29/02/2024
دیاریكردنی وادەی هەڵبژاردنی پەرلەمانی كوردستان رەت دەكرێتەوە
دوای ئەوەی كۆمسیۆنی باڵای سەربەخۆی هەڵبژاردنەكانی عێراق ڕایگەیاند، وادەیەكی دیاریكراویان داوا كردووە بۆ ئەنجامدانی هەڵبژاردنی پەرلەمانی هەرێمی كورستان، راوێژكارێكی سەرۆكایەتی هەرێم دەڵێت، ئەوان لە كۆبوونەوە و دۆزینەوەی ڕێگە چارەیەكدان بۆ ئەوەی مەرسوومی سەرۆكایەتی تایبەت بە هەڵبژاردن دەربكەن، بەڵام تا ئێستا دەرئەنجامێكی گونجاویان دەستنەكەوتووە.
زیرەك كەمال، ڕاوێژكاری سەرۆكی هەرێمی كوردستان، بە دەنگی ئەمەریكای وت، "سەرۆكایەتی هەرێمی كوردستان لە كۆبوونەوەدایە لەگەڵ لایەنە پەیوەندیدارەكان بۆ دۆزینەوەی ڕێگە چارەیەك تایبەت بە دیاریكردنی كاتی هەڵبژاردن، كە بەرژەوەندی هەموو لایەكی تێیدا پارێزراوبێت."
ڕاوێژكاری سەرۆكی هەرێمی كوردستان، وتیشی، "تا ئێستا نەگەشتووینەتە دەرئەنجامێكی گونجاو و لە تووێژداین بۆ ئەوەی لە ڕۆژ و كاتی گونجاودا ڕۆژی هەڵبژاردن دەستنیشانبكرێت."
