11/05/2022
ၽူႈၸႂ်ႉတိုဝ်း KBZ Pay ထုၵ်ႇလီၽၢင်ႉ
(မၢႆတွင်း- ပေႃးၶၢၼ်ႉလူလိၵ်ႈ ၶၢမ်ႈပႅတ်ႈသေတႃႉ)
#ၶေႃးၼမ်း-
မိူဝ်ႈပူၼ်ႉမႃးၵေႃႈ ၵႆႉၵႆႉလႆႈငိၼ်းဝႃႈ ၸဝ်ႈပႃးၼႆႉ ပႃးၼၼ်ႉ (ၵူၼ်းႁိူၼ်းၵေႃႈတေပႃးယူႇႁိုဝ်) လႆႈထုၵ်ႇတၢင်း ပိူၼ်ႈလႅၼ်ငိုၼ်းၵႂႃႇၼႂ်း Kpay ၼႆယူႇ၊ လွင်ႈၼႆႉ ပေႃးတေႃႉတေႉႁူႉလၢႆးၸႂ်ႉမၼ်းလၢႆလၢႆၵူၺ်း သမ်ႉဢမ်ႇလဵပ်ႈႁဵၼ်းလွင်ႈ kpay ဢၼ်ႁဝ်းၸႂ်ႉယူႇၼႆႉၼႆ တေၸၢၵ်ႈတူၵ်းလွၵ်း ၽူႈမေႃလိင်ႉလႅၼ်ၶဝ်ယူႇ၊ လွင်ႈၸိူဝ်းၼႆႉ ဢၢင်ႈတႅမ်ႈၼႄပၼ်ၽၢင်ႉသတိၵၼ်ယူႇၵေႃႈ ဢမ်ႇပဵၼ်တႅမ်ႈမႃးသေပွၵ်ႈ ၵူၺ်းၵႃႈ ပွၵ်ႈၼႆႉတႄႉ လႆႈမီးတူဝ်ထူပ်းယဝ်ႉလႄႈ ၸင်ႇလႆႈတႅမ်ႈပၼ်ၽၢင်ႉပီႈၼွင်ႉႁဝ်းၶဝ်ယူႇယဝ်ႉ၊
#ပၵ်းပိူင်ဢၼ်ထုၵ်ႇလီႁူႉဝႆႉ
1. ၽူႈမီးပုၼ်ႈၽွၼ်း (ၸဝ်ႈၶွင်) Kpay ဢမ်ႇတွၼ်ႉထူဝ်းၽူၼ်းထၢမ်ၶေႃႈမုၼ်းသုၼ်ႇတူဝ် ထူဝ်းၽူၼ်းထၢမ်မၢႆၽၢင် တႄႇၵႂႃႇ၊
2. ၽူႈမီးပုၼ်ႈၽွၼ်း (ၸဝ်ႈၶွင်) Kpay ဢမ်ႇတွၼ်ႉထူဝ်းၽူၼ်းထၢမ် မၢႆလပ်ႉ OTP Code (သင်ဝႃႈမီးၵူၼ်းထူဝ်းၽူၼ်းသေ
ထၢမ်မႃးမၢႆ OTP Code သေ ၸဝ်ႈၵဝ်ႇလၢတ်ႈၼႄၵေႃႈ ပွင်ႇဝႃႈၸဝ်ႈၵဝ်ႇသုမ်းငိုၼ်းယဝ်ႉ သႃထုဢဝ်ၵူၺ်းလႃႈ။
လွင်ႈ Kpay ၼႆႉတႄႉ
Level မၼ်းမီးသွင်သၢင်ႉ
1 Level 1, 1.5
2 Level 2 ၼႂ်းၸိူဝ်းၼႆႉ သၢင်ႉလႂ် ဢူၼ်းငိုၼ်းလႆႈၵႃႈႁိုဝ်ႁိုဝ် ထွၼ်ငိုၼ်းလႆႈၵႃႈႁိုဝ်ၼႆ လဵပ်ႈႁဵၼ်းၼႂ်း KBZ pay app ၼၼ်ႉႁင်းၵူၺ်းၸဝ်ႈၵဝ်ႇတႃႉ။
#လၢႆးလိင်ႉလႅၼ်KBZ Pay လႄႈ တူဝ်ထူပ်းၸဝ်ႈတႆးၼုမ်ႇ
