Contact information, map and directions, contact form, opening hours, services, ratings, photos, videos and announcements from Afghan news, News & Media Website, .
د پاکستان جنجالي سفير بدل شو
افغانستان کې د منصور احمد خان د جنجالي ماموريت په پايته رسېدو سره، پاکستان عبيد نظاماني د کابل لپاره د نوي شارژدافير په توګه ګومارلی دی.
منصور احمد خان کابل کې د خپل ماموريت پرمهال له طالبانو سره خورا نږدې اړيکې لرلې او نږدې هره غونډه کې به څرګندېده.
نوموړی د يو شمېر افغان فعالينو لخوا له خپلو وظيفوي صلاحیتونو څخه پورته کړنو باندې تورن و.
شپيته کلن منصور احمد خان له دې وړاندې په استريا هېواد او ملګرو ملتونو کې د پاکستان استازيتوب کړی دی.
د افغانستان په پلازمینه کابل کې چاودنه شوې ده.
نن چارشنبه د اپریل ۲۰ مه د غرمې نه مخکې د کابل د قوای مرکز په سیمه کې چاودنه وشوه.
عیني شاهدانو رسنیو ته ویلي دي چې چاودنه په یو موټر شوې ده.
ویل کیږي چاودنه د طالبانو پر موټر شوې ده . د لومړنیو معلوماتو له مخې پدې چاودنه کې دوه تنه ټپیان شوي دي.
د کابل امنیتي مسئولینو تر اوسه پورې د چاودنې په اړه څه ندي ویلي.
د ویلو ده چې پرون هم په کابل کې د دشتې برچې په سیمه کې پر ښوونځي او یوې تعلیمي ادارې درې پرله پسې بریدونه وشو چې په نتیجه کې ګڼشمیر زده کوونکو او عام خلکو ته مرګ ژوبله واوښته.
تازه؛
د سعودي عربستان رسنیو لیکلي، چې په دې هېواد کې سبا د روژې لومړۍ ورځ ده.
په افغانستان کې د طالبانو حکومت چې د میاشتې لیدو لپاره یې یوه کمېټه هم ټاکلې تر اوسه یې په دې اړه څه نه دي ویلي.
نړیوال بانک په افغانستان کې د طالبانو لهخوا د نجونو ښوونځيو تړل کېدو په غبرګون کې څلور سترې پروژې لغوه کړې دي.
د مالوماتو پر اساس، د دې څلورو پروژو لګښت شاوخوا ۶۰۰ میلیون ډالر کېږي.
دغه پروژې د کرنې، پوهنې، روغتیا او ژوند کولو په برخو کې دي او ټاکل شوې وه چې په افغانستان کې د ملګرو ملتونو د ادارو له خوا پلې شي.
نړیوال بانک د طالبانو د حکومت وروستۍ پرېکړې ته په اشارې سره چې ښوونځیو ته د نجونو د ورتګ مخه نیولې، زیاته کړه چې دغه څلور پروژې به یوازې هغه مهال پلې شي چې بانک او نړیوال شریکان یې د پروژې اهدافو ته د رسېدو ډاډ ترلاسه کړي.
دغه بانک وايي دوی له نړیوالو بنسټونو سره په اړیکه کې په افغانستان کې فعالیتونه ترسره کوي، نو که د نړیوالې ټولنې غوښتنې په افغانستان کې نه منل کېږي نو دوی هم د ورته پروژو له عملي کولو په شا کېږي.
نړیوال بانک تر دې وړاندې ویلي وو، چې په افغانستان کې به ځينې پراختیايي پروژې پیلوي خو دا پروژې به د افغان حکومت پر ځای د خیریه موسسو له لوري عملي کېږي.
دا په داسې حال کې ده چې تر دې وړاندې امریکا هم د نجونو ښوونځيو د تړلو پرېکړې په غبرګون کې له طالبانو سره خپل مذاکرات لغوه کړي وو.
د چین د بهرنیو چارو وزیر «وانگ ایي» نن له پاکستان څخه افغانستان ته راغلی دی.
هندوستان ټایمز نشریې ویلي، چې د چین د بهرنیو چارو وزیر په پاکستان کې د اسلامي همکاریو د سازمان په غونډه کې تر گډون وروسته په یوه نا اعلان شوي سفر افغانستان راغلی دی.
