ်စခန်းတိုက်ခိုက်ခံရပြီး အရာခံဗိုလ်တဦးThay၊ PDFတိုက်ခိုက်တာမဟုတ်ဘဲ စစ်သားအချင်းချင်းပစ်တာလို့ သတင်းဖြန့် #KhitThitPM #KhitThitMedia #PDF

တပ်ကြပ်ကြီးအပါ ၃ ဦး
တပ်ကြပ်ကြီးအပါ ၃ ဦး

တပ်ကြပ်ကြီးအပါ ၃ ဦးသေဆုံးခဲ့ပြီး သေနတ် ၂ လက်ပါရခဲ့တဲ့ ကပစ ၂၃ စစ်စခန်းကုန်းတိုက်ပွဲ (ရုပ်/သံ) ဂန့်ဂေါ၊ ဩဂုတ် ၂၂၊ ၂၀၂၃။ မကွေးတိုင်း၊ ဂန့်ဂေါခရိုင်၊ ကျောမြို့အခြေစိုက် ကပစ ၂၃ ရဲ့ အရေးပါတဲ့ ဗျူဟာစခန်းကုန်းတခု ဝင်ရောက်တိုက်ခိုက်ခံရပြီး တပ်ကြပ်ကြီးအပါအဝင် ၃ ဦးသေကာ ခဲယမ်းတွေလည်း သိမ်းမိခဲ့တယ်လို့ ရဲဘော်တွေဆီက သိရပါတယ်။ ဩဂုတ် ၂၁ ရက် မနက် ၉ နာရီခွဲဝန်းကျင်က ကပစ ၂၃ နဲ့ ၂ မိုင်ခန့်အကွာက စစ်ကောင်စီစခန်းကုန်းတခုကို ယောကာကွယ်ရေးတပ် YDFရဲ့ ယောနကစစ်ကြောင်းက ဝင်ရောက်တိုက်ခိုက်ခဲ့တာဖြစ်ပြီး မိနစ် ၂၀ ကြာ တိုက်ပွဲဖြစ်ပွားခဲ့ကာ တိုက်ပွဲဖြစ်နေချိန်အတွင်း ကပစထဲကနေလည်း လက်နက်ကြီး ပစ်ကူပေးတယ်လို့ ဆိုပါတယ်။ “လုံခြုံရေးမိုင်းတွေလည်း အထပ်ထပ်ကာထားတယ်။ အဲ့ဒါကို ကျနော်တို့က တက်ပြီးမှ သိမ်းတာပါဗျ။ သူတို့ဘက်က သေတဲ့သူတွေက ဒီတိုင်းပဲ အလော

မြို့သိမ်းဖို့ အစီအစဥ်နဲ့ မြောင်နယ် မြို့မရဲစခန်းကို တိုက်ခိုက်
မြို့သိမ်းဖို့ အစီအစဥ်နဲ့ မြောင်နယ် မြို့မရဲစခန်းကို တိုက်ခိုက်

မြို့သိမ်းဖို့ အစီအစဥ်နဲ့ မြောင်နယ် မြို့မရဲစခန်းကို တိုက်ခိုက် ဩဂုတ် _ ၁၄ စစ်ကိုင်းတိုင်း ၊ မြောင်မြို့ပေါ်က မြို့မရဲစခန်းကို ပြည်သူ့ကာကွယ်ရေးအဖွဲ့တွေက ဩဂုတ်(၁၃)ရက် မနက်အစောပိုင်းမှာ မြို့သိမ်းဖို့ အစီအစဥ်နဲ့ သွားရောက်တိုက်ခိုက်ခဲ့တယ်လို့ ပြည်သူ့တပ်မတော် - မြောင် တာဝန်ခံ အဂ္ဂ က ပြောပါတယ်။ ဒီတိုက်ခိုက်မှု ဟာ မြို့သိမ်းဖို့အတွက် စနစ်တကျ ကြိုတင်ပြင်ဆင်ခဲ့တာ ဖြစ်ပြီး မြေပြင်ကနေလက်နက်ကြီးနဲ့ တိုက်ခိုက်သလို ဒရုန်းတွေနဲ့ပါတိုက်ခိုက်ခဲ့တာ ဖြစ်တယ်လို့ မြောင်မြို့နယ် ပြည်သူ့ကာကွယ်ရေးနဲ့ လုံခြုံရေးအဖွဲ့ - CDSOM ခေါင်းဆောင် ကိုနွေဦးက ပြောပါတယ်။ မြောင်နယ်ထဲမှာ ပြည်သူ့ကာကွယ်ရေးအဖွဲ့တွေက နယ်မြေရဲ့ (၈ဝ)ရာခိုင်နှုန်းခန့်ကို စိုးမိုးထားတာဖြစ်ပြီး စစ်အုပ်စုဘက်က ကျောက်ရစ် စခန်း နဲ့ အခုတိုက်ခိုက်ခံရတဲ့ မြို့မရဲစခန်း မှာ

