Mellah Maamar

02/12/2023

جربت أغلى قهوة في العالم (مصنوعة من البراز) و هذا كان طعمها 🤯

الرابط:
https://youtu.be/KFPga0Y00mo?si=4TlEBiA19GqzsEsU

24/11/2023

كم كلفتني رحلتي إلى جزيرة ماليزيا؟ الدليل الشامل 🇲🇾
الرابط:

https://youtu.be/g_QVThdD2cc?si=HJIN_Czjoet00eTn

17/11/2023

البراكين مايخلعوناش خاوتي 😂❤️
اجبدو للتصويرة التالية تشوفو معمر سعيد تحت الأمطار 😂

📍Mount Batur, Bali, Indonesia 🇮🇩


#سفر #بالي #اندونيسيا

17/11/2023

وصلت لأجمل جزيرة في ماليزيا 🇲🇾🔥
رابط الفيديو:
https://youtu.be/55ubOTBszAg?si=84jHMazFL2ncBjaL

01/10/2023

29/09/2023

Bali Vibes ✨🇮🇩
راكم حابين ندير رييل فيه جولة في الشقة لي راني فيها مع السعر؟ 👀

#سفر #سياحة #بالي #اندونيسيا

21/09/2023

Bali - Day 1 🇮🇩

نظرتي الأولى حول بالي، بالي جزيرة مملوءة بالحياة، بالأكل، بالمناظر الخلابة، بالسياح الأجانب، بصح ماهيش عائلية إطلاقا، قبل بالي كنت في ماليزيا، كانت دولة مسلمة بالأغلبية، دولة متطورة و كل شي رائع مع القليل من السياح، وبعدها جئت مباشرة لبالي وكانت كالصدمة مع أنني كنت أعرف أنها جزيرة غير مسلمة وكل شيء مختلف، لكن عموما أيامي الأولى كانت رائعة في بالي، ساحكيها لكم في الأيام القادمةً هنا، و بالتفصيل في فيديوهات طويلة في قناتي.

#بالي #اندونيسيا #سفر #سياحة

20/09/2023

تركت دراستي وغادرت الجزائر لتحقيق حلمي - Left everything for this

في هذا الفيديو قمت بمشاركة قصة تركي للدراسة و بداية عيش حلمي الذي لطالما أردت تحقيقه. وكذلك شاركت معكم يومي الأول في ماليزيا، الدولة الأولى التي سأزورها والتي ستكون بداية المغامرة، الفيديوهات القادمة ستكون مشوقة و مملوءة بالتفاصيل حول كل الأماكن التي سأزورها. لا تنسوا الضغط على زر الإعجاب و الاشتراك في القناة.

13/09/2023

On top of the world - vol 2 😂

📍Skybridge, Langkawi, Malaysia 🇲🇾
المنظر من هذا المكان هايل بزاف!
طلعنا فالتيليفيريك باش لحقنا ليه، وين شفت أجمل المناظر، الجسر يطل على الحبال المحيطة به، صراحة مالتصاور حسبتو كبير بزاف بصح هو ماشي كبير حتى لثم 😂 وهذا أكثر جسر منحني في العالم!
واش رايكم فيه؟

#سياحة #سفر #ماليزيا #لنكاوي

03/09/2023

قصتي مع برج التوأم لي راه خلفي في الصور😍:
كي جيت لماليزيا، لي من بكري و هي وجهة من الوجهات لي حاب نزورهم، كنت ناسي وحد الأمر مهم بزاف ضرك نحكيلكم عليه😅 أنا كي كنت جاي فالطائرة كنت متحمس على غير العادة باش نشوف برج التوأم، و غير لحقت للفندق ماريحتش حتى 30دقيقة بعد رحلة 18 ساعة، خرجت نجري و مشيت من الفندق 50دقيقة للبرج (تلفتلي الطريق نورمالمون ندير 30د 😂😂) المهم، كي لحقت لبرج التوأم حسيت شعور شباب بزاف و مايتوصفش، أوبعد سبحان الله من حيث لا أدري تفكرت السبب لي راه مخليني نفرح هكذا، السبب هو إني من صغري كنت نشوف ناشيونال جيوغرافيك، و وحد النهار تفرجت حلقة تاع "مشاريع عملاقة" يحكو فيها على هذا المكان، و هذاك النهار راني شافي كيما اليوم قلت لكامل العايلة عليه و بقيت نحكيلهم بلي شباب بزاف و هايل و درت في بالي بلي بإذن الله يجي نهار نزورو، شوفو وين راني ضركا خاوتي! راني مقابلو، نشوف فيه، ليلا ونهارا، الحمد لله حمدا كثيرا مباركا فيه، جازت فترة عليا وين قلت مراح نقدر نزور حتى دولة جديدة في حياتي، بصح ضركا كلش تبدل! جامي لا راح نقدرو نعرفو ربي واش راه كاتبلنا والله، الحمد لله واحدة من الوجهات الحلم تم شطبها من القائمة. الآن ستبدأ المغامرة إن شاء الله🔥

