航空新聞台

25/07/2019

叻哥、肥媽，以及無線電視一眾藝人......都未被邀請。

19/07/2019

［航空界重磅轉會］國泰宣布以港幣49.3億成功羅致香港快運，聲稱快運將繼續以獨立廉航模式營運，李嘉欣表示恭喜。

18/07/2019

近日有外國保險公司自告奮勇挑戰全球機艙服務員，提供大眾幾個在乘搭航機的生活錦囊s，建議乘客鼓勵空服員參與全民健身，省卻在本港老牌健身品牌舒適堡不必要的洗費，引起網上熱情討論，該公司在事件引起爭論一段時間後已砍掉重練（改圖重發）。

據了解，本港著名航空公司亦有選用該機構的保險服務。

12/03/2018

不要做：一個不負責任、翻炒舊聞一萬次又騙稿費的編輯
試著做：做事利己利人，不會只走偏門的人

#遲到飛機不等人喔
#最後上機行李箱可能已滿喔
#禮貌詢問旁邊乘客能否換個位可能更好喔
#10個只有技窮作者知道的小秘密
#正

10/10/2017

最新消息暫時為每月400元交通費以上已可申請，透過八達通發放優惠。

05/10/2017

機場打工仔請密切留意

【Now新聞台】行政長官林鄭月娥下星期三發表首份施政報告，消息指，政府會將部分港鐵股息補貼巿民長途交通費，初步考慮每月交通費達到600至700元，毋須入息審查已經可獲補貼。

22/08/2017

有時候覺得，其實船公司先係天文台。
-
#船公司係先知
#船公司乜都知
#打龍捲風我哋航空界都係要返工

16/08/2017

[國泰料未來12-18個月經營環境持續困難]
香港電台-財經2017年8月16日

國泰航空顧客及商務總裁盧家培預料，未來12–18個月行業經營環境仍困難，競爭亦激烈，供求失衡持續。

他指，經濟艙競爭仍激烈，但頭等艙及商務艙需求逐步回穩，加上貨運需求強勁，預料下半年業績將會改善，但不預測會否扭虧為盈。

盧家培說，過去數月採取一系列轉型行動對集團非常重要，下半年著重提升經營、收益及服務水平。

24/07/2017

【流感肆虐禍延航空業　香港快運1日逼撤3航班】

香港快運(UO)發言人將近日航班取消歸咎於頑疾肆虐，UO前線員工深表同意，建議管理層應即時預約身體檢查，進行腦部掃瞄。
-
同時，UO員工稱讚其管理層為其他行業僱主樹立良好先例，在責任承擔上提供出類拔萃的理由，以下為其中幾個最佳示範：
-
【流感肆虐禍延老人院　XX安老院1日逼停供3餐】
【流感肆虐禍延會計部　XX公司逼停發3日人工】
【流感肆虐禍延各醫院　XX醫院1日逼停發3次藥】
-

香港夏季流感疫情嚴峻，公立醫院病床逼爆，香港航空客運服務亦受波及，香港快運(HK Express)向東網證實，近期部分航

13/07/2017

由本年七月一日開始，曾為本港航空界龍頭國泰航空，其附屬公司國泰港龍航空為經濟艙的服務帶來簡約風的新景象。
-
以北京、上海、福岡為首等主線航點皆可體驗，由以往的「正方大型餐盤」改為「袖珍小食盤」，份量及質量上以「小」制勝，特色小食盤毫不泄露寒酸之感，其設計靈感來自香港的核心價值－土地問題，用新餐盤反映出現今本港房屋特色，其大膽、創新的意念得到前線員工大感佩服，乘客除感到窩心之餘，亦爭相索取意見卡留下美言，歡迎各界繼續踴躍發言，令國泰港龍長做長有！

22/05/2017

Time to Fire.

