MTC POST

09/03/2023

صوبائی اسمبلیاں تحلیل کرنا یہ سوچ کر کہ جنرل الیکشنز میں صوبوں پہ نگران حکومت کے بجائے اپنا کنٹرول ہوگا ایک بلنڈر ثابت ہوا۔
یہ فیصلہ اپنے ہاتھ پاؤں کاٹنے کے مترادف ثابت ہوا۔
عمران ریاض اور دیگر یوٹیوبرز نے اس کو 'سرپرائز' کہہ کہہ کر عمران خان کو مزید ہلہ شیری دی اور اندھی کھائی میں دھکیل دیا۔ اب بیٹھ کر تماشا دیکھ رہے ہیں۔
ضمنی الیکشنز کے نتائج نے ثابت کردیا کہ پی ڈی ایم کے فل کنٹرول کے باؤجود انتخاب کے نتائج عمران خان کے حق میں آئے۔ پھر اس مہم جوئی کی کیا ضرورت تھی؟
قومی اسمبلی سے استعفے دینا بھی بلنڈر تھا۔ جب وہ استعفے منظور ہوئے تو صدیق جان اور عمران ریاض نے تب بھی عمران خان کے قہقہوں والی تصاویر لگا کر 'سرپرائز' لکھا تھا۔ ان یوٹیوبرز نے لوگوں سے خوب داد سمیٹی۔ بعد میں پتہ چلا کہ عمران خان حقیقتاً اسمبلی واپس جانا چاہتا تھا اور استعفوں کی منظوری روکنے عدالت کے پاس گیا۔
آپ یہ نہ کہیں کہ عمران خان دراصل انکو اخلاقی شکست دینا چاہتا تھا اور عمران کے استعفوں سے پی ڈی ایم شرمندہ ہوکر خود ہی اپنی حکومت توڑ دیتی۔ عمران خان کو انکی اخلاقیات پہ اتنا یقین ہوتا تو ان سے بات کرتا۔ 😏

غلطی تسلیم نہ کرنا زیادہ بڑی غلطی ہوتی ہے اور آپ کو مزید غلطیوں پہ مجبور کرتی ہے۔ اس وقت عمران خان اپنی زندگی کی سب سے مشکل صورتحال میں پھنسا ہوا ہے۔ اسکو سوچنا چاہیئے کہ کہاں کہاں کیا کیا غلطی ہوئی۔ کون خیر خواہ تھا کس نے میری مقبولیت کو اپنی چند بوٹیوں کے لیے کیش کیا۔

امید ہے وہ اس صورتحال سے نکل آئنگے۔ سیاست میں کچھ بھی حرف آخر نہیں ہوتا۔ بعض اوقات ایک قدم پیچھے ہٹنا بھی فیصلہ کن فتح دلا دیتا ہے۔ عمران خان کو صدر عارف علوی سے ایک اور ملاقات کرنی چاہیئے۔

تحریر شاہد خان

27/02/2023

19/02/2023

اس پروجیکٹ کو جوائن کریں ان کی اپنی بلاک چین ھے اور BFIC اس بلاک چین کا کوائن ھے جس کی اس وقت پرائس تقریباً 18$ ھے.. اب انہوں نے BFIC کی بلاک چین پر BLV ٹوکن لانچ کیا ھے جس کی قیمت 0.02 ھے بہت جلد اس کی قیمت 2$ پر پہنچنے کی قوی امید ھے.. اکاؤنٹ بنانے پر اپکو 100 ٹوکن ملتے ہیں اس کے مائیننگ سٹارٹ ہوگی.. مجھے لگتا ھے یہ ایک بہت اچھا موقع ہے اس سے فائدہ اٹھائیں
جس نے اکاؤنٹ نہیں بنایا اس لنک سے بنا لیں
نوٹ: ریفرل کوڈ یاد رکھیں اکاؤنٹ بناتے وقت اس کی ضرورت لازمی ہوتی ہے۔

Referral Code: EAOCKZ
Hi! I would like to invite you to B-Love Network.

Follow the link, download the B-Love Network App & Get 500 BLV Tokens for Free by using this
Referral Code: EAOCKZ

https://play.google.com/store/apps/details?id=biz.innovationfactory.bnetwork

05/02/2023

اِنَّا لِلّٰہِ وَاِنَّآ اِلَیْہِ رَاجِعُوْنَ
میرا ہیرو میرا لیڈر پاکستان کا ہیرو چلا گیا۔

30/01/2023

کیا فوج اور پی ٹی آئی واپس ایک پیج پر آسکتے ہیں؟
کیا یہ ریاست یا فوج یا پی ٹی آئی کے مفاد میں ہوگا؟
اور اگر اس کی کوشش کی جائے تو؟

عمران خان سے میرے اختلاف کی وجہ سوائے اسکی فوج مخالف مہم کے اور کچھ نہیں۔ لیکن اس کے باؤجود پی ڈی ایم اور اس کے زیر کنٹرول بیوروکریسی سے نمٹنے کے لیے مجھے عمران خان کے سوا کوئی اور آپشن نظر نہیں آتا۔ میں ایسے لوگوں کو جمع کرنا چاہتا ہوں جو چاہتے ہیں کہ فوج اور پی ٹی آئی واپس ایک پیج پر آجائیں۔

یہ کیا جاسکتا ہے کہ پی ٹی آئی کے فوج پر لگائے گئے تمام الزامات اور فوج کی پیش کی گئی صفائی اور جوابی الزامات کے حوالے سے جتنی معلومات دستیاب ہیں ان کو ایک جگہ جمع کیا جائے۔ اس میں چھانٹی کر کے صرف وہ چیزیں سامنے رکھیں جن کی صداقت میں کوئی شک و شبہ نہیں۔ انہی کے ذریعے سچ تک پہنچنے کی کوشش کریں۔ وہی سچ عوام کے سامنے رکھیں۔

ان عناصر کی نشاندہی کریں جو اس لڑائی کی وجہ ہیں اور ان عناصر کی بھی جو اس لڑائی کو بڑھاوا دینا چاہتے ہیں۔

پی ٹی ائی کا موقف یہ ہے کہ ان کی حکومت فوج نے گرائی ہے یا کم از کم انہوں نے پی ٹی آئی حکومت کو گرنے سے بچایا نہیں۔ جس کی وجہ سے ملک کو جو نقصان ہو رہا ہے اس کی ذمہ دار بھی فوج ہے۔ نیز اس کے بعد سے پی ٹی آئی کے خلاف جو جو اقدامات کیے گئے وہ سب فوج کر رہی ہے جیسے ارشد شریف کو فوج نے قتل کیا، عمران خان پر فوج نے قاتلانہ حملہ کیا، اعظم سواتی سمیت پی ٹی آئی راہنماؤوں کی گرفتاری و تشدد فوج نے کروایا اور پی ٹی آئی کے خلاف فوج پولیٹیکل انجنیرنگ کر رہی ہے وغیرہ وغیرہ۔ اس کی تفصیل سے آپ سب واقف ہیں۔

دوسرا موقف میں آپ کے سامنے رکھتا ہوں اس کو آپ فوج کے حامیوں کا یا میرا موقف بھی کہہ سکتے ہیں۔ وہ یہ کہ فوج اور عمران خان میں کچھ معاملات پر اختلاف ہوا جو بتدریج سرد مہری میں تبدیل ہوا۔ تحریک عدم اعتماد عرصے سے چل رہی تھی لیکن عمران خان کے انتخابی اصلاحات سے خوفزدہ ہوکر زرداری نے بھی اس میں اپنا وزن ڈال دیا جس کے بعد وہ موثر ہوگئی۔ فوج نے بچانے کی کوشش کی لیکن بےدلی سے جس کی وجہ وہی اختلافات تھے۔ اس وجہ سے فوج یا یوں کہہ لیں جنرل باجوہ اورعمران خان میں سردمہری مزید بڑھ گئی۔

