The Softee Project

23/03/2023

4/4 約定你嚟聽下我哋今年第二個live - 「凝。聽」 !!!

用一晚嘅時間, 同我哋一齊 「凝住腳步，細聽自己的心聲」

快啲撳落條link度 register 啦!
https://www.eventbrite.ca/e/596177822917

06/03/2023

不想對別人說謊，更不能對自己說謊。成長不是走向完美，而是走向真實，真實才是修行的開始！願我們都能認識自己，接納自己，取悅自己。

27/02/2023

有冇人知comfort food 中文係點講??!

一碗熱辣辣嘅湯粉，或者一碟香噴噴嘅焗豬扒飯，食嘅可能唔止係味道，而係回憶。

23/02/2023

希望下一個live 會見到你哋！

22/02/2023

二月十四號舉行嘅一個迷你Live， 希望除咗podcast之外亦可以用音樂去同大家分享唔同嘅故事。亦希望可以係offline度見到大家！

20/02/2023

唔經唔覺Vancouver 第一次 lockdown都已經係差唔到三年前嘅事。
大家仲記唔記得第一次係zoom 度同朋友慶祝生日？
或者去買完個蛋糕要放喺friend屋企門口，然後隔住幾米咁傾偈？
之後終於可以一齊去個parking lot，然後 大家隔住老遠咁坐係個trunk 度一齊食飯？
到依家開始慢慢去返一個"new normal"，大家對人與人當中嘅溝通有咗啲咩改變哩？

唔經唔覺Vancouver 第一次 lockdown都已經係差唔到三年前嘅事。大家仲記唔記得第一次係zoom 度同朋友慶祝生日？或者去買完個蛋糕要放喺friend屋企門口，然後隔住幾米咁傾偈？之後終於可以一齊去個parking lot，然後 大家隔住老遠咁...

13/02/2023

唔經唔覺已經二十集，所以由今集開始會逼幾位主持出下樣。如果喺街見到Oli就記得同佢傾下偈喇！

曾經睇過一篇文章，佢話 "20歲憧憬愛情、30歲即使單身也不想將就！"仲係單身嘅你，對愛情仲會唔會有啲咩憧憬？___________________________我哋二月十四會有一個超小型情人節音樂分享Address: 2650 Slocan St. Vancouver BCDoor opens at 7:00...

06/02/2023

唔同地方有唔同嘅小費文化，亦有唔同嘅工作態度。 你哋又點睇呢一樣文化？又覺得佢同工作態度／服務質素有無直接關係呢？

30/01/2023

唔覺唔覺，農曆新年都過咗成個星期，希望大家喺2023年可以突破到一啲棘住咗好耐嘅樽頸位啦！

23/01/2023

新年快樂!!! 小編放完假返嚟lu!
今年會有新朋友陸續加入, 希望有多啲唔同嘅火花比到大家!
亦可以繼續係星期日嘅晚上倍住你哋!

12/12/2022

今年最後一集！小編要去放返個Christmas Break，然後出年再用新嘅format係星期日晚同大家繼續傾下計！

話咁快新一年就到喇! 你有咩新年大計? 有咩方法令到呢D大計實現呢?

05/12/2022

好多朋友未必適合一齊做野，但係好多時候如果工作上面夾得嚟，反而私低下都可以做到朋友。你哋會鍾意同同事保持返一定嘅距離，定係朋友開始淨係得返同事？

28/11/2022

大家仲記唔記得未有Black Friday之前溫哥華有Boxing Day Sale? 小編就試過凌晨走去排 Visions / Future Shop 買電視！

21/11/2022

今集有嘉賓！ 仲要喺前夥記嘅Hailey Tang！

人越大，要處理嘅野越嚟越多，反而同朋友相處嘅時間就越嚟越少。自從搬遠咗 + WFH之後, 就連出街都少咗。 可能因為每一次見面都真係好難得，亦因此會更加珍惜每一次嘅相聚。- Nicholas

