Tharkot national weekly

10/06/2023

तुलसीपुर उपमहानगरपालिकामा दादुरा रुबेला विरुद्धको खोप अभियान सञ्चालन हुँदै
तुलसीपुर,२७ जेष्ठ । दाङको तुलसीपुर उपमहानगरपालिकामा दादुरा रुबेला विरुद्धको खोप अभियान सञ्चालन हुने भएको छ । शनिबार तुलसीपुर उपमहानगरपालिका वडा नं. ३ डाँडाखुट्टीमा भएको दादुरा रुबेला खोप अभियान सञ्चालन सम्बन्धि पालिका खोप समन्वय समिति तुलसीपुर,संचारकर्मी र सरोकारवालाहरुसँग भएको अभिमुखिकरण कार्यक्रममा खोप अभियान बारे जानकारी गराईएको हो । यहि जेठ ३१ गतेदेखि अषाढ ८ गते सम्म सञ्चालन हुन लागेको उक्त खोप अभियानमा पालिकाका १९ वटै वडाका ६ महिना देखि १५ वर्ष मुनिका बालबालिका हरुलाई खोप लगाउन लागेको जनस्वास्थ्य प्रवद्र्धन शाखा तुलसीपुरलाई उदृत गर्दै तुलसीपुर उपमहानगरपालिका वडा नं. ३ रानागाउ नगर स्वास्थ्य केन्द्र र प्रतापकाेट नगर स्वास्थ केन्द्रले जानकारी दिएको छ ।
‘खोज र खोप’ भन्ने नाराका साथ तुलसीपुर उपमहानगरपालिका भित्रका ५२ हजार ९ सय २५ जना बालबालिकाहरुलाई खोप लगाउने लक्ष्य पालिकाले लिएको छ । त्यसका लागी २ सय २१ वटा खोप केन्द्रबाट दादुरा रुबेला विरुद्धको खोप लगाईने भएको छ भने उक्त खोप अभियान सञ्चालनका लागी ४ सय ३६ जना खोपकर्ता र ४ सय ३६ जना स्वंयसेविका परिचालन हुन लागेको शाखाले जनाएको छ । त्यस्तै तुलसीपुर उपमहानगरपालिका वडा नं. ३का वडा अध्यक्ष वीर बहादुर बि.क. (बिजय) ले आफुलाई पायक पर्ने केन्द्रमा लगेर आफ्ना बालबच्चालाई नछुटाएर खोप लगाउन र खोप अभियान सफल बनाउनका लागि सबैले सहयोग गर्न कमेत आग्रह गरेकाथिए ।
अहिले देशका विभिन्न जिल्लाहरुमा, जस्तै दाङ जिल्लामा पनि दादुरा महामारी देखिएको छ। दादुरा रोग निकै छिटो सर्ने सरूवा रोग भएकोले यो रोग अत्यन्त संक्रामक रहेको र विषेश गरि ५ वर्ष मुनिका बालबालिकालाई यो रोग छिटो सर्ने जोखिम भएको र यसले निमोनिया, झाडापखाला, कुपोषण जस्ता कारणले विरामीको ज्यान समेत जान सक्ने भएकोले सो जोखिम न्युनिकरण गर्न खोप कार्यक्रमलाई अभियानकै रूपमा सञ्चालन गर्नु परेको तुलसीपुर उपमहानगरपालिका वडा नं. ३का वडा अध्यक्ष वीर बहादुर बि.क. (बिजय) लेबताएका थिए । तुलसीपुर उपमहानगरपालिका वडा नं. ३का वडा अध्यक्ष वीर बहादुर बि.क. (बिजय) काे अध्यक्षतामा सम्पन्न साे कार्यक्रममा विभिन्न सम्बन्धित सराेकारवाला निकायहरु, स्वास्थ्यकर्मी , सुरक्षा निकाय, पत्रकार लगायतकाे सहभागिता रहेकाे थियाे । रानागाउ नगर स्वास्थ केन्द्र रानागाउका प्रमुख जीवन खड्काले कार्यक्रमकाे विषय बस्तु माथी प्रकाश पार्नुभएकाे कार्यक्रमकाे सहजीकरण प्रतापकाेट नगर स्वास्थ्य केन्द्र प्रतापकाेटका प्रमुख वसन्त वलीले गरेका थिए ।

31/05/2023

"आजको दिन मेरो खुसीको दिन "मेरो छोरा राम बहादुर के.सी. (मनाेज)को जन्मदिन । छोरा सधै त यो फोटोमा जसरी हाँसिरहेकाे छस तेराे जीवन भर सदासर्बदा यस्तै हाँसिखुसी रहनु, सुस्वास्थ्य , दिर्घायु र उत्तरोत्तर प्रगति होस ।बाबा आमालाई कहिल्यै दुखी नबनायस । छाेरा दाजु र भाईलाई सधै माया गरेस , सधै भरी सबैकाे प्याराे बन्नु कसैसँ झगडा नगर्नु, सबैसँग मिलेर बस्नु। जन्मदिनको असिम शुभकामना छोरा