قولولي! واشمن صورة عجبتكم؟ 👀

#ماليزيا #سفر #سياحة

25/07/2023

كم كلفتني رحلتي إلى جزيرة زنجبار؟ 🇹🇿 الدليل الشامل وكل ماتحتاج معرفته 🔥Zanzibar Full Guide

في هذا الفيديو قمت بالتحدث عن الدليل الشامل لجزيرة زنجبار المدعوة بمالديف إفريقيا. ذكرت كل الأسعار التي يحتاجها أي شخص للسفر إضافة إلى كل المعلومات التي تحتاجها من إقلاعك من المنزل وحتى رجوعك

الأسعار في هذا الفيديو معظمها بالدولار، و قمت بكتابها بالدينار الجزائري في الأسفل.
العملة في جزيرة زنجبار هي الشيلينغ التنزاني.

بعض الروابط التي ذكرتها:
رابط طلب الفيزا الإلكترونية:
https://eservices.immigration.go.tz/visa/
موقع حجز الشقق:
Airbnb.com
موقع حجز الفنادق:
Booking.com

#سياحة #زنجبار

17/07/2023

حفل توزيع جوائز صناع المحتوى 🇩🇿 مبروك في السياحة 🔥
أجبدو لليسار تشوفو الoutfit 😂❤️

11/07/2023

أغرب ظاهرة شاهدتها في حياتي 🤯 زنجبار، تنزانيا 🇹🇿 Zanzibar, Tanzania

في هذا الفيديو الأخير لجزيرة زنجبار لخصت آخر 4 أيام من رحلتي، و شاركت معكم الأجواء التي عشتها أين تكلمت عن واحدة من أغرب الظواهر التي شاهدتها في حياتي والتي هي ظاهرة المد و الجزر، أتمنى أن ينال الفيديو إعجابكم.
الفيديو القادم سيكون دليل شامل لجزيرة زنجبار أين سأشارك معكم كل الأسعار و المعلومات التي يحتاجها أي شخص من إقلاعه من بلده حتى عودته.

28/06/2023

خلاصت علينا نقو فالدوارة 😂😂

صحا عيدكم الخاوة ❤️ كل عام و نتوما بألف خير، تقبل الله منا ومنكم و العاقبة لأعوام أخرى مديدة إن شاء الله ❤️

قولولي، واش درتو اليوم فالعيد؟ 👀👇

31/05/2023

في مثل هذا اليوم نزدت 😂❤️

حبيت ندير هذا البوست كذكرى برك باش نتفكر كيفاش جاز هذا العام، كان عام معمر (كيما أنا معمر 😂) بالتجارب، بزاف خيبات أمل و مقابلينها بزاف أفراح و الحمد لله على الإثنين، مقارنة مع العام لي قبلو، هذا العام قدرت نسيي فيه أشياء أكثر و الأهم أني ندير محتوى و نسافر أكثر، مابين الصوالح الشابين لي صراو كذلك هو أني كسبتكم نتوما الخاوة! رانا عايلة كبيرة الله يبارك و يزيد 😂❤️ يعطيكم الصحة على دعمكم و حبكم، و العام الجاي في هذا الوقت إن شاء الله نكونو لحقنا لأهداف جميلة 🔥
أدعولنا بالتوفيق و الثبات و النجاح الخاوة ❤️ ربي يحفظكم