اسلامي امارت او چین هیواد تردې مهاله په دې تړاو څه نه دي ویلي.
نن د افغانستان په بېلابېلو ولایتونو کې ګڼې نجونې د تعلیمي کال د پیل په هیله ښوونځیو ته تللې وي خو د هغوی د ښوونځیو دروازې بندې وي او دوی ناهیلې کورونو ته ستنې شوې.
طالبانو درې ورځې مخکې اعلان کړی وو چې نن به د نجونو ټول ښوونځي خلاص کړي خو د دوی د پوهنې وزارت نن په یوه خبرپاڼه کې ویلي:
ټولو هغه اناثيه مکاتبو او ليسو ته چې له شپږم صنف څخه پورته دې خبر ورکول چې د يادو مکاتبو او ليسو درسونه تر امر ثاني پوري معطل دې، هر کله چې په دي اړه له شريعت او افغاني دود او کلتور سره سمه جامعه طرح جوړه او د اسلامي امارت د مشرتابه حکم وشو بيا به يادو ښځينه مکاتبو او ليسو ته رسما اطلاع ورکول شي.
محمد اشرف غني وايي، که یو بل و نه منو، د سولې بل فرصت به له لاسه ورکړو.
د هېواد مخکيني ولسمشر محمد اشرف غني د نوروز په مناسبت له خپلې فېسبوک پاڼې په تازه غږيز پیغام کې ویلي، کال نوی کېږي، خو زموږ غمونو ته د پای لار لا نهده برابره شوې.
هغه زیاته کړې، که یو بل و نه منو، د سولې بل فرصت به له لاسه ورکړو.
نوموړي همدا راز ويلي: «د حل یوه لاره شته چې د ملي وحدت، تلپاتې سولې، اقتصادی خوځښت، د ملي، منطقوی او نړیوال مشروعیت لاره ده؛ نو د دې لپاره اړتیا ده چې خپل منځي ملی بحث رامنځ ته کړو.»
مخکيني ولسمشر په دې پيغام کې ويلي: «افغانستان په یوه دوه لارې کې دی یا به د تېرو ۴۰ کلونو لاره تکرارېږي او د جنګ میدان به ګرځي یا به د نورو لهخوا د افغانان د شمنیو د لوټولو شاهدان کېږو.»
د لومړي ځل لپاره؛
هندي توکي د پاکستان او افغانستان له لارې ازبکستان ته رسېدلي
د لومړي ځل لپاره د هند یوه سوداګریزه محموله د پاکستان او افغانستان له لارې ازبکستان ته ولېږدول شوه. د پاکستان د سوداګرۍ برخې چارواکو ویلي چې دا محموله په یوه سوداګر پورې اړه لري او په خبره یې د کراچۍ بندر له لارې تر تورخم رسول شوې او دا به د هېوادونو ترمنځ د اړیکو نوی باب پرانیزي. بلخوا افغان چارواکو ویلي، دا لومړی ځل دی چې د څلورو هېوادونو ترمنځ په مصوونه فضا کې یو سوداګریز کاروان تېرېږي او نوې سوداګرۍ او ترانزیت ته لار پرانیزي. دا محموله ۱۴۰ ټنه ده چې هندي توکي پکې شامل دي. دا توکي د هند له ممبۍ راوړل شوي او له پاکستان افغانستان له افغانستان ازبکستان ته لېږدول شوي دي. افغان حکومت وایي هڅه کوي دغه ډول سوداګري پراخه شي او افغانستان په سیمه کې د غوره ارتباطي لارې حیثیت خپل کړي.
هند وايي نن افغانستان ته د دغه هیواد د بشري مرستو څلورم کاروان روان شو.
د هند د بهرنیو چارو وزارت نن سې شنبه مارچ ۱۵ (کب ۲۴) ویلي، دغه بشري مرسته کې ۲۰۰۰ ټنه غنم او ځینې نور موادو شامل دي.
هندوستان له افغانستان سره د ۵۰زره ټنه غنمو بشري مرستو ژمنه کړې وه چې په وینا یې تر دا مهاله ۸۰۰۰ زره ټنه افغانستان ته انتقال شوي دي.
