27/08/2022
Японы засгийн газар есдүгээр сарын сүүлээр болох Ерөнхий сайд асан Абэ Шинзог оршуулах ёслолын зардлыг албан ёсоор батлах юм. Абэ долдугаар сарын 8-нд Японы баруун хэсгийн Нара хотод Дээд танхимын сонгуульд нэр дэвшигчийн төлөө илтгэл тавьж байхдаа буудуулж амиа алдсан билээ. Токиогийн Ниппон Будокан ордонд есдүгээр сарын 27-нд ёслолын арга хэмжээг зохион байгуулахаар төлөвлөж байгаагаа засгийн газар мэдэгдэв.
Засгийн газар гашуудлын ёслолд оролцох хүмүүсийн тоо, тэр дундаа гадаадын нэр хүндтэй хүмүүсийн нэрсийг гаргаж тооцоолжээ. Эх сурвалжууд NHK-д мэдээлснээр, засгийн газар ёслолд 6400 хүртэл хүнийг албан ёсоор урьж оролцуулах хувилбарын дагуу бэлтгэл ажлыг эхлүүлсэн байна. Энэ тоо есдүгээр сарын эхээр эцэслэж бататгана.
Хэрэв энэ тоо батлагдвал ерөнхий сайд асан Ёшида Шигэрүг оршуулах ёслолд оролцсон хүмүүсийн тооноос илүү байх болно. Ниппон Будокан хотод 55 жилийн өмнө болсон ёслолд 6200 гаруй хүн Ёшидатай салах ёс гүйцэтгэсэн байна.
Засгийн газар мөн аюулгүй байдлын журам, коронавирусийн эсрэг авах арга хэмжээний талаарх хэлэлцүүлгийг хурдасгах ёстой. Оршуулгын бүх зардлыг улсын төсвөөс гаргана.