ဂန့်ဂေါနယ်
ဂန့်ဂေါနယ်

ဂန့်ဂေါနယ်ထဲ ပြည်သူ့ ပစ္စည်းတွေခိုးယူလုယက်နေတဲ့ စစ်အုပ်စုကိုတိုက်ခိုက် ဩဂုတ်_၁၂ မကွေးတိုင်း၊ ဂန့်ဂေါ်နယ်ထဲမှာ ပြည်သူပိုင်ပစ္စည်းခိုးယူလုယက် ဖျတ်ဆီးနေတဲ့ အင်အား (၂၀၀) ခန့်ပါတဲ့ စစ်အုပ်စုစစ်ကြောင်းကို ဒရုန်းနဲ့ဗုံးသီးအများအပြားကျဲတိုက်ခိုက်ခဲ့ရာ စစ်အုပ်စုအထိနာသွားတယ်လို့ HYPER UAV FORCE အဖွဲ့တာဝန်ရှိသူက ပြောပါတယ် ။ ဩဂုတ် (၈) ရက်နေ့က ဂန့်ဂေါမြို့နယ် ရွှေဘိုရွာထဲဝင်မွှေပြီး ပြည်သူတွေရဲ့ ပစ္စည်းတွေခိုးယူလာတဲ့ စစ်အုပ်စုကို မြေပြင်ကတိုက်ခိုက်တာတွေနဲ့ ဒရုန်းနဲ့ဗုံးကျဲတိုက်ခိုက်တာတွေလုပ်ဆောင်ခဲ့တာလို့ ဆိုပါတယ် ။ ဒါအပြင် ဩဂုတ် (၁၁) ရက်နေ့မှာလည်း တေင်ခရမ်းနယ်မြေရဲစခန်းကို လက်နက်အင်အားထပ်ဖြည့်နေတဲ့ စစ်အုပ်စုကို ဗုံးသီး (၁၀) နဲ့ထပ်မံတိုက်ခိုက်ခဲ့ပါသေးတယ်လို့ အဖွဲ့တာဝန်ရှိသူကပြောပါတယ် ။ " ဩဂုတ်(၈)ရက်နေ့မှာတော့ မြေပြင

ချင်းတွင်းမြစ်
ချင်းတွင်းမြစ်

ချင်းတွင်းမြစ်ထဲမှာ စစ်အုပ်စု ရေယာဉ်တွေကို တိုက်ခိုက်၊ နှစ်ဖက် အထိအခိုက်ရှိ

တော်လှန်ရေး နောက်ကြောင်းပြန်လှည့်ဖို့ မရှိဘူးလို့ KNU ပြော
တော်လှန်ရေး နောက်ကြောင်းပြန်လှည့်ဖို့ မရှိဘူးလို့ KNU ပြော

မြင်းခြံမှာ စစ်အုပ် မိုင်းဆွဲခံရ (၅)ဦးသေ ရွှေဘိုနယ်မှာလည်း ဒဏ်ရာရသူတွေကို သယ်လာတဲ့ စစ်အုပ်စုစစ်ကြောင်း ထပ်မံတိုက်ခိုက်ခံရ

