Sof.uz - Соф хабарлар

Home
Sof.uz - Соф хабарлар

Sof.uz - Соф хабарлар Sof.uz жаҳонда ва Ўзбекистонда банк, молия, иқтисодиёт соҳасидаги энг сўнгги, сифатли хабарлар билан

02/03/2023

Январь ойида Ўзбекистон банклари 1 трлн сўм соф фойда олган

2023 йилнинг январь ойида Ўзбекистон банклари 10,7 трлн сўмлик даромад олди. Бу ҳақда Марказий банк матбуот хизмати хабар қилди.

Қайд этилишича, январь ойида фоизли даромадлар 6,2 трлн сўмни, фоизсиз даромадлар эса 4,5 трлн сўмни ташкил этган (https://uzreport.news/finance/yanvar-oyida-o-zbekiston-banklari-1-trln-so-m-sof-foyda-oldi).

Шунингдек, фоизли харажатлар 3,9 трлн сўм, фоизсиз харажатлар эса 758 млрд сўм бўлган.

Банклар январь ойида 1 трлн сўм соф фойда кўрган. Бу 2022 йилнинг мос даврига нисбатан 258 млрд сўмга кўпроқ.

Бундан ташқари, банклар 280 млрд сўмлик фойда солиғини тўлаган. Бу ўтган йилга нисбатан 110 млрд сўмга кўп.

02/03/2023

ҚҚС 15 фоиздан 12 фоизга туширилиши нархларнинг тегишли равишга тушишига олиб келмаган

Таҳлил учун ҚҚС тўловчи ва асосан расмий иш юритувчи ҳисоблангани сабабли миллий супермаркетлар нархлари асос қилиб олинди. Жумладан, 97 турдаги 3754 та истеъмол товарлари бўйича тўрт ойлик статистика дата-сcрапинг йўли билан юклаб олинди. Ҳар бир товар тури бўйича декабрь ва январь ойларида нархлар ўртасидаги ўзгариш (treatment group) ноябрь-декабрь ва январь-февраль ойларидаги нархлар ўзгариши (control group) билан солиштирилди.

ҚҚСнинг туширилиши нархлар даражасига таъсир этмаганлигининг асосий сабаблари қаторига қуйидагиларни киритиш мумкин:

- Бозорларда тегишли равишда рақобат муҳитининг шаклланиб улгурмагани;

- Нархларга таъсир этувчи бошқа асосий омиллар (доллар курси, қайта молиялаш ставкаси, пул массаси ва б.) таъсир кучининг ошиб бориши.

Батафсил: https://sof.uz/95bg

02/03/2023

ДХХнинг собиқ биноси ўрнида меҳмонхона қурилади

Тошкентда Radisson Collection Hotel, Tashkent премиум-класс меҳмонхонаси очилади.

Radisson Hotel Group компанияси "Metropol Group" МЧЖ билан 164 ўринли меҳмонхонани очиш бўйича битим имзолаган.

22 қаватли меҳмонхона 2026 йилда очилиши режалаштирилган бўлиб, Тошкент марказидаги Сайилгоҳ кўчасида жойлашган Давлат хавфсизлик хизматининг собиқ биноси ўрнида барпо этилади.

15/02/2023

Қозоғистоннинг ҳар бир янги туғилган фуқароси табиий ресурслардан тушган даромаднинг бир қисмини олади — лойиҳа

Ҳисоб туғилганда автоматик равишда очилади ва ҳар йили табиий ресурсларни қазиб олишдан олинган маблағлар билан тўлдирилади. Вояга етганидан кейин улар уй-жой ёки таълимга сарфланиши мумкин.

Автоматик ҳисобварақ очиш учун Адлия вазирлигининг маълумотлар базасидан фойдаланилади. Ҳисобни тўлдириш ҳар йили 1 январдан, бола 18 ёшга тўлгунга қадар амалга оширилади. Ҳисобдан пул маблағларини фақат вояга етганидан кейин ишлатиш мумкин бўлади. Ҳисобдаги маблағлар солиқлардан озод қилинади.