當中有幾多位為大家眼中的冗員，又有幾多位無辜受累的同事。

13/03/2017

不小心幫貴公司賣廣告，但呢招究竟是什麼名堂？

#一柱擎天
#相信閣下當時已經喺天上
#阿叔心諗

01/09/2016

我哋知道大家近日都一直被選舉post洗版，但係對唔住，呢一個都係一篇關於選舉嘅post，希望大家可以花幾分鐘望兩眼，因為我哋打緊所謂嘅「告急牌」。

你哋可能對政治冇咩認識、冇咩興趣，但無論你討唔討厭政治，接唔接受到講粗口，入廁所爆粗會唔會打冷震，我都希望你留意多一次身邊嘅時事，因為連我自己都唔確定，四年後我哋仲有冇機會好似而家咁樣投票選舉。

我唔講太多，直接搵一個議題嚟講－「興建第三條跑道」，我諗呢件事都叫做同呢個page有關連，同睇緊本page嘅您有少少關係。起三跑工程預計耗資1415億元，喺機場返工嘅您，係咪覺得俾咗呢筆錢起多條跑道就可以以後返工返得舒服啲？

大家航空界嘅同胞一定知道，近年香港機場抗壓力比以前低咗，延誤比以往越來越嚴重，除咗大家覺得必然嘅大陸空域問題，如果再加上天氣問題，雙管齊下，空姐、地勤、膳食、清潔、行李等等所有部門同事都身受其害，係咪起多條跑道，delay就會少咗？俾客圍嘅機會少咗？賠酒店嘅次數少咗？投訴係咪會少咗？天氣係咪會好咗？準時收工機會有冇大咗？如果單純一句「為咗香港未來經濟發展有一定的幫助」，呢1415億，唔係講緊千幾蚊，係咪唔需要問下我哋呢班機場員工，話俾就俾？

我哋每日搭車入機場返工，地鐵發動有加無減機制，訊號故障，其實身邊好多事會影響住我地自身，除左埋怨幾句，點解我哋要任人魚肉，點解我地香港人要咁怕事，點解我哋唔去喚醒自己去處理現今咁多無理無稽嘅事。

說教去到呢度，我希望大家可以做到「學是學非，明辨是非」，今年選舉有眾多參加者，希望大家至少分辨到社會上邊啲人係最無恥、最奸狡，九月四號，綜合下身邊朋友意見，出嚟投票。

作為呢個page嘅開發者，我好感激有一千幾位朋友唔吝嗇你哋嘅like而又肯俾咗我，希望你哋可以share出去，「我希望我呢個舉動可以至少影響到身邊嘅facebook朋友，從而再希望你哋收到後就散播俾你哋身邊嘅朋友」，like就可以唔需要俾喇，copy下以上說話，體驗一下係咪真係有蝴蝶效應。

九月四號，記得投票。

04/07/2016

Kary話齋，恨人亦要花氣力，你估我地真係咁得閒由愛你變成恨你咩，我個2016下半年小願望就係祈求啲老細呀、大客仔呀唔好再為人自私也任性～～ (圖片來源: Viutv)
***
恨你變成更恨你　吳願飛
-
不能如時上機　不能成日救機
候人亦要花氣力
例如綠卡　為人自私也任性
我憎你不停來為我添加大陸航線
超～暗淡回憶
記恨你才能令我上班尚有價值
直到令我的強烈怒意　平息

30/05/2016

每次去親韓國或者日本，都覺得人生中少咗一個鐘。但返香港後又唔覺得人生多返一個鐘頭用......

09/04/2016

我希望公司可以特事特辦，俾返因為蝕錢而冇咗嘅花紅我。
我希望公司可以特事特辦，教育下DM待人接物嘅態度。
我希望公司可以特事特辦，唔好限制生病日數迫我入關愛小組。
我希望公司可以特事特辦，唔好編一啲機械人先返到嘅更我。
我希望公司可以特事特辦，唔好咁有創意推出唔帶大腦嘅service。
我希望公司可以特事特辦，派啲膠層落區體諒下我嘅日常生活。

30/03/2016

發叔，機場禁區失蹤人口，國籍疑多為華人，頑皮，愛捉迷藏，地勤及空姐大敵人，常與地勤同事合唱《愛在機場中找你》。

有指常出沒於航空公司貴賓室、免稅品店及高高高級品牌名店中等等，引用中國傳統美德：「節儉還合時宜嗎？」對發叔而言為過時之說。

「早斬早享受，遲斬發吽逗」

- 早啲斬客＞早啲關門＞地勤早啲收工＞空姐做少啲客＞早啲起飛 (大陸批准嘅話)