29/04/2023

तुलसीपुरमा मोटरसाइकल दुर्घटना हुदा तिन जना घाइते
तुलसीपुर, १६ बैशाख । दाङको तुलसीपुरमा मोटरसाइकल दुर्घटना हुदा तिन जना घाइते भएका छन । घाइते हुनेमा मोटरसाइकल चालक तुलसीपुर ३ डाँडाखुट्टीका ५० वर्षीय विष्णु पाण्डे, पछाडी सवार सोही ठाउँका ५१ वर्षीय तारा बहादुर केसी र तुलसीपुर -९ चुलुसे निवासी ३८ वर्षीय मोहन वस्याल रहेको इलाका प्रहरी कार्यालय तुलसीपुरले जानकारी दिएको छ । तुलसीुर ३ डाँडाखुट्टीबाट तुलसीपुर -९ चुलुसेका मोहन वस्याललाई घर छाेडन जादै गरेको रा ५ प २००८ नम्बरको मोटरसाइकल गयराती पौने ९ बजेको समयमा दमारगाउ स्थित मिलनचोक नजिकै अनियन्त्रीत भएर पल्टिदा दुर्घटना भएको प्रहरीले जनाएको छ । घाइतेको राप्ती प्रादेशिक अस्पताल तुलसीपुरमा उपचार भइरहेको प्रहरीले बताएको छ । चालकले मादकपदार्थ सेवन गरेकाले दुर्घटना भएको प्रहरीको अनुमान छ ।

14/04/2023

आजदेखि २०८० साल सुरु, नयाँ वर्ष मनाइँदै
तुलसीपुर, १ बैशाख । आज विक्रम सम्वत् २०८० सालको पहिलो दिन। नयाँ वर्ष २०८० साल आजदेखि सुरु भएको छ । सूर्य मीन राशिबाट मेष राशिमा प्रवेश गर्ने संक्रान्तिलाई मेष अर्थात् वैशाख संक्रान्ति पनि भन्ने गरिन्छ । नयाँ वर्ष प्रारम्भ भएको पहिलो दिन नेपालमा र विदेशमा रहेका नेपालीले हर्षोल्लासका साथ एक आपसमा शुभकामना आदानप्रदान गरी मनाइँदैछ । नयाँ वर्षमा सफलता मिल्ने शुभकामना एक अर्कामा व्यक्तै गर्दै र मिस्ठान्न भोजन, भेटघाट गर्दै विशेष पर्वको रुपमा मनाइने गरिन्छ । सफलता प्राप्त गर्न आजका दिन योजना निर्माण एवम् सत्संकल्प गर्ने परम्परा समेत रहेको छ । आजको दिन नयाँ कामको थालनी गर्ने परम्परा पनि रहेको छ । आज बिहानै स्नान गर्ने, घर, कोठा आँगन सफा गर्ने, मीठोमीठो खाने, साथीसंगी तथा इष्टमित्रसँग भेटघाट गरी एक आपसमा शुभकामना व्यक्त गर्ने गरिन्छ । नयाँ वर्षको पहिलो दिन राम्रो सुरुआत भए वर्षभरीनै सफलता मिल्ने जनविश्वास पनि रहेको छ । नयाँ वर्ष आरम्भका अवसरमा आज नेपालभरका सरकारी कार्यालय, सार्वजनिक संस्थान एवम् शिक्षण संस्थामा सार्वजनिक बिदा दिइने परम्परा रहेको छ ।

03/04/2023

जापानमा अस्ताए तुलसीपुर -३ बुढा
तुलसीपुर, २० चैत्र । तुलसीपुर उपमहानगरपालिका– ३ सिस्नेरी निवासी २२ वर्षका खिमबहादुर बुढाको जापानमा मृत्यु भएको छ । करिब एक वर्ष अघि अध्ययनका लागि जापान गएका उनको मृत्यु भएको परिवारले बताएका छन् । उनीसंग घरपरिवारको शुक्रबार मात्रै कुराकानी भएको थियो । उनले ऋण तिर्ने पैसा आइतबार पठाइदिने परिवारलाई बताएका थिए । तर, आइतबार विहान उनको मृत्युको खबर घरपरिवारले थाहा पाए । उनी २०७८ चैत्रमा अध्ययनसँगै रोजगारीका लागि जापान गएकोे बुवा कर्णबहादुर बुढाले जानकारी दिएकाछन् । जापानको ओकिनावामा कमाउँदै र पढ्दै आएका खिमबहादुर शनिबार राति साढे ११ बजे कोठामा मृत अवस्थामा फेला परेका थिए । वुवा कर्णबहादुर तुलसीपुर उपमहानगरपाकिला –३ का वडा सदस्य समेत रहेका छन् ।

