Mr.Creative K (2025)

01/11/2024

မရှိလဲ ဖြစ်သွားတဲ့ အခြေအနေကို မရောက်စေနဲ့ ။

စိတ်ထဲ ပတ်သက်တာ ဘာမှ မရှိတော့တာ
စကားမပြောရလဲ ဘယ်လိုမှ မနေတော့တာ
မျက်နှာမြင်လဲ ဘာခံစားချက်မှ မရှိတော့တာမျိုးက
လမ်းလွှဲသွားတာမဟုတ်ဘူး ၊ ကံကုန်သွားတာပဲ ဖြစ်မယ် ။

ဒါကြောင့် မရှိလဲဖြစ်သွားတဲ့ အချိန် မရောက်စေနဲ့
ကိုယ့်လုပ်ရပ်တွေကြောင့် တစ်ဖက်လူက
ဝေးသွားတဲ့ အခါ ၊ အေးသွားတဲ့အခါမှ နောင်တမရမိစေနဲ့ ။

-crd

01/11/2024

တူရာလူဘဲပေါင်းလို့ရတယ်ဆိုတဲ့ စကားကို
တော်တော်ကြာတဲ့ အထိ လက်ကိုင်ထားခဲ့တာ။
နောက်ပိုင်းကျ စိတ်တူကိုယ်တူလို့ထင်တဲ့ လူတွေက တဖြေးဖြေး မတူလာတော့တာကိုသတိထားမိလာတော့
တော်တော်လေး အံ့ဩမိလာတယ်။
ဒီလိုဘဲ ဘယ်လိုမှ ပေါင်းလို့ရမှာမဟုတ်ဘူး လို့
ထင်ထားတဲ့ လူနဲ့ကျတော့
တော်တော် လေး အတွဲ ညီလာပြန်ရော။
ဒါပေမဲ့ ‌အဲ့ဒီပေါင်းသင်းဆက်ဆံရေးဟာလဲ
တချိန်ချိန်မှာ ဆက်လက်ပေါင်းသင်းမရတော့တဲ့အချိန်လဲ ရှိလာနိုင်တယ်။
အဲ့ဒါ ဘယ်သူမှားလဲလို့တွေးတော့ ဘယ်သူမှ မှားမနေဘူး။
အမြဲတမ်း ထာဝရအတွက်လို့တွေးမိတဲ့
ကျနော်တို့ အတွေးတွေကဘဲ မှားနေကြတာ။
ချစ်သူဘဲ ဖြစ်ဖြစ်သူငယ်ချင်းဘဲ ဖြစ်ဖြစ် လုပ်ဖော်ကိုင်ဖက်ဘဲ ဖြစ်ဖြစ်
တချိန်ချိန်မှာ ထပ်တူမကျလာတဲ့အခါ
ပေါင်းသင်းမရတော့တာဟာ သဘာဝပါဘဲလို့
စိတ်ထဲမှတ်ထားလိုက်ရင်
အရာရာက အဆင်ပြေသွားမယ်ဆိုတာသိသွားရင်
လက်လွတ် တတ်သွားမှာပါ။

01/11/2024

ငါက လူတစ်မျိုးနော်။
ငါ့ရင်ဘတ်ထဲမှာ လူတစ်ယောက်ရှိနေသ၍
ဘယ်သူတစ်ဦးတစ်ယောက်ကိုမှ ဘဝထဲကိုမခါ်ချင်ဘူး။
ဘယ်တစ်ဦးတစ်ယောက်ရဲ့ ဘဝထဲလဲ မသွားချင်ဘူး။

ဘာလို့လဲဆိုတော့ ငါကတစ်ဖက်လူကို မေတ္တာအတုအယောင်တွေမပေးချင်ဘူး
တကယ်မချစ်ပဲလဲ ငါ့ဘဝထဲကို မခေါ်ချင်ဘူး။
ဒါကြောင့် ငါတစ်ယောက်ထဲနေသွားရမယ်ဆိုလဲ ဖြစ်ပါတယ်။

31/10/2024

အိမ်ထောင်တစ်ခု ဖြစ်လာပြီဆိုရင်
လင်က ဘာပဲဖြစ်နေဖြစ်နေ
နူနူဝဲဝဲ မယားကောင်းပီသစွာ ပေါင်းဖက်ရတယ်.
ကြင်နာရမယ်။ မိန်းမ အမှု ပြုပေးရမယ်။

ချစ်လို့ ကြိုက်လို့ ယူထားပြီးကာမှ
မလိုချင် ပြန်အမ်းမရဘူး..
သူလည်း လူပျိုပြန်မဖြစ်သလို
ကိုယ်လည်း အပျိုပြန်မဖြစ်ဘူး..