Ҳисобдан тўловлар долларда ва фақат мақсадли эҳтиёжлар учун - таълим ёки уй-жой сотиб олиш учун амалга оширилади.

18 ёшга тўлгач, ҳисобдаги маблағлар 5-10 йил давомида сақланади. Агар улар талаб қилинмаса, уларни пенсия ҳисобварағига ўтказиш таклиф этилади.

Батафсил: https://sof.uz/u9a8

13/02/2023

Credit Suisse Швейцариядаги Россия активларининг учдан биридан кўпроғини музлатиб қўйди

Банк Credit Suisse Швейцарияда рўйхатга олинган Россия активларининг учдан биридан кўпроғини музлатиб қўйди, деб ёзади SonntagsZeitung банкдан олинган маълумотларга таяниб.

Нашр маълумотларига кўра, Швейцарияда жами Россиянинг қарийб 50 миллиард долларлик активлари декларация қилинган. Улардан тахминан 19 миллиард доллар блокланган ёки музлатилган. Шу билан бирга, атиги тўрт миллиард долларга яқин маблағ Берн санкциялари остида қолган шахсларга тегишли.

13,6 миллиард доллар миқдоридаги қолган активлар, гарчи Швейцария санкцияларига дуч келмаса ҳам, музлатилган. Ушбу маблағлар Россия Марказий банк ва бошқа мамлакатларда санкциялар остида бўлган шахсларга тегишли бўлиши мумкин.

13/02/2023

Ташаббусли бюджет жараёни 2023 йил 1-мавсум доирасида келиб тушган 15 928 та лойиҳалар юзасидан ҳудудлар ва соҳалар кесимида маълумот (13 февраль 10:00 ҳолатига)

Таклифларингизни openbudget.uz портали орқали рўйхатдан ўтган ҳолда киритинг ва кўплаб лойиҳаларнинг жамиятимиз ҳаётига татбиқ этилишида ўз ҳиссангизни қўшинг.

"Очиқбюджет" ахборот портали орқали рўйхатдан ўтиш ва таклиф киритиш жараёни юзасидан видео қўлланма билан қуйидаги ҳавола орқали танишишингиз мумкин.

13/02/2023

Европа Иттифоқининг янги санкциялар пакети Россиянинг тўртта банкига таъсир қилиши мумкин

Европа Иттифоқи сиёсатчилари Россия Федерациясига қарши санкцияларнинг ўнинчи пакетига тўртта Россия банкини киритишлари мумкин. Бу ҳақда расмий манбаларга таяниб Politico нашри хабар бермоқда.

Таъкидланишича, гап "Альфа-Банк" ҳақида ҳам кетмоқда.

Бундан ташқари, Европа Иттифоқи Россия резина ва битумини Европага олиб киришга, шунингдек, айрим товарлар, хусусан, юк машиналари ва қурилишда фойдаланиладиган машиналар экспортига тақиқ жорий қилмоқчи.

Янги санкциялар ҳарбий мақсадларда ишлатилиши мумкин бўлган электрон компонентлар экспортига ҳам таъсир қилиши мумкин.

09/02/2023

Алишер Навоий миллиардер бўлганми?

Атоқли ўзбек мутафаккири Алишер Навоий ҳақида билмаган ўзбек топилмаса керак. Зеро, у бутун турк дунёсининг “шамс ул-миллат”и яъни миллат қуёши деб эътироф этилгани ҳам бежизга эмас.

Бугун биз сиз билан мутафаккир шоир Алишер Навоий шахсиятига иқтисодий ракурсдан қараб баҳо берамиз.

Бертелснинг маълумот беришича, Ҳазрат Навоийнинг 1 кунлик даромади – 75 000 (етмиш беш минг)динор бўлган. Шундан 15 000 (ўн беш минг)динорини харажат қилган.

