ဒို့ဗမာ မီဒီယာ - Doburma Media

02/11/2022

Karen Army တိုက်ပွဲအပြန်မိုင်းကွင်းထဲရောက်

08/08/2022

မုံရွာ PDFစခန်းတစ်ခုစီးနင်းခံရပြီး သုံးဦးသတ်ဖြတ်ခံရ
-----

စစ်ကိုင်းတိုင်း၊ မုံရွာမြို့နယ် သပြေပင်စုကျေးရွာရှိ ပြည်သူ့ကာကွယ်ရေး အဖွဲ့တစ်ဖွဲ့၏ စခန်းတစ်ခုအား အကြမ်းဖက်စစ်ကောင်စီတပ်က ဝင်ရောက် စီးနင်း၍ သုံးဦးသတ်ဖြတ်ခံရပြီး လက်နက်အချို့ သိမ်းဆည်းခံခဲ့ရကြောင်း မုံရွာမြို့နယ် သတင်းမှန်ပြန်ကြားရေးက ထုတ်ပြန်သည်။
ယနေ့ (ဩဂုတ် ၈ရက်) နံနက် ၆ နာရီခန့်က မုံရွာစီးပွားရေးတက္ကသိုလ်ကျောင်း တွင် တပ်စွဲထား သော အင်အား(၄၀)ပါ အကြမ်းဖက်စစ်ကောင်စီစစ်ကြောင်း သည် အရှေ့ဘက် ကိုင်းတောရွာကို ဝင်ရောက်ကာ လက်ဖက်ရည်ဆိုင် ထိုင်နေသော ရွာသားတယောက်ကို ဓားစာခံလမ်းပြအဖြစ် ခေါ်ဆောင် သွားခဲ့သည်။

ထို့နောက် ကိုင်းတောရွာမှတဆင့် သပြေပင်စုရွာသို့ ရောက်ရှိလာပြီး သပြေပင်စု ရွာ အရှေ့ဘက် စခန်းတစ်ခုကို ဝင်ရောက်စီးနင်းရာ PDF အဖွဲ့ဝင်များနှင့် ကိုက် ၂၀၀အကွာတွင် အပြန်အလှန် ပစ်ခက်မှု ဖြစ်ပွားခဲ့ကြောင်း မုံရွာမြို့နယ် သတင်းမှန်ပြန်ကြားရေး၏ ထုတ်ပြန်ချက်တွင် ဖော်ပြသည်။

အကြမ်းဖက်စစ်ကောင်စီတပ်က (၄၀)မမ ၃လုံး ပစ်ခတ်ကာ ဝင်ရောက်ခဲ့ပြီး စခန်းကို မီးရှို့ကာ ဘေးနားရှိ တောတဲများကိုလည်း မီးရှို့သွားခဲ့ကြောင်း၊ ၎င်းတို့နှင့်အတူပါ လက်ထိပ်ခတ်ခံ ထားရသော အမျိုးသားနှစ်ဦးနှင့် ရွာရှိဧည့်သည်တစ်ဦး စုစုပေါင်း အမျိုးသား သုံးဦးအား ခေါင်းများကို ကွဲထွက်သည်ထိ ရိုက်နှက်ကာ သတ်ဖြတ်ထားပြီး အလောင်းများအား အကျအန မြေမြုပ် ဖုံးဖိထားခဲ့ကြကြောင်း ထပ်မံ အသိပေးသည်။

ထိုနောက် အကြမ်းဖက် စစ်ကောင်စီတပ်သည် စခန်းမှလက်လုပ်သေနတ်များ၊ မိုင်း အလုံး ၂၀၀၊ သပြေပင်စု ရွာထဲမှ ဆန်အိတ်များ ၊ဆိုင်ကယ် (၈)စီး၊ ဆိုလာပြားများ၊ အဝတ်အိတ်များ၊ ဂစ်တာတစ်လုံးနှင့် အကြမ်းဖက်လုယူကာ ပြန်လည်ထွက်ခွာသွားကြောင်း မုံရွာမြို့နယ် သတင်းမှန်ပြန်ကြားရေးက ဖော်ပြသည်။

"ကျဆုံးရဲဘော်များအား အလေးနီပြုပါတယ် အေးချမ်းစွာ အနားယူပါတော့။ တာဝန်ကျေပါတယ် ရဲဘော်တို့။"ဟု မုံရွာမြို့နယ်သတင်းမှန်ပြန်ကြားရေး (ပ.က.ဖ)က ရေးသားထားပြီး ရဲဘော်များကျဆုံးမှု အခြေအနေကို သီးခြားအသိပေးထားခြင်းမရှိပေ။

ထုတ်ပြန်ချက်နှင့်ပတ်သက်၍ People's Spring သတင်းဌာနက မုံရွာမြို့နယ် သတင်းမှန် ပြန်ကြားရေးသို့ ဆက်သွယ်မေးမြန်းခဲ့သော်လည်း မီဒီယာအား ဖြေကြားခြင်းမပြုကြောင်းကိုသာ အကြောင်းပြန်ခဲ့သည်။

PDFစခန်းအား မီးရှို့ဖျက်ဆီးသွားပြီးနောက် တွေ့ရစဥ် ဓာတ်ပုံ-မုံရွာမြို့နယ် သတင်းမှန်ပြန်ကြားရေး

26/07/2022

25/07/2022

ရန်ကုန်မြို့ပြပျောက်ကြားအဖွဲ့တွေ အရေးပေါ် စစ်ရေးအမိန့်ထုတ်ပြန်၊

UG တွေကို ဝင်ရှုပ်ရင် ပူးတွဲရှင်းလင်းခံရမယ်လို့ သတိပေး

ဇူလိုင် ၂၅၊

လက်ရှိဖြစ်ပေါ်နေတဲ့ အခြေအနေတွေအရ တော်လှန်တိုက်ခိုက်ရေးအရှိန်တွေ ဆက်လက်မြှင့်တင် ဆောင်ရွက်သွားမှာ ဖြစ်တဲ့အတွက် ရန်ကုန်နေ ပြည်သူလူထု အနေနဲ့ သတိဝီရိယ ကြီးစွာ သွားလာနေထိုင်နိုင်ကြစေဖို့ အရေးပေါ်စစ်ရေးအမိန့်တစ်ခုကို Soul Takers UG ကထုတ်ပြန်လာပါတယ်။

ယခုအခါ အကြမ်းဖက်စစ်တပ်အောက်ခြေဌာနအသီးသီးက အခြေခံ Non CDM သစ္စာဖောက် ဝန်ထမ်းများဖြစ်တဲ့ EPC ၊ စည်ပင်၊ ရပ်ကျေး အုပ်ချုပ်ရေးမှူး၊ ဆယ်အိမ်မှူး၊ ရာအိမ်မှူး၊ ပျူစောထီး၊ သွေးသောက်အဖွဲ့ဝင်၊ စွန်ရဲအဖွဲ့ အမည်ခံ မဘသ အဖွဲ့၊ ပြည်သူထံမှ လက်နက်ပြ ခြိမ်းခြောက်ကာ ဓားမြတိုက် လုယက်ရမ်းကားနေသူတွေကို အကြိမ်ကြိမ်စာထုတ်ကာ သတိပေးခဲ့ပြီး ဖြစ်ပါတယ်။

ဒါပေမယ့် အကြမ်းဖက် စစ်တပ် နဲ့ ပူးပေါင်းကာ ပြည်သူလူထု မငြိမ်မသက်ဖြစ်စေအောင် အကြောက်အလန့် ဖြစ်စေသော အပြုအမူတွေကို ဆက်လက်လုပ်ဆောင်နေကြဆဲ ဖြစ်တာကို စိစစ်တွေ့ရှိရတဲ့အတွက် ပြည်သူမှလွဲ၍ အကြမ်းဖက်စစ်တပ်နဲ့ ပူးပေါင်းကာ ယုတ်မာသောင်းကျန်းနေတဲ့ မည်သည့်အဖွဲ့အစည်းကိုမဆို ထိရောက်စွာ ရှင်းလင်း ဖယ်ရှားတော့မှာဖြစ်တယ်လို့ Soul Takers UG အဖွဲ့ရဲ့ ဌာနဆိုင်ရာ ခေါင်းဆောင်တွေ တိုင်ပင်ဆွေးနွေးကာ ပြတ်သားစွာ သဘောတူဆုံးဖြတ်ချက်ချခဲ့ပါတယ်။

ရှင်းလင်းရေး လုပ်ဆောင်တာတွေ ပြုလုပ်ရာမှာ မိမိ အနီးအနားတွင် ဖြစ်ပွါးပါက ဘေးလွတ်ရာ ရှောင်တိမ်းကြရန် ဝင်ရောက်နှောင့်ယှက်ခြင်း တားဆီးခြင်းတွေ မပြုလုပ်ကြရန်လည်း ပြည်သူလူထုအား ကြိုတင် သတိပေးထားပြီး စစ်ခွေးနဲ့အပေါင်းအပါ အင်အားစုတွေရဲ့ နယ်မြေရှင်းလင်းရေး လုပ်ဆောင်နေရာမှာ ၎င်းတို့ကို သတင်းပေးခြင်း၊ လိုက်ပါကူညီဖမ်းဆီးပေးခြင်းတွေပြုလုပ်ပါက ပူးတွဲရှင်းလင်းခံရမည်ဖြစ်တယ်လို့ အမိန့်ထုတ်ပြန်ထားပါတယ်။

#ရန်ကုန် #အရေးပေါ်စစ်ရေးအမိန့်

09/07/2022

ရှေ့တန်းမှာ (၄)လ ဝန်းကျင်ကြာ တာဝန်ထမ်းဆောင်‌ခဲ့ကြပြီး မိခင်တပ်ဆီပြန်လည်ရောက်ရှိလာသည့် ကျားဖြူတပ် ရင်း (၁) တပ်ဖွဲ့ဝင်များရဲ့ပုံရိပ်မှတ်တမ်းကို ဒီကနေ့ ဇူလိုင် လ (၉)ရက်နေ့တွင် ကျားဖြူတပ်ရင်းက သတင်းထုတ်ပြန်ဖော်ပြလာပါသည်။

