Ahead Media Myanmar (2025)

12/12/2024

MPT က ဒုတိယအကြိမ် ငွေသားကျပ်သိန်းပေါင်း (၄,၀၀၀) အထိ ကံစမ်းမဲများပါဝင်သည့် “ကံထူးပျော်ရွှင်ဆုများစုံလင်” အစီအစဉ်ကို မိတ်ဆက်

ရန်ကုန်၊ ဒီဇင်ဘာလ

မြန်မာနိုင်ငံ၏ ဦးဆောင်ဆက်သွယ်ရေးအော်ပရေတာဖြစ်သော MPT သည် နှစ်သစ်ကာလအတွင်း MPT ၏ ဝန်ဆောင်မှုများကို ကာလရှည်ကြာစွာ အစဉ်တစိုက်သုံးစွဲသူများကို ကျေးဇူးတုံ့ပြန်သည့်အနေဖြင့် ရင်ခုန်စိတ်လှုပ်ရှားဖွယ်ကောင်းသည့် “ကံထူးပျော်ရွှင်ဆုများစုံလင်” အစီအစဉ်ကို မိတ်ဆက်လိုက်သည်။

ယင်းအပြင်MPT-KSGM ပူးပေါင်းဆောင်ရွက်မှု (၁၀) နှစ်ပြည့် အထိမ်းအမှတ်အဖြစ် ၂၀၂၄ ခုနှစ်၊ ဇူလိုင်လ မှ စက်တင်ဘာလအထိ ဆောင်ရွက်ခဲ့သည့် “(၁၀) နှစ်ပြည့်ဝယ် ငွေထုပ်ပိုက်မယ်” အစီအစဉ်မှ သုံးစွဲသူများကို ကျေးဇူးတုံ့ပြန်သည့် အနေဖြင့် ကံထူးသူများကို ပထမအကြိမ် ငွေသားကျပ်သိန်းပေါင်း (၄,၀၀၀) အထိ နှင့် အခြားဆုများ ချီးမြှင့်ခြင်းအောင်မြင်စွာ ဆောင်ရွက်ခဲ့ကြောင်းသိရသည်။

အဆိုပါအစီအစဉ်မှတစ်ဆင့် သုံးစွဲသူများအား များစွာ စိတ်ကျေနပ်မှုကို ပေးအပ်နိုင်ခဲ့သည့်အတွက် MPT သည် ထပ်မံပြီး ဒုတိယအကြိမ် ငွေသားကျပ်သိန်းပေါင်း (၄,၀၀၀) အထိ နှင့် တယ်လီကွန်းဆုများပါဝင်သည့် “ကံထူးပျော်ရွှင်ဆုများစုံလင်” အစီအစဉ်ကို မိတ်ဆက်လိုက်ပြီး“ကံထူးပျော်ရွှင်ဆုများစုံလင်” ကံစမ်းမဲအစီအစဉ်ကို ၂၀၂၄ ခုနှစ်၊ ဒီဇင်ဘာလ (၁၁) ရက်မှ ၂၀၂၅ ခုနှစ်၊ ဖေဖော်ဝါရီလ (၂၈) ရက်အထိ ဆောင်ရွက်သွားမည် ဖြစ်ရာအစီအစဉ်တွင် အထူးဆု ကျပ် သိန်း (၁,၀၀၀) ဆုရှင် (၁) ဦး ၊လစဉ်ကျပ် သိန်း (၁၀၀) ဆုရှင် (၁၀) ဦး၊လစဉ်တယ်လီကွန်းဆုများဖြစ်သည့် 100 GB ဒေတာနှင့် ဖုန်းပြောမိနစ် (၁၀၀) မိနစ် ဆုရှင် (၄၀) ဦး တို့ ပါဝင်မည်ဖြစ်သည်။

အဆိုပါအစီအစဉ်တွင် MPT သုံးစွဲသူများအားလုံး ပါဝင်နိုင်ပြီး သုံးစွဲသူများအနေဖြင့် မိမိ ကြိုက်နှစ်သက်ရာ ချန်နယ်လ်မှ တစ်ဆင့် ကြိုက်နှစ်သက်ရာ ပက်ကေ့ချ်များကို (စာတို၊ အသံ၊ ဒေတာ၊ ထပ်ဆောင်း ဝန်ဆောင်မှု စသည်ဖြင့်) ဝယ်ယူပြီး ကံစမ်းမဲလက်မှတ်များ ရရှိမည်ဖြစ်ပါသည်။ ပက်ကေ့ချ်များများဝယ်လေ ကံထူးလက်မှတ်များ များများရရှိလေဖြစ်ပြီး ကံထူးဆုများ ကံထူးနိုင်ရန် အခွင့်အရေး ပိုမိုရရှိလေ ဖြစ်ပါသည်။

ထို့အပြင် သုံးစွဲသူများအနေဖြင့် လစဉ်လတိုင်းတွင် ပြုလုပ်လျက်ရှိသော Special Flash အစီအစဉ်ကို *5555 # သို့ အခမဲ့ခေါ်ဆိုစာရင်းသွင်းပြီး ပါဝင်ခြင်းအားဖြင့်လည်း “ကံထူးပျော်ရွှင်ဆုများစုံလင်” ကံစမ်းမဲအစီအစဉ်တွင် ပါဝင်နိုင်ပါသည်။ စာရင်းသွင်းပြီးနောက် လစဉ် လတိုင်း၏ (၅) ရက်၊ (၁၅) ရက် နှင့် (၂၅) ရက်တွင်5555% အထိ ငွေသားပြန်အမ်းငွေ၊ငွေသားဆုလက်ဆောင် ကံစမ်းခွင့်လက်မှတ် (၅) စောင် ၊MPT Club points ၂၀၀ အထိရရှိကံထူးနိုင်မည် ဖြစ်ရာအသေးစိတ် အချက်အလက်များကို MPT ၏ တရားဝင်ဝက်ဘ်ဆိုက်https://mpt.com.mm/mm/mpt-special-flash-promotion-day-mm/ တွင် ဝင်ရောက်ကြည့်ရှုနိုင်ပါသည်။ ကံထူးရှင်များစာရင်းကို လစဉ်လတိုင်း၏ ပထမပတ်တွင် MPT ၏ တရားဝင်ဝက်ဘ်ဆိုက်နှင့် လူမှုကွန်ရက်စာမျက်နှာများတွင် ဖော်ပြပေးသွားမည် ဖြစ်သည်။

26/11/2024

မြန်မာ - ဗီယက်နမ် ကုန်စည်ပြပွဲ ၂ဝ၂၄ ကျင်းပ

ရန်ကုန် နိုဝင်ဘာ ၂၆

𝐌𝐲𝐚𝐧𝐦𝐚𝐫 - 𝐕𝐢𝐞𝐭𝐧𝐚𝐦 𝐓𝐫𝐚𝐝𝐞 𝐅𝐚𝐢𝐫 𝟐𝟎𝟐𝟒 မြန်မာ - ဗီယက်နမ် ကုန်စည်ပြပွဲ ကိုယနေ့နံနက်ပိုင်းကရန်ကုန်မြို့ အင်းယျားလိတ်ဟိုတယ် ဝင်းအတွင်း ရှိ ရန်ကုန်ကွန်ဗင်းရှင်းစင်တာတွင်ကျင်းပခဲ့သည်။

အဆိုပါပြပွဲကို မြန်မာနိုင်ငံကုန်စည်ပြပွဲ နှင့်ဆွေးနွေးပွဲများဆိုင်ရာလုပ်ငန်းအသင်း နှင့် မြန်မာနိုင်ငံ ဆိုင်ရာဗီယက်နမ် သံရုံးစီးပွါးရေးဌာန တို့မှ ပူးပေါင်း ကျင်းပခြင်းဖြစ်ပြီးဖွင့်ပွဲအခမ်းနားသို့
မြန်မာနိုင်ငံဆိုင်ရာ ဗီယက်နမ်သံရုံးမှ စီးပွားရေးသံမှူး နှင့်တာဝန်ရှိသူများ ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန မြန်မာကုန် သွယ်မှုမြှင့်တင်ရေး အဖွဲ့ မှ တာဝန်ရှိသူများ၊ ပြည်ထောင်စုမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်ဥက္ကဌနှင့် ဗဟိုအလုပ်အမှုဆောင်များ၊ ပြပွဲဖြစ်မြောက်ရေးပါဝင်ကူညီ ပံ့ပိုးပေးကြသော မြန်မာဗီယက်နမ် ချစ်ကြည်ရေးအသင်း ၊ မြန်မာနိုင်ငံ ပဲ ပြောင်းနှမ်း ကုန်သည် အသင်း၊ မြန်မာနိုင်ငံ စားသောက်ကုန် ထုတ်လုပ်ရောင်းချသူများအသင်း နှင့် အခြားအသင်းအဖွဲ့များ၊ sponsor အဖြစ်ကူညီပံ့ပိုးသော မြန်မာအပြည်ပြည်ဆိုင်ရာလေကြောင်းလိုင်း (MAI) ၊ UAB ဘဏ် ၊ Mytel ၊ အောင်ဘာလေ နှင့် မြန်မာနိုင်ငံခရီးသွားဘဏ်တို့မှ တာဝန်ရှိသူများနှင့် ဧည့်သည့်တော်များ တက်ရောက်ဖွင့်လှစ်ပေးခဲ့ကြသည်။