#الجزائر

21/04/2023

الخاوة صحا عيدكم تقبل الله منا ومنكم صالح الأعمال و العاقبة لأعوام أخرى إن شاء الله ❤️

07/04/2023

كم تكلف الرحلة إلى كوريا الجنوبية للجزائريين؟ 🇩🇿🇰🇷

رابط ملف الفيزا: https://overseas.mofa.go.kr/dz-ar/wpge/m_11022/contents.do

14/03/2023

من أجمل الأماكن لي زرتهم هذا العام هي واحة تيوت، هذا المكان لي جاي بعيد على عين الصفراء بحوالي 18كلم و لي كي لحقت ليه انبهرت بالجمال تاعو، خاصة مع صوت خرير المياه لي تبقى تسمع فيه و تتأمل في خلق الله في نفس الوقت 😍 مانكثرش الهدرة بزاف، المهم لازم تزوروه و خلاص 😂❤️

قولولي فالتعليقات إذا تحبو هذا النوع من الأماكن الطبيعية 👇😍

هذا سيكون آخر post من رحلة الصحراء، راهم باقيين شوي سطوريات نحطهم غدا ان شاء الله 😀

#الجزائر #سياحة #سفر #الصحراء

11/03/2023

أحد أفضل الأشياء لي ممكن ديرها كي تروح للصحراء هي أنك تشوف غروب أو شروق الشمس في مكان طبيعي فيه غير الرمال و النخيل و الصخور الطبيعية، وحد الشعور بالطمأنينة و السلام تحس بيه هايل بزاف الخاوة 😍ينسيك في كامل هموم الدنيا و ياو لوكان غير هاذيك اللحظة، تحس روحك جديد و تبقى تتأمل في عظمة الخالق و تسبح!
نتوما عشتو هاذي اللحظة ولا مزال؟ قولولي فالتعليقات 👇❤️

الغروب من ڤرزيم، ولاية بني عباس 🇩🇿😍

#صحراء #الجزائر #سفر

01/03/2023

الجيل الثالث للأنترنت قادم 😍🔥
رحنا لجامعة بومرداس و سقسينا الطلبة على واش يعرفو في هذا الموضوع.🔥
راح يكون حدث يومي 2 و 3 مارس حول هذا الموضوع مع Algeria Web3
قولولي فالتعليقات إذا كنتو تعرفو هاذو المعلومات 👇😍
شكرا لطلبة جامعة بومرداس لي شاركوا في هذا الفيديو 😁

#الأنترنت #التكنولوجيا #سياحة #سفر #الجزائر

25/02/2023

صحراء الجزائر 🇩🇿❤️
الخاوة علابالي مابنتش عندي هاذو اليامات و هذا لأني كنت هامل فالصحراء و مع الريزو شوي عيان و ثاني حبيت نستمتع بالرحلة قلت مانحطش محتوى حتى نرجع الدار و نتهلا فيكم بالسطوريات و المحتوى 🔥 و نبداوها بهذه الصور لي كانت في مدينة كرزاز التابعة لولاية بني عباس 🇩🇿 هذا المكان لي عجبني بزاف لأنو جاي قليل السياح و نقي و الرمال فيه هايلة بزاف، تخليك تحس روحك وحدك في وسط الصحراء الحقيقية لي ماخسرتش بفعل السياح و كامل، المهم مانكثرش الهدرة أستناو الفيديوهات القادمة هذا الأسبوع راح تتخلط 🔥
المصور المبدع: 📸

#
#الصحراء #سياحة #سفر #الجزائر #كرزاز #بشار

16/02/2023

يوم كامل في مدينة قسنطينة 😍 المنظر مع الأخير هايل 😍🇩🇿
الرحلة كانت مع وكالة بي•أم•أش للسياحة و السفر - خميس مليانة -
إذا حابين تشوفو البرنامج القادم أضربو طلة في حسابهم 😍


#الجزائر #قسنطينة #سياحة #سفر #وهران

13/02/2023

عطلة نهاية الأسبوع في مدينتي سطيف و قسنطينة 😍
هذه الرحلة كانت مع وكالة وكالة بي•أم•أش للسياحة و السفر - خميس مليانة - 😁

