08/07/2022
ဆံဖြူမိစ္ဆာ သတို့သမီး (ရုပ်ရှင်)ပထမတွဲ
★ ★ ★ ★ ★ ★ ★ ★ ★ ★ ★ ★ ★
ယနေ့မှာတော့ မကြာမီအချိန်အတွင်းမှာ တစ်ကားအပြီး(movie)ရုပ်ရှင်တစ်ကားကို တင်ဆက်ပေးသွားမှာဖြစ်ပါတယ်...
ဒီဇာတ်လမ်းမှာပါဝင်သရုပ်ဆောင်တဲ့ အဓိကဇာတ်ဆောင် မင်းသမီးကတော့ အားလုံးက တုံးဖန်းပုပိုက် လို့သိထားကြတဲ့ BRIGITTE LIN ရဲ့ ရုပ်ရှင်ကားကောင်းလေးကိုတင်ဆက်ပေးသွားမှာဖြစ်ပြီး ဒီဇာတ်လမ်းဟာ ပထမတွဲ ၊ဒုတိယတွဲ ဆိုပြီး နှစ်ကားထွက်ထားတာပဲဖြစ်ပါတယ် ယနေ့ညမှာတော့ ပထမတွဲကိုတင်ဆက်ပေးသွားမှာဖြစ်ပါတယ်...
ဇာတ်လမ်းအညွှန်း.....
ရှင်းစုအင်ပါယာဘုရင်မင်းမြတ်ဟာ နာမကျန်းရောဂါဝေဒနာကိုခံစားနေရပါတယ်...
ဒီရောဂါကိုကုသဖို့ရာ ထုံးကျောက်ရှည်ကြီးတွေရှိတဲ့ တောင်ထိပ်ကဂူထဲက နှစ်(၂၀)မှတစ်ကြိမ်ပွင့်တဲ့ ထူးဆန်းတဲ့ပန်းဟာ သေသူကိုတောင် ပြန်ရှင်စေနိုင်တဲ့အစွမ်းရှိတယ်လို့ကြားသိရတဲ့အတွက် နန်းတော်ကလူယုံတော်စစ်သူကြီး (၄)ယောက်ကို စေလွှတ်လိုက်ပါတယ် စစ်သူကြီးလေးယောက်ဟာ ပန်းမပွင့်မီရောက်အောင်သွားခဲ့ပေမယ့် ပန်းပွင့်ကို (၁၀)နှစ်ကျော်စောင့်ရှောက်နေတဲ့ သိုင်းသမားချိုရိဟန်က သူ့ရဲ့အချစ်ရဆုံးသောသူကို ပေးဖို့ကတိပြုထားတဲ့အတွက် ပေးဖို့ငြင်းဆန်တဲ့အခါ သွေးမြေကျတိုက်ပွဲတစ်ခုဖြစ်ပေါ်လာခဲ့ရပါတော့တယ်
- သူ့ချစ်ရသူကို ဒီပန်းကိုဘာဖြစ်လို့ပေးချင်တာလဲ
- သူ့ချစ်ရသူကရော ဘယ်သူလဲ
- စစ်သူကြီးလေးယောက်ကရော ဘယ်လိုကံကြမ္မာတွေကြုံတွေ့သွားကြမှာလဲ
- သူ့ချစ်သူကဘာရောဂါဝေဒနာတွေခံစားနေရလို့ ဒီပန်းကိုပေးချင်တာလဲ
- သူ့ရဲ့နောက်ကြောင်းကရော ဘာတွေလဲ....ဆိုတာကို
"ဆံဖြူမိစ္ဆာ သတို့သမီး " ရုပ်ရှင်မှာ မကြာမီရှုစားကြရအောင်လား
Review by....Aung Kyaw Thu (In My Dream)