ပြပွဲတွင် မြန်မာနိုင်ငံနှင့် ဗီယက်နမ်နိုင်ငံတို့မှလူသုံးကုန်၊ စားသောက်ကုန် ၊ စက်မှု နှင့် အိမ်သုံးမီးအားမြှင့်စက်များ ၊ ကြွေထည်နှင့်မီးဖိုချောင်သုံးပစ္စည်းအမျိုးမျိုး၊ ဖိနပ် ၊ အိုင်တီ နည်းပညာ နှင့်လယ်ယာထွက်ကုန်ပစ္စည်းအပြင် ဗမာတိုင်းရင်းသား လုပ်ငန်းရှင်များအသင်း မှ လက်မှုအနုပညာ ပစ္စည်းများ၊ မြန်မာအမျိုးသမီးများ စီးပွါးရေးကွန်ယက် မှ MSME လုပ်ငန်းများ ကိုပြသထားသည်။
မြန်မာ ဗီယက်နမ် ကုန်စည်ပြပွဲ ၂၀၂၄ကို နိုဝင်ဘာလ ( ၂၆) ရက်မှ (၂၈)ရက် အထိ နေ့စဉ်နံနက် ၉နာရီခွဲမှညနေ(၅)နာရီအထိကုန်ပစ္စည်းအမှတ်တံဆိပ်ပေါင်း (၉၇)ကိုပြခန်းပေါင်း (၁၂ဝ ) ခန့်ဖြင့်ခင်းကျင်းပြသရောင်းချပေးသွားမည်ဖြစ်ကြောင်းသိရသည်။

26/11/2024

မြန်မာ-တရုတ်"M. C. Song" တရုတ်သီချင်းဆိုပြိုင်ပွဲ အောင်မြင်စွာကျင်းပပြီးစီး

ရန်ကုန် နိုဝင်ဘာ ၂၄ လင်းခန့်

ဂီတမှတဆင့် မြန်မာ-တရုတ်ချစ်ကြည်ရင်းနှီးမှုအစဉ်အလာကို ဂုဏ်ပြုကာတရုတ်-မြန်မာနှစ်နိုင်ငံအကြား ယဉ်ကျေးမှုဖလှယ်ရေးကိုတိုးမြှင့်စေရန်နှင့် တရာယဉ်ကျေးမှုကို နားလည်သဘောပေါက်ရန်၊ စင်မြင့်ထက်တွင် မိမိတို့၏အိပ်မက်များကို အကောင်အထည်ဖော်နိုင်ရည်ကျင်းပသည့်မြန်မာ-တရုတ်"M. C. Song" တရုတ်သီချင်းဆိုပြိုင်ပွဲနှင့်ဆုပေးပွဲအခမ်းနားကိုနိုဝင်ဘာ၂၄ ရက်မွန်းလွဲပိုင်းက ရန်ကုန်ကုန်မြို့ Times City Jewelry Mall ၌ စည်ကားသိုက်မြိုက်စွာ ကျင်းပပြုလုပ်ခဲ့သည်။

အခမ်းနားတွင် မြန်မာနိုင်ငံဆိုင်ရာတရုတ်သံရုံးယဉ်ကျေးမှုဌာနမှဌာနမှူး မစ္စတာလီချန်းကော်နှင့်ရန်ကုန်နိုင်ငံခြားဘာသာတက္ကသိုလ်ပါမောက္ခချုပ် ဒေါက်တာကြည်ရွှင်တို့အဖွင့်အမှာစကားများအသီးသီးပြောကြားခဲ့ပြီး ပြိုင်ပွဲဝင်မူလတန်းအဆင့်၊အလယ်တန်းအဆင့်၊ဆကျာင်းသားကျောင်းသူများကပြိုင်ဝင်သီချင်းများဖြင့်သီဆိုဖျော်ဖြေခဲ့ကြသည်။

ယင်းနောက်တက်ရောက်လာကြသည့်မြန်မာနိုင်ငံဆိုင်ရာတရုတ်သံရုံးယဉ်ကျေးမှုဌာနမှတာဝန်ရှိသူများ၊ရန်ကုန်နိုင်ငံခြားဘာသာတက္ကသိုလ်မှတာဝန်ရှိသူများနှင့်တက်ရောက်လာကြသည့် ဧည့်သည်တော်များကပြိုင်ပွဲတွင်ဆုရရှိကြသည့်ကျောင်သားကျောင်းသူများကိုဆုများအသီးသီးပေးအပ်ချီးမြှင့်ခဲ့ကြသည်။

မြန်မာ-တရုတ်"M. C. Song" တရုတ်သီချင်းဆိုပြိုင်ပွဲ ကို၂ဝ၂၄ ခုနှစ် နိုဝင်ဘာလအစောပိုင်းတွင် ရန်ကုန်နိုင်ငံခြားဘာသာတက္ကသိုလ် နှင့် မြန်မာနိုင်ငံတစ်ဝှမ်းရှိ တရုတ်ဘာသာသင်ကြားရေးစင်တာများအတွင်း ပဏာမပြိုင်ပွဲများကို ဆက် တိုက်ကျင်းပခဲ့သည်။ ပြိုင်ပွဲဝင်များ၏တင်ဆက်မှုကို သေချာစွာ အကဲဖြတ်ပြီးနောက် မူလတန်းအဆင့်မှ ၃၉ ဦး၊ အလယ်တန်းအဆင့်မှ လူ ၄၀ နှင့် အထက်တန်းအဆင့်မှ ၃၇ ဦးတို့ကို နောက်ဆုံးဆန်ကာတင်အဖြစ် ရွေးချယ်ခဲ့သည်။ နောက်ဆုံးအဆင့်ပြိုင်ပွဲများကို နိုဝင်ဘာ ၂၂ ရက်နှင့် ၂၃ ရက်တွင် ရန်ကုန်တရုတ်ယဉ်ကျေးမှုစင်တာ၌ ကျင်းပခဲ့ပြီGrand Final ဖျော်ဖြေပွဲနှင့် ဆုပေးပွဲကိုTimes City Jewelry Mall ၌ စည်ကားသိုက်မြိုက်စွာ ကျင်းပခြင်းဖြစ်သည်။

"M. C. Song" တရုတ်သီချင်းဆိုပြိုင်ပွဲကို မြန်မာနိုင်ငံဆိုင်ရာတရုတ်သံရုံးနှင့် Center for Language Education and Cooperation မှ ကြီးမှူး၍ ရန်ကုန် Bowen Schoolမှ တာဝန်ယူကျင်းပပြုလုပ်ခြင်း ဖြ စ်သည်။ ယင်းအပြင်ရန်ကုန်တရုတ်ယဉ်ကျေးမှုစင်တာ၊ ရွှေဇာမဏီဂျာနယ်တိုက်၊ မြန်မာနိုင်ငံ (တရုတ်) ယူနန်ကုန်သည်ကြီးများအသင်း၊ တရုတ်နိုင်ငံကျေးလက်ဖွံ့ဖြိုးတိုး တက်ရေးဖောင်ဒေးရှင်းမြန်မာနိုင်ငံရုံး၊ မြန်မာ- တရုတ် စီးပွားရေး ပူးပေါင်းဆောင်ရွက်ရေးနှင့် ဖွံ့ဖြိုးမှုမြှင့်တင်ရေးအသင်း၊ မြန်မာနိုင်ငံ တရုတ်စာပန်းချီ နှင့် ပန်းချီအသင်းအဖွဲ့ နဲ့ FSSL (MYANMAR) SERVICES LIMITED နှင့် အခြားအဖွဲ့အစည်းများကပံ့ပိုးကူညီပေးထားကြောင်းသိရသည်။

19/11/2024

BTS အဖွဲ့၀င် Jin ၏ အယ်လ်ဘမ်အသစ်ကို ဂုဏ်ပြုရန်အတွက် TikTok မှ ကို မိတ်ဆက်

ရန်ကုန် နိုဝင်ဘာ

နို၀င်ဘာလ ၁၅ရက်နေ့က ကမ္ဘာတစ်ဝှမ်းတွင် ဖြန့်ချိခဲ့သည့် ၂၁ရာစု၏ ပေါ့ပ်အိုင်ကွန်ဖြစ်သည့် BTS အဖွဲ့၀င် Jin ၏ပထမဆုံးတစ်ကိုယ်တော်အယ်လ်ဘမ် Happy ကို ဂုဏ်ပြုရန်အတွက် TikTok သည် Jin နှင့်အတူ ပူးပေါင်းပြီး multimedia ကမ်ပိန်းအသစ်ဖြစ်သည့် ကို မိတ်ဆက်ခဲ့ပါသည်။ သီချင်းများရှာဖွေတွေ့ရှိမှုအတွက် ထိပ်တန်းပလက်ဖောင်းတစ်ခုဖြစ်သည့် TikTok ၏ immersive hub အသစ်သည် ကမ္ဘာတစ်ဝှမ်းရှိ သုံးစွဲသူများနှင့် ပရိသတ်များ အပြန်အလှန်တွေ့ဆုံဆက်ဆံနိုင်ပြီး TikTok အက်ပ်အတွင်း၌သာရရှိနိုင်သည့် အထူးသီးသန့်အကြောင်းအရာများကို ဝင်ရောက်ကြည့်ရှုခွင့်ပေးထားသည်။