လွင်ႈတၢင်းတႃႇ တႃႇပိူၼ်ႈတေမႃးဢဝ်ငိုၼ်းၼႂ်း Kpay ႁဝ်းၵႂႃႇၼၼ်ႉတႄႉ ဢမ်ႇၸႂ်ႈဝႃႈ တေလႆႈၵႂႃႇငၢႆႈငၢႆႈၼင်ႇၵဝ်ႇ ပေႃးၸဝ်ႈၵဝ်ႇဢမ်ႇယွၼ်ႇယၢၼ်းပၼ် လွင်ႈဢၼ်ပိူၼ်ႈထၢမ်မႃးၼၼ်ႉတႄႉ၊ မိူဝ်ႈဝၼ်းထိ 8.5.2022 ၼၼ်ႉ ၸဝ်ႈတႆးၼုမ်ႇ တိုၵ်ႉႁဵတ်းၵၢၼ်သႂ်ႇသၢႆၽႆးယူႇ၊ မီးလိၵ်ႈ OTP Code ႁွတ်ႈမႃးဢၼ်ၼိုင်ႈ ဢမ်ႇႁိုင်သင် မီးၽူၼ်းဢၼ်ၼိုင်ႈ 09783305476 ၼႆႉသေ
ထူဝ်းမႃးၸူးၸဝ်ႈႁဝ်း ပဵၼ်မႄႈယိင်း မၼ်းလၢတ်ႈဝႃႈ မၼ်း Update ၶိုၼ်ႈပၼ် သၢင်ႉLevel kpay ဢၵွင်ႉၸဝ်ႈၼႆႉပဵၼ် Level 3 ၼႆဝႃႇ၊ ယဝ်ႉၵေႃႈလၢတ်ႈဝႃႈ ပေႃးပဵၼ် Level 3 ၼႆႉ တေဢူၼ်းငိုၼ်းလႆႈ ပၢၵ်ႇသႅၼ်ၼႆဝႃႇႁေး၊ ၸဝ်ႈၵေႃႈ လွမ်ႁူႉသၢႆငၢႆမၼ်းယဝ်ႉလႄႈ ဢိူဝ်ႈၸွမ်းဢၼ်မၼ်းလၢတ်ႈ ၵမ်းၼၼ်ႉ မၼ်းသမ်ႉထၢမ်မႃး မၢႆၽၢင် ဢၼ်သႂ်ႇဝႆႉ တီႈၼႂ်း kpay ဝႃႈတေၸႅတ်ႈတူၺ်းမႅၼ်ႈဢမ်ႇဢမ်ႇ ၼႆယဝ်ႉ ၸဝ်ႈတႄႉယွၼ်ႉႁူႉဝႃႈမၼ်းပဵၼ်ၵူၼ်းလႅၼ်ၵူၺ်းၼႆလႄႈ သမ်ႉတိုၵ်ႉႁဵတ်းၵၢၼ်သုၵ်ႉသၵ်ႉ လႃႇသၵ်းပၼ်မၼ်းႁေ လၢတ်ႈဝႃႈ kpay ဝန်ထမ်းများ တာဝန်ရှိသူများက ဖုန်းဆက်ပြီး ကိုယ်ရေးကိုယ်တာ အချက်အလက် မေးပိုင်ခွင့်မရှိဘူး၊ ငါ့ကို လိမ်ဖို့မကြို့စားနဲ့ ၼႆႁင်းမၼ်းသေ ၶျႃႉၽူၼ်းၵႂႃႇ၊ ဝူၼ်ႉၵႂႃႇဝူၼ်ႉမႃး ႁၢင်ႈလႃႇဢမ်ႇပေႃးပေႇႁိၼ်ႉမၼ်းလီ တိုၵ်ႉၶႂ်ႈလႃႇထႅင်ႈယူႇ ဝႆႉသေၵွၼ်ႇ
(ထူဝ်း 09783305476 လႃႇတူၺ်းလေႃႇ ပေႃးၵႆႉလႃႇ)
သိုပ်ႇလူႇတူၺ်းထႅင်ႈ -
ၽူႈၸႂ်ႉkpayႁဵတ်းႁိုဝ်တူၵ်းလွၵ်းပိူၼ်ႈလႅၼ်
ပေႃႈဝႃႈႁဝ်းဢမ်ႇလၢတ်ႈၼႄ otp code ၼႄပိူၼ်ႈတႄႉ ပိူၼ်ႈၵေႃႈတေဢမ်ႇဢဝ်ၵႂႃႇလႆႈငၢႆႈငၢႆႈၼင်ႇၵဝ်ႇ မိူၼ်ၼင်ႇ တူဝ်ထူပ်းၸဝ်ႈႁဝ်းၼႆႉ မိူဝ်ႈမၼ်းထၢမ်မႃးမၢႆၽၢင်ၼၼ်ႉ သင်ဝႃႈၸဝ်ႈလၢတ်ႈၵႂႃႇမၢၼ်ႇမႅၼ်ႈပေႃႈၼႆႉ တေမႃးထႅင်ႈသၢင်ႉၼိုင်ႈ ဝႃႈ မၢႆၽၢင်ၸဝ်ႈႁဝ်းၼၼ်ႉမႅၼ်ႈယဝ်ႉ၊ တႃႇတေ confirmed မၵ်းမၼ်ပဵၼ်တင်းၵၢၼ်ၼၼ်ႉ otp code