City of nomads

22/05/2024

АТГ: “Ногоон автобусны” хэрэгт Д.Сумъяабазарыг яллагдагчаар татах үндэслэл тогтоогдоогүй. Харин Ж.Сүхбаатар яллагдагчаар татагдаж, хэрэг нь шүүх дээр явж байна

12/05/2024

Сувилахуйн ухааны элч төлөөлөгч, аврал энэрлийн эрхэм хүндэт үйлстэн болсон сувилагч нартаа олон улсын сувилагчдын өдрийн мэндийг хүргэж, ард иргэдийнхээ амь нас, эрүүл мэндийн төлөө хатуу бэрхээс эхлээд баяр жаргалтай мөч бүрийнх нь хажууд зогсож, хатамжлан асарч байдаг хатан зориг, эрхэм сэтгэлд тань хүндэтгэл илэрхийлье.

Сувилахуйн ухааны эрдэм чадал төгс, энэрэн нигүүлсэх сэтгэл уярам зөөлөн байг ээ.

09/05/2024

Экс хотын дарга Д. Сумъяабазар Хүүхдийн паркын 10.2 га газрыг Нийслэлийн өмчид Бодь группээс буцаан авч, Рио Тинто Монгол” ХХК нийгмийн хариуцлагын хүрээнд ийнхүү тохижилт хийж байгаа билээ 👏🏻

03/05/2024

Лхагвын тоймыг тоймложээ

Маниусын мэддэг юмнаас бүр аймар юм цаана нь болжээ. Тендерээс хамаагүй өмнө, УИХ дээр төсвийг нь батлаад дөнгөж 6-хан хонож байхад Тэнүүн-Огоо компани Солонгосын к....

27/04/2024

Д.Сумъяабазар: МАН-ын үнэт зүйл нь эв нэгдэл, зохион байгуулалт, хариуцлага юм

27/04/2024

27/04/2024

Д.Сумъяабазар: МАН бол эв нэгдэл, зохион байгуулалт сайтай, санал зөрөлдсөн ч асуудлаа дотроо шийдээд хамтдаа урагшилж чаддаг улс төрийн хүчин

13/06/2023

❗️Хан-Уул дүүргийн III хороо, Говийн замыг “Мишээл экспо”-той холбох замын ажил өнгөрсөн жил эхэлсэн. Энэ хүрээнд 1.2 км урт дөрвөн эгнээ авто зам, 36 метр урт гүүр, явган зам, гэрэлтүүлэг хийхээр төлөвлөж, зарим ажлаа дуусгаад буй. Энэ замыг цааш “Hermes” төв хүртэл үргэлжлүүлэх юм. Гэвч газар чөлөөлөлттэй холбоотойгоор замын ажил нэг жил гаруй саатаад байгаа бөгөөд замын трасст өртсөн “Эрэл” компанийн ашиглалтаас гарсан төмөр замыг албадан чөлөөлөх ажлыг эхлүүллээ.

City of nomads Улаанбаатар хотын албан ёсны цахим хөтөч

02/06/2023

Нийслэлийн Засаг даргын 2021 оны А/828 дугаар захирамжаар Нийслэл хотын нийтийн эдэлбэрийн газрын хэмжээг тогтоох, ашиглалтын журмыг Нийслэлийн Газар зохион байгуулалтын албанаас боловсруулж, НИТХ-аар батлуулахаар шийдвэрлэсэн байдаг.

Хүн ам өсөн нэмэгдэхийн хэрээр барилгажилт, нягтаршил өдөр ирэх бүр нэмэгдэж байгаа. Иймээс нийслэлийн гудамж талбай, ногоон байгууламжийг хэвээр хадгалж үлдэх, шинээр ногоон байгууламж, амралт зугаалгын талбайг нэмэгдүүлэх шаардлага зүй ёсоор гарч буй. Үүнтэй холбоотойгоор нийслэлийн иргэдийн эрүүл, аюулгүй орчинд чөлөөт цагаа ая тухтай, зөв боловсон өнгөрүүлэх, нийтээр зүй зохистой ашиглах, хамгаалах нөхцөлийг бүрдүүлэх зорилгоор нийтийн эдэлбэрийн газрыг нэмэгдүүлж, түүний ашиглалтын журмын төсөлд олон нийтээс санал авч байна.😊

Санал өгөх линк: https://docs.google.com/forms/d/e/1FAIpQLSesHLqAK9k7yVN7J-SUmztYi1R01qSAWoO54RnaTsuy57yHAg/viewform

City of nomads Улаанбаатар хотын албан ёсны цахим хөтөч

30/05/2023

Гэмтэл согог судлалын үндэсний төвийн харьяа Түлэнхийн төв 5 сарын 29-нд нээлтээ хийлээ. Нээлтийн үйл ажиллагаанд Монгол Улсын Ерөнхий сайд Л.Оюун-Эрдэнэ, Эрүүл мэндийн сайд С.Чинзориг, Нийслэлийн Засаг дарга бөгөөд Улаанбаатар хотын Захирагч Д.Сумъяабазар болон бусад холбогдох албаныхан оролцов.

