Jvp Bingiriya

26/02/2024

25/02/2024

18/02/2024

25/01/2024

31/12/2023

2023 අවසන් !!
අපේ හිතේ තිබුනු හීන, බලාපොරොත්තු, ඉලක්ක බොහොමයක් අවුරුද්දෙ අවසානයත් එක්ක අහිමි වෙලා ...!!

ඒ අහිමිවීමම තමයි හිමිකර ගැනීමක් වෙනුවෙන් පන්නරයක් කර ගන්න ඕන ...!!

ඒ නිසාමයි 2024 අවුරුද්ද නව නිදහස් සටනක ඇරඹුමක් වෙන්නේ ...!!

ඒ අරගලය ඔබෙත් මගෙත් අපි හැමෝගෙමත් ...!! ඒ නිසාම,

2024 නව වසර සුබ ජන වසරක් කරගමු !!

26/09/2023

23/07/2023

21/07/2023

ජූලි 23සවස 3.00ට බිංගිරිය නගරයේදී

02/07/2023

https://www.youtube.com/live/FJOVT4LM4MU?feature=share

LIVE | ඕස්ට්‍රේලියාවේ සිඩ්නිහි පැවැත්වෙන ජන හමුව #ජාතිකජනබලවේගය

27/06/2023

ඕස්ට්‍රේලියාවේ පර්ත් නගරයේ ජන හමුව

03/06/2023

ජනතා විමුක්ති පෙරමුණේ පොසොන් පොහෝ දින පණිවිඩය

ශ්‍රී ලාංකේය බෞද්ධ ජනතාවට අතිශයින්ම වැදගත් දිනයක් වන පොසොන් පුර පසලොස්වක පෝය දිනය අදට (03) යෙදී තිබේ. ලක්දිවට බුදු දහම රැගෙන මිහිඳු හිමියන්ගේ ආගමනය සිදු වූ පොසොන් පොහෝ දිනය හුදු තවත් ආගමක සම්ප්‍රාප්තිය සලකුණු කිරීමකට වඩා ගැඹුරු අරුතක් සපයයි.

මිහිඳු හිමියන් විසින් ලක්දිවට බුදු දහම හඳුන්වා දෙනු ලැබීමත් සමග බුදු දහමෙන් මෙරට සමාජීය, ආර්ථික හා දේශපාලන සමස්තයටත් ජන ජීවිතයටත් සිදුකරන ලද බලපෑම අති මහත්ය. ශ්‍රී ලාංකේය සමාජයේ හර පද්ධතියටද එය මත රඳා පැවතින ජීවන රටාවටද එහි බලපෑම සුවිශේෂීය. එසේම ජන කණ්ඩායම්වලට හා ආගමික චින්තනයන් එරෙහිව විවිධ මුහුණුවරින් එදිරිවාදීකම් ඇවිළවීමට උත්සාහ දැරෙමින් ඇති මොහොතක අවිහිංසාව මත පදනම් වූ සැබෑ බුදු දහමේත් බෞද්ධ සමාජීය දර්ශනයේත් වටිනාකම අතිශය ඉහළය.

මේ සියලු තත්වයන් තුළ සාධනීය සමාජ හර පද්ධති රැක ගනිමින් හා අලුත් යහපත් දේ එක් කර ගනිමින් පෙරට යාමත් බුදු දහමේ සැබෑ හරයන් වෙත සමීප වීමත් අප සැමගේ අදිටන විය යුතුය. ශ්‍රී ලාංකේය සමාජය නැවුම් වෙනසක් අත්පත් කරගත් දිනයක් වන පොසොන් පෝය දිනය, වත්මන් සමාජය විසින් ඉල්ලා සිටින නැවුම් වෙනස් ගමන ඇරඹීමට අදිටන් කර ගන්නා දිනයක් බවට පත් කර ගන්නා මෙන් අපි සමස්ත ලාංකේය බෞද්ධ ජනතාවගෙන් ඉල්ලා සිටිමු.

අනුර දිසානායක
නායක
ජනතා විමුක්ති පෙරමුණ
2023.06.03

01/05/2023

ජවිපෙ රතු මැයි රැලිය⁣ට ශක්තිය ධෛර්ය රැගෙන පැමිණි ලක්ෂ සංඛ්‍යාත ඔබ සැමට ස්තූතියි!

23/04/2023

එන්න. එකතු වෙන්න අපේ අයිතිය වෙනුවෙන්

14/04/2023

අලුත් දේශපාලන ගමනක් ඇරඹීමට අලුත් අවුරුද්ද අලුත් ජවයක් වනු ඇත

අලුත් අවුරුද්ද උදාවීම නිමිත්තෙන් සිංහල සහ දෙමළ ජනතාව විසින් උත්සවාකාරයෙන් සමරනු ලබන මහා සංස්කෘතික උත්සවය වෙනුවෙන් අපි සුභාශිංශන එක්කරනු කැමැත්තෙමු.