ဢၼ်သူင်ႇမႃးၸူးတီႈၸဝ်ႈႁဝ်းၼၼ်ႉဝႃႈႁိုဝ် မၼ်းတေထၢမ်မႃးၼင်ႇၼႆ ပေႃးဝႃႈၸဝ်ႈလၢတ်ႈၼႄ otp code ၼႄမၼ်းၵေႃႈ မၼ်းတေၶဝ်လႆႈၼႂ်းဢၵွင်ႉ kpay ႁဝ်းသေ ဢူၼ်းငိုၼ်းၼႂ်းkpay ႁဝ်းၼၼ်ႉ ၵႂႃႇၸူးမၢႆၽူၼ်းဢၼ်မၼ်းၸႂ်ႉ ၼၼ်ႉယူႇယဝ်ႉ၊ ပေႃးၼၼ်ႉတႄႉ ၵႃႈလႆႈဝႃႈ သႃထု လွႆးၶေႃႉ လွႆးၵျူဝ်ႇၼႆၵူၺ်းယဝ်ႉ။ (ၸဝ်ႈႁဝ်းတႄႉ ဢမ်ႇလႆႈသုမ်းငိုၼ်းၵႂႃႇၼင်ႇၵဝ်ႇ ၵမ်ႉဢမ်ႇလူလီလီ ၵႂႃႇဢုပ်ႇၽၢဝ်ႇဝႃႈ ၸဝ်ႈတႆးၼုမ်ႇၺႃးပိူၼ်ႈလႅၼ်ၼႆတႄႉ ယၢပ်ႇယဝ်ႉ)
ယွၼ်ႉဝႃႈ မိူဝ်ႈႁဝ်းတေၶဝ်ႈဢၵွင်ႉ kpay ႁဝ်းၼၼ်ႉ တေၸႂ်ႉသႂ်ႇမၢႆၽူၼ်း ပေႃးယဝ်ႉ သႂ်ႇမၢႆ otp code သေ ၸင်ႇၶဝ်ႈလႆႈ၊ မၼ်းပွင်ႇဝႃႈ ၵူၼ်းၵေႃႉဢၼ်မႃးလႅၼ်ႁဝ်းၼၼ်ႉ မၼ်းဢဝ်မၢႆၽူၼ်းႁဝ်းသေ ၵႂႃႇၶဝ်ႈၼႂ်းၽူၼ်းမၼ်း ၵူၵ်ႉ otp သမ်ႉမႃးတီႈႁဝ်း ပေႃးႁဝ်းလၢတ်ႈၼႄ otp code ၼႄမၼ်းၵေႃႈ မၼ်းၶဝ်ႈလႆႈယဝ်ႉ။
မိူဝ်ႈၼႆႉ 10.5.2022 ယင်းမီး ၸဝ်ႈၶူးပႃးၼိုင်ႈ ပဵၼ်တႆးၵေႃႉၵၼ် လႆႈထုၵ်ႇၺႃးပိူၼ်ႈလႅၼ်ငိုၼ်းၵႂႃႇ 3 သႅၼ်ပၢႆၼႆၼင်ႇၵဝ်ႇ လွၵ်းလၢႆးပိူၼ်ႈလိင်ႉလႅၼ်တႄႉ တေၵႂႃႇလၢႆးၼင်ႇဢၼ်လၢတ်ႈၼႄမႃးပႃႈၼိူဝ်ၼႆႉၵူၺ်း၊ ၶဝ်တေလၢတ်ႈဝႃႈ ၶဝ်ႈပဵၼ် ဝန်ထမ်း ၼႆၼၼ်ႉၼႃႇ ဢၼ်ၸိူဝ်းၼႆႉ ၶႂ်ႈၽၢၵ်ႇထိုင် ပီႈၼွင်ႉႁဝ်းၶဝ်ၵူႈတီႈ ၸိူဝ်းၸႂ်ႉတိုဝ်း kpay ၼၼ်ႉ သင်ဝႃႈမီးၵူၼ်းထူဝ်းၽူၼ်းမႃးထၢမ် otp code ၼႆ ယႃႇပေလၢတ်ႈၼႄလႃးလႃး ၼႂ်း kpay app ၼၼ်ႉၵေႃး ပေႃးၶဝ်ႈၵႂႃႇၼႆ ပိူၼ်ႈတိုၼ်းပၼ်ၽၢင်ႉဝႆႉယူႇၵမ်းလဵဝ်၊
ယွၼ်ႉႁၼ်ထိုင် ၼင်ႇႁိုဝ်တေဢမ်ႇထူပ်းၺႃးလွင်ႈလႅၼ်ၼၼ်ႉ ၸင်ႇလႆႈတႅမ်ႈၼႄပၼ်ၽၢင်ႉဝႆႉၼင်ႇၼႆယဝ်ႉ၊ သင်ဝႃႈၽူႈလႂ် မီးလွၵ်းလၢႆးၶႂ်ႈပၼ်ၽၢင်ႉၼႆၵေႃး ပၼ်ဝႆႉတီႈၶွမ်ႇမႅၼ်ႉတႂ်ႈၼႆႉလႆႈယူႇ၊ ႁႂ်ႈလွတ်ႈၵၢင်းလွင်ႈလိင်ႉလႅၼ်သေၵမ်း။
