Harith D Hafiz

25/11/2023

رايكم شنو نعمل مجتمع واتساب فيه افكار مشاريع ووظائف شغل
ومنتجات ماشة الناس تتاجر بيها
واستثمارات ومستثمرين
ومشاريع بدون راس مال ومع راس مال
وعمل من الانترنت
وحرف ومهن وتطوير وشغل من المنزل وغيرو
هل عايزين نعمله؟
اب ووصلو البوست شير ١٠٠ ان شاء الله بكون جاهز👌❤️

25/11/2023

طيب موسم المشاريع كيف؟
فرضنا انه الليلة الصيف جاء
دا موسم طاقة شمسية ومكيفات وتلفونات وحاجات ترفيهية لانو اليوم طويل
فرضنا الشتاء جاء
دا موسم استرخاء دفايات وسرائر وانارة لان الليل طويل
فالمنتجات بتجي حسب الموسم
عموما كده الي حابب يدخل في موسم الشتاء
قول منتجك وسعره حاليا في السوق وانا بوفره ليك ان شاء الله بسعر اقل من برا وجودة اعلي
عسي ولعل نجيب ملابس شتاء غير بنكك والحاجات دي

20/11/2023

يا شباب عايزنكم تدعمو المشروع دا وتشيروه
حاجة شبابية وانتاج محلي
لوشن النسّمة 🤩
مع هبوب رياح الشتاء و زي ما عارفين بتدي احساس الجفاف ، هي رياح جافة، فأكيد الجسم بيحتاج لي ترطيب ، فتخيل مرطب عطري ،بيحتوي على فيتامينات و مواد تساعد على ترطيب عالي حاجة روعة🤩.
في مرطب النسمة
١٠٠جم بسعر٢٠٠٠ج
متوفر رائحة الفراولة 🌹
متوفر #سنجه
📢٠٩٦٧٦٣٢١٠٩الحي الغربي أ
📢متوفر صيدلية أريام
https://www.facebook.com/profile.php?id=61552474601541&mibextid=ZbWKwL

مرطب عطري للجسم ذا رائحة زاهية ، يعني احساس الترطيب و النعومة ف الجسم مدة أطول. https://chat.whatsap

20/11/2023

ناس كثيرك عايزة تعمل مشروع خفيف وسريع وربحه عالي وبتعمل في البيت
فالليلة جبت ليكم مشروع في اقل من ٤ خطوات
طبعا الكل بحب الدكوة وشي اساسي في كل مكان ومنتشر عالميا
حتمش تشتري ليك شوال فول(١٣ الف بختلف من مكان لمكان)
تأجر سحانة
تعبي وتبيع
مجرد فكرة مشروع خفيفة ممكن تعمل ليك ارباح عالية خصوصا لو الدكوة فريش وبتسحنها بالعبوة قدام الناس
وربنا يوفقكم اجمعين
ابسط مشروع

20/11/2023

حصلت معاي قصة لاحظت من خلالها اننا بنضيع وقت كثير جدا وكيف تضيع الوقت بتحول لينا لهاجس وهدف
فكنت قاعد في المحل عادي جدا لقيت لي لستك قروش
فبدون ما احس لقيت اني بضفر فيه زي ما في الصورة وبدخله في بعض
كان الموضوع بس كنوع ترفيه نسبة لانه ماف زبائن ولا حاجة
الموضوع شوية شوية تطور لدرجة وصلت بيه تركيز عالي ثم اعلي
لحد ما ركزت تماما فيه
لدرجة لمن جاء وقت الشغل وجاء زبون
اهملت الزبون عشان اركز في الحالة الي بضيع فيها وقت مسافة يجيني زبون
واعتبرت الزبون مجرد تضيع وقت
وانا الي بضيع وقت في حاجة م منها فائدة اصلا واخترعتها لنفسي كنوع ترفيه
ودا الي بحصل لينا كلنا
انه في وقت فراغنا بدل نعمل شي مفيد
بنزكز على حاجة بحكمة انه دا وقت فراغ وتنمية
زي مسلسلات وانمي وغيرو
بحيث انه بدل نرفه بالحاجات دي بنوصلها مرحلة تركيز تبقي لينا هواية واهم من وقت الجد نفسه
لدرجة بنلقي ناس بتفخر بانها بتشاهد الالاف المسلسلات والانمي وغيرو ودا مجرد تضيع وقت
وهم فاكرين ان دا في حد نفسه انجاز فبنشغلو
بالأمور التافهة الي بتملي الزمن بتتحول عندهم لهوس وهاجس وانها شي اساسي
زي ما حصب معاي ووصلت الاستك حق القروش مسافة نهاية الشارع واكثر🤣
شكرا لحسن القراءة
وادعمونا بالشير

