Burmese Update News (2024)

25/04/2021

23/04/2021

#ဗဟန်း 8:15 PM

❗️ ငွေလရောင်လမ်းထဲမာ ခွေးတွေ လေးဂွနဲ့ ဝင်ပစ်နေပါပြီ အင်အား (၂၀) လောက် ရှိပါတယ်

#တာမွေ
ဗညားဒလလမ်းပေါ်သီတာလမ်းထိပ်နဲ့၁၄၅လမ်းထိပ်မှာ🐕‍ ကားကြီးတစ်စီးခုချိန်ထိစောင့်နေပါတယ် ညနေ
၅နာရီထဲကပါတဲ့ သံပုံးတီးချိန်စောင့်တာလားထင်ရတယ်
Update- သတိပဌာန်ထိပ်ကျားကွက်သစ်နဲ့အာသောကထောင့်
ကား၁စီးညနေထဲကရပ်ထားပါသေးတယ်
၈နာရီသံပုံတီးရင်ဂရုစိုက်ကြပါ။

#မြောက်ဥက္ကလာ

လှိုင်က တပ်ဆုတ်သွားတဲ့စစ်ကားတွေ ဒီနေ့ ဆေး ၂ ထဲရောက်လာတယ်လို့ယူဆရပါတယ်
ဆေး ၂ မှာ အရင်ကထက် အင်အားပိုများလာပါတယ်။

#အလုံ❗
စက်တွင်းလမ်းအိမ်တွေကိုဓာတ်မီးနဲ့လိုက်ထိုးနေပါတယ်လမ်းလျှောက်ဝင်နေပီ(8:00)
Edit-Mr. Kaung လက်ဖက်ရည်ဆိုင်က လူတွေကိုခေါ်ထုတ်နေပါတယ်❗(8;15)

#မြောက်ဒဂုံ အသံဗုံးဖောက်နေပါတယ် ဘယ်ကလဲတော့အတိကျမသိလို့ပါ သိရင်ထပ်ဖြည့်ပါမယ်8:25pm. ❗မြောက်ဒဂုံဆိုင်ကယ်တွေနဲ့ကင်းလှည့်နေ ❗ဘုရင်နောင်လမ်းမပေါ်၄ချက်ရှိပြီတဲ့ ❗ထပ်ပစ်နေပါပြီ9:15pm 2ချက်

#လှိုင်
သီရိမြိုင် ၃ လမ်း မှာသံဗုံးတီးလို့ ဝင်ဖမ်းနေပါတယ်တဲ့လက်ရှိ ၂ ယောက်ပါသွားပါပြီ ‼‼
အခုထိလည်းလမ်းတွေထဲပတ်နေပါတယ်တဲ့

8:25pm

#လှည်းတန်း
၇ လမ်းထိပ်နဲ့ ပေ ၅၀ လမ်းထဲမှာ အခု

အကျီအစိမ်းနဲ့ ယောကျားလေးတစ်ယာက်ကိုဖမ်းသွားပါတယ်

အိမ်တွေ ကားတွေကို အုတ်ခဲတွေနဲ့ ပစ်ပေါက်ပြီး သောင်းကျန်းနေပါတယ်
တိုက်တွေပေါ်ကို ဓာတ်မီးနဲ့ထိုးပြီး အပေါ်ကို ခဲတွေနဲ့ပစ်နေတာပါ မှန်တွေပါကွဲကုန်ပါတယ်
ဝရန်တာထွက်ကြည့်တာတောင် အောက်ကနေအတင်း အော်ဆဲပြီး ပစ်နေတယ်လို့သိရ

#အင်းစိန် တံတားဖြူ ဂျပန်လမ်းမှာပစ်သံတွေကြားနေရပါတယ်ဟုသတင်းရရှိ
8:45 PM
April 23

#သင်္ဃန်းကျွန်း
ငြိမ်းချမ်းအောင် ဆိုတဲ့နာမည်နဲ့ရှာနေပါတယ်
သင်္ဃန်းကျွန်း သုမန ၁ လမ်းမှာလာရှာနေပါတယ်
၉နာရီ၂၀

#စမ်းချောင်း
တရုတ်ကျောင်းလမ်း
တိုက်အမှတ် ၁၃ကို သံပုံးတီးလို့ဝင်ဆွဲနေကြပါတယ်
ပစ်လဲပစ်နေတယ်
8:49
Edit-အင်အား၂၀ခန့် ဂန္ဓမာလမ်းထဲဝင်လာတယ်ပြောပါတယ်
Edit-ဗဟိုလမ်းဘက်တက်သွားတယ်ပြောပါတယ်
Edit-တစ်ယောက်မှမပါသွားဘူးလို့ဖုန်းဆက်ပါတယ်
Edit-ထ၄ကျောင်းနားမှာကောင်လေးတစ်ယောက်ကိုဖမ်းသွားပါတယ်
Edit-သမိုင်း ၁ရပ်ကွက် ရွှေထီးအိမ်ယာ နားမှာ ၈:၅၀လောက်က လက်လုပ်ဗုံးပေါက်တာလို့သိရပါတယ်

Credit

23/04/2021

အဖမ်းခံရတဲ့ မိန်းကလေးတချို့ကို ရွှေပြည်သာစစ်ကြောရေးမှာ ပြင်းပြင်းထန်ထန် ညှဉ်းပန်းနှိပ်စက်
=================================
(RFA သတင်းဗီဒီယိုမှ ပြန်လည်ကူးယူတင်ပြသည်)