رحتو لهاذو المدينتين ولا جامي؟

#سفر #الجزائر #سياحة #قسنطينة #سطيف

10/02/2023

أهلا الخاوة من سطيف 🙋🏻‍♂️❤️
زرتو مدينة سطيف من قبل ولا جامي؟ 🤔


#الجزائر #سفر #سطيف #العاصمة #سياحة

06/02/2023

شوفو خيبة الأمل مع التالي 💔🇩🇿
ملخص مباراة نهائي شان الجزائر 2022 🇩🇿
الجزائر 🇩🇿 - السنغال 🇸🇳

#الشان #شان2022 #الجزائر #السنغال #سنغال🇸🇳

05/02/2023

ملخص حفل إختتام شان الجزائر 2022 🇩🇿🔥
قولولي فالتعليقات رايكم فيه 👇😍


#شان #شان الجزائر #الجزائر #شان2022 #الشان

04/02/2023

يوم النهائي 🇩🇿🇩🇿 مربوحة إن شاء الله 🔥
شحال تتوقعوا نتيجة المباراة؟ 🤔


#شان2022 #الجزائر #جزائر #الشان

01/02/2023

ملخص مباراة الجزائر - النيجر 🇩🇿🇳🇪
واش رايكم زعما ندو الكأس؟ 🤔

#الجزائر #شان #الشان #النيجر #نيجر

30/01/2023

سييت نحط كامل التصاور الشابين تاع الرحلة 😂 بصح ماحطيتهمش كامل، المهم، واشمن صورة عجبتكم كثر؟ 🤔

#الجزائر #ثلج #ثلوج #سفر #سياحة

28/01/2023

ملخص مباراة الجزائر - كوت ديفوار 🇩🇿😍🔥

واش رايكم في المباراة؟زعما نقدرو ندو الكأس؟ 🤔😍

#الجزائر #سفر #سياحة #شان #الشان #شان2022 #الجزائر2022 #ملعب

26/01/2023

مغامرة في الثلوج 🥶❄️🇩🇿
الصح كامل راه مع التالي😍 تقدرو ديرو مغامرة كيما هكذا؟ 🤔
ماتنساوش تبارطاجو الفيديو مع صحابكم ❤️


#الجزائر #مليانة #ثلوج #جبال #مغامرة #مغامرات #ثلج #الثلج #الجبال

25/01/2023

A day to remember.. ❄️❤️
الصورة الأخيرة فيها شحال مشيت اليوم من كيلومتر🔥😁
اليوم فات نهار بزاف شباب، كانت مغامرة صعيبة شوي (لأني مزال ماشريتش الماتريال لي نحتاجو) بصح الحمد لله قدرت نطلع لقمة الرياشة في جبل زكار التي علوها 1585م، و في طريقنا جزنا على غابة "المروج" اللي كل مانطلع ليها تسحرني بجمالها، هذا المكان التابع لمدينة مليانة ولاية عين الدفلى 🇩🇿
راح يكون فيديو رييل يلخص كل التجربة غدا إن شاء الله مع سطوريات 🔥 راكم واجدين؟ 😍