19/11/2023

لمن تعمل فكرة اوريجنل (حاجة من خيالك م موجودة في الواقع) او اصلية م موجودة
بكون عندك تحكم كامل عليها ودا مبدا انك تحول فكرة لحقيقة وتعمل طريق جديد
زي فكرة توزيع موية عن طريق تكتك فبالتالي بتعرض اي سعر م مهم بدل انه السعر معروف لكوارو الموية
اما لمن تنقل فكرة مشروع(دكان - جزارة-زراعة... الخ) بتم تقيدك بنسبة معينة للبيع
واي تجاوز ليها بتم وصفك ب(زول قادي السوق) وفي الحالة دي بتم منعك من طرف باقي التجار وبتم اضهادك وطردك من السوق
زي انه يصل للسوق منتج والكل يبيعه ب٢ الف وانت تبيعه ب١٠٠٠ لانه جاي ب٨٠٠ جنيه
هنا انت قادي السوق وجاذب كل الزبائن
وعامل توضيح للزبون انه بتم سرقته الف جنيه ساي
لمن تشتري المنتج ثاني حتلقي ماف زول عايز يتعامل معاك اَو يورده ليك
ودا الي حاصل من طرف الناس الي بتفرش لانهم مكروهين من قبل بتاعين الدكاكين
م لانهم ساحبين زبائن
بل لانهم عندهم منتجات م اصلية ورخيصة وبتقضي الحوجة وفي نفس الوقت بتخرب اسعار سيد الدكان وبتكشف للزبون الاسعار الحقيقة وبتجبر التاجر ينوع ويجدد وينافس الزول الي بفرش
عشان كده بتلقي نفس المنتج منتشر باسعار فرقتها ٥٠٠ جنيه بالكثير
ودا في اي سوق
وكنصيحة
اياك تقد او تخرب سوق منتج
بكده انت م بتكسب كثير وبتخسر التجار وبتعمل لنفسك مشاكل وممكن يتم منعك باشكال كثيرة
وانا بشجعك تعمل كده بشرط يكون عندك مورد او زول م منقطع عشان حتربح وتساعد الزبائن الغلابة
لكن برضو صعب منتجك يمش لان الناس متعودة علي الدكان
فما تبيع حاجات غالية او بتكلف اكثر من ٥٠٠ جنيه لالف جنيه

19/11/2023

We are running out of ideas for new ideas 😓
المشاريع م بتنتهي بس التنفيذ
ماف فائدة لو م عندك سعي او اجتهاد او واقعية
اي شي بقوم من الصفر
المشاريع ٥
بسيط
متوسط
كبير
خالي جهد ضعيف ربح
مكثف جهد مدراور مال
اثنين بالمجهود و٣ بالفكرة

18/11/2023

👷‍♂️- كده دقيقة النفهم

م عندك راس مال وقاعد في الجزيرة وبتفتش في مشروع بدون راس مال؟

=👨‍🦲 اي.. و م لاقي باي شكل

-👷‍♂️ انا م بتكلم عن انه دي مشكلة انا بس بقول ليك كلامك م منطقي

=👨‍🦲كيف م منطقي؟ هو مستحيل يكون في مشروع اصلا بدون راس مال.. راس المال اساسي

-👷‍♂️الي حشي مخك افكار هابلة دا منو؟ المهم في المشروع الفكرة وليس راس المال
راس المال دا مجرد ورق بتجمعه

=👨‍🦲طيب واصل

-👷‍♂️انت محتاج لفكرة بسيطة خالي راس مال وبتستهلك وقت.. الوقت بعوض راس المال والجهد

=👨‍🦲وثاني

-👷‍♂️بعد تجتهد جهدك بتحول لقروش ووقتك بعديها بكون عندك الورق الي بنسميه قروس الي هو بحول فكرتك لحقيقة

=👨‍🦲طيب كلامك جميل لكن بقولو الكلام الجميل ولو كان منطقي فعشان ينطبق علي ارص الواقع محتاج اثبات

-👷‍♂️يعني مثلا يا ولدي تشيل ليك شبكة او ناموسية من البيت وتمس اقرب ترعة تصتاد سمك (م محتاج خبرة كبيرة) وبكده بتجمع راس مال لمن تبيعه ولو كان ١٠ سمكات بس وبكده بتجمع الورق الاخضر الي اسمه قروش

=👨‍🦲دقيقة وات

-👷‍♂️ اي بالبساطة دي بكلمك

فعليا ناس كثيرة اول ما تفكر في مشاريع بتخت لي راسها مية حاجة لازم تنفذها قبل المشروع زي جمع المال الي احيانا بكون ساهل وبسيط بس نحن بنصعبه