လဲချားမြို့နယ်
လဲချားမြို့နယ်

- ပုလဲမြို့နယ်၊ ကျေးနင်းကြီးကျေးရွာအနီးတိုက်ပွဲတွင် စစ်သား ၁၅ ဦးထက်မနည်းသေဆုံံး - လဲချားမြို့နယ်တွင် စစ်တပ်နှင့် SSPP တို့ဖြစ်ပွားခဲ့သော တိုက်ပွဲအတွင်း စစ်သား ၁၀ ဦးသေဆုံးကာ ၂ ဦး အရှင်ဖမ်းမိပြီး SSPP ရဲဘော် ၁ ဦးကျဆုံး

ကျပ်၂သောင်းတန်ကြောင့် တပ်တွင်းရိုက်ခတ်
ကျပ်၂သောင်းတန်ကြောင့် တပ်တွင်းရိုက်ခတ်

- ဂုတ်တွင်းတိုက်ပွဲတွင် သေဆုံးသွားသော အရာရှိ ၁ ဦး အပါအဝင် စစ်သား ၁၄ ဦးကို အစုလိုက်အပြုံလိုက် နောင်ချိုသုဿာန်တွင် သဂြိုလ် - ကျပ်၂သောင်းတန်ကြောင့် ကုန်စျေးနှုန်းတက်သည့်ဂယက် တပ်တွင်းရိုက်ခတ်၊ တပ်မိသားစုများ ပိုမိုကြပ်တည်းလာ #KhitThitPM #KhitThitMedia

စကျင်မြို့
စကျင်မြို့

စကျင်မြို့ပေါ် တောကြီးမြွေပွေးအဖွဲ့ လှည့်လည်ပြီးနောက် စစ်ကောင်စီက အလုံးအရင်းနဲ့ ပိတ်ဆို့စစ်ဆေး (ရုပ်/သံ) သြဂုတ် ၆၊ ၂၀၂၃။ မန္တလေးတိုင်း၊ စကျင်မြို့ပေါ်ကို တောကြီးမြွေပွေးအဖွဲ့က လက်နက်အပြည့်အစုံဖြင့် လှည့်လည်ကာ ဈေးဝယ်ထွက်တဲ့ ရုပ်သံဖိုင် ထွက်ပေါ်လာပြီး နောက်တနေ့မှာပဲ စစ်ကောင်စီတပ်တွေက အင်အားအလုံးအရင်းနဲ့ ပိတ်ဆို့စစ်ဆေးဖမ်းဆီးမှုတွေ ပြုလုပ်နေတယ်လို့ ဒေသခံတွေဆီက သိရပါတယ်။ တောကြီးမြွေပေးအဖွဲ့က ယမန်နေ့ ဩဂုတ် ၅ ရက်မှာ မြို့ပေါ်ကိုဈေးဝယ်ထွက်ခဲ့တာဖြစ်ပြီး စစ်ကောင်စီတပ်တွေက ယနေ့ ဩဂုတ် ၆ ရက် နံနက် ၄ နာရီမှာ စစ်ကား ၄ စီးနဲ့ စကျင်ကျေးရွာနဲ့ အနီးနားကျေးရွာတွေကို ဝင်ရောက်ကာ ဒေသခံတွေကို စစ်ဆေးမေးမြန်းတာ ဖမ်းဆီးတာတွေ လုပ်နေတယ်လို့ သိရပါတယ်။ "စကျင်ကျေးရွာကို စစ်ကောင်စီတပ်က စစ်ကား ၇ စီးနဲ့ မနက်၄နာရီကျော်မှာ ဝင်လာပြီး

စကစထိန်းချုပ်ဘဏ်နှစ်ခု အမေရိကန် ဒဏ်ခတ်အရေးယူ
စကစထိန်းချုပ်ဘဏ်နှစ်ခု အမေရိကန် ဒဏ်ခတ်အရေးယူ

- စစ်ခေါင်းဆောင်၏ အယုံကြည်ရဆုံး ကစထ (၁) မှ ဒု ဗိုလ်ချုပ်ကြီး တေဇကျော် ဖမ်းဆီးစစ်ဆေးခံနေရ - ကျောက်ရစ်ရဲစခန်းကို PDFတွေ ဝင်တို-က်ခို-က်ခဲ့လို့ စစ်သား(၃)ဦးThay (၁၀)ဦီးကျော်ဒဏ်ရာရ