30/03/2023

रूकुम पूर्वका संसार २२ वर्षिय संसार सदाका लागि अस्ताए ।
प्रेमिका भनिएकी युवतीसहित चार जना प्रक्राउ ।
रूकुमपूर्वका २२ वर्षीय संसार घर्ती मगर
घर कहिल्यै नफर्किने गरि अस्ताएका छन् । चार महिनाअघि मंसिर ६ गते रूकुमको पुथाउत्तरगंगा गाउँपालिका–६ मयाङका २२ वर्षीय संसार घर्ती मगर आफ्नो प्रेमिकालाई भेट्न भनेर हिँडे । उनकी प्रेमिका हुम्लाको चंखेली गाउँपालिकामा जागिर गरिरहेकी थिइन्। ६ गते हिँडेका संसार सुर्खेत हुँदै ८ गते चंखेली पुगे। चंखेली पुगेपछि बेलुका साढे ४ बजेतिर आफ्ना साथीलाई फोन गरेका उनी त्यसपछि बेपत्ता भए। संसारले त्यो दिन आफ्ना सहकर्मी महेश खड्कालाई आत्तिएर फोन गरेका थिए। ‘दाइ मलाई केटाहरूले लखेटिरहेका छन्, मलाई मार्न लागिसके भनेर फोन गरे,’ उनका सहकर्मी महेशले सेतोपाटीसँग भने, ‘उसले प्रहरीलाई खबर गरिदिनुपर्‍यो भन्दै थिए, तत्कालै त्यहाँको प्रहरीलाई खबर गर्ने उपाय पनि आएन, त्यसपछि उनको फोन अफ भयो र मान्छे पनि बेपत्ता भए।’ खड्काका अनुसार फोनमा उनले आफूलाई युवाहरूले सडकबाट तल खसालेका छन् भनेर पनि भनेका थिए। संसारले महेशलाई दाइ भनेर सम्बोधन गर्ने गरेका थिए।
‘मलाई रोडबाट फालेका छन्, म भाग्न खोजिरहेको छु भन्दै थिए। त्यो नै अन्तिम भयो, त्यसपछि फोन लागेन,’ महेशले भने। मंसिर ८ गते अपराह्नदेखि बेपत्ता भएका संसारको शव चैत १२ गते चंखेली गाउँपालिका–६ स्थित कर्णाली नदीमा फेला परेको छ। माछा मार्न गएका मानिसले शव देखेपछि प्रहरीलाई खबर गरेका थिए। हुम्लाका प्रहरी प्रमुख प्रहरी नायब उपरीक्षक भिमलाल भट्टराईका अनुसार शव गलिसकेको अवस्थामा फेला परेको थियो। रूकुम पूर्वबाट मृतकका आफन्त घटनास्थल पुगेर शवको यकिन पहिचान गरेको उनले बताए। ‘चार महिनासम्म कर्णालीको पानी त अझ चिसो भएर यतिको रहेको हो, तातो हुन्थ्यो भने अहिलेसम्म कंकाल मात्र हुन्थ्यो होला,’ डिएसपी भट्टराईले भने, ‘हामीसँग पनि यस्तो मान्छे हराएको भन्ने हुलिया थियो, घरको मान्छे आएपछि शरीरमा भएका चिजवस्तुका आधारमा स्पष्ट रूपमा पहिचान भयो।’आफूहरूले संसार घर्तीले लगाएका माला, घडीलगायतका वस्तुबाट शवको पहिचान गरेको महेशले बताए।मृतकका आफन्तहरू मंगलबार राति घटनास्थल पुगेका थिए। मृतकका आमा, उनका साथी महेश लगायतका आफन्त हुम्ला पुगेका छन्। शव पोष्टमर्टमका लागि जिल्ला अस्पतालमा राखिएको छ। आफन्तहरू पनि घटनास्थलबाट त्यहीँ गएका छन्। डिएसपी भट्टराईका अनुसार मान्छे बेपत्ता पारेको भनेर पहिले आएको उजुरीका आधारमा चार जनालाई पक्राउ गरेर अनुसन्धान भइरहेको थियो। शव भेटिएपछि अनुसन्धानमा थप सहयोग पुग्ने उनले बताए। पक्राउ पर्नेमध्ये एक जना संसार घर्तीकी प्रेमिका भनिएकी दाङकी २० वर्षीया राधा थापा छिन्। अरू तीन जना स्थानीय युवा रहेको प्रहरीले जनाएको छ। विगत दुई वर्षयता दाङकी राधा रूकुम पूर्वमा बस्थिन्। उनी आफूहरूको संसार र महेशसँगको साझेदारीमा स्थापना गरेको कम्प्युटर इन्स्टिच्युटमा नै पढाउँथिन्। त्यसैबीचम राधा र संसारबीच प्रेम सम्बन्ध सुरू भएको हुनसक्ने स्थानीय राज सेनले बताए। राधा घटना हुनुको पाँच महिना अघि मात्र लोक सेवा आयोगको कम्प्युटर अपरेटर परीक्षा पास गरेर हुम्लाको चंखेली गाउँपालिकामा पदस्थापना भएकी थिइन्। ‘उनीहरूले संयुक्त रूपमा सदरमुकाममा इन्स्टिच्युट चलाइरहेका थिए, त्यही बीचमा दुई जनाबीच प्रेम सम्बन्ध पनि चलेको रहेछ,’ सेनले भने, ‘बीचमा रूकुम छोडेर जागिरका लागि हुम्ला गएपछि बीचमा उनीहरूबीच केही विवाद भएर हो वा भेट्नमात्र गएको हो भन्ने खुलेको छैन,’ उनले भने। मृतकका आफन्तले भने युवतीले स्थानीयलाई लगाएर प्रेमीलाई बेपत्ता पारेको आरोप लगाएका छन्। मृतक संसार घरको जेठो छोरा हुन्। उनीपछि दुई जना भाइ र दुई जना बहिनीहरू छन्। बाबा–आमा ६० वर्ष उमेर नाघेका छन्। संसारले प्रविणता प्रमाणपत्र तहसम्मको पढाइ सकेर स्नातक भर्ना गर्ने योजना बनाएका थिए।