RFA- ဒီနေ့မနက်ပဲ ညီမကို ရဲစခန်းကဖုန်းဆက်သေးတယ်ဆို။ဘာပြောလဲသူတို့ ညီမကို။

ဖြေ- ဟုတ်၊ ညီမကို ဒီအခုမနက် ၁၀:၃၇ လောက်ကပဲဖုန်းဆက်တာပါရှင့်။ စခန်းက စာရေးအသံနဲ့ပဲ ညီမကိုစစ်တုန်းကကြားတဲ့ စာရေးအသံနဲ့ပဲဖုန်းခေါ်လာတာ။ အစ်ကိုတို့ကတဲ့ ၂၄ စမ်းချောင်းရဲစခန်းကပါတဲ့။ ညီမရဲ့ စာရွက်တစ်ရွက်မှာတဲ့ ညီမလက်မှတ်ထိုးဖို့ တစ်ရွက်လိုသွားတယ်တဲ့ ။ အဲ့ဒါ ၂၄ ရဲစခန်းကို အမြန်ဆုံးလာပြီး လက်မှတ်လာထိုးပေးပါတဲ့။ အဲ့ဒါနဲ့ အသဲ(နာမ်စားသုံး)က ပြောလိုက်တယ်။ ညီမအခု ဒလဘက်ကိုရောက်နေတယ်၊ လာဖို့မဖြစ်နိုင်ဘူးလို့။ လာဖို့မဖြစ်နိုင်လည်း ကြိုးစားပြီးတော့ မနက်ဖြန်အရောက်လာခဲ့ပေးပါတဲ့။ ညီမလည်း ဟုတ်ကဲ့ဆိုပြီး ဖုန်းချလိုက်တယ်။ ပြီးတော့ သူတို့ကထပ်ပြီးတော့ ပြောတယ်။ မချခင်မှာ သူတို့ကပြောလိုက်တယ် အဲ့ဒီညီမဒီနေ့လာဖို့ အဆင်မပြေလို့ရှိရင်လည်းတဲ့ ညီမနေတဲ့လိပ်စာကိုပြောပါတဲ့ အစ်ကိုတို့စာရွက်ယူပြီးလာခဲ့ပါမယ်တဲ့၊အချိန်မီပို့ရမှာမို့ပါတဲ့ ။ အဲ့ဒါနဲ့ ညီမကတော့ဖုန်းချလိုက်တယ်။

ဒါပေမဲ့ ညီမပြောပြမယ် အစ်မ၊ အဲ့ဒီစခန်းမှာရောက်ရောက်ချင်းတုန်းက စစ်ချက်တွေရော ဘာတွေရော တောက်လျှောက်လက်မှတ်တွေထိုးခဲ့ရတာ အစောင်၂၀လောက်ရှိတယ် စစရောက်ချင်း။ ပြန်ခါနီးကျတော့လည်း ခံဝန်ထိုးတယ်ဆိုပြီး မိတ္တူစာရွက်တွေရော စာအုပ်တွေရော လက်ရေးနဲ့စာအုပ်တွေမှာရောထိုးခဲ့ရတယ်။ တကယ်အများကြီးပဲ ဆယ်ကြိမ်ကျော်တယ်။ စစ်ကြောရေးထဲမှာလည်း သူတို့လက်ရေးနဲ့ရေးတဲ့ A4စာရွက်တွေတိုင်းမှာ တစ်မျက်နှာချင်းစီတိုင်းမှာ လက်မှတ်တွေထိုးခဲ့တာ အများကြီးပဲ။ သူတို့ခေါ်လို့လည်း ဘာမှသိပ်မဖြစ်ပါဘူး၊ ဒီတိုင်းရှောင်နေလိုက်ရင်တော့လည်း ရပါတယ်။ သူတို့အတိအကျကြီးလိုက်မဖမ်းနိုင်ဘူးလို့ ထင်ပေမဲ့ ညီမအမေက အခု အင်းစိန်ထဲ မှာ ရှိနေတာလေ။ အကယ်လို့ သူတို့ကတစ်ခုခုသိသွားရင် ညီမအမေကို ဓါးစာခံအဖြစ်ပြန်သုံးရင် ဘယ်လိုလုပ်မလဲ ။ (ငိုသံစွက်)

RFA - ညီမအမေနဲ့ညီမက အတူတူအဖမ်းခံရတာပေါ့နော်။ အထဲမှာတုန်းကရော တူတူထားလား၊ စစ်ကြောရေးမှာရော ဘယ်လိုကြုံခဲ့ရလဲ
ဖြေ- ဟုတ် စစ်ကြောရေးမှာတော့ တူတူထားတယ်၊ ညီမပါသွားတဲ့နေ့ကနေ့စပြီးတော့ ပြောပြမယ်နော် အစ်မ။ ညီမ ၁၄ ရက်နေ့ကစပြီးပါသွားတာ၊ အဲ့၁၄ရက်နေ့တုန်းက မနက်က မုန့်လုံးရေပေါ်သပိတ်လုပ်တယ်။ ၁၈လမ်းစျေးထဲမှာလုပ်တာ။ မုန့်လုံးရေပေါ်သပိတ်လုပ်ပြီး အိမ်ပြန်လာပြီး ပုံတွေဘာတွေတင်ပြီး ခဏနားတယ်။ နောက်ဆေးသပိတ်လုပ်ဖို့ ညီမတို့ထွက်လာတယ်။ ညီမရဲ့ဖုန်းထဲမှာက ဘာဒေတာမှမရှိဘူး။ ဆန္ဒပြခဲ့ဖူးတဲ့ပုံတွေ တစ်ပုံနှစ်ပုံလောက်ရှိပေမဲ့ ရသလောက် အကုန်ဖျက်ထားတယ်။ အဲ့မနက်က မုန့်လုံးရေပေါ်သပိတ်ဟာပဲရှိတယ်။ နှစ်ယောက်အတူလျှောက်လာတဲ့အခါမှာ ဗားကရာချောက်အကျော်နား ငါးထပ်ကြီး ဘုရားမရောက်ခင်နားမှာ စစ်ကားတစ်စီးက ထိုးရပ်ပြီး ညီမတို့ကိုဆွဲတင်တယ်။ ဆွဲတင်တော့ ဆန္ဒမပြပါဘူး အဲ့လို ပြောတဲ့အချိန်မှာ ညီမတို့လက်ထဲက ပစ္စည်းတွေ ၊ ဖုန်းကိုဖျောက်ဖို့ အချိန်မရတော့ဘူး။ သူက ရောက်တာနဲ့ ချက်ချင်းဖုန်းပေးဆိုပြီး ယူသွားတာ။ ယူသွားပြီး အဲ့လမ်းတစ်ဝက်ရောက်တော့ အနောက်ကိုပြန်ကွေ့တာ။ အဲ့ဒီဗားကရာကြီးချောက်အကျော်နားလည်းရောက်ရော စလွန်းကားတစ်စီး ရဲကားစလွန်းကားတစ်စီး ရောက်လာပြီး စမ်းချောင်း ၂၄ နယ်မြေရဲစခန်းက ရဲတဲ့။ သူတို့ရောက်လာပြီး အဲ့နားကိုပြန်သွားပြီးတော့ ဆေးဘူးတွေနဲ့ ဓါတ်ပုံရိုက်တယ်၊ ရိုက်ပြီးတော့ ညီမတို့ စမ်းချောင်း၂၄ ရဲစခန်းကိုခေါ်သွားတယ်။ ခေါ်သွားပြီးတော့ ညီမအမေရဲ့ ဖုန်းထဲမှာ အဲ့ဒီ၄ရက်နေ့ကစပြီးတော့ ပုံတွေ၊ သူမိုက်ကိုင်ပြီးအော်တဲ့ဟာတွေ၊ သူများပို့ပေးတာတွေရော၊ သူ့ဟာသူရိုက်တာတွေရော၊ သူ့ဖုန်းထဲမှာ ဒေတာတွေအကုန်ရှိနေတယ်။ ဘာဆိုဘာတစ်ခုမှ မဖျက်ထားဘူး။
ပြီးတော့ စမ်းချောင်း၂၄ရဲစခန်းက ရဲတွေကလည်း သူတို့ ညီမအမေက စမ်းချောင်းဗဟိုလမ်းသပိတ် မအူပင်လမ်းရဲ့ ရှေ့ဆုံးမှာ အမြဲတမ်းရဲတွေကိုသွားစနေကြကွာ။ ထမီတန်းတွေရော တစ်ထောင်ဖိုးသုံးထည်.. အဲ့ဒီဗီဒီယိုဖိုင်တွေကအစ သူတို့ဆီမှာရှိတယ်။ ရှိတော့ နင့်ကိုငါစမ်းချောင်းသပိတ်တွေမှာ အမြဲမြင်ဖူးတယ်တဲ့။ နင်ပဲလှုံ့ဆော်သူတဲ့၊ အဲ့မှာဖော်စမ်းတဲ့ မမော်ဆိုတာဘယ်သူလဲ၊ နင့်ကိုအမြဲထောက်ပံ့တာဘယ်သူလဲ၊ CDM ကပိုက်ဆံတွေဘယ်ကရလဲ၊ personal ကိစ္စတွေရော ၊ နင်အမွေရတာဒီလောက်ထိမသုံးနိုင်ဘူး၊ နင့်ကိုထောက်ပံ့တဲ့သူ ရှိကိုရှိရမယ်ဆိုပြီး ညီမအမေကို ခြောက်ယောက်လောက်ဝိုင်းစစ်နေကြတာ ဟိုဘက်အခန်းမှာ။