ကြည်ဖြူလို့ ယူထားပြီးရင် ဘယ်မိဘ
ဘယ်အသိုင်းအဝိုင်း ဘယ်သူငယ်ချင်းက
သွေးထိုး သွေးထိုး နားမယောင်ရဘူး...
ကိုယ်ယူတဲ့လင် ကိုယ့်တောင်းကျွေးလည်း
လက်ခံရမှာပဲ..

အိမ်ထောင်ရေးကို.စမယ်မကြံသေးဘူး
ယောက်ျားတစ်ယောက်ရဲ့ အစွမ်းအစကို
အထင်သေးလို့မရဘူး..

မြန်မာမိန်းခလေး အမျိုးဘာသာချစ်ပြရုံနဲ့လည်း
မိန်းမ မပီသသေးဘူး..မိသားတစ်စုရဲ့ သမီးကောင်း
လင်ယောက်ျားအတွက် ဇနီးကောင်း အိမ်အတွက်
အမေကောင်း/အိမ်ထောင်ရှင်မကောင်း တစ်ယောက်
ဖြစ်နေရမယ်/ုကြိုးစားရမယ်။

လူ....ဆိုတာ..
အပြန်အလှန် လေးစားအထင်ကြီးတတ်မှ
အပြန်အလှန် နားလည်မှုရှိမှ အဆင်ပြေပြေပေါင်းသင်းလို့ရတာ..

နားလည်မှုမရှိတဲ့ တံခါးကို ဆက်ခေါက်နေရင်
လက်ပေါက်ရုံပဲ ရှိမယ်..

မိန်းမဆိုတာ မယားတစ်ယောက် ဖြစ်လာတာနဲ့
သမီးရည်းစားတုန်းကလို စိတ်ဆိုးစိတ်ကောက်
လုပ်နေလို့မရတော့ဘူး...game ဆော့ ကလေးလုပ်နေလို့မရဘူး..facebook တစ်နေကုန်သုံးနေလို့မရဘူး..

ဟိုတုန်းက ကောင်မလေးတစ်ယောက်ဟုတ်ချင်ဟုတ်မယ်
အိမ်ထောင်ရှင် ဖြစ်လာရင် အမျိုးသမီးတစ်ယောက်လို
ရင့်ကျက်တည်ငြိမ်ရမယ်..အိမ်မှုကိစ္စ၊လင်မှုကိစ္စ ၊ နှစ်ဖက်မိသားစုအရေး မျှတအောင် စီမံရမယ်။စုဆောင်းရမယ်။ ပစ္စည်းဥစ္စာဖြို စဖိုက ဆိုတာ အလကားမဟုတ်ဘူး။ယောက်ျားရှာသမျှကို မျှသအောင် ထိန်းရမယ် ။
အခု သုံး၊လှူ၊စု၊ပေး ဤလေးခုကို မျှရမယ်။

အိမ်ရှင်မဆိုတာ အိမ်ကိုရှင်အောင်မ နေရသူပါ.
လင်သားမျက်နှာကို မကြည့်ပဲ
လင်သားကို.စိတ်ဆင်းရဲအောင် လုပ်နေပြီဆိုတည်းက
မိန်းမကောင်းလို့ ဆိုမရပြန်ဘူး..
အိမ်တစ်အိမ်ရဲ့ အသွင်အပြင် ဘုရားစင်နဲ့
ရေအိမ်ကိုကြည့်တာနဲ့ အဲ့ဒီလင်မယား ရဲ့ အကျင့် စရိုက် လက္ခဏာ
ကိုမြင်လို့ရပြီ။

အထက်မှာပြောခဲ့တယ်နော်..
အပြန်အလှန် နားလည်မှု အထင်ကြီးလေးစားမှု

အိမ်ထောင်ပြုတာ လွယ်တယ်..
အဲ့ဒီ အိမ်ထောင်ရေးကို.ရေရှည်တည်တံ့အောင်
ထိန်းသိမ်းနိုင်ဖို့ကျ ခက်ခဲတယ်..