18/11/2023

اسفين يا شباب انقطعنا من المشاريع وبقينا ننشر بوستات عامة
كان بنجمع مستثمرين لمشروع
حنرجع ان شاء الله بمشاريع احسن
ودا اول مشروع
بحتاج منك حوالي ٣٧٠ الف
مشروع بسيط جدا
الدرداقة سعرها متفاوت من ٣٧ ل٢٥
فنخت الاحتمال الاغلي دائما
في اي مشروع لازم تحسب اقصي تكلفة
تشتري ١٠ درداقات لحد ٢٠
تاجرهم في سوق كبير باليومية بعد تتم اجرائتهم مع المحلية(المحلية. ديل اسوا ناس ومجرد حرامية غذرين باسم الدولة والواحد لو عملت معاه مسكلة بفسد ليك مشروعك فابعد منهم وخلي عندك واسطة)
تقوم تاجر الواحدة بحساب ٧٠٠ جنيه
بتعمل معاك ٧ الف يوميا بدون تعب ولا شقي
وكل ٦ ايام بتطلع ليك سعر درداقة من الي اشتريتهم
ولو كانو ٢٠ فكل ٣ يوم بجيك سعر درداقة يعني ١٤ الف يوميا
الموضوع بالبياطة المكتوبة قدامك دي
طيب نجي للعيوب
اول شي م مضمونين فممكن تتسرق الا تؤجر لناس بتعرفهم ومضمونين
ثاني شي الناس حاقدة فممكن تحمل الدرداقة فوف طاقتها او حتي تضربها بالارض او تلعب بيها.. الخ
ثالث عيب دايرة راس مال

نجي للميزات
ربح ساهل بدون مجهود
مشروع جانبي بتعمله وتبعد منه م عليك الا ناس المحلية وتقفيلهم في مكان أأمن
مشروع بسيط ومدروس وكثير من الناي عاملاه ومخاطره اقل من ٣٥٪

محتاج تعمل شنو للمشروع؟
اولا حتجيب راس مال
تمش لتاجر كبير مشهور بالدرداقات
توضح ليه وتجيب زول خبرة يفحصهم
تشتري سلاسل وطبل وحبال وبهية عشان تعلمهم وتطبلهم بعدين
تلقي مكان تطبلهم فيه(ممكن قدام دكان جملة او زقاق)
تفتش زول خبرة في السوق يعرفك بالناس العايزة شغل درداقة ويوصلك بناس مضمونة(حتي لو تدفع ليه)
تمسك الموضوع اسبوعين وتعين زول واحد بمسك ليك باقي ناس الدرداقات ويجمع منهم القروش
ملحوظة
ممكن عادي تؤجره م بأكثر من ٧٠٠ جنيه
ناس بتعكلها ١٥٠٠
يعني ١٠ درداقات يوميا بتعمل ١٥ الف
وسكرا ومعلش للاطالة

30/10/2023

اهم شي في اي مشروع الاتي
-نوع المشروع
-هل يحل المشروع مشكلة او يقدم اضافة وتطور
-تسويق المشروع
-فوائد المشروع
-امكانية تنفيذ المشروع
-دراسة الجدوى
-راس المال
-الادوات والمعدات
-ارباح المشروع
-وقت المشروع وتنفيذه وجهده
كمثال
-نوع المشروع بيع زيت عصارات
-حل مشكلة توقف المصانع الكبيرة ودعم الانتاج المحلي وتوفير عبوات بمختلف الاسعار
-نشر الفكرة علي مستوي الحي وتسويق عبوات بمختلف الاحجام
-يفيد بتغطية الطلب من الزيوت وتوفير علي البائع استخدام ما يكفيه وعلي صاحب العصار جهد التعبئة
-يمكن التنفيذ داخل وخارج الأحيا وفي الاسواق
-دراسة الجدوي للمستهلكين والدوافع الشرائية وتفاصيل كمية استهلاك المنتج وجودته... الخ
- 16 الف اساسي وكافي ويمكن الزيادة اكثر
- الادوات كرستال للتعبئة وسبت عرض وادوات تعبئة
- الارباح ٣٦٠٠ في كل ١٦ الف
-الوقت غير محدد والجهد نوعين اما التوزيع منزليا او بالاسواق

ان شاء الله حننزل مشاريع وتفاصيل اكثر عن المواضيع دي واخدنا المثال دا عشان نقدر نعمل تقدير للمشاريع بطرق صحيحة
وشكرا للقرائة
لو وصلت لحد النهاية ادعمنا بشير ولايك وتفاعل عشان نواصل في المشاريع وشكرا




#مشاريعنا

28/10/2023

نصيحة
م تتوقع ان مشروعك ينجح ما لم تمسكه بنفسك وتكون ملم بيه
فما تعمل مشروع ومن اوله تخلي زول يتكفل بيه
اجتهد بنفسك لنفسك اول وبعدين لمن يكبر جيب مساعد ثم شريك ثم فرع ثاني