Нийт есөн тасаг, 250 ортой, хоёр блок бүхий долоон давхар тус төв ашиглалтад орсноор Гэмтэл согог судлалын үндэсний төвийн ачааллыг 25-30 хувиар бууруулж, хүртээмж энэ хэрээр өсөх юм. Түүнчлэн түлэгдэл, хөлдөлт гэх мэт осол гэмтлийн яаралтай тусламж, хэвтүүлэн эмчлэх үйлчилгээг 24 цагаар үзүүлэх нөхцөл бүрдэнэ.

City of nomads Улаанбаатар хотын албан ёсны цахим хөтөч

19/05/2023

Та бүхэн хуучнаар Хөдөө аж ахуйн яам хэмээн нэрлэдэг Засгийн газрын 9-р байрны урд байх хоёр баримлыг харж байсан байх. Энэхүү баримлуудыг танилцуулж байна.

Дэлхийн II дайны дараа Монгол улсын ардын аж ахуйн тулгуур нь мал, газар тариалан болохыг тунхаглан Батлан хамгаалах яамны хуучин байранд Мал, тариалангийн яамыг оруулан үүдэнд нь байсан хоёр эрэлхэг цэргийн хөшөөг малчныг төлөөлсөн саальчин, газар тариаланг төлөөлсөн тариаланч залуугийн баримлаар сольсон гэдэг. Энэхүү хоёр баримлаар Монголын мал аж ахуй, малчин, тариаланч түмнээ төлөөлүүлжээ. Саальчин эмэгтэй баримлыг 1961 онд Иш бүтээсэн бол мөн онд Тариаланч залуу баримлыг Л.Дашдэлэгийн эх загвараар бүтээсэн байна.

City of nomads Улаанбаатар хотын албан ёсны цахим хөтөч

12/05/2023

Нийслэл хотын түүхийг хамгийн сайн өгүүлэх газар бол Улаанбаатар хотын музей билээ. Харин бид Улаанбаатар хотын музей байрладаг барилгыг танилцуулах гэж байна.

Оросын буриад худалдаачин Цогт Гармаевич Бадамжав (Цогтбадамжав) 1918-1919 онд өөрийн хувийн сууцанд зориулан бариулж, 1932 он хүртэл эхнэр хүүхдийн хамт амьдарч байв. Энэ байшинд 1921 оны долдугаар сарын 8-10-нд Намын төв хороо, Ардын түр засгийн газар, хашаанд нь Бүх цэргийн штаб байрлаж байв. 1930-аад оны үед тус байшинд Зөвлөлт-Тува Улсын элчин сайдын яам, 1946-1953 онд Д.Сүхбаатарын музей, 1953-1956 онд Хэвлэлийн төв газар, 1956 оноос өнөөг хүртэл Улаанбаатар хотын музей байрлаж байна.

Энэ байшин нь тухайн үед өвөрмөц хийцтэй, тохилог сууцын нэгд тооцогддог байсан бөгөөд Цогтбадамжав байшингийнхаа орой дээр Оросын хаан ширээ унасныг бэлгэдэн ширээ хөмрүүлэн, хөлийг дээш харуулан байрлуулсан нь өдгөө ч хэвээр хадгалагдан үлдсэн.

Тус байшингийн байрлаж байгаа газрыг түүхэн талаас нь авч үзвэл, Сэцэн хан аймгийн суурин жасааны дэнжийн баруун өмнөдөд байсан “Манж амбаны хороо”, Олноо өргөгдсөний үед Сангийн яамны байгууллагууд байрлаж эхэлсэнээс хойш “Сангийн яамны хороо” гэж нэрлэгдэж байсан эл хороонд XX зууны эхэн үед Цогтбадамжав, Юмтаровь нарын баячууд амьдардаг байжээ. 1960-аад оны үед Сүхбаатарын хорооны тавдугаар хорины нутаг дэвсгэрт, дараа нь Найрамдлын районы орон сууц гудамжны 16-р хорооны нутаг дэвсгэр тэр үеийн Лениний гудамжны 10 тоот хашаа байжээ. Өдгөө уг байшин нь Баянзүрх дүүргийн 15-р хорооны нутаг дэвсгэр, Энхтайвны өргөн чөлөөний 37 тоот байшин юм.