اس پر بشری بی بی اور چند یوٹیوبرز کے زیر اثر فوج یا چند جرنیلوں کے خلاف سوشل میڈیا مہم کا آغاز کیا گیا۔ عمران خان پر سب سے زیادہ اثر بشری بی بی کا ہے جس کو عثمان بزدار وغیرہ کے معاملے پر فوج پر شدید غصہ ہے۔ پی ٹی آئی کی یہ مہم ہر لحاظ سے پی ڈی ایم کے مفاد میں تھی لہذا انہوں نے ہر ممکن کوشش کی کہ جلتی پر تیل ڈالا جائے اور پی ٹی آئی کے فوج سے متعلق تمام دعؤوں کو سچ ثابت کیا جائے یوں انکی یہ مہم جاری و ساری رہے۔ اس کے بعد پی ٹی آئی کارکنوں میں فوج کے خلاف نفرت پھیلتی چلی گئی۔ دوسری جانب پی ٹی آئی کے خلاف فوج کے اعلی رینکس میں بھی بددلی یا بیزاری پھیل گئی۔

فوج مکمل طور پر لاتعلق ہوگئی جس کے بعد بیوروکریسی بشمول عدلیہ، الیکشن کمیشن، پولیس، ایف آئی اے اور پیمرا وغیرہ کی مدد سے پی ڈی ایم کھل کر کھیلنے لگی اور نہ صرف اپنے خلاف تمام مقدمات ختم کیے بلکہ ان تمام سول اداروں پر اپنے بےپناہ اثرورسوخ کی بدولت بھرپور عوامی حمایت رکھنے والی پی ٹی آئی کو مکمل طور پر بےدست و پا کر دیا۔ اس کو بھی پی ٹی آئی کا بیانیہ بنانے والے عناصر نے فوج کی کارستانی قرار دے کر فوج کے خلاف عوام کو مزید اکسایا۔

شائد پی ٹی آئی کا موقف ٹھیک ہو یا یہ ہوسکتا ہے کہ دوسرا موقف ٹھیک ہو۔ یا دونوں کا کچھ حصہ ٹھیک اور کچھ غلط ہوسکتا ہے۔

ان دونوں بیانیوں کے حوالے سے حقائق کو جمع کرنے ہیں اور جن سوالات کے جوابات نہیں ملے ان کے جوابات حاصل کرنے ہیں۔ ان شاءاللہ تمام تشنہ سوالات کے جوابات حاصل کیے جائنگے۔ پی ٹی آئی اور فوج کی اعلی قیادت تک اپنی بات پہنچانی ہے۔ یاد رکھیں کہ عمران خان بار بار کہہ رہا ہے کہ اس کی فوج سے کوئی لڑائی نہیں اور فوج ہی سب سے منظم ادارہ ہے جس سے ہم نے کام لینے ہیں۔ وہ آئی ایس آئی سے احتساب کا کام لینے کا بھی بارہا کہہ چکا ہے۔

میں اس پر کام کرنا چاہتا ہوں۔ جن لوگوں کو لگتا ہے کہ یہ پاکستان کے حق میں ہوگا اور پی ٹی آئی اور فوج میں دوری ختم ہوئی تو بہت سی چیزیں ٹھیک ہونا شروع ہوجائینگی وہ میرا ساتھ دے سکتے ہیں۔ جن کو لگتا ہے کہ فوج کے خلاف لڑائی جاری رہنی چاہئے اور یہ آزادی کی کوئی نئی قسم ہے جس کا پی ٹی آئی کو کوئی بہت بڑا فائدہ ہوگا وہ اپنی مہم جاری رکھیں۔

کچھ گروپس بنائیں گے جہاں ساتھیوں کو اکھٹا کیا جائیگا۔ ایک پلیٹ فارم ہوگا جہاں انفارمیشن جمع کر کے اس کو مسلسل ترتیب وار پبلش کیا جائیگا۔

اگر اس پر ٹھیک سے کام کیا جائے تو یہ بہت سی غلط فہمیوں کو دور کیا جا سکتا ہے جس کے بعد یہ اندھیرے دور ہوسکتے ہیں اور نئی صبح طلوع ہوسکتی ہے جس کی امید ہم سب نے باندھی ہوئی ہے۔ جو جو اس کوشش میں میرا ساتھ دینا چاہیں وہ میسج یا کمنٹ کے ذریعے بتا سکتے ہیں اور اس حوالے سے اپنے سوالات بھی سامنے رکھ سکتے ہیں۔

تحریر شاہد خان

01/01/2023

افغانستان میں انجن بنانے کی فیکٹری کہاں موجود ہے
افغانستان میں گاڑیوں کے شیشہ بنانے کا کارخانہ کہاں پر
موجود ہے؟
افغانستان میں ٹائر بنانے کا کارخانہ کہاں پر موجود ہے؟
افغانستان میں ایک Refabricated سپورٹس کار ماڈل کیا بنایا گیا کہ ہم نے خود اپنے ملک کا مزاق اڑانا شروع کیا۔۔
اسکا انجن ضرور کسی جاپانی گاڑی کا ہوگا۔ باقی پارٹس شیشہ بھی کسی جاپانی میڈ ہوگا۔۔ باقی اہم پارٹس بھی کسی دوسرے کمپنی میڈ ہونگے؟
اسی طرح تو ہماری دیر میں ڈینٹر حضرات گاڑیوں کے پرزے جوڑ کر واپس نیا گاڑی بناتا ہے تو اسکا مطلب تو یہ نہیں ہوا کہ یہ گاڑی پاکستان میڈ ہے
انہوں نے دیگر مخلتف ماڈل گاڑیوں کے پرزے جوڑ کر دوبارہ نیا refurbished/refabricated کار کا ایک نیا سپورٹس کار ڈیزائن بنایا گیا ہے
جو لوگ اس کار کو لیکر پاکستان کا مزاق بنارہے ہیں ایسا کرنا ٹھیک نہیں پاکستان میں اجکل یوٹانگ بسیں ڈیزائن ہورہے ہیں، رکشہ پاکستان میڈ ہے، موٹر سائیکل پاکستان میڈ ہے اسکے علاوہ زیادہ تر گاڑیوں کے پارٹس پاکستان میں بنتے ہیں، میزائل پاکستان میڈ ہے، جہاز پاکستان میڈ ہے، ٹینک پاکستان میں بنتے ہیں، ہم پاکستان خود اپنے ملک کا مزاق اڑاتے ہیں،
خدا کے لئے اپنی ملک کا قدر کیجے جو لوگ ایسا مزاق بنارہے ہیں تو ان لوگوں کو میں بتاتا ہوں کہ اپ نے اس وطن کے لئے کونسا تیر مارا ہے جو خود دوسرے ملک کا الہ کار بن کر اپنی ملک کا مزاق بنارہے ہو. منقول

