Nepali Chhapro

08/01/2025

दिल गुरूङ–तुल गुरूङ उत्कृष्ट गजल पुरस्कार २०२४ को रकम विजेता तीनै जना वा उहाँहरुको आफन्तको खातामा पठाइएको छ । अडियो कार्यक्रम #बुलबुल मार्फत भएको विश्वव्यापी प्रतियोगिता भएकाले भौतिक रुपमा भेटेर नसकिए पनि हामीले डिजिटल माध्यमबाट प्रशंसा पत्र पनि प्रदान गरेका छौँ । यति राम्रा गजल लेख्ने साथीहरुको प्रशंसा पत्र सेयर गरेर उहाँहरुको ऊर्जा बढाइदिनुहुन अनुरोध सहित हामीले यहाँ पोस्ट गरेका छौँ ।
प्रथम – नकुल पौडेल (हाल–युएइ)
दोस्रो – चक्र मिलन (हाल–भारत)
तेस्रो – अंकित आचार्य (हाल – भक्तपुर)

20/11/2024

#बुलबुल मा अन्य बेला भन्दा गजलको चाप दोब्बर भएको छ । अब ६ हप्ता फटाफट गजल मात्रै वाचन गरेर संचालन गर्दैछु । आजको Bulbul 013 सुनेर प्रतिक्रिया दिनुहोला ।

15/11/2024

01/11/2024

गयो दशै आयो तिहार तँ आउने चाइँ कैले बाबु
तँ नै छैनस् खै कसरी तिहार मनाउँ मैले बाबु

पोहोर साल परार साल ओइलिएरै गयो फूल
बिर्सेंकै त छैनस् होला यो दिदीलाई तैंले बाबु

सम्झना छ तिहारको टिका लाउने बेला अझै
बाङ्गो भयो टीका भन्दै रिसाउँथिस् पैले बाबु

बेग्लै भा’छस् फोटो हेर्दा डर लाग्छ अलिकती
साँच्चै भुलिस् भन्ने ठान्छु आइनस् भने ऐले बाबु

- निष्प्रभ सजी

30/10/2024

सबैलाई पीर उस्तै त हो नि
जिन्दगी आखिर उस्तै त हो नि

आज दिउँसो सर्वनाम थियटरमा सम्पन्न छायाँदेवी चेतनाथ गजल पुरस्कार वितरणको सानो भिडियो अंश हेरौं

30/10/2024

अग्रज गजलकार ललिजन रावलसँगको कुराकानी सुनौं ।

आज #बुलबुल को १० औं अंक

ुलबुल – एउटा इरानी चरा । BULBUL - EUTA IRANI CHARA [Episode-10] P...

24/10/2024

हिजो बेलुकी प्रसारण भएको अडियो कार्यक्रम बुलबुल (अंक-९) को धेरैले प्रशंसा गर्नुभयो । हिजो प्रसारित बुलबुलमा समावेश गरिएको 'गजलामृत' को पूरा कार्यक्रम हेर्नका लागि केही शुभचिन्तकहरुले link मागिरहनुभएको छ । गजलामृत श्रृंखला-१ को पूरा भिडियो तलको link बाट हेर्न सक्नुहुन्छ । अहिले बिहान १० बजेपछि प्रेमियर शुरु हुने भिडियोको मुनि विवरण हेरेर तपाईंले आफूले चाहेको श्रष्टाको मन्तव्य वा गजल वाचन मात्रै पनि हेर्न सक्नुहुन्छ । त्यसका लागि हामीले छुट्याएर नामसहित, समय विवरण दिएका छौं । समय विवरणको निलो अक्षरमा click गरेपछि आफूले चाहेको सर्जकको रचना सुन्न र हेर्न सकिन्छ ।

ारहरू ज्ञानुवाकर पौडेल, ध्रुव मधिकर्मी, दिव्य गिरी, धीरेन्...

23/10/2024

नियमित समय भन्दा १५ मिनेट ढिलो गरी अब #बुलबुल को नवौं अंक प्रेमियर शुरु भएको छ । आउनुस् प्यारा बुलबुलियनहरु युट्यबको नजिक नजिक आउनुस् !! :)

ुलबुल – एउटा इरानी चरा । BULBUL - EUTA IRANI CHARA [Episode-9] Pr...