اي ترتيب غير دا بفشل

28/10/2023

كده اي واحد بعرف طرق يجيب بيها مال حلال يقول يمكن يساعد غيره
واي واحد يورينا شغال شنو
شير عشان يعم
وان شاء الله ننزل ليكم طرق مشاريع منهم

27/10/2023

تصحي من الصباح تكتشف انك اشتريت كرتونة حلاوة ب٢٧ الف وتحسها خسارة كبيرة وخلاص حتفلس
فجأة تطلع بطعم جوزية حلاوة المولد بل أفضل مع كريمة وقشظة وبسكويت🌚فجأة تكتشف كرتونتها فيها فوق ال٧٠٠ حبة الي ١٠٠٠ حبة وتكتشف لو بعت حبة ب١٠٠ جنيه بتعمل ٧٠ ل١٠٠ الف جنيه ودا ربح بجيب منها ٣ كراتين😂لدرجة تسمع اخوك الكبير بقول دا ربح حرام عديل مع ضحكة شريرة

نعم انها جوزية ديسباسيتو المشهورة حقت الجلابة
لو زول عايزها وداير ربح خيالي رسل خاص😂❤️مشروع مسلي وسمح
بس احسب ٦ الف خسارة لانك حتاكل ٦٠ قطعة لنفسك من شدة ظابطة
من قلب الحدث والجغم🌝

26/10/2023

ان شاء الله يا شباب حيكون عندنا بوست يوميا
من مشاريع وتجارة ونصائح
هدف الصفحة مشاريع تجيب منها قروش حلال
ادعمونا بالتفاعل والشير والتعليقات عشان نرفع وصول الصفحة
وجزاكم الله كل خير

25/10/2023

عشان تفهم كيف ممكن تخش في التجارة بدون راس مال اقرا السنياريو دا
---👴 يا ولدناا خت البتاعة دي م حتقدر تتحمل قروشها... انت كباية الشاي اخدتها بالدين!!
==🧔 ياا اخينا والله عندي قروش ياخ شوف دي ٨٠ الف وسددت حق الشاي وداير اشيل منك بضائع
----👴 كده بالله م تكون سرقت العجوز الطيب الي في اخر الشارع
===🧔 ياخ لا معقول
---👴 طيب سرقت منو؟
=≠🧔ياخي والله اشتغلت وجبتهم وفي اقل من ١٠ دقائق
---👴ياخي الا كان بنقو ولا شي.. لكن كيف كده احكي
=== 🧔بتعرف محمود الي في اخر الشارع؟
---- 👴م يكون سرقت محمود اخونا ياخ دا زول امين وشريف
===🧔 ياخي اسكت واسمع م تتهم ساي
---- 👴طيب اي بعرفه تاجر كبير وقال عايز يخش في الشعيرية
=== 🧔بالظبططططط...انا استفدت من المعلومة دي قبل شوية في الجبنة وكنت بلف في الشارع
---- 👴طيب كمل
===🧔لحد ما شفت جرار كبير منزل شعيرية ومنتجات نشويات فقلت لنفسي
--- 👴تقوم تسرق سيد الجرار؟ 😂
===🧔 اسكت يا حيوان...قلت امش اتفق اشتري منه ١٠ الف كرتونة
----👴 كرتونة فاضية قصدك؟ نسيت انه حتي كرتونة فاضية م حتقدر تتشتريها😂
=== 🧔تخليني اكمل ولا امشي
----👴 ياخي م تضايق بهاظر معاك انا كمل كمل
=== 🧔فمشيت اتفق معاه واكتشفت شي غريب انه سعر الكرتونة اقل من السوق فسعر السوق ٥٥٠٠ وهو عنده ب٥٠٠٠
--- 👴طيب اشرح ليك.. هو سيد الدكان بشتري بسعر اقل جدا جدا ولان عليه ايجارات وغيرها بزود السعر ودا شي بسيط
===🧔 لا انا اكتشفت شي غير دا... انه لما تشتري اكثر من كرتونة منتج بتحصل علي تخفيض هائل. فالكرتونة بل ٥٠٠٠ لقيته حسب لي ال١٠٠٠ كرتونة ب٤٥٠٠
👴 اسمه بيع جملة وشي بسيط وكلنا نعرفه
🧔 فمشيت للعم محمود قلت ليه عندي ١٠ الف كرتونة بحساب ٥٥٠٠ والسوق عطشان وماف زول عنده زيي ودا انتاج جديد ولقيته موافق ومشينا المكان
اسلفت من شخص ٢٠ الف عشان ادفعها للعمال ينزلوها
---👴 ليه ينزلوها؟ ما ممكن تبيعها من محلها فليه تخسر؟
===🧔 لان حرام.. كونك تشتري مثلا سكر ١٠ شوالات وتخليهم في مكانهم وتجيب زبون في نفس المكان وتبيعه له دا لا يجوز فلازم تنقلهم والله اعلم دا الي عرفته من الفتوي
----👴والله ما شاء الله اول مرة استفيد منك معلومة
== 🧔بعد كده اخدت ال٥٥٠ الف حق الف كرتونة من محمود واديت سيد الجرار ٤٥٠ الف وخدت ال١٠٠ الف وسددت الدين ٢٠ الف تبع العمال
وكده ٨٠ الف جوا جيبي وبكده جيب علبة البتاعة الي مش عارف هي شنو بس شكلها مغري دي وجيب شوية لبان وحلويات امش ابيعهم واجي ليك بمليارين كده نفتح دكان بعديها ان شاء الله

