तृणादपि सुनीचेन तरोरपि सहिष्णुना।
14/09/2024
-------बल पुर्वक कृष्ण चिन्तनमा लगाउनु पर्छ ---
कृष्णभक्त्तले हरेकृष्ण महामन्त्रको संकीर्तनद्वारा नारायण, कृष्ण, राम आदि कुनै पनि रुपमा आफ्ना पूजनीय परमेश्वरको निरन्तर चिन्तन गर्न सक्दछ | यस्तो अभ्यासले उसलाई शुद्ध बनाउँछ र भागवन्नामको निरन्तर जप गर्नाले जीवनको अन्त्यमा उसले भगवद्धाम प्राप्त गर्दछ | योग भनेको पनि आफ्नो अन्तस्करणमा रहेका परमात्माको ध्यान गर्नु हो र हरेकृष्ण महामन्त्रको जपद्वारा पनि ठीक त्यसै गरी मानिसले आफ्नो मन परमेश्वरमा स्थिर गर्न सक्दछ | मन चञ्चल भइरहने हुँदा यसलाई बलपूर्वक कृष्ण चिन्तनमा लगाउन अत्यन्त आवश्यक छ | जसरी एउटा झुसिलकिरो पुतली बन्न चाहन्छ र त्यो यसै जीवनमा पुतली भएको दृष्टान्त पनि देख्न पाइन्छ, त्यसै गरी यदि हामीले पनि निरन्तर कृष्णको चिन्तन गरिरह्ययौं भने जीवनको अन्त्यमा कृष्णकै जस्तो शारीरिक अवस्था प्राप्त गर्ने कुरा निश्चित छ |
भगवद्गिता ८.८ तात्पर्य
