ደርፍታት ትግርኛ (2025)

27/12/2024

ኣብ ትግራይ ዝተወለዐ ከቢድ ውግእን ግህሰት ሰብኣዊ መሰልን ብጆ ባይደን ዝምራሕ መንግስቲ እታ ሃገር ዝሃቦ ግብረ መልሲ ኣብ ስደት ዝነብሩ ትውልደ እዛ ሃገር ንዶናልድ ትራምፕን ውድብ ሪፓብሊካንን ንኽመርፁ ከምዝደረኾም ኣፍሊጦም።

ማዕከን ዜና ናሽናል ሎሚ ኣማስዩ ኣብ ዝዘርገሖ ዜና ከምዝሓበሮ ጆ ባይደንን ውድቦም ዴሞክራትን ኣብ ትግራይ ኣብ ዝተኻየደ ውግእን ንዚ ክሳብ መወዳእታ ኣብ ምእላይ ንዘርኣይዎ ዙሕቱል ኣካይዳታት ኣብ ዝሓለፈ ወርሒ ሕዳር ኣብ ሑቡራት ኣመሪካ ኣብ ዝተኻየደ ሃገራዊ መረፃ ትውልደ ኢትዮጵያ ኣብ ሑቡራት ኣመሪካ ንውድብ ዴሞክራት ብምጉሳይ ንውድብ ሪፖብሊካን ንኽመርፁ ከምዝተገደዱ ኣረዲኡ።

ኣብ ትግራይ ዘጋጠመ ከቢድ ደማዊ ውግእ ስዒቡ ብኹሎም ሓይልታት ዑጡቓት ንዝተፈፀመ ቁሉዕ ሰብኣዊ ግህሰትን ከቢድ ገበን ኲናትን ብጆ ባይደን ዝምራሕ መንግስትን ውድብ ዴሞክራትን ዘርኣይዎ ሸለልትነት ኣፍቲ ዝተኻየደ መረፃ ብካርዲ ድምፂ ንኽቐፅዕዎም ከምዝደረኾም ዝሓበሩ ኣድመፅቲ ትውልደ ኢትዮጵያ ሐዚ'ውን መዕለቢ ኽግበረሉ ብዘይምኽኣሉ ኣብ ዘበነ ትራምፕ ቁልጡፍ መፍትሒ ንኽመፅእ ብምትስፋው ንፕረዚደንት ዶናልድ ትራሞፕን ንፖለቲካዊ ውድቦም ሪፖብሊካንን ድምፆም ኽህቡ ከምዝኸኣሉ ሓቢሮም።

ኣብ'ዚ ሐዚ እዋን ኣብ ትግራይ ዝተኻየደ ከቢድ ደማዊ ውግእ ብመሰረት ውዕል ፕሪቶርያ ደው ክብል እኳ እንተኸኣለ ብሰንኪ እቲ ዝተኻየደ ውግእ ዝተመዛበለ ህዝቢ ሐዝ'ውን ናብ መረበቱ ከምዘይተመለሰ ዝሓበሩ እቶም ትውልደ ኢትዮጵያ ኣመሪካውያን ፤ ንዚ ትኹረት ዘይሃበ ምምሕዳር ጆ ባይደንን ውድቦም ዴሞክራትን ንዘይምምራፅ ከምዝወሰኑ ኣፍሊጦም ክብል እቲ ማዕከን ዜና ንቶም ትውልደ ኢትዮጵያውያን ኣመሪካውያን ብምዝርራብ ፀብፂቡ።

እቲ ሕብረተሰብ ናብ ውድብ ሪፓብሊካን ገፁ ብምዟር ዶናልድ ትራምፕ ኣብ ልዕሊ ኣፍሪካ ብሓፈሻ - ብፍላይ ክኣ ኣብ ልዕሊ ትግባረ ስምምዕ ፕሪቶርያ ፖሊሲ ኣሜሪካ ክቕይሮ እዩ ዝብል ተስፋታት ብምንባሮም ምዃኑ ገሊፁ።

ኣብ ዝሓለፋ ኣርባዕተ ዓመታት ፍሉይ ልኡኽ ሑቡራት ኣመሪካ ኣብ ቀርኒ ኣፍሪካ ዝኾኑ ኣምባሳደር ማይክ ሃመር ክሳብ 20 ጊዜ ተመላሊሶም'ዮም ብመንፅር ውፅኢት ክዕቀን ከሎ ግን ዝፈየድዎ ነገር ከምዘየለን ተስፋ ዘቑረፅ ርእሰ ጉዳይ ምዃኑን ወሲኾም ሓቢሮም።

ብተወሳኺ ሕብረተሰብ ኢትዮጵያ ብኹሎም ኣሜሪካውያን ዝቃለሱሉ ዘለዉ ቁጠባዊ ጉዳያት፣ ናህሪ ዋጋታት ዕዳጋ ፣ ዋጋ ክራይ መንበሪ ኣባይትን ስእነት ስራሕን ሓዊሱ ሰማይ ዓሪጉ ኣብ ዘለወሉ እዋን ምምሕዳር ጆ ባይደን ኣብ ክንዲ ንሃገርን ህዝብን ኢትዮጵያ ምርኣይ ንውልቀ መለኽቲ ከምዝደገፉን ብመንገዲ ኣህጉራዊ ትካል ገንዘብን ባንኪ ዓለምን ገደብ ዘይብሉ ልቓሕ ክወሃብ ምግባሮምን ተወሳኺ እምነት ምንባር ከምዝተስኣኖም ወሲኾም ገሊፆም።

ኣብ ኢትዮጵያ ሕግን ስርዓትን ኣብ ዝተዳኸመሉ ምልክነት ኣብ ዝሳዕረረሉ እዋንን ጎንፅን ህውከትን ኣብ ዝተፈላለዩ ክፋላት እዛ ሃገር እንዳተበራኸተሉ ኣብ ዝኸደሉ ዘሎ እዋን ኣብ ዕድመ ስልጣን ዶናልድ ትራምፕ ክመሓየሽን እዛ ሃገር ናብ ዝሓሸ ሂወትን ርግዓትን ንኽምለስ ከምዝሰርሑ እምነቶም ኣንቢሮም ከምዘለው ኣብሪሆም።

ደርፍታት ትግርኛ

28/12/2024

28/12/2024

28/12/2024

28/12/2024

28/12/2024

27/12/2024

26/12/2024

Address

Website

Alerts

Videos

Shortcuts

Share