တစ်ဦးနဲ့တစ်ဦး အပြန်အလှန် နားလည်မှု၊
အထင်ကြီး လေးစားမှူ၊ ကြင်နာဖေးမမှု..
ရှင်းရှင်းပြောရရင် သူ့မိဘဆီက ကိုယ်က လက်ခံပြောင်းယူတာပဲ..

သူ့အမေလို သူ့ကို ဂရုစိုက်ဖို့ ပြုစုယုယဖို့
သူ့အဖေလို ကာကွယ်ပေးဖို့ ဖေးမစောင့်ရှောက်ဖို့
အဓိက အဲ့ဒါပဲ..

တပ်မက်စိတ်တစ်ခုတည်းနဲ့ အိမ်ထောင်ပြုရင်.
အောက်ခြေမခိုင်တဲ့ ပရောဂျက်တစ်ခုလိုပဲ
ခဏလေးနဲ့ ပျက်စီးမှာပဲ...

သဝန်တိုတာ ချစ်လို့ မှန်တယ်..
သဝန်တိုတဲ့ အခြေခံအကြောင်းရင်းကိုလည်း
စီစစ်ရသေးတယ်။..

အမျိုးဘာသာချစ်ရုံနဲ့လည်း မိန်းမကောင်းမဟုတ်သေးဘူး..
မိန်းမတစ်ယောက် မိခင်နေရာရောက်လာပြီဆို
ပိုဆိုးတယ်..

ကိုယ်တိုင်တောင် ဒီဖောင်ဒေးရှင်းတစ်ခုကိုခိုင်မာအောင်
မတည်ဆောက်နိုင်တာ..မလုပ်နိုင်တာ..
ကိုယ့်သားသမီးကို ဘယ်လို ပြုစုပျိုးထောင်မလဲ..

ခလေးတွေရဲ့ ဦးနှောက်သေးသေးလေးထဲကို
ဘာတွေရိုက်ထည့်ပေးမလဲ..

ကိုယ့်ကို အသက်ထက်တမျှ ချစ်မြတ်နိုးတဲ့ မိန်းမ/ယောက်ျားဆိုတာ ဒီခေတ်မှာရှားတယ်။..

ယောက်ျားပေါတယ် လင်ကောင်းရှားတယ်။
မိန်းမပေါတယ်..မယားကောင်းရှားတယ်။

ယောက်ျားဖြစ်သူကလည်း ကိုယ်ယူထားတဲ့မိန်းမကို
အထင်သေးစရာလည်း မလိုဘူး
မိန်းမကလည်း ကိုယ်ယူထားတဲ့ ယောက်ျားတစ်ယောက် သူ့အလုပ်က ဖိနပ်စုတ်ချုပ်
ကူလီလုပ်စေဦး မထီမဲ့မြင်ပြုစရာမလိုဘူး..

လင်နဲ့မယားဆိုတာ..
ယောက်ျားယူတယ်ဆိုတာ သူ့သားကို
သူ့အမေကိုယ်စား ကိုယ်က မိခင်လိုကြည့်ရှုဂရုစိုက်ပေးခြင်းပဲ..

မိန်းမယူတယ်ဆိုတာလည်း သူ့မိဘတွေရဲ့နေရာကို
ကိုယ်ကတာဝန်ယူ
လက်လွဲပြောင်းခြင်းသဘောတရားပဲ.

အဲ့လို မှမသိပဲ တပ်မက်စိတ်တစ်ခုတည်းနဲ့ဆို
သေချာတယ်..

စိတ်ချမ်းမြေ့စရာအိမ်ထောင်ရေးဖြစ်လာမှာမဟုတ်ဘူး
အငြီအဟောက်ဆိုတာ ကြာရင် ငြီးငွေ့လွယ်တယ်။

ဒါဆို ဘယ်လိုချစ်ကြမလဲ..
တစ်ယောက်နဲ့တစ်ယောက် အပြန်အလှန်
ကိုင်းကိုကျွန်းမှီ ကျွန်းကိုကိုင်းမှီနေကြရမယ်.

အပြန်အလှန်နားလည်မှုရှိရမယ်..
ကြင်နာရမယ်..စာနာတတ်ရမယ်။
စိတ်တူကိုယ်တူ နှစ်ကိုယ့်တစ်စိတ်ဖြစ်အောင်နေရမယ်.