14/11/2022

最近發生左一件事, 佢inspire左我好多!
最hit到我係有時真係要信你既直覺去做一D選擇, 尤其係係好critical既時候

- Marcella

最近發生左一件事, 佢inspire左我好多! 最hit到我係有時真係要信你既直覺去做一D選擇, 尤其係係好critical既時候

07/11/2022

洗錢嘅理由各不同，都係為左更好嘅生活。有效洗錢，精簡生活，避免不必要嘅消費，睇清真正值得投入嘅地方。

- Priscilla

洗錢嘅理由各不同，都係為左更好嘅生活。有效洗錢，精簡生活，避免不必要嘅消費，睇清真正值得投入嘅地方。- Priscilla

31/10/2022

讓重複的生活不再是一成不變

- Olivia

重複的生活重複的過。重複並不是枯燥乏味的，也許是一種幹練的踏實的坐著，坐著生活裹的事情，在此你可以加上你的智慧讓重複的生活不再是一成不變的，是豐富多彩的，也可以改變未來的生活。- Olivia

24/10/2022

幾乎每一樣”值得”既事, 過程都係”辛苦”!
不過就係呢D過程可以令到人生過得精彩同有意義! 希望你都會為自己做返一D自己認為”值得”既事, 搵到”辛苦”當中既樂趣!

- Marcella

幾乎每一樣”值得”既事, 過程都係”辛苦”!不過就係呢D過程可以令到人生過得精彩同有意義! 希望你都會為自己做返一D自己認為”值得”既事, 搵到”辛苦”當中既樂趣!- Marcella

17/10/2022

唔經唔覺已經開始咗呢個podcast 兩個月喇! 希望大家繼續支持!!!

過咗三字頭，曾經都算有過一個個屬於自己嘅小 man cave 咁去儲下玩具。雖然同啊古生嗰個差天共地，但係想買嘅 lego，吉他，相機，其實都係有多冇少。但係可能人大咗，自己開始唔鍾意太多野，亦開始將好多唔係最愛嘅賣出. ....

10/10/2022

有些事情根本不配佔有我的情緒。我不必認同，但我願意理解。

希望大家可以用一種"允許一切發生"的心態去工作和生活，你會活得輕鬆很多。

- Priscilla

有些事情根本不配佔有我的情緒。我不必認同，但我願意理解。希望大家可以用一種"允許一切發生"的心態工作和生活，你會活得輕鬆很多。- Priscilla

03/10/2022

大家有冇計過，除咗瞓覺嘅時候，你哋每日用幾多個小時嘅電話？我想大家幻想下如果唔用電話嘅廿四小時，你嘅生活又會點過呢？

手機已經成為咗現代人生活不可缺少嘅隨身物品之一，亦係一個我哋方便交流嘅工具。不論年青人、成年人、老年人，甚至乎小學生，佢哋都會擁有最少一部手機，可以話係機不離手。大家有冇計過，除咗瞓覺嘅時候，你哋每日...

26/09/2022

最近溫哥華嘅天氣開始凍，亦開始落雨。唔多唔少有一種消極嘅感覺。 但喺有時可以換個角度去睇，秋天其實可以好舒服，勁浪漫，超溫馨！

最近溫哥華嘅天氣開始凍，亦開始落雨。唔多唔少有一種消極嘅感覺。 但喺有時可以換個角度去睇，秋天其實可以好舒服，勁浪漫，超溫馨！If that’s all we haveWoo Woo We have唔豪但夠殺If that’s all we have~

19/09/2022

去襯旅行都會覺得溫哥華其實真係好靚架!!!