Батафсил: https://sof.uz/d7d1

07/02/2023

Ўзбекистоннинг олтин-валюта захиралари қарийб 36 млрд долларга етди

1 февраль ҳолатига кўра, Ўзбекистоннинг олтин-валюта захиралари бир ой давомида 174 миллион долларга ошиб, 35,9 миллиард долларни ташкил қилган.

Ўзбекистоннинг олтин-валюта захиралари қарийб 36 миллиард долларни ташкил этди. Бу ҳақда Марказий банк матбуот хизмати хабар берди.

Маълум қилинишича, 1 февраль ҳолатига кўра, Ўзбекистоннинг олтин-валюта захиралари бир ой давомида 174 миллион долларга ошиб, 35,9 миллиард долларни ташкил қилган.

Батафсил: https://sof.uz/amwh

07/02/2023

Туркиядаги зилзила туфайли нефть нархи ошди

Brent маркали нефтнинг апрель фьючерслари нархи 7 февралдаги савдолар чоғида бир баррели учун 82 доллардан (деярли бир фоиз) ошди, дея хабар бермоқда Қитъалараро биржа.

Янгилик ёзилаётган вақтда Brent бир баррель учун 82,34 долларга тенг эди. Нефть нархи 6 февралда бир баррель учун деярли 79 долларга тушганидан кейин иккинчи кун кетма-кет қимматлашди. Туркия кучли зилзилалар сабабли Jeyhan экспорт терминалига ёқилғи етказиб беришни тўхтатгани сабабли нархларга таъминотдаги мумкин бўлган ўзгаришлар таъсир кўрсатмоқда.

Шунингдек, ўсиш Саудия Арабистонининг давлат нефть-газ компанияси Saudi Aramco кутилмаганда Осиё, Европа ва АҚШдан келган харидорлар учун март ойида нефть сотиш нархини оширгани билан боғлиқ.

Айни пайтда Американинг йирик инвестиция банки Goldman Sachs 2024 йилга келиб жаҳон бозорида ишлаб чиқариш қуввати етишмаслиги сабабли нефть тақчиллигини башорат қилди.

07/02/2023

Давлат дастури лойиҳаси: 27 та профессионал таълим муассасалари ўқитувчиларининг ойлик маошлари 20 фоизга оширилади

Ҳужжатга кўра, 2023/2024 ўқув йилидан бошлаб республиканинг барча вилоятлари ва Тошкент шаҳрида бошланғич синф ўқувчиларини бепул овқат билан таъминлаш йўлга қўйилади. 2023 йил 1 апрелдан бошлаб 27 та профессионал таълим муассасалари ўқитувчиларининг ойлик маошлари 20 фоизга оширилиб, ўртача 3 млн сўмга тенг бўлади.

2023 йилда жамоатчилик фикри асосида шакллантириладиган лойиҳаларни молиялаштириш учун Давлат бюджетидан 8 триллион сўм, шундан “Обод қишлоқ” ва “Обод маҳалла” дастурлари учун 4 триллион сўм йўналтирилади.

2023 йил 1 июлдан бошлаб, “Маҳалла бюджети” тизимини барча туманлар ва шаҳарларда жорий этиш орқали маҳаллаларга ўз муаммосини мустақил ҳал этиш ҳамда ижтимоий лойиҳаларни амалга ошириш учун 800 миллиард сўмгача маблағ йўналтирилади.

Батафсил: https://sof.uz/q97

28/01/2023

РБC: Россиядан Қозоғистон ва Грузияга пул ўтказмалари рекордларни янгилади

РБC хабарига кўра, ўтган йили Россиядан Қозоғистон, Грузия, Ўзбекистон, Арманистон ва Қирғизистонга пул ўтказмалари рекорд даражага етган. Бундай хулоса банклар "Золотая Корона", "Unistream" ва "Contact" пул ўтказмалари тизимлари орқали амалга оширилган пул ўтказмаларини ҳисобга олган ушбу мамлакатлар марказий банкларининг статистик маълумотларига асосланиб хабар қилинмоқда.