မသိတာကို သိအောင် နားမလည်တာကို.နားလည်အောင်
သင်ယူစေရမယ်..
သူစိမ်းနှစ်ယောက် တစ်အိပ်ယာတည်း အတူနေ
စိတ်တူကိုယ်တူ ဖြစ်ဖို့ဆိုတာကလည်း
ငြိယူရတော့မှာလေ..

သေချာတာတစ်ခုကတော့.
အိမ်ထောင်ပြုတယ်ဆိုတာ လိင်ကိစ္စတစ်ခုတည်းအတွက်
ပြုတာမဟုတ်ဘူး .
အထက်မှာရေးခဲ့သလိုပဲ သူ့မိဘကိုယ်စား တာဝန်လွဲပြောင်းယူတဲ့
သဘောတရားတစ်ခုပဲ..
မတူညီတဲ့ဘဝနှစ်ခုနဲ့ ဘဝတစ်ခု မိသားတစ်စု
တည်ထောင်ခြင်းပါပဲ။

♥♥♥

မယားကျင့်ဝတ်တရား၅ပါး.
♥♥♥♥♥

အိမ်တွင်းမှုလုပ် ၊ သိမ်းထုတ်သေချာ
မိစ္ဆာကျဉ်ရှောင် ၊ လျှော်အောင်ဖြန့်ချိ
ပျင်းရိမမူ ဝတ်ငါးဆူ..
အိမ်သူ ကျင့်အပ်ရာ...

မေ့နေလို့မှားရင်လည်း ပြင်ဆင်ဖတ်ရှုပေးပါ
***********************

လင်ဝတ်တရား၅ပါး
♥♥♥♥♥

မထီမဲ့ကင်း ၊ အပ်နှင်းဥစ္စာ
မိစ္ဆာမမှား ၊ဝတ်စားဆင်ယင်
မြတ်နိုးကြင် ငါးအင်လင်ကျင့်ရာတဲ့..

**********************
မိသားစုတိုင်း ကိုယ်စိတ်နှစ်ဖြာ ကျန်းမာ ချမ်းသာ ကြပါစေ ခင်ဗျာ ။
Crd_op

31/10/2024

ဘဝမှာ ငွေကိုရေလိုသုံးနိုင်တဲ့အချိန်လဲရှိခဲ့သလို
ဗိုက်ဆာနေချိန် မုန့်လေးတစ်ခုတောင်
ဝယ်မစားနိုင်အောင် အဆင်မပြေခဲ့တဲ့အချိန်တွေရှိခဲ့ဖူးတယ်။

ဘာတွေ သင်ခန်းစာရလိုက်လဲဆိုတော့
ငွေဟာ စကားသိပ်ပြောလွန်းတဲ့ သက်မဲ့ဆိုတာရယ်
တချို့ လူတွေဟာ ငွေမျက်နှာမြင်ရင် ပြောင်းလဲတတ်တယ်ဆိုတာရယ်
ဘယ်သူတွေက ကိုယ့်အပေါ် စိတ်ရင်းအမှန်ရှိသလဲဆိုတာရယ်ပဲ။

ငွေဟာ အရာရာကို ဖန်တီးနိုင်စွမ်းမရှိပေမဲ့
အများဆုံးသော ကိစ္စတွေမှာ ငွေဟာ မရှိမဖြစ်လိုအပ်နေတာမျိုးပဲ။
𝗔𝐥𝐢𝐲𝐚𝐬

31/10/2024

စကားတွေဟာ မတော်တဆ ပြောမိလိုက်တာမျိုး
မရှိဘူး …
သူ့စိတ်ထဲမှာ အမြဲရှိနေတဲ့ အစိုင်ခဲတစ်ခုကို
ပြဿနာနဲ့ရောပြီး ဖွင့်ချမိလိုက်တာပဲ ရှိတယ် ။

ဒါကို မတော်တဆ ပြောမိတာပါလို့ တောင်းပန်လည်း
ကြားလိုက်ရတဲ့သူဘက်ကတော့ စိတ်ထိခိုက်သွားရမှာ
အမှန်ပဲ ။

သူက ငါ့ကို အမြဲ အဲ့ဒီလို ထင်နေခဲ့တာလား
အမြဲတမ်း အဲ့ဒီ့စိတ်နဲ့ ငါ့ကို ပတ်သက်နေခဲ့တာပေါ့
ဆိုတဲ့ အသိက ဖျောက်မရတော့ဘူး ။

