28/11/2022
गगनलाई राठौरको ‘काउन्टर’, भने – म पनि प्रधानमन्त्रीका लागि तयार छु ।
बाँके । नेपाली कांग्रेसका सहमहामन्त्री किशोर सिंह राठौरले आफू प्रधानमन्त्रीका लागि सक्षम र तयार रहेको दाबी गरेका छन् । प्रतिनिधिसभा बाँके क्षेत्र नम्बर ३ बाट विजयी भएपछि पहिलोपटक पत्रकार सम्मेलनमा बोल्दै उनले यस्तो दाबी गरेका हुन् ।
महामन्त्री गगन थापाले प्रधानमन्त्रीको दाबेदारी पेस गरिरहदा सहमहामन्त्री सिंह राठौरले आफू पनि प्रधानमन्त्रीका लागि सक्षम रहेको बताए । महामन्त्री थापालाई संगठन बनाउनका लागि मत दिएको विर्सन नहुने बताउँदै उनले प्रधानमन्त्रीको दाबी पाँच वर्षपछि गर्न सुझाव दिए ।