ညီမကိုကျတော့ ဒီဘက်အခန်းမှာ ဒီကွန်ပျူတာစာစီတဲ့သူတစ်ယောက်ပဲရှိတယ်။ ဘာမှညီမကိုမမေးဘူး။ ဘာဆိုဘာမှမမေးဘူး။ နောက်လည်းကျရော နှစ်ပွင့်နဲ့တစ်ယောက်က ဝင်လာပြီး သူ့ကိုဘာမှစစ်မနေနဲ့ သူ့အမေလုပ်သမျှ သူလည်းပါမှာပဲ တဲ့။ အကုန်လုံးသာချပြီးထည့်ရေးထားလိုက်၊ ပြီးရင်သူ့ကို စစ်ကြောရေးထဲထည့်မယ်ဆိုပြီး အဲ့ဒီလိုပြောတယ်။ အဲ့ဒါနဲ့ ညီမအသက်ကိုမေးတယ်၊ ညီမအဲ့ဒီတုန်းက အသက်မပြည့်သေးဘူးလို့ ၊ ၂၀၀၅ ဆိုပြီးပြောလိုက်တာ ၁၅ ပဲရှိသေးတယ်လို့။ အမှန်တကယ် ညီမ မွေးသက္ကရာဇ်က ၂၀၀၄ သုံးလပိုင်း ၁၀ရက်နေ့၊ ၁၇ ပြည့်ပြီးပြီ သုံးလပိုင်းက။ အဲ့လိုပြောလိုက်တော့ အသက်မပြည့်သေးဘူးဆိုပြီးတော့ ညီမအိမ်မှာကျန်ခဲ့တဲ့ ညီမဦးလေးကို ညီမတို့မသိတဲ့အချိန် ဖုန်းဆက်ပြီးတော့ မွေးစာရင်းယူခဲ့ပါ ကလေးကိုလာထုတ်ပေးလို့ရအောင်ဆိုပြီး ဖုန်းဆက်လိုက်တယ်။ အဲ့ဒီအချိန်မှာ ဦးလေးကလည်း မသိဘဲမွေးစာရင်းကိုယူလာပေးလိုက်တယ်။ အဲ့ဒီမှာမွေးစာရင်းကိုတွေ့တော့ ဒီမှာ ၂၀၀၄ လိုရေးထားတာ နင်ကလိမ်တယ်ဟုတ်လား ဆိုပြီး။ ညီမအမေကလည်း ၂၀၀၄ လား ၂၀၀၅လားမသိဘူး။ အဲ့ဒါ နင်ကပါအမေနဲ့ပေါင်းလိမ်ဟုတ်လားဆိုပြီးတော့ ၁၇ ပြည့်နေပြီ။ ၁၇ ပြည့်ရင် စစ်ကြောရေးထဲထည့်လို့ရတယ် သိလား။ ၁၈ ပြည့်ပါတယ်ဆိုပြီးလည်း ဖမ်းထည့်လိုက်လို့ရတယ်သိလားဆိုပြီး ပြောတယ်။