23/10/2024

आजको बुलबुल (अंक ९) लाई ठिक सवा नौ बजे नै प्रेमियर गर्ने उद्देश्यले हामी सक्रिय भएर लागिरहेका छौं । केही प्राविधिक गडबडीका कारण आजको बुलबुल केही मिनेट ढिलो प्रसारण हुन पनि सक्नेछ । यसका लागि हामी क्षमा चाहन्छौं ।

- Bulbul Communication & Nepali Chhapro Team

22/10/2024

हल्लाखल्ला नगरी एउटा भव्य कार्यक्रम सम्पन्न भयो अस्तिको शनिवार इमाडोल (महालक्ष्मी नगरपालिका) मा । शान्त वातावरणमा मज्जाको वाचन थियो । प्राय: कार्यक्रममा हामी भीड खोज्छौं तर पहिलोपटक यो कार्यक्रमका आयोजकले कार्यक्रमअघि ब्यानर सेयर समेत नगरिदिनुस् है भने । सीमित सीटमा गरिने कार्यक्रम भएकाले थोरै सदस्यका बिच मात्रै सम्पन्न गरिएको कार्यक्रम । एउटा नयाँ कुरा सिकेँ मैले यो कार्यक्रमबाट ।
खुसीको कुरा चाहिँ #गजलामृत ले हाम्रो #बुलबुल कार्यक्रम अहिले प्रसारण भइरहेको बुलबुल कम्युनिकेसनको च्यानल Nepali Chhapro लाई मिडिया पार्टरको रूपमा चुनेर राखिदिनुभयो । शुरू गरेको २ महिनामै तपाईंले गर्नुभएको विश्वासका लागि म लगायत हाम्रो समूह आभारी छौं जुमन किरण जी ।
हल्ला नगरी सम्पन्न कार्यक्रममा वाचन भएका गजलहरू मैले भोलिको #बुलबुल मा प्रसारण हल्ला गर्दै प्रस्तुत गर्नेछु । #गजलामृत_१ सबै कार्यक्रमको भिडियो भने हामी Nepali Chhapro च्यानलमै पर्सि विहिवार बिहान १० बजे प्रेमियर गर्नेछौँ ।

17/10/2024

पर्सि शनिवार ललितपुरको इमाडोल भेटौं आउनुस् है । बुलबुल संचालन हुने युट्युब च्यानल Nepali Chhapro लाई मिडिया पार्टनर बनाइदिनुभएकोमा हामी आभारी छौं आयोजकप्रति ।

11/10/2024

कामका चटारो बढेका बेला दशैं मनाउने पनि काम गरेरै हो । आजको दिन मज्जाले रेकर्डिङ गरेरै बित्यो । एकजना साथीले फोनमा भन्नुभयो – "युट्युब त हो नि नभनी हरेक दिनको वाचन ल्याइरहनुभएको छ तपाईंले, यो हो नि तरिका, तपाईंको दिनदिनैको मिहिनेत देखेर मलाई दशैंकाबिच पनि एकदिन नसुनी बस्न मन छैन !"
उहाँका शब्दले अल्छी गर्नै दिएको छैन, झन् धेरै जाँगर दिएको छ दिनभरिलाई । अब चाहिँ एकैछिन बिसाउँछु र दशैंको रमाइलो गर्ने हो ।

आज जानु काम्बाङ लिम्बुको नियात्रा - "तीस वर्षमा माइत गाउँ"
भोलि खगेन्द्र संग्रौलाको कथा - "सेतेको संसार"
दुवै प्रसारणको समय बेलुकी ८ बजे । च्यानल - SHRUTI SAMBEG

09/10/2024

आजको बुलबुल (दशैं विशेष)

ुलबुल – एउटा इरानी चरा । BULBUL - EUTA IRANI CHARA [Episode-6] DA...