اتمني البوست وافي
للتنبيه
عندنا مخزن
وبضائع ومنتجات منوعة
لو اي عايز اي طلبية باي كمية حبابك تراسل معاي
الصورة من داخل الدكان وللان انا م عارف البتاعة دي شنو😂😂

25/10/2023

الدرس ٢ عن التجارة
عايز أوضح حاجة بسيطة يمكن معظم الناس الي ببدو تجارة بغلطو فيها
بجينا الواحد عايز لبان
بنديه صندوق فيه ٢٠ لبانة ب١٥٠٠ جنيه
وببيع هو اللبانة ب١٠٠ جنيه فبكون عمل ٢٠٠٠ الف وربح ٥٠٠ جنيه
طيب هنا الزول بضجر وبزهج لان ٥٠٠ جنيه يدوب دا حق فطوره
َوبجونا ناس حرفيا عايزين حاجة ب١٠٠ جنيه تربحهم ١٠٠ الف جنيه
ودا غير منطقي اصلا
لازم هنا تتعلم ما يعرف بال(قشط) وحاشرحه عملي عشان الناس تعرف تتعامل بيه وتحول ال١٠٠ جنيه فعلا ل١٠٠ الف
فاناا بشتري شوال سكر ٥ كيلو ب٤٩٥٠ جنيه وببيعو ب٥ الف
هنا بربح ٥٠ جنيه الي هي يدوب عيشة واحدة

لكن ركز معاي
هل حصل مشيت لدكان لقيته متخصص بس (بسكويت كابتن ماجد بس مثلا؟)
اكيد لا
فانت بتمش الدكان بتشتري عدة اغراض
فانت بتوفر منتج(ربحه بسيط زي السكر) ونفس المنتج دا بغطي ليك حاجات كثير
بجيك زبون بشتري شوال سكر ولبن بدرة كرتونة او لفة(٣٠كيس او ٥كيلو-١٠) ولفة شاي حب او كيلو وكرتونة بسكويت وكاكاو وعصير... الخ
لانه كل المنتجات دي حيحتاجها مع السكر
فانا لو جيتك لقيت م عندك سكر ولكن عندك باقي المنتجات ذي
حاضطر اشتري من مكان واحد
ليه؟ عشان ابقى زبون وتخفض لي
احيانا بسبب نفس السكر ابو ربح ٥٠ جنيه
بنبيع حاجات ب٣٠ الف عادي
سكر ودقيق وزيت وصلصة وغيرهم وغيرهم لدرجة ان مرة زول شال شوال دقيق لوحده
فدا مفهوم مهم
انت تشتري حاجة ربحها ٤٠٠ جنيه عشان تخت معاها حاجات ربحهم ١٠ الف

فالمرة الجاية لمن تسئل عن شي ربحه ٤٠٠ جنيه تذكر انه دا قشط وليس ربحه
انت فتش شنو بجي معاه ويكمله
كيك وحلويات وبسكويت محشي =١٠ الف ربح صافي اما فرادي ف٤٠٠ل٥٠٠ جنيه
اندومي ب٩٠٠٠(عندنا سعرها اقل طبعا) وبتتباع ب١٢ وممكن ١٦ لكن محتاج تعمل معااها سلع تكملها
ربح عالي بس يحتاج شي يخلي الناس تشتريه نعاك
اتمني شرح واضح ووافي
وشكرا