စကားတွေဟာ မတော်တဆ မဟုတ်ဘူး … ဆိုတဲ့
အဓိပ္ပာယ်ကို ပိုသိလာလေ ပိုနာကျင်ရလေပဲ ။

ဘယ်လောက်ချစ်ချစ် / ခင်ခင်
စကားတစ်ခွန်းကြောင့် ကမ္ဘာတွေခြားအောင်
ဝေးသွားကြရတယ်ဆိုတာ တကယ်ရှိတယ် …. ။
Crd

29/08/2024

တခြားလူရဲ့ပါးစပ်မှာ
သင်ပုံစံဘယ်နှမျိုးရှိမှန်း သင်မသိသလို
သူတို့ကိုယ်သူတို့ ကာကွယ်ဖို့
သင့်ကို ဘယ်လိုအပုပ်ချခဲ့မှန်းလည်း
သင်သိမှာ မဟုတ်ပါဘူး။

ဒါတွေကို လိုက်ရှင်းပြစရာမလိုပါဘူး။
သင့်ကိုနားလည်တဲ့သူက
သင့်ကိုအမြဲယုံကြည်နေလို့ပါ။

အရမ်းကြိုက်မိတဲ့စကားတစ်ခွန်းက
"သင်သာ မျက်စိမကန်းရင်
တခြားလူရဲ့ပါးစပ်ကနေ ကိုယ့်ကိုမသိချင်ပါနဲ့" တဲ့။
crd

29/08/2024

လိုင်းပေါ်မှာ သူတော်ကောင်းတွေ များလွန်းတယ်၊ နည်းနည်း လျှော့ကြပါအုံး။

တကယ်အပြင်မှာ ကောင်းတာလဲ မဟုတ်ပဲနဲ့။
crd

29/08/2024

နောက်ကွယ်က ပြောတဲ့စကားတွေကို ဂရုလည်း မစိုက်ဘူး...ပြန်လည်း ရှင်းပြနေမှာမဟုတ်ဘူး...
ဘာလို့ဆို ကိုယ့်နောက်ကွယ်မှာပြောတယ်ဆိုကတည်းက ကိုယ့်နောက်မှာပဲ ရှိနေမယ့်အဆင့်အတန်းတွေမို့လို့ပဲ...
မဟုတ်ရင် ကိုယ့်ကို တည့်တည့်ကြည့်ပြီး တည့်တည့်လာပြောရဲမှာပေါ့...
ဘဝမှာ ကိုယ်မရခဲ့တာတွေ သူများရနေတော့ တော်တော်လော||င်ကြတာပဲနော်...
(ချစ်ခင်ဂရုစိုက်ယုံကြည်ပေးတဲ့သူတွေအများကြီးကိုတော့ အရမ်း ကျေးဇူးတင်)

-crd

29/08/2024

''နှုတ်ဆိတ်နေခြင်းသည် Relationship နှင့် အိမ်ထောင်ရေးကို ပျက်စီးစေနိုင်ပါသည်။''

◾သင့်လက်တွဲဖော်က မူမမှန်တာ လုပ်တဲ့အခါ ထုတ်ဖော်ပြောဆိုတတ်ဖို့ သင်ယူပါ၊ ဘာကြောင့်လဲဆိုတော့ ကျွန်တော်တို့အားလုံးက အမှားတွေလုပ်မိတဲ့အတွက် ပြုပြင်ဖို့ မေတ္တာတရားလိုတယ်။

◾သင့်လက်တွဲဖော်အမှားလုပ်မိတဲ့အခါ အမှားတွေကိုထောက်ပြဖို့မကြောက်ပါနဲ့ နူတ်ဆိတ်မနေပါနဲ့။

◾ မင်းရဲ့လက်တွဲဖော်က အဝတ်စား ဘယ်လိုဝတ်ရမှန်းမသိရင် ဘယ်လိုဝတ်ရမလဲဆိုတာပြောပြပါ။

◾ မင်းရဲ့လက်တွဲဖော်က သူများမကောင်းအကြောင်းပဲ ပြောလွန်းရင် ပြုပြင်ဖို့ နူတ်ဆိတ်မနေပါနဲ့။

