26/08/2023
أرواحو تضحكوا 😂😂😂😂😂
كاين واحد جزائري عايش في #كندا بدا يخدم في سوبيرات كبيرة ، النهار الأول المدير دارلهم اجتماع و قعد يسقسي فيهم كل واحد لشحال من كليو باع .
الأول باع لـ 50 مشتري
الثاني 45 مشتري
الثالث 55 مشتري
الجزايري باع لمشتري واحد
زعف المدير و قالو : لازم تتعلم تخدم ولا تروح لبلادك .. المهم بشحال بعتلو ؟
قالو الجزايري : 93000 دولار .
وقف المدير و قالو : وش بعتلو بـ 93000 دولار ؟؟!!!
قالو : فالأول بعتلوا صنارة و من بعد نصحتوا يصيد في وسط البحر زدت بعتلوا فلوكة و من بعد سقسيتو إلا عندو شبكة و بعتلوا الشبكة بيسك عندو فلوكة و من بعد نصحتوا يخيم و بعتلوا خيمة و لواحقها و بعتلوا شواية باش ياكل الحوت اللي يصيدوا كي يخيم .. و هكذا وصلتوا لـ 93000 دولار .
قالوا المدير : تسما بعتلو هاذو كامل و هو جاء من الأول باش يشري صنارة فقط ؟؟
قالوا : لا ، هو من الأول جاء يشري باطة حليب لولدو بيسك مرتو رايحة تغيب عند ماليها .. ياخي قتلو مادام راك وحدك و راه الويكاند و الفيد علاه ما تروحش تصيد الحوت و من هنا الدخلة و بديت نخدم فيه !
#المهم المدير قرر يعمل دورة تكوينية في #الجزائر لتقنيات التسويق هههههههههه
😁😁😁😁