01/01/2023

اتنا بھی اپنے ملک کو گرا ہوا نہ سمجھیں۔۔۔پاکستان اٹامک پاور ہے ہاکستان کے پاس میزائیل ٹیکنالوجی ہے جس سٹیلائٹ سے لنک ہے ۔پاکستان جدید ٹینکس بناتا ہے پاکستان کے پاس لوکوموٹو ہے ۔۔پاکستاں جے ایف 17 تھنڈر بلاک تھری۔ ثیکنالوجی کے حامل جہاز بناتا ہے جو انڈیا جیسے ملک نہیں بنا سکتا۔۔۔پاکستان کے پاس اٹو انڈسٹری کا پورا انفراسٹرکچر ہے ۔۔بڑی بڑی گاڑیاں بنتی ہے یہاں پہ۔پوری ٹیوٹا گاڑی پاکستان میں بنتی ہے ۔۔
یہ تو اپ پروٹو ٹائپ گاڑی ہے ۔۔اور یہ بھی پوری باہر سے بنائ ہے ۔۔اپ کیا سمجھتے ہیں کہ اس کے پارٹس انجن گئیر بلکس ریڈیٹر ایکسل افغانستان میں بنے ہیں۔۔افغانستان میں اسکا ایک پیچ بھی نہیں بنا ہے ۔۔۔۔۔مجھے تو حیرت ہوئ کہ اپ کو کس نے انجنئرنگ ہونیورسٹی میں داخلہ دیا ہے جب اپ کو اس بات کی بھی سمجھ نہیں کہ کیا افعانستان میں اتنا سکل اور ٹیکنالوجی ہے کہ وہ گاڑی بنا سکے۔۔۔۔اسمبلڈ کرنا کہ سکتے ہیں باقی اس میں ایک چیز دکھائیں اپ جو افغانستان میں بنا ہوا ہو۔۔ایسے تو اپ تہکال میں جائیں وہاں اپ کو کوئ بھی گاڑی عام ورکشاب والے موڈیفائیڈ کر کے دے دیں گے۔۔
ہمیں خوشی ہے کہ افغانستان میں یہ سب کسی نے کیا ہے لیکن اب اس کا یہ مطلب نہیں کہ اپ سے اٹھا کے اس سے اپنے ملک کی تذ لیل کرے۔۔۔اپنے سوچ کو بہتر بنائے۔۔اللہ تعالی افغانستان کو بھی بہت ترقی دیں وہ بھی ہمارے مسلمان بھائ ہیں۔۔۔
پاکستان بس کے بہترین باڈیز بناتا ہے ۔۔ٹرالرز بناتا ہے۔۔سوزوکی ٹیوٹا ہنڈا زیادہ تر گاڑیوں کے باڈیز انٹیرریر ٹائزز پاکستان میں بنتے ہیں۔۔فیٹ میسی ٹریکٹرز پاکستان میں بنتتے ہیں ۔۔۔بڑی گاڑیوں کے بہت سے پارٹس پاکستان میں بنتے ہیں ۔۔ 70 سی سی موٹر سائیکلز کا انجن اور کاربوریٹر کے علاوہ تمام پارٹس پاکستان میں بنتے ہیں رکشہ کا بھی اسی طرح ہے انجن اور کاربوریٹر کے علاوہ پورا رکشہ پاکستان میں۔ بنتا یے۔۔۔۔
اسطرح اپ اگر سکل کی بات کرتے ہیں تو لاہور میں ایسے ورکشاپس ہیں جو اپ کو عام گاڑی سے لیمیزون بنا کے دے سکتے ہیں۔۔۔پرانے ماڈلز لینڈ کروزر سے نئے ماڈل کے لینڈ کروزر بنا کے دے سکتے ہیں۔۔یہ کوئ ایسی بات نہیں کہ اس سے اپ پاکستان کو بس ایک بے کار ملک ثابت کرو۔ اصل بات ہوتی ہے ثیکنالوجی کی ۔۔۔پاکستان کے پاس اٹو سیکٹر کی ٹیکناکوجی ہے یہ اور بات ہے کہ اب اپ کنوئیں کے مینڈک ہو اور کسی بات کا پتہ نہیں۔۔۔تو اس کے ذمہ دار دوسرے تو نہیں خود

25/12/2022

رب نے چھینا ہے تو مجھے یقین ہے
بہتر لیا ہے بہترین دے گا

18/11/2022

مفتی اعظم پاکستان مفتی رفیع عثمانی انتقال کر گئے، آپ مفتی تقی عثمانی صاحب کے بڑے بھائی تھے۔اللّٰہ تعالیٰ مرحوم کو جنت الفردوس میں اعلیٰ مقام عطا فرمائے اور لواحقین کو صبر جمیل عطا فرمائے آمین 🤲

اِنَّا لِلّٰہِ وَاِنَّآ اِلَیْہِ رَاجِعُوْنَ

04/11/2022

عمران خان کے جواب میں پاک فوج پر حملہ

کل عمران خان پر حملے کے بعد سوشل میڈیا پر پاک فوج کے خلاف ایک طوفان اٹھا۔ تقریباً تمام پی ٹی آئی ایکٹیوسٹس اور یوٹیوبرز نے اس حملے کی ذمہ داری فوری طور پر فوج پر ڈال دی۔ فوج کے بغض میں پاگل عمران ریاض تو ایڑی چوٹی کا زور لگا رہا ہے کہ یہ معاملہ کسی اور طرف جائے ہی نہ سوائے فوج کے۔ صدیق جان نے ملک توڑنے کی دھمکی آمیز ٹویٹ بھی کرڈالی۔

جس کے بعد پی ٹی آئی راہنماؤوں نے کئی علاقوں میں کارکنوں کو نکالا اور پاک فوج کے خلاف نعرے بازی کی۔ مردان میں پی ٹی آئی کے ایم پی اے محمد ظاہر شاہ نے 'یہ جو دہشتگردی ہے اس کےپیچھے وردی ہے' کے نعرے لگوائے۔ جس پر امریکہ میں پناہ گزین بدنام سرخے احمد نورانی نے اسکو مبارک باد بھی پیش کی۔ پی ٹی آئی کے صوبائی وزیر سماجی بہبود انور زیب خان نے بندوق لہراتے ہوئے اسلام آباد پر مسلح لشکر کشی کا اعلان کیا۔ پھر پی ٹی ائی راہنما کئی سو کارکنوں کو لے کر کور کماندڑ پشاور کے گھر کے سامنے پہنچے۔ مشتعل ہجوم کو وہاں پہنچا کر خود غائب ہوگئے۔ ان مشتعل مظاہرین نے کور کمانڈر کے گھر میں گھسنے کی کوشش کی اور نعرے بازی کی۔

پشاور میں ایک جگہ پر پولیس کی بکتر بند گاڑی کو فوجی گاڑی سمجھ کر اس پر چڑھ گئے اور خوب اودھم مچایا۔ جس کے بعد اس بکتر بند گاڑی کی فوٹیج پی ٹی آئی ایکٹیوسٹ نے ٹویٹ کرنی شروع کر دی اور پاک فوج کو للکارتے ہوئے کہنے لگے کہ 'ہم تمہارے ٹینکوں سے نہیں ڈرتے۔' اسی فوٹیج کو انڈیا کے تقریباً تمام چینلز نے چلایا اور خوشی خوشی بریکنگ نیوز چلائیں کہ عمران خان کے کارکن جگہ جگہ پاکستانی فوج پر حملے کر رہے ہیں۔ کئی جگہ پر فوجی گاڑیوں کو روک کر جوانوں کو گالیاں دی گئیں۔

پراپیگینڈے کا یہ عالم ہے کہ جو شخص فائرنگ کرتے ہوئے گرفتار ہوا تھا کہ اس کو فوٹیج والا بندہ ماننے سے بھی انکاری ہوگئے۔ حتی کہ جس ہیرو نے اس کا ہاتھ پکڑا تھا اسی نے ٹی وی پر آکر کہہ دیا کہ یہی بندہ تھا جس کو میں نے پکڑا تھا۔ حالت یہ ہوگئی ہے کہ آپ جتنی مرضی بڑی کہانی گڑھ لیں لیکن اگر کسی بھی طرح سے فوج کو ذمہ دار ٹہراتے ہیں تو پی ٹی آئی ایکٹیوسٹس اسے ہاتھوں ہاتھ لیتے ہیں۔