01/07/2022

အကြမ်းဖက်စစ်ကောင်စီ၏ တိုက်လေယာဉ် ထိုင်းဘက်ကို ကျူးကျော်မှုအပေါ် မတုံ့ပြန်ဘဲ တောင်းပန်ပြီးဖြစ်၍ ပြဿနာမဟုတ်ဟု ပြောဆိုသော ထိုင်းဝန်ကြီး ချုပ်ကို ထိုင်းပြည်သူများ လှောင်ပြောင်

ရန်ကုန်၊ ဇူလိုင် ၁

ထိုင်းနိုင်ငံအတွင်းသို့ ဇွန်လ ၃၀ ရက်နေ့တွင် အကြမ်းဖက်စစ်ကောင်စီ၏ တိုက် လေယာဉ်တစ်စင်း ကျူးကျော်ဝင်ရောက်မှုအတွက် မြန်မာဘက်က တောင်းပန်ထားပြီးဖြစ်၍ ပြဿနာမဟုတ်ကြောင်း ထိုင်းဝန်ကြီးချုပ်ပရာယွတ်က ပြောဆိုလိုက်မှုကို ထိုင်းပြည်သူများက လှောင်ပြောင်လျက်ရှိနေကြောင်း သိရှိရသည်။

ထိုင်းဝန်ကြီးချုပ်ပရာယွတ်က စစ်ကောင်စီ၏ တိုက်လေယာဉ်သည် ရည်ရွယ် ချက်ရှိရှိ ကျူးကျော်ခြင်းမဟုတ်ဘဲ မြန်မာဘက်ကလည်း တရားဝင် တောင်းပန်ပြီးဖြစ်ကြောင်း၊ နှစ်နိုင်ငံ ဆက်ဆံရေး ကောင်းရှိပြီးသားဖြစ်ကြောင်း ပြောဆိုသည်။

"မြန်မာနိုင်ငံနဲ့ ဆွေးနွေးတဲ့အခါမှာ သူတို့ဘက်က ကျူးလွန်ကြောင်း ဝန်ခံပါတယ်။ သူတို့ဘက်က တောင်းပန်တယ်။ ပြဿနာတက်ဖို့ မရည်ရွယ်ကြောင်း ပြောပါတယ်။ တိုက်လေယာဉ်က စက်ဝိုင်းကို လှည့်ရတာမို့ ထိုင်းဘက်ကို နည်းနည်း ဝင်မိတယ်။ ဒါက ပြဿနာကြီးကြီးမား မဟုတ်ပါဘူး။ မြန်မာနိုင်ငံနဲ့ ထိုင်းနိုင်ငံမှာ ဆက်ဆံရေးကောင်းတွေရှိပါတယ်" ဟု ထိုင်းဝန်ကြီးချုပ်ပရာယွတ်က ယနေ့ ဇူလိုင်လ ၁ ရက်နေ့တွင် ပြောဆိုကြောင်း သိရှိရသည်။

ထိုင်းဝန်ကြီးချုပ်၏ ပြောဆိုချက်သည် ထိုင်းနိုင်ငံ၏ အချုပ်အခြာအာဏာနှင့် လေပိုင်နက်ကို မကာကွယ်နိုင်သော လုပ်ရပ်၊ ဦးနှောက်မရှိသော လုပ်ရပ် ၊ မြန်မာစစ်တပ်၏ ပစ်ခတ်မှုကြောင့် ပျက်စီးသွားသော ထိုင်းပြည်သူတစ်ဦး၏ ကားနှင့် ကြောက်လန့်နေရသော ထိုင်း ပြည်သူများနှင့် ကလေးငယ်များအတွက် အားနည်း တာဝန်မယူသော လုပ်ရပ်အဖြစ် ထိုင်းပြည်သူများက ၀ိုင်းဝန်း လှောင်ပြောင်မှုများ လူမှုကွန်ရက်တွင် ပြောဆိုနေကြသည်။

ထိုင်းပြည်သူများက "ငှက်ပျောသီးခေါင်းနဲ့ လူ" ၊ "ကျွဲ ဦးနှောက်" ဟု ထိုင်းဝန်ကြီး ချုပ်ကို လှောင် ပြောင်ပြီး အခြားထိုင်းပြည်သူများကလည်း အချုပ် အခြာအာဏာကို ကာကွယ်ရန် အားနည်းမှုအဖြစ် ဝေဖန်မှုများ လူမှုကွန်ရက်တွင် တရှိန်ထိုးမြင့်တက် လာလျက်ရှိနေသည်။

ထိုင်းပိုင်နက်ကို ကျူးကျော်မှုအပေါ် ပြဿနာမဟုတ်ဟု ထိုင်းဝန်ကြီးချုပ်၏ ပြောဆိုချက်ကို ထိုင်းပြည်သူအများစုက နားမလည်နိုင်အောင် ဖြစ်ရကြောင်း လူမှုကွန်ရက်တွင် မှတ်ချက်များ ရေးသားနေကြသည်။

ထိုင်းဝန်ကြီးချုပ်၏ မှတ်ချက် သတင်းဖော်ပြသော သတင်းဌာနများ၏ သတင်းများအောက်တွင် ထိုင်းပြည်သူများက ဟဟများ ပေးခြင်း စိတ်ဆိုးသည့် အမူ အရာများဖော်ပြခြင်း၊ လှောင်ပြောင်သော မှတ်ချက်များ ရေးသားခြင်းများ လုပ်ဆောင်နေကြကြောင်း သိရှိရသည်။

ထိုင်းသတင်းဌာနဖြစ်သော Thairath သတင်းဌာန၏ လူမှုကွန်ရက်စာမျက်နှာတွင် ထိုင်းဝန်ကြီးချုပ်၏ ပြောဆိုချက်သတင်းကို ဖော်ပြပြီး နာရီဝက်အတွင်း ထိုင်းပြည်သူ ၂၅၀၀ ကျော်က ထိုင်းဝန်ကြီးချုပ်ကို မေးခွန်းထုတ်သော မှတ် ချက်များ ရေးသားဝေဖန်မှုများ ပြင်းထန်လျက်ရှိနေသည်။

ထိုင်းဝန်ကြီးချုပ်ပရာယွတ်သည် ထိုင်းစစ်တပ်၏ ဗိုလ်ချုပ်ကြီးဘ၀ဖြင့် ထိုင်းနိုင်ငံတွင် အာဏာသိမ်းယူခဲ့သော စစ်ဗိုလ်ချုပ်ဟောင်း ဝန်ကြီးချုပ်ဖြစ်ပြီး ထိုင်စစ်တပ် စိတ်ကြိုက်ရေးဆွဲထားသော အခြေခံဥပဒေဖြင့် ရွေးကောက်ပွဲကျင်းပကာ ဝန်ကြီးချုပ် အဖြစ် ဆက်လက် အုပ်ချုပ်နေသူလည်းဖြစ်သည်။

01/07/2022

မဘသ၊ စစ်တပ်အမာခံ၊ အမျိုးသားရေးအစွန်းရောက်နှင့် MNO ဥက္ကဋ္ဌ တင့်လွင် မြောက်ဥက္ကလာတွင် ပစ်ခတ်ခံရပြီး အပြင်းအထန်ဒဏ်ရာရ၊ ကျည် ၃ ချက်ထိထား၍ သေဆုံးနိုင်ဟုဆို

ရန်ကုန်၊ ဇူလိုင် ၁

စစ်တပ်အမာခံ၊ ဘာသာရေးနှင့် အမျိုးသားရေး အစွန်းရောက် ဖြစ်ပြီး Myanmar National Organization MNO ဥက္ကဋ္ဌ တင့်လွင်သည် ယနေ့ မြောက်ဥက္ကလာပတွင် ပစ်ခတ်ခံရပြီး ဒဏ်ရာ အပြင်းအထန်ရရှိကာ အသက်အန္တရာယ်စိုးရိမ်နေရကြောင်း သိရှိရသည်။

ယနေ့ ဇူလိုင် ၁ ရက်နေ့ နံနက် ၁၀ နာရီ ၃၀ မိနစ်ဝန်းကျင်အချိန် ရန်ကုန်တိုင်း၊ မြောက်ဥက္ကလာပမြို့နယ်၊ ခရပ်ကွက် မေယု ၄ လမ်းတွင် တင့်လွင် အပစ်ခတ်ခံရခြင်းဖြစ်ပြီး တင့်လွင်သည် ယခင်က သာကေတတွင် နေထိုင်ရာမှ မြောက်ဥက္ကလာပတွင် ပုန်းရှောင် နေထိုင်လျက်ရှိကြောင်း၊ လက်ဖက်ရည်ဆိုင် ထိုင်နေစဉ် ပစ်ခတ်ခံရခြင်းဖြစ်ပြီး သေနတ်ဒဏ်ရာဖြင့် ထွက်ပြေးကြောင်း၊ ယင်းနောက် ဆေးရုံသို့ တင်ပို့ထားပြီး လက်ရှိတွင် သေဆုံးဖွယ်ရှိနေကြောင်း ဒေသခံများထံမှ သိရှိရသည်။

"ဒဏ်ရာကတော့ ၂ ချက် ၃ ချက်ထိထားတယ်။ သွေးတွေနဲ့ ထွက်ပြေးတာ။ သေမယ်ထင်တယ်။ သွေးတွေ အိုင်နေတာပဲ" ဟု မြောက်ဥက္ကလာပဒေသခံတစ်ဦးက ပြောဆိုသည်။

စစ်တပ်အမာခံ ထောက်ခံသူများ၊ မဘသနှင့် အမျိုးသားရေး လှုပ်ရှားသူအများစု၏ လူမှုကွန်ရက်များတွင် တင့်လွင် ပစ်ခတ်ခံရမှု သတင်းများကို ဝေမျှထားသည်ကိုလည်း တွေ့မြင်ရသည်။

ဓာတ်ပုံ- ၂၀၁၈ ခုနှစ် တာမွေ ငြိမ်းချမ်းရေးနှင့် စစ်ဆန့်ကျင်ရေး ပြည်သူများ၏ ဆန္ဒပြပွဲကို ဆဲဆို နှောင့်ယှက် ရိုက်နှက်ခဲ့သည့် တင့်လွင်(အင်္ကျီပန်းရောင်၊ လွယ်အိတ်အဖြူ)။

