20/12/2021
ဝရမ်းပြေးမ ပန်ဆယ်လိုက NLD က ဖွဲ့စည်းထားသည့် PDF အပါအဝင် အကြမ်းဖက်အဖွဲ့များထံ ငွေ သိန်း ၇၀၀၀ ကျော် ထောက်ပံ့ခဲ့ကြောင်း သိရ
ရန်ကုန်၊ ဒီဇင်ဘာ ၂၀
NLD ပါတီအနေဖြင့် မဲလိမ် မဲခိုး မဲမသမာမှုများကို စနစ်တကျ လုပ်ဆောင်ခဲ့သည့်အတွက် တပ်မတော်က အာဏာအရပ်ရပ်ကို လွှဲပြောင်းရယူပြီးနောက် NLD ပါတီမှ လွှတ်တော်ကိုယ်စားလှယ်ဟောင်းများ၊ ၈၈ ပွင့်လင်းမှ နိုင်ငံရေးလုပ်စားသူများ၊ NLD လော်ဘီများက ဆူပူအကြမ်းဖက်မှုများ ဖြစ်ပေါ်စေရန် လှုံ့ဆော်ခဲ့ကြသည်။ ထိုသို့ လှုံ့ဆော်သူများထဲတွင် လူမှုကွန်ရက်စာမျက်နှာပေါ်တွင် ဆဲရေးတိုင်းထွား ရေးသားဖော်ပြမှုများ ပြုလုပ်လေ့ရှိသည့် ပန်ဆယ်လို ဆိုသူအမျိုးသမီးသည်လည်း ဆူပူအကြမ်းဖက် လှုံ့ဆော်မှုများကို အစဉ်တစိုက် လုပ်ဆောင်ခဲ့သဖြင့် နိုင်ငံတော်က ပုဒ်မ ၅၀၅(ခ)ဖြင့် ဝရမ်းထုတ်ခဲ့ခြင်းဖြစ်သည်။
ဝရမ်းပြေးမှ ပန်ဆယ်လိုသည် လူမှုကွန်ရက်စာမျက်နှာမှ ဆူပူအကြမ်းဖက် လှုံ့ဆော်မှုများ ပြုလုပ်နေရင်းမှ မြန်မာနိုင်ငံအတွင်း အကြမ်းဖက်လုပ်ငန်းများ ဆောင်ရွက်နေသည့် NLD ပါတီက ဖွဲ့စည်းထားသော PDF အပါအဝင် NLDသြဇာခံ အကြမ်းဖက်အဖွဲ့များကို ငွေကြေးရှာဖွေ ထောက်ပံ့ပေးမှုများ လုပ်ဆောင်ခဲ့သည်။
ဝရမ်းပြေးမ ပန်ဆယ်လိုက အကြမ်းဖက်သမားများထံ ငွေကြေးထောက်ပံ့ခဲ့မှုနှင့် ပတ်သက်၍ "PDF, LDF, ပကဖ၊ UG အစရှိတဲ့ အကြမ်းဖက်ရဲဘော်များထံ လေးလဝန်းကျင်အတွင်း သိန်း၇၀၀၀ ကျော်ခန့် ပေးပို့နိုင်ခဲ့ပါတယ်။ ပေးပို့ခဲ့တဲ့ မှတ်တမ်း၊ သက်သေအပြည့်အစုံကို စာရင်းပြုစုထားပါတယ်။ Public မှာ စုတင်လိုက်ချင်ပေမယ့် အချို့လုံခြုံရေးပြသနာ ပေါက်ကြားမှုပြသနာများ ရှိလာမှာ စိုးတာကြောင့် ပွင့်လင်းမြင်သာမှုရှိစေရန် NUG အကြမ်းဖက်ခေါင်းဆောင်များထံ ပေးပို့ထားမယ်လို့ စဉ်းစားထားပါတယ်။ တာဝန်ရှိသူများကိုလည်း ပြောဆိုထားပြီးဖြစ်ပါတယ်။ သိန်း၇၀၀၀ ကျော်ဆိုတာ Individual Fundraiser အနေနဲ့ အလှူငွေကောက်ခံရာမှ ရရှိငွေပမာဏဖြစ်ပါတယ်။ Fundraiser အဖွဲ့အစည်းများရဲ့ စီမံခန့်ခွဲမှုနဲ့ ပေးပို့ထားတဲ့ နယ်လှည့်ရန်ပုံငွေခရီးက ရရှိငွေများ မပါပါ။ စုစုပေါင်း သိန်းပေါင်းတစ်သောင်းဝန်းကျင်ခန့် ရှိမယ်လို့ ခန့်မှန်းရပါတယ်။" ဟု ရေးသားဖော်ပြထားသည်ကို တွေ့ရသည်။