ကမ်ပိန်းတွင် Jin ၏ အသစ်ထွက်ရှိမည့်အယ်လ်ဘမ်ကို ဂုဏ်ပြုရင်း ကြည့်ရှုခံစားနိုင်မည့် အထူးသီးသန့်အတွေ့အကြုံအသစ်များစွာပါဝင်သည်။
• TikTok တွင် 'Jin' သို့မဟုတ် 'BTS' ကို ရှာဖွေခြင်းဖြင့်တွေ့ရှိနိုင်သည့် Happy ထွက်ရှိမှုကို ဂုဏ်ပြုရန် စိတ်လှုပ်ရှားဖွယ်ရာ အက်ပ်အတွင်းအတွေ့အကြုံအသစ်
• ပရိသတ်များအား အချိန်အကန့်အသတ်ရှိသော အထူးသီးသန့် ပရိုဖိုင် frame ကို လော့ခ်ဖွင့်ပေးမည့် မစ်ရှင်များ
• Running Wild ကို အသုံးပြု၍ J-hope နှင့်အတူ အက challenge ပြုလုပ်နိုင်မည့် ဗီဒီယို အပါအဝင် အထူးသီးသန့်ဗီဒီယိုများ
• BTS ကို follow လုပ်ပြီး နိုဝင်ဘာ ၁၉ ရက် မြန်မာစံတော်ချိန် ညနေ ၆နာရီခွဲ တွင် ကြည့်ရှုနိုင်မည့် Jin နှင့် သီးသန့်အင်တာဗျူး တိုက်ရိုက်ထုတ်လွှင့်မှု
• သီးသန့်ဗီဒီယိုများတွင် 'Happy' ဟု ကွန်းမန့်ပေးသည့် ပရိသတ်များအတွက် အံ့အားသင့်စရာ surprise များ စသည့် အတွေ့အကြုံများစွာကို ကြည့်ရှုခံစားနိုင်မည်ဖြစ်သည်။

"အားလုံးကို TikTok ကတစ်ဆင့် ထပ်ပြီးနှုတ်ဆက်ရတဲ့အတွက် အရမ်းဝမ်းသာမိပါတယ်။ ကျွန်တော့်အယ်လ်ဘမ် 'Happy' က လူတွေကို တတ်နိုင်သလောက် ပျော်ရွှင်မှုတွေ ယူဆောင်လာပေးဖို့ ရည်ရွယ်ပြီး ဖန်တီးထားတာဖြစ်လို့ ဒီအခွေကို နားထောင်သူတိုင်း ပျော်ရွှင်မယ်လို့ မျှော်လင့်ပါတယ်။ ပျော်ရွှင်မှုဆိုတာ ကျွန်တော့်အတွက် ဘာအဓိပ္ပာယ်ရှိလဲဆိုတဲ့ ရိုးသားတဲ့ တွေးခေါ်မှုတွေထင်ဟပ်နေတဲ့ အယ်လ်ဘမ်တစ်ခုဖြစ်ပါတယ်"ဟု Jin က ပြောသည်။

လွန်ခဲ့သောဆယ်စုနှစ်တစ်ခုကျော်က ပွဲဦးထွက်ချိန်ကတည်းက BTS () သည် ၂၁ရာစု ပေါ့ပ်အိုင်ကွန်များအဖြစ် ရပ်တည်နေခဲ့ပြီး မရေမတွက်နိုင်သော ကမ္ဘာ့စံချိန်များကို ချိုးဖျက်ကာ TikTok တွင် စတုတ္ထမြောက် အကြီးဆုံးအနုပညာရှင်အကောင့်ဖြစ်လာခဲ့သည်။ အဖွဲ့သည် follower ၆၆.၉ သန်းကျော်ရရှိထားပြီး ၎င်းတို့၏တရားဝင် fandom ARMY ထံမှ Like ပေါင်း ၁.၄ ဘီလီယံ ရရှိထားသည်။

K-Pop အနုပညာရှင်များသည် ၂၀၂၃ ခုနှစ်တွင် ကြည့်ရှုမှုအများဆုံးကမ္ဘာ့အနုပညာရှင်များ၏ ၅၀% အထိပါဝင်ပြီး K-Popသည် TikTok တွင် တိုးတက်မှုအမြန်ဆုံး genre တစ်ခုအဖြစ် ပေါ်ထွက်လာခဲ့သည်။ hashtag တွင် ပို့စ်ပေါင်း ၆၂.၄ သန်းကို ဖန်တီးထားရှိပြီး ဗီဒီယိုကြည့်ရှုမှုပေါင်း ၆၆၂ဘီလီယံ ရှိသည်။

နှင့် ဆက်စပ်သည့် hashtag များကို ပို့စ်ပေါင်း ၁၃.၂ သန်းတွင် အသုံးပြုထားပြီး ဗီဒီယိုကြည့်ရှုမှုပေါင်း ၉၅ဘီလီယံ ရရှိထားပြီဖြစ်သည်။

13/11/2024

MPT က သက်ဆိုင်ရာ တိုင်းဒေသကြီး နှင့် ပြည်နယ်များတွင် မြန်နှုန်းမြင့် ဖိုင်ဘာကေဘယ်လ်စနစ် (FTTH) ဖြင့် အဆင့်မြှင့်တင်ခြင်းလုပ်ငန်းများ ဆောင်ရွက်ပြီးစီးခဲ့ပြီး ဖြစ်ပါသဖြင့် ကြေးနန်းကြိုးမျှင်ကွန်ရက်စနစ် (Copper Cable Network) ကို အပြီးတိုင် ပိတ်သိမ်းသွားမည်

ရန်ကုန်၊ နိုဝင်ဘာ

မြန်မာ့ဆက်သွယ်ရေးလုပ်ငန်း (MPT) အနေဖြင့် ပိုမိုကောင်းမွန်သည့် အရည်အသွေးနှင့် ခေတ်မီဝန်ဆောင်မှုများကို ပေးနိုင်ရန်အတွက် အော်တိုတယ်လီဖုန်း ဝန်ဆောင်မှုများအား မြန်နှုန်းမြင့် ဖိုင်ဘာကေဘယ်လ်စနစ် (FTTH စနစ်) ဖြင့်၂၀၁၆ ခုနှစ်မှစတင်၍ အဆင့်မြှင့်တင် ဆောင်ရွက်လျက် ရှိရာ
ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ ကရင်ပြည်နယ်နှင့် ရှမ်းပြည်နယ် (တောင်ပိုင်း)တို့တွင် အဆင့်မြှင့်တင်ခြင်းလုပ်ငန်းများ ဆောင်ရွက်ပြီးစီးခဲ့ပြီး ဖြစ်ပါသဖြင့် အဆိုပါ တိုင်းဒေသကြီးနှင့်ပြည်နယ်များရှိ အော်တိုတယ်လီဖုန်းဝန်ဆောင်မှုများအား လက်ရှိ အသုံးပြုနေသည့် ကြေးနန်းကြိုးမျှင်ကွန်ရက်စနစ် (Copper Cable Network) အစား မြန်နှုန်းမြင့် ဖိုင်ဘာကေဘယ်လ်စနစ် (FTTH စနစ်) ဖြင့်သာ ဆက်လက် ဝန်ဆောင်မှုပေးသွားမည် ဖြစ်ပါသည်။

သို့ဖြစ်ပါ၍ ၂၀၂၅ ခုနှစ်၊ ဖေဖော်ဝါရီလ (၂၂) ရက်မှစ၍ ကြေးနန်းကြိုးမျှင်ကွန်ရက်စနစ် (Copper Cable Network) မှတစ်ဆင့် ဝန်ဆောင်မှုပေးအပ်နေသည့် ယခင်အော်တိုတယ်လီဖုန်းနံပါတ်များကို အပြီးတိုင် ပိတ်သိမ်းသွားမည် ဖြစ်ပါသည်။ သုံးစွဲသူများသည် မြန်နှုန်းမြင့် ဖိုင်ဘာကေဘယ်လ်စနစ် (FTTH စနစ်) မှတစ်ဆင့် ဝန်ဆောင်မှုပေးအပ်နေသည့် အော်တိုတယ်လီဖုန်းနံပါတ်အသစ်များဖြင့် ဝန်ဆောင်မှုများကို အဆင်ပြေလွယ်ကူ ချောမွေ့စွာ ဆက်လက်အသုံးပြုနိုင်မည်ဖြစ်ပါသည်။ သို့ရာတွင် အချို့နေရာများတွင်(တပ်ဆင်မည့်လိပ်စာသည် FTTH ကွန်ရက် အတွင်းမှ အလွန်ဝေးကွာသောနေရာတွင်တည်ရှိနေခြင်း) နည်းပညာအခက်အခဲကြောင့် လိုင်းတပ်ဆင်ပေးရန် အဆင်မပြေနိုင်သည့် အခြေအနေများလည်း ရှိနိုင်ပါသည်။

အဆင့်မြှင့်တင်ခြင်းလုပ်ငန်းများ ဆောင်ရွက်ပြီးစီးသည့် တိုင်းဒေသကြီးနှင့်ပြည်နယ်များ၏ MPT အိတ်ချိန်းရုံးများအပါအဝင် နံပါတ်အဟောင်းမှ အသစ်သို့ပြောင်းလဲသည့် အော်တိုတယ်လီဖုန်းနံပါတ်များ နှင့် သက်ဆိုင်ရာ အသေးစိတ်အချက်အလက်များကို အောက်ဖော်ပြပါဇယားတွင် ဝင်ရောက်ကြည့်ရှုနိုင်ပါသည်။
သုံးစွဲသူများသည် မြန်နှုန်းမြင့် ဖိုင်ဘာကေဘယ်လ်စနစ် (FTTH စနစ်) မှတစ်ဆင့် ဝန်ဆောင်မှုပေးအပ်နေသည့် အော်တိုတယ်လီဖုန်းနံပါတ်အသစ်များကို ရယူလိုပါက အထက်ပါဇယားတွင် ဖော်ပြထားသည့် နီးစပ်ရာ MPT ရုံးများရှိ သက်ဆိုင်ရာအိတ်ချိန်းများတွင် လျှောက်ထားနိုင်ပါသည်။ လိုအပ်သည့်အကူအညီများနှင့် အသေးစိတ်အချက်အလက်များ ပိုမိုသိရှိလိုပါက MPT Call Center ၁၀၆ ကို ဆက်သွယ်နိုင်ပါသည်။