29/06/2022

မန်းအခြေစိုက် DRM PDF ရဲဘော်အချို့ စစ်အုပ်စုရဲ့ ဖမ်းဆီးခြင်းခံရ

______

မန္တလေးအခြေစိုက် DRM Rangers Mandalay — PDF တပ်ဖွဲ့ဝင်ရဲဘော်အချို့ စစ်အုပ်စုရဲ့ဖမ်းဆီးခြင်းကိုခံလိုက်ရတယ်လို့ DRM က ဒီကနေ့ ဇွန်လ (၂၈) ရက်မှာ အသိပေးချက် ထုတ်ပြန်ပါတယ်။

ဇွန်လ (၂၇) ရက် မနေ့ကည (၇) နာရီလောက်မှာ အဖမ်းခံရတာဖြစ်ပြီး ဘယ်နေရာမှာ ရဲဘော်ဘယ်နှစ်ဦး အဖမ်းခံခဲ့ရတယ်ဆိုတာကိုတော့ ဖော်ပြထားခြင်းမရှိပါဘူး။

လက်ရှိမှာလည်း ကျန်ခဲ့တဲ့ ရဲဘော်တွေရဲ့ လုံခြုံရေးအရ တိမ်းရှောင်နေရတာကြောင့် mission တွေ ခတ္တရပ်နားခြင်းကို ညှိုးငယ်စွာ အသိပေးအပ်ပါတယ်လို့ ဖော်ပြပါတယ်။

" ကျွန်တော်တို့ပြည်သူတွေနဲ့ ရဲဘော်တွေအ တွက် DRM ပြန်လာခဲ့ပါမယ် " လို့ ဆိုပါတယ်။

DRM တပ်ဖွဲ့ဝင်ရဲဘော်အချို့ အဖမ်းခံရတဲ့နေ့(ဇွန် ၂၇)မနက်ပိုင်းက DRM နဲ့ မဟာမိတ်အဖွဲ့ပေါင်းပြီး ပြင်ဦးလွင်-မန္တလေးလမ်းပိုင်းမှာ စစ်ကား (၈)စီးကို မိုင်းဆွဲတိုက်ခိုက်ခဲ့ပြီး စစ်ကောင်စီတပ်က( ၃) ဦးသေဆုံးခဲ့ပါတယ်။

29/06/2022

မိုးဗြဲမြို့၊ ဝါရီဆူးပလိုင်းရွာကို စစ်ဇုန်အဖြစ် သတ်မှတ်ပြီ

______

ရှမ်းပြည်နယ်တောင်ပိုင်း၊ မိုးဗြဲမြို့၊ ဝါရီဆူးပလိုင်ကျေးရွာကို စစ်ဇုန်အဖြစ်သတ်မှတ်လိုက်ပြီလို့ မိုးဗြဲပြည်သူ့ကာကွယ်ရေးတပ်က ထုတ်ပြန်ကြေညာလာပါတယ်။

အဲဒီလိုထုတ်ပြန်လိုက်ရတဲ့အကြောင်းမှာ အကြမ်းဖက် စစ်ကောင်စီက ကာလရှည်စွာတပ်စွဲထားတဲ့ မိုးဗြဲမြို့၊ ဝါရီဆူးပလိုင်ကျေးရွာဟာ မိုးဗြဲပြည်သူ့ကာကွယ်ရေးတပ်(MBPDF) ၊ KNDF BO3 နဲ့ အခြားသောမဟာမိတ်တပ်ဖွဲ့တွေက အစဉ်စောင့်ကြည့်လျက်ရှိတဲ့ ကျေးရွာတစ်ရွာဖြစ်ပါတယ်။

အကြမ်းဖက်စစ်ကောင်စီတပ်တွေဟာ အများပြည်သူလယ်ယာ(ဧကစုစုပေါင်း ၁၀၀၀ ကျော်ခန့်)စိုက်ပျိုးခြင်းမပြုနိုင်စေရန်အတွက် ရည်ရွယ်ချက်ရှိရှိ တပ်စွဲနေထိုင်လျက်ရှိတဲ့ ကျေးရွာတစ်ရွာဖြစ်တာကြောင့် MBPDF၊ KNDF နဲ့ မဟာမိတ်တပ်ဖွဲ့တွေပူးပေါင်းကာ ၎င်းကျေးရွာမှာ တပ်စွဲထားတဲ့ အကြမ်းဖက်စစ်ကောင်စီတပ်ကို နည်းပေါင်းစုံနဲ့ ရိက္ခာဖြတ်တောက်နိုင်စေရန် လျှို့ဝှက်စွာ သဘောတူဆုံးဖြတ်ထားပြီးသားကိစ္စလည်း ဖြစ်တယ်လို့ ဆိုပါတယ်။

Mission အောင်မြင်ဖို့ လျှို့ဝှက်တဲ့နည်းလမ်းတွေနဲ့ အများပြည်သူတွေ သွားလာတာမပြုလုပ်ကြဖို့ အသိပေးခဲ့ပေမယ့် ဆက်လက်သွားလာနေတဲ့အတွက်ကြောင့် MBPDF page မှတစ်ဆင့် ထပ်မံသတိပေးလိုက်ရတာဖြစ်တယ်လို့ ဆိုပါတယ်။

ဒါကြောင့် ဒီနေ့ကစပြီး မည်သည့်ပြည်သူ၊ မည်သည့်အဖွဲ့အစည်းမှ ဝါရီဆူးပလိုင်ကျေးရွာကို သွားလာခြင်း မပြုလုပ်ကြပါရန် အထူးသတိပေးထားပြီး အတန်တန်သတိပေးသည့်ကြားမှ လိုက်နာခြင်းမရှိဘဲ သွားလာခြင်းတွေ ဆက်လက်ပြုလုပ်နေဦးမယ်ဆိုရင်တော့ MBPDF အနေနဲ့ လုံးဝတာဝန်ယူမှာမဟုတ်ဘူးလို့ သတိပေးထားပါတယ်။

29/06/2022

ဥကရစ်ထတိုက်ပွဲ စစ်ကောင်စီကပစ်တဲ့လက်နက်ကြီးအချို့ ထိုင်းနယ်နိမိတ်ထဲ ကျရောက်

_____

ဥကရစ်ထ စခန်းသိမ်းတိုက်ပွဲအပြီး ဇွန်လ (၂၈) ရက်၊ ညပိုင်း (၈) နာရီဝန်းကျင်လောက်မှာ စစ်ကောင်စီဘက်က လေယာဉ်တွေနဲ့ အသည်းအသန် ပြန်လည်ပစ်ခတ်ခဲ့လို့ ထိုင်းနိုင်ငံ နယ်နမိတ်အတွင်း လက်နက်ကြီးတွေ ကျရောက်ခဲ့တယ်လို့ ဒေသခံတွေက ပြောဆိုကြပါတယ်။

လေယာဉ်နဲ့ ပစ်ခတ်တိုက်ခိုက်ခဲ့တာကြောင့် ထိုင်းနယ်စပ်ဖြစ်တဲ့ တာခ်ခရိုင်အတွင်းက မော်လီချိုင်းကျေးရွာအနီးကို လက်နက်ကြီး (၂) ခု ဆက်တိုက်ကျရောက်ခဲ့တာဖြစ်ပြီး ဒေသခံတွေဟာ အထူးသတိပြုနေရတယ်လို့ ဆိုပါတယ်။

ဒေသခံတချို့ကတော့ ဓါတုလက်နက်လို့ ယူဆနေကြပြီး စိုးရိမ်ပူပန်နေကြပါတယ်။

" (၇) နာရီဝန်းကျင်လောက်ရှိမယ်ထင်တယ်၊ နာရီတော့ သေချာမကြည့်မိဘူး၊ မှောင်တော့မှောင်နေပြီ၊ ငါတို့နေတဲ့ ဖို့ဖဘက်ကအိမ်တောင်မှ တုန်တယ်၊ အဲဒါမို့တော်တော်နီးနီးလေးပဲကျတယ်၊ ထိုင်းဘက်ပဲကျတယ်ထင်တာထင်တဲ့အတိုင်းပဲ " လို့ ဖို့ဖဒေသခံတဦးက‌ ပြောပါတယ်။

တိုက်ပွဲဖြစ်ပွားရာထိုင်းမြန်မာနယ်စပ်တလျှောက်မှာတော့ ထိုင်းစစ်တပ်ဘက်ကလည်း နပ်စပ် လုံခြုံရေးကို အထူးတိုးမြှင့်ထားတယ်လို့ သိရပါတယ်။

ပြီးခဲ့တဲ့ ဇွန်လ (၂၆) ရက် မနက်ပိုင်းက စစ်ကောင်စီအထိုင်ချ စခန်းဖြစ်တဲ့ ဥကရစ်ထ စခန်းသိမ်းတိုက်ပွဲကို KNDO / KNLA နဲ့ ပူးပေါင်းတပ်ဖွဲ့တို့က စတင်တိုက်ခိုက်ခဲ့ပြီးနောက် (၃) ရက်မြောက်နေ့မှာတော့ စစ်ကောင်စီ စခန်းကုန်းကို အပြီးသတ် ချေမှုန်းနိုင်ခဲ့ပါတယ်။

ဒီစခန်းသိမ်းတိုက်ပွဲရဲ့ နောက်ဆုံး (၃) ရက်မြောက်နေ့မှာတော့ ဗိုလ်စလုံး ဦးဆောင်တဲ့ ဆင်ဖြူစစ်ကြောင်းကို ကော်ပရာ စစ်ကြောင်းမှူး ဗိုလ်ဒါဘောက ပူးပေါင်းခဲ့ပြီးနောက် နာရီပိုင်း အတွင်း တိုက်ပွဲကို အပြီးသတ်နိုင်ခဲ့တာလည်း ဖြစ်ပါတယ်။

ဒီစခန်းသိမ်း တိုက်ပွဲကို အဆုံးသတ်ခဲ့ပြီးတဲ့နောက် ဇွန်လ (၂၈) ရက်၊ ည (၇) နာရီဝန်းကျင်မှာပဲ စခန်းတခုလုံးကို မီးရှို့ဖျက်စီးခဲ့ပြီး ဒေသခံပူးပေါင်းတပ်ဖွဲ့တွေက ပြန်လည် စွန့်ခွာခဲ့ပြီးဖြစ်ပါတယ်။