၅၀၅ (ခ) ဖြင့် ဝရမ်းထုတ်ခံရပြီးနောက် အကြမ်းဖက်အားပေး အမေရိကန်အစိုးရ၏ အကူအညီဖြင့် မင်းကိုနိုင်၊ မျိုးရန်နောင်သိန်း၊ ပန်ဆယ်လို အစရှိသည့် အကြမ်းဖက်လှုံ့ဆော်သူ ဝရမ်းပြေးများသည် အမေရိကန်နိုင်ငံသို့ တရားမဝင် လမ်းကြောင်းဖြင့် ရောက်ရှိသွားခဲ့ကြပြီး အမေရိကန်နိုင်ငံအတွင်း ရန်ပုံငွေ ကောက်ခံပွဲများ ကျင်းပ၍ ပြည်တွင်းရှိ PDF အပါအဝင် အကြမ်းဖက်သမားများထံ ငွေကြေး၊ လက်နက် ထောက်ပံ့ပေးနေခြင်းဖြစ်သည်။
အကြမ်းဖက်အားပေး အမေရိကန်၏ ကူညီထောက်ပံ့မှုဖြင့် NLD ပါတီက ဖွဲ့စည်းထားသော PDF အပါအဝင် အကြမ်းဖက်အဖွဲ့အစည်းများသည် ဆရာတော်သံဃာတော်များ၊ ဆရာ/ဆရာမ၊ အစိုးရဝန်ထမ်း၊ အပြစ်မဲ့ ပြည်သူများကို လုပ်ကြံသတ်ဖြတ်မှုများ ကျူလွန်ခဲ့သည်မှာ ၁၅၀၀ ကျော်အထိ မြင့်တက်လာခဲ့သည်။
NLD, PDF အကြမ်းဖက်သမားများသည် စစ်ကိုင်းတိုင်းဒေသကြီး တန့်ဆည်မြို့နယ်တွင် အစုလိုက်အပြုံလိုက် သတ်ဖြတ်မှုပေါင်း ၅ကြိမ်ထက်မနည်း ကျူးလွန်ခဲ့ကြသည်။
အမေရိကန်နိုင်ငံတွင် ရောက်ရှိခိုလှုံနေသော NLD ပါတီမှ အကြမ်းဖက်လှုံ့ဆော်သူ မင်းကိုနိုင်၊ ကျော်မိုးထွန်း၊ မျိုးရန်နောင်သိန်း၊ ပန်ဆယ်လို တို့ကို အမေရိကန်ရောက် မြန်မာနိုင်ငံသားတစ်ဦးက FBI တွင် အမှုဖွင့် တိုင်ကြားခဲ့သော်လည်း အရေးယူဆောင်ရွက်ခြင်း မရှိပေ။
နိုင်ငံတော်စီမံအုပ်ချုပ်ရေးကောင်စီအနေဖြင့် အမေရိကန်နိုင်ငံသား အကြမ်းဖက်လှုံ့ဆော်သူတစ်ဦးကို လူသားချင်း စာနာမှုအရ ပြန်လည်လွှတ်ပေးခဲ့သော်လည်း အမေရိကန်အနေဖြင့် ၎င်းတို့၏ နိုင်ငံအတွင်း လက်ခံထားသော အကြမ်းဖက်ခေါင်းဆောင် ဝရမ်းပြေးများကို မြန်မာနိုင်အား ပြန်လည်လွှဲပြောင်းခြင်း မရှိသည့်အပေါ် သတင်းစာ ရှင်းလင်းပွဲတွင် မေးမြန်းခဲ့ရာ ဗိုလ်ချုပ်ဇော်မင်းထွန်းက အကြမ်းဖက်လှုံ့ဆော်သူများနှင့် ပတ်သက်သည့် အချက်အလက်များကို နိုင်ငံတကာ ရဲတပ်ဖွဲ့နှင့် သက်ဆိုင်ရာ နိုင်ငံများသို့ ပေးပို့ထားကြောင်း၊ ပြန်လည်လွှဲပြောင်းခြင်း/ မလွှဲပြောင်းပေးခြင်းသည် ၎င်းတို့၏ နိုင်ငံကြီး ပီသမှု/ မပီသမှုနှင့်သာ သက်ဆိုင်ကြောင်း ပြောကြားခဲ့သည်။
MNP
