05/05/2023
ຊົມເຊີຍ ຊົມເຊີຍ👏
ເຫດການຄົນຖືກຍິງ ໃນວັນທີ 29 ເມສາ 2023 ເຈົ້າໜ້າທີ່ສັນນິຖານເບື້ອງຕົ້ນ ອາດເປັນຍ້ອນຂໍ້ຂັດແຍ້ງດ້ານທຸລະກິດ ຫຼື ຂໍ້ຂັດແຍ້ງບັນຫາຊູ້ສາວ.
ພັນເອກ ອຸບົນ ຈຸນລະມະນີ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ໄດ້ຖະແຫຼງກ່ຽວກັບເຫດການຄົນຖືກຍິງໃນຄັ້ງວັນທີ 29 ເມສາ 2023 ຕໍ່ສື່ມວນຊົນ ປກສ ວັນທີ 5 ພຶດສະພາ 2023 ນີ້ວ່າ:
ເວລາ 23 ໂມງ ຂອງວັນທີ 29 ເມສາ 2023 ໄດ້ຮັບແຈ້ງຄວາມຈາກອົງການປົກຄອງບ້ານ, ທາງເຈົ້າໜ້າທີ່ວິຊາສະເພາະສືບສວນ-ສອບສວນ ປ້ອງກັນຄວາມສະຫງົບ ນະຄອນຫຼວງວຽງຈັນ ໄດ້ລົງປະສານສົມທົບກັບພາກສ່ວນທີ່ກ່ຽວຂ້ອງ ເພື່ອລົງກວດກາສະຖານທີ່ເກີດເຫດດັ່ງກ່າວ.
ຜ່ານການສືບສວນ-ສອບສວນ, ເກັບກຳຂໍ້ມູນຂອງເຈົ້າໜາທີ່ຢູ່ສະຖານທີ່ເກີດເຫດ ຈຶ່ງຮູ້ໄດ້ວ່າ ມີເຫດການຄົນຖືກຍິງແທ້ ແລະ ມີຜູ້ບາດເຈັບ 1 ຄົນຊື່ທ້າວ ອານຸຊາ ຫຼວງສຸພົມ ຫຼື ແຈັກ ອາຍຸ 24 ປີ ເຊື້ອຊາດ-ສັນຊາດ ລາວ, ແລ້ວໄດ້ ນຳສົ່ງຜູ້ທີ່ໄດ້ຮັບບາດເຈັບໄປປິ່ນປົວຢູ່ໂຮງໝໍ.
ຕໍ່ກັບເຫດການດັ່ງກ່າວ ເຈົ້າໜ້າທີ່ສັນນິຖານເບື້ອງຕົ້ນ ອາດເປັນຂໍ້ຂັດແຍ້ງດ້ານທຸລະກິດ ຫຼື ຂໍ້ຂັດແຍ້ງບັນຫາຊູ້ສາວ.
ມາຮອດປັດຈຸບັນທາງເຈົ້າໜ້າທີ່ ໄດ້ສືບຕໍ່ດຳເນີນສືບສວນ-ສອບສວນ ແລະ ເກັບກຳຂໍ້ມູນຫຼັກຖານຕາມຂັ້ນຕອນຂອງກົດໝາຍ.
ສ່ວນຜູ້ທີ່ໄດ້ຮັບບາດເຈັບແມ່ນຍັງສືບຕໍ່ປີ່ນປົວຢູ່ໂຮງໝໍ ເຊິ່ງບໍ່ທັນສາມາດໃຫ້ການຕໍ່ເຈົ້າໜ້າທີ່ໄດ້; ຈາກເຫດການທີ່ກ່າວມາຂ້າງເທິງນັ້ນ ຂໍໃຫ້ສັງຄົມພິຈາລະນາ, ຮັບຟັງຂ່າວສານຢ່າງມີເຫດຜົນ.
#ຂ່າວພາຍໃນລາວພັດທະນາ #ປກສຖະແຫລງຂ່າວເຫດຍິງກັນ
_______@_______
ສະໜັບສະໜູນຂ່າວໂດຍ:
ບໍລິສັດ ອາລີອັນສ ປະກັນໄພລາວ ໂທ: 021 215 903
ທະນາຄານພັດທະນາລາວ 021 213 300
____@_____
ຂ່າວອື່ນໆ >> www.laophattananews.com
Youtube: www.youtube.com/channel/UCfSwYXQ8r6NOMO_vlp7bZYw
Twitter: https://twitter.com/laophattana
Instagram: https://www.instagram.com/lao_phattana_news/
Tiktok: https://www.tiktok.com/
ສົນໃຈລົງໂຄສະນາໂທ: 020 9999 7139
ຕິດຕໍ່ຫານັກຂ່າວໂທ: 020 2345 0088