#تجارة

#بيع
#دروس

25/10/2023

السلام عليكم ورحمة الله وبركاته
كل الي محتاج تعرفه عن مشاريع البيع المخفض والدكاكين والتجارة بالمنتجات المصرية موجود في البوست دا
اولا اساسيات الشغل ثلاثة هي :-
١-اسعار المنتجات جملة وقطاعي وتعرف يعني شنو جملة ويعني شنو قطاعي ومناطق بيعها المخفضة ومخزنها
فممكن تشتري بضاعة بمليار ويكون سعر بيعها اقل من مليار فتخسر زي ماا حصل في المثال العملي دا لواحد اشتري مكرونا بسعر غالي(الحبة اشتراها ب١٢٠٠ وهي ب٤٠٠) لو باع ب١٠٠٠ج جنيه م حتغظي ودا من عيوب م يكون عندك تاجر امين وصادق وتكون جديد سوق ودخلت بدون تدرس الوضع اول
وعشان تحل المشكلة دي عندك حلين هم :-
أ - تنزل تشتغل في دكان عادي(حوالي ٣ الي ٧ ايام) وتتعرف بالسوق خلالها
ب- تتواصل معاي وانا بزودك بالي انت عايزه باذن الله من معلومات واسعار ومناطق بيع.. الخ
٢-تواريخ الانتاج والانتهاء وطرق حفظ المنتجات
اكبر المشاكل الي حتواجهك طرق حفظ المنتج فالكيك العادي تاريخه بالكثير شهر والشوكولاتات اقل تخزين سيئ ااو شمس بتتلف فانت محتاج تراجع كل منتج وتفاصيله(دراسة شاملة)
حاليا عندنا كميات كبيرة من شوكولاتات جالكسي وسنيكرز حتمش الزبالة للاسف بسبب غلطتنا دي واننا م خزناها كويس ولا عرفنا تواريخها
بالاضافة لانك تحافظ علي خلاف المنتج لو انت بائع جملة
َوشكل المنتج لو انت بايع قطاعي
٣-رغبة المستهلك في المنتج وقيمته
طيب بالنسبة لاي منتج لازم تعرف مفهوم اسمه العرض والطلب
وهو بمثل كمية المطلوب من المنتج مقابل المعروض في السوق
لو أخذنا مثال عملي في السوق
ففي مصاصة اللبن كرتونتها غالية نسبة لانعدامها في السوق وذا بسبب الاحتكار وان التجار بطلبوها طول الوقت والزبائن بحبوهاا
وحرفيا ممكن تبيع بطاح(عربية شحن كبيرة) ملانة مصاصة لبن في اقل من ٤ ساعات وحاليا سعرها وصل ل٤ الف للكيس وناس بتشتري ب٦ الف
فسعرها غالي وطلبها كثير نسبة لانعدام القدرة علي عرضها
في نفس الوقت في منتج اسمه رورو وهو كيك
وسعر كرتونته ١١ الف وسعر الباكو ٢ الف وفيه ٢٤ كيس

ودا درس واحد من دروس كثيرة ان شاء الله حنتكلم عنها قريبا في مواضيع التجارة وبيع المنتجات المصرية
#تجارة

#بيع
#دروس

25/10/2023

فكرة شغل بسيطة و م بتكلفك اكقر من ٦٥الف
تشتتري باطوق او نمبر ون كرتونة ب٦٢
فيها ٥٠ باكو
سعر الباكو ب١٢٤٠
البكو فيه ٥٠ لبانة وفي نوع فيه ٢٠ لبانة
لو اتباعت قطاعي ابو ٥٠
بتعمل 125 الف
ولو اتباعت ابو ٢٠ قطاعي بتعمل ١٠٠ الف
ربحك بالقطاعي ٣٨ الف او ٥٣ الف
تقوم تشتريها
وتشوف ٥ شفع من البيت
يلفو ليك بيها في اقرب سوق وتقاسمهم الربح

او تبيع ليهم الباكو بحساب ١٥٠٠ وتربح ٨ الف

24/10/2023

الالم هو الفجوة بين ما يريده عقلك وما هو موجود في الواقع
فاما ان تعدل واقعك ليتناسب مع ما يريده عقلك
او ان تغير ما يريده عقلك مع ما يتناسب مع واقعك

24/10/2023

ان شاء الله حننشط الصفحة للمشاريع والامور المالية بكل اشكالها
اونلاين وواقعية للبنات والاولاد ولكل الاعمار باذن الله

13/05/2022

السلام عليكم ورحمة الله وبركاته 👋🏻
مسابقة للسحب على الكووررس الهائل الغير موجود على الانترنت 🧩
كورس الربح من الانترنت 💸
الكورس الوحيد الى بعلمك الربح من كيف تستخرج المال من الانترنت من البداية لحد ما يصل ليدك بشكل حقيقي ⛔️💴⛔️
✳️ مفيد جدا لكل طلاب التقنية بكل المستويات وبحوي الطرق الجامعية للحصول على المال من التقنية والبرمجة والحاسوب🔰
طريقة الفوز بتكون بالتعليق الذي يحصل على اكثر عدد لايكات 💯
طريقة الاشتراك ⁉️
علق باسم جهازك وتاقي لاثنين من اصدقائك ✅
ممكن تتاقي اكثر من صديق كمان لزيادة فرص الفوز 🌐

