16/09/2022
သတိရှိကြပါ။
ဒီညနေ Rose Garden Hotel ကအပြန် ဒေါ်သိန်းတင်လမ်းမကြီးဘက်ကိုကားလမ်းကူးပြီးပြီးချင်း ညာဘက်ကားလမ်းအခြမ်း ၈၉လမ်းနားမရောက်ခင်မှာ လည်ပင်းကိုဓားထောက်ပြီးဆွဲကြိုးဖြတ်ခံရပါတယ်
အလုပ်ပြန်ချိန်ဆို Rose Garden Hotel ရဲ့ဟိုဘက်ကားလမ်းမှာက အိမ်ခြေယာမဲ့တွေ၊တစ်ခါတစ်လေ ကော်ထိုင်ရှူနေတဲ့သူတွေပါရှိလို့ ဘယ်တော့မှဟိုတယ်ကထွက်ထွက်ချင်း ကားလမ်းတန်းမကူးပါဘူး
အဲ့လူတွေရှိနေတဲ့နေရာကိုကျော်ပြီးမှ ကားလမ်းကူးပြီး လမ်းမတန်းဘက်ကလျှောက်တာပါ
ဒီနေ့လဲကားလမ်းကူးပြီး လမ်းမတန်းဘက်ကလျှောက်တဲ့အချိန် ပလက်ဖောင်းပေါ်ကလူနှစ်ယောက်ကထလာပြီး လမ်းထောင့်ကအမှိုက်ပုံးနားမှာအမှိုက်ပစ်မလိုလိုလိုလို အရှေ့ဘက်ကိုလမ်းဆက်လျှောက်မလိုလိုနဲ့မနီးမဝေးနားရောက်လာလို့ လူတွေရောဆိုင်တွေရောရှိတဲ့ ဟိုဘက်ကားလမ်းကိုချက်ချင်းကူးလိုက်ပါတယ်
ဟိုဘက်ကားလမ်းရောက်တော့ အရှေ့ကိုဆက်လျှောက်နေတုန်း ၈၉လမ်းနားမရောက်ခင်မှာ အင်္ကျီကော်လံဆောင့်ဆွဲခံရပြီး စက္ကန့်ပိုင်းလေးမှာလည်ပင်းကိုဓားနဲ့ထောက်ပြီးဆွဲကြိုးဆွဲဖြုတ်သွားတာပါ
အသံထွက်ကြည့်ဆောင့်ထိုးပစ်မယ်လို့လဲပြောပါတယ်
စုစုပေါင်းလူ၃ယောက်ပါ
ဓားကလည်ပင်းမှာဆိုတော့ ခြစ်ပစ်လိုက်မှာလဲကြောက် ထိုးခံလိုက်ရမှာလဲကြောက်တာနဲ့ မအော်ရဲလိုက်ပါဘူး
လည်ပင်းက ကုတ်ဆွဲခံလိုက်ရတဲ့ဒဏ်ရာပါ
လူတွေရှိပေမယ့်အော်လဲမအော်ရဲ အကူအညီတောင်းဖို့ကြည့်တော့လဲ တစ်ယောက်မှကိုယ်နဲ့မျက်နှာချင်းဆိုင်ရှိမနေတော့ လူကတကယ်အဲ့နေရာမှာတင်သေတော့မယ်ထင်တာ
လူဘာမှမဖြစ်သွားပေမယ့် လက်သည်းနဲ့ကုတ်ဆွဲခံလိုက်ရလို့ လည်ပင်းဘေးပွန်းသွားပါတယ်
5နာရီ10မိနစ်ဝန်းကျင်လောက်ကပါ
Phoo Pyae Sone Wai