ပူးပေါင်းတပ်ဖွဲ့တွေ စွန့်ခွာပြီးနောက် နာရီပိုင်းအကြာမှာပဲ စစ်ကောင်စီဘက်ကလေကြောင်းတိုက်ခိုက်မှုတွေကို ရမ်းသမ်းပစ်ခတ်ခဲ့တာလို့ သိရပါတယ်။

28/06/2022

လူမှုကွန်ရက်တွင် ပြန့်နှံ့နေသည့် ခေါင်းဖြတ်အသတ်ခံရသည့် အမျိုးသမီးမှာ မြိုင်မြို့နယ်မှ မနန္ဒာဖြစ်ပြီး သရက်မြို့မရဲစခန်း မှ CDM ရဲတပ်သား ဇော်လင်း အောင်ကို လွတ်မြောက်စေရန် ကူညီပေးမှုဖြင့် စစ်တပ်နှင့် ပျူစောထီးက ခေါင်းဖြတ် သတ်ခဲ့

---

ယခုရက်ပိုင်းအတွင်း လူမှုကွန် ရက်များတွင် အမျိုးသမီး တစ်ဦးကို‌ ခေါင်းဖြတ် သည့် ဗီဒီယိုဖိုင် ပြန့်နှံ့နေပြီး စစ်တပ်ထောက်ခံသူများက အမျိုး သမီး တစ်ဦးကို PDF များ၏ ခေါင်းဖြတ် သတ်သည့် လုပ်ရပ်ဟု ဝါဒဖြန့်လျက်ရှိနေသည်။

အမှန်တကယ် လက်တွေ့တွင် အဆိုပါဗီဒီယိုထဲတွင် ခေါင်းဖြတ်ခံရသူ အမျိုး သမီး မှာ မြိုင်မြို့နယ်၊ ကြံစိမ့်ကြီးကျေးရွာမှ လမ်းခင်းကျောက် လုပ်ငန်း လုပ် ကိုင်သူ မနန္ဒာ (ရန်ကုန်မှ ခဏပြန်လာသူ) ဖြစ်ပြီး ၎င်းသည် သရက်မြို့မ ရဲ စခန်းမှ CDM ရဲတပ်သား ဇော်လင်း အောင် ထွက်ပြေး လွတ်မြောက်စေရန် ကူညီဖေးမ ခဲ့သူ ဖြစ်သည်။

စစ်တပ်၊ ရဲနှင့် ပျူစောထီးများက CDM ရဲတပ်သား ဇော်လင်းအောင်ကို ကူညီ ပေးမှုဖြင့် မနန္ဒာကို ခေါင်းဖြတ်သတ်ဖြတ်ခဲ့ခြင်းဖြစ်ကြောင်း ရန်ကုန် ခေတ်သစ် က စုံစမ်း သိရှိရသည်။

ယင်းအခြေအနေများနှင့်ပတ်သက်ပြီး မြိုင်မြို့နယ် ပြည်သူ့ကာကွယ်ရေး တပ်ဖွဲ့ မှ တာဝန်ရှိသူတစ်ဦးကို ရန်ကုန်ခေတ်သစ်က ဆက်သွယ်မေးမြန်းထားပါသည်။

မေး။ ။ ခေါင်းဖြတ်သတ်တဲ့ဖြစ်စဉ် မြိုင်မှာဖြစ်တာလား။ အသတ်ခံ ရတဲ့ အမျိုးသမီးက ဘယ်သူလဲ။ ဘာကြောင့် အသတ်ခံရတာလဲ။

ဖြေ။ ။ ဒီကိစ္စ မြိုင်မှာ ဖြစ်တဲ့ကိစ္စ မှန်ပါတယ်။ မြိုင်မြို့နယ်၊ ကြံစိမ့်ကြီး ကျေးရွာအုပ်စု၊ ကြံစိမ့်ကြီး ကျေးရွာမှာ ဖြစ်ပွားခဲ့တဲ့ကိစ္စပါ။ ရှင်မတောင် တောင် ခြေအနီးမှာ ကြံစိမ့်ကြီးကျေးရွာအုပ်စု ကြံစိမ်းကြီး ကြံစိမ့်လေး၊ တောင် ကြား ဆိုတဲ့ ရွာ ၃ ရွာရှိတယ်။

ပခုက္ကူ တပ်မ ၁၀၁ နဲ့ မြိုင်ရဲစခန်းက ရဲတပ်ဖွဲ့ဝင်တွေက ကြံစိမ့်ကြီးကျေးရွာကို ရောက်ရှိလာပြီးတော့ CDM လုပ်တဲ့ ရဲတပ်သား ဇော်လင်းအောင်ကို လိုက်လံ ရှာ ဖွေရာမှာ CDM ရဲ ဇော်လင်းအောင် ထွက်ပြေးတာကို လက်ခံ ကူညီပေးတဲ့ အတွက် ကျေးရွာသူ လမ်းခင်းကျောက်ထုတ်လုပ်ငန်းလုပ်သူ မနန္ဒာ (ရန်ကုန်မှ ခဏ ပြန်လာသူ)ကို မေးမြန်းပြီး ခေါင်းဖြတ်သတ်ဖြတ်တယ်။

CDM လုပ်တဲ့ ရဲတပ်သားဇော်လင်းအောင်က သရက်မြို့မရဲစခန်းက ရဲ။ ဇာတိ က မြိုင်က ။ အဲဒါ CDM လုပ်ပြီး မြိုင်ကို ပြန်လာတာ။ အဲဒါကို ရန်ကုန်ကနေ ပြန်ရောက်လာတဲ့ မနန္ဒာက ရဲတပ်သား လွတ်သွားအောင် ကူညီပေး လိုက် တယ်။

အဲဒီအမှုနဲ့ စစ်ဆေးမေးမြန်းမှုမရှိဘဲနဲ့ တပ်နဲ့ပါလာတဲ့ ပျူစောထီးတွေက မကျေ နပ် ချက်နဲ့ စွပ်စွဲပြီးတော့ မနန္ဒာကို ခေါင်းဖြတ် သတ်တာ။ နောက်လူ တွေ မလုပ်ရဲအောင် အကြောက်တရားနဲ့ လုပ်ပြသွားတာ။ ခေါင်းဖြတ် သတ်တဲ့ သူတွေက တပ်မ ၁၀၁၊ မြိုင်ရဲစခန်း ပူးပေါင်းထားတဲ့ ရှင်မတောင်ဆရာတော် (မဘသ) ခေါင်း ဆောင်တဲ့ ပျူစောထီး(ခေါ်) ပြည်သူ့စစ်တွေက အဲဒီလို သတ် သွား တာပါ။ ၂၀၂၂ ခုနှစ် ၊ ဖေဖော်ဝါရီ ၁၉ ရက်နေ့ မှာ ဖြစ်တာပါ။

မေး။ ။ မနန္ဒာကို ခေါင်းဖြတ်သတ်တာကို စစ်တပ်ဘက်က ဝါဒဖြန့် တာက PDF က ခေါင်းဖြတ်သတ်သလို ဝါဒဖြန့် နေတယ်။ အဲဒါ မဟုတ်ဘူးဆိုတာ ဘယ်လို ခိုင်ခိုင်မာမာရှင်းနိုင်မလဲ။

ဖြေ။ ။ အဲဒီဒေသက မြိုင်နဲ့ ရေစကြို နယ်ကြား ဒေသဖြစ်ပါတယ်။ အဲဒီ ဒေသ ဟာ မြိုင်အစွန်အဖျားဖြစ်တဲ့အပြင် ရှင်မတောင် သဘာ၀ ထိန်း သိမ်းရေး နယ်မြေအတွင်းမှာ ကျရောက်နေတဲ့ ဒေသလည်းဖြစ်တယ်။

ပြီးခဲ့တဲ့ NLD အစိုး ရ လက်ထက်မှာ လမ်းပန်းဆက်သွယ်ရေး ဖွံ့ဖြိုးတိုး တက် စေရေးနဲ့ ရေပြတ် လပ်မှု မရှိစေရေး အထူး အလေး ထား ဆောင်ရွက်ပေးခဲ့တဲ့ ဒေသ ဖြစ်ပါတယ်။ အဲဒီဒေသမှာနေတဲ့ ပြည်သူတွေရဲ့ မသိနားမလည်မှုကို အသုံးချပြီး စစ်တပ်က လူမျိုးတုန်းသတ်ဖြတ်မှု ပုံစံလိုမျိုး ဆောင်ရွက်ခဲ့ခြင်း ဖြစ် တယ်။

အဓိက CDM ဝန်ထမ်းတွေ၊ တပ်CDM တွေ ၊ ရဲ CDM တွေ လက်မခံရဲအောင် စံပြအနေနဲ့ လုပ်တယ်ဆိုပြီး ကြုံးဝါးပြီး သေချာ ရိုက်ကူးသွားခဲ့တာဖြစ်ပါတယ်။ အဲဒီဖြစ်စဉ် ကို ဒေသခံတွေ အားလုံး သိကြတယ်။ မြိုင်မှာ ဒီဖြစ်စဉ်က နာမည် ကြီး ဖြစ် စဉ်ပါ။ စစ်တပ်၊ ပျူစောထီးနဲ့ ရဲတွေ ဘယ်လောက်ရက်စက်လဲဆိုတာ ပြည်သူ တွေ သိသွားတဲ့လုပ်ရပ်ပါ။

မေး။ ။ လုပ်ငန်းရှင် မနန္ဒာကို ခေါင်းဖြတ်သတ်တဲ့အထဲမှာ ပါတဲ့ တပ်နာ မည်၊ ရဲစခန်းနဲ့ ပျူစောထီးတွေကို သေသေချာချာ ပြန်ပြောပေးပါ။

