دشتِ تنہائیِ ہجراں

  • Home
  • دشتِ تنہائیِ ہجراں

دشتِ تنہائیِ ہجراں شعراء کے اچھے، بہترین اشعار اور غزلیں.....!!!

!عرصہء ہجر میں آیا ہے جنم دن اُس کااور میں ہوں کہ بہت دور پڑا ہوں اُس سےہائے پسماندگیء کارِ محبت ہائےکس طرح نذر کروں تح...
16/01/2023

!

عرصہء ہجر میں آیا ہے جنم دن اُس کا
اور میں ہوں کہ بہت دور پڑا ہوں اُس سے

ہائے پسماندگیء کارِ محبت ہائے
کس طرح نذر کروں تحفہء جاں اُس کے حضور

تیرے پسماندہ کو اک لمحہء اظہار کی خیر
کاش اس وقت کے کیسے سے عطاء ہوجاتی

وہ سیہ آنکھیں در خستہ سے لپٹی ہوں گی
اور آہٹ کی تمنا سے مچلتے ہوئے کان

اُس کی قندیل کے گرتے ہوئے موٹے آنسو
کہہ رہے ہوں گے ہمیں پھونک سے روکا جائے

اُس کے ہونٹوں پہ تبسم تو نہیں ہے امشب
اور گلو خشک ہے گالوں پہ نمی ہے شاید

اُس کی دنیا میں ہمیشہ کی طرح آج کی رات
مجھ سے ہجرت زدہ شاعر کی کمی ہے شاید

میری دوشیزہء نوخیز مبارک ہو تجھے
23ویں سال کی اِس پہلی شبِ ہجر کا ہار

میں نے دینی تھی اُسے عمر درازی کی دعا
وہ محبت کے اسیروں میں کھڑی ہے آصف

اجنبی شہر کی بوسیدگی کہتی ہے مجھے
ایسی رخصت سے ہزیمت ہی بھلی ہے آصف

آصف محمود

14/11/2022

تجھ کو بھی چھوڑ کے جائے ترا اپنا کوئی
تو بھی اک روز مکافات کا مطلب سمجھے

کومل جوئیہ

09/10/2022

موت اس بار دُعا دے کے گئ ہے مجھ کو
نعت کہنے کی تمنا میں جیو جیتے رہو
سلیم کوثر
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میں سُناتا ہوں تمہیں نعت سنو، جیتے رہو
اورسب مل کے مرے ساتھ پڑھو جیتے رہو
سا حلِ سیّدِ کو نین کی جا نب آؤ
سیلِ گردابِ زمانہ سے بچو جیتے رہو
حشر کی دھوپ کا اندازہ نہیں ہو سکتا
سایہء گُنبدِ خضریٰ میں رہو جیتے رہو
موج دَر موج درودوں کی مہک آنے لگے
قلزمِ دل میں کچھ اسطرح بہو، جیتے رہو
ہم سےکہتی ہے اذاں نیند سے بہتر ہے نماز
نیند کے جاگتے خیموں سے اُٹھو جیتے رہو
موت اس بار دُعا دے کے گئ ہے مجھ کو
نعت کہنے کی تمنا میں جیو جیتے رہو
ایک آواز مسلسل مجھے آتی ہے سلیم
حمد پڑھتے رہو اور نعت لکھو جیتے رہو