13/11/2024

အကြမ်းခံ ဈေးနှုန်းသက်သာပြီး OPPO A3 Series ရဲ့ အဖွဲ့ဝင်အသစ်ဖြစ်တဲ့ OPPO A3x ကို မြန်မာနိုင်ငံအတွင်း စတင်မိတ်ဆက်

ရန်ကုန် နိုဝင်ဘာ

ကမ္ဘာ့ထိပ်တန်း စမတ်ဖုန်း အမှတ်တံဆိပ် OPPO က နောက်ဆုံးပေါ် OPPO A3 Series တွေထဲကမှ ယခင်ထွက်ရှိထားပြီးသား OPPO A3 နဲ့ Chipset တူညီသလို မာကြောမှု ၊ အကြမ်းခံမှုတွေပါ တူညီပြီး ဈေးနှုန်းအနေနဲ့ ပိုမိုသက်သာတဲ့ OPPO A3x (4+128) ဗားရှင်းအသစ် ကို မြန်မာနိုင်ငံဈေးကွက်အတွင်းသို့ ၅၉၉,၉၀၀ ကျပ်ဖြင့် စတင်မိတ်ဆက်လိုက်ပြီဖြစ်ပါတယ်။ OPPO A3x ကို Nebula Red နဲ့ Ocean Blue ဆိုပြီး အရောင် နှစ်မျိုး ဖြင့် ရွေးချယ်ဝယ်ယူနိုင်မှာဖြစ်ပြီး OPPO A3 နဲ့ Chipset တူညီတာကြောင့် နေ့စဉ် ဖုန်းအသုံးပြုမှုတွေမှာလဲ အဆင်ပြေချောမွေ့စေမှာဖြစ်ပါတယ်။

ဈေးနှုန်းတူ ဖုန်းများအကြား အမာကြောဆုံး ဖြစ်တဲ့အပြင် Multiple Liquid Resistance ပါဝင်လာတဲ့ OPPO A3xဈေးနှုန်းတူဝန်းကျင် စမတ်ဖုန်းများအကြား မာကြောမှုဒဏ်တွေကို စမ်းသပ်တဲ့ Military-Grade Shock Resistance စမ်းသပ်မှုကို အောင်မြင်ခဲ့တာကြောင့် MIL-STD 810H Certification ကို ရရှိထားရုံသာမက အခြားသော အကြမ်းခံမှုတွေအတွက် SGS Premium Certification ကိုပါ ဈေးနှုန်းတူ စမတ်ဖုန်းတွေအကြား OPPO A3x က ရရှိပိုင်ဆိုင်ထားတာဖြစ်ပါတယ်။ ဒါတင်သာမက Multiple Liquid Resistance ပါရှိမှုကြောင့် စွပ်ပြုတ် ၊ ကော်ဖီ ၊ လက်ဖက်ရည် ၊ နွားနို့ နဲ့ ဆန်ပြုတ် အစရှိတဲ့ အရည်တွေ ဖိတ်စဉ်မှုအတွက်လဲ တစ်စက်မှ စိုးရိမ်စရာမရှိတဲ့ စမတ်ဖုန်းတစ်မျိုးအဖြစ် သတ်မှတ်နိုင်မှာ ဖြစ်ပါတယ်။

တောက်ပတဲ့ဒီဇိုင်းနဲ့ အကြမ်းခံရုံသာမက နေ့စဉ်အသုံးပြုရလွယ်ကူချောမွေ့စေမဲ့ Qualcomm Snapdragon Chipset
OPPO A3x မှာဆိုရင် အသက်အရွယ်တိုင်းအတွက် အဆင်ပြေပြီး အကြိုက်တွေ့စေမဲ့ Nebula Red နဲ့ Ocean Blue ဆိုပြီး အရောင် နှစ်မျိုးဖြင့် ထုတ်လုပ်လာတာဖြစ်ပါတယ်။ Ocean Blue အရောင်အနေနဲ့ ပစိဖိတ်သမုဒ္ဒရာ ရဲ့ စိမ်းပြာပြာအရောင် တောက်ပမှုနဲ့အတူ စီးဆင်းနေတဲ့ ရေလှိုင်းတံလျှပ်ပမာ အသွင်အပြင်တို့ကို ပေါင်းစပ်ကာ ထူးခြားပြီး ဆန်းပြားတဲ့ အရောင်အဖြစ် ဖန်တီးထားတာဖြစ်ပါတယ်။ Nebula Red အရောင်ကိုတော့ ကျည်ဆန်အရောင်နဲ့ အလားသဏ္ဌာန်တူတဲ့ Pattern များစွာဖြင့် ဖုံးအုပ်ထားပြီး အဆင့်မြင့် OPPO Glow texture နဲ့ အတူ လှပတဲ့ ကြက်သွေးအရောင်စပ်ဖြစ်အောင် ပုံဖော်ဖန်တီးထားတာဖြစ်ပါတယ်။ OPPO A3x ဟာ ဒီဇိုင်းအားဖြင့် တောက်ပကျော့ရှင်းရုံသာမက လူကြီး လူငယ်မရွေး အသုံးပြုရ လွယ်ကူချောမွေ့စေမဲ့ Qualcomm ရဲ့ Snapdragon 6s 4G Gen1 Mobile Platform Chipset ကိုလဲ ထည့်သွင်းလာတာဖြစ်ပါတယ်။ Qualcomm ရဲ့ Snapdragon Chipset က သုံးစွဲသူတွေအတွက် ပိုပြီးကောင်းမွန်ချောမွေ့တဲ့ သုံးစွဲမှုအတွေ့အကြုံတွေကို ပေးစွမ်းနိုင်ရုံသာမက သုံးစွဲသူတွေကို ၄ နှစ်နဲ့ အထက် အသုံးခံအောင် ဖန်တီးထားတာဖြစ်ပါတယ်။ ဒါတင်သာမက သုံးစွဲသူတွေအတွက် RAM 4 GB နဲ့အတူ RAM Expansion 4GB ထပ်မံရရှိဦးမဲ့အပြင် ပိုပြီး သိမ်းဆည်းထားနိုင်တဲ့ ROM သိမ်းဆည်းမှု 128 GB ပါဝင်လာတာကြောင့် အလွယ်တကူချောမွေ့စွာ အသုံးပြုနိုင်မှာ ဖြစ်ပါတယ်။

1000nits Peak Brightness နဲ့အတူ အားကြာရှည်ခံနိုင်တဲ့ OPPO A3x
OPPO A3 Series ထုတ်ကုန်တွေထဲမှာ ဈေးနှုန်းအသက်သာဆုံးအဖြစ် သတ်မှတ်လို့ရတဲ့ OPPO A3x ဟာ တခြားသော OPPO A3 Series ထုတ်ကုန်တွေလို Qualcomm Snapdragon Chipset ကို အသုံးပြုထားရုံ သာမက ကြာရှည်အသုံးပြုနိုင်စေရန် ရည်ရွယ်ချက်ဖြင့် 5100 mAh ဘက်ထရီနဲ့အတူ 45W SUPERVOOC Flash Charge အားသွင်းကြိုးကိုလဲ ထောက်ပံ့ပေးထားတာဖြစ်ပါတယ်။ ဒါကြောင့် အားကို ပိုမိုကြာရှည်ခံနိုင်သလို အားသွင်းတဲ့အခါမှာလဲ အချိန်တိုအတွင်း အားအမြန်ပြည့်နိုင်တဲ့ စမတ်ဖုန်း တစ်လုံးအဖြစ် သတ်မှတ်နိုင်မှာ ဖြစ်ပါတယ်။ 90 Hz Refresh Rate ကြောင့် သုံးစွဲရတာ ချောမွေ့ မြန်ဆန်စေနိုင်တဲ့ OPPO A3x ဟာ Mono Speaker နဲ့အတူ 300% Ultra Volume Mode ပါရှိလာသလို Ultra Brightness Display မှာဆိုရင်လည်း 1000nits Peak Brightness ပါဝင်တာကြောင့် နေရောင်အောက်မှာလဲ အချိန်မရွေး အသုံးပြုနိုင်မှာဖြစ်ပါတယ်။
Qualcomm Snapdragon Chipset ကို အသုံးပြုထားပြီး ဈေးနှုန်းတူ ဖုန်းများအကြား အမာကြောဆုံးနဲ့ သုံးစွဲရတာ ချောမွေ့မြန်ဆန်စေတဲ့ OPPO A3x ကို ၅၉၉,၉၀၀ ကျပ်ဖြင့် စတင်ဝယ်ယူရရှိနိုင်ပြီဖြစ်ပါတယ်။

13/11/2024

ရန်ကုန် နိုဝင်ဘာ

(၈) ကြိမ်မြောက် “ဉာဏ်ကြီးရှင်” အထွေထွေဗဟုသုတ ဉာဏ်စမ်းပဟေဠိအစီအစဉ်၏ Grand Final ၏ ကံထူးရှင်များအား ဆုချီးမြှင့်ပွဲ အခမ်းအနားကို MPT ရုံးချုပ်၌ ကျင်းပပြုလုပ်ခဲ့ကြောင်းသိရသည်။

08/11/2024

ရေဘေးသင့်ပြည်သူများ ပြန်လည်ထူထောင်ရေးအတွက် OPPO Myanmar AED ကငွေကျပ် သိန်း ၃၀၀ ကျော်တန်ဖိုးရှိ အိပ်ရာများ ဆက်လက်လှူဒါန်း