◾ မင်းရဲ့လက်တွဲဖော်က မင်းကိုလိမ်တာ ဒါမှမဟုတ် လှည့်စားခဲ့တယ်ဆိုရင် ထုတ်ပြောပါ၊ နူတ်တိတ်မနေပါနဲ့. တိတ်တိတ်လေးမသေပါနဲ့။

◾မင်းရဲ့လက်တွဲဖော်ရဲ့စိတ်နေ သဘောထားကို မကြိုက်ရင် ထုတ်ပြောပါ။ နူဆ်ဆိတ်မနေပါနဲ့။

◾ မင်းရဲ့လက်တွဲဖော်သည် မကောင်းသောသူငယ်ချင်းများနှင့် ပေါင်းသင်းတယ်ဆိုရင် ထုတ်ပြောပါ၊ နူတ်ဆိတ်မနေပါနဲ့။

◾ မင်းရဲ့လက်တွဲဖော်သည် သင့်အပေါ် အခွင့်ကောင်းယူလွန်းပါက ထုတ်ပြောပါ။
နူတ်ဆိတ်မနေပါနဲ့။

◾ မင်းရဲ့လက်တွဲဖော်သည် သူ/သူမ၏ကတိကို မလိုက်နာပါက ထုတ်ပြောပါ။ နူတ်ဆိတ်မနေပါနဲ့။

◾ မင်းရဲ့လက်တွဲဖော်မှာ သင်သည်းမခံနိုင်တဲ့ အားနည်းချက်ရှိနေရင် ထုတ်ပြောပါ။

◾ မင်းရဲ့လက်တွဲဖော်သည် တွန့်တိုတတ်သူ သို့မဟုတ် သူ့အိမ်ထက် အပြင်လူများကို ပိုဂရုစိုက်သောသူဖြစ်ပါက ထုတ်ပြောပါ။

◾ သင့်လက်တွဲဖော်သည် စိတ်ကောက်တတ်သူဖြစ်ပါက ထုတ်ပြောပါ။

◾ သင့်လက်တွဲဖော်သည် အမှားတစ်ခုခုလုပ်မိပါက၊ ထုတ်ပြောပါ၊ သင့်လက်တွဲဖော်ရဲ့ အမှားတွေကို ထောက်ပြဖို့ မကြောက်ပါနဲ့ ဆွေးနွေးရန် သင်ယူပါ၊ သင့်လက်တွဲရဲ့အားနည်းချက် နဲ့ အမှားတွေကို ထောက်ပြခြင်းဖြင့် သင့်အိမ်ထောင်ရေးမှာ မလိုလားအပ်တဲ့ ပြဿနာများစွာ နှင့် နားလည်မှုလွဲမှားခြင်းများကို ရှောင်ရှားနိုင်မည်ဖြစ်သည်။

.

17/02/2024

"ပိုက်ဆံဆိုတဲ့အမျိုးက
ဦးနှောက်နဲ့သုံးတတ်မှကုန်ရကျိုးနပ်တာ

"ပိုက်ဆံသုံးတဲ့နေရာမှာ
ဦးနှောက်ကိုထည့်မသုံးတတ်ရင်
မကုန်သင့်တဲ့အရာတွေနဲ့ကုန်ပြီး
ဘ၀ရှေ့ရေးအတွက်စိုးရိမ်ရတယ်...

"ဒီခေတ်ဒီခါမှာအားကျစရာတွေ
များတဲ့အတွက် အားကျပြီးရလာတဲ့
အရာတွေထဲမှာ တကယ်မလိုအပ်တဲ့
အရာတွေကလဲများတယ်...

"သူများကိုအားကျတော့မယ်ဆိုရင်
ကိုယ့်အခြေနေကိုယ်မြင်အောင်
ကြည့်တတ်ဖို့လိုတယ်...

"ဒီလိုမှမကြည့်တတ်ရင်
ကိုယ့်ရဲ့ပိုက်ဆံအိပ်မှာတချိန်က
ရှိဖူးတယ်ဆိုတဲ့အတိတ်ပဲကျန်မယ် ...

//MT. Story
Credit

Mr.Creative K

01/11/2024

01/11/2024

01/11/2024

31/10/2024

31/10/2024

31/10/2024

29/08/2024

29/08/2024

29/08/2024

29/08/2024

17/02/2024

Address

Website

Alerts

Contact The Business

Shortcuts

Share