لیکن کیا واقعی فوج کے سوا کوئی قصوروار نہیں ہوسکتا؟

آپ میں سے کتنے ہیں جو قرآن یا رسول پاک ﷺ کی ناموس کی قسم کھا کر کہہ سکیں کہ عمران خان پر حملہ پاک فوج نے ہی کرایا ہے؟ شائد ہی کوئی صاحب ایمان ایسی قسم اٹھا سکے کیونکہ یقینی طور پر کسی کے علم میں نہیں کہ درحقیقت یہ سب کس نے کیا ہے اور کیا ہوا ہے۔

عمران خان کے دشمن تھوڑے ہیں؟

کل سینیٹر اعجاز نے ایک ٹویٹ کی تھی کہ "میں نے کل احمد چھٹہ کو فون پر بتایا تھا کہ وزیرآباد میں خان پر قاتلانہ حملہ ہوگا سو قاتلانہ حملہ ہوگیا۔ " پی ٹی آئی کے اس سینیٹر کو الہام ہوا تھا؟

اور اگر مختلف اداروں کی رپورٹس اور تھریٹ الرٹس کی وجہ سے حملے کا خطرہ تھا جیسا کہ عمران خان بھی کہتے ہیں کہ مجھے انفارمیشن تھی کہ حملہ ہوگا۔ تب مناسب حفاظتی انتظامات کیوں نہ کیے۔ آپ کے پاس دو صوبوں کے وسائل ہیں اور سیکیورٹی کی ذمہ داری پنجاب کی صوبائی حکومت کی تھی جو آپ کی اپنی ہے پھر یہ حالت کیوں تھی کہ کوئی مجہول پوڈری بھی محض پستول لے کر آپکو نشانہ بنا سکتا تھا؟
وہ جو مبینہ طور پر اے کے 47 سے فائرنگ ہوئی تھی وہ تو زیادہ دور سے نہیں ہوئی تھی وہ بندہ کیسے نکلنے میں کامیاب ہوا جب کہ پولیس کی کوئیک رسپانس یونٹ کی گاڑیاں ساتھ تھیں؟
وہ جو ایک اور مبینہ حملہ آور پکڑا گیا تھا وہ کہاں گیا؟

ان سب کو فوج نے دیکھنا تھا اور یہ فوج کی ذمہ داری تھی؟

بغیر کسی ثبوت کہ محض گمان پر کہانیاں گڑھ گڑھ کر جس طرح پچھلے چوبیس گھنٹوں میں پی ٹی آئی نے پاک فوج کی تذلیل کی ہے اس کی مثال شائد پاکستان کی تاریخ میں نہیں ملتی۔ پاک فوج نے جس صبر و ضبط کا مظاہرہ کیا ہے ان کو سلام ہے۔

کچھ پی ٹی آئی ایکٹیوسٹس کہتے ہیں کہ عمران خان نے ایک فوجی افسر کا نام بھی لیا ہے لہذا اس کو فوری طور پر ہٹا دینا چاہئے۔ میں کہتا ہوں کہ اس کے خلاف ثبوت پیش کیے جائیں پھر اسے پھانسی پر چڑھا دیں۔ لیکن بغیر ثبوت کے محض اپنے کسی ناپسندیدہ افسر پر کوئی بھی الزام لگا کر ہٹانے کی روایت پڑ گئی تو کہیں نہیں رکے گی۔ ثبوت کا یہ حال ہے کہ پی ٹی آئی کی سوشل میڈیا ٹیمیں ڈی جی رینجرز کراچی کو وہی افسر بنا کر پیش کرتی رہیں۔

میں پھر دہراتا ہوں کہ عمران خان نے ٹانگ پر گولی کھائی ہے لیکن یہ فوجی آپ کے لیے روز اپنے سینوں پر گولیاں کھاتے ہیں۔ یہ آپ کی حفاظتی ڈھال ہے اور آپ کے لیے جان دینے والے لوگ۔ اس ڈھال کو آپ نے توڑ دیا تو پھر آپ کی باقی ساری امیدیں اور خواب بھی دھرے کے دھرے رہ جائنگے اور سب کچھ مٹی کا ڈھیر ہوجائیگا۔

تحریر شاہد خان

16/10/2022

اب تک کے نتائج، عمران خان سات کی سات سیٹوں پر آگے

13/10/2022

سیانے لوگ

"شریف خاندان کو جنرل باجوہ نے رہا کیا؟"
اسکا مطلب یہ ہوا کہ تمام 'جج' جنرل باجوہ کے آلہ کار ہیں۔ تب تو ان پہ بھی تنقید ہونی چاہیئے؟

لیکن اعتزاز احسن سمیت کسی مائی کے لال میں جرات نہیں کہ کسی جج کا نام بھی لے سکے۔ عمران خان نے ایک جج کا نام لیا بعد میں اسکی کرسی سے بھی معافیاں مانگتا رہا۔

سادہ سی وجہ ہے۔ ججوں کے معاملے میں سزاؤں کا خوف ہے اور فوج سے ایسا کوئی خطرہ نہیں۔ یہی خوف ہے جس کی وجہ سے عمران خان چیف الیکشن کمشنر کو تو نام لے کر تڑیاں دیتا ہے لیکن آدھی رات کو اسکی حکومت گرانے والے کسی جج کے خلاف لب کشائی کی جرات نہیں کرتا۔

اعظم خان امریکی نیشنل ہے۔ اس نے اپنی ٹویٹ میں جو الزام جنرل باجوہ پہ لگایا ہے ویسا ہی الزام امریکہ میں کسی نچلی سطح کے افسر پہ لگا کر دکھائے۔ لیکن وہاں انکے پر جلتے ہیں کیونکہ وہاں الزام کا ثبوت طلب کیا جاتا ہے اور پیش نہ کرنے پہ سزا ملتی ہے۔

پی ٹی آئی کا ایک اور جانباز مسخرہ عادل راجا ہے۔ اسے اگر صرف اتنا کہا جائے کہ برطانیہ کی پاکستان میں مداخلت پہ دو لفظ لکھ دیں تو بلاک کر دیتا ہے۔

یہ سارے سیانے لوگ ہیں ایسی جگہ قدم نہیں رکھتے جہاں پاؤں جلنے کا ڈر ہو۔

تحریر شاہد خان

04/10/2022

‏مسنگ پرسنز کے حوالے سے کچھ اچھی خبریں

وزیرستانی مسنگ پرسنز (پاکستانی سٹوڈنٹس) کے سینیر کمانڈر مفتی نور سید نے ایک آڈیو پیغام میں افغان سٹوڈنٹس کے خلاف جنگ شروع کرنے کا اعلان کیا ہے۔ اس کا کہنا ہے کہ وہ ہمیں اور ہماری فیملیوں کو مسلسل ذلیل کر رہے ہیں۔

دو دن پہلے افغان سٹوڈنٹس کے ترجمان ذبیح نے ایک پیغام میں کہا کہ افغانستان کی سرزمین پاکستان کے خلاف استعمال کرنے والوں کے خلاف بغاؤت کا مقدمہ درج ہوگا۔ بغاؤت کی سزا وہاں موت ہے۔ اس کے ساتھ ہی 'وزیرستانی مسنگ پرسنز' کی کئی فیملیوں کو حراست میں لے لیا گیا۔