සාම්ප්‍රදායික විශ්වාසය අනුව සූර්යයා මීන රාශියේ සිට මේෂ රාශියට මාරු වෙමින් චක්‍රයක් සම්පූර්ණ කිරීම අලුත් අවුරුදු උදාව ලෙස සැලකෙයි. සෑම අතකින්ම අලුත් බව හා බැඳෙන බවට විශ්වාසය කෙරෙන අලුත් අවුරුදු උත්සවය, ශ්‍රී ලාංකේය ජන ජීවිතයට සාධනීය ලෙස බලපාන සමාජ සංසිද්ධියකි. නිවසේ ඇති ද්‍රව්‍යවල සිට පුද්ගල ජීවිතයේද පවත්වාගෙන පැමිණි අනවශ්‍ය දෑ ඉවත් කර නැවුම් බවකින් පුරවා ගැනීමට මෙන්ම මෙතෙක් තමන් ආ ගමන දෙස අලුතින් සිතා බැලීමටද එය විසින් ජනතාවට ලබා දෙන ඉඩකඩ සුවිශේෂය.

දිනෙන් දින තීව්‍ර වෙමින් පවතින ආර්ථික අර්බුදය තුළ බොහෝ දෙනෙකුට තමන් එතෙක් පවත්වා ගෙන ආ ජීවිතය පවා නඩත්තු කරගැනීම අභියෝගයක් බවට පත්වෙමින් තිබේ. අතිමහත් ජනතාවකට නව අවුරුදු සැමරීම පිළිබඳව සිතීම පවා වේදනාකාරී අත්දැකීමකි. ඒ, පසුගිය වසර 75ක කාලය පුරාවටම ශ්‍රී ලංකාවේ බලයට පත් ආණ්ඩුවල මෙන්ම වත්මන් ආණ්ඩුවේද ජනතා ගැටලු විසඳීමේලා අසමත්කම, දූෂිතභාවය සහ නාස්තිය විසින් ඇති කරන ලද තත්වය නිසාය. කෙසේ වුවද මේ සියල්ලේ බර අවසානයේ පැටවී ඇත්තේ ජනතාව මතය.

චක්‍රයක් සම්පූර්ණ කරමින් අලුත් අවුරුද්ද උදාවන නමුදු, පැවති හා පවතින පාලනයන් විසින් ලාංකේය සමාජය ගමන් කරවා ඇත්තේ ජනතා අපේක්ෂා සුන් කරන එකම දුෂ්ට චක්‍රයකය. මෙම දුෂ්ට ගමන් මාර්ගයෙන් රට මුදා ගෙන ජනතාවගේ ගැටලු සැබෑවටම විසඳන නව චක්‍රයක් දක්වා මාරු වීමට රටක් හා සමාජයක් ලෙස අදිටන් කර ගත යුතුව ඇත. මෙතෙක් රට විනාශකාරී ගමනක රැගෙන ආ දූෂිත හා දුෂ්ට ආර්ථික ප්‍රතිපත්තියම පුනරුච්චාරණය කරනු හැරෙන්නට විකල්ප ආර්ථික උපායමාර්ගයක් මෙම දුබල පාලකයින්ගෙන් අපේක්ෂා කළ යුතු නොවේ. ඔවුන් තමන් විසින්ම පීඩාවට පත් කරන ලද ජනතාවට දවස ගෙවා ගැනීමේ විසඳුම ලෙස දැන් පෙන්වන්නේ රාජ්‍ය සම්පත් විකුණා දැමීමය.

පවත්නා දුෂ්ට සමාජ ආර්ථික චක්‍රයෙන් ඉක්මණින් බැහැර විය යුතු බවටත් වඩා මානුෂීය හා සාධාරණ සමාජයක් වෙතට මාරු විය යුතු බවටත් පවතින අසාර්ථක සමාජ ආර්ථික ක්‍රමය විසින් අපට බල කරනු ලැබ ඇත. අලුත් අවුරුද්ද විසින් අපට යෝජනා කරන අලුත් බවට, නව සමාජ ආර්ථික ක්‍රමයක් ගොඩනගන දේශපාලනයක් සමග පෙළගැසීම පිළිබඳ අපේක්ෂාවද එකතු විය යුතුය. වසර 75ක රටේ පොදු අසාර්ථක ගමනද ගෙවුණු වසරක කාලයේ දේශපාලන අත්දැකීම් විසින්ද සියලු දෙනාට ඒ පිළිබඳව විවේක මනසින් සිතා බලන්නට අවස්ථාව උදා කර දී ඇත. ජනතාවාදී පාලනයක අවශ්‍යතාව පිළිබඳ රට පුරා නැගී එන ජනතා පෙළගැස්මේ පදනම වන්නේ එයය. රටටත් ජනතාවටත් සැබෑ ජයග්‍රහණ අත්පත් කර දෙන සහ අලුත් සමාජයක් ගොඩනඟන අලුත් දේශපාලන ගමනක් ඇරඹීමට අලුත් අවුරුද්ද අලුත් ජවයක් වනු ඇතැයි අපි බලාපොරොත්තු වෙමු.