21/05/2022

اگرچہ تجھ سے بہت اختلاف بھی نہ ہوا
مگر یہ دل تری جانب سے صاف بھی نہ ہوا

تعلقات کے برزخ میں ہی رکھا مجھ کو
وہ میرے حق میں نہ تھا اور خلاف بھی نہ ہوا

عجب تھا جرم محبت کہ جس پہ دل نے مرے
سزا بھی پائی نہیں اور معاف بھی نہ ہوا

ملامتوں میں کہاں سانس لے سکیں گے وہ لوگ
کہ جن سے کوئے جفا کا طواف بھی نہ ہوا

عجب نہیں ہے کہ دل پر جمی ملی کائی
بہت دنوں سے تو یہ حوض صاف بھی نہ ہوا

ہوائے دہر ہمیں کس لیے بجھاتی ہے
ہمیں تو تجھ سے کبھی اختلاف بھی نہ ہوا

پروین شاکر

Parveen Shakir - پروین شاکر

03/05/2022

کوئی مجبوری تھی اس کی یا کوئی اور وجہ
عید کے دن بھی مجھے کال نہیں کی اس نے

Sajjad Katib

03/05/2022

اسے یہ عید مبارک کہ جس کی آنکھوں میں
کسی وصال کی خوشبو کسی ملن کی چمک
اسے یہ عید مبارک کہ جس کے چہرے پر
کسی کے قرب کی حدت کسی نظر کی لپک
اسے یہ عید مبارک کہ جس کے ہاتھوں میں
کسی کے نام کی مہندی کسی دعا کی شفق
اسے یہ عید مبارک کہ جس کے آنگن میں
خوشی کا رقص،تمنا کا راگ،سکھ کی للک

ہمیں نہ دو یہ مبارک کہ ہم اسیرِ وفا
ہمیں نہ دو یہ مبارک کہ ہم قتیلِ انا
ہمیں نہ دو یہ مبارک کہ ہم امینِ عزا
ہمیں نہ دو یہ مبارک کہ ہم رہینِ جفا

خوشی سے درد کا صدقہ اتار لیتے ہیں
یہ دن بھی سوگ مناتے گزار لیتے ہیں۔

احمد فرہاد

03/05/2022

ہم تو بس یونہی یہ بیکار سا دن کاٹتے ہیں
عید اُس شخص کی ہے جس کو میسر تُو ہے

میثم علی آغا

02/05/2022

خود کو بازو کے سہارے سے سنبھالا ہو گا
ایک ’’ بے بس ‘‘ کی قسم یاد دلائی ہو گی

عقل بولی کہ نہیں عید صنم کی ایسے
دل بضد ہے کہ نہیں ایسے ہی آئی ہو گی

شہزاد قیس

02/05/2022

’’ کس کی یاد عید پہ رکھتی ہے اداس اتنا تمہیں‘‘ ؟
امی کا کہہ کے وہیں بات گھمائی ہو گی