အဲ့ဒီနေ့ည ၁၄ည မှာ အချုပ်ထဲ တစ်ညသိပ်တယ်။ တစ်ညသိပ်ပြီး မနက်၁၀နာရီလောက်ကျရော သူတို့အချုပ်ကားနဲ့မဟုတ်ဘဲ စလွန်းကားကိုမှ ဘေးက ရဲမေတစ်ယောက်ရယ်၊ ရဲတစ်ယောက်ရယ်ကိုမှ ညီမတို့ကိုကြားညှပ်ပြီး ရွှေပြည်သာ စစ်ကြောရေးကိုပို့လိုက်တာ။ စခန်းမှာတုန်းက ညီမကို ထိုင်စစ်နေတဲ့အချိန်တုန်းက နှစ်ပွင့်တစ်ယောက်က ထိုင်စစ်နေတာ။ အဲ့ဒါကို ဘာမှမဟုတ်တဲ့ ဘာကြယ်မှလည်းမရှိတဲ့ ရဲဘော်တစ်ယောက်ကဝင်လာပြီး ညီမပခုံးကို ပုတ်တယ်။ ညီမပခုံးကိုပုတ်ပြီး အစ်ကိုကြီးက ကူညီပေးမယ်သိလားဆိုပြီး။ ညီမက ပထမတစ်ချက်ဆိုတော့ ဘာမှမပြောဘူးထားလိုက်သေးတယ် ပုံမှန်ပဲဆိုပြီး။ နောက်ကျတော့ နောက်ထပ်ပုတ်တော့ အဲ့ဒီလက်ကိုဖျတ်ရိုက်လိုက်ပြီး အသားကိုလုံးဝမထိနဲ့လို့ အခုချက်ချင်းရဲမေ ခေါ်ပေးလို့ ပြောလိုက်တာ။ အဲ့ဒီလိုပြောလိုက်တော့ သူက ခြောက်လုံးထည့်ရတဲ့ သေနတ်ကို စားပွဲခုံပေါ်ပစ်တင်လိုက်ပြီး နင့်ကိုငါ အခုချက်ချင်း သတ်လိုက်လို့ရတယ်သိလား ၊ ပြီးရင်အလောင်းဖျောက်လိုက်လို့ရတယ် ဘယ်သူမှတောင်သိလိုက်မှာမဟုတ်ဘူးဆိုပြီး ပြောတယ်။ ညီမ အဲ့ဒီအချိန်မှာ အရမ်းဒေါသဖြစ်နေတဲ့အချိန်ဆိုတော့ ပစ်လိုက်လေ ပစ်သတ်လိုက်လို့ ငါးခေါက်လောက် အကျယ်ကြီးအော်လိုက်တော့ အချုပ်ကားထဲကနေတောင်ကြားတယ်။ အဲ့ဒီလိုအော်လိုက်တော့ နှစ်ပွင့်ရဲက မင်းအခုချက်ချင်းထွက်သွားလိုက်တော့၊ သူကအသက်မပြည့်သေးဘူး ငါတို့အမှုပတ်နေမယ်ဆိုပြီးတော့ မောင်းထုတ်လိုက်တာ။ အဲ့ဒါကြောင့်လည်းပါတယ်။ မကျေနပ်လို့ စစ်ကြောရေးထဲကို ထည့်ပေးလိုက်တာ။

စစ်ကြောရေးမှာက အဆောင်လေးဆောင်ရှိတယ်။ဟောခန်းကြီးကိုမှ အဆောင်လေးဆောင် ၊ ဟောခန်းကြီးက အကျယ်ကြီးပဲ။ တစ်ခုနဲ့တစ်ခုကြားမှာ မြောင်းနဲ့ မြက်ပင်တွေခြားနေတယ်။ ပြတင်းပေါက်တွေကအများကြီးပဲ။ ပြတင်းပေါက်လှမ်းကြည့်ရင်တောင်မြင်ရတယ်။ ဒီဘက်ထောင့်ဆုံးကကျ ယောကျ်ားလေးအဆောင်၊ ဒီဘက်အလယ်ကကျမိန်းကလေးဆောင်၊ အဲ့ဒီမိန်းကလေးဆောင်ပြီးရင်ကျ နောက်တစ်ဆောင်က ညီမတို့ရှေ့မှာ တစ်နာရီခြားတစ်ခါ တပ်သားတွေ ဂျူတီချိန်းတယ်။ အဲ့ဒီအဆောင်တစ်ခုရှိတယ် အရှေ့မှာ။ စစ်သားတစ်ယောက် စောင့်တယ်။ တစ်နာရီခြားတစ်ခါဂျူတီချိန်းတယ် အဲ့ဒါကိုလည်း စောင့်တဲ့ စစ်သားတွေကပဲပြောတာ။ စစ်တဲ့သူတွေကတော့ လာစစ်လို့ ဆန္ဒပြတဲ့ အမှုလောက်ဆိုရင် ညီမတို့ အဆောင်ထဲထိဝင်လာပြီး အဆောင်မှာ ထိုင်ခုံနဲ့စားပွဲခုံချထားတာ ရှိတယ်။ အဲ့ဒီမှာ မျက်နှာချင်းဆိုင်ပြီးတော့ ဘာတွေလုပ်လဲ၊ဝန်ခံဆိုပြီးတော့ A4 စာရွက်မှာ လက်ရေးနဲ့ရေးပြီးတော့ တစ်ခုစီမေးတယ်။ မေးတာကလည်း ဖေဖော်ဝါရီ၄ရက်နေ့ကစပြီး ဘာတွေလုပ်လဲ၊ သပိတ်တွေက ၄ ရက်နေ့ကစတာ၊ ပြီးရင် CRPH နဲ့ပတ်သက်မှုရှိလား၊ CDM တွေကို support လုပ်ပေးဖူးလား ၊ CDM လုပ်တဲ့သူတွေနဲ့ရောပတ်သက်ဖူးလား အဲ့ဒီလိုတွေမေးတယ်။