Мақолада айтилишича, ўтган йили Россиядан Қозоғистонга 357 миллиард тенге ёки қарийб 775,4 миллион доллар ўтказилган. Қозоғистон Миллий банки статистикаси бу камида 2014 йилдан бери рекорд кўрсаткич эканлигини кўрсатмоқда. 2021 йилга нисбатан Россиядан Қозоғистонга ўтказмалар ҳажми 6,8 баробарга ошди.

2022 йилда Грузия Россиядан 2 миллиард долларга яқин маблағ олди. Бу 2012 йилдан бери минимал кўрсаткичдан буён энг юқори кўрсаткичдир, деб ёзади "РБК" Грузия Марказий банки маълумотларига таяниб. 2021 йилга нисбатан Россиядан Грузияга ўтказмалар ҳажми 5 баробар ошди.

Батафсил: https://sof.uz/jmpu

28/01/2023

Ўзбекистонда ўртача иш ҳақи салкам 4 миллион сўмга кўтарилди

Ўзбекистонда 2022 йилда номинал ҳисобланган иш ҳақи салкам 3,9 миллион сўмга етди. Бу 2021 йилга нисбатан 21,1 фоизга кўпдир, дея хабар беради Давлат статистика қўмитаси.

Ҳисобланган иш ҳақи миқдорини баҳолашда унинг амалдаги қонун ҳужжатларига мувофиқ солиқлар ва бошқа тўловларни ўз ичига олишини ҳисобга олиш керак.

Турли ҳудудларда иш ҳақи 3,9 миллион сўмдан юқори ёки паст бўлиши мумкин. Масалан, Тошкент шаҳрида ўртача иш ҳақи 6,3 миллионни ташкил этади (2021 йилга келиб +28,2 фоиз). Бу энг юқори кўрсаткич. Навоий вилоятида бу кўрсаткич пойтахтдагидан паст – 5,1 миллион (+11,9 фоиз). Энг кам ўртача иш ҳақи Фарғона вилоятида қайд этилган – 2,9 миллион сўм (+18,8 фоиз).

Батафсил: https://sof.uz/vea

28/01/2023

Ўзбекистон ялпи ички маҳсулоти 80 миллиард доллардан ошди

2022 йилда Ўзбекистон иқтисодиёти 5,7 фоизга сезиларли ўсишни кўрсатди.

Давлат статистика қўмитаси маълумотларига кўра, иқтисодиёт ўсишидан сўнг мамлакатимиз ялпи ички маҳсулоти 80,3 миллиард долларга етди, бу 2021 йилга нисбатан 11 миллиард долларга кўпдир. Бу вақт ичида долларнинг ўртача курси 11 051,2 долларни ташкил қилди.

Бу ўсиш ҳам аҳоли жон бошига ялпи ички маҳсулотнинг ўсишига олиб келди ва жорий нархларда 24,9 миллион сўмга ёки 2255 долларга етди ва ўсиш суръати 3,5 фоизни ташкил этди. Бир қатор халқаро экспертлар Ўзбекистон иқтисодиётидаги вазиятни ташқи муаммолар фонида ижобий баҳолаган.

28/01/2023

“Метан заправка”лар оммавий сотувга қўйила бошланди(ми)?

Ижтимоий тармоқларда “Метан заправка”лар оммавий сотувга қўйила бошланганлиги эълон қилинди. Жумладан, журналист ва блогер Санжар Саид ўзининг ижтимоий тармоқдаги саҳифасида “Метан заправкалар оммавий сотувга қўйилибди” номли постини эълон қилди. Журналист, “ҳадемай ишлаб турган цех, завод, фабрикалар, дўкону бошқалар ҳам сотувга чиқарилса ажаблан”маслигини маълум қилган.

