20/11/2023
Ang grupo ng PISTON ay magdadaos ng kanilang
"TIGIL PASADA" pamula sa araw na to,
Nobyembre 20 Lunes,na tatagal ng 3 araw o hanggang Nobyembre 22,2023.
Ang kanilang alalahanin ay tungkol sa nalalapit na deadline ng modernization program ng ating gobyerno na hanggang Dec. 31,2023 lamang.
Nakahanda ang iba't ibang sangay ng pamahalaan kabilang ang mga LGU para hindi maapektuhan ang ating mga mananakay. Nagkaroon na rin ng mga pagkasenla sa mga pasok nang pang pribado at pampublikong paaralan sa NCR at sa iba pang panig ng kapuluan. Suspended na rin ang expanded number coding scheme ayon sa MMDA.
Hindi naman ipinagwawalang bahala ng pamahalaan ang mga hinaing ng mga transport group operators, sa katunayan may nakahanda ng programa ang gobyerno na magbibigay tulong para sa mga operator na tumatalima sa modernization effort ng gobyerno. Kabilang sa programa ang mga sumusunod.
1. Special loan facilities galing sa mga qualified financing institutions tulad ng Government Financing Institutions (GIFs);
• Mayroong ng special loan facilities na may concessional loan terms kasama ang Landbank of the Philippines (LBP) at ang Development Bank of the Philippines (DBP), tulad ng:
1.) Special Package for Environment-Friendly and Efficiently Driven Public Utility Vehicles (SPEED PUV)
2.) Program Assistance to Support Alternative Driving Approaches (PASADA) Programs. Ang parehong loan facilities ay nag-ooffer ng 5% equity requirement at 6% annual interest para sa 7-year loan term.
2. Mga equity subsidies mula sa gobyerno para sa pagkuha ng mga modern units.
Para acquisition process, ang programa ay nagbibigay din ng subsidy sa equity o down payment na kinakailangan. Mayroong dalawang (2) scheme na magagamit para ma-access ito:
• Sa pamamagitan ng Special Loan Facilities: LBP SPEED PUV at DBP PASADA Programs.
Kasalukuyang ding nagbibigay ng graduated subsidy na nagkakahalaga ng PhP 210,000.00 hanggang PhP 280,000.00 alinsunod sa DOTr DO No. 2023-018 (karagdagang pag-amyenda sa DO No. 2020-006 at DO No. 2018-016). Sa una, ang mga rate ay naka-ayon sa PhP 80,000 at PhP 160,000 noong 2018 at 2020.
• Sa pamamagitan ng Commercial Loan sa mga Pribadong Bangko (Commercial, Rural, Cooperative Banks, at In-House Financing).
Ang inilabas kamakailan na DOTr DO 2022-005 at LTFRB MC 2022-063 ay nagpalawak sa pagpapatupad ng equity subsidy program sa pamamagitan ng pagbibigay-daan sa mga operator na pumili ng pribadong financing access sa subsidy na ito ng gobyerno. Bukod pa rito, kinocover na nito ngayon ang iba pang transportasyon tulad ng modern minibus at modern PUB. Dahil dito, nagsagawa ng Memorandum of Understanding (MOU) sa pagitan ng DOTr, LTFRB, at Philippine Guarantee Corporation (PHIL GUARANTEE) para sa pakikipag-ugnayan ng mga pribadong bangko at sa potensyal na paggamit ng available government guarantee funds para sa programa.
Bukod dito, ang expanded implementation ay gumagamit ng mga graduated equity subsidy rate na isinasaalang-alang ang mga commercial terms na pinalawig ng commercial at private banking industry gaya ng nakadetalye sa ibaba:
Equity Subsidy Rates sa ilalim ng GAA 2023 (LTFRB MC 2022-063)
Type of Vehicle Equity Subsidy (in PhP)
MPUJ Class 1 210,000.00
MPUJ Class 2/3/4 360,000.00
Modern UVE 360,000.00
Modern Minibus 400,000.00
Modern PUB 600,000.00
Ang Office of Transportation Cooperatives (OTC) ay nagpalawak din ng mga seminar tungkol sa epektibong pamamahala sa isang kooperatiba.
Ang PUV Modernization Program ay hindi lamang para sa pagpapaganda ng mga PUV, ito ay pagtugon na rin sa panawagan ng buong mundo para sa Global Climate Change.
Matagal na panahon na ring naantala ang modernization dahil sa dumaang Pandemic, so,kung hindi ngayon, kailan pa maisasakatuparan ang programang ito?
PARA SA BAGONG PILIPINAS