Бадамжавын байшинг түүхэн дурсгалт хэмээн үзэж анх БНМАУ-ын Сайд нарын Зөвлөлийн 1961 оны 524 дүгээр тогтоолоор улсын хоёрдугаар зэргийн хамгаалалтад авсан бол хамгийн сүүлд Засгийн газрын 2008 оны 175 дугаар тогтоолоор Улсын хамгаалалтад бүртгэн авсан.

City of nomads Улаанбаатар хотын албан ёсны цахим хөтөч

10/05/2023

Урин дулаан цаг ирж спортоор идэвхтэй хичээллэх, өдөр тутмын амьдралдаа дасгал хөдөлгөөн хийхэд нэн тохиромжтой үе ирсэн байгаа билээ. Гэр бүл, найз нөхөд, анги хамт олноороо чөлөөт цагаа зориулалтын спорт задгай талбайд өнгөрүүлбэл гоё биш гэж үү? Бид Улаанбаатар хотод байрладаг олон улсын стандарт бүхий томоохон спорт задгай талбайнуудыг танилцуулж байна.

Үндэсний цэцэрлэгт хүрээлэн
Үндэсний цэцэрлэгт хүрээлэн 183 га талбай ерөнхий төлөвлөгөө хийгдсэн Монголдоо цор ганц цогцолбор цэцэрлэгт хүрээлэн юм. Үндэсний цэцэрлэгт хүрээлэнгийн 30 га газарт төв талбайн тохижилт, усан оргилуур, дугуйн болон гүйлтийн зам, хөл бөмбөг, сагсан бөмбөг болон талбайн теннисийн талбай зэрэг спорт талбай тохижуулагдсан байдаг.

Чингэлтэй дүүргийн задгай талбай
Чингэлтэй уулын энгэр бэлд байрлах задгай талбай нь хөнгөн атлетик, хөл бөмбөгийн талбайтай. Хэмжээ нь 108х72 метр бөгөөд олон улсын стандартад нийцсэн хиймэл зүлгэн талбай, 400 метрийн тойрог бүхий гүйлтийн зам, дугуйн замтай.

15-р хорооллын талбай
Баянзүрх дүүргийн 4-р хороонд байрлах энэхүү талбай нь олон улсын стандартыг хангасан гүйлтийн зам, сагсан бөмбөг, хөл бөмбөг, волейболын талбай, хүүхдийн тоглоомын талбай, гүйлтийн зам зэрэг спортын иж бүрэн талбайтай.

CIty of nomad Улаанбаатар хотын албан ёсны цахим хөтөч

09/05/2023

Монгол Улсад гүйлтийн спортыг хөгжүүлэх, гүйлтээр хичээллэгч, сонирхогч иргэдийн тоог нэмэгдүүлэх, өсвөр, залуу үеийнхэнд бие бялдар, оюун санааны өв тэгш хүмүүжлийг төлөвшүүлэх зорилгоор “Улаанбаатар марафон” олон улсын гүйлтийн тэмцээнийг 2014 оноос уламжлал болгон зохион байгуулсаар ирсэн.

Энэ жил тус тэмцээнийг өдөрлөг хэлбэрээр НЗДТГ, Нийслэлийн биеийн тамир, спортын газар, “Хай пэймэнт солюшнс” ХХК /Hipay/, Монголын хөнгөн атлетикийн холбоо хамтран, автомашингүй өдөр буюу 6 сарын 3-ны бямба гарагт Д.Сүхбаатарын талбайд зохион байгуулахаар боллоо.

Тэмцээн өнгөрсөн жилүүдийн адил 1500 метр, 5000 метр, 10 км, 21 км, 42 км гэсэн гүйлтийн ангилалтай. Тодруулбал, 1500 метрийн гүйлтэд гэр бүлийн болон хөгжлийн бэрхшээлтэй иргэдийн гүйлт багтаж буй. Харин бүтэн марафон буюу 42 км-ийн зайд 18-аас дээш насны оролцогч, хагас марафон буюу 21 км-т 18-34, 35-54, 55-аас дээш насны оролцогч, эрүүл мэндийн гүйлт буюу 10 км, 5000 метрийн зайд 12-17 насныхан, 18-аас дээш насны оролцогч хамрагдах боломжтой.