ဒါပေမဲ့ကံကောင်းချင်တော့ ညီမအမေရဲ့ဖုန်းထဲမှာ ဆန္ဒပြတာတွေ၊ မိုက်နဲ့အော်တာတွေကလွဲရင် ဘာမှပါမလာဘူး။ CRPH တွေ CDM support တွေပါမလာဘူး၊ သူဆန္ဒပြတာတွေပဲပါလာတယ်။ သူ့ကိုစစ်တဲ့သူကလည်း အရမ်းဆိုးတဲ့အထဲမှာ မပါဘူး ။ စစ်ကြောရေးမှာ ရောက်နှင့်ပြီးသား အစ်မကြီးတွေကလည်းပြောပြတယ်။ သူတို့မေးလို့ရှိရင် အကုန်ဝန်ခံ ၊ မဟုတ်ဘူးလို့မပြောနဲ့ မသိဘူးလို့မပြောနဲ့ သူတို့ကိုဆရာလို့ပဲခေါ်၊ ကောင်းကောင်းမွန်မွန်ပဲပြော။ ကောင်းကောင်းမွန်မွန်မပြောလို့ရှိရင်တဲ့ သူတို့မျက်လုံးစည်းပြီးတော့ သီးသန့်ဆောင်ကို ခေါ်သွားလိမ့်မယ်တဲ့ လက်ထိပ်ခတ်ပြီးတော့။ ညီမတို့ မိန်းကလေးဆောင်ပြီးလို့ရှိရင် အဲ့ဒီမှာက တပ်သားတွေနေတဲ့အဆောင် စစ်တဲ့သူတွေက အဲ့ထဲမှာပဲနေတာ။ ဟိုဘက်မှာ အဆောင်တစ်ခုရှိတယ်။ သူတို့ကခေါ်ရင် မျက်လုံးစည်းပြီးခေါ်သွားတော့ အတိအကျတော့မသိဘူး။ ဒါပေမဲ့ အဲ့ဒီမှာ ဟောခန်းကြီးပဲရှိပြီးတော့ ယောကျ်ာလေးတွေဆို အဲ့ဒီအဆောင်ကို ခေါ်ပြီးတော့ရိုက်တာ အစ်မရယ်။

ယောကျ်ာလေးတွေက အဲ့ဒီအဆောင်ကို မျက်လုံးစည်းလက်ထိပ်ခတ် ခေါ်သွားရင် ဒီမိန်းကလေးအဆောင်ရှေ့က ဖြတ်ပြီးခေါ်သွားတာ။ ပြတင်းပေါက်က သုံးလေးခုလောက်ရှိတော့ အမြဲတမ်းလှမ်းမြင်ရတယ်။ တချို့ယောကျ်ားလေးတွေက ပြန်လာလို့ရှိရင် ခြေထောက်ကထောက်တောင် မထောက်နိုင်ဘူး ခွေကျနေတာ။ သူတို့အသေရိုက်တာ။ မျက်နှာတွေက ဖူးယောင်နေတာပဲ။ ဒါပေမဲ့ ယောကျ်ားလေးဆောင်နဲ့ မိန်းကလေးဆောင်ခွဲထားတော့ ယောကျ်ာလေးဘယ်သူရှိလဲမသိရဘူး။ ဖြတ်သွားတာလောက်ပဲတွေ့ရတာ။

မိန်းကလေးအဆောင်ထဲမှာကျတော့ ညီမပို့စ်ထဲမှာ speak out လုပ်ထားတဲ့ အစ်မကြီး၊ ညီမတို့က ၁၄ရက်နေ့က အချုပ်ထဲမှာ ၁၅ရက်နေ့စစ်ကြောရေးကို စရောက်တဲ့အချိန်မှာ အဲ့ဒီအစ်မကြီးတွေမရှိဘူး။ ၁၈ ရက်နေ့ည ၃ နာရီလောက်မှ ညီမတင်ထားတဲ့ ၁၉ နှစ် အစ်မကြီး

RFA- သူ့နာမည်လေးပြောပါလား ညီမ

ဖြေ- ညီမနာမည်တွေတော့ သူတို့တွေကနာမည်မပြောဘူး။ ခေါ်လို့ ရှိရင် ရန်ကင်းကပါလာတဲ့တစ်ယောက် အဲ့လို လက်ညှိုးထိုးပြီးခေါ်သွားတာ။ နာမည်တွေအတိအကျမမှတ်လိုက်မိဘူး။ ပိုဆိုးတာက အချိန်လည်းမရဘူး။ ညီမဆက်ပြောပြမယ်။ ၄နာရီလောက်မှာ အဲ့ဒီအစ်မရောက်လာတယ်။ ရောက်လာပြီးတော့ ငါးမိနစ်လောက်နေပြီးတာနဲ့ သူတို့က အဖေနာမည်တွေဘာတွေလာကောက်တယ်။ ကောက်ပြီးတော့ ရောက်နှင့်နေပြီးတဲ့သူနဲ့ အသစ်ရောက်လာတဲ့သူဆို သူတို့က ပေးစကားမပြောဘူး။ မင်းတို့သူကို့ စကားမပြောနဲ့ဆိုပြီး အဆောင်ရဲ့ထိပ်မှာ ထားထားတာ သက်သက်ကြီးထားတာ။ လုံးဝစကားပြောလို့မရဘူး။ ညီမတို့က သူလို့လွတ်တာနဲ့ အဲ့ဒီအစ်မကြီးကိုမှာတယ်။ ခေါင်းမမာနဲ့ သူတို့မေးတာဖြေ ၊ဆရာလို့ပဲခေါ်ဆိုပြီး လှမ်းပြောတယ်ကွာ။

