Friday news

05/11/2024

يوم كانت المليشيات تقتل "بالسنة" الكل تبارك،ولم يفتوا بحصر السلاح بيد الدولة!!! ساعتها ! ،واليوم خوفا من قيام الحلف الصهيوامريكااوربي قصفهم صار السلاح بيد المليشيات سلاحا منفلتا وصاروا يطالبون ان ينحصر السلاح بيد الدولة خشية ان يوجههوا سلاحهم ضد الكيان الصهيوني،فيغضب الصهاينة ويقصفوا الجميع !!!!
منقول بتصرف

05/11/2024

الچلب الاجرب!
ووضعنا السياسي.
چنت زغيرون ماواعي على اليجري حولي،كنا نسكن الريف ،وعدنه گلعه چبيرة وبيهه مفاتيل،وعدنه كومة چلاب اجلكم الله ،ليل ونهار دايحات بالديان،بس من يطگهن الجوع يجن،وعدنه چلب اجرب ! هذا لايهش ولاينش ونايم ليل ونهار بباب الگلعة بباب الديّر،جريب مراح الدواب،النسوان من يردن يطلعن يملن مي لو يحلبن الدواب،يضربنه حتى يطلعن يگوم شويه ويرد يرجع لنفس المكان. وعلى هالمامندي شبعان كفخات،بس جدتي ادافع عنه وتنطيه من خيريات الله والمسكين مايگدر ياكل فتحط ويه الخبز لبن ومرات حليب اذا تهيه،تصيح ،ولچن عيفنه خطية ،واشرف من ذنيچ الچلاب الدايحات وماكو بيهم فايده بس من يجوعن يجن،على الاقل نايم بثنية الباب خاف حرامي ذيب يطب على الحلال،الجرب اكل جسمه ومافاد وياه لانفط اسود ولاسماد تنور،گام ينونس وقل اكله ،ومن هجس نفسه يريد يموت سحب نفسه وره المفتول ،وره يومين فگدته جدتي بعد ماسمعت حسفله بالليل يم الدواب،وظلوا ينطرون الليل كله لمن طلع النهار،راحت توديله اچل ،مالگته صاحت مره مرتين ،اشوش اشوش!! ماكو جواب ،رجعت وصاحت يولوا شو هذا العواي ماكو دوروه،رحنه نركض بره افترينه وره الگلعة !!! لگيناه نايم بنگرة غميجه ويبسان،من صيد امس ،رجعنه نركض،،جده جده ،الچلب الاجرب ميت! صرخت لا ،ولكم وين ? وگالت راح تكثر الحرامية والواوية علينه! افترت عليه وشافته،وگالت سبحان الله يدري بنفسه محد يجرب عليه ويشيله نام بگبره،،ادفنوه ياجدي ادفنوه…
گالت شوفوا حتى الچلب الاجرب بيه فايدة احسن من ذيچ الچلاب الناصحة ودايحة بالعربان.
ثاني يوم دجاجات جدتي وامي وعماتي وفروخهن شلع قلع ماكو… وره اسبوع اللكشن الطليان.. ومن ذاك اليوم واحنه ننطر من الحرامية والذيابة والواوية ،ومسلوبه راحتنه ليل ونهار…
تره مرات ينفع الچلب الاجرب مو? .
القصد سياسي ،خلوهم يجتمعون في بغداد احنه نعرفهم بس بلكت يتهيه منهم مثل ماتهيه من چلبنه الاجرب...،
والرواية واقعية عشناها في السبعينات.

19/10/2024

19/10/2024

فيطي

19/10/2024

اسمعوا ،يحرض على طرد الجيش..

28/11/2023

الى الجهات الامنية ..

الى متى تبقى سيارة القفاصين اللصوص يدخلون للحي ويسرقون اموال العوائل الفقيرة بحجة الخروفين من اجل امراة زعلانه !!!،ثم يمسحون على كتف المساكين فيذهب ذلك المسكين من دون وعي ليجلب ما لديه من مال وبعض الاشخاص بالملايين مقابل خروف مريض لايساوي سعره 10 الاف دينار ،وعندما تذهب لمداخل الحي وتقول لهم القصة وعن مواصفات سيارة اللصوص ،يقول لك ان الكاميرات معطلة ! الكاميرات معطلة !!! اي الكاميرات معطلة صحيح !!!!

03/08/2023

القرص الخفي..