عکسونه: د هند د د بهرنیو چارو وزارت
افغانستان ته میلیاردونه راغلي ډالر ؛
۹۰ سلنه بیرته د امریکایي قراردادیانو جیبونو ته تللي دي
یوې کاناډایي نشریې پر افغانستان بندیزونو او روان وضعیت ته کتنه کړې ده او وایي د امریکا روان غیر انساني چلند او غیر قانوني بندیزونه به میلیونونه افغانان وځپي. دغه رسنۍ وایي چې امریکا په تېرو شلو کلونو کې په افغانستان کې هېڅ راز بنسټیز فعالیت نه دی ترسره کړی او د افغانستان د خلکو هېڅ بنسټیزه ستونزه یې نه ده حل کړې. سرچینه کاږي چې افغانستان ته د امریکا د ټولو تللو مرستو او میلیاردونو ډالرو له ډلې ۹۰ سلنه یې بېرته امریکايي وګړو او د امریکا اقتصاد ته راګرځېدلي دي. په مطلب کې راځي چې امریکا د افغانستان د مرستې په نامه میلیاردونه ډالر یوازې له خپلو بانکونو و ایستل او بېرته یې د امریکايي وګړو له لارې د امریکا اقتصاد ته راولېږدول. لیکوال زیاتوي، چې امریکا پر افغانستان هېڅ لګښت و نه کړ، بلکې ټول لګښتونه یې بېرته د خپلو قراردادیانو په مرسته امریکا ته راوړل او شخصي امنیتي او لوژستیکي کمپنۍ یې شتمنې کړې. له همدې امله نشریې پر امریکا نیوکه کړې چې اوسني بندیزونه یې غیر انساني، غیر قانوني او له ټولو نړیوالو نورمونو سرغړونه ده.
بیړنی خبر:
د روس صدر ولادي مېر پوټن لخوا د یوکرېن په ډونباس سیمه کې د پوځي عملیاتو د اعلان وروسته د زیارت په سهر په کېف کې درنې ډزې اوریدل شوي. د امریکا صدر جو باېډن یو څو شېبې وړاندې په یو بیان کې ویلي ٫٫ د ټولې نړۍ دعاګانې د یوکراېن د خلکو سره دي چې د روسي پوځ لخوا د یو بې انصافه او راپارونکي بریدونو سره مخ شو. صدر پوټن یو داسې جنګ شورو کړو چې لویه انساني تباهي به راولي. روس د دې جنګ د تباهۍ او مرګونو یواځینی ذمه وار دی او امریکا او ایتلافیان به یې په ګډه د دې ځواب ورکوي. او نړۍ به د روس نه د دې تپوس کوي. د دې خبر نور جزیات د وي او ای ډیوه په ویب پاڼه کتلی شۍ.
افغانستان ته د هندي غنمو لېږد پیل شو
ټاکل شوې چې د هند د مرسته شوو غنمو لومړۍ جوپه نن افغانستان ته حرکت وکړي. د پاکستاني رسنیو د راپورونو له مخې هند او پاکستان هوکړه وکړه چې افغانستان ته د مرسته شوو غنمو لېږد پيل شي. ټاکل شوې چې نن سه شنبه ددې غنمو لومړنۍ محموله له واګه بندر تېره شي او د افغانستان پر لور حرکت وکړي. هند شاوخوا پنځه میاشتې وړاندې له افغانستان سره د ۵۰ زره ټنه غنمو مرسته اعلان کړه خو له هغه مهاله تر دې دمه دغه غنم په واګه بندر کې د پاکستاني حکومت له لوري درول شوي وو او افغانستان ته د لېږد اجازه نه ورکول کېده. دمګړی پاکستان ددغه غنمو د لېږد اجازه ورکړې ده او ټاکل شوې چې د خوړو نړیوال پروګرام له لوري په افغانستان کې پر اړمنو ووېشل شي.