#ثلوج #الجزائر #ثلج #عاصفة #سياحة #مغامرة #سفر

14/01/2023

ملخص حفل إفتتاح شان الجزائر 2022 🇩🇿🔥😍
واش رايكم في الملعب و الآفتتاح؟ 🤔

#الجزائر #شان #الشان

13/01/2023

الحمد لله أول فوز في شان 2022 🇩🇿🔥
واش كان رايكم في مباراة اليوم؟

#الجزائر #شان #ملعب

30/12/2022

Last post in 2022 آخر صورة في
مانكذبش عليكم الخاوة، نتوما أفضل حاجة صراتلي في هذا العام، صناعة المحتوى هي حاجة تمشيلي في دمي و نفرح بزاف كي نلقى ناس يدعموني و يستفادو من كل حاجة نحطها. نفرح كي نتلاقا بيكم برا و نڤصرو و نفرح كي نشوف رسائل التشجيع تاعكم.. يعطيكم الصحة ❤️
في بداية 2022 درت بزاف أهداف، كاين منهم لي مابديتش فيهم (هذا بسبب الكسل و التسويف😂) و كاين لي حققتهم الحمد لله، أول هدف درتو و حققتو كان أني نحط 100 فيديو فيه فائدة (الفائدة سواءا بمعلومة، ابتسامة، منظر جميل...إلخ) و الحمد لله حطيت 115 رييل و 16 posts، و طلعت ب90ألف متابع، يعني تعبي مراحش باطل الحمد لله..
للأسف فوت فترات صعاب، واجهت خيبات أمل بعضها كانت كبيرة و صعيبة عليا نفسيا، واجهت ليالي متعبة و ماقدرتش نرقد مالتخمام.. بصح في نفس الوقت الحمد لله فوت يامات شابين و أوقات تاع فرحة و سعادة، هذا العام كبرت فيه في مخي بزاف، الله يقدرنا و نبقاو نتعلمو و نستفادو كل عام إن شاء الله.
أدعولي ربي يقدرني باش نمدلكم محتوى بجودة أفضل في 2023، أدعولي كذلك ربي يهديني و نرجع لليوتوب بإستمرارية 😂 إن شاء الله تبقاو هنا تدعموني و نلحقو بالمحتوى الهادف لملايين الناس، يعطيكم الصحة على دعمكم ❤️

ملاحظة:  العام الجديد مجرد رقم نستعملو باش نشوف واش حققت كل عام، ماراح نحتافل بيه ما والو 😂 تسما خلونا مالتهاني و أدعولنا دعوة خير من قلبكم ❤️❤️

ملاحظة 2: الصورة في سيفار، جانت، صحراء للجزائر لي نتمنالكم كامل تزوروها إن شاء الله 🇩🇿❤️


#صحراء #الجزائر #سفر #نجوم

15/12/2022

فيديو حول مدينة تاغيت مع JOW+ 🔥
للناس لي حابين يشوفو الصحراء في هذا الوقت مع العطلة لي راهي جاية، مدينة تاغيت وجهة رائعة و تقدرو تلقاو فيها التجربة المثالية للسياحة الصحراوية، إذا أعجبكم الفيديو شاركوه مع أصدقائكم 😁

01/11/2022

كم تكلف الرحلة إلى ماليزيا للجزائريين؟ 🇲🇾🇩🇿 Malaysia Travel Cost

في هذا الفيديو ذكرت مع ريمة الأسعار التي يحتاجها أي شخص للسفر إلى ماليزيا، لاتنسوا مشاركة الفيديو مع أصدقائكم ❤️
حساب ريمة على الانستغرام:

https://instagram.com/_rima.b
حسابي على الانستغرام:

https://instagram.com/__maamar__

28/10/2022

لن تصدقوا أن هذه المناظر في قارة إفريقيا 🤯🇹🇿 Zanzibar Mnemba Island Vlog

في الحلقة الرابعة من سلسة جزيرة زنجيبار سنقوم بجولة رائعة لجزيرة منمبا التابعة لأرخبيل زنجبار والمعروفة بأنها الجزيرة الخاصة لبيل غايتس، استمتعوا بالمشاهدة 🔥
إذا أعجبكم الفيديو لاتنسوا مشاركته مع أصدقائكم لكي تكبر العائلة ❤️

#سفر #زنجبار #تنزانيا #الجزائر

26/10/2022

الخاوة الحمد لله اليوم لحقنا 10 آلاف متابع على الفايسبوك 🙌 يعطيكم الصحة على الدعم تاعكم و ان شاء الله القادم أفضل 🔥 راه جاي محتوى بزاف الأيام القادمة و مذابيا نشوف المزيد من الدعم من عندكم باش نلحقو لناس أكثر إن شاء الله 😍
لي مشافش الفيديو لي درتو التالي يدخل فالصفحة يضرب طلة 🙌❤️

25/10/2022

لن تصدق أن كل هذا في مدينة تيارت 🤯 جولة يوم واحد

في هذا الفيديو شاركت معكم كيف قضيت يومي في مدينة تيارت، لقد كانت لحظات جميلة مع الأصدقاء و زرنا العديد من الأماكن المتنوعة بين الطبيعة و التاريخ.

#تيارت #سفر #الجزائر