ဖြေ။ ။ တပ်က ပခုက္ကူ တပ်မ ၁၀၁၊ မြိုင်ရဲစခန်းနဲ့ ကန်နီရွာ ၊ သရက်ကွ၊ ဝက်ပုတ် ကျေးရွာမှာနေတဲ့ ပြည်သူ့စစ်(ခေါ်) ပျူစောထီးက လုပ်ခဲ့တာ ဖြစ် ပါတယ်။

ဒီလို ဗီဒီယို ရိုက်ကူးပြီးတော့ PDF တွေအားကောင်းတဲ့ ဒေသ ၊ ဒီမိုကရေစီနဲ့ လူ့အခွင့်အရေး အားကောင်းတဲ့ ဒေသ၊ ပြည်သူ့အာဏာ ပြည်သူပိုင်တဲ့ နေရာ တွေမှာ သပ်လျှိုသွေးခွဲဖို့ တမင်ရည်ရွယ်ချက်ရှိရှိ ရိုက်ကူးပြီး PDF တွေကို အထင် လွဲအောင် လုပ်ဖို့ ၊ PDF အားပေးတဲ့သူတွေ ကြောက်အောင် ခြိမ်း ခြောက် ဖို့ ရိုက်ကူးသွားခဲ့တာပါ။

မြိုင်မြို့နယ်တစ်မြို့နယ်လုံးမှာ စစ်တပ်က ပြည်သူ့စစ်(ခေါ်)ပျူစောထီး ၆ ဖွဲ့ အင်အား (၂၀၀)ဦး၊ လက်နက်(၁၂၀) တပ်ဆင်ထားရှိပါတယ်။

ဓာတ်ပုံ- စစ်တပ်၊ ရဲနှင့် ပျူစောထီးများက ဖမ်းဆီးထားခဲ့သော မနန္ဒာ။

27/06/2022

ပုလောတွင်တိုက်ပွဲပြင်းထန်၊စစ်ကောင်စီတပ်မှခြောက်ဦးသေ

____

မြိတ်ခရိုင်၊ ပုလောမြို့နယ်တွင် အကြမ်းဖက်စစ်ကောင်စီတပ်နှင့် ဒေသကာကွယ်ရေးမဟာမိတ်ပူးပေါင်းတပ်များကြား တိုက်ပွဲပြင်းထန်းစွာဖြစ်ပွားခဲ့ကြောင်း ပုလောပြည်သူ့ကာကွယ်ရေးတပ်ဖွဲ့က ယနေ့(ဇွန် ၂၇) ထုတ်ပြန်သည်။

ယနေ့နံနက် ၆ နာရီခန့်က ပုလောနယ်၊ နန်းတောင်ကျေးရွာတွင်တပ်စွဲထားသော စစ်ကောင်စီတပ်ကို ပုလောPDF နှင့် မဟာမိတ်ညီနောင်များမှ လက်နက်ကြီး၊ လက်နက်ငယ်များဖြင့် သွားရောက်တိုက်ခိုက်ခဲ့ကြောင်း ဖော်ပြသည်။

ယင်းတိုက်ပွဲမှာ နံနက် ၈ နာရီခန့်အထိ လက် နက်ကြီးများဖြင့် နှစ်ဖက်အပြန်အလှန်ပစ်ခတ်ခဲ့ပြီး စစ်ကောင်စီတပ်မှ ခြောက်ဦးသေဆုံးခဲ့ပြီး PDF ပူးပေါင်းတပ်မှ ရဲဘော်များအထိအခိုက်မရှိခဲ့ဟု ဆိုသည်။

"ပြည်သူတွေ စိတ်မပျက်စေရအောင် ကျွန်တော်တို့ ကြိုးစားလုပ်ဆောင်နေပါတယ်ခဗျ"ဟု ပုလောPDFမှတော်လှန်ရေးရဲဘော်တစ်ဦးက သတင်းစကားပါးသည်။

လက်ရှိအခြေအနေတွင် အကြမ်းဖက်စစ်ကောင်စီတပ်မှ အင်အားထပ်မံတိုးချဲ့နေပြီး ထိတွေ့တိုက်ပွဲများအချိန်မရွေးထပ်ဖြစ်လာနိုင်သောကြောင့် ပြည်သူများသတိပြုနေထိုင်ကြရန် အသိပေးထားသည်။

(ပု​​လော PDF တပ်ဖွဲ့ဝင်တစ်ဦး။ ဓါတ်ပုံ-ပု​လောPDF)

27/06/2022

အရေးကြီး နိုင်ငံ့ခေါင်းဆောင် ဒေါ်အောင်ဆန်း စုကြည်ကို အကျဉ်းထောင်မှ နေအိမ် တွင် ပြန်လည်ထားရှိရန် အာဆီယံဥက္ကဋ္ဌက စစ်ကောင်စီထံ တောင်း ဆို
______

မြန်မာ့ဒီမိုကရေစီအရေးအတွက် အရေးကြီးသော လူထုခေါင်းဆောင် ဒေါ် အောင် ဆန်း စုကြည်ကို နေအိမ်တွင် ပြန်လည်ထားရှိရန် အာဆီယံဥက္ကဋ္ဌ ကမ္ဘောဒီးယားဒုဝန်ကြီးချုပ်နှင့်နိုင်ငံခြားဝန်ကြီး၊ မြန်မာနိုင်ငံဆိုင်ရာ အာဆီယံ အထူးသံတမန်က စစ်ကောင်စီထံ စာပေးပို့ တောင်းဆိုလိုက်သည်။

အာဆီယံဥက္ကဋ္ဌ ကမ္ဘောဒီးယားဒုဝန်ကြီးချုပ်၊ နိုင်ငံခြားရေးဝန်ကြီးနှင့် အာဆီယံ အထူးသံတမန် Park Sokhonn က ဒေါ်အောင်ဆန်းစုကြည်သည် ပြည်တွင်း ပြည်ပက အသိအမှတ်ပြုထားသော မြန်မာ့ဒီမိုကရေစီအရေး အတွက် အရေးကြီး သော ခေါင်းဆောင်ဖြစ်ကြောင်း၊ မြန်မာ့အရေး ငြိမ်းချမ်းစွာ ဖြေရှင်း ရေး အတွက်လည်း အရေးကြီးသော ခေါင်းဆောင်ဖြစ်သဖြင့် အကျဉ်းထောင် ပို့ဆောင်ခြင်းမှ နေအိမ်သို့ ပြန်လည် ထားရှိရန် တိုက်တွန်းကြောင်း စစ်ကောင်စီ ထံ စာရေးသား တောင်းဆိုသည်။

ကျန်းမာရေး၊ နေထိုင်မှု အဆင်ပြေရေး၊ မျှတသော တရားစီရင်မှုနှင့် ဥပဒေစိုးမိုး ရေး အရ ဒေါ်အောင်ဆန်းစုကြည်ကို နေအိမ်ပြန်လည်ထားရှိရန် တောင်း ဆို ကြောင်း၊ လက်ရှိ အကျပ်အတည်းသည် တစ်ဖက်တည်းအနေအထားဖြင့် မဖြေ ရှင်းနိုင်ကြောင်း၊ စစ်ကောင်စီအနေဖြင့် အားလုံးပါဝင်သော တွေ့ဆုံ ဆွေးနွေး မှုကို ချက်ချင်း စတင်ရန် တိုက်တွန်းကြောင်း အာဆီယံ အထူးသံတမန်က တိုက်တွန်းပြောဆိုထားသည်။

အာဆီယံအထူးသံတမန်သည် ယခုလကုန်တွင် မြန်မာနိုင်ငံ လာရောက်ရန် ရှိနေ သည်။

27/06/2022

မုံရွာနှင့် ရွှေဘိုခရိုင်အတွင်းရှိ လမ်းပိုင်းအချို့အား ဖြတ်သန်းသွားလာခြင်းမပြုရန် ဒေသတွင်းပြည်သူ့ကာကွယ်ရေးအဖွဲ့များ သတိပေး
____

စစ်ကိုင်းတိုင်း၊ မုံရွာခရိုင်နှင့် ရွှေဘိုခရိုင်အတွင်းရှိ လမ်းပိုင်းအချို့အား အရေးပေါ်ကိစ္စမှလွဲ၍ ဖြတ်သန်းသွားလာခြင်းမပြုရန် ဒေသတွင်းပြည်သူ့ကာကွယ်ရေးအဖွဲ့များက သတိပေးသည်။

ဇွန်လ ၂၇ရက်မှစ၍ မုံရွာ - အရာတော် လမ်းပိုင်းအား ည ၈နာရီမှ နောက်တစ်နေ့နံနက် ၃နာရီအတွင်း အရေးပေါ်ကျန်းမာရေးကိစ္စမှအပ သွားလာခြင်းမပြုလုပ်ကြရန် Unity Force Monywaတပ်ခွဲ၊ ချိုးငှက်PDF၊ KnightofthenewGeneration's၊ DragonBrothersPDF တို့က မေတ္တာရပ်ခံသည်။

အကယ်၍ မဖြစ်မနေသွားလာရမည်ဆိုပါက ကားများကိုမှန်ချ၍ အတွင်းခန်းမီးဖွင့်ကာ မောင်းနှင်ပေးရန် မေတ္တာရပ်ခံထားသည်။

မလိုက်နာ၍ တစ်စုံတစ်ခုဖြစ်ပေါ်ခဲ့ပါက တာဝန်ယူဖြေရှင်းပေးနိုင်မည် မဟုတ်ကြောင်း ၎င်းအဖွဲ့များက အသိပေးထားသည်။

အလားတူ ခင်ဦး - ရွှေဘို(ဗျူဟာလမ်း)၊ ခင်ဦး - ရွှေဘို(မူးဘောင်လမ်း)၊ ခင်ဦး - ရေဦးလမ်း၊ခင်ဦး - ဇီးကုန်း (ဗျူဟာလမ်း)၊ ခင်ဦး - ဇီးကုန်း (မူးဘောင်လမ်း)၊ ခင်ဦး - ကာဘိုး (မူးဘောင်လမ်း)အစရှိသော မြို့နယ်တွင်းရှိ လမ်းပိုင်းများအား အရေးပေါ်အကြောင်းကိစ္စမှလွဲ၍ သွားလာခြင်းမပြုလုပ်ရန် ခင်ဦးမြို့နယ်ပြည်သူ့ကာကွယ်ရေးတပ်ပေါင်းစုများက သတိပေးသည်။