عادله راز: سفارت که تړل کېږي، د افغانستان بیرغ دې پر خپل ځای پرېږدي
د امریکا حکومت په واشنګټن کې د افغانستان سفارت له مسوولینو غوښتي چې نور دې یاد سفارت وتړي. په امریکا کې د افغانستان سفارت یوې سرچینې ویلي، چې د امریکا حکومت په رسمي توګه په واشنګټن کې د افغانستان له سفیرې عادلې راز څخه غوښتي چې نور دې سفارت وتړي. سرچینې ویلي، چې دغه راز سفیرې ته دا هم ویل شوي که هغه غواړي یوازې خپله له سفارت پرته له کور څخه کار کولی شي او دوی چمتو دي چې لګښت یې ورکړي، خو د سرچینې په خبره چې سفیرې عادلې راز په یواځې ځان او هغه له کوره کار کول نه دي منلي او دا یې غوره ګڼلې چې د سفیرې په توګه له دندې استعفی وکړي. سرچینه وايي، چې سفیرې عادلې راز د امریکا له حکومته غوښتي چې پر سفارت دې د افغانستان بیرغ پر خپل ځای پریږدي، چې دا غوښتنه یې منل شوې خو بله غوښتنه یې چې په امریکا کې دې د میشتو افغانانو د کارونو د خلاصون په موخه کونسلګري پرانیستې پرېښودل شي، نه ده منل شوې.
افغانستان سره مرستې؛
ملګري ملتونه او برېټانیا د کنفرانس کوربه توب کوي
ملګري ملتونه او برېټانیا په ګډه افغانستان ته د مرستو راټولو کنفرانس جوړوي. د برېټانیا د بهرنیو چارو وزارت ویلي چې راتلونکې میلادي میاشت ملګري ملتونه او برېټانیا د افغانستان په اړه د یوه کنفرانس کوربه دي. سرچینه وایي په دې کنفرانس کې هڅه کېږي څو افغانستان ته د ملګرو ملتونو له لوري د غوښتل شوې څلور نیم میلیارده ډالر مرستې راټولولو زمینه برابره شي. په دې کنفرانس کې به د برېټانیايي چارواکو تر څنګ د ملګرو ملتونو د بېلو اداراتو مشران ګډون وکړي او د افغانستان د مدني ټولنې استازي به هم په غونډه کې برخه اخلي. ملګرو ملتونو تر دې وړاندې ویلي وو چې په افغانستان کې د بشري او اقتصادي ناورین د مخنیوي لپاره څلور نیم میلیارده ډالرو ته اړتیا لري، که دا مرستې نه راټولېږي نو په افغانستان کې د بشري ناورین د لا پراختیا امکان شته دی.
د سولې په چارو کې د پخواني ولسمشر اشرف غني سلاکار عبدالسلام رحیمي کابل ته راغلی دی. د راپورونو له مخې سلام رحیمي په کابل کې د بهرنیو چارو له سرپرست وزیر او د نوي حکومت له لوړپوړو چارواکو سره کتلي دي. سلام رحیمي په دې لیدنه کې ویلي چې دی غواړي د افغانستان د سولې او دایمي ثبات په راتګ کې همکاري وکړي او موخه یې هم دا ده چې وکړی شي د هېواد په پراختیا او امنیت کې خپلې هڅې وکړي. سلام رحیمي وایي چې افغانستان له یوه ناورین تېرېږي او ددې ناورین کنټرول زغم او درایت ته اړتیا لري. هغه زیاته کړې، تمه لري چې لا ډېر افغانان بېرته خپل هېواد ته راوګرځي او دلته د پرمختګ او سولې په برخه کې مهم ګامونه اوچت کړي. ددې سفر په اړه لا ډېر جزیات نه دي ورکړل شوي، خو سلام رحیمي د پخواني ولسمشر له نږدې او باوري کسانو وو او د سولې په چارو کې د ولسمشر ځانګړی استازی ټاکل شوی و.
د افغانستان د کنګل شوې شتمنۍ په تړاو د ولسمشر جوبایډن پرېکړه له سختو غبرګونونو سره مخ شوې ده. په قطر کې د ا.ا د سیاسي دفتر ویاند په یوه تُند غبرګون کې دا پرېکړه د افغانانو د شتمنیو غلا بللې. محمد نعیم پر خپله ټویټر پاڼه لیکلي چې د امریکا له خوا د افغان ولس د کنګل شوېو پیسو غلا او غصب د یو هېواد او یو ملت د انساني او اخلاقي سقوط تر ټولو لوېدلې کچه ده. نعیم زیاتوي چې ماته او بریا د بشري ژوند یوه عادي خبره ده خو تر ټولو لویه او شرموونکې ماته د ده په وینا هغه ده چې پوځي ماته له اخلاقي ماتې سره یوځای وي.