我哋幾位主持不約而同咁去咗加州旅行！亦好幸運咁遇上加州近呢幾年最熱嗰幾日！ 但亦因為咁，令到我哋呢嗰trip更加難忘，亦覺得我哋所住嘅城市溫哥華，其實真係好靚！

12/09/2022

每一個人都有佢自己嘅生活方式。其實今時今日可以一齊去個旅行已經係好難得，與其因為一啲小分歧而影響到成個trip，不如好好咁享受下嗰旅程啦！

（最多七老八十嗰時先再拎返出嚟大家笑下咪算囉！）

11/09/2022

29/08/2022

一個新嘅嘗試, 希望喺每個星期日嘅夜晚，可以用我哋嘅聲音去陪伴大家迎接新嘅一嗰禮拜！

19/08/2022

你哋好嗎？好耐無見。
唔經唔覺已經一年多冇出過片。

一年前，我哋每一個人嘅生活都開始有好大嘅轉變。
當中，有人開始新嘅工作，有人讀返書, 亦有人開始創業。
有人選擇返去香港闖下啦，亦有人選擇由香港返嚟生活。
而我，都結咗婚喇!
亦因為咁， 我哋決定咗將夥記暫時放低一排，睇下將來點先再算。

雖然呢個決定係我提出，而當時亦唔覺得係咁大件事。
但係原來去到真係放低一件已經投入咗咁多時間同心血嘅事，唔係我想像中咁容易。
由差唔多每一日都見住你哋，到突然間冇晒你哋啲好嘈，好煩嘅笑聲，唔多唔少都會有一啲空流流嘅感覺。

我突然之間唔係好知自己下一步可以去做啲咩。
我會好想快啲搵到下一個目標。
好想快啲有下一件去忙嘅事。
一種好似要交代比自己，一種為咗忙而忙嘅心態。
腦裡面會有好多唔同嘅想法, 但係愈多嘅想法只係令自己愈唔清楚自己最想做啲咩。

諷刺嘅係，我成日同你哋講過話越急嘅時候先越要慢落嚟,
如果你未知下一步要做咩嘅時候可以花少少時間好好咁去認識下自己，
去做多啲自己覺得開心，覺得有意義嘅事。
但係當我喺返同一個位置嘅時候，我同佢哋一樣都會急，一樣都會有啲不知所措。
而再去問一下自己，有啲咩先係我覺得開心嘅事呢。。。？
原來我都唔係即刻有答案。

既然未知下一步可以點，不如真係停一停。
好好咁比返啲時間自己, 比返啲時間屋企人。
好好咁去搵返當初開始夥記嘅原因，去搵返一啲令到我開心嘅人同事。

原來停落嚟嘅時候你會發現好多野，
我發現我忙嘅時候好容易焦慮，好容易忽略身邊嘅人。
我發現我好耐都無放過假，冇同屋企人出去行吓
我發現我好需要一個人嘅空間嘅同時
我亦好懷念成班人一齊拍片一齊食飯嗰種好熱鬧嘅氣氛。
我亦發現原來我一即都未有機會好好咁多謝過大家。

我好多謝有睇過我哋d片同埋仲有subscribe緊我哋嘅每一位。
一嗰咁細嘅youtube channel, 連我哋自己都未清楚我哋拍緊啲咩嘅時候,
你都願意去subscribe 同 like，真係比咗好大嘅鼓勵我哋。

更加想多謝嘅係一班同我一齊拍過片嘅你哋。
多謝你哋曾經為夥記付出嘅時間同心血。
多謝你哋曾經用青春去同我一齊癲。
我自問係一個好難相處同埋要求好無理嘅人，
所以好多謝你哋對我嘅容忍同埋唔同形式嘅支持!