30/03/2023

रूकुम पूर्वका संसार २२ वर्षिय संसार सदाका लागि अस्ताए ।
प्रेमिका भनिएकी युवतीसहित चार जना प्रक्राउ ।
रूकुमपूर्वका २२ वर्षीय संसार घर्ती मगर
घर कहिल्यै नफर्किने गरि अस्ताएका छन् । चार महिनाअघि मंसिर ६ गते रूकुमको पुथाउत्तरगंगा गाउँपालिका–६ मयाङका २२ वर्षीय संसार घर्ती मगर आफ्नो प्रेमिकालाई भेट्न भनेर हिँडे । उनकी प्रेमिका हुम्लाको चंखेली गाउँपालिकामा जागिर गरिरहेकी थिइन्। ६ गते हिँडेका संसार सुर्खेत हुँदै ८ गते चंखेली पुगे। चंखेली पुगेपछि बेलुका साढे ४ बजेतिर आफ्ना साथीलाई फोन गरेका उनी त्यसपछि बेपत्ता भए। संसारले त्यो दिन आफ्ना सहकर्मी महेश खड्कालाई आत्तिएर फोन गरेका थिए। ‘दाइ मलाई केटाहरूले लखेटिरहेका छन्, मलाई मार्न लागिसके भनेर फोन गरे,’ उनका सहकर्मी महेशले सेतोपाटीसँग भने, ‘उसले प्रहरीलाई खबर गरिदिनुपर्‍यो भन्दै थिए, तत्कालै त्यहाँको प्रहरीलाई खबर गर्ने उपाय पनि आएन, त्यसपछि उनको फोन अफ भयो र मान्छे पनि बेपत्ता भए।’ खड्काका अनुसार फोनमा उनले आफूलाई युवाहरूले सडकबाट तल खसालेका छन् भनेर पनि भनेका थिए। संसारले महेशलाई दाइ भनेर सम्बोधन गर्ने गरेका थिए।
‘मलाई रोडबाट फालेका छन्, म भाग्न खोजिरहेको छु भन्दै थिए। त्यो नै अन्तिम भयो, त्यसपछि फोन लागेन,’ महेशले भने। मंसिर ८ गते अपराह्नदेखि बेपत्ता भएका संसारको शव चैत १२ गते चंखेली गाउँपालिका–६ स्थित कर्णाली नदीमा फेला परेको छ। माछा मार्न गएका मानिसले शव देखेपछि प्रहरीलाई खबर गरेका थिए। हुम्लाका प्रहरी प्रमुख प्रहरी नायब उपरीक्षक भिमलाल भट्टराईका अनुसार शव गलिसकेको अवस्थामा फेला परेको थियो। रूकुम पूर्वबाट मृतकका आफन्त घटनास्थल पुगेर शवको यकिन पहिचान गरेको उनले बताए। ‘चार महिनासम्म कर्णालीको पानी त अझ चिसो भएर यतिको रहेको हो, तातो हुन्थ्यो भने अहिलेसम्म कंकाल मात्र हुन्थ्यो होला,’ डिएसपी भट्टराईले भने, ‘हामीसँग पनि यस्तो मान्छे हराएको भन्ने हुलिया थियो, घरको मान्छे आएपछि शरीरमा भएका चिजवस्तुका आधारमा स्पष्ट रूपमा पहिचान भयो।’आफूहरूले संसार घर्तीले लगाएका माला, घडीलगायतका वस्तुबाट शवको पहिचान गरेको महेशले बताए।मृतकका आफन्तहरू मंगलबार राति घटनास्थल पुगेका थिए। मृतकका आमा, उनका साथी महेश लगायतका आफन्त हुम्ला पुगेका छन्। शव पोष्टमर्टमका लागि जिल्ला अस्पतालमा राखिएको छ। आफन्तहरू पनि घटनास्थलबाट त्यहीँ गएका छन्। डिएसपी भट्टराईका अनुसार मान्छे बेपत्ता पारेको भनेर पहिले आएको उजुरीका आधारमा चार जनालाई पक्राउ गरेर अनुसन्धान भइरहेको थियो। शव भेटिएपछि अनुसन्धानमा थप सहयोग पुग्ने उनले बताए। पक्राउ पर्नेमध्ये एक जना संसार घर्तीकी प्रेमिका भनिएकी दाङकी २० वर्षीया राधा थापा छिन्। अरू तीन जना स्थानीय युवा रहेको प्रहरीले जनाएको छ। विगत दुई वर्षयता दाङकी राधा