یو. ایس. اې. ای. ډي افغانستان کې خپل فعالیتونه پيل کړي
شریک شوی
د امریکا نړیوالې پراختیايي ادارې خپل فعالیتونه بېرته په افغانستان کې پیل کړي دي. د افغانستان پر بیا رغونه د امریکا د څار ادارې یا سیګار ویلي چې د امریکا پراختیايي ادارې یا یو ایس اې ای ډي خپل فعالیتونه په افغانستان کې له سره پیل کړي دي.
سرچینه وایي یادې ادارې ورته ویلي چې د دوی ځینې برخې په افغانستان کې فعالیت کوي او هغه چارې پر مخ وړي چې د امریکايي حکومت له مستقیمې بودیجې نه تامینېږي. سیګار دغه راز کاږي چې د امریکا پراختیایي ادارې د پخواني حکومت له چارواکو سره اړیکې پرېکړې دي او ټولې هغه چارې ځنډول شوې چې بودیجه یې افغان لوري ته لېږدول کېده.
د امریکا پراختیایي ادارې په تېرو شلو کلونو کې د افغانستان په بېلو برخو کې میلیاردونه ډالر لګول او تر ډېره یې د انکشاف او حکومتولۍ په برخه کې پانګونه کوله.
د افغانستان په اړه د سیمې د هېوادونو د بهرنیو چارو وزیرانو غونډه جوړېږي. بهرنیو رسنیو ویلي چې ټاکل شوې د افغانستان په اړه د سیمې د هېوادونو غونډه په بیجینګ کې جوړه شي او چین به یې کوربه توب کوي.
په دې غونډه کې به د افغانستان پر وضعیت او روانو چارو خبرې کېږي. ددې لړۍ مخکینۍ غونډه په اسلام اباد کې جوړه شوې وه.
د افغانستان په تړاو په دې غونډه کې به د روسیې، پاکستان، ایران، تاجکستان، ترکمنستان او ازبکستان د بهرنیو چارو وزیران ګډون کوي. تر اوسه معلومه نه ده چې له افغانستان به هم کوم پلاوی دې غونډې ته وبلل شي کنه، خو په مخکینۍ غونډه کې یې له افغانستان څوک نه وو بلل شوي.
د پاکستان د ملي امنیت شورا سلاکار معید یوسف نن شنبه د یو لوړپوړي پاکستاني پلاوي په مشرۍ کابل ته راغلی دی.
په کابل کې د پاکستان سفیر منصور احمد خان ویلي چې معید یوسف کابل ته له رسېدو وروسته د طالبانو د بهرنیو چارو له وزیر امیر خان متقي سره کتلي دي.
هغه ویلي چې معید یوسف به له نورو طالب چارواکو سره هم وګوري.
بریټانیا افغانستان سره د سل میلیونه پونډو مرستې اعلان وکړ
د چټکو مرستو د نشتون په صورت د ماشومانو د مړینو د زیاتوالي له خبرداري وروسته، اوس د بریټانیا دولت اعلان کړی چې له افغانستان سره خپلې مرستې زیاتوي. د بریټانیا د بهرنیو چارو وزیرې، لیز تراس ویلي چې په افغانستان کې ځینې خلک د خپل بدن غړي پلوري چې دا د ډيرې اندېښنې وړ خبره ده. په افغانستان کې د یو میلیون ماشومانو د احتمالي مړینې رپوټ له خپرېدو وروسته، د بریټانیا د بهرنیو چارو وزارت اعلان کړی چې له دغه هېواد سره د ماشومانو د ژوند ژغورلو لپاره، په خپلو مرستو کې ۱۰۰ میلیونه پونډه زیاتوي. تر مخکې د ملګروملتونو سازمان د عمومي منشي مخکینی مرستیال اعلان کړی و چې له افغانستان سره د چټکو مرستو د نه ترسره کېدو په صورت کې به، په دغه هېواد کې تر مارچ میاشتې پورې درې میلیون ماشومان له سختې خوارځواکۍ مخ شي.