မဖြစ်မနေ သွားလာခဲ့လျှင်လည်း ကားမှန်များအကုန်ချ၍ မြန်နှုန်း မိုင် (၅၀)ထက်မပိုဘဲ မောင်းနှင်ကြရန်နှင့် အကြမ်းဖက်စစ်တပ်ကားများနှင့် အဝေးဆုံးမှနေ၍ မောင်းနှင်ကြရန် မေတ္တာရပ်ခံအသိပေးထားသည်။

ထုတ်ပြန်ချက်များကိုလည်း အထူးလိုက်နာဆောင်ရွက်ပေးကြပါရန် ပြည်သူများအားမေတ္တာရပ်ခံထားပြီး ထုတ်ပြန်အသိပေးကြေငြာချက်များကို မလိုက်နာသော ကားများအား တာဝန်ယူမည်မဟုတ်ကြောင်း ခင်ဦးမြို့နယ်ပြည်သူ့ကာကွယ်ရေးတပ်ပေါင်းစုများက အသိပေးသည်။

အလားတူ ရွှေဘိုမြို့နယ်၊ ရွှေဘို - နောင်ကြီးအိုင်လမ်းတစ်လျှောက်အား ဇွန်လကုန်အထိ ည ၇ နာရီမှ နံနက် ၅နာရီအတွင်း ဖြတ်သန်းသွားလာခြင်းမပြုရန် C&T Shweboအဖွဲ့က သတိပေးကြေညာထားသည်။

လမ်းပိုင်းပိတ်ထားသော မုံရွာခရိုင်နှင့် ရွှေဘိုခရိုင်အတွင်းရှိ မြို့နယ်များတွင် အကြမ်းဖက်စစ်တပ်နှင့် ဒေသတွင်းပြည်သူ့ကာကွယ်ရေးအဖွဲ့များကြား တိုက်ပွဲများမကြာခဏ ​ဖြစ်ပွားနေသည်။

(လမ်းပိုင်းပိတ်ထားသည့် ခင်ဦးမြို့နယ်လမ်းပိုင်းတစ်ခုအား တွေ့ရစဥ်။ဓာတ်ပုံ - CJ)

27/06/2022

တစ်ရွာလုံးမီးရှို့ဖျက်ဆီးခံရလို့
____

ကေအဲန်ယူ-သထုံမြို့နယ် တပ်မဟာ ၁ နယ်မြေအတွင်းက ကော်ကြာသဲ(ထုံးဘိုလေး)ကျေးရွာ တစ်ရွာလုံးကို စစ်ကောင်စီတပ်က မီးရှို့ဖျက်ဆီးခံရလို့ ဒေသခံ ထောင်ချီ ထွက်ပြေးတိမ်းရှောင်နေခဲ့ရတယ်လို့ ကေအဲန်ယူက သတင်းထုတ်ပြန်ထားပါတယ်။

ပြီးခဲ့တဲ့ ဇွန်(၂၅)ရက် ညနေ ၅ နာရီကျော်အချိန်က ကေအဲန်ယူထိန်းချုပ်နယ်မြေ သထုံမြို့နယ် ထုံးဘိုလေးကျေးရွာအနီးမှာ နယ်မြေကျူးကျော်လာတဲ့ စစ်ကောင်စီရဲ့ ခမရ(၉) ပူးပေါင်းတပ်နဲ့ နယ်မြေခံ KNLA တပ်တို့အကြား မိနစ်(၄၀)ခန့် တိုက်ပွဲပြင်းထန်ခဲ့ပြီး စစ်ကောင်စီတပ်က ဝီယော်ကျေးနယ်အုပ်စုရှိ ထုံးဘိုလေးကျေးရွာကို မီးရှို့ဖျက်ဆီးခဲ့တယ်လို့ ထုတ်ပြန်ချက်မှာဖော်ပြထားပါတယ်။

စစ်ကောင်စီတပ်ဟာ ထုံးဘိုလေးကျေးရွာအတွင်းရှိ လူနေအိမ်တွေသာမက စာသင်ကျောင်းနဲ့ ဘုန်းတော်ကြီးကျောင်းပါမကျန် မီးရှို့ဖျက်ဆီးခဲ့ကြတာပါ။ မနေ့ ဇွန် ၂၆ ရက် မနက်ပိုင်းမှာလည်း ကျေးရွာအတွင်း ကျန်ရှိနေတဲ့ လူနေအိမ်တွေ မီးရှို့ဖျက်ဆီးမှုတွေ ဆက်လက်လုပ်ဆောင်နေသေးလို့ အိမ်ခြေဘယ်လောက်မီးလောင်ပျက်စီးသွားတာကို အတိအကျမသိရသေးဘူးလို့ ကေအဲန်ယူက ဆိုထားပါတယ်။

ဒါ့အပြင် ဇွန်(၂၅)ရက်နဲ့ ဇွန်(၂၆) ရက်တွေက စစ်ကောင်စီရဲ့ ခမရ(၉) တပ်စခန်းကနေ လက်နက်ကြီးတွေနဲ့ ရမ်းသမ်းပစ်ခတ်မှုကြောင့် အနီးတစ်ဝိုက်ကျေးရွာတွေဖြစ်တဲ့ ဖာပိန်၊ ကျောက်တောင်၊ ကျောက်တောင်ရွာလေး၊ အင်းရွာ၊ စောအဲဖိုး၊ နောက်ကတုတ်အထက်ကျေးရွာတွေက ဒေသခံပြည်သူအမြောက်အများဟာ နေအိမ်ကိုစွန့်ခွာပြီး ဘေးလွတ်ရာဒေသကို ထွက်ပြေးတိမ်းရှောင်နေကြရတယ်လို့ ထုတ်ပြန်ချက်မှာပါရှိပါတယ်။

ထုံးဘိုလေး(ကော်ကြာသဲ)ကျေးရွာဟာ အိမ်ခြေ (၁၅၀) ကျော်ရှိပြီး ပြီးခဲ့တဲ့ ဇွန် ၁ ရက်နေ့ကစပြီး စစ်ကောင်စီ ခမရ(၉)တပ်စခန်းက ထုံးဘိုလေးကျေးရွာထဲကို လက်နက်ကြီးနဲ့ ဆက်တိုက်ပစ်ခတ်တာကြောင့် ရွာသားတွေဟာ မနေရဲတော့ပဲ လူဦးရေထောင်ချီ ထွက်ပြေးတိမ်းရှောင်နေကြရတာဖြစ်ပါတယ်။

ပြီးခဲတဲ့ ဇွန်လ (၂)ရက်နေ့ကလည်း အာဏာသိမ်းစစ်ကောင်စီ ခမရ အမှတ် (၉) တပ်ဖွဲ့(ဝီယော်စခန်း)က အရပ်သားတစ်ဦးကို သတ်ဖြတ်ပြီး တစ်ဦးကို ဖမ်းဆီးထားတာတွေလည်း ရှိခဲ့တာပါ။

အခုလ ဇွန်လအတွင်းမှာ စစ်ကောင်စီတပ်တွေဟာ ကေအဲန်ယူ-သထုံမြို့နယ်အတွင်းမှာ တပ်စွဲထားတဲ့ စကခ(၈) ပိန္နဲတောစခန်း၊ ကေအဲန်ယူ-ဘီးလင်းမြို့နယ်အတွင်းက လေးကေနဲ့ ဝင်းတာပန်စခန်းတွေဆီကို ရိက္ခာပို့ဆောင်ဖို့၊ တပ်ချိန်းဖို့နဲ့ အင်အားတိုးချဲ့ဖို့ နယ်မြေကျူးကျော် စစ်ရေးလှုပ်ရှားလာတာကြောင့် နယ်မြေခံ KNLA တပ်တွေနဲ့ မကြာခဏ ထိတွေ့ပစ်ခတ်မှုတွေရှိနေတာဖြစ်ပါတယ်။

27/06/2022

ထိုင်းရောက် မြန်မာများ စုပေါင်း၍ PDF ထောက်ပံ့ရန်ပုံငွေ ဘောလုံးပြိုင်ပွဲ ကျင်းပ

_______

ထိုင်းရောက် မြန်မာများ စုပေါင်း၍ PDF ထောက်ပံ့ရန်ပုံငွေဖလား ဘောလုံးပြိုင်ပွဲကို ဇွန်လ ၂၆ ရက်နေ့တွင် ထိုင်းနိုင်ငံ စမူပါယာကန်တွင် ကျင်းပပြုလုပ်ခဲ့ပြီး ရရှိခဲ့သည့် ရန်ပုံငွေများကို ဗိုလ်နဂါးကွန်မန်ဒို အဖွဲ့သို့ ထောက်ပံ့ခဲ့ကြသည်။

26/06/2022

အစုလိုက် အပြုံလိုက် သတ်ဖြတ်သည့် အကြမ်းဖက် စစ်တပ်ကို အရေးယူ အပြစ်ပေးရုံမျှနှင့် မလုံလောက်၊ မြေလှန် ပြောင်းလဲရန် လို

_______

“၂၀ နဲ့ ၆ ယောက်သတ်ခဲ့တယ်”

လက်မောင်းမှာ အရစ် ၃ ရစ်နဲ့ တပ်ကြပ်ကြီး အဆင့်ဟု ယူဆရသည့် အကြမ်းဖက် စစ်ကောင်စီ စစ်သား တစ်ယောက်က ပြောလိုက်ခြင်း ဖြစ်သည်။

RFA သတင်းဌာနက ရရှိထားသော ရုပ်သံ တစ်ခုတွင် ခေါင်းဖြတ် သတ်ခြင်း အပါအဝင် လူများစွာကို မည်သို့ မည်ပုံ သတ်ဖြတ်ခဲ့ကြောင်း ပေါ့ပေါ့ပါးပါး ပြောဆိုနေကြသည့် စစ်သား ၃ ယောက် စကားဝိုင်းမှာ အဆိုပါ တပ်ကြပ်ကြီးက စတင် ပြောကြားခြင်း ဖြစ်သည်။

“အဲဒါ ကလေး”