المركز الاول حيحصل على الكورس مجانا ليه ول2 من اصحابه
والمركز الثاني حيفوز وياخد مقعد لصديق واحد
والثالث حيفوز لوحده
ملحوظة الكورس اونلاين فمقعد مجازا

11/05/2022

الدورة الثالثة لكورس الربح والعمل على الانترنت لتحقيق الثراء المالي
✦ كورس الربح من الانترنت المتكامل ✦
🔖 التسجيل للدورة الثالثة من الكورس مفتوحة احجز الان وسجل قبل نفاد الاماكن
10 دروس في 10 ايام فقط كافية تخليك احسن واحد في مجال الربح من الانترنت وتطلع مصاريفك واحتياجاتك من الانترنت بكل يسر وسهولة
وموجه للعامة فحتى لو م كان عندك خبرة في التقنية حتتعلم الكورس باذن الله

شرح كامل من A-Z
كيف تسخر الانترنت وسيلة لجلب المال وكيف تحقق الاكتفاء المالي من الانترنت💪🔥 وشروحات للربح من العملات والمواقع والاستثمار والمخططات الهرمية والعملات الرقمية وكذلك الاونلاين بزنس والفريلانسر👌
مع اخوكم المهندس السلمندر ناتسو بخبرة 5 سنوات في الربح من الانترنت

- الدورة تشمل تدريس اساسيات للربح من الانترنت
- مقدمة الربح من الانترنت مع شرح للطرق الاساسية للربح
- شروحات خاصة بالعملات الرقمية والاستثمار والتداول
- طرق الربح من الاعمال الصغيرة والعمل الحر وايجاد وظيفة ومهنة تقنية وسمسرة الانترنت

- يفيد طلاب التقنية بجميع السنوات ♡

☜ للتسجيل من هنا
t.me/the_slmnder
- سعر الكورس الحالي فقط 2000 جنيه سوداني او 5 دولارات للاجانب
©️ يستهدف الكورس كل ما يلي ⇩
1- اساسيات ومفاهيم الربح من الانترنت
2- التعامل مع مشاكل الربح
3- البنوك الرقمية الرقمية وانشاء حسابات عليها
4- التعامل مع كل انواع المواقع الربحية
5- كيف تربح اول دولارتك من الانترنت
6- معرفة الاحتيال وطرق تفادي الاسكام
7- الاستثمار وطرقه
8- طرق الربح من العملات الرقمية
9- مدخل للتداول وطرق انشاء عملتك الرقمية
10-العمل الحر على الانترنت
11 كيف تنمي موهبة ومهارة للربح بواسطتها من الانترنت
12- كيف تجد وظيفة على الانترنت وانواع الوظائف والتسجيل فيها
13- كيف تكسب جمهور وتربح بواسطته
14- كيف تصبح محترف ربح من الانترنت

♡

16/04/2022

السلام عليكم ورحمة الله وبركاته
طبعا موضوع العلاج النفسي الاونلاين لقى رواج كبير وبحمدالله ناس كثيرة استفادة
فقرر سيد المبادرة الدكتور النفسي يعمل قناة تلغرام
https://t.me/psychology_and
للناس الى عندها مشاكل خجل م بتحب تحكي مشكلتها
هدف القناة ببساطة بتم نشر حالات مع حلولها ومعلومات علاجية واسباب مشاكل وطرق عشان تعيش حياتك سليم وتبعد من المشاكل
وكلها بتتعلق بطب المخ والاعصاب وحلول دينية وطبية ومجربة م اي هبد بتاع كوتش تنمية بشرية ولا كلام تحفيز ساي
حتلقى نفسك فاهم نفسك اكثر باذن الله
اشترك وانشرها لغيرك لعلك تكون سبب في اعانة احد اخوتك الذين يعانون بصمت
دا الرابط
https://t.me/psychology_and

You can view and join right away.