रूकुम पूर्वमा बस्थिन्। उनी आफूहरूको संसार र महेशसँगको साझेदारीमा स्थापना गरेको कम्प्युटर इन्स्टिच्युटमा नै पढाउँथिन्। त्यसैबीचम राधा र संसारबीच प्रेम सम्बन्ध सुरू भएको हुनसक्ने स्थानीय राज सेनले बताए। राधा घटना हुनुको पाँच महिना अघि मात्र लोक सेवा आयोगको कम्प्युटर अपरेटर परीक्षा पास गरेर हुम्लाको चंखेली गाउँपालिकामा पदस्थापना भएकी थिइन्। ‘उनीहरूले संयुक्त रूपमा सदरमुकाममा इन्स्टिच्युट चलाइरहेका थिए, त्यही बीचमा दुई जनाबीच प्रेम सम्बन्ध पनि चलेको रहेछ,’ सेनले भने, ‘बीचमा रूकुम छोडेर जागिरका लागि हुम्ला गएपछि बीचमा उनीहरूबीच केही विवाद भएर हो वा भेट्नमात्र गएको हो भन्ने खुलेको छैन,’ उनले भने। मृतकका आफन्तले भने युवतीले स्थानीयलाई लगाएर प्रेमीलाई बेपत्ता पारेको आरोप लगाएका छन्। मृतक संसार घरको जेठो छोरा हुन्। उनीपछि दुई जना भाइ र दुई जना बहिनीहरू छन्। बाबा–आमा ६० वर्ष उमेर नाघेका छन्। संसारले प्रविणता प्रमाणपत्र तहसम्मको पढाइ सकेर स्नातक भर्ना गर्ने योजना बनाएका थिए।

29/03/2023

नेकपा बहुमतको निशानामा जनप्रतिनिधि, गोलबजारका नगरप्रमुख श्रेष्ठमाथि कालोमोसो
दाङ : धर्मेन्द्र बास्तोला ‘कञ्चन’ नेतृत्वको नेकपा बहुमतले स्थानीय तहका प्रमुखलाई निशाना बनाईरहेको छ। स्थानीय सरकारका प्रमुख सिरहाको गोलबजार नगरपालिका मेयर श्यामकुमार श्रेष्ठमाथि मंगलबार कालोमसो दलेको छ। प्रमुख प्रशासकीय अधिकृतको कार्यकक्षबाट निस्किएर गाडी चढ्ने बेला एकजना अपरिचित व्यक्तिले केही कागजहरु दिए जस्तो गरिरहेकै बेला सँगै आएका अर्को व्यक्तिले प्रमुख श्रेष्ठमाथि कालोमसो दलेका हुन् । कालोमसो दल्नेहरुले नेपाल कम्युनिष्ट पार्टी ‘बहुमत’ को जनसंघर्ष परिचालन समितिको पर्चा समेत छरेका थिए । उनीहरुले छरेको पर्चामा गोलबजार नगरपालिकाका प्रमुख श्यामकुमार श्रेष्ठलाई लघुवित्त मार्फत् गरिब जनतालाई उठिवास लगाएको, मिटरव्याजीहरुलाई संरक्षण गरेको, बजारको करमा एक करोट ५२ लाख ब्रम्हलुट गरेको कारण जनकारबाही गरेको उल्लेख गरिएको छ। पर्चामा फर्जी कागज बनाई गोलबजार-१ मुक्सार बाटोको ६२ लाख हिनामिना गरेको, अवैधानिक तरिकाले नदिको दोहन गरेको, अन्यायपूर्ण तरिकाले नगरपालिकामा कार्यरत कर्मचारी हटाइएको र आफ्ना नेता कार्यकताविरुद्ध सुराकी गरेकोले जनकारबाही गरेको पर्चामा उल्लेख गरिएको छ। घटनाको विषयमा बुझ्न आएका कार्यकर्ताले केहीबेर पूर्वपश्चिम लोकमार्गमा प्रहरीविरुद्ध नाराबाजी गर्दै चक्काजाम गरेको थियो । कालोमसो दलेको आरोपमा एकजना पक्राउ समेत परेका छन्। पक्राऊ पर्नेमा सिरहाकै नरहा गाउँपालिकाका साधुशरण महरा रहेको प्रहरीले जनाएको छ । पक्राउ परेका महरालाई जिल्ला प्रहरी कार्यालय सिरहा लगिएको इलाका प्रहरी कार्यालय गोलबजारका प्रहरी निरीक्षक टुपेन्द्र बुढाथोकीले जनाएका छन् ।