အဲ့ဒီ ၁၉ နှစ်အစ်မကြီးကို အခန်းထဲမှာ ဒီအဆောင်ထဲမှာခေါ်စစ်တာ။ စစ်တဲ့အချိန်မှာ သူတို့က ပြောတယ် နင့်မှာကောင်လေးရှိလား၊သူတို့တွေက အဲ့ဒီလို personal ဟာတွေအရမ်းမေးတယ်။ အင်း ကောင်လေးတော့ရှိတယ်လို့သူကဖြေတယ်။ အဲ့ဒါဆိုနင့်ကောင်လေးက ဟိုဘက်ထဲမှာပါလာလားတဲ့ဆိုပြီး သူက ပါလာတယ်တဲ့ ယောကျ်ာလေးအဆောင်မှာပါလာတယ်တဲ့။ နင်က ၁၉ နှစ်နဲ့ရည်းစားတွေဘာတွေထားတယ်ပေါ့ နင့်မိဘတွေရောသိလားတဲ့အဲ့လိုမျိုးမေးတယ်။ မိဘတွေကတေ့ာ့မသိဘူးတဲ့ ။ ပြီးတော့ကွာ စစ်တဲ့လူကမေးလိုက်တာ အဲ့ဒီအစ်မကြီးရဲ့ လူမျိုးကိုမေးလိုက်တာ။ နင်ကဘာလူမျိုးလဲတဲ့။ အဲ့ဒီအစ်မကြီးက သူ့ကောင်လေးရဲ့လူမျိုးကိုမေးတယ်ထင်ပြီး Muslim တဲ့ ။ ဟင် နင်က Muslim လားတဲ့ ။ မဟုတ်ဘူး ညီမကောင်လေးကို မေးတယ်ထင်လို့တဲ့။ ပြီးတော့ အဲ့ဒီမှာစစ်တဲ့သူက အရမ်းဒေါသထွက်ပြီး နင်က Muslim နဲ့တွဲတယ်ဟုတ်လား၊ ကုလားမိန်းမဖြစ်ချင်နေတယ်ဆိုပြီးတော့ အဲ့ဒီအဆောင်ထဲမှာဆက်မစစ်တော့ဘဲ မျက်လုံးစည်းမယ်ဆိုပြီး အပြင်ကနှစ်ယောက်ကို လှမ်းခေါ်ပြီးတော့ မျက်လုံးစည်း လက်ထိပ်ခတ်ပြီး သီးသန့်ဆောင်ကိုခေါ်သွားရော။
ခေါ်သွားပြီး အကြာကြီးပဲ ၊ ည ၆နာရီခွဲ ၇နာရီမှပြန်ရောက်လာပြီးတော့ ညီမတို့စိတ်ပူပြီးတော့ ရိုက်သေးလား ဘာလုပ်သေးလဲဆိုတော့ ရိုက်တာတော့မရိုက်ဘူးတဲ့ ။ အဲ့ဒီသူ့ကောင်လေးလို့ပြောတဲ့ ယောက်ျားလေးအဆောင်က တစ်ယောက်ကိုကျတော့ အသေရိုက်တယ်တဲ့။ နာမည်က ကာဗီဆိုလား ဘာလားမသိဘူး။ အတိအကျတော့ ညီမကိုမပြောဘူး။ အဲ့ဒါအသေရိုက်နေတယ်တဲ့ ။ ညီမတို့က တကယ်တွဲနေတာ မဟုတ်ဘူး။ ဒီတိုင်းအတူမိတာတဲ့ သက်သာအောင်လို့ပြောထားတာတဲ့။ သူတို့လက်နက် တွေနဲ့မိတာဆိုတော့တဲ့ ရည်းစားတွေနဲ့ချိန်းတွေ့တာပါ၊ သူငယ်ချင်းတွေကိုပို့ထားတာပါဆိုတဲ့သဘောနဲ့ တဲ့။ တကယ်တွဲနေတာမဟုတ်ဘူး တိုင်ပင်ထားပြီးပြောတာတဲ့။

အဲ့ဒါနဲ့ပြီးရော အဲ့ဒီအစ်မကြီးကို ထမင်းတွေဘာတွေကျွေးပြီး ခဏနားတယ်။ ခဏလောက်လည်းကြာရော အသစ်ရောက်လာတဲ့ အစ်မနှစ်ယောက်။ စမ်းချောင်းက ညီအစ်မနှစ်ယောက် အသစ်ရောက်လာတယ်။ သူတို့ကကျတော့ Robert ဆိုတဲ့ ယောကျ်ားလေးထဲကတစ်ယောက်က ဖော်လိုက်လို့ သူတို့ကို တောင်ဥက္ကလာအိမ်အထိ သွားဆွဲလာတာ။ တစ်ယောက်က အသက်မပြည့်သေးဘူး။ ၁၇ ပဲ အသဲလို။ သူ့အစ်မကတော့ အသက်ပြည့်သွားပြီ။ သူတို့နှစ်ယောက် အသစ်ရောက်လာတော့ စစ်တဲ့သူတွေက သူ့အစ်မကိုစစ်တာ သုံးယောက်။ အရှေ့မှာပဲ စားပွဲနဲ့ထိုင်ပြီး သုံးယောက်စစ်တယ်။ ဒီဘက်က ညီမလေးကိုကျတော့ အဲ့ဒီစစ်တဲ့သူက နှစ်ယောက်စစ်တယ်။ အဲ့ဒီရခိုင်ကြီးဆိုတဲ့တစ်ယောက်ရယ် ၊ နောက်တစ်ယောက်ရယ်။ စစ်တဲ့အချိန်မှာ ညီမတို့က တိတ်ဆိတ်နေတယ်။ သူတို့ကလှမ်းဟောက်တာ။ နင်တို့အခုချက်ချင်းအိပ်နေ၊ တစ်ယောက်မှထမလာနဲ့တဲ့။ အဲ့ဒီလိုမျိုးပြောတော့ ညီမတို့ကအနောက်မှာပဲလှဲအိပ်နေတာ တစ်ချက်တစ်ချက်တော့ စစ်တာတွေကြားရတာပေါ့။ ပြီးတော့ ကိုးနာရီကျော်ကျ ညီမတို့ကအကုန်အိပ်ပျော်နေပြီး သူတို့စစ်တဲ့အချိန်မှာ ညီမအမေကတော့ တစ်ခေါက်နိုးလာပြီး သူလုပ်စရာရှိတာလုပ်၊ ညီမကမထတော့ဘူး ဆက်အိပ်နေတယ်။