پاکستان کے ساتھ مزاکرات کے معاملے پر بھی پاکستانی سٹوڈنٹس کی آپس میں شدید لڑائی جاری ہے جس میں ایک بڑا کمانڈر ہلاک ہوچکا ہے۔ کافی سارے جنگجو چھپ رہے ہیں یا بھاگ کر پاکستان آئے ہیں۔ یہاں انکا شکار جاری ہے اور پچھلے 24 گھنٹوں میں پشاور اور ٹانک میں 9 'مسنگ پرسنز' کو سیکیورٹی فورسز نے ہلاک کیا ہے۔

امید ہے یہ گند ہمیشہ کے لیے صاف ہوجائیگا۔ جو بھی نئی حکومت آئی اس کو یہ درد سر نہیں ملے گا ان شاءاللہ۔ کچھ پی ٹی آئی ساتھیوں کو غلط فہمی ہورہی تھی کہ ان علاقوں میں یہ گند دوبارہ آرہا ہے اور شائد یہ بھی کوئی سازش ہے۔ تب بھی عرض کی تھی کہ مزاکرات کی قیادت عمران خان کے معاؤن خصوصی بیرسٹر سیف کر رہے ہیں اور وہ ان سب باتوں کی تردید خود کر چکے ہیں۔

تحریر شاہد خان

29/09/2022

سائفر کس نے چھپایا تھا؟

سائفر سے کھیلنا کسے کہتے ہیں؟ سیاست میں رنگ بازی کے لیے کتنا جھوٹ بولا جاتا ہے اور کتنی ڈھٹائی سے بولا جاتا ہے؟ اور سب سے بڑھ کر ہماری یوتھ کتنی 'ویل انفارمڈ' ہوتی ہے اس کو سمجھنے کے لیے ذرا یہ سائفر چھپانے کا معاملہ دیکھ لیں۔

پوری پی ٹی آئی شیریں مزاری کی وڈیو سرکلولیٹ کرتی رہی کہ سائفر کچھ دن چھپایا گیا تھا۔ بعد میں شاہ محمود قریشی کو پتہ چلا تو اس نے نکلوایا۔ اس سے پہلے یہی شیریں مزاری اس پر باقاعدہ پریس کانفرس بھی کر چکی ہیں کہ سائفر کئی دن چھپایا گیا تھا۔

کچھ پی ٹی آئی والوں نے یہ تک کہا کہ دس یا بیس دن چھپایا گیا۔ کچھ نے تو یہ سوال بھی اٹھایا کہ یہ پہلے آرمی چیف تک کیسے پہنچا؟ وغیرہ وغیرہ

میں نے پچھلی پوسٹ میں لکھا کہ یہ سفید جھوٹ ہے کیونکہ اس کی تردید سب نے کی تھی۔ ہمارے سفیر نے کہا تھا کہ کسی نے مجھے کسی بھی بات سے نہیں روکا تھا، فارن سیکٹری نے کہا تھا کہ سائفر مقررہ دفتری پراسیس سے ہوکر وقت پر وزیرخارجہ تک پہنچ گیا تھا۔ جب کہ وزیرخارجہ شاہ محمود قریشی نے کہا تھا کہ یہ میرے ڈپارٹمنٹ پر الزام ہے کہ سائفر چھپایا یا دبایا گیا۔ ایسا کچھ نہیں ہوا ہے۔

میری پوسٹ کے جواب میں ایک پی ٹی آئی دوست نے محمد مالک کی ویڈیو کمنٹ کی۔ جس میں وہ کہہ رہا ہے کہ میری اطلاع کے مطابق سائفر سب سے پہلے 11 مارچ کو آرمی چیف نے ہی عمران خان کا دکھایا تھا۔ میں نے ویڈیو پوری دیکھی تو اسد عمر نے محمد مالک کی تردید کی اور کہا کہ سائفر تو 10 مارچ کو ہی شاہ محمود قریشی نے ہمیں دیکھا دیا تھا۔

شاہ محمود قریشی کی ویڈیو بھی موجود ہے کہ سائفرآتے ہی مجھے اگلے یا دوسرے دن مل گیا تھا اور میں نے اس سے اگلے دن وزیراعظم عمران خان کے گوش گزار کر دیا تھا۔

یعنی 7 مارچ کو سائفر آیا، ڈی کوڈ ہوکر اور دفتری پراسیس سے ہوتا ہوا یہ 8 یا 9 مارچ کو شاہ محمود قریشی کو ملا اور اس نے 10 مارچ کو عمران خان کو دیکھا دیا۔ کل ہی فواد چودھری نے وسیم بادامی کو بتایا کہ جن سائفرز پر ٹاپ سیکرٹ لکھا ہو وہ صرف صدر، وزیرخارجہ، وزیراعظم اور آرمی چیف تک پہنچائی جاتی ہیں۔ یعنی سائفر کا آرمی چیف تک پہنچنا مقررہ پروٹوکول یا طے شدہ اصول کے مطابق تھا۔

اب اس پر کھیلا کیسے گیا اس کی ایک جھلک دیکھ لیں۔

شیریں مزاری نے پریس کانفرنس کی کہ سائفر کئی دن تک چھپایا گیا تھا۔

جب وہ یہ پریس کانفرنس کر رہی تھی تو اسد عمر چپ کر کے اس کی بغل میں بیٹھا تھا جو آج اعتراف کر رہا ہے کہ سائفر اسی دن مل گیا تھا۔

پوری پی ٹی آئی اس پر فوج کے خلاف مسلسل پراپگینڈا کرتی رہی اور یہ الزام لگاتی رہی کہ سائفر فوج نے چھپا لیا تھا۔

بعض "ویل انفارمڈ" یوتھ تو یہ سوال بھی اٹھاتی رہی کہ یہ سائفر آرمی چیف کے پاس کیسے پہنچا؟

عمران خان جو سوشل میڈیا پر ایک ایک چیز کو مانیٹر کرتا ہے اور فوراً ہی اپنی تقریروں کا حصہ بھی بنا لیتا ہے شیریں مزاری کے اس جھوٹ اور اس جھوٹ کے بل پر پی ٹی آئی کی فوج مخالف مہم پر چپ رہا اور بلکل تردید نہیں کی۔ کیونکہ اس نے طے کر لیا تھا کہ وہ سائفر پر کھیلے گا یعنی اس پر سیاست کرے گا جس کے لیے اس میں زیادہ سے زیادہ رنگ بازی کرنی ضروری تھی۔ لہذا یہ سائفر چھپانے کا "ٹچ" اس کو سوٹ کر رہا تھا۔

لیکن ساتھ ہی عمران خان ہر دوسرے تیسرے دن بیان داغ رہا تھا کہ 'یہ میری فوج ہے اور فوج کو کچھ نہ کہا جائے ملک کے لیے بہت ضروری ہے۔' جس پر میں نے انہی دنوں پہلی بار عمران خان کے خلاف پوسٹ لکھی تھی کہ یہ تو منافقت ہے۔ آپ بجائے لوگوں کو منع کرنے کے فوج پر لگنے والے ان الزامات کی تردید کردیں جن کا آپ کو بھی پتہ ہے کہ جھوٹ پر مبنی ہیں۔ لیکن ایسا اس نے کبھی نہیں کیا۔ کیونکہ ایسا کرتا تو واقعی فوج مخالف مہم رک جاتی۔ بلکہ جوں ہی یہ مہم سرد ہونے لگتی عمران خان اپنی تقریر میں دوبارہ فوج کے خلاف کچھ نہ کچھ کہہ کر تیز کر دیتا۔

(اور میرے 90 فیصد ساتھی انہی دنوں مجھے چھوڑ کر چلے گئے کچھ تو گالیاں بھی دینے لگے)

