20/08/2023
Open Letter to Cebu City Mayor Mike Rama
TRUTH & TRANSPARENCY: LIFETIME ACHIEVEMENT AWARD o MEDICAL TREATMENT SA US?
Base sa Cebu City News and Information, milarga si Mike Rama niadtong August 15, 2023 aron modawat og Lifetime Achievement Award gikan sa American Excellence Award sa California, USA.
Sa akong pakisusi, wala si Mayor Mike Rama sa official list of awardees sa American Excellence Award nga makita sa ilang official website ang https://americaexcellenceawards.com/. Sa ato pa, dili awardee si Rama sa American Excellence Award ug DAKONG BAKAK ang press release ni Mayor Rama ug sa Cebu City News and Information mahitungod sa tinuod nga rason sa pagbyahe ni Rama sa US.
Mao nga migawas ang spekulasyon nga ang tinuod nga rason sa pagbyahe ni Mike Rama sa US kay ang pagpatambal sa iyang gihambin nga balatian sa usa ka iladong cancer hospital sa US. May sakit o wala, seryos o dili, dapat ipahibalo ni Mayor Rama sa mga Cebuanos nga nagpili kaniya ang tinuod niyang Health Condition, labi na nga klaro kaayo ang dakong kausaban sa physical appearance sa Mayor, sama sa pag-hinay sa lihok, pag-niwang sa lawas ug pag-luspad sa nawong ug panit. Klaro sad nga pinugos na kaayo ang lihok sa mayor.
Mayor Rama namakak na man ka mahitungod sa award issue, hinaut dili na ka mamakak sa imong tinuod nga medical condition ug ipagawas nimo imong medical certificate, laboratory, imaging ug uban pang test results. Maayo na lang makabawi ka sa daghang panahon nga namakak ka sa mga cebuanos. Magpaabot mi, Mayor ha.
Anne Legazpi, August 20, 2023