“Улаанбаатар марафон-2023” олон улсын гүйлтийн онлайн бүртгэлийг тавдугаар сарын 30-ны 17:00 цаг хүртэл http://ubmarathon.hipay.mn цахим хуудас, hipay аппликэйшнээр хийх юм. Мөн марафон гүйлтийн таван км-ийн зайд оролцогчийн баталгаажуулалт, энгэрийн дугаар олголтыг нийслэлийн есөн дүүргийн Биеийн тамир, спортын хороод хариуцан ажиллана. Харин 42 км, 21 км, 10 км-ийн зайд оролцогчийн бүртгэлийг баталгаажуулж, энгэрийн дугаар, чип, футболк олгох ажлыг Нийслэлийн Биеийн тамир, спортын газарт зохион байгуулж байна. Түүнчлэн, эх үрсийн баярын өдрөөр гүйлтийн тэмцээнд оролцох хүсэлтэй хүүхэд, гэр бүлүүдийг үнэгүй бүртгэх аж.

City of nomads Улаанбаатар хотын албан ёсны цахим хөтөч

05/05/2023

Их хотын гудамжаар алхаж байхдаа амгалан тайван сууж буй эвээ, өвөөгийн хөшөөг харж байсан байх. Бид энэ удаа энэхүү "Эмээ, өвөө баримал"-ыг танилцуулж байна.

Хот чимэглэлийн зориулалттай энэхүү боржин чулуун баримлыг 1984 онд барималч Р.Энхтайваны эх загвараар бүтээсэн. Зохиогч энэхүү бүтээлийнхээ тухай: “Уг бүтээлийн анхны санаа нь эмээ, өвөөгийн нүүрийн хэсэг нь хэн нэгний бодит царай төрхийг харуулаагүй цулгуй байдлаар дүрслэгдсэн. Энэ нь хүмүүс уг баримлын дэргэд очоод хэн нэгний өвөө, эмээг биш, харин өөрийнхөө эмээ, өвөөг төсөөлж, бодоосой гэсэн санааг бүтээлдээ тусгахыг хүссэн” хэмээн ярьсан юм.

Хөшөөг одоогийн Б.Цэрэндоржийн гудамж буюу Фонтанд анх байрлуулсан бөгөөд Б.Цэрэндоржийн хөшөөг тус гудамжинд босгосны дараа 5 дугаар сургуулийн өмнө аваачсан. Харин сүүлд одоогийн байршилд буюу Ж.Самбуугийн гудамжинд шилжүүлэн байршуулсан байна.

City of nomads Улаанбаатар хотын албан ёсны цахим хөтөч

03/05/2023

Хаана хамгийн гоё боба уух уу?
Тайваниас гаралтай Bubble Tea буюу Боба нь 1980-аад оны эхээр үүссэн бөгөөд цагаачдаар дамжуулан Америкийн Нэгдсэн Улсад хүржээ. Энэ цагаас хойш дэлхий даяар алдартай болсон байна. Тус ундаа нь сүүлийн үед Монголчуудын дунд эрчимтэй танигдсан билээ. Ингээд бид Улаанбаатар хотын хамгийн гоё бобатай газруудыг танилцуулж байна. Хамт уух найзуудыгаа мэншион хийгээрэй.

Panda Bubble
Нэр шигээ эгдүүтэй гэмээр амттай бобагаар үйлчилдэг тус газар 2 салбартай.

ChaTime
Цайны төрөлжсөн олон улсын франчайз ChaTime-ийн албан ёсны эрхтэй Монгол улс дахь салбар мөн 2 салбартайгаар үйл ажиллагаагаа явуулж байна.

Dreamy Drinks
Хүүхэд залуусын дунд нэлээн алдартай байдаг Dreamy Drinks Улаанбаатар хотод 5 салбартай.

The Alley
Хэрвээ та Зайсан хиллд болзож, зугаалж байгаа бол The Alley-гаар үйлчлүүлэхэд тохиромжтой. Тэд маш олон төрлийн боба цайгаар үйлчилдэг.

KB Tea House
Энгийн болон амтат боба уух зүйлсээр үйлчлэхээс гадна таны харсан хамгийн сонирхолтой боба уух зүйлсээр тэд үйлчлэх болно. Иргэний үнэмлэхээ мартуузай.

Mochi Mochi
Mochi Mochi-гийн Rainbow Dream боба уух зүйлс таны харж байсан хамгийн гоё, өнгөлөх боба байх болно.

Unico Bubble Tea
Боба уух зүйлсээс гадна Unico Bubble Tea-гийн дотоод засал өөрийн эрхгүй таны харцыг булаана.

Boba Tea Station
Хэрвээ та, таны гэр бүл, найз BTS хамтлагт дуртай бол энэ газар таалагдана гэдэгт эргэлзэхгүй байна.

Kimdogg House
Хэрвээ та санаж байгаа бол энэхүү газар жантай гоймонгоороо алдартай бол тэд мөн гоё амттай боба уух зүйлсээр ч гэсэн үйлчилдэг.

City of nomads Улаанбаатар хотын албан ёсны цахим хөтөч