20/03/2023

तुलसीपुर उपमहानगरपालिकाको सार्वजनिक सुनुवाइ कार्यक्रम सम्पन्न नागरीकको गुनासो व्यापक
तुलसीपुर, ६ चैत । दाङको तुलसीपुर उपमहानगरपालिकाको सार्वजनिक सुनुवाइ साेमबार एक कार्यक्रमका बिच सम्पन्न भएको छ । उपमहानगरपालिकाको आयोजना तथा थारू पत्रकार संघ दाङको सहजिकरणमा नगरपालिकाको सभाहलमा सोमबार सार्वजनिक सुनुवाइ कार्यक्रम सम्पन्न भएको हो । कार्यक्रममा सेवाग्राही नागरिकहरूले अलपत्र चारलेन बाटो, प्रादेशिक अस्पताल तुलसीपुरको सेवामा लापर्बाही, मुक्त कम्लहरीको अधिकार सुनिश्चितता, शिक्षा, स्वास्थ्य खानेपानी, फोहोर व्यवस्थापन लगायतका सेवाप्रति गुनासो, प्रश्न र सुझावहरू प्रस्तुत गरेका थिए । यस्तै सेवा सुविधा उपलब्ध गराउँदा भेदभाव गरिएको, प्रभावकारी सेवा प्रदान नगरेको, सूचना प्रवाह व्यवस्थित नभएको तथा नगरपालिकाभित्रका बजारहरूको व्यवस्थापन गर्न नसकेको भन्दै गुनासो व्यक्त गरेका थिए । त्यसैगरी सार्वजनिक सेवामा विभिन्न समस्या झेल्नुपरेको, महिला, ज्येष्ठ नागरिक, बालबालिका लगायत लक्षित वर्गका लागि प्रभावकारी कार्यक्रम सञ्चालन नभएको लगायतका गुनासो गरेका थिए । यता नगरपालिकाले विकास निर्माण स्वास्थ्य, कृषि, पशु, पूर्वाधारका क्षेत्रमा सञ्चालन भएका कार्यक्रम, प्रदान गरिने सेवा, सुविधाका बारेमा जानकारी गराइएको थियो भने त्यस सम्बन्धमा उठेका प्रश्नहरूमा जवाफदेही वक्ताहरूले प्रष्ट पार्ने कोसिस गरेका थिए । जवाफदेही वक्ताको रुपमा रहेका तुलसीपुर उपमहानगरपालिकाका प्रमुख टिकाराम खड्काले विकास निर्माणमा कामहरूमा एकै पटक फट्को मार्न नसकिने भन्दै कतिपय कामहरू सम्पन्न भइसकेको र केही विकासका कामहरु क्रमिक रुपमा अगाडि बढिरहेको बताएका थिए । साथै फोरलेन बाटो आफ्नो अधिकार भित्र नपरेर प्रदेश मातहत रहेकाले त्यसका लागी पनि आफुले पहल गरिरहेको बताएका थिए । यस्तै राप्ती प्रादेशिक अस्पताल तुलसीपुर पनि प्रदेश मातहत रहेको बताउँदै अस्पतालले आफ्नो निर्देशनलाई अटेर गरेको बताउदै आफुले पटक पटक अस्पताल प्रशासनलाई सेवालाई प्रभावकारी बनाउन आग्रह गर्दै आइरहेको भएपनि त्यो किसिमले कार्यान्वयनमा आउन नसकेको भन्दै दुखेसो समेत पोखेका थिए । समग्रमा सम्पूर्ण सेवाग्राहीको गुनासोलाई सम्बोधन गर्दै आफ्ना कमीकमजोरीहरूलाई पनि स्विकारेर विगतको कमजोरीहरू सच्याएर विकास निर्माण तथा सेवा प्रवाहलाई चुस्त दुरुस्त राख्दै सुशासनयुक्त नगरपालिका निर्माणमा सबैसँग सहकार्य गरेर अगाडि बढ्ने प्रतिबद्धता जनाएका थिए । त्यस्तै उपप्रमुख स्यानी चौधरी, प्रमुख प्रशासकीय अधिकृत मोहन पौडेलले पनि आफ्नो तर्फबाट सेवाग्राहीप्रतिको गुनासोलाई मेटाउने प्रयास गरेका थिए । सार्वजनिक सुनुवाई कार्यक्रममा गुनासो सँग सम्बन्धित सेवा प्रदायक निकायका कर्मचारीहरूले सेवाग्राही नागरिक स्तरबाट उठेका प्रश्नको जवाफ दिएका थिए । कार्यक्रममा नगरपालिका कार्यालय, वडा कार्यालय तथा पालिका मातहतका विभिन्न कार्यालयबाट सञ्चालित विकास निर्माणका कार्यक्रम, प्रदान गरिने सेवा सुविधा सार्वजनिक गरी त्यस्ता विषयका सम्बन्धमा सार्वजनिक थलोमा सेवाग्राही नागरिकले उठाएका प्रश्नहरूमा स्पष्टता ल्याउने तथा नागरिकबाट प्राप्त रचनात्मक सुझावलाई ग्रहण गरेर हाम्रो तुलसीपुर, राम्रो तुलसीपुर, खुसी जनता समृद्ध तुलसीपुरको अवधारणालाई सफल बनाउने उद्देश्य अनुरुप सार्वजनिक सुनवाई गरिएको नगरपालिकाले जनाएको छ । तुलसीपुर उपमहानगरपालिकाका मेयर टिकाराम खड्काको अध्यक्षतामा भएको सार्वजनिक सुनुवाइ कार्यक्रमको सहजिकरण थारू पत्रकार संघ दाङका नविन चौधरीले गरेका थिए ।