په آمریکا کې د افغانستان سفارت او قونسلګرۍ تحریم او حسابونه یې تړل شوي دي، د افغان دیپلوماتانو دیپلوماتیک مصونیت او ویزې د دې میاشتې تر پایه د امریکا د بهرنیو چارو وزارت لخوا بې اعتباره او کنسل کیږي۔
د ایسنا اژانس د خبر له مخې د سفارت کارکوونکي د سفارت عایدات خپلو شخصي حسابونو ته لیږدوي۔
د سفیرې عادله راز او د هغې د ژوند د ملګري متین بیګ ویزې چې امریکا ته تښتیدلی د میاشتې په پای کې د امریکا حکومت لخوا بې اعتباره او کنسل کیږي۔
د افغان سفارت حسابونه او شتمني د امریکا له حکومت سره تر هغو کنګل پاتې کیږي تر څو نوی سفیر د دې هیواد لخوا منل کیږي۔
دا د ناروې په شاهي هیواد کې د ا،ا،ا د استازو او یو شمیر افغان شخصیتونو ترمنځ د یوې ورځنۍ ناستې ګډه اعلامیه ده چې کابل نیوز ټلویزیون خپره کړې ده.
طالبانو د کوېټې يو نانوایي د افغانستان د ترافيکو عمومي رئيس ټاکلی دی.
نيويارک ټایمز ورځپاڼې د ترافیکو د عمومي رئيس خيال محمد غيور په حواله ليکلي، چې دی خپله د ډوډۍ پخولو په دوکان کې ناست وو، چې له افغانستان څخه ورته یو نا اشنا کس زنګ ووهه او خبر يې ورکړ، چې د ترافیکو عمومي رئيس ټاکل شوی.
هغه زیاتوي، چې له دې سره يې خپل نانوايي پلورلی او په ډېرې
خوشحالۍ افغانستان ته راغلی دی.
د پاکستان مرکزي حکومت پرېکړه کړې هغو شتمنو بهرنیانو ته د پاکستان شهریت ورکوي چې په پاکستان کې درنه سرمایه کاري وکړي، په دغو بهرنیانو کې د چین او افغانستان خلک په خصوصي توګه شامل دي.
د پاکستان مرکزي حکومت په داسې وخت کې چې له اقتصادي بحران سره مخ دی، د خپلې نوې پالیسۍ له مخې په پاکستان کې مېشتو هغو بهرنیو ته د پاکستاني شهریت یا تابعیت ورکولو پرېکړه کړې ده چې ډېره شتمني لري او غواړي په دې هېواد کې خپلې پیسې ولګوي.
د پاکستان د پوځ او آی اس آی مشرانو د پاکستان صدراعظم ته جنورۍ په ۱۲مه نېټه د افغانستان د وضعيت په راپور ورکړ.
د پاکستان د اطلاعاتو وزير فواد چودري په ټويټر ليکلي
"پرون (جنورۍ ۱۲مه) صدراعظم عمران خان د آی اس آی مرکز ته ورغلی وو، د پوځ مشر، د آی اس آی مشر او د هغه ټيم صدراعظم ته په افغانستان کې د روان وضعيت په اړه تفصيلي معلومات وړاندې کړل".
د پاکستان صدراعظم عمران خان دې غونډې ته ويلي:
"زمونږ مقصد د افغانستان باثباته کول دي، او د هغې دپاره پاکستان ډېر کار کړی دی، نن نړۍ د پاکستان دريځ ته رانږدې کيږي".
عمران خان د پوځ او آی اس آی ستاينه کړې ده.
اوس په يو بل اقدام کې عمران خان افغانستان ته د بشري ځواک په نوم د پاکستانيانو د ليږلو امر ورکړی دی.
دوه ورځې مخکې نیویارک ټایمز راپور ورکړ چې طالبان د مسلکي کارکوونکو او بشري ځواک له کموالي سره مخامخ دي او له پاکستان څخه د مرستې غوښتنه کړې ده.
د وزیراعظم دفتر لیکلي چې عمران خان امر کړی چې په افغانستان کې د بشري بحران د هواري په هدف دې یاد هیواد ته د طب، معلوماتي ټکنالوژۍ، حسابدارۍ او مالیې برخو کې په شرایطو برابر تعلیم یافته مسلکي کسان واستوي او په دې برخه کې دې له خپل دوست ګاونډي هیواد سره همکاري وکړي.