Хабарингиз бўлса керак, жорий йилнинг 12 январь санасида Ўзбекистондаги барча "Метан заправка"лар яъни газ тўлдириш компрессор шохобчалари фаолияти қисқа муддатга вақтинча тўхтатилган эди.

Аммо, танганинг бошқа томони ҳам бор. Марказий банк раиси Мамаризо Нурмуродовнинг 26 январдаги интервьюсида, “заправка”лар очилса, газ нархи қимматлашиши мумкинлиги қайд этган эди.

Шу ўринда қизиқ савол туғилади: Нега кутилмаганда “метан заправкачи”лар ўз мулкларини оммавий сотувга чиқара бошлади? Бунинг сабаби нимада?

Батафсил ўқиш учун босинг https://sof.uz/iv1j👈🏼

19/01/2023

Марказий Осиё сабзавот бозорига ғайритабиий совуқ қандай таъсир қилмоқда? Маҳсулот нархлари яна кўтариладими?

Батафсил: https://sof.uz/427

17/01/2023

Ҳоким-тадбиркор Жаҳонгир Ортиқхўжаев: "Любая бизнес хороша"дан тортиб пойтахт иқтисодиётигача

Батафсил: https://sof.uz/e6g

17/01/2023

Европанинг биринчи иқтисодиёти деб аталган Германияда инфляция рекорд даражага етди

Нархлар ўсишининг асосий сабабчиси озиқ-овқат ва энергия маҳсулотлари нархларининг ошиши бўлди.

Батафсил: https://sof.uz/01n8

Address

Website

http://sof.uz/

Alerts

Be the first to know and let us send you an email when Sof.uz - Соф хабарлар posts news and promotions. Your email address will not be used for any other purpose, and you can unsubscribe at any time.

Videos

Нега Ўзбекистоннинг аксар аҳолиси 30 йилдан буён қуйи синфдан ўрта синфга кўтарила олишмаяпти? Sof.uz сайти бугундан “Эксперт-баттл” рукни орқали Ўзбекистон ва дунёдаги молиявий жараёнлар, турли иқтисодий ҳолатлар, санкциялар, иқтисодиётни бошқаришнинг аниқ-шаффоф механизмлари таҳлилига бағишланган кўрсатувни эътиборингизга ҳавола қилади. Ушбу кўрсатувда Президент ҳузуридаги Стратегик ислоҳотлар агентлиги бош директорининг биринчи ўринбосари Абдулла Абдуқодиров, AKFA университети Business fakulteti факультети профессори Валижон Тўрақулов ва ёш иқтидорли иқтисодчи Миркомил Холбоевлар каби экспертлар иштирок этишган. Эслатиб ўтамиз, ушбу кўрсатув 2022 йилнинг 3 декабрь санасида тасвирга олинган! 👉🏼Видеони тўлиқ кўриш учун шу ерга босинг (https://www.youtube.com/watch?v=EWl2Ll1TcnQ)🧑🏻‍💻 Sayt (https://sof.uz/) | Telegram (https://t.me/sofuzb) | Facebook (http://fb.com/sofuzb)|Instagram (https://www.instagram.com/sof.uz_live/)

Ғолиб ва иштирокчилар қанчадан мукофот олади? #Shou_sport Франция терма жамоаси Россияда бўлиб ўтган жаҳон чемпионатида ғолиб чиққани учун FIFA'дан 38 миллион доллар олган бўлса, Германия 2014 йилда 35 миллион долларни қабул қилиб олган. Қиёсан олганда ҳар бир янги турнирда бу маблағ миқдори ортиб бормоқда. Хўш, Қатардаги жаҳон чемпионатида ҳар бир жамоа қанча пул мукофотини қўлга киритади. Турнир ғолиби-чи? Қолаверса, жамоалар жаҳон чемпионатига тайёргарлик кўриш учун яхшигина маблағ олишади.Бундан ташқари, кумуш медаль, бронза медаль соҳиблари қандай мукофотланишади? FIFA клубларга футболчиларнинг жаҳон чемпионатидаги ўйинлари учун 1 миллиард доллар компенсация ажратгани ростми? https://www.youtube.com/watch?v=6YPl4JCptqQ&t=87s