09/10/2024

कुन्साङ काकाका कथा श्रृंखलामा आज बुधबारको दोस्रो कथा छ – बुढो र छोरो । अहिले बेलुकी ८ बजे प्रेमियर गर्दैछु ।

बेलुकी सवा नौ बजेपछि कार्यक्रम बुलबुल को समय रहनेछ । आज विभिन्न देश अमेरिका (ह्यारिसबर्ग), जापान, भारत, युनाइटेड अरब इमिरेट्स, कतार, दक्षिण कोरिया, क्यालिफोर्निया र अष्ट्रेलियाबाट गजलकारहरुलाई बुलबुल कम्युनिकेसनको स्टुडियोमा जोड्नेछु । दशैं ती ठाउँहरुमा कसरी मनाइँदैछ ? उहाँहरुसँगको कुराकाकानी र गजल पनि सुन्न सकिनेछ ।

09/10/2024

आज बुधबार । 'बुलबुल' बार । अब त बुलबुल बार मात्रै भनेर पुग्दैन । 'कुन्साङ काका' बार पनि भने हुन्छ । बेलुकी ८ बजे च्यानल Shruti Sambeg मा कुन्साङ काकाका कथा श्रृंखला अन्तर्गत (आज दोस्रो कथा - बुढो र छोरो) सुनाउनेछु ।
त्यसपछि राती सवा नौ बजे #बुलबुल को समय । आजको #बुलबुल विशेष रहनेछ । #दशैं_विशेष । सन् २०१४ पछि आजै यो खालको #बुलबुल तयार गरेको छु । त्यो बेला कमजोर इन्टरनेटका कारण विदेशमा बस्ने नेपाली गजलकारहरुलाई जोड्न मलाई धेरै सकस परेको थियो । अहिले त सहज इन्टरनेट छ । विदेशमा छरिएर रहेका गजलकारहरुसँग उहाँहरुको दशैं कस्तो हुँदैछ ? कुरा सुन्दै गजल सुन्छौं हामी । बुलबुल सुन्ने च्यानल Nepali Chhapro

08/10/2024

हिजोको निकथाले खूब प्रभाव पार्यो । हिजै लेखेको थिएँ । आज नलेखे पनि हुँदो हो तर मन मानेन । आजको निकथाको अर्को छाप पर्यो मलाई । सानोमा अलि अलि सुनेको हो – नेवारको ख्याक भन्थे, हामी बाहुन क्षेत्रीका घरतिर ! केटाकेटीमा सुनियो तर त्यस्सै छोडियो । आज यो निकथा पढेपछि थाहा भयो – कति ठूलो सांस्कृतिक महत्व रहेछ यसको । Bikram Bhakta Joshi सर, हजुरको यो निकथा पढेपछि मलाई पार्वतीले सिर्जना गरेको एउटा ख्याक त भेटिन्छ कि भनेर असनतिरका नेवार समुदायको बाहुल्यता रहेको गल्लीतिर मध्यरातमा डुल्न जान मन लागेको छ । त्यो कुकुरको कति धेरै माया लागेको ! अनि बाटोका लागि घर छोडेर फकीर भएका ती विसंचाको अवस्था र महादेव पार्वतीले ती प्राणीहरुलाई गरेको माया ! एउटा आनन्ददायी हृदय बनेको छ आज यो निकथा पढेर । दशैंको समय छ । फुर्सदमै हुनुहुन्छ भने सुन्नुहोला ।

06/10/2024

अब आउने बुधबार #बुलबुल (सातौं अंक) दशैं विशेष गजलहरु र कुराकानीको रहनेछ । हामी विभिन्न देशमा रहेका गजलकारहरुलाई जोड्नेछों ।
(विदेशमा फरक तरिकाले दशैं मनाइरहेका गजलकार साथीहरु हुनुहुन्छ भने उहाँहरुसँगको कुराकानीलाई विशेष महत्व दिनेछौं)
दशैं विशेष तपाईंले लेख्नुभएका गजलहरु छन् भने पनि यसै status मा कमेन्ट गरेर दिन सक्नुहुन्छ । कृपया आफ्नो गजलको मुनि आफ्नो नाम र ठेगाना खुलाउन नभुल्नुहोला ।