我睇返晒我哋拍過嘅每一條片，
我好開心可以係片裡面見到大家最真，最傻，最開心嘅一面。
我好開心可以係你哋嘅生命中出現過，
亦能夠係你哋一啲重要決定入面作出過少少影響。
而同樣地，我更加開心你哋曾經係我生命中出現過。
多謝你哋令我有過一段好青春嘅回憶。
亦更加多謝你哋令到我可以更了解自己嘅不足。

夥記嘅初衷係希望透過媒體嘅製作而令到每一位參與嘅人都可以更加認識自己同埋成長。
雖然佢只係一個細到冇人識嘅 YouTube channel，但至少佢都算做到背後最重要嘅一點。
所以我好開心能夠見到大家嘅成長同轉變。
我好開心見到每一位曾經參與過我哋嘅所有人，各自都有新嘅方向。

喺你哋不斷咁去探索緊將來嘅路嘅同時，我亦一樣係度探索緊。
而呢個探索唔會因為年齡而停止。
我哋永遠都會有下一個嘅未知，下一樣要經歷嘅事。
就好似休息咗呢一年多再開始拍返片,
其實裡面都係包含住好多個嘅”未知”
未知冇咗之前嘅團隊嘅感覺會變成點, 未知新嘅方向到底啱唔啱

但亦因為一個又一個未知而令到所有事情變得有趣, 變得有盼望。
而我盼望可以繼續去用我嘅製作去鼓勵大家。

所以我希望你哋喺忙碌嘅時候仍然保持初心，可以做到你哋想做嘅事情。
我希望無論你哋將來遇上咩新嘅問題，新嘅煩惱都可以抱住勇氣咁去面對.
而就算將來嘅路未必係你理想中咁順利, 但係我希望你哋都可以過得開心，過得有意義。

- 小編

======================

請記得 誰也曾迷惘
請記得 還有一份愛存在
請記得 留住感覺 過渡在人海
我記得 雨後能劃破

請記得 誰和誰掠過
請記得 還有一份愛 不怕什麼
請記得 留住感覺 過渡在人海
我感激 曇花盛放

那記憶 最後還是愛

======================

Provided to YouTube by Golden Dynamic記得 · 林家謙MEMENTO℗ 2022 Terence Lam Production & Co.Released on: 2022-08-12Arrangers: 林家謙Producer: 林家謙Violin Arrangement:...

21/10/2020

疫情令到好多食肆嘅生意都大受影響
做開法國Fine Dining嘅Barrique都唔例外
但疫情並唔係停落黎嘅藉口
老闆Josiah順勢轉賣Comfort Food
用Burger同炸雞重新出發
Josiah認為只要佢嘅員工做得開心
佢嘅食客食得開心
就係佢作為老闆最滿足嘅事

店舖資料
Barrique Kitchen And Wine Bar
地址：15223 Pacific Ave, White Rock, BC V4B 1P8
電話：(604) 385-3311
網頁： https://www.barriquerestaurant.ca/home
Facebook: https://www.facebook.com/barriquewhit...
Instagram:

21/10/2020

Rex Yeung
Instagram: .yeung

壽司師傅Rex有特別嘅做魚技巧
佢對自己做嘅壽司有好高嘅要求
而哩一份執著其實係源自佢嘅興趣
當興趣成為工作嘅時候
就會產生一種力追完美嘅渴望
只要一日都係做緊自己嘅鍾意嘅野
無論幾辛苦都係值得嘅

21/10/2020

Off the Grid Waffle Cafe
地址: 5943 Fraser St, Vancouver, BC V5W 2Z6
營業時間: 星期一至日 早上十點半至晚上十點半
Instagram:
https://www.facebook.com/offthegridwa...

Hurley放棄咗本來穩定嘅平面設計工作決定同以前做夜市嘅拍檔一齊開舖
由一個全職打工仔變成一個全職老闆
開店初期兩個人樣樣都一腳踢捱咗唔少苦頭
憑住Hurley同拍檔堅持佢地嘅信念同埋反覆嘅試驗
今日舖頭終於喺溫哥華小有名氣
喺Hurley追夢嘅過程中
佢亦都透過食客默默嘅支持領悟出佢自己獨有嘅一套經營哲學
其實所追求嘅並唔係得到人地嘅認同
而係你對自己嘅肯定