قبر احساس کی دل میں کوئی ٹُوٹی ہو گی
سُرخ ، اُداس آندھی خیالات پہ چھائی ہو گی

شہزاد قیس

02/05/2022

ہاتھ پر نام مرا ہلکی حنا سے لکھ کر
اس پہ حسرت میں گندھی منہدی چڑھائی ہوگی

اپنے پلّو سے مری یاد کو پونچھا ہو گا
جھوٹے غازے کی ہنسی رُخ پہ سجائی ہو گی

شہزاد قیس

02/05/2022

آخری روزہ بھی اشکوں سے ہی کھولا ہو گا
چاند نے غم کی جھڑی دل میں لگائی ہو گی

عید کے روز پریشاں نے اذاں سنتے ہی
مشرقی کونے میں اک شمع جلائی ہو گی

شہزاد قیس

02/05/2022

عید اِس بار جو پردیس میں آئی ہو گی
یار نے ہچکیاں لے لے کے منائی ہو گی

چاند بھی بام پہ ماتم کناں آیا ہو گا
بزمِ غم قطبی ستارے نے سجائی ہوگی

شہزاد قیس

02/05/2022

جس طرح بھیک میں دیتا ہے محبت وہ شخص
سوچتا ہوں کہ مرے ہاتھ میں کاسہ تو نہیں

کیوں مری پیاس پہ حیرت ہے زمانے بھر کو
میں بھی انسان ہوں دریا کا نواسہ تو نہیں

اسامہ خالد

13/04/2022

کاغذ پہ ایک نام اتارا تھا، اور بس
پھر ہم تھے اور قبیلہ ہمارا تھا،اور بس

ماتھے پہ اس کا لمس تھاھاتھوں میں اک گلاب
دشوار زندگی کا اشارہ تھا اور بس

منظر تھا ڈوبتے ہوۓ سورج کا،اور میں
دریا میں ایک عکس تمہارا تھا اور بس

ہم تھے کہ پاگلوں کی طرح بھاگتے رہے
اس کی طرح کسی نے پکارا تھا اور بس

دل میں تمہاری یاد ،اماوس کی رات تھی
ہمراہ میرے ایک ستارہ تھا اور بس

پھر اس کے بعد راستہ خوشبو میں کٹ گیا
کچھ وقت اس کے ساتھ گزارا تھا اور بس

وہ مضطرب کہ عشق میں نقصان ہی نہ ہو
ہم مطمئن کہ جاں کا خسارہ تھا اور بس

ہر خواب محو خواب رہا عمر بھر حرا
نیندوں پہ رتجگوں کا اجارہ تھا اور بس

حرا رانا

25/02/2022

آخری بار وہ اس شان سے بچھڑا تھا کہ پھر
اٌس سے ملنے کو کبھی دل نہیں مانا اپنا

رام ریاض

15/01/2022

تمہاری سالگرہ پر​

یہ چاند اور یہ ابرِ رواں گذرتا رہے​

جمالِ شام تہہ آسماں گزرتا رہے​

بھرا رہے تری خوشبو سے تیرا صحنِ چمن​

بس ایک موسمِ عنبر فشاں گزرتا رہے​

سماعتیں ترے لہجے سے پھول چنتی رہی​

ںدلوں کے ساز پہ تو نغمہ خواں گزرتا رہے​

خدا کرے تری آنکھیں ہمیشہ ہنستی رہیں​

دیارِ وقت سے تو شادماں گزرتا رہے​

میں تجھ کو دیکھ نہ پاؤں تو کچھ ملال نہیں​

کہیں بھی ہو' تو ستارہ نشاں گزرتا رہے​

میں مانگتی ہوں تری زندگی قیامت تک​

ہوا کی طرح سے تو جاوداں گزرتا رہے​

مرا ستارہ کہیں ٹوٹ کر بکھر جائے​

فلک سے تیرا خطِ کہکشاں گزرتا رہے​

میں تیری چھاؤں میں کچھ دیر بیٹھ لوں​

اور پھرتمام راستہ بے سائباں گزرتا رہے​

یہ آگ مجھ کو ہمیشہ کئے رہے روشن​

مرے وجود سے تو شعلہ ساں گزرتا رہے​

میں تجھ کو دیکھ سکوں آخری بصارت تک​

نظر کے سامنے بس اک سماں گزرتا رہے​

ہمارا نام کہیں تو لکھا ہوا ہوگا​

مہ ونجوم سے یہ خاکداں گزرتا رہے​

میں تیرا ساتھ نہ دے پاؤں پھر بھی تیرا سفر​

گلاب و خواب کے ہی درمیاں گزرتا رہے​

میں تیرے سینے پہ سر رکھ کے وقت بھول گئی​

خیالِ تیزئ عمرِ رواں گزرتا رہے​

شاعرہ : پروین شاکر

14/01/2022

ہر گھڑی اک جدا غم ہے جدائی اس کی​
غم کی میعاد بھی وہ لے گیا جاتے جاتے

اِک موجہٓ صہباےٓ جُنوں تیز بہت ہے​اِک سانس کا شیشہ ہے کہ لبریز بہت ہے​​کُچھ دِل کا لہو پی کے بھی فصلیں ہُوئیں شاداب​کُچھ...
28/12/2021