စစ်​ကောင်စီ ထိပ်ပိုင်း စစ်ဗိုလ်ချုပ်ကြီးတချို့ ​နေ​ရာ​ပြောင်း​ရွှေ့ခံရ
စစ်​ကောင်စီ ထိပ်ပိုင်း စစ်ဗိုလ်ချုပ်ကြီးတချို့ ​နေ​ရာ​ပြောင်း​ရွှေ့ခံရ

- မူဆယ်မှာ စစ်ကောင်စီတပ် နှင့် TNLA တို့ကြား တို-က်ပွဲဖြစ် စကစ(၃၅)ဦးThay (၁)ဦးအရှင်ဖ-မ်းမိ - စစ်​ကောင်စီ ထိပ်ပိုင်း စစ်ဗိုလ်ချုပ်ကြီးတချို့ ​နေ​ရာ​ပြောင်း​ရွှေ့ခံရ

ရာထူးမှ အပယ်ခံရသူများမှာ တရားသူကြီးချုပ် လျှပ်စစ်ဝန်ကြီး၊စွမ်းအင်ဝန်ကြီး
ရာထူးမှ အပယ်ခံရသူများမှာ တရားသူကြီးချုပ် လျှပ်စစ်ဝန်ကြီး၊စွမ်းအင်ဝန်ကြီး

-ဒီပဲယင်းမှာ ၁၃၀ ခန့်ပါ စစ်တပ်စစ်ကြောင်းတို-က်ခို-က်ခံရ စကစဘက်မှ(၁၀)ဦးပွဲသိမ်း -ကရင်နီမှာလည်း စစ်တပ်ရုပ်အလေ-ာင်းများ PDFသင်္ဂြိုလ်ပေးနေရ - ဝန်ကြီးအဆင့်ပုဂ္ဂိုလ်များရာထူးမှအဖယ်ခံရသူများမှာတရားသူကြီးချုပ် လျှပ်စစ်ဝန်ကြီး၊စွမ်းအင်ဝန်ကြီးပါဝင်

မုံရွာပြည်တော်သာအ၀ိုင်းမှာ စခကို ၀ို-င်းသ-မ-တာ အားရစရာကောင်းလိုက်တာ
မုံရွာပြည်တော်သာအ၀ိုင်းမှာ စခကို ၀ို-င်းသ-မ-တာ အားရစရာကောင်းလိုက်တာ

ဖဲရိုက်ပြန်လာတဲ့ ဒုတပ်ရင်းမှူးနှင့်ဗိုလ်(၂)ဦး မုံရွာ ပြည်တော်သာ အဝိုင်းမှာ အဖြောင်ခံရ

ဝက်လက်မြို့နယ်ထဲက ရွှေပန်းကုံး စခန်းသိမ်း တိုက်ပွဲ
ဝက်လက်မြို့နယ်ထဲက ရွှေပန်းကုံး စခန်းသိမ်း တိုက်ပွဲ