تبھی میں نے لکھنا شروع کیا کہ عمران خان بھی سیاست دان ہی ہے اور وہ سیاست کر رہا ہے لہذا آپ لوگ فوج پر اپنا ہاتھ ہولا رکھیں۔

سائفر چھپانا اس سارے معاملے کا ایک چھوٹا سا پہلو ہے۔ لیکن اس کو دیکھ کر آپ سمجھ سکتے ہیں کہ کیسے کھیلا جاتا ہے، کتنا جھوٹ اور کتنی مبالغہ آرائی ہوتی ہے، فوج کو کیسے رگیدا جاتا ہے اور ہماری یوتھ کتنی 'ویل انفارمڈ' ہوتی ہے۔

تحریر شاہد خان

نوٹ ۔۔ یہ میڈم پمز میں جس شعبے کا افتتاح کر رہی ہیں یہ واقعی تبدیلی جنس کا ہے؟

26/09/2022

کیا آپ عقل نہیں رکھتے؟ کہ پوری دنیا کے مسلمان اس وقت گھیرے میں ہیں اور ہم آپس میں بکھرے ہوئے ہیں، نا ہمارا اتحاد ہے، نا ہمارا اپنا نظام ہے۔۔۔!

کیا آپ کو عالمی حالات نظر نہیں آ رہے؟ اگر ہم براہ راست اٹیکنگ پوزیشن جنگ کی طرف جاتے ہیں...؟
کیا ہمارا وجود باقی رہے گا؟ کیا ہم ان کا مقابلہ کر سکیں گے؟ جبکہ ہم اندر سے بکھرے ہوئے، اور مسائل کا انبار ہے؟ یا پھر دفاعی پوزیشن پر رہتے ہوئے جنگ کا دوسرا مرحلہ اپناتے ہوئے، اپنی منزل کی طرف گامزن رہیں، اور دشمن کو کمزور کرتے رہیں خود کو مضبوط کرتے رہیں، ہماری مضبوطی نظام اسلام قائم کر کے ہی ہوسکتی ہے، اور ساتھ دفاعی طاقت بڑھانے سے ممکن ہے۔۔۔!

اور ایک مزید چال دشمن کو دشمن سے لڑا دینا۔۔۔!
جو کام آپ کرنے جا رہے تھے اگر وہ کسی اور مقام سے ہو رہا ہو تو کیا آپ کو خامخواہ پھر بھی اس خطرناک جنگ میں کودنا چاہیئے وقت سے پہلے۔۔۔؟

یاد رکھے آج کی ظاہری بارود کی جنگوں سے خطرناک ترین جنگ معشیت پیٹ کی جنگ ہے۔۔۔!

پہلے طاقت کا توڑ کریں، پھر دشمن کی معیشت کا انکار کریں، تب تک آپ کی معیشیت مضبوط کریں!

کیا آپ کی اندرونی اور بیرونی دفاع کی ذمہ داری پاک افواج ہیں یا پھر سیاستدان اور اینکر صحافی؟

کیا آپ کمزور ہوں جب دشمن سارے متحد ہوں ایسے حالات میں آپ حکمت عملی کا سہارا نہیں لے سکتے۔؟

حکومت اگلے پچھلے تمام لوگوں کو ملی۔۔۔!
کیا سب بے بس اور لاچار نہیں ہوگئے تھے؟ عملی معاشی نظام کے آگے؟
کیا غربت نے مہنگائی نے تباہی نہیں پھیلا دی تھی؟ اور اب بھی نہیں ہے؟ ہمیں نظام اسلام لانا ہوگا، اور وہ ہم سب کے ایک ہونے سے بآسانی ممکن ہے۔۔۔!

کچھ سوالوں کے جوابات پوری قوم سے درکار ہیں۔۔۔!

کیا آج بھی آپ کو یقین نہیں کہ یہ جنگ دماغوں میں لڑی جا رہی ہے کل تک کچھ لوگ ساتھ تھے آج دشمن کی نگاہوں سے دیکھ رہے ہیں۔۔!
دشمن بھی آپ کے دماغ کے مطابق فتنہ اور پلان بنا رہا ہے۔۔۔!

گمنام سپاہی 🇵🇰

11/09/2022

یہ بھی نہیں کہہ سکتے کے میچ فکس ہے
کیوں کہ دونوں ملکوں کے پاس زہر کھانے کے بھی پیسے نہیں 😁😁🤣

11/09/2022

Well played Sri Lanka 🇱🇰 👏👏

07/09/2022

پورے ملک میں کل تندور بند رہنے کا اعلان
افغانستان 🤣

07/09/2022

سارے دنیا سے ہار جائیں۔ ان بدبختوں سے نہ ہاریں بس! 🙏😇

06/09/2022

🤣🤣🤣👇

06/09/2022

ہمسائے عرب امارات سے سیدھا گھر جانے کےلئے تیار ہوجائے۔

06/09/2022

1965ء کی جنگ کا فاتح کون تھا؟

انڈیا نے سندھ میں آپریشن کبڈی کیا اور برگیڈ لیول کا حملہ کر کے کانجر کوٹ میں موجود ایک پرانے قلعہ پر قبضہ کر لیا اور وہاں موجود مختصر سے نیم فوجی پاکستانی دستے کو شکست دے دی۔
جواباً پاکستان نے دو بڑے آپریشنز لانچ کر کے نہ صرف قلعہ واپس لے لیا بلکہ کئی علاقوں میں انڈین فوج کو پیچھے دھکیل دیا۔ پاک فوج کے ان حملوں سے انڈیا کو خطرہ محسوس ہوا کہ رن کچھ کا وسیع علاقہ ہاتھ سے پھسل سکتا ہے۔
یاد رہے کہ یہ علاقہ متنازعہ ہے۔

اسی وقت انڈیا نے لاہور اور سیالکوٹ کے محاذوں پر جنگی مشینیں اور فوج لگانی شروع کر دی۔
تب ایوب خان نے آپریشن جبرالٹر کی مدد سے مقبوضہ کشمیر میں بغاوت برپا کروانے کی کوشش کی تاکہ اس کو سپورٹ کر کے انڈیا کو رائے شماری پر مجبور کرایا جائے۔
جبرالٹر لیک ہونے کی وجہ سے وہ کوشش ناکام رہی تو انڈیا نے آزاد کشمیر پر حملہ کر دیا اور چند کلومیٹر آگے آگیا۔ اس کے جواب میں پاک فوج نے باقاعدہ فوجی حملہ کیا جس کو آپریشن گرینڈ سلیم کا نام دیا گیا۔
وہ حملہ اس قدر سخت تھا کہ برگیڈیر چودھری کی قیادت میں پاک فوج انڈین آرمی کو پیچھے دھکیلتے ہوئے ان کے ڈیوژن ہیڈ کواٹر تک پہنچ گئی اور انہیں ائر فورس کی مدد طلب کرنی پڑی۔ خطرہ ہوگیا کہ مقبوضہ کشمیر کے کچھ علاقے انڈیا کھو دے گا۔

تب انڈیا نے لاہور اور سیالکوٹ کے محاذ پر رات کی تاریکی میں بغیر کسی اعلان جنگ کے پوری قوت سے حملہ کر دیا۔
اب یہ بات زبان زد عام ہے کہ انڈیا نے کشمیر سے دباؤ ہٹانے اور رن کچھ کا بدلہ لینے کے لیے بین الاقوامی سرحد عبور کی تھی۔ آسان الفاظ میں ان دونوں علاقوں میں پاکستان حاوی تھا۔ یعنی جنگ بھی انڈیا نے ہی شروع کی تھی اور پہلے دو محاذوں پر اسے شکست بھی ہورہی تھی۔