ရန်ကုန် နိုဝင်ဘာ

ကမ္ဘာ့ထိပ်တန်းစမတ်ဖုန်းအမှတ်တံဆိပ် OPPO က မြန်မာနိုင်ငံမှာ ဖြစ်ပွားခဲ့တဲ့ ရေဘေးအခြေအနေတွေအတွက် ငွေကျပ် သိန်း ၄၀၀ ကျော် တန်ဖိုးရှိ ပစ္စည်းတွေထဲကမှ သိန်း ၁၀၀ ကျော် တန်ဖိုးရှိ စောင်တွေကို ရှမ်းပြည်နယ် တောင်ပိုင်းမှာရှိတဲ့ ကလော ၊ အင်းလေး တို့အပြင် ဆင်တောင်ရွာနဲ့ ပလောင်တောင်ရွာတို့မှာ နေထိုင်ကြတဲ့ ပြည်သူတွေကို အနွေးဓာတ် ရရှိစေဖို့ သွားရောက်ပေးအပ်လှူဒါန်းခဲ့ပြီးဖြစ်သည်။

ယခုအခါမှာတော့ OPPO Myanmar AED အနေနဲ့ ကျန်ရှိတဲ့ သိန်း ၃၀၀ကျော် တန်ဖိုးရှိ အိပ်ရာတွေကို ပြည်သူများ အေးချမ်းစွာ အိပ်စက်နိုင်စေရန် ရည်ရွယ်ချက်ဖြင့် မန္တလေးတိုင်းဒေသကြီး စဉ့်ကိုင်မြို့နဲ့ ရှမ်းပြည်နယ် တာချီလိတ်မြို့တို့မှာ ကိုယ်တိုင်ကိုယ်ကျ သွားရောက်လှူဒါန်းခဲ့ကြောင်းနှင့်OPPO Myanmar AED က မြန်မာပြည်သူတွေအတွက် လိုအပ်မဲ့အကူအညီတွေကို နေရာဒေသတိုင်းမှာ ဆက်လက် ကူညီထောက်ပံ့သွားမှာ ဖြစ်ကြောင်းသိရသည်။

01/11/2024

ငွေပေးချေမှုများအဆင်ပြေလွယ်ကူစေရန်အတွက်
iMyanmarMarket နှင့် AYA Pay တို့မှ MOUလက်မှတ်ရေးထိုး

ရန်ကုန် နိုဝင်ဘာ ၁

ငွေပေးချေမှုအပိုင်းနှင့် ပတ်သက်ပြီး အဆင်ပြေလွယ်ကူစေရန်အတွက်မိမိဝယ်ယူလိုတဲ့ ပစ္စည်းတွေကို ချက်ချင်းချိတ်ဆက်ဝယ်ယူနိုင်ပြီး၊Online မှတစ်ဆင့် ငွေကြေးအလိမ်အညာများမဖြစ်ပေါ်စေရန်အတွက်iMyanmarMarket နှင့် AYA Pay တို့မှ ပူးပေါင်းအြီး “ MOU စာချွန်လွှာ လက်မှတ်ရေးထိုးခြင်း ကိုအောက်တိုဘာ (၃၁)ရက်က အလုံမြို့နယ် သစ်တောလမ်းရှိ ဧရာ၀တီဘဏ်ရုံးချုပ်တွင်ကျင်းပခဲ့သည်။

"iMyanmarMarket ဟာဆိုရင် ကိုယ့်မှာရှိတဲ့ ပိုလျှံနေတဲ့ ပစ္စည်းတွေနဲ့ အသုံးမတည့်တော့တဲ့ ပစ္စည်းတွေကို ပြန်လည် ရောင်းချနိုင်တဲ့ C2C platform တစ်ခုပဲဖြစ်ပါတယ်။ ပစ္စည်းရောင်းချလိုသူနဲ့ ရှာဖွေလိုသူတို့အကြား ၊ အလဲအထပ် လုပ်လိုသူတို့အကြား Online ကနေတစ်ဆင့် အချိန်ကုန် လူပင်ပန်းသက်သာစွာဖြင့် ချိတ်ဆက်နိုင်မယ့် application တစ်ခုဖြစ်ပြီး website ကနေတစ်ဆင့်လည်း အသုံးပြုနိုင်မှာ ဖြစ်ပါတယ်။ website ကဖြစ်စေ ၊ App ကတစ်ဆင့်ဖြစ်စေ Account ဖွင့်ပြီး ကိုယ်စိတ်ဝင်စားတဲ့ ပစ္စည်းများကို ရှာဖွေနိုင်မှာဖြစ်သလို ၊ ကိုယ်ရောင်းချလိုတဲ့ပစ္စည်းများကိုလည်း အရောင်း Post တင်ပြီး ပြန်လည်ရောင်းချလိုကြောင်း ကိုယ်တိုင်တိုက်ရိုက် ချိတ်ဆက်ဖော်ပြနိုင်မယ့် Online ဝန်ဆောင်မှု တစ်ခုပဲဖြစ်ပါတယ်"ဟုiMyanmarHouse, CarsDB, iMyanmarMarket of Group of CEO ဦးနေမင်းသူကပြောသည်။

ပြန်လည်ရောင်းချလိုတဲ့ ပစ္စည်းတွေနဲ့ပတ်သက်ပြီး ကြော်ငြာ ခေါင်းစဉ်စာသားများကို စိတ်ကြိုက်ရေးသားနိုင်မှာ ဖြစ်ပြီးကုန်ပစ္စည်း ဓာတ်ပုံများကိုလည်း ပြည့်စုံစွာဖော်ပြနိုင်ကာရောင်းသူ၊ဝယ်သူ တိုက်ရိုက်ဆက်သွယ်နိုင်မှာဖြစ်သည့် အတွက် Online မှတစ်ဆင့် အလိမ်အညာများကိုလည်း စိုးရိမ်နေစရာ မလိုကြောင်းနှင့်ငွေပေးချေမှုအပိုင်းနှင့် ပတ်သက်ပြီး အဆင်ပြေလွယ်ကူစေရန်အတွက်မိမိဝယ်ယူလိုတဲ့ ပစ္စည်းတွေကို ချက်ချင်းငွေပေးချေစရာမလိုဘဲ AYA Pay ဖြင့်ချိတ်ဆက်ပြီး အရစ်ကျငွေပေးချေနိုင်မှာလည်း ဖြစ်ကြောင်းသိရသည်။

29/10/2024

MPT ဝန်ထမ်းများနှင့် စေတနာ သွေးလှူရှင်များက (၁၄) ကြိမ်မြောက် နိုင်ငံတစ်ဝန်း စုပေါင်းသွေးလှူဒါန်းခြင်းကို ဆောင်ရွက်

ရန်ကုန် အောက်တိုဘာ

မြန်မာနိုင်ငံ၏ ပထမဆုံးနှင့် ဦးဆောင်ဆက်သွယ်ရေး အော်ပရေတာဖြစ်သော MPT သည် ဝန်ထမ်းများနှင့် စေတနာသွေးလှူရှင်များ ပါဝင်သော (၁၄) ကြိမ်မြောက် စုပေါင်းသွေးလှူဒါန်းခြင်း လှုပ်ရှားမှုကို နေပြည်တော်ကောင်စီနယ်မြေ၊ ရန်ကုန်တိုင်းဒေသကြီး၊ မကွေးတိုင်း ဒေသကြီး၊ မန္တလေးတိုင်းဒေသကြီးနှင့် ရှမ်းပြည်နယ်(အရှေ့ပိုင်း)တို့တွင် အသီးသီး အောင်မြင်စွာ ကျင်းပ ဆောင်ရွက်ခဲ့ပြီး ဖြစ်ပါသည်။ အဆိုပါ စုပေါင်းသွေးလှူဒါန်းခြင်းလှုပ်ရှားမှုတွင် စေတနာသွေးလှူရှင် စုစုပေါင်း (၂၁၀) ဦးပါဝင်လှူဒါန်းခဲ့ကာ တိုင်းဒေသကြီးနှင့် ပြည်နယ်များရှိ ဆေးရုံများနှင့် အမျိုးသားသွေးဌာနများရှိ အရေးပေါ် သွေးလိုအပ်ချက် ရှိသူများအတွက် အထောက်အပံ့ပြုလှူဒါန်းနိုင်ခဲ့ကြောင်းသိရသည်။

ယခုလို စုပေါင်းသွေးလှူဒါန်းမှုအစီအစဉ်ကို စတင်ဆောင်ရွက်ခဲ့သည့်အချိန်မှစ၍ MPT သည် များစွာသော သွေးလှူဒါန်းခြင်းလှုပ်ရှားမှုများကို စီစဉ်ဆောင်ရွက်ခဲ့ပြီး စေတနာသွေးလှူရှင်ပေါင်း (၈,၆၀၀) ကျော်က သွေးအိတ်ပေါင်း (၈,၀၀၀) ကျော်ကို လှူဒါန်းနိုင်ခဲ့ပါသည်။ အဆိုပါလှူဒါန်းမှုများသည် နိုင်ငံအနှံ့ အရေးပေါ် သွေးသွင်းကုသမှု လိုအပ်နေသော လူနာများ၏ သွေးလိုအပ်ချက်များကို ဖြည့်ဆည်းပေးရာတွင် အရေးပါသော အခန်းကဏ္ဍမှ ပါဝင်ခဲ့သည်။