22/09/2022

दलाल संसदिय व्यवस्थाकाे निर्वाचन जनतालाई लुटिखाने व्यवस्था हाे : कञ्चन

दाङ ६ असाेज / नेपाल कम्युनिष्ट पार्टी (बहुमत) का केन्द्रिय संयोजक धर्मेन्द्र बास्तोला (कञ्चन)ले दलाल संसदिय व्यवस्...

21/09/2022

तुलसीपुर नगर स्तरिय वातासिनो कप फुटबल हुने

दाेर्ण केसी / दाङ ५ असाेज/ दाङको तुलसिपुरमा तुलसिपुर नगर स्तरिय वातासिनो कप फुटबल प्रतियाेगिता २०७९ हुने भएको छ । .....

18/09/2022

नेपाल कम्युनिष्ट पार्टी (विप्लव) परित्याग गरेकाे घाेषणा गर्दछु ।

दाेर्ण केसी / दाङ ३१ भदौ / मैले आजका मिति देखि नेपाल कम्युनिष्ट पार्टी (बिप्लव) काे पार्टी हैसियत र साे पार्टीको भात.....

18/09/2022

२०७९ काे विजया दशमीको उत्तम साइत ११ बजेर ५५ मिनेटमा

दाेर्ण केसी / दाङ, २ असाेज यस वर्ष विजयादशमीको साइत असोज १९ गते बुधबार बिहान ११ः५१ बजे उत्तम रहेको नेपाल पञ्चाङ्ग न....

16/09/2022

दाेर्ण केसी / दाङ ३१ भदौ / नेपाल समाजवादी पार्टीका अध्यक्ष एवं पूर्वप्रधानमन्त्री डा. बाबुराम भट्टराईले प्रचण्ड र ...

10/09/2022

तुलसीपुरमा जग्गा बर्गिकरण सम्बन्धि छलफल

तुलसीपुर, २४ भदौ । दाङको तुलसीपुरमा पालिका स्तरिय जग्गा बर्गिकरण सम्बन्धि छलफल शुक्रबार एक कार्यक्रमका बिच सम्प....