- 遲咗斬客＞地勤搵您＞飛機等您＞空管歡迎您

「準時起飛是場夢，等埋發叔是王道？」公司提倡OTP，其實即係On Time Performance定係Over Time Punishment？

「搵到個客，冇咗個slot，值得咩？」

23/03/2016

收到讀者來信，好似想俾啲意見佢間公司，希望一人一share等啲膠層，呀唔係，高層睇到啦。

「點解swap返嚟啲機都要劃死一個價錢，但係過咗on roster五十個鐘我哋係收正價，swap返嚟嘅機唔洗做？做少啲？咁想慳錢你搵義工算啦 仲有加人工，FA都算當冇經驗要硬食purser加低薪等於加四百幾至六百幾蚊，可唔可以尊重下佢哋冇佢哋公司都唔會有今日 升職acting又係想慳錢，acting做少啲㗎？你升得嗰個人都係因為佢qualified先升，升完又要人acting好多舊魚，你不如試下叫啲高層升職嗰陣又acting下先啦 最後係so call兩個月bonus，多謝公司先但係我哋兩個月等於人哋一個月，人哋仲有五千蚊花紅，公司到而家都未表示下年加唔加人工 有人會話唔滿意咪去大台囉，你咁滿意拎份糧出來分囉 We share because we care😉」

***

我們明白secret pages非常和諧，經常河蟹各位奴工苦水，我們扮演奴工處的角色，承諾會比關家姐更關注大家

https://docs.google.com/forms/d/1dSBbE5P_Cshtmz7iz9csIE5a5oprSmPKy6bxTUdpKmY/viewform

18/03/2016

[港產007]

表面上佢係一個鬚刨，實際上佢係一個風筒。所謂「正職即是掩飾」，正如你咁，你表面上係一名唔識普通話嘅普通機場員工，實際上你其實-
-
-
-
-
都係一個機場員工，只係個title唔同啫。

各位Laughing哥，現身啦。

17/03/2016

愛康健妙手仁心特約：空姐生病實錄 之 你今日又咩病？

正所謂「最鋒利嘅刀，都有生銹嘅一日，更何況係空姐呢？」

醫生，係空姐一位工作間的親人，佢每個月每星期甚至每幾日都想約會我，每次見到我嘅病容都不禁皺起眉頭，緊張問道：「乜又係你呀？今次又咩病呀？」

說謊的人要吞一千根針，醫生呀醫生，今次我想知我肚入面究竟有幾多枝針呀？

究竟我今日又咩病？

http://gph.is/1XxNfIT

17/03/2016

愛康健妙手仁心特約：空姐生病實錄 之 你今日又咩病？

正所謂「最鋒利嘅刀，都有生銹嘅一日，更何況係空姐呢？」

醫生，係空姐一位工作間的親人，佢每個月每星期甚至每幾日都想約會我，每次見到我嘅病容都不禁皺起眉頭，緊張問道：「乜又係你呀？今次又咩病呀？」

說謊的人要吞一千根針，醫生呀醫生，今次我想知我肚入面究竟有幾多枝針呀？

究竟我今日又咩病？

16/03/2016

世界上有好多值得留意的新聞，單喺香港，我地可以關注碧街7-11捐款、學童輕生問題，而無須探討女機員可獲派幾多對絲襪。

不過報紙的取向和立場都值得各位留意，例如《方向日報》的版本可能係：

「因管理不善而從全球最佳航空公司排名榜節節下跌的國泰航空，其全資擁有的國泰港龍近日宣佈下月起加薪4%，但女機員每18個月只獲派5對絲襪，衛生程度令人咋舌。」（設計對白）

國泰航空全資擁有的國泰港龍航空與工會就今年加薪方案達方成共識，約2,000名空中服務員下月起加薪4%...