" (၁၄) ကြိမ်မြောက် သွေးလှူဒါန်းမှုလှုပ်ရှားမှုတွင် ပါဝင်ခဲ့ကြသည့် MPT ဝန်ထမ်းများနှင့် စေတနာသွေးလှူရှင်များ၏ ပံ့ပိုးကူညီမှုအတွက် ကျေးဇူးအထူးတင်ရှိကြောင်း ပြောကြားခဲ့ကာ “အခုလို တန်ဖိုးမဖြတ်နိုင်တဲ့ သွေးလှူဒါန်းမှုက မြန်မာနိုင်ငံတစ်ဝန်းမှာရှိတဲ့ လူနာတွေရဲ့ ဘဝတွေအတွက် သိသာတဲ့ ဆောင်ရွက်ချက် တစ်ခုဖြစ်တယ်ဆိုတာ ဆက်လက်ပြသနေပါတယ်။ ကျွန်တော်တို့အနေနဲ့ အစဉ်တစိုက် ပူးပေါင်း ပါဝင်ခဲ့တဲ့ စေတနာသွေးလှူရှင်တွေကို အထူးပဲကျေးဇူးတင်ရှိပြီး နောင်မှာ ပြုလုပ်မယ့် စုပေါင်းသွေးလှူဒါန်းခြင်း လှုပ်ရှားမှုတွေမှာလည်း အားတက်သရော ဆက်လက် ပါဝင်ပံ့ပိုးပေးကြဖို့ တိုက်တွန်းလိုပါတယ်။ MPT အနေနဲ့ စုပေါင်းသွေးလှူဒါန်းခြင်းလိုမျိုုး အရေးပါတဲ့ စုပေါင်း ဆောင်ရွက်မှု တွေကနေတစ်ဆင့် မြန်မာပြည်သူပြည်သားတွေရဲ့ ကျန်းမာရေးကို အထောက်အပံ့ဖြစ်စေရမယ်ဆိုတဲ့ ရည်ရွယ်ချက်နဲ့ ဆောင်ရွက် နေပါတယ်။” ဟုMPT-KSGM Joint Operations ၏ လုပ်ငန်းလည်ပတ်ရေးဌာနကြီးမှ ဒုတိယအရာရှိချုပ်ဖြစ်သူ Mr. Naoki SHIMANE က ပြောသည်။

MPT သည် လက်ရှိလုပ်ဆောင်နေသော သွေးလှူဒါန်းခြင်း လှုပ်ရှားမှုများအပြင် စုံလင်လှသည့် လူမှုအကျိုးပြု လှုပ်ရှားမှုများမှတစ်ဆင့် လူမှုအသိုက်အဝန်းအား ပံ့ပိုးကူညီလျက်ရှိကာ တစ်နိုင်ငံလုံး အတိုင်းအတာဖြင့် အရည်အသွေး ကောင်းမွန်သော ဆက်သွယ်ရေး ဝန်ဆောင်မှုများကို ပေးအပ်လျက်ရှိပါသည်။ MPT သည် အပြုသဘောဆောင်သော အကျိုးသက်ရောက်မှုများကို မြှင့်တင်ရန်နှင့် နိုင်ငံ၏ ဖွံ့ဖြိုးတိုးတက်ရေးတွင် တစ်စိတ် တစ်ဒေသမှ ပါဝင်ကူညီနိုင်ရန် ကျန်းမာရေး၊ ပညာရေး၊ စွန့်ဦးတီထွင်နှင့် စီးပွားရေးလုပ်ငန်းငယ်များ ကဏ္ဍကို အလေးထားဆောင်ရွက်ခြင်းဖြင့် ၎င်း၏ ကတိကဝတ်များကို ပြသလျက်ရှိကြောင်းသိရသည်။

11/10/2024

စွမ်းဆောင်ရဆုံး AI Tablet အဖြစ် Galaxy Tab S10 စီးရီးကို မြန်မာနိုင်ငံမှာ စတင်မိတ်ဆက်ရောင်းချ

ရန်ကုန် အောက်တိုဘာ

AI နည်းပညာထည့်သွင်းမယ့် ရည်ရွယ်ချက်နဲ့ Samsung က အထူးထုတ်လုပ်ထားတဲ့ ကမ္ဘာ့ပထမဆုံးသော Galaxy Tab S10 စီးရီးကို မြန်မာနိုင်ငံဈေးကွက်မှာ စတင်မိတ်ဆက်ရောင်းချ ပေးနေပြီဖြစ်ကြောင်းသိရသည်။

Galaxy Tab S10 Ultra နဲ့ Galaxy Tab S10+ ဆိုပြီး မော်ဒယ်နှစ်မျိုးနဲ့ ထွက်ရှိလာတဲ့ အဆိုပါ စီးရီးသစ်မှာ ကျယ်ပြန့်တဲ့ မျက်နှာပြင်၊ အထူးကြည်လင်ပြတ်သားတဲ့ Dynamic AMOLED 2X တို့ပါဝင်လာပြီး S Pen အသုံးပြုနိုင်ခြင်းတို့ကြောင့် Tablet ရဲ့ ယေဘုယျလုပ်ဆောင်နိုင်စွမ်းအားဖြင့် ၁၈%၊ ဂရပ်ဖစ်စွမ်းဆောင်ရည်အားဖြင့် ၂၈% စသဖြင့် အဖက်ဖက်က တိုးမြင့်လာသည်။

Galaxy Tab S10 စီးရီးမှာ ထူးခြားချက်အနေနဲ့ Galaxy AI လုပ်ဆောင်ချက်ကို လွယ်ကူမြန်ဆန်စွာနဲ့ ရယူနိုင်စေဖို့ cover နဲ့တွဲလျက်ပါတဲ့ Keyboard မှာ Galaxy AI ခလုပ်ကို အသစ်ထည့်သွင်းပေးထားပါတယ်။ အဆိုပါ Galaxy AI အကူအညီနဲ့ Tablet မျက်နှာပြင်ကျယ်ပေါ်မှာ Note Assist, Sketch to Image, Circle to Search, Air Command with AI စတဲ့ လုပ်ဆောင်ချက်တွေကို အကောင်းဆုံး လုပ်ဆောင်နိုင်မှာ ဖြစ်သည့်အပြင် Galaxy Tab S10 စီးရီးကတစ်ဆင့် မိမိနေအိမ်မှာတပ်ဆင်ထားတဲ့ SmartThings ဂေဟစနစ်တစ်ခုလုံးကို 3D ရုပ်လုံးကြွမြေပုံအနေအထားနဲ့ စီမံထိန်းချုပ် နိုင်မှာဖြစ်တဲ့အပြင် နည်းပညာမြင့် Knox လုံခြုံရေးစနစ်၊ ရေဒဏ်၊ ဖုန်ဒဏ် ခံနိုင်တဲ့ IP68၊ ခိုင်ခဲ့မာကြောတဲ့ Armor Aluminum၊ တာရှည်ခံတဲ့ battery စတာတွေကြောင့် နေ့စဥ်ဘဝမှာ လက်တွေ့ကျအသုံးဝင်တဲ့ Tablet တစ်ခု ဖြစ်လာမည်ဖြစ်သည်။

“Galaxy Tab S10 စီးရီးက Samsung ရဲ့ နောက်ဆုံးထွက် Galaxy AI ထုတ်ကုန်အမျိုးအစားထဲက တစ်ခုဖြစ်ပြီး ကမ္ဘာ့ပထမဆုံးသော AI tablet လည်း ဖြစ်ပါတယ်။ Galaxy AI ၊ S Pen နဲ့ မျက်နှာပြင်ကျယ်တို့ ပေါင်းစပ်လိုက်မှုကြောင့် အသုံးပြုသူတွေရဲ့ လုပ်ဆောင်နိုင်စွမ်း၊ ဖန်တီးနိုင်စွမ်းတွေ တိုးလာစေဖို့ ကူညီပေးနိုင်လိမ့်မယ်လို့ ယုံကြည်ပါတယ်။ ဒါ့အပြင် AI ecosystem တစ်ခုလုံးကိုလည်း အဆင်ပြေချောမွေ့စေဖို့ main device အနေနဲ့ အသုံးပြုနိုင်မှာဖြစ်လို့ ထူးခြားတဲ့ ထုတ်ကုန်တစ်ခုလို့လည်း ဆိုနိုင်ပါတယ်။” ဟု Samsung Myanmar ရဲ့ Head of Mobile Experience Group ဖြစ်သူ ကိုတင်မောင်ဝင်းက ပြောသည်။

Galaxy AI Experience အား Tablet မျက်နှာပြင်ကျယ်ပေါ်မှာ ခံစားရယူလိုသူတွေအနေနဲ့ Galaxy Tab S10 စီးရီးအကြောင်းနဲ့ အထူးအကျိုးခံစားခွင့်တွေအကြောင်းကို အသေးစိတ်သိရှိလိုပါက Samsung Showroom, Samsung Myanmar Call Center တို့ကို ဆက်သွယ်စုံစမ်း မေးမြန်းနိုင်ကြောင်းသိရသည်။

11/10/2024

MPT က သီတင်းကျွတ် အထူးပရိုမိုးရှင်း အစီအစဉ်များအား စတင်မိတ်ဆက်

ရန်ကုန်၊ အောက်တိုဘာ

သီတင်းကျွတ်ကာလ အထိမ်းအမှတ်အဖြစ် MPT က သုံးစွဲသူများအတွက် ပြန်အမ်းငွေလက်ဆောင် ၅ဆ ရရှိနိုင်မည့် အထူးပက်ကေ့ချ်၊ MPT Club အဖွဲ့ဝင်များအတွက် အထူးအကျိုးခံစားခွင့်နှင့် လျှော့ဈေးများပါဝင်သည့် MPT Club ပွိုင့်လဲလှယ်ခြင်း ပရိုမိုးရှင်း အစီအစဉ်များကို စတင်မိတ်ဆက်လိုက်ပြီ ဖြစ်သည်။