07/09/2022

दाङको तुलसीपुरमा केन्द्रीय कार्यालय रहेको लघुवित्तको असार २०७८ को वित्तीय विवरणको आधारमा गरिएको समष्टिगत स्थलगत निरीक्षण र त्यसपछि गरिएको विशेष निरीक्षणमा संस्थाको सञ्चालक समितिको अध्यक्ष र सञ्चालकबाट ऋणको दुरुपयोग भएको पाइएको राष्ट्र बैंकले जनाएको छ ।

तुलसीपुरकाे सुपर लघुवित्त राष्ट्र बैंककाे तारगेटमा / सुपर संस्थाकाे हाेस उड्दै तुल्सिपुर २२ भदाै / नेपाल राष्ट्र...

05/09/2022

नेकपा दाङको सेक्रेटरीमा प्रदिप,५५ सदस्यीय जिल्ला कमिटी निर्वाचित

भदौ २०,घोराही। नेपाल कम्युनिष्ट पार्टी दाङको सेक्रेटरीमा प्रदिप वली निर्वाचित हुनुभएको छ। पार्टीको नवौं जिल्ला...

05/09/2022

विप्लवका बिद्यार्थीको अर्को प्रशंसनीय काम : म्यानपावरबाट अलपत्र पारिएका ७ जनाको उद्दार

दाेर्ण के.सी..तुलसीपुर २०,दाङ। नेपाल कम्युनिस्ट पार्टी निकट अखिल (क्रान्तिकारी)ले म्यानपावर कम्पनीबाट अलपत्र पार...

04/09/2022

तीन बुदे सहमती कार्यान्वयन नभए डटेर प्रतिरोध हुन्छ,आत्मसमर्पण कदापी हुँदैन:शितल

दाेर्ण केसी । भदौ १९,घोराही। नेपाल कम्युनिष्ट पार्टीका केन्द्रीय सदस्य शितलले राज्यले तीन बुदे सहमती कार्यान्व.....

02/09/2022

हापुर र सेवार खोलामा पानीको वहाब बढ्याे, साना गाडी संचालनमा आउन सकेन्न

तुलसीपुर १७-भदौ/ अविरल बर्षाका कारण तुलसीपुर-घोराही सडकखण्ड अन्र्तगत पर्ने हापुर खोला र सेवार खोलामा पानीको वहाब...

01/09/2022

मुग्लिन–नारायणगढ सडकखण्ड फेरि अबरुद्ध

मुग्लिन–नारायणगढ सडकखण्ड फेरि अबरुद्ध भएको छ । चितवनको भरतपुर महानगरपालिका–२९ मा रहेको केराबारीमा मुसलधारे पा....

01/09/2022

कुलोमा बगेर एक महिलाको मृत्यु

  थर्काेट डट.कम. संवाददाता दाङ, १६ भदौ दाङको तुलसीपुरमा सिँचाइ कुलोले बगाएर एक महिलाको मृत्यु भएको छ। तुलसीपुर उपम....

01/09/2022

सन्तुष्टि जीवन कसरी बिताउने ?

१६२६ १ तिमोथी 6:6 6. सन्‍तुष्‍टिसहितको भक्ति नै ठूलो लाभ हो। -८९४-८९५ हितोपदेश 9:10-13 10. “परमप्रभुको भय मान्‍नु नै बुद्धिक...

01/09/2022

६८ जिल्लामा फैलियो डेंगी, १० जिल्लामा उच्च संक्रमण

दाङ, १६ भदौ । यो वर्ष नेपालमा डेंगी संक्रमण प्रकोपकै रूपमा फैलिएको छ । इपिडिमियोलोजी तथा रोग नियन्त्रण महाशाखाका ....

01/09/2022

नेकपा दाङद्वारा पार्टीको नवौं महाधिवेशनको प्रचारप्रसार तिब्र

भदौ १६,दाङ। नेपाल कम्युनिष्ट पार्टी दाङले पार्टीको नवौं महाधिवेशनको प्रचार कार्यलाइ तिब्रता दिएको छ। नेकपा दाङ.....

01/09/2022

नेकपाका नेतालाई पक्राउ पुर्जी जारी गर्नु राज्यको कायरता

दाङ १६ भदाै । नेपाल कम्युनिष्ट पार्टीका केन्द्रीय सदस्य तथा झापा जिल्ला इन्चार्ज सुमन लिम्बूले नेकपाका नेतालाई ....

01/09/2022

तुलसीपुर, १६ भदौ । पानी परेपछि सम्पूर्ण किसानहरु खुशी भएका छन् । आकाशे पानीको भरमा खेती गर्ने किसानहरु कुलाको पान....

12/08/2022

बालबिबाह सम्पन्न तुलसीपुर -३ शिवपुरमा

15/07/2022

बालबालिकाकाे थप १० लाख ८ हजार डोज कोरोना खोप आइपुग्यो

दाङ ३२-असार/ बालबालिकाका लागि कोरोना भाइरसविरूद्धको थप १० लाख ८ हजार डोज फाइजर खोप आइपुगेको छ । अमेरिकाले ५ देखि १.....