22/01/2023
கொட்பு விமர்சனம் - 05
'குப்றிக்’ ப்ரோடக்க்ஷன்ஸில் இருந்து 4:3 ஃபார்மட், கருப்பு வெள்ளை பாணியில் (style) பார்க்கக் கிடைத்த இரண்டாவது திரைப்படம் ‘கொட்பு’. முதலில் பார்த்த ‘பற’ (Fly) யும் என்னை வெகுவாக ஈரத்திருந்தது. தாம் வாழும் சமூகத்தின், சூழலின் எல்லா விவரங்களையும் (details) அதி துல்லியமாக, முழு வர்ணத்தில் காட்சிப்படுத்திவிட வேண்டும், பிரதிநிதித்துவப் படுத்தி விடவேண்டும் என்கிற ஒரு கடப்பாடு பலரையும் பிடித்தாட்டுகிற ஒன்று. குறிப்பாக புகுநிலை இளையோரிடம் இந்த ஆரவக்கோளாறு சற்று அதிகமாகவே இருக்கும் (தெரிதாவின் archive fever மாதிரி ஒரு வித representation fever?). இந்த ஒரு ethnographic burden போக்கில் இருந்து விலகி, தனியாக இயங்க முடிகிற, காத்திரமான ஒரு சினிமா மொழியை வளர்த்தெடுக்கும் பரீட்சார்த்த முயற்சிகளாக இக்குறும்படங்ககளை நான் பார்க்கிறேன்.
வன்முறையை அதன் சமூகச் சூழலில் இருந்து விலக்கி உள்வயமாக்கி அணுகுதல் என்பதற்கு ஈழச் சூழலில் முன்னோடிகள் கிடையாது. இந்த வகையில் ‘கொட்பு’ புத்துணர்வூட்டக்கூடிய அனுபவமாக இருந்தது. அதனதன் தனித்த அக உலகங்களை நேர்மையாக விசாரிப்பதற்கும் விதந்தோதுவற்கும் இடையிலான வித்தியாசங்களைத் தெரிந்து கொள்வதன் மூலம் ‘கொட்பு’வில் repetitive ஆக வரும் சில மனோரதியமான சித்தரிப்புகளைக் குறைக்க முயலலாம். தனிமை,குடி/புகை போன்ற விடயங்களில் ஒருவித stylistic investment தூக்கலாகத் தெரிந்தது.
படத்தின் ஒலி வடிவமைப்பில் கொஞ்சம் கவனம் செலுத்தி இருக்கலாம். குறிப்பாக இறுதிக் காட்சியில் உடல் ரீதியிலான தாக்குதல் நடத்தப்படும் போது வெட்டுச் சத்தங்கள். இதற்காக Folly sound libraryகள் உண்டு. அவற்றில் இருந்து தேவையான ஒலிகளை தேடிப் பெற்றுகொண்டிருக்க முடியும். அல்லது அதை செய்யக்கூடிய sound artist களை freelance ஆக hire பண்ணி ஒலிவடிவமைப்பு செய்திருக்கலாம். அதற்கு அவ்வளவு செலவு ஆகாது. அதைப்போல, subtitle மொழிபெயர்ப்பில் கொஞ்சம் கூடுதல் சிரத்தை எடுக்கலாம். எடுக்க வேண்டும். அதிலும் கவனம் செலுத்துங்கள்.
தனித்துவம்/signature தொடர்பான commitment எமது சூழலில் அவசியம். அதற்கான கட்டிறுக்கத்தை 4:3 formatஇல், எடிட் செய்திருக்கிற விதத்தில், கருப்பு வெள்ளையில் காண்கிறேன். மிகவும் உற்சாகமூட்டக்கூடிய மாற்றம் இது. இன்னமும் refine செய்யப்பட்டு கூர்மையான சினிமா அணுகுமுறை கைகூடி வர என் மனமார்ந்த நல்வாழ்த்துக்கள்.
- ஹரி இராஜலட்சுமி
கலைஞர், எழுத்தாளர், விமர்சகர்.
படத்தின் இணைப்பு 👇
https://youtu.be/pchdebqLLmc