အိပ်ပြီးမနက် လေးနာရီခွဲလောက်က အဲ့ဒီအစ်မကြီး သူရောက်လာတယ်။ သူရောက်လာတော့ အဲ့ဒီအစ်မကြီးက လုံးဝစုတ်ပြတ်သတ်နေပြီ။ အဲ့ဒီအစ်မကြီးမရောက်လာခင်မှာလည်း ၁၉ နှစ်အစ်မကြီးက သူ့အကြောင်းပြောတယ်။ သူနဲ့အတူတဲ့ ၊ သူကဘာမှမဖြစ်ဘူးတဲ့ ။ သူ့ကိုလည်း ဘာမှမလုပ်ဘူးတဲ့ ။ ဒါပေမဲ့ သူနဲ့အတူ ဖမ်းမိတဲ့အစ်မကြီးက လုံးဝစုတ်ပြတ်သတ်နေပြီတဲ့။ သူ့ကိုစမိတာနဲ့ အဲ့ဒီအစ်မကြီးရဲ့ ဆံပင်ကိုဆောင့်ဆွဲပြီးတော့တဲ့။ ဖြစ်ချင်တော့ သူတို့ကို ဖမ်းမမိခင်တစ်ရက်က ရန်ကင်းမှာ ဗုံးပေါက်ကွဲမှုဖြစ်သွားတယ်တဲ့။ ညီမက ၁၄ ရက်နေ့တည်းက ရောက်နေ့တာ့ အဲ့ဒါတွေမမီဘူး။ ဒါပေမဲ့ ပေါက်ကွဲမှုလုပ်တာက ညီမတို့လုပ်တာမဟုတ်ဘူးတဲ့။ ညီမတို့လုပ်တာမဟုတ်တာကို စစ်သားတွေက ညီမတို့ကိုမိတော့ ဂျင်ဂလိတွေ၊ လက်လုပ်ဗုံး smoke bomb တွေ၊ list တွေလည်းအများကြီးပါတယ်တဲ့ ။ အဲ့ဒီအစ်မကြီးက လိပ်စာတွေရော ၊ ဖုန်းနံပါတ်တွေရော နာမည်နဲ့အတူရေးထားတာတဲ့။ သူလှူထားဖူးတဲ့သူတွေရဲ့ စာရင်းရောတဲ့။ ပါပြီးတော့ စစ်ကားတွေကချက်ချင်းရောက်ချလာတာတဲ့ ။ အဲ့ဒီအစ်မကြီးရဲ့ ဆံပင်ကိုဆောင့်ဆွဲပြီးတော့ နင်တို့လုပ်လို့ ငါတို့စစ်သားနှစ်ယောက်သေတာဆိုပြီး ပိုးစိုးပက်စက်ရိုက်တယ်တဲ့။ အဲ့ဒီ ၁၉ နှစ်အစ်မကြီးကိုကျတော့ ခေါင်းကဆောင့်ကန်လိုက်တာ မေးစေ့နဲ့လမ်းနဲ့ကပ်တဲ့အချိန်မှာ သူတို့က အပေါ်ကနေခြေထောက်နဲ့ဖိထားတယ် ကျောကုန်းကိုတဲ့။ သူ့ကိုတော့မရိုက်ဘူး။ အဲ့ဒီအစ်မကြီးကို ကျအသေရိုက်တယ်တဲ့။ ဆံပင်ကနေဆွဲပြီးတော့ မျက်နှာကို ကတ္တရာလမ်းနဲ့ပွတ်ဆွဲတာလည်းလုပ်တယ်တဲ့။ ပြီးတော့ သူ့ကို စခန်းကိုပို့လိုက်တယ်တဲ့။

စခန်းကရဲတွေက သူ့ကို sexual harassment လုပ်တာ။ ညီမတင်ထားတဲ့အတိုင်းပဲ။ အမှန်တော့ အဲ့ဒါတွေမတင်သင့်ဘူးပေါ့နော် ။ ဒါပေမဲ့ အဲ့ဒါတွေတကယ်လုပ်တာ။ ၁၉ နှစ်အစ်မကြီးကိုယ်တိုင်ပြောပြတာ။ ပါသွားတဲ့အစ်မကြီးမှာ တက်တူးတွေအများကြီးရှိတယ်။ အဲ့ဒါကိုလည်း နင်ကမိန်းကလေးဖြစ်ပြီး တက်တူးတွေနဲ့ပါလားဆိုပြီး ပိုးစိုးပက်စက်မပြောသင့်တာတွေအများကြီးပြောတာ။ ပြီးတော့ နင့်မှာကောင်လေးရှိတာလား ဆိုတော့ ဟိုအစ်မကြီးက ရှိတယ်လို့ပြောလိုက်တယ်တဲ့။ အဲ့ဒီတော့နင့်ကောင်လေးက နိုင်ငံခြားသားလားတဲ့။ သူတို့ရဲ့ဖုန်းထဲမှာ conversationတွေ့တော့။ နိုင်ငံခြားသားဘာသားလဲဆိုတော့ အဲ့ဒီအစ်မက နိုင်ဂျီးရီးယားလို့ပြောလိုက်တော့ ဘာလဲ နင်က ကပ္ပလီရဲ့ဟာကိုကြိုက်တယ်ဟုတ်လားဆိုပြီး ပေါင်ကိုကားခိုင်းပြီး ရဲတွေကိုယ်တိုင်က ပေါင်ကြားထဲကို ဆောင့်ကန်တယ်တဲ့။ ဆောင့်ကန်ပြီးတော့ ကြမ်းသုတ်တဲ့သံပိုက်နဲ့အသေရိုက်တယ်တဲ့ ။ မျက်နှာကိုစည်းပြီးရိုက်တာ။ ပြီးတော့ အဲ့ဒီအစ်မကြီးရဲ့ ပခုံးပေါ်တွေတက်ခွတယ်၊ ဆံပင်တွေဆောင့်ဆွဲပြီး။ ပြီးတော့ အဲ့ဒီအစ်မကို ကိုးမိုင်စစ်ကြောရေးကိုပို့လိုက်တယ်တဲ့ စခန်းကနေ။

