27/07/2026
TINGNAN: Bumuhos ang simpatiya at suporta para kay Doc Willie Ong matapos muling "magpakita" o magpost sa kanyang fb.
Matapos ang ilang panahong hindi nakikita sa publiko, muling nagbigay ng health update si Doc Willie Ong sa kanyang mga tagasuporta. Sa kanyang mensahe, ibinahagi niyang nananatiling stable ang kanyang kondisyon habang patuloy na nilalabanan ang Stage 4 Sarcoma sa pamamagitan ng immunotherapy at targeted therapy.
Ayon kay Doc Willie, may mga pagkakataong may magandang balita at mayroon ding mga hamon sa kanyang gamutan. Gayunman, nananatili ang kanyang pananampalataya at pagtitiwala sa Diyos.
"Stable ang condition ko... Minsan good news, minsan meron bad news, bahala na ang Diyos sa buhay ko. I love you all very much. Maraming salamat sa mga prayers ninyo para sa akin," ani niya.
Kasunod ng kanyang pagbabalik at health update, bumuhos ang simpatiya at suporta mula sa libu-libong netizens. Marami ang nagpaabot ng kanilang panalangin, mensahe ng pag-asa, at pasasalamat sa doktor na sa loob ng maraming taon ay nagsilbing gabay sa milyon-milyong Pilipino pagdating sa kalusugan.
Patuloy namang umaasa ang kanyang mga tagasuporta na magpapatuloy ang kanyang paggaling at patuloy siyang magiging inspirasyon sa maraming Pilipinong humaharap sa matitinding pagsubok sa buhay.