سر له شنبې ورځې بہ پی ټول ھېواد کي د صرافۍ اتومات ATM ماشینونه فعالېږي.
دافغانستان بانک وایي، له خصوصي بانکونو سره ګډه پرېکړه شوې چې سر له راتلونکې اونۍ به د پیرودونکو پر مخ د ای ټي ایم بانکونه پرانیزي.
بانک مرکزی افغانستان از رسیدن ۳۲ میلیون دالر کمک نقدی کمکهای بشردوستانه به کابل خبر داد.
این بانک امروز دوشنبه، بیستام جدی اعلام کرد که این پول را به بانک بینالمللی افغانستان (AIB) منتقل کردهاند.
بانک مرکزی گفته است که این بانک از هر اقدام بشردوستانه که منجر به ورود اسعار و کمک به اقشار مستضعف جامعه شود، قدردانی میکند.
پیشتر دفتر شورای امنیت سازمان ملل قطعنامهی برای را تسهیل ارسال کمکهای بشردوستانه افغانستان تصویب کرده بود.
وزارت خزانه داری ایالات متحده هم مجوزهای عمومی صادر کرد که به نهادهای امریکایی و بین المللی اجازه تعامل مالی با طالبان را در چارچوب بشردوستانه میدهد.
پیش از این هم در چندین مرحله کمک نقدی بشردوستانه به کابل رسیده بود.
با تسلط طالبان بر افغانستان، امریکا حدود ۹ میلیارد دالر امریکایی ذخایر بانک مرکزی را مسدود کرد و این اقدام منجر به بحران نقدیندگی در کشور شد.
د ملګرو ملتونو سازمان د افغانستان لپاره ۱.۵ میلیارده ډالر مرستې راټولې کړې.
د ملګرو ملتونو سازمان ویاند سټیفن دوجاریک په یوه خبري غونډه کې ویلي، چې ملاتړ کوونکو په ۲۰۲۱ کال کې د افغانستان لپاره ۱.۵ میلیارده ډالر بشري مرستې را ټولې کړې دي. نوموړي زیاته کړې چې افغانان له سخت ژمي سره مخ دي او یادې مرستې د ستونزو له اټکل سره سمې را غونډې شوې دي.
د افغان ملي بانک د ويسټرن يونين خبرتیا!
د ویسټرن یونین نړیوالې شبکې د پيسو رالېږد پیل شوی دی، هېوادوال کولاي شي د افغان ملي بانک په مرکز، ښاري او ولایتي څانګو کې له دغه چوپړتیاؤ څخه برخمن شي.
Be the first to know and let us send you an email when Afghan news posts news and promotions. Your email address will not be used for any other purpose, and you can unsubscribe at any time.
دا یې د پنجشیر پُل او دا یې ھم بوشکې !!
مجاهد: طالبان د امریکايي ځواکونو د وتلو هرکلی کوي طالبان له افغانستانه د امریکايي ځواکونو د ایستلو په تړاو د ولسمشر بایډن د وروستي اعلان هرکلی کوي خو وايي د دوحې تړون د دوی په وینا تر پښو لاندې شوی دی. طالب ویاند ذبیح الله مجاهد وايي په همدې دلیل د ترکیې په غونډه کې ګډون نه کوي او ان د دوحې پر تړون هم اوس له سره غور کوي. ذبیح الله مجاهد لومړی د امریکايي ځواکونو د وتلو پر اعلان وویل:
د افغانستان بانک وايي، چې له انفرادي څخه شرکتي جواز ته د اړولو پریکړه له نړیوالو شریکانو سره د کړو ژمنو پر بنسټ رامینځ ته شوې ده د دوې په وینا چې دا کړنه د پیسو وینځلو او ترهګرۍ د تمویل پر وړاندې اغیزناکه تمامیدلی شي. دا په داسې حال کې ده چې د کابل او ولايتونو صرافانو د اعتراض په ډول خپلې صرافۍ تړلي او وايي چې د افغانستان بانک له لوري ورته تخنيکي ستونزې جوړې شوي دي.
Want your business to be the top-listed Media Company?