ဝက်လက်မြို့နယ်ထဲက ရွှေပန်းကုံး စခန်းသိမ်း တိုက်ပွဲ နိုဝင်ဘာ 9 စစ်ကိုင်းတိုင်း၊ ဝက်လက်မြို့နယ် ရွှေပန်းကုံးစံပြကျေးရွာအတွင်းရှိ ရွှေပန်းကုံးနယ်မြေရဲစခန်းကို ဝင်ရောက် တိုက်ခိုက် သိမ်းပိုက်ရာ စခန်းမှူးအပါအဝင် (၆)ဦးသေကြောင်း Doing Ni Defence Force-Wetlet ၏ သတင်းမှန်ပြန်ကြားရေးအဖွဲ့က ယနေ့ နိုဝင်ဘာလ(၇)ရက်နေ့တွင် သတင်းထုတ်ပြန်လာသည်။ အဆိုပါ စခန်းသိမ်းတိုက်ပွဲကို ၂၀၂၂ခုနှစ် အောက်တိုဘာလ(၁၇)ရက်နေ့က ပြုလုပ်ခဲ့ခြင်းဖြစ်သော်လည်း အင်တာနက် အခက်အခဲကြောင့် ယနေ့မှသာ သတင်းဗီဒီယိုမှတ်တမ်းကို ထုတ်ပြန်နိုင်သည်ဟုလည်း အသိပေးထားရှိသည်။ စခန်းသိမ်း တိုက်ပွဲအတွင်း စစ်ကောင်စီဘက်က အထိနာမှု များသောကြောင့် စစ်ကောင်စီတပ်က လေးကြောင်ပစ်ကူဖြင့် တိုက်ခိုက်ခဲ့ကာ ပြည်သူပူပေါင်းပါဝင်မှုနည်းပြီး သတင်းပေါက်ကြားမှုကြောင့် စခန်းကို အလုံးစုံ မသိမ်းနိုင်ခဲ

မုံရွာမှာ ဖဲဝိုင်းက ပြန်လာတဲ့ စစ်အုပ်စု
မုံရွာမှာ ဖဲဝိုင်းက ပြန်လာတဲ့ စစ်အုပ်စု

မုံရွာမှာ ဖဲဝိုင်းက ပြန်လာတဲ့ စစ်အုပ်စုကို ကြားဖြတ်တိုက်ခိုက်၊ ဗိုလ်အဆင့် အပါအဝင် ကားပေါ်ပါ စကစ ခြောက်ယောက် သေဟုဆို၊ နိုဝင်ဘာ - ၈ စစ်ကိုင်းတိုင်း မုံရွာမြို့မှာ မနေ့က ညနေပိုင်း ဖဲဝိုင်းက ပြန်လာတဲ့ စစ်အုပ်စုကို မြို့အဝင်မှာ ကြားဖြတ်တိုက်ခိုက်ခဲ့ရာ ဗိုလ်အဆင့် နှစ်ယောက် အပါအဝင် စကစ ခြောက်ယောက် သေတယ်လို့ သံမဏိ Force - MPDF (မုံရွာခရိုင်တပ်ရင်း) က သတင်း ထုတ်ပြန်ပါတယ်။ တန်ဆောင်မုန်းလပြည့်ဖြစ်တဲ့ နိုဝင်ဘာ(၇)ရက် မနေ့က ညနေ(၃)နာရီခွဲမှာ မုံရွာမြို့နယ် ကျောက်စစ်ပုံရွာ ဖဲဝိုင်းက ပြန်လာတဲ့ စစ်အုပ်စုကို မုံရွာမြို့ ၊ ပြည်တော်သာ အဝိုင်းပတ်ထိပ်မှာ စောင့်ကြို ကြားဖြတ် တိုက်ခိုက်ခဲ့တာလို့ ဆိုပါတယ်။ "ကျောက်စစ်ပုံရွာမှ ဖဲရိုက် ပြန်လာသော စခ အကောင်ကြီး (ဗိုလ်အဆင့်) နှစ်ကောင် အပါဝင် စုစုပေါင်း စခ ရှစ်ကောင် လိုက်ပါလာသော စခကားအား သံမဏိ Force - MPDF

အရေးပါတဲ့ရိက္ခာကုန်းစခန်းကို စစ်ကောင်စီ စွန့်ခွာ တပ်ဆုတ်သွားလိုက်ရပြီ
အရေးပါတဲ့ရိက္ခာကုန်းစခန်းကို စစ်ကောင်စီ စွန့်ခွာ တပ်ဆုတ်သွားလိုက်ရပြီ