پیچھے رہ گیا لاہور اور سیالکوٹ کا محاذ۔ انڈیا اور بی بی سی جیسے نام نہاد آزاد ذرائع دعوی کرتے ہیں کہ انڈیا نے پاکستان کا کل 3900 مربع کلومیٹر علاقہ فتح کیا تھا۔ جب کہ ویکیپیڈیا 1840 مربع کلومیٹر بتاتا ہے۔
خیال رہے کہ بی بی سی نے انڈیا کے ہاتھوں لاہور فتح ہوجانے کی خبر بھی چلائی تھی۔
لاہور کا کل رقبہ 1772 مربع کلومیٹر ہے۔ جب کہ سیالکوٹ کا کل رقبہ چونڈہ کو ملا کر بھی 90 مربع کلومیٹر سے بھی کم ہے۔ یعنی انڈیا کے کل "فتح" کیے گئے رقبے ان دونوں شہروں کے مجموعی رقبے سے بھی زیادہ ہیں۔ 😁😁
تب انڈیا نے یہ سارا علاقہ کہاں فتح کیا تھا؟ کیونکہ باقی دو محاذوں پر تو وہ مار کھا رہا تھا اور وہاں سے پریشر ہٹانے کی کوشش کر رہا تھا۔ 🤔
ویکیپیڈیا اور بی بی سی سمیت تمام نام نہاد آزاد ذرائع یہ بھی مانتے ہیں کہ سیالکوٹ میں ساری جنگ چونڈہ کے مقام پر ہوئی اور لاہور میں بی آر بی نہر انڈیا پار نہیں کر سکا تھا۔ صرف برکی کا وہ علاقہ قبضہ میں کیا جو بلکل انڈین سرحد کے پاس ہے۔

ان دونوں شہروں کا یہ سارا محاذ جنگ تو 50 مربع کلومیٹر بھی نہیں بنتا۔ نیز لاہور 'فتح' کرنے کے بعد انڈین جنرل اپنی جیپ چھوڑ کر کیوں بھاگا تھا جو آج بھی پاکستان کے قبضے میں ہے اور جس کا اعتراف خود انڈینز بھی کرتے ہیں؟؟

جب کہ دوسری جانب یہ تمام ذرائع تسلیم کرتے ہیں کہ پاک فوج نے کشمیر کے محاذ پر 540 مربع کلومیٹر کا علاقہ فتح کیا تھا۔ یہی ذرائع کہتے ہیں کہ پاک فوج نے لاہور کے محاذ پر کھیم کرن میں پیش قدمی کی تھی اور مونا بھاؤ ریلوے سٹیشن پر قبضہ کر لیا تھا۔ صرف مونا بھاؤ کا رقبہ 4000 مربع کلومیٹر ہے۔

اسی طرح یہ آزاد ذرائع کہتے ہیں کہ عین جنگ کے دوران پاکستان نے جس علاقے میں سب سے زیادہ پیش قدمی کی تھی وہ رن کچھ ہے جس کا اکثر علاقہ فتح کر لیا گیا تھا۔ رچ کچھ 20،000 مربع کلومیٹر ہے جس کا آدھا علاقہ بھی پاک فوج نے فتح کیا ہو تو یہ تقریباً 10،000 مربع کلومیٹر بنتا ہے۔ یوں پاک فوج کا فتح کیا گیا علاقہ کم از کم 15000 مربع کلومیٹر ہونا چاہئے۔

شائد اسی لیے انڈینز کی اپنی کتابوں کے مطابق انڈین آرمی چیف گھبراہٹ میں پسپائی پر تیار ہوچکا تھا اور دریائے بیاس کو سرحد بنانے پر آمادہ تھا۔ جن کے میں حوالے دونگا اگلی پوسٹ میں۔

ایک اور بہت اہم بات نوٹ کیجیے۔

انڈیا نے صرف وہی پیش قدمی کی تھی جو پاک فوج کی غیر موجودگی میں وہ لاہور اور سیالکوٹ کے محاذ پر کر سکا تھا۔ پاک فوج کے پہنچنے پر وہ ایک انچ آگے نہیں آسکے تھے۔ لیکن پاک فوج نے انڈین فوج سے جنگ کر کے اور ان کو پیچھے دھکیل کر پیش قدمی کی تھی جو اصل کارنامہ ہے۔

اسی لیے انڈیا اقوام متحدہ کے پاس بھاگا بھاگا گیا سیز فائر کرانے اور سب سے پہلے جنگ بندی کا اعلان بھی کیا۔ پاکستان نے انڈیا کے اعلان کے ایک دن بعد جنگ بندی کا اعلان کیا تھا۔

تحریر شاہد خان

نوٹ ۔۔ کچھ الو کے پٹھوں کی بات سن کر یوں لگتا ہے جیسے انڈیا نے لاہور اور سیالکوٹ فتح کرنے کے بعد محض جذبہ خیر سگالی کے تحت ہمیں واپس کر دئیے تھے۔

04/09/2022

👏👏🇵🇰❤️

03/09/2022

‏ظواہری کے ہمدردوں کی خدمت میں

کچھ عرصہ پہلے افغانستان میں امریکی ڈرون حملے میں ہلاک ہونے والے خارجی کے حوالے سے کچھ پی ٹی آئی کارکنوں نے کمنٹ کیا کہ وہ پاکستان کا دشمن نہیں تھا۔

ان کی خدمت میں عرض ہے کہ اس شخص نے پاکستان میں پہلا حملہ 1995ء مین اسلام ا باد میں کروایا تھا۔ اس حملے میں 17 پاکستانی شہید ہوئے تھے۔ نائن الیون کے بعد لال مسجد میں جو فساد اٹھا اس کو یہی کنٹرول کر رہا تھا اور نہ صرف غازی بردارن نے ان سے رابطوں کا اعتراف کیا تھا بلکہ اس کے خطوط بھی مسجد سے برآمد ہوئے تھے جس میں وہ ان کو پاکستان کے خلاف جنگ کر کے لیے ہدایات دے رہا تھا۔

اسی نے اپنی بدنام زمانہ تنظیم کی طرف سے سب سے پہلے پاکستان کے خلاف فتوے جاری کیے جن کی بنیاد پر پاکستان کے خلاف جنگ شروع ہوئی جو آج تک ختم نہیں ہوئی۔

اگر یہ کہا جائے کہ پاکستان میں ہزاروں لوگوں کا خون بہانے میں اس کا براہ راست ہاتھ تھا تو غلط نہ ہوگا۔

شیخ مجیب، منظور پشتین اور ایمان مزاری کو معصوم اور حق پر قرار دینے کے بعد پی ٹی آئی کارکن کیا اس ظالم خارجی کے بھی ہمدرد بن گئے ہیں؟

تحریر شاہد خان

03/09/2022

‏افغانستان اور یوکرین کے معاملے میں اپنے ہی ملک کےخلاف پراپیگینڈہ

امریکہ نے افغانستان میں ڈرون حملہ کیا۔ اس حملے میں مارا جانے والا شخص پاکستان کے بدترین دشمنوں میں سے ایک اور پاکستان میں برپا فساد کا معمار تھا۔ اس حملے کے لیے کرغستان کی سرزمین استعمال کی گئی۔ کرغستان کے شمال میں مناس میں امریکہ کی ایک ٹرانزٹ فیسلٹی ہے جہاں سے یہ ڈرون اڑایا گیا۔