အလယ်က နှုတ်ခမ်းမွေးနှင့် တစ်ယောက်က ပြောလိုက်သည်။

သူဆိုလိုသည်က ၂၆ ယောက်ခန့် သတ်ခဲ့ဖူးတာကို အရေးတယူ ပြောနေရသေးသည် ဟူသော သဘောဖြစ်သည်။

“မယုံရင် လာပြီး ကြည့်ကြည့်လိုက် သတ်တဲ့ နေရာမှာ Expert (ကျွမ်းကျင် အဆင့်)”ဟု ယာဘက်က စစ်သား တစ်ယောက်၏ ပြောကြားချက်ကိုလည်း ကြားရသည်။

သူတို့ ၃ ယောက်စလုံးသည် အကြမ်းဖက် စစ်ကောင်စီ တပ်ဖွဲ့မှ ဖြစ်ကြောင်း ခိုင်လုံသည့် အထောက်အထားများကိုလည်း ရုပ်သံမှာ ဖော်ပြထားပါသည်။

ယခု ရုပ်သံ ရိုက်ကူးထားသည့် လက်ကိုင်ဖုန်း တစ်လုံးကို စစ်ကိုင်းတိုင်း အရာတော်မြို့နယ် အတွင်းက ဒေသခံ တစ်ဦးက ကောက်ယူ ရရှိပြီးနောက် RFA သတင်းဌာနသို့ ပေးပို့ခဲ့ခြင်း ဖြစ်သည်ဟု ဆိုသည်။

လက်ကိုင်ဖုန်းထဲတွင် တခြားသော အရပ်သား ပြည်သူ လူ ၃၀ ခန့်ကို လက်ပြန်ကြိုးတုပ် ဖမ်းဆီးထားသူများနှင့် သတ်ဖြတ်ထားသူ ၅ ဦးခန့်၏ မှတ်တမ်း ဓာတ်ပုံပေါင်း ၁၄၀ ကျော်လည်း ပါရှိနေသည်။

အဆိုပါ လူ ၃၀ ခန့်ကို ပြီးခဲ့သည့် မေလ ၁၀ ရက်နေ့က အစုလိုက် အပြုံလိုက် မီးရှို့သတ်ခဲ့ခြင်း ဖြစ်ကြောင်းလည်း သိရပါသည်။

စစ်ဆေးချက်အရ အဆိုပါ ဓာတ်ပုံ မှတ်တမ်းများတွင် တွေ့ရှိရသူများမှာ စစ်ကိုင်းတိုင်း ရေဦးမြို့နယ် မုန်တိုင်ပင် ကျေးရွာ ဒေသခံများ ဖြစ်ကြောင်း တရွာတည်းနေ ရွာခံများနှင့် အဖမ်းခံရပြီး ပြန်လည် လွတ်မြောက်လာသူ တချို့က အတည်ပြု ထားပါသည်။

အကြမ်းဖက် စစ်ကောင်စီ တပ်သားများ၏ အစုလိုက် အပြုံလိုက် သတ်ဖြတ်မှုသည် ယခု တစ်ကြိမ်းတည်း မဟုတ်ပေ။

၂၀၂၁ ခုနှစ် ဇူလိုင် ၁၁ ရက်မှ ၂၀၂၂ ခုနှစ် မေလ ၁၂ ရက်အထိ အကြမ်းဖက် စစ်ကောင်စီက ကျူးလွန်သည့် အစုလိုက် အပြုံလိုက် သတ်ဖြတ်မှုများတွင် အရပ်သား ပြည်သူ ၂၀၀ နီးပါး သေဆုံးခဲ့ရကြောင်း NUG အစိုးရ လူ့အခွင့်အရေး ဝန်ကြီး ဦးအောင်မျိုးမင်းက လူမှုကွန်ရက်မှာ ထုတ်ဖော် ပြောဆိုထားပါသည်။

သတ်ဖြတ်ခံရသူများမှာ ကနီ၊ ဆားလင်းကြီး၊ မတူပီ၊ ဖရူဆို၊ မြင်းမူ၊ ရေဦး၊ ကလေး၊ ဂန့်ဂေါ၊ ရွာငံ စသည့် မြို့နယ်များက ဖြစ်သည်ဟုလည်း ဆိုပါသည်။

အစုလိုက် အပြုံလိုက် သတ်ဖြတ်ခံရမှုများသည် ကနီမြို့နယ်မှ ၅၅ ဦး၊ ဆားလင်းကြီးမြို့နယ်မှ ၁၀ ဦး၊ ဖရူဆို မြို့နယ်တွင် ၄၉ ဦး၊ မတူပီမြို့နယ်တွင် ၁၁ ဦး၊ မြင်းမူမြို့နယ်တွင် ၈ ဦး၊ ကလေးမြို့နယ်တွင် ၃ ဦး၊ ဂန့်ဂေါမြို့နယ်တွင် ၅ ဦး၊ ရေဦး မြို့နယ်တွင် ၃၁ ဦးနှင့် ရွာငံမြို့နယ်တွင် ၉ ဦး ဖြစ်ကြောင်း လူ့အခွင့်အရေး ဝန်ကြီး ပြောဆိုချက်အရ သိရပါသည်။

ပြီးခဲ့သည့် ၂၀၂၁ ခုနှစ် ဒီဇင်ဘာလ ၂၄ ရက် ခရစ်စမတ် အကြိုကာလ ကလည်း ကယားပြည်နယ် (ကရင်နီပြည်) ဖရူဆိုမြို့နယ်၊ မိုဆိုကျေးရွာ အနီးတွင် စစ်ကောင်စီ၏ တပ်မ ၆၆ လက်အောက်ခံ တပ်များက ကလေးငယ်များ အပါအဝင် ပြည်သူ ၃၀ ကျော်ကို ယာဉ် ၇ စီးနှင့်အတူ မီးရှို့သတ်ဖြတ်မှု ဖြစ်ပွားခဲ့ပါသေးသည်။

စုံစမ်း စစ်ဆေးသူများ၏ အဆိုအရ မသန်စွမ်းသူ တဦး အပါအဝင် အမျိုးသား ၂၆ ဦးနှင့် အမျိုးသမီး ၅ ဦး၏ ရုပ်အလောင်း အား အတည်ပြုနိုင်ပြီး အတည်မပြုနိုင်တဲ့ မီးကျွမ်း ရုပ်အလောင်းများ ရှိကြောင်းလည်း သိရပါသည်။

အဆိုပါ မီးရှို့သတ်ဖြတ်ခံရသူများတွင် လူသားချင်း စာနာမှု အကူအညီပေးရေး ဆောင်ရွက်နေသည့် နိုင်ငံတကာ အဖွဲ့ Save The Children မှ ဝန်ထမ်း ၂ ဦးလည်း ပါဝင်ခဲ့ပါသည်။

ယခုကဲ့သို့ အကြမ်းဖက် စစ်ကောင်စီ တပ်က နိုင်ငံတဝန်းရှိ နေရာဒေသများစွာမှာ အစုလိုက် အပြုံလိုက် သတ်ဖြတ်မှုများကို ကျူးလွန်နေခြင်းသည် ညွှန်ကြားချက်ဖြင့် စစ်ဆင်ရေး တရပ် ပြုလုပ်နေခြင်း ဖြစ်ကြောင်း သံသယပွားစရာ မရှိပါ။

နိုင်ငံရေး အကျဉ်းသားများ ကူညီစောင့်ရှောက်ရေး အသင်း (AAPP) ကလည်း ၂၀၂၁ ခုနှစ် ဖေဖော်ဝါရီ ၁ ရက်နေ့မှ စပြီး မတရား အာဏာသိမ်း အကြမ်းဖက် စစ်ကောင်စီကို ဆန့်ကျင်ခဲ့ကြသည့် ဒီမိုကရေစီရေး လှုပ်ရှားသူများနှင့် နွေဦးတော်လှန်ရေး ကာလအတွင်း ကျဆုံးခဲ့ရသူ စုစုပေါင်း ၂,၀၀၀ ခန့်ရှိခဲ့ပြီ ဖြစ်ကြောင်း ထုတ်ပြန်ထားသည်။

ထိုသို့ အရပ်သား ပြည်သူများကို ပစ်မှတ်ထား တိုက်ခိုက် သတ်ဖြတ်နေမှုများနှင့် ပတ်သက်ပြီး အမေရိကန်၊ ပြင်သစ် ကဲ့သို့သော နိုင်ငံတကာ အသိုင်းအဝိုင်းကလည်း လက်မခံကြောင်း၊ တာဝန်ယူမှု၊ တာဝန်ခံမှု ရှိရမည် ဖြစ်ကြောင်းလည်း ထုတ်ဖော်ပြောဆို ကြပါသည်။

အကြမ်းဖက် စစ်တပ်သည် အစုလိုက် အပြုံလိုက် သတ်ဖြတ်မှုများနှင့် ပတ်သက်သည့် တာဝန်ယူမှု၊ တာဝန်ခံမှုကို မဆိုထားနှင့် နေ့စဉ် ရွတ်ဆိုပြီး စောင့်ထိန်းအပ်သည့် စစ်သား သစ္စာဓိဌာန်ကိုပင် စောင့်ထိန်းခြင်း မရှိ၊ စည်းကမ်း ဥပဒေမဲ့စွာ လုပ်ကိုင် ဆောင်ရွက်နေသူများ ဖြစ်ပါသည်။

သစ္စာဓိဌာန် ၄ ချက်ထဲက နံပါတ် (၁) အချက်ဖြစ်သည့် “ငါတို့သည် နိုင်ငံတော်နှင့် နိုင်ငံသားတို့၏ သစ္စာကို စောင့်သိ ရိုသေပါမည်” ဟူသည့် အချက်ကို ပြောင်ပြောင်တင်းတင်းပင် ချိုးဖောက်နေကြပါသည်။

တပ်သား အဆင့်ကနေ အရာရှိ၊ အရာအခံ၊ ဗိုလ်ချုပ်ကြီးများ အဆင့်ဆင့် သစ္စာကို စောင့်သိနေကြသူများသာ ဖြစ်နေပါသည်။

မျက်လုံး ၂ လုံး ရှိသော်လည်း ၁ လုံးသာ မြင်သူ၊ နား ၂ ဘက်ရှိသော်လည်း ၁ ဘက်သာ ကြားသူများ ဖြစ်နေပါသည်။