15/03/2016

收到南京空姐的來信，話南京開咗一間係男人都想去嘅中醫館，不過編者本人嘅簡體字程度麻麻地，間野好似叫「怪愛中醫館」，個名又會咁奇怪嘅。歡迎Tag同介紹俾你地識嘅廚叉或港龍男同事。

***

有嘢send咗去公司secret page又被河蟹？Send俾我地同其他公司交流切磋一下。

https://docs.google.com/forms/d/1dSBbE5P_Cshtmz7iz9csIE5a5oprSmPKy6bxTUdpKmY/viewform

11/03/2016

對於本港再有一間有良飛行僱主提出全新八千月費僱員計劃，本台有以下立場：

「同工不同酬，八千真安久」

雖然人工與前人有差別，但八千元的確能保障員工既安穩又持久的生活，真是安安久久。

09/03/2016

《有一種藝術，叫Port Sick》

「我地唔知咩叫Port Sick，唔該你講清楚啲。」電話射來冷箭。

Port Sick，意即攞病假，凡夫俗子所指的射波，航空界中流行用語。

一日嘅Sick Leave就好比生活中的一點殘喘， 隨著O Day、Overnight Pattern越來越少，漸漸我得到咗做一隻牛的資格。

Port Sick唔係一種罪，而係一種策略，甚至係一門藝術。佢將我從牛群中抽離再轉化成人。究竟射咗波之後，邊個咁不幸call out咗？班機會點？哈，我已經顧慮唔到，我在乎嘅只係我自己逃離現實世界一日咁多，我希望好好珍惜呢一日、呢一個寶貴機會，來回復我元氣，為未來走更多的路，為公司繼續付出。

你問我：「阿嬌，你太天真了，真係有一日咁多？」

「別再做人，做隻貓做隻狗，不做人」一直係我返工的宗旨，Minimum rest？So what！由我第一日踏入呢間工廠，我已經知道，只要堅守便有夢，雨過後有彩虹，我有時都會埋怨自己，因為Port Sick彷彿令我吸收少咗動物嘅靈氣。

藝術都有受打壓的時候。

「點解你會成日唔舒服？會唔會係你已經唔適合繼續做呢份工？」面對坐喺Office打俾我嘅您，藝術呢條鐵，你明咩？有人十年唔Port Sick，有人射得太多連工都冇埋，家家有本難念的經，又有幾多人真正理解其他人人生背後嘅辛酸，我笑而不語。

你唔明白我，面對醫生，多麼害怕佢唔掌握我弱小的體質，多麼害怕佢查唔清我的病痛，再加上醫療預算減少、醫療卡合資格診所不足、人手緊拙，嗰一種我同醫生間的角力，為咗一日假，究竟要我再體驗幾多社會上的挑戰？

不過我在明，人在暗。

「呀...唔好意思唔好意思...我只係想要一日Sick Leave咋，唔該晒，真係唔該晒，辛苦喇拜拜。」

---港龍鄺俊宇

06/03/2016

本台現誠收集大量航空界情報，歡迎匿名報料，一經刊登，會獲贈過期餐卷最少50元。

https://docs.google.com/forms/d/1dSBbE5P_Cshtmz7iz9csIE5a5oprSmPKy6bxTUdpKmY/viewform

06/03/2016

網友窩心提醒家英哥：「算啦，你等阿姐都等左咁耐。」

本台訪問到涉事港龍員工，指出當時KA909客機確實從北京因航空管制延誤抵港，建議家英哥日後多加耐心，遇上延誤時可先收聽阿姐華麗唱歌以打發時間。

【太陽報專訊】【本報訊】 國泰航空轄下全資擁有的國泰港龍遭藝人羅家英「插爆」服務今非昔比，明言港龍已非其首選！「家英哥」昨晚在社交網站微博連珠炮發，指原訂前日（1日）乘搭港龍航機由香港飛杭州，惟抵達機場後才知航班有延誤，令他要呆等逾三小時，質疑港龍以航空管制作延誤的理由牽強，反問「為甚麼其他航空公司沒有延誤，偏你港龍延誤。」

06/03/2016

為配合業務發展，本台現誠聘以下職位，歡迎有志人士加入：

一）記者（兼職/全職）
工作：負責資料搜集、上網發文、呃LIKE

薪酬：自身工作上每月多幾日假期（需自行Port Sick）

二）Intern（兼職/全職）
工作：負責資料搜集、上網發文、呃LIKE、執拾辦公檯，詳情需參考羅拔迪尼路先生演技

薪酬：經驗就是金錢、知識就是力量

三）投資者（有錢/無錢）
有錢出錢、有力出力

公司現歡迎亞洲電視員工立即或四月一日牌照到期加盟