اِک موجہٓ صہباےٓ جُنوں تیز بہت ہے​
اِک سانس کا شیشہ ہے کہ لبریز بہت ہے​
​
کُچھ دِل کا لہو پی کے بھی فصلیں ہُوئیں شاداب​
کُچھ یوں بھی زمیں گاوٓں کی زرخیز بہت ہے​
​
پلکوں پہ چراغوں کو سنبھالے ہوئے رکھنا​
اِس ہِجر کے موسم کی ہوا تیز بہت ہے​
​
بولے تو سہی ، جھوٹ ہی بولے وہ بَلا سے​
ظالم کا لب و لہجہ دل آویز بہت ہے​
​
کیا اُس کے خدوخال کُھلیں اپنی غزل میں​
وہ شہر کے لوگوں میں کم آمیز بہت ہے​
​
محسؔن اُسے ملنا ہے تو دُکھنے دو یہ آنکھیں​
کچھ اور بھی جاگو کہ وہ ’’شب خیز‘‘ بہت ہے​.

Address


Telephone

+923309512721

Website

Alerts

Be the first to know and let us send you an email when دشتِ تنہائیِ ہجراں posts news and promotions. Your email address will not be used for any other purpose, and you can unsubscribe at any time.

Videos

راحت اندوری
راحت اندوری

Ammar iqbal poetry
Ammar iqbal poetry

سب تماشائے کُن ختم شُد کہہ دیااس نے بس اور بس #ammar_iqbal

Rip rahat indori
Rip rahat indori

#rahatindori

Covid 19
Covid 19

#COVID19

میرے نیلم کی ماتم کناں بستیاں
میرے نیلم کی ماتم کناں بستیاں

آزادکشمیر کے نوجوان اور انقلابی شاعر اسلم رضا خواجہ کی بہترین تخلیق

یہ کس نے ہم سے لہو کا خراج پھر مانگا
یہ کس نے ہم سے لہو کا خراج پھر مانگا

محسن نقوی کی بہترین غزل

دل بھی ہمارا ٹوٹے
دل بھی ہمارا ٹوٹے

اسلم رضا
اسلم رضا

جن سے مزدور کے خوابوں کا دھواں اٹھتا ہے ایسے سرمائے کے ڈھیروں کا برا چاہتے ہیں چند لوگوں کی جلن سے مجھے کیا ہونا ہے یار گیدڑ بھی تو شیروں کا برا چاہتے ہیں اسلم رضا

اسلم رضا خواجہ
اسلم رضا خواجہ

اک گریۂ پیہم ہے مری جاں پہ بنی ہے سانسیں ہیں کہ سینے میں یہ زنجیر زنی ہے اک عشق کا سورج ہے بلاتا ہے شب وروز اک عقل کی تلوار مرے سر پہ تنی ہے میں رات کی سولی کا ہوں بےخواب مسافر تم خوش ہو مری جان مری جاں پہ بنی ہے ہر وقت فقط تیری ستائش کا ہے طالب کیا دل ہیکہ تحسین دو عالم سے غنی ہے بے وجہ کوئی سر کبھی اونچا نہیں رہتا گردن نہیں کاندھوں میں یہ نیزے کی انی ہے

غلام حیدر کرار ہوں مجھ سے الجھنا مت اگر میں ضد پہ آ جاؤں سمندر راکھ ہو جائے اسلم رضا

#اسلم رضا خواجہ
#اسلم رضا خواجہ

وہ جھوٹ بولتا ہے وکیلوں کے سامنے قربان کیوں نہ جائیے اس اعتماد پر جن کو خبر نہیں ہے وضو کے معاملات وہ تجزیہ کریں گے صلات و جہاد پر اسلم رضا

غزل محسن نقوی صاحب
غزل محسن نقوی صاحب

آہٹ سی ہوئی تھی نہ کوئی برگ ہِلا تھا.... #محسن_نقوی #parii

Shortcuts

  • Address
  • Telephone
  • Alerts
  • Videos
  • Claim ownership or report listing

  • Want your business to be the top-listed Media Company?

Share