Тошкент ИЭС 2022-2023-йил куз-қиш мавсумига тайёрми? #tadbir Тошкент иссиқлик электр станциясида 2022-2023 йиллар куз-қиш мавсумида аҳолини, иқтисодиётнинг муҳим тармоқларини ва ижтимоий соҳа объектларини электр энергияси билан барқарор таъминлаш мақсадида амалга оширилган ишлар юзасидан пресс-тур ташкил этилди. Ушбу пресс-тур доирасида энергия ва энергия ресурсларидан оқилона фойдаланиш, “яшил энергетика” сиёсатини амалга ошириш, соҳада олиб борилган ишлар ва Тошкент иссиқлик электр станциясининг жорий давр куз-қиш мавсумига тайёргарлик жараёни тадқиқ қилинди. Ушбу пресс-турда sof.uz таҳририяти журналистлари ҳам иштирок этишиб, ўзларини қизиқтирган саволларга мутахассислардан тегишли жавоблар олишган. 👉🏼Видеони тўлиқ кўриш учун шу ерга (https://www.youtube.com/watch?v=PZfsARove1g) босинг🧑🏻‍💻 Sayt (https://sof.uz/) | Telegram (https://t.me/sofuzb) | Facebook (http://fb.com/sofuzb) |Instagram (https://www.instagram.com/sof.uz_live/)

Ўзбек киракашларининг оғриқли нуқтаси қаерда? #biznes_terapiya 2022 йилнинг 27 октябрь ҳолатига Ўзбекистон Республикада 31 159 нафар такси ҳайдовчиси ўзини ўзи банд қилган шахс сифатида рўйхатга олинган. Давлат солиқ қўмитасининг ушбу маълумотларига кўра (https://soliq.uz/press-services/news/show/ozbekistonda--mingdan-ortiq-taksi-haydovchisi-ozini-ozi-band-qildi-), энг кўп такси ҳайдовчиси сифатида ўз ўзини банд қилган шахслар, Самарқанд вилоятида қайд этилган бўлиб, бу миқдор 4157 нафар кишини ташкил қилган. Ушбу рўйхатнинг энг қуйи ўрнида эса Наманган вилояти жой олган бўлиб, бу миқдор 947 нафарни ташкил этмоқда. Келинг шу ўринда дунёнинг турли мамлакатларида киракашлик қилиб кун кечираётган кимсалар қанча даромад топиши билан қизиқиб кўрамиз. Қолаверса, Ўзбекистондаги киракашларининг оғриқли нуқтасига назар ташлаймиз? 👉🏼Видеони тўлиқ кўриш шу ерга учун босинг (https://www.youtube.com/watch?v=D-r0cbK2xY8)🧑🏻‍💻 Sayt (https://sof.uz/) | Telegram (https://t.me/sofuzb) | Facebook (http://fb.com/sofuzb)|Instagram (https://www.instagram.com/sof.uz_live/)

Shortcuts

Address
Alerts
Videos
Claim ownership or report listing
Want your business to be the top-listed Media Company?

Country:

City:

02/03/2023

02/03/2023

02/03/2023

15/02/2023

13/02/2023

13/02/2023

13/02/2023

09/02/2023

07/02/2023

07/02/2023

07/02/2023

28/01/2023

28/01/2023

28/01/2023

28/01/2023

19/01/2023

17/01/2023

17/01/2023

Address

Website

Alerts

Videos

Shortcuts

Share