لیکن بجائے یہ کہ اس بدبخت کی موت پر خوش ہوا جاتا اور افغانستان کی موجودہ حکومت سے سوال کیا جاتا کہ آپ بدستور ہمارے دشمنوں کو پناہ کیوں دے رہے ہیں؟ پی ٹی آئی کی سوشل میڈیا ٹیم اور یوٹیوبرز نے یہ مہم چلانی شروع کر دی کہ پاک فوج اپنی صفائی پیش کرے کہ ڈرون حملے کے لیے ہماری فضا استعمال نہیں ہوئی۔ اگر ایسا ہوا ہے تو یہ رجیم چینج کا حصہ ہے اور ہماری غیرت کے سخت خلاف ہے وغیرہ وغیرہ۔

پاک فوج نے دوٹوک الفاظ میں واضح کیا کہ نہ پاکستان کی سرزمین استعمال ہوئی نہ فضا۔ نہ ایسا کرنا ممکن تھا کیونکہ 2000 کلومیٹر کی حد پرواز رکھنے والے ڈرون کے لیے ممکن ہی نہیں کہ قطر سے اڑ کر ایران کے گرد گھوم کر پاکستان کے اوپر سے جاکر افغانستان میں حملہ کرے اور پھر واپس بھی جائے۔

امریکہ نے خود کہا کہ انہوں نے کرغیستان کی سرزمین استعمال کی۔ روس کی طرف سے بھی کہا گیا کہ کرغیستان سے حملہ کیا گیا ہے۔ لیکن ان کی سوشل میڈیا کیمپین جاری رہی۔ جس کے بعد تین چار دن پہلے ایک سوال کے جواب میں افغانستان حکومت کے عبوری وزیر دفاع نے فرمایا کہ ہماری معلومات کے مطابق افغانستان میں حملے کے لیے پاکستان کی فضائی حدود استعمال ہوئی ہیں۔

موصوف تسلیم کرتے ہیں کہ ان کے پاس نہ کوئی ریڈار ہیں، نہ ڈرون حملے کے روٹ کا انکو کوئی علم ہے، نہ کوئی ٹینکیکل ڈیٹا ہے۔ اس کی انفارمیشن کی بنیاد صرف یہ چیز تھی کہ پاکستان میں خود "کچھ پاکستانی" (یوٹیوبرز اور سوشل میڈیا ایکٹیوسٹ) کہہ رہے تھے کہ یہاں سے حملہ ہوا ہے۔ ساتھ ہی اس نے پاکستان کو وارننگ بھی دی۔

اس الو کے پٹھے سے بندہ پوچھے کہ اتنی ہی غیرت ہے کہ تو حملے کے اگلے دن امریکہ سے بھاری امداد کیوں وصول کی؟

قطر جہاں سب سے بڑا امریکی اڈا ہے اور جہاں سے بقول تم لوگوں کے امریکی ڈرون اڑ کر آیا تھا روز ان کے تلوے کیوں چاٹتے ہو؟

وہ کون سے افغانی ہیں جنہوں نے امریکہ کو اس کا ٹھیک ٹھیک ٹھکانہ بتایا تھا؟

تم لوگوں نے پاکستان کی ثالثی میں دنیا سے وعدہ کیا تھا کہ ان لوگوں کو پناہ نہیں دو گے نہ ہی اپنی سرزمین کسی کے خلاف استعمال ہونے دو گے پھر یہ پاکستان کا دشمن نمبر ایک تمہاری پناہ میں کیا کر رہا تھا؟

تمہارے یہاں 'وزیرستانی مسنگ پرسنز' پاکستان کے خلاف جنگ کے لیے مساجد میں اعلانیہ چندہ جمع کر رہے ہیں انکو کیوں نہیں روکتے؟

یہ تو ہوگئی افغانستان کی بات۔

دوسری طرف ایک اور ایونٹ ہوا۔ چند دن پہلے انڈین اخبارات میں ایک مضمون چھپا جس میں پاکستان کی جانب سے برطانیہ کو ہتھیاروں کی فروخت پر تشویش کا اظہار کرتے ہوئے لکھا گیا تھا کہ یہ ہتھیار برطانیہ یوکرین بھیج رہا ہے اور یہ روس کے خلاف استعمال ہورہے ہیں۔

اس خبر پر راجا عادل اور اس ٹائپ کے کچھ اور پی ٹی آئی ایکٹیوسٹس نے واویلا شروع کر دیا کہ پاکستان یوکرین کو ہتھیار کیوں بیچ رہا ہے؟ کچھ نے تو یہ بھی لکھا کہ پاکستان نے روس کی پیٹھ میں خنجر گھونپا ہے گویا روس ہماری درینہ دوست اور ہمدم ہے۔

ان سب سے عرض ہے کہ پہلی بات تو یہ ہے کہ اس جنگ کے دوران پاکستان نے یوکرین کو کوئی ہتھیار نہیں بیچے۔ لیکن پاکستان اور یوکرین میں جنگی ہتھیاروں کی خرید و فرخت 30 سال سے چل رہی ہے۔ پاکستان نے یوکرین سے 320 ٹی ایٹی ٹینک خریدے ہیں۔ چند سال پہلے یوکرین نے ہمارے سینکڑوں ٹینکوں کو اپ گریڈ کیا ہے۔ یوکرین کے ساتھ ہماری ہتھیاروں کی آخری ڈیل 2020ء میں مکمل ہوئی تھی۔ اس وقت یوکرین میں اگر کوئی پاکستانی ہتھیار استعمال ہوئے بھی ہیں تو یہ وہ ہیں جو برطانیہ یا یورپ نے ہم سے خریدے ہیں۔ اب ان کی مرضی جس کو چاہیں دیں۔

یہ تو ایک بات ہوگئی۔ دوسری بات یہ ہے کہ اگر یوکرین ہم سے ہتھیار خریدنا چاہے تو اسے ضرور بیچنے چاہییں۔ پاکستان کی انڈیا کے ساتھ جتنی بھی جنگیں ہوئی ہیں ان میں انڈیا کو سب سے زیادہ ہتھیار روس نے فراہم کیے اور دوران جنگ بھی فراہم کیے۔ ان کے جنگی جہازوں سے لے کر کلاشنکوف تک روس ہی ان کو بیچتا ہے اور بدستور بیچ رہا ہے۔ پاکستان جتنا مرضی روس سے دوستی کر لے وہ پاکستان کے خلاف انڈیا کو ہتھیاروں کی فروخت کبھی نہیں روکے گا کیونکہ روسی ہتھیاروں کا دنیا میں سب سے بڑا خریدار انڈیا ہے۔ اگر یہ کہا جائے کہ انڈین آرمی کو روس نے مسلح کیا ہے تو غلط نہیں ہوگا۔

یوکرین ہمارا دوست ملک ہے۔ کیا روس کو خوش کرنے کے لیے ہم یوکرین سے دشمنی کر لیں؟ وہی روس جس نے ایک پاکستانی وزیراعظم کو بےرحمی سے استعمال کیا۔ اپنے ساتھ بیٹھا کر یوکرین پہ حملہ کردیا۔ ان سوشل میڈیا ایکٹیوسٹس نے تو چند ٹن امدادی سامان یوکرین بھیجنے پہ بھی اعتراض کیا تھا۔

ڈپلومیسی اور پالیسی یہی ہوتی ہے کہ آب یوکرین سے بھی دوستی جاری رکھیں اور روس سے بھی دوستی بنائیں۔ ایک کو ہتھیار بیچیں دوسرے سے گندم خریدیں۔

یہ امر افسوسناک ہے کہ پاک فوج کے بغض میں پی ٹی آئی اتنی آگے چلی گئی ہے کہ سوشل میڈیا پر اپنی ہی ریاست کے خلاف انڈین اور افغانیوں کا بیانیہ چلانے لگی ہے۔

تحریر شاہد خان