ကိုးမိုင်စစ်ကြောရေးမှာက စစ်တာလောက်ပဲရှိတာ။ သူတို့တွေက နာမည်ကိုဖော်ခိုင်းတယ်တဲ့။ ပါတဲ့လူဖော်။ ငါးယောက်ကိုဖော်၊ဆယ်ယောက်ကိုဖော်ဆိုပြီး နာမည်ကိုဖော်ခိုင်းတယ်တဲ့။ ဟိုအစ်မကြီးကိုကျတော့ List ထဲကလူအကုန်ဖော်ခိုင်းတယ်တဲ့။ အိမ်လိပ်စာနဲ့ ဖုန်းနံပါတ်တွေကိုအကုန်ဖော်ခိုင်းတယ်တဲ့။ ဟိုအစ်မကြီးကတော့ သူတို့က အခန်းသပ်သပ်စီခွဲစစ်တာတဲ့ ကိုးမိုင်စစ်ကြောရေးမှာ။ ညီမတို့ကို အဲ့ဒီလောက်ထိပဲပြောတယ်ပေါ့။
အဲ့ဒီ၁၉ နှစ်အစ်မကြီးက ညီမတို့ ရွှေပြည်သာစစ်ကြောရေးကို အရင်ရောက်တာ။ နေ့လယ် ၃ နာရီလောက်က။ ဟိုအစ်မကြီးကကျ ညနေလေးနာရီမှရောက်လာပြီးမှ လုံးဝစုတ်ပြတ်သက်နေပြီ။ လမ်းလည်းသိပ်မလျှောက်နိုင်တော့ဘူး။ ဟိုထမင်းမစားနိုင်ဘူးလို့ညီမရေးတာ ထမင်းတောင်မဝါးနိုင်ဘူးလို့ညီမရေးတာ စကားပြောရင် သူ့ရဲ့ ဒီသွားတွေကသွားဖုံးတွေကလည်း နာနေတာ။ ဒီနားနှုတ်ခမ်းနာကလည်း ပဲ့နေတာ အကြီးကြီးပဲ ။ အကြီးကြီးဆိုတော့ ထမင်းစားရင် စပ်ပြီးတော့ အရမ်းနာလို့ ထမင်းမစားနိုင်တာကွာ။ စကားတော့သူပြောနိုင်သေးတယ်။ စကားပြောနိုင်သေးတယ်ဆိုတာ သူရောက်လာတော့ အသဲအမေကိုယ်တိုင်ကိုက သူ့ကိုရေပတ်ဝတ်လေးနဲ့ သေချာသုတ်ပေးတယ်။ သုတ်ပေးပြီးတော့ ရှိတဲ့ဆေးပေါ့။ Paracap တို့ ဘာတို့ ပါတာတိုက်လိုက်တယ်။ ရှိတဲ့စစ်သားတွေဆီကနေ ဒီမှာလူသစ်ရောက်တယ် ထမင်းဘူးလေးတောင်းပေးပါဦးဆိုပြီး ထမင်းဘူးလေးတောင်းပြီး ဝင်သလောက် ကျွေးတယ်ကွာ။ သူကအဲ့ဒီမှာ ရတဲ့အချိန်မှာ ရသလိုပြောပြတယ်။ ဘာတွေလုပ်လဲဆိုတာ အဲ့ဒီဟိုအစ်မကြီးပြောတဲ့အတိုင်းလုပ်တာလားဆိုတော့ ဟုတ်တယ်တဲ့။ တခြားဘာတွေရောလုပ်သေးလဲဆိုတော့ တခြားဘာမှမလုပ်ဘူးတဲ့။

RFA - ဆိုတော့ သူရော အသက်ဆက်ရှင်နိုင်မယ့် အနေအထားမျိုးရှိလား။ ဘယ်လောက်ထိတောင်နှိပ်စက်ညှဉ်းပန်းထားလဲ။

ဖြေ - နှိပ်စက်ညှဉ်းပန်းတာက လမ်းကတော့ လျှောက်နိုင်သေးတယ်။ လမ်းမလျှေက်နိုင်ဘဲ လဲကျသွားတဲ့အထိတော့မဟုတ်ဘူး။ နှုတ်ခမ်းကတော့ တခြမ်းပဲ့နေတယ်။ မျက်လုံးကကျတော့ သူတို့ထိုးထားကြိတ်ထားလို့ မျက်လုံးတစ်ဖက်ကတော့ သွေးခြေဥပြီးရဲတောက်နေတယ်။ ဒါပေမဲ့ မြင်တော့မြင်ရသေးတယ်။ ပြီးတော့ခေါင်းတွေမှာလည်း ဒဏ်ရာတွေရှိတယ်။ တင်ပါးတွေမှာတော့ ညိုမဲစွဲပြီးတော့ စုတ်ပြတ်သတ်နေတယ်။သူပြောတော့ မအင်္ဂါကလည်းသွေးဆင်းတယ်တဲ့။ သူတို့ဆောင့်ကန်လိုက်တာကြောင့် ဒဏ်ရာဖြစ်သွားတယ်တဲ့။ ရင်ဘတ်တွေမှာလည်း ရိုက်ခံထားရတဲ့ အရှိုးရာတွေအများကြီးပဲ။ အသက်ရှင်နိုင်ခြေကတော့ စစ်ကြောရေးထဲမှာပဲ အစားလည်းပုံမှန်မစားဘဲ နေ့မနားညမနားနဲ့ List ထဲကလူတွေဖော်ခိုင်းတယ်ဆိုရင်တော့ ဆေးတွေကလည်း ပိုးသတ်ဆေးတွေပေးတာ။ သူတို့ကခေါ်သွားလို့ရှိရင် နေ့မနားညမနား။ သူတို့အဲ့ဒီလိုဆက်လုပ်နေရင် အဲ့ဒီအစ်မကြီးအတွက် အန္တရာယ်ရှိနိုင်တယ်ကွာ။ ဆေးတွေကလည်း ပြည့်ပြည့်စုံစုံမဟုတ်ဘူး ။ ဒီအတိုင်းအဆင်ပြေသလို လျှောက်ပေးတာ။ ပြီးရင်စစ်ရင်လည်း နေ့မနားညမနား ထမင်းလည်းမကျွေးဘူး။ အဲ့ဒီအစ်မကြီးက ပုံမှန်လူလိုမဟုတ်ဘူးလေ။ ဒီအတိုင်းဆက်သွားရင်တော့ အဲ့ဒီအစ်မကြီးအတွက် အန္တရာယ်ရှိနိုင်တယ်။

( မှတ်ချက် - သတင်းဗီဒီယိုကို နားထောင်ပြီး ပြန်ရေးပေးထားခြင်းဖြစ်ပါသည်။ စကားလုံးအသုံံးအနှုန်းအလွဲတချို့ပါနိုင်ပါသည်)
ဖတိကြည့်ပါမှတစ်ဆင့်ကူးယူဖော်ပြပါသည်။
Original Link - https://www.facebook.com/rfaburmese/posts/10161021371513128

Burmese Update News

25/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

24/04/2021

23/04/2021

23/04/2021

23/04/2021

23/04/2021

23/04/2021

23/04/2021

23/04/2021

23/04/2021

23/04/2021

Address

Website

Alerts

Videos

အင်ဒိုနီးရှား ရေငုပ်သင်္ဘော ဌာနေမှ အဆက်အသွယ်မရ Burmese Update News crd Mizzima

Shortcuts

Share