09/08/2021

قديما كان الشخص بدرب نفسه وببقى قوي وذكي بحيث انه يحل مشاكل كل الناس ويحترموه وينصبوه عليهم لتوافر الشرطين الاساسين للقيادة الى هم القوة والعلم
اما حاليا فالعالم كله بقى رقمي
بحيث انك ممكن تتعلم لغة معينة وتصنع موقع ومن ثم يكون ليك هوية ومكان معين في العالم عن طريق موقع او بلوجر او حتى تكون مواطن عادي وتتابع عن طريق الفيسبوك زي ما بتعمل حضرتك حاليا
فميزان القوة تحول من وجود شخص او مجموعة بسيطة من الاشخاص في حالة احتمالية يكونو القادة لامكانية لا نهائية من الاشخاص للحكم
فاصبحت العلاقات بالدم والقوة الجسدية والمال ضعيفة نسبيا في كون الناس تعترف بيك كقوي
قوتك الوحيدة في برمجتك اذا انت بتعرف تخترق انت هنا خطر كبير جدا وشخص ممكن يدمر حياة الالاف بل كل الناس تقريبا
عن طريق بس فايروس واحد ترميه لشخص ويمرره لغيره بكده انت بتحكم الاشخاص دي بالقوة وتكون دكتاتور الكتروني
او تكون شخص طيب وبنشر المعرفة التقنية وتحترم وتنصب شيخ ومرجع للعلم
او عابر سبيل غامض زيي بتساعد وقت الناس تحتاج وتختفي وقدراتك لا يعلم بيها الا الله
فماذا تكون انت وسط هذه الشبكات اللانهائية
اانت مواطن ام تسعى للحكم؟
ابحث بس عن اجابتك وسير عليها فالعالم التقني ممل لو كنت مجرد متصفح ومواطن م عارف شي
اول ما تستلم ليك موقع ومجال معين الانترنت حيبقى ليك الحب الازلي
حبك للسوشل ميديا دا مجرد حب زائف زي حب الناس للهواوي
شكراء ليكم للقراءة
اخوكم السلمندر بن ناتسو بن دراغنيل

09/08/2021

حقيقة علمية
م ممكن تعيش في زمنا الحالي بدون معرفة والمام بالتقنية

14/06/2021

لو كان عندك امكانية امتلاك منصة رقمية او موقع معين ايا كان
حتختار شنو ؟ وليه؟
اتحداك اني حاطلع ليك عيوب فيه
تحدي حاولو فشلوني

14/02/2021

اخوكم السلمندر عاد ليكم في
مسابقة ال100 دولار
المسابقة عبارة عن كونه الزول يشيل راي واحد من الوالدين في قناتي
يعني تخلي ابوك ولا امك يشاهد فيديو من قناتي
ويشترك ويعمل لايك كمان تاخد اسكرين لرايه عن فيديو شاهده

وترسل لي اسكرين هنا في حسابي

او ممكن تخليه يكتب ليك رايه في تعليق وتاخد اسكرين للتعليق
وبتنتهي المسابقة اول ما تصل 1000مشترك
+ممكن تنشرها في جروب الدفعة عشان تخلي المسابقة تخلص سريع🌚👍

دا رابط القناة
https://www.youtube.com/c/%D8%A7%D9%84%D8%B3%D9%84%D9%85%D9%86%D8%AF%D8%B1/videos

ملحوظة ممكن تستلمها بالجنيه ولا اي عملة على كيفك
ملحوظة ثانية التحكيم م عندي
الى حيختار الفائز زول ثاني ما انا😂عشان تكون عادلة
وشكرا ليكم
يلا بسرعة اهجموووووووووو

12/02/2021

في اليابان لو م بتقدر تتكلم اللغة اليابانية معناها انت زيك وزي الشخص المعاق فمستحيل تسافر اليابان للقاء فتاتك اليابانية الى بتحلم بيها بدون لغة يابانية ولا حتى تتزوج ولا حتى تتعامل حتى م حيردو عليك
لكن بحمدالله انا كشخص شبه ياباني قدرت اعمل ليكم تلخيص لكل خبرتي في مجرد مقطع واحد باذن الله بعديه حتقدر تتكلم اللغة اليابانيية زي اليابانيين وتحضر انمي بدون ترجمة وتودع مواقع الترجمة وتحضر من المصدر
و م بس تتكلمها كمان في نفس الشرح في تعليم القراءة والكتابة باللغة اليابانيية
يلا مستنيين شنو...!!!
دا رابط الشرح الحقو
https://www.youtube.com/watch?v=FfmZP0vRcUc
ممكن ننزل في نفس القناة باذن الله شرح الحصول على الجواز الياباني

aسبحان الله وبحمده سبحان الله العظيماللهم صل وسلم وبارك وانعم على سيدنا وحبيبنا محمد صلى الله عليه وسلمانا متاكد انك يا عزيزي المشاهد عارف الموضوع لكن بتشاهد...

05/02/2021

جمعتكم مباركة يا شباب
الليلة الجمعة بحمدالله عامل ليكم توزيع هدايا بسيط كده عبارة عن 5 بطاقات جوجل بلي م معروف كم يمكن 100 دولار يمكن 50 يمكن 25 انت وحظك وتوفيق ربنا
البطاقات مخفية في المقطع دا احضر وطلع الرمز وامشي اشحن قبل غيرك
https://youtu.be/L7v5omsBzGU
اجتهدو واشحنو ناس بوبجي وفري فاير والالعاب استعجلو واشحنو قبل يخلص البطاقات مخفية باحتراف

04/02/2021

شرح مسابقة ال500 دولار
دا مقطعكم فيه كل ما يخص المسابقة الحقو قبل ما نقفل
https://www.youtube.com/watch?v=zXz7imU9cV0&feature=youtu.be