26/04/2023
قلعہ بجنوٹ
ضلع رحیم یار خان
وہ قلعہ جسے 1971 کی جنگ میں انڈیا نے بری طرح تباہ کر دیا
یہ قلعہ بہاولپور سے تقریباً 140 کلومیٹر کچے پکے راستے پہ واقع ہے اور چولستان کی جان دراوڑ قلعہ سے 90 کلومیٹر کے فاصلے پہ سراٸیکی وسیب کی شان چولستان جہاں اب چولستان جیپ ریلی منقد ہوتی ہے
یہ قلعہ نواں کوٹ قلعہ سے 45 سے 50 کلومیٹر کے فاصلے پر واقع ہے۔ اس قلعہ کو بنانے میں چونے کا پتھر استعمال ہوا ہے، جو مقامی طور پر پایا جاتا ہے۔ یہ قلعہ گول شکل میں ہے، جو چاروں طرف 300 فٹ تک پھیلا ہوا ہے۔ شمال کی طرف 11 فٹ چوڑا داخلی دروازہ ہے، جس پر 3 کمرے بنے ہوئے ہیں۔ اس کی دیواریں 21 فٹ تک بلند ہیں۔
قلعہ بجنوٹ کا پرانا نام قلعہ ونجھروٹ تھا۔ اس قلعہ کو راجا ونجھہ یا بجا بھاٹیا نے 757ء میں تعمیر کروایا تھا۔
کہتے ہیں یہاں اس نے ایک دیوی کا مندر بھی تعمیر کروایا قلعہ بڑی مضبوط فصیل اور منفرد طرز تعمیر کا حامل تھا
وقت کے مختلف دور دیکھنے کے بعد 1178ء میں اس قلعہ کو شہاب الدین غوری نے مسمار کرا دیا تھا۔ یہ قلعہ مدتوں تک کھنڈر کی حالت میں پڑا رہا پھر 1757ء میں موریا داد پوترہ نے اس کی ازسر نوتعمیر کرائی۔ 1759ء میں علی مراد خان نے یہ قلعہ لے کر مرمت کرائی۔ دو سو سال تک یہ قلعہ مرمت کے بغیر پڑا رہا۔ریاست بہاولپور میں بھی اس کی طرف توجہ نا دی گٸ پھر انگریز دور میں بھی قلعہ ایسے ہی رہا قیام پاکستان کے بعد بھارت کے جنگی جنون نے اس قلعہ کو مسمار ہی کر دیا 1971 میں جہاں بھارت نے اپنا جنگی جنون اس خستہ حال قلعہ پہ پورا کیا۔
اب یہ قلعہ کھنڈر کی صورت میں موجود ہے، مگر پھر بھی یہ اپنی شاندار حالت کو بیان کرتا ہے۔ اور اس کے علاوہ یہاں کے مقامی لوگوں نے بھی اس قلعہ کی اینٹوں کو اکھاڑ اکھاڑ کر اپنے گھروں کی تعمیر میں استعمال کیا
اپنے پراٸیوں کی ستم ظریفوں کی داستان بیان کرتا یہ قلعہ آج اپنے بڑھاپے کی شکستگی و وحشت کا منہ بولتا ثبوت ہے جس کی طرف توجہ کسی نے نہیں دی
کاش ایسا ہو جاۓ ہمارے سراٸیکی وسیب جس کی شان کم و بیش 28 قلعے ہیں ان کی طرف نظر عنایت ہوجاۓ ان کی بحالی کا کام ہوجاۓ جس سے بہترین سیاحتی ثقافتی سرگرمیاں بحال ہو جاٸیں جیپ ریلی کے ساتھ ساتھ اس وسیب کی تاریخی حیثیت اور ثقافت کو بھی پوری دنیا کے سامنے لایا جاسکے
تحریر۔ تنویر حسین کسانہ گجر