ကရင်ပြည်နယ် မြဝတီမြို့နယ်မှာရှိတဲ့ အဓိက အရေးပါတဲ့ရိက္ခာကုန်းစခန်းကို စစ်ကောင်စီ စွန့်ခွာ တပ်ဆုတ်သွားလိုက်ရပြီ နိုဝင်ဘာ ၇ ကရင်ပြည်နယ်၊ မြ၀တီမြို့နယ်အတွင်းရှိ အကြမ်းဖက်စစ်ကောင်စီ၏ ခလရ ၃၁၀ တပ်က ရဟတ်ယာဉ်ကွင်းပါ ပါဝင်သည့် စခန်းကုန်းတစ်ခု ဖြစ်သော ပွိုင့် ၁၉၂၁ ရိက္ခာကုန်းစခန်းကို စွန့်ခွာသွားကြောင်း ကရင်စစ်ဘက် သတင်းရင်းမြစ်များထံ သိရှိရသည်။ လွန်ခဲ့သော အောက်တိုဘာလတွင် ယင်းစခန်းကို စခွန့်ခွာသွားခြင်းဖြစ်ပြီး ယင်းစခန်းသည် ရွှေကက္ကိုလ်အနီးတွင်ရှိပြီး နယ်မြေထိန်းချုပ်ရေး အတွက် အရေးပါသော တပ်စခန်းတစ်ခုဖြစ်ကြောင်း ကရင်စစ်ဘက်သတင်းရင်းမြစ်က ပြောဆိုသည်။ "အဲဒီစခန်းက ရဟတ်ယာဉ်ကွင်းပါရှိတယ်။ တစ်လရှိပြီ။ စစ်တပ်က စခန်းကို စွန့်သွားတာ" ဟု ကရင်စစ်ဘက်သတင်းရင်းမြစ်က ပြောသည်။ CDM စစ်အရာရှိတစ်ဦးက မြ၀တီမြို့နယ်၊ ပွိုင့် ၁၉၂၁

မြောင်မှာ စစ်အုပ်စုရဲ့ ခိုးရာပါ ပစ္စည်းသယ် သင်္ဘောကို ဖမ်းဆီးပြီ
မြောင်မှာ စစ်အုပ်စုရဲ့ ခိုးရာပါ ပစ္စည်းသယ် သင်္ဘောကို ဖမ်းဆီးပြီ

မြောင်မှာ စစ်အုပ်စုရဲ့ ခိုးရာပါ ပစ္စည်းသယ် သင်္ဘောကို ဖမ်းဆီးပြီး သင်္ဘောပေါ်ပါ ဆန်အိတ်တွေကို စစ်ဘေးသင့် ပြည်သူတွေထံ ဝေငှပေး၊ နိုဝင်ဘာ - ၇ စစ်ကိုင်းတိုင်း မြောင်မြို့နယ်မှာ ခိုးရာပါ ပစ္စည်းတွေ သယ်ဆောင်လာတဲ့ စစ်အုပ်စုရဲ့ သင်္ဘောတစ်စီးကို ဖမ်းဆီးပြီး သင်္ဘောပေါ်ပါ ဆန်အိတ်တွေကို စစ်ဘေးသင့်ပြည်သူတွေထံ တန်ဆောင်တိုင် ပံ့သကူအဖြစ် ဝေငှပေးခဲ့တယ်လို့ မြောင်မြို့နယ် ပြည်သူ့ကာကွယ်ရေးနှင့် လုံခြုံရေးအဖွဲ့ - CDSOM က သတင်း ထုတ်ပြန်ပါတယ်။ နိုဝင်ဘာ(၆)ရက် မနေ့က နေ့လည်ပိုင်းက မန္တလေးဘက်ကနေ စုန်ဆင်းလာတဲ့ စစ်အုပ်စုရဲ့ သင်္ဘောကို ဖမ်းဆီးခဲ့ပြီး သင်္ဘောပေါ်ပါ ဆန်အိတ်တွေကို စစ်လေးသင့်ပြည်သူတွေထံ ဝေငှပေးခဲ့တာလို့ ဆိုပါတယ်။ "မြောင်တန်းဆောင်တိုင် ပွဲကိုတော့ ထူးခြားဆန်းပြား မလုပ်ဖြစ်တော့ဘဲ ပံ့သကူအလှူရှင် မင်းအောင်လှိုင် တပ်အပေါ

Shortcuts

  • Address
  • Alerts
  • Videos
  • Claim ownership or report listing

  • Want your business to be the top-listed Media Company?

Share