ජනතා විමුක්ති පෙරමුණ
2023.04.14

26/02/2023

03/02/2023

"සිංහල – දෙමළ – මුස්ලිම් සහෝදරත්වයෙන් ජීවත්වීමට මාලිමාවට ඡන්දය දෙන්න"

“දිගන, අලුත්ගම, සාෆිගේ ප්‍රශ්නවලට විපක්ෂ නායක එක වචනයක් කතා කළේ නෑ“
අපරාදෙ යැයි නොසිතෙන ඡන්දයක් දෙනවා නම් ඒ මාලිමාව පමණක් යැයි ජාතික ජන බලවේගයේ නායක අනුර කුමාර දිසානායක මහතා පැවසීය.

සමන්තුරේ පැවති ජාතික ජන බලවේගය ජනහමුව අමතමින් පසුගියදා ඒ මහතා මෙසේ කීය. වැඩිදුරටත් කතා කළ දිසානායක මහතා මෙසේද කීය.

වසර ගණනාවක් ඔබ ඡන්දය දීලා ආණ්ඩු මාරු කළා. ආණ්ඩු මාරු කළාට රටට යහපතක් වෙලා නැහැ. මොනවගේ මාරුවක්ද ඕනෙ? අපේ රටේ මහජනයාගේ ධනය හොරකම් කරන දේශපාලනය වෙනුවට මහජනයාගේ ධනය ආරක්ෂා කරලා ජනතාවට වැඩ කරන දේශපාලනයක් ඕනෙ. ඒ වැඩේ කරන්නේ මාලිමාව විතරයි. මහින්දට මේ රටින් පැනලා යන්න දෙන්නේ නෑ කිව්ව මෛත්‍රී, මහින්දට අගමැතිකම දුන්නා. 2019 ගෝඨාභය රාජපක්ෂට ඡන්දය දුන්නා, මහ බැංකුව හොරාකාපු රනිල් වික්‍රමසිංහව හිරේ යවන්න. හැබැයි බලයට ආපු ආණ්ඩුව රනිල් වික්‍රමසිංහට ජනාධිපතිකම දුන්නා. මේ ගොල්ලෝ කවදාවත් හොරු අල්ලන්නේ නෑ. හොරුන්ට දඬුවම් දෙන්නෙ නෑ. ඒගොල්ලෝ එකට ඉන්නේ. දූෂිතයෙක් දූෂිතයෙකුට කවදාවත් දඬුවම් දෙන්නේ නෑ. එහෙනම් මේ වංචාව හා දූෂණය නතර කළ හැක්කේ, දූෂිතයන්ට දඬුවම් දිය හැකිවන්නේත් මාලිමාවේ ආණ්ඩුවකට විතරයි.

මේ රට හදන්න අපි හොරකම නතර කරනවා. හොරුන්ට දඬුවම් දෙනවා. හොරකම් කළ දේපොළ නැවත පවරා ගන්නවා. අන්න ඒ වෙනස, මාලිමාව ඇති කරනවා. අපේ රටේ රාජ්‍ය සේවය කඩා වැටිලා තියෙනවා. වැඩක් කරන්න අමාරුයි. රස්තියාදු වෙනවා. කාර්යක්ෂම නෑ. මේ රාජ්‍ය සේවයට මොකක්ද වුණේ. දේශපාලකයින් පත්වීම් දුන්නා. වරාය පිරෙව්වා. අධ්‍යපන අමාත්‍යාංශය පිරෙව්වා. ඡන්ද ගන්නවා. ඡන්දෙට වැඩ කරපු අයට රස්සා දෙනවා. පහුගිය කාලේ දැක්කාද එක්කෙනෙක් සියඹලා ගහයට රස්සා දෙනවා. කොහොමද දෙන්නේ? උස නම්, සිකුරිටි. මිටි නම් කම්කරු. දුන්නාද? එහෙම රාජ්‍ය සේවයක් හදන්න පුළුවන්ද?