သုံးစွဲသူများသည် ဒေတာ 500 MB၊ MPT အချင်းချင်းဖုန်းခေါ်ဆိုခွင့် မိနစ် (၅၀) ၊ အကန့်အသတ်မရှိ စာတို (SMS) ပေးပို့ခွင့်နှင့် ပြန်အမ်းငွေ (၅) ဆ (၉,၉၉၅ ကျပ်) ပါဝင်သည့် “ ရှယ်တန် Combo” ပက်ကေ့ချ် ကို ၁,၉၉၉ ကျပ် ဖြင့် ဝယ်ယူနိုင်မည်ဖြစ်သည်။ အဆိုပါပရိုမိုးရှင်းမှာ ၂၀၂၄ ခုနှစ်၊ အောက်တိုဘာလ (၁၀) ရက်မှ နိုဝင်ဘာလ (၃၀) ရက်အထိဖြစ်ပြီး သုံးစွဲသူများအနေဖြင့် သီတင်းကျွတ်ပိတ်ရက်ကာလများတွင် မိမိတို့၏ ချစ်ခင်ရသူများနှင့် ဆက်သွယ်ကာ တန်ဖိုးရှိသော အချိန်များကို ရရှိနိုင်မည် ဖြစ်သည်။

MPT Club အဖွဲ့ဝင်များအတွက် MPT Club ပွိုင့် (၁၀) ပွိုင့် တည်းဖြင့် MPT အချင်းချင်း ဖုန်းခေါ်ဆိုခွင့် (၁၀) မိနစ်ကို လဲလှယ်အသုံးပြုနိုင်မည့် “Happy Call” ပရိုမိုးရှင်းကိုလည်း အောက်တိုဘာလ (၁၀) ရက်မှ (၁၉) ရက်အတွင်း ရယူနိုင်မည်ဖြစ်ကာ မိမိတို့ချစ်ခင်ရသူများနှင့် ၂၄ နာရီအတွင်း ဆက်သွယ်ပြောဆိုနိုင်မည်ဖြစ်သည်။

ထို့အပြင် MPT Club အဖွဲ့ဝင်များအတွက် နောက်ထပ် အကျိုးခံစားခွင့် အနေဖြင့် MPT Club ပွိုင့် (၇) ပွိုင့် တည်းဖြင့် MPT Club ၏ မိတ်ဖက်ဆိုင် (၇) ဆိုင် မှ (၃၅%) အထိ အထူးလျှော့ဈေး ခံစားခွင့်အား အောက်တိုဘာလ (၇) ရက် မှ (၂၀) ရက်အတွင်း လဲလှယ်ရယူနိုင်မည် ဖြစ်သည်။ အဆိုပါအစီအစဉ်တွင် ပါဝင်သည့် မိတ်ဖက်ဆိုင်များမှာ American Flyer Luggage၊ Breeze Restaurant & Lounge၊ Coffee Lab၊ Crocodile၊ Eliza၊ Noodle Bowl နှင့် Pierre Cardin Luggage တို့ ဖြစ်ပါသည်။

MPT Club အဖွဲ့ဝင်များသည် ပရိုမိုးရှင်းကာလအတွင်း “Happy Call” ပရိုမိုးရှင်းကို တစ်ရက်လျှင် တစ်ကြိမ်လဲလှယ်သုံးစွဲနိုင်ပြီး MPT Club မိတ်ဖက်ဆိုင်များနှင့် ပရိုမိုးရှင်း အစီအစဉ်ကိုမူ အကြိမ်အကန့်အသတ်မရှိ လဲလှယ်ရယူနိုင်ပါသည်။

“သီတင်းကျွတ်အခါသမယကို ကျွန်တော်တို့ရဲ့ အထူးပရိုမိုးရှင်းတွေနဲ့အတူ ကျင်းပဆောင်ရွက်ခွင့်ရတဲ့အတွက် အထူးပဲ ဝမ်းမြောက်မိပါတယ်။ “ရှယ်တန် Combo” ပက်ကေ့ချ် ဟာ အထူးအကျိုးခံစားခွင့်တွေကို ပေးအပ်နိုင်ရုံသာမက အခုလိုသီတင်းကျွတ်အခါသမယမှာ သုံးစွဲသူတွေကို မိမိတို့ချစ်ခင်ရသူတွေနဲ့ ပိုမိုဆက်သွယ်နိုင်စေဖို့ ဆောင်ရွက်ပေးထားတာပဲ ဖြစ်ပါတယ်။ ဒါ့အပြင် “Happy Call” ပရိုမိုးရှင်းကလည်း သုံးစွဲသူတွေကို မိမိချစ်ခင်ရတဲ့သူတွေနဲ့ MPT Club ပွိုင့် (၁၀)ပွိုင့်ကို အသုံးပြုလဲလှယ်ပြီး ဆက်သွယ်နိုင်စေမယ့် အထူးအကျိုးခံစားခွင့်တွေကို ပေးအပ်ထားတာ ဖြစ်ပါတယ်"ဟုMPT-KSGM Joint Operations ၏ စီးပွားရေးဌာနကြီးမှ အရာရှိချုပ်ဖြစ်သူ Mr. Yoshinori YAGI ကပြောသည်။

MPT Club အဖွဲ့ဝင်မဖြစ်သေးသည့် သုံးစွဲသူများအနေဖြင့် MPT4U အက်ပလီကေးရှင်းမှတစ်ဆင့် (သို့မဟုတ်) 345 သို့ “REG M/F” (ဥပမာ အမျိုးသမီး REG F/ အမျိုးသား REG M) ဟု စာတို (SMS)ပေးပို့ခြင်းဖြင့် လွယ်ကူစွာ စာရင်းသွင်းနိုင်ပြီး ကြိုဆိုလက်ဆောင်အဖြစ် MPT Club ပွိုင့် ၅၀ ပွိုင့်ကို ရရှိမည် ဖြစ်ပါသည်။ MPT Club ပွိုင့်များကို ဒေတာ၊ အသံ နှင့် စာတို အစရှိသော MPT ၏ ဝန်ဆောင်မှုများဖြင့် လဲလှယ်နိုင်သည့်အပြင် MPT Club ၏ မိတ်ဖက်ဆိုင်များမှ ထုတ်ကုန်နှင့် ဝန်ဆောင်မှုများတွင် လျှော့ဈေးရရှိနိုင်မည် ဖြစ်ပါသည်။

MPT အကြောင်းပိုမိုသိရှိလိုပါက MPT ၏ တရားဝင်ဝက်ဘ်ဆိုက် www.mpt.com.mm တွင် ဝင်ရောက် ကြည့်ရှုနိုင်ပြီး 106 call center နှင့် တိုက်ရိုက်တုံ့ပြန်ဖြေကြားပေးသည့် Chatbot ဝန်ဆောင်မှုများကို MPT4U အက်ပလီကေးရှင်း၊ MPT Viber တို့တွင် စုံစမ်းမေးမြန်းနိုင်ကြောင်းသိရသည်။

11/10/2024

TikTok က ကမ္ဘာ့ကျန်းမာရေးအဖွဲ့ (WHO) နှင့်အတူ
စိတ်ကျန်းမာရေးဆိုင်ရာ အသိပညာတတ်မြောက်မှုကို မြှင့်တင်ပေးမည်

ရန်ကုန် အောက်တိုဘာ

TikTok အနေနှင့် အသုံးပြုသူများအတွက် ၎င်းတို့၏ ကိုယ်ပိုင်အကြောင်းအရာ ဇာတ်လမ်းများကိုဝေမျှခြင်းမှစ၍ ခွဲခြားဆက်ဆံမှုများကို ချိုးဖျက်ခြင်းနှင့် ခံနိုင်ရည်စွမ်းအားကိုမြှင့်တင်ပေးခြင်းစသဖြင့် အသုံးပြုသူများအတွက် ၎င်းတို့၏ ကျန်းမာရေးဆိုင်ရာ အကြောင်းအရာများကို မျှဝေကာ ယုံကြည်ရသည့် အရင်းအမြစ်များကို ရှာဖွေနိုင်အောင် ပံ့ပိုးကူညီပေးသည့် အသိုက်အဝန်းတစ်ခုကို တည်ဆောက်ရန် ရည်ရွယ်ထားသည်။

ယင်အတွက်ကြောင့် ယနေ့အချိန်တွင် ယုံကြည်စိတ်ချရသော ကျန်းမာရေးစောင့်ရှောက်မှုကျွမ်းကျင်သူများနှင့် TikTok ဗီဒီယိုဖန်တီးသူများ စုစည်းထားသည့် Fides ကွန်ရက်မှ တစ်ဆင့် ယုံကြည်စိတ်ချရသောအကြောင်းအရာများဖန်တီးရန်နှင့် သတင်းမှားများကို တိုက်ဖျက်ရန် ကမ္ဘာ့ကျန်းမာရေးအဖွဲ့ (WHO) နှင့် ပူးပေါင်းဆောင်ရွက်သွားမည်ဖြစ်ပြီး ပူးပေါင်းဆောင်ရွက်မှုမှ တစ်ဆင့် အမေရိကန်၊ ယူကေ၊ ပြင်သစ်၊ ဂျပန်၊ ကိုရီးယား၊ အင်ဒိုနီးရှား၊ မက္ကဆီကိုနှင့် ဘရာဇီးရှိ Fides ကွန်ရက်မှ ဗီဒီယိုဖန်တီးသူများသည် အထောက်အထားအခြေပြု အကြောင်းအရာများကို ဖန်တီးရိုက်ကူးပြီး အသိပညာမြှင့်တင်ရန်အတွက် TikTok နှင့် ပူးပေါင်းသွားမည်ဖြစ်ပါသည်။ စိတ်ကျန်းမာရေးအခြေအနေများကို အသိပညာပေးခြင်း၊ စာနာနားလည်မှုရှိပြီး ကူညီရိုင်းပင်းတတ်သော အွန်လိုင်းအသိုင်းအဝိုင်းကို ဖန်တီးခြင်းတို့တွင် WHO ၏ ကမ္ဘာလုံးဆိုင်ရာအလုပ်များကို ပံ့ပိုးရန်အတွက် TikTok အနေဖြင့် အမေရိကန်ဒေါ်လာ ၃ သန်းကိုလည်း လှူဒါန်းသွားမည်ဖြစ်သည်။

