24/09/2022
သိုၵ်းလွႆTNLAတူင်ႉၼိုင် ၸွမ်းတၢင်းၵႃးမူႇၸေႊ-ၼမ်ႉၶမ်းသေ
ၵဵပ်းၶွၼ်ႇလူတ်ႉၵႃးလွတ်ႈလႅဝ်း
24.09.2022
မိူဝ်ႈဝႃးၼႆႉ မီးသိုၵ်းလွႆ TNLA တင်းၼမ်သေ ဢွၵ်ႇတူင်ႉၼိုင် ၼႄႁိၵ်ႈႁၢၼ်ႇ တူင်ႉၼိုင်ၸွမ်းၸိူဝ်းတီႈတၢင်းၵႃးမူႇၸေႊ-ၼမ်ႉၶမ်း
သေ မီးလွင်ႈၵူတ်ႇထတ်းလူတ်ႉၵႃး ၵဵပ်းၶွၼ်ႇလူတ်ႉၵႃးၸိူဝ်းၼႆႉ
ဝႃႈၼႆ။
ၵဵဝ်ႇလူၺ်ႈလွင်ႈၼႆႉသေ ၵူၼ်းပိုၼ်ႉတီႈၶဝ် လၢတ်ႈၼႄဝႃႈ -ဝၼ်းထီႉ 23.09.2022ယၢမ်းၵၢင်ၼ်ႂလႃႈ 10:30 မူင်းၶိုင်ႈၼၼ်ႉ သိုၵ်း
လွႆ TNLA မီးႁႅင်းမွၵ်ႈ(50)ၵေႃႉၼႆႉ ၶဝ်ၽႄႁဵတ်း(3)ငႃးသေ လုၵ်ႉတၢင်းၼိူဝ်လွႆ ၽၢႆႇၸၢၼ်းတၢင်းၵႃး မူႇၸေႊ-ၼမ်ႉၶမ်း ဢွၵ်ႇတူင်ႉ
ၼိုင် ၸွမ်းၼိူဝ်တၢင်းၵႃးမူႇၸေႊ-ၼမ်ႉၶမ်း ဢေႃႈ၊ တႃႇငႃး(1) ၼၼ်ႉ ဢွၵ်ႇမႃးပႂ်ႉတီႈဝၢၼ်ႈၼွင်ၶၢင် တူင်ႇဝဵင်းၼမ်ႉၶမ်းဢေႃႈ၊
ထႅင်ႈ(2)ငႃးသမ်ႉ ၶဝ်ဢွၵ်ႇမႃးပႂ်ႉတီႈဝၢၼ်ႈၵွင်းမူး ဝၢၼ်ႈႁွင်းလွႆ
တူင်ႇဝဵင်းမူႇၸေႊဢေႃႈ၊ ဢၼ်ပႂ်ႉတီႈဝၢၼ်ႈႁွင်းလွႆၼႆႉတႄႉ ၶဝ်
ၵူတ်ႇလတ်ႉၵႃးၵႂႃႇမႃးႁေ ၵူတ်ႇဝႂ်ၶွၼ်ႇ လႄႈ ၵဵပ်းၶွၼ်ႇၵႃးတၢင်ႇ
ၵုၼ်ႇ ၸိူဝ်းၼႆႉဢေႃႈ။ ဝူင်ႈၼႆႉ TNLA ၶဝ်ၵႆႉဢွၵ်ႇတူင်ႉၼိုင် ၼိူဝ်
တၢင်းၵႃး မူႇၸေႊ-ၼမ်ႉၶမ်းထပ်းၵၼ်(ၶပ်ႉတၢမ်းၵၼ်)မႃးလၢႆလၢႆပွၵ်ႈတေႉတေႉဢေႃႈ ။
ၵဵဝ်ႇလူၺ်ႈလွင်ႈ ၸိူဝ်းၼႆႉ ၵူၼ်းပိုၼ်ႉတီႈ လႄႈ ၸဝ်ႈၵႃးၸိူဝ်းၼႆႉ ဢမ်ႇႁတ်းလၢတ်ႈသင် ဢမ်ႇႁတ်းဢွၵ်ႇၶၢဝ်ႇ တၢင်ႇၶၢဝ်ႇၼႂ်းၽဵတ်ႉသင်၊ ယွၼ်ႉဝႃႈ ၵူဝ်ၼႃႇၼႃႇၼၼ်ႉယဝ်ႉၶႃႈ။
ၵဵဝ်ႇလွင်ႈTNLAၵဵပ်းၶွၼ်ႇၼႂ်းတူင်ႇဝဵင်းမူႇၸေႊ-ၼမ်ႉၶမ်းၸိူဝ်းၼႆႉ မိူဝ်ႈပီႊၵၢႆ ၽူႈယႂ်ႇၼႂ်းၸုမ်းSSPP ၸဝ်ႈႁၢၼ်ႁိၼ်သႅင် ၶုၼ်သိုၵ်း
ၸၢႆးလိုၼ်း လႄႈ ၸၢႆးသႅင်ႁၢၼ် ၸဝ်ႈၸေႊဝဵင်းၼမ်ႉၶမ်းၶဝ်ၸိူဝ်း
ၼႆႉ ယၢမ်ႈလၢတ်ႈၼႄ ၼႂ်းပၢင်ၵုမ် ၽွင်းၶဝ်ႁူပ်ႉၵူၼ်းမိူင်းဝႃႈ ပေႃးသိုၵ်းလွႆTNLAမႃးၵဵပ်းၶွၼ်ႇ ယႃႇပေပၼ်၊ ႁႂ်ႈပွင်ႇၶၢဝ်ႇၽူႈမီးပုၼ်ႈ
ၽွၼ်းၼႂ်းSSPPၵမ်းလဵဝ် ၼႆဢေႃႈ။
ၽိူဝ်ႇTNLA မႃးယွၼ်းၶွၼ်ႇယဝ်ႉၵေႃႈ ၸဝ်ႈၵႃးလႄႈ ၸဝ်ႈလၢၼ်ႉ ၵႂႃႇႁူပ်ႉထူပ်းပွင်ႇၶၢဝ်ႇပၼ် ၸဝ်ႈႁၢၼ်ႁိၼ်သႅင် လႄႈ ၸၢႆးသႅင်
ႁၢၼ် ၸဝ်ႈၸေႊဝဵင်းၼမ်ႉၶမ်းၼၼ်ႉ ၶဝ်ၶိုၼ်းတွပ်ႇဝႃႈ ပီႈၼွင်ႉ
TNLAႁဝ်းမႃးယွၼ်းၶွၼ်ႇၵေႃႈ ထုၵ်ႇလီပၼ်ယူႇဢိူဝ်ႉ ၼႆယဝ်ႉ။
#ၶထမ
