16/10/2022
မင်းတပ်မြို့ပြည်သူ့အုပ်ချုပ်ရေးအဖွဲ့က တနှစ်အတွင်းရာဇဝတ်မှုပေါင်း ၁၂၀ကို အပြီးပြတ်ဆောင်ရွက်ခဲ့
မင်းတပ်မြို့နယ်တွင် တနှစ်တာအတွင်း မြို့နယ်တရား စီရင်ရေးဌာနက ရာဇဝတ်မှုပေါင်း ၁၂၀ကိုအပြီးပြတ်ဆောင်ရွက်နိုင်ခဲ့တယ်လို့ မင်းတပ်မြို့ ပြည်သူ့အုပ်ချုပ်ရေးအဖွဲ့က ထုတ်ပြန်ပါတယ်။
တစ်နှစ်တာအတွင်း မြို့နယ်တရားစီရင်ရေးဌာန(ဖြန်ဖြေရေးအဖွဲ့များအပါအ၀င်)က ဆောင်ရွက်ပြီးပြတ်ခဲ့တဲ့ အမှုအမျိုးအစားတွေဟာ ရာဇ၀တ်မှုတွေဖြစ်ပါတယ်။
အဲဒီအထဲနာကျင်စေမှု၊ လူသတ်မှု၊ မူးယစ်ရမ်းကားမှု၊ ခိုးမှု၊ကျော်နင်းမှု၊ အကျိုးဖျက်ဆီးမှု၊ ဒေသန္တရတားမြစ်မိန့်များကိုဖောက်ဖျက်မှု၊ အများပြည်သူနှောက်ယှက်မှု၊ တရားမမှုဖြစ်သော ချေးငွေရလိုမှု၊ မြေယာအငြင်းပွားမှု (မြေယာအငြင်းပွားမှုတွင် ယခင်တရားရုံးကဆုံးဖြတ်ပြီးသောမှုခင်းများနှင့် မြေယာမှုခင်းဖွင့်လှစ်ဆောင်ရွက်ဆဲအမှုများမှအပ)စုစုပေါင်း (၁၂၀) မှုအားပြီးပြတ်ဆောင် ရွက်ခဲ့ပြီးဆောင်ရွက်ဆဲ(၂)မှုကျန်ရှိတယ်လို့ ထုတ်ပြန်ထားတာဖြစ်ပါတယ်။
ဒါ့အပြင်ဆက်သွယ်ရေးအခက်အခဲတွေကြောင့် ဇွန်၊ ဇူ လိုင်၊ ဩဂုတ်စာရင်းတွေဟာ ထုတ်ပြန်ချက်မှာ မပါသေးဘူးလို့ဆိုပါတယ်။
မင်းတပ်မြို့တွင် ပြစ်မှုများမများပြားစေရန်နဲ့ ပြည်သူ များဥပဒေအကာကွယ်ရနိုင်ဖို့အတွက် မင်းတပ်မြို့ပြည်သူ့ကာကွယ်ရေးအဖွဲ့က တရားစီရင်ရေးဌာနကို ၂၀၂၁ခုနှစ် ဇူလိုင်၇ရက်မှာ ဖွဲ့စည်းခဲ့တာဖြစ်ပါတယ်။
အဲဒီလိုဖွဲ့စည်းပြီးတဲ့နောက် ကြားကာလအခြေအနေနဲ့ကိုက်ညီပြီးထိရောက်မယ့်နည်းလမ်း၊ မူဝါဒတွေချ မှတ်နိုင်ရန်ဖို့အတွက်မင်းတပ်မြို့နယ်မှာတိုက်နယ် ၉ခုရှိတဲ့အ နက်တိုက်နယ်(၅)ခုမှာ ပြည်သူလူထုရဲ့စိတ်ပိုင်းဆိုင်ရာ/ရုပ်ပိုင်းဆိုင်ရာအခြေအနေ၊ ကာလအခြေအနေ၊ နယ်မြေအနေအထားတွေကို assessment လုပ်ခဲ့ကြတယ်လို့ ဆိုပါတယ်။
ဒီလိုလုပ်ဆောင်ခဲ့ပြီးနောက် နယ်မြေအချို့တွင် ကျေးရွာ/တိုက်နယ် ဖြန်ဖြေရေးအဖွဲ့များတွေဖွဲ့စည်းခဲ့ပြီး ချင်းဓ လေ့ထုံးတမ်းနဲ့အညီဖြေရှင်းရန် ဆောင်ရွက်ခဲ့ကြတယ်လို့ သိရပါတယ်။
Crd