අපේ රාජ්‍ය සේවය විනාශ වුණේ, බඳවා ගන්නේ, උසස්වීම් දෙන්නේ, මාරුවීම් කරන්නේ දේශපාලනයට. මේ රාජ්‍ය සේවය හිතුමතේට පිරෙව්වා. මේ රැස්වීමට මේ තරුණයෝ ඇවිත් ඉන්නවා. මේ රැස්වීමට ආපු එක, මාලිමාවට වැඩ කරන එක රස්සාවක් ගන්න සුදුසුකමක් වෙන්නේ නෑ. රස්සා ලැබෙන්නේ සුදුසුකමට, හැකියාවට. එහෙම ආණ්ඩුවක් ඕනෙ නැද්ද? අන්න ඒ ආණ්ඩුව හදන්නේ මාලිමාවේ අපි.

මේ රට හදන්න ජාතික සමගිය ඕනෑ. සිංහල, දෙමළ, මුස්ලිම් ලෙස ප්‍රධාන ජන කණ්ඩායම් තුනක් ජීවත්ව ඉන්නවා. සිංහල, දෙමළ ප්‍රධාන භාෂාවන් දෙකක් කතා කරනවා. බුද්ධ ධර්මය, ඉස්ලාම් ධර්මය, හින්දු ධර්මය, ක්‍රිස්තියානි ධර්මය ප්‍රධාන ආගම් හතරක් අදහනවා. එහෙනම් මොකක්ද කරන්න ඕනෑ. මෙම ජන කණ්ඩායම් අතර සමගිය ඇති වෙන්න ඕනෑ. මේ ජාතීන් අතර සමගිය ඇති කරන්නේ නැත්නම් ඒ රටක් දියුණු වෙන්න නෑ. දියුණු වුණු සෑම රටකම තියෙනවා ජාතික සමගිය. අපේ රටේ තියෙන්නේ ජාතිවාදය. ඕගොල්ලන්ට මතකද? ගෝඨාභය ජනාධිපති වෙනකම්, වඳ කොත්තු තිබ්බා. වඳ ඇඳුම් තිබෙනවා කිව්වා. ජනාධිපති වුණාට පස්සේ වඳ කොත්තු, වඳ ඇඳුම් ඉවරයි. සමහර කඩවලට යන්න එපා කිව්වා. වඳ දොස්තරලා ඉන්නවා කිව්වා. සිංහල අම්මලා හාරදහක් වඳ කරලා තිබෙනවා කිව්වා. ගර්භාෂ යුද්ධයක් කිව්වා. ගෝඨාභය ජනාධිපති වෙනකම් විතරයි. ඊට පස්සේ සාෆි දොස්තර මහතාට හිඟ වැටුප් ගෙව්වා. ඒ නිසා මේ පාලකයෝ බලය වෙනුවෙන් ජාතිවාදය උපයෝගී කර ගත්තා. එදා සාෆි දොස්තර මහතාගේ ප්‍රශ්නය පාර්ලිමේන්තුවේ කතා කළේ මම විතරයි.

දිගන, අලුත්ගම ප්‍රශ්න ඇතිවෙන කොට, පාස්කු ප්‍රහාරයෙන් පසුව ඇති වුණු ප්‍රශ්නවලදී ජාතික ජන බලවේගයේ අපි ජාතිවාදයට එරෙහිව අපි ජාතික සමගිය වනුවෙන් පොර බැදුවා. ඕගොල්ලො බලන්න, දිගන, අලුත්ගම, සාෆිගේ ප්‍රශ්න ඇතිවෙන කොට ඔය විපක්ෂ නායක කතා කරපු එක වචනයක් පෙන්වන්න. අහල තිබෙනවාද? මේ රටේ ජාතික සමගිය වෙනුවෙන් පෙනී සිටියේ කවුද? ජාතික ජන බලවේගයේ අපි. මේ රටේ ජාතික සමගිය ඇති කරන්න පුළුවන් කාටද? අපිට. අපේ පරම්පරාවේ කට්ටිය යුද්ධ ඇති කර ගත්තා, ඇනකොටා ගත්තා. ගහ මරා ගත්තා. අපේ දරුවොත් ගහ මරා ගන්න ඕනැද? අන්න ඒක වෙනස් කරන්න ඕනෑ. අපේ දරුවොත් ගහ මරා ගන්න ඕනෑ රටක් නම් අනිත් අයට ඡන්දය දෙන්න. සිංහල, දෙමළ, මුස්ලිම් අපි සහෝදරත්වයෙන් ජීවත් වෙන්න ඕනෑ නම්, අපේ දරුවොත් සමගියෙන් ජීවත් වෙන්න ඕනෑ නම් ඡන්දය මාලිමාවට දෙන්න.

- සිරිමන්ත රත්නසේකර (දිවයින)

03/02/2023

02/02/2023

උඩුබද්දාව ප්‍රාදේශීය සභාවට ජාතික ජනබලවේගයේ අපේක්ෂක කණ්ඩායම