share positive ideas
02/25/2024
આજની રચના અનુભવ કાલના.
આજકાલ....
થાય વાત આપણી રોજ સવાર ને સાંજ,
પછી થાય એમ બદલાઈ ગયા કેમ? આજકાલ.
મન મારું માને નહિ થયા કરે આજ એક સવાલ,
મનાવી લ્યો તોય પણ મન માને નહિ આજકાલ.
હશે,એમ માની કરી લઈએ મીઠી યાદો ભરી વાત,
પછી ભલે ને થાય નહિ આપણી મુલાકાત આજકાલ
વિશ્વાસ ને સ્નેહની દોરીએ બંધાયા છે સંબંધ આપણાં,
સાચવી રાખજો નહિતર તૂટે છે કેટલા હૈયાં આજકાલ.
મળીશું આપણે એક દિ કુદરતના લખ્યા સરનામે,
ચાલો, અવિસ્મૃતિ કરી લઈએ એક બીજાને આજકાલ.