အထက်အရာရှိက ပြတာကိုပဲ မြင်ပြီး၊ အထက်အရာရှိ ပြောတာကိုသာ ကြားသော ၁ ဘက်မြင်၊ ၁ ဘက်ကြားများသာ ဖြစ်နေပါသည်။

ပြည်သူကို သစ္စာ စောင့်သိ ရိုသေလေးစားခြင်းထက် ကိုယ်ပိုင်နံပါတ်ကိုသာ လေးစားခြင်း၊ အခွင့်အာဏာကိုသာ မက်မောနေကြခြင်းက လက်တွေ့ အရှိတရားလည်း ဖြစ်နေပါသည်။

စစ်သင်တန်း ကျောင်းများတွင်လည်း စီနီယာ၊ ဂျူနီယာ အပိုးကျိုးစေရန် ဦးချိုးနှိမ်ချသော ဆက်ဆံရေး စနစ်များကိုလည်း ကျင့်သုံးထားပါသည်။

အောက်ခြေ ရဲဘော် တပ်သားအများစုမှာ ပညာ အခြေခံ နည်းပါးသူများ၊ ရပ်ထဲ ရွာထဲ နေမဖြစ်၍ စစ်တပ်ထဲ ရောက်ရှိ လာသူများ၊ ရာဇဝတ် မှုခင်း ကျူးလွန်းထားသည့် အတွက် အကာအကွယ် အနေနှင့် စစ်တပ်ထဲ ရောက်ရှိလာသူများ၊ အဓမ္မ တပ်သားသစ် စုဆောင်းခံရသူများဖြစ်ပြီး ခံယူချက် ယုံကြည်ချက်ဖြင့် စစ်တပ်ထဲ ရောက်ရှိ အမှုထမ်းသူများ မဟုတ်ကြပါ။

နိုင်ငံတကာမှာ တိုင်းပြည် ကာကွယ်ရေး တာဝန်ကို ထမ်းဆောင်ခဲ့သည့် စစ်သားများ အတွက် ဂုဏ်ယူစွာ ပြောဆိုကြသည့် ဆိုရိုးစကား တစ်ခုကိုလည်း သတိရစရာ ဖြစ်နေပါသည်။

“Once a soldier, Always a soldier. တစ်ခါ စစ်သားဖြစ်ဖူးရင် အမြဲတမ်း စစ်သားပါပဲ” ဆိုသည့် ဆိုရိုးစကား တစ်ခု ဖြစ်သည်။

စစ်သားဖြစ်ရခြင်းကို ဂုဏ်ယူရေးထက် စစ်သားဖြစ်စဉ်မှာ ဂုဏ်ယူလောက်စရာ လုပ်ကိုင် ဆောင်ရွက်ခဲ့သည်များကို အမှတ်ရနေသည့် စိတ်ဓာတ်ဖြင့် ပြောကြားခြင်း ဖြစ်သည်ဟု ဆိုချင်ပါသည်။

အထက်ပါ ဆိုရိုးစကားသည် ကိုယ့်ပြည်သူကို ကာကွယ် စောင့်ရှောက်ရမည့် အစား မတရားဖမ်းဆီး သတ်ဖြတ်နေသော မင်းအောင်လှိုင်၏ အကြမ်းဖက် စစ်တပ်က စစ်သားများနှင့် လုံးဝ မအပ်စပ်သည့် စကား ဖြစ်ပါသည်။

ကမ္ဘာမှာ စစ်ရာဇဝတ်မှု ကျူးလွန်ခဲ့သည့် ဂျမန် နာဇီ စစ်ခေါင်းဆောင်များကို နျူရင်ဘတ် စစ်ခုံးက ပြစ်ဒဏ် စီရင်ခဲ့သည့် သာဓက ရှိသည်ကို အများသိပြီး ဖြစ်ပါသည်။

လက်နက်မဲ့၊ အကာအကွယ်မဲ့ ကိုယ့်အရပ်သား ပြည်သူများကို ပစ်မှတ်ထား ဖမ်းဆီးပြီး အစုလိုက် အပြုံလိုက် သတ်ဖြတ်နေသော အကြမ်းဖက် စစ်ကောင်စီကိုမူ အရေးယူ အပြစ်ပေးရုံမျှနှင့် မလုံလောက်ပါဟု ဆိုချင်ပါသည်။

သို့ဖြစ်ပါ၍ မတရား အာဏာသိမ်း အကြမ်းဖက် စစ်ကောင်စီ၏ စစ်တပ် တစ်ခုလုံးကို အလုံးစုံ မြေလှန် ပြောင်းလဲရေးသည်သာ အမှန်တကယ် ပြုလုပ်ရန် လိုအပ်ကြောင်း ရေးသားလိုက်ရပါသည်။ ။

26/06/2022

ဝေါလေဒေသရှိ ဥကရစ်ထ အကြမ်းဖက်စစ်ကောင်စီစခန်းအား KNDO/KNLA ပူးပေါင်းတပ်ဖွဲ့ သိမ်းပိုက်

___________

ဝေါလေဒေသရှိ ဥကရစ်ထ အကြမ်းဖက်စစ်ကောင်စီ စစ်ဆင်ရေးခြေကုတ်စခန်းအား ယနေ့ ဇွန်လနံနက် ၈ နာရီကျော်အချိန်တွင် ကရင်အမျိုးသား လွတ်မြောက်ရေး တပ်မတော်-KNLA နှင့် ကရင်အမျိုးသားကာကွယ်ရေးတပ်ဖွဲ့-KNDO ပူးပေါင်းအဖွဲ့များက တက်ရောက်သိမ်းပိုက်လိုက်ပြီဖြစ်သည်ဟု သိရှိရသည်။

ယင်း အကြမ်းဖက်စစ်ကောင်စီ၏စခန်းကို တက်ရောက်သိမ်းပိုက်နိုင်ပြီဖြစ်သော်လည်း စစ်စခန်း စွန့်ခွာ ထွက်ပြေးသည့် အကြမ်းဖက်စစ်ကောင်စီတပ်ဖွဲ့များ နောက်သို့လိုက်ကာ နယ်မြေရှင်းလင်းရေး ဆက်လက်လုပ်ဆောင်နေဆဲ ဖြစ်သည်ဟု မြေပြင်သတင်းအရင်းမြစ်၏ ပြောဆိုချက်အရ သိရသည်။

ယင်း စခန်းသိမ်းတိုက်ပွဲကို ယမန်နေ့ညကတည်းက KNDO/KNLA ပူးပေါင်းတပ်ဖွဲ့က စတင်ပြုလုပ်ခဲ့ခြင်းဖြစ်ပြီး အကြမ်းဖက်စစ်ကောင်စီဘက်မှ လက်နက်ကြီးနှင့် ပြန်လည် ပစ်ခတ်မှုများလည်း ရှိခဲ့ကြောင်း သိရှိရသည်။

ဥကရစ်ထ စခန်းသည် အကြမ်းဖက်စစ်ကောင်စီ၏ စစ်ဆင်ရေး ခြေကုတ်စခန်းဖြစ်သလို မြဝတီ၊ သေ့ဘောဘိုး၊ ဝေါလေမြို့သစ် အဝင်မုလအိ၊ စုကလိလမ်းပိုင်း ထိပ်လမ်းဆုံ နေရာတွင် တည်ရှိပြီး ခံစစ်နှင့် နယ်ခြား စစ်ဗျူဟာ လက်အောက်ခံ အခြေချစစ်စခန်းတစ်ခုဖြစ်သည်။ KNU တပ်မဟာ ၆ နယ်မြေအတွင်း KNLA / KNDO တပ်ဖွဲ့ များ တိုက်ခိုက်သိမ်းပိုက်နိုင်သည့် ၆ ခုမြောက် စစ်စခန်းလည်းဖြစ်သည်။

26/06/2022

စစ်ကောင်စီတပ်စစ်ကြောင်း ချင်းတောင်ဘက်သို့ ဦးတည်လာနိုင်၍ ပြည်သူများသတိဖြင့်နေကြရန် မင်းတပ် CDFမေတ္တာရပ်ခံ

_____

အကြမ်းဖက်စစ်ကောင်စီတပ် စစ်ကြောင်းများ ချင်းတောင်ဘက်သို့ ဦးတည်လာသည့်ဒေသများကို ရောက်ရှိနေ၍ ပြည်သူလူထုများ သတိဖြင့်နေထိုင်ကြရန် မင်းတပ် ချင်းကာကွယ်ရေးတပ်(CDF)က ထုတ်ပြန်သည်။
စစ်ကောင်စီတပ်မှ အင်အား ၉၀ကျော်ပါ စစ်ကြောင်းသည် ဇွန်လ ၂၅ရက် နေ့လည်ပိုင်းတွင် ထီးလင်းမြို့နယ် တောရောင်းရွာမှ ထလင်းရွာဘက်သို့ ထွက်လာ၍ ချင်းတောင်ဘက်သို့ ထွက်လာ၊မထွက်လာ စောင့်ကြည့်နေဆဲဖြစ်သည်ဟု ဖော်ပြထားသည်။

စစ်ကြောင်းအတွင်း ဖမ်းဆီးမှုများရှိနိုင်သည့်အတွက်မိဘပြည်သူများအနေနှင့် သတိဖြင့် နေပေးကြပါရန်မေတ္တာရပ်ခံကြောင်း မင်းတပ် CDFက ထုတ်ပြန်သည်။

လွန်ခဲ့သည့် ရက်ပိုင်းအတွင်းကလည်း စစ်ကောင်စီတပ် စစ်ကြောင်းသည် ချင်း - မကွေး နယ်စပ် ဆောမြို့နယ်ရှိ ကျေးရွာအတွင်း စစ်ရေးလှုပ်ရှားနေ၍ အကယ်၍ ချင်းတောင်ဘက်သို့ တက်လာပါက သတင်းပေးပို့ရန် မင်းတပ် CDFက မေတ္တာရပ်ခံထားသည်။

(မင်းတပ် CDF ရဲ​ဘော်များအား ​ရှေ့တန်းတစ်​နေရာ၌ ​တွေ့ရစဥ်)