ယုံကြည်မှုတည်ဆောက်ပြီး Fides ကွန်ရက်ဖြင့် အပြောင်းအလဲတစ်ခုကို ဖော်ဆောင်ခြင်း
WHO ၏ Fides ကွန်ရက်သည် သတင်းမှားများကို တုံ့ပြန်ရန်နှင့် အထောက်အထားအပေါ်အခြေခံသည့် အကြောင်းအရာများကို မြှင့်တင်ရန်အတွက် ကျန်းမာရေးဆိုင်ရာ ဗီဒီယိုဖန်တီးသူများကို စည်းရုံးရာတွင် အရေးပါပါသည်။ အမျိုးမျိုးသော ပလက်ဖောင်းများမှ တစ်လျှောက် သန်းပေါင်းများစွာသော လူများထံသို့ ရောက်ရှိနိုင်သော ဗီဒီယိုဖန်တီးသူ ၈၀၀ ကျော်ရှိသော အသိုက်အဝန်းမှ တစ်ဆင့် ယုံကြည်ရလောက်သော ဆက်သွယ်မှုကို တည်ဆောက်ခြင်းဖြင့် သိသာထင်ရှားသော အပြောင်းအလဲကိုဖြစ်စေကြောင်း Fides က ပြသခဲ့ပါသည်။

WHO နှင့် ပူးပေါင်းဆောင်ရွက်မှုမှ တစ်ဆင့် TikTok သည် Fides ဗီဒီယိုဖန်တီးသူများကို ချိတ်ဆက်ကာ ရှုပ်ထွေးသော သိပ္ပံနည်းကျ သုတေသနပြုချက်များကို ကျန်းမာရေးဆိုင်ရာ ခေါင်းစဉ်အမျိုးမျိုးချဲ့ထွင်ပြီး လူအများအလွယ်တကူဆက်စပ် နားလည်နိုင်သော ဗီဒီယိုအကြောင်းအရာအဖြစ် ပြောင်းလဲဖန်တီးသွားပါမည်။ ဗီဒီယိုဖန်တီးသူများကို ပိုမိုအထောက်အပံ့ပေးနိုင်ရန်အတွက်လည်း လေ့ကျင့်ရေးအစီအစဉ်များနှင့် အရင်းအမြစ်များကို အသုံးပြုခွင့်ပေးရန် WHO နှင့် အနီးကပ်လုပ်ဆောင်မည်ဖြစ်သည်။

"လူသန်းပေါင်းများစွာဟာ ကျန်းမာရေးဆိုင်ရာအကြောင်းအရာတွေအပါအ၀င် သူတို့ရဲ့ ဘဝနေထိုင်မှုနယ်ပယ်အားလုံးနဲ့ သက်ဆိုင်တဲ့ အသိုက်အ၀န်းတွေကို ရှာဖွေပြီး မျှဝေဖို့အတွက် နေ့စဉ် TikTok ကို လာရောက်အသုံးပြုကြပါတယ်။ ဒီအရေးကြီးတဲ့အကြောင်းအရာအတွက် ယုံကြည်စိတ်ချရတဲ့ အချက်အလက်တွေကို သူတို့ရှာတွေ့နိုင်စေဖို့ ကျွန်တော်တို့သေချာအောင် ကြိုးစားနေပါတယ်။ ဒါကြောင့် ဒီနေ့မှာ ကျွန်တော်တို့ရဲ့အသိုင်းအဝိုင်းအတွက် ချိတ်ဆက်မှုနဲ့ တရားဝင်ခိုင်လုံတဲ့ စိတ်ကျန်းမာရေးဆိုင်ရာ အကြောင်းအရာဗီဒီယိုတွေကို ဆောင်ကျဉ်းပေးမယ်ဆိုတဲ့ ကတိကဝတ်ကို ပိုမိုခိုင်မာစေဖို့ ကမ္ဘာ့ကျန်းမာရေးအဖွဲ့ရဲ့ Fides ကွန်ရက်နှင့် ပူးပေါင်းဆောင်ရွက်နိုင်တဲ့အတွက် ဝမ်းမြောက်မိပါတယ်” ဟု Trust and Safety Outreach and Partnerships, TikTok ၏ ကမ္ဘာလုံးဆိုင်ရာအကြီးအကဲ Valiant Richey က ပြောကြားခဲ့သည်။

Avisha NessAiver () သည် ရှုပ်ထွေးသော သုတေသနများကို လူအများလက်လှမ်းမီနားလည်နိုင်သော ဘာသာစကားအဖြစ် ဘာသာပြန်ဆိုပြီး ကျန်းမာရေးဆိုင်ရာသတင်းမှားများကို တိုက်ဖျက်ရန် အထူးပြုထားသည့် သိပ္ပံပညာရှင်အဖြစ် ကမ္ဘာ့ကျန်းမာရေးအဖွဲ့အတွက် Fides တွင်လည်းကောင်း၊ ကုလသမဂ္ဂအဖွဲ့အတွက် Team Halo တွင်လည်းကောင်း ပါ၀င်လျက်ရှိသည်။ ၎င်း၏ဗီဒီယိုများသည် ပလက်ဖောင်းအမျိုးမျိုးတွင် ကြည့်ရှုမှု သန်း ၁၀၀ ကျော် ရရှိထားသည်။

"Fides ကွန်ရက်ဟာ တသီးတသန့်ရပ်တည်နေတဲ့ သိပ္ပံပညာရှင်တွေနဲ့ ကျန်းမာရေးဆိုင်ရာ ကျွမ်းကျင်သူတွေကို အစွမ်းထက်တဲ့ စုပေါင်းအင်အားအဖြစ် ပြောင်းလဲပေးတဲ့ အထောက်အကူဖြစ်ပါတယ်။ ဒါ့အပြင် ကျန်းမာရေးသတင်းမှားတွေ ပျံ့နှံ့မှုကို ထိထိရောက်ရောက် တိုက်ဖျက်ဖို့အတွက် အသိပညာနှင့် နည်းဗျူဟာတွေကို လက်နက်အဖြစ်ကိုင်ဆောင်ထားပါတယ်" ဟု ၎င်းကဆိုသည်။

Fides ကွန်ရက်၏ လက်ရှိလုပ်ဆောင်မှုများအကြောင်း ပိုမိုသိရှိလိုပါက ဤလင့်ကတစ်ဆင့် https://www.who.int/teams/digital-health-and-innovation/digital-channels/fides လေ့လာနိုင်ပသည်။

လူမှုအသိုင်းအဝိုင်း၏ စိတ်ပိုင်းဆိုင်ရာကျန်းမာရေးအတွက် ပံ့ပိုးကူညီခြင်း
ကမ္ဘာတစ်ဝန်းရှိ လူပေါင်း ၁ ဘီလီယံကျော်ကို စုစည်းပေးသည့် ပလပ်ဖောင်းတစ်ခုအနေဖြင့် ဤအကြောင်းအရာနှင့် ပတ်သက်သော စကားဝိုင်းများအတွက် အထောက်အကူဖြစ်စေသော ပတ်ဝန်းကျင်ကို တည်ဆောက်ကာ ယုံကြည်စိတ်ချရသော သတင်းအချက်အလက်နှင့် အရင်းအမြစ်များကို ဝင်ရောက်ကြည့်ရှုခွင့်ပေးခြင်းဖြင့် TikTok အသိုင်းအဝိုင်း၏ သာယာဝပြောရေးကို ကူညီဖြေရှင်းပေးရန်လည်း TikTok က ကတိပြုထားပြီးTikTok ၏ ဘေးကင်းရေးစင်တာမှစ၍ အက်ပ်အတွင်းရှိ PSAs များအထိ ယုံကြည်စိတ်ချရသော ကျန်းမာရေးဆိုင်ရာ အချက်အလက်များ၏ အရင်းအမြစ်များကို ဝင်ရောက်ကြည့်ရှုခွင့်ပေးထားသည်။

TikTok တွင် အွန်လိုင်းနှင့် အော့ဖ်လိုင်း နှစ်ခုလုံးရှိ လူမှုအသိုင်းအဝိုင်း၏ ကျန်းမာရေးသည် TikTok အတွက် အရေးကြီးပါသည်။ တရားဝင်ခိုင်လုံသောအချက်အလက်များမျှဝေရန် TikTok ၏ Well-being Guide ကဲ့သို့သော ကျန်းမာရေးဆိုင်ရာအရင်းအမြစ်များကို လူတိုင်းရယူသုံးစွဲနိုင်ရန် ကမ္ဘာတစ်ဝန်းရှိ ကျွမ်းကျင်သူများ၊ အတူတကွ ပူးပေါင်းဆောင်ရွက်သူများနှင့် မစ်ရှင်ဦးစားပေးအဖွဲ့အစည်းများနှင့် အနီးကပ်လုပ်ဆောင်လျက်ရှိပြီး ကူညီဖေးမမှုရှိသည့် အွန်လိုင်းအသိုင်းအဝိုင်းကို ဆက်လက်တည်ဆောက်သွားမည် ဖြစ်သည်။

Ahead Media Myanmar

12/12/2024

26/11/2024

26/11/2024

19/11/2024

13/11/2024

13/11/2024

13/11/2024

08/11/2024

01/11/2024

29/10/2024

11/10/2024

11/10/2024

11/10/2024

Address

Website

Alerts

Contact The Business

Shortcuts

Share