Davr24

Davr24 Ўзбекистон, Марказий Осиё ва Жаҳон янгиликлари
(87)

11/09/2024

Бугун Ўзбекистон чемпионлик ҳимоясини бошлайди

♟Ўзбекистон эркаклар терма жамоаси амалдаги шахмат Олимпиадаси чемпиони ҳисобланади. Улар икки йил аввал Ҳиндистоннинг Ченнай шаҳрида ўтказилган Олимпиадада тарихий натижа қайд этишган эди.

Бугун 45-Бутунжаҳон шахмат Олимпиадасида ёш гроссмейстерларимиз чемпионлик ҳимоясига киришишади. Кеча мусобақанинг тантанали очилиш маросими билан бирга қуръа ташлаш тадбири ҳам бўлиб ўтди.

Қуръа натижасига кўра, Владимир Крамник мураббийлигидаги Ўзбекистон эркаклар терма жамоаси бугун 1-турда Тринидад ва Тобаго шахматчиларига қарши баҳс олиб боришади. Алексей Дреэв мураббийлик қилаётган Ўзбекистон аёллар терма жамоаси эса илк турда Гаити давлати шахматчилари билан ҳисоб-китоб қилишади.

🇺🇿Юртимиз шарафини ҳимоя қилаётган терма жамоамизни бир ёқадан бош чиқариб қўллаб-қувватлайлик! Уларга омад ёр бўлсин!

Бюджет дефицити 8 ойда 36,8 трлн.сўмга етди Август ойида https://t.me/minecofinuz/9949 Давлат бюджети даромадлари 22,1 ...
05/09/2024

Бюджет дефицити 8 ойда 36,8 трлн.сўмга етди

Август ойида https://t.me/minecofinuz/9949 Давлат бюджети даромадлари 22,1 трлн.сўм, харажатлари эса 22,3 трлн.сўмни ташкил этган. Даромадлар ва харажатлар ўртасидаги фарқ 282,3 млрд.сўмгача қисқарган. Бу 2024 йилнинг ўтган ойларида қайд этилган энг кам дефицитдир.

Августдаги мувозанатга даромадларнинг ошиши эмас, харажатларни кескин қисқартириш орқали чиқилган. Агар рақамларга ишонилса, августда давлат бюджети харажатлари июлдагидан 2,0 трлн.сўм, июндагидан эса 5,5 трлн.сўм камроқ бўлган. Қайси моддалар орқали бу натижага эришилгани, кейинроқ чораклик ҳисоботлар берилгандан сўнг маълум бўлади. Умид қиламизки, бюджетимизни ўпириб юбораётган энергетикага субсидиялар тўхтатилган ёки кескин камайтирилган.

8 ойлик дефицит 36,8 трлн.сўмдан иборат бўлган. 2023 йилнинг 8 ойида давлат бюджети дефицити 39,6 трлн.сўмни ташкил этган эди.

Отабек Бакиров

02/08/2024

Электромобиллар учун бож киритишни оқлаб бериш навбати Савдо саноат палатасига келдими?

Палата раиси Даврон Ваҳобов электромобиллар импорти бўйича жаҳон тажрибаси ўрганилганда, етакчи хориж давлатларида ички иқтисодиётни ҳимоя қилиш мақсадида Хитойда ишлаб чиқарилган электромобилларга қўшимча божлар жорий қилинганини қайд этиб, ўз фикрини дастаклаш учун АҚШ, Европа иттифоқи, Туркия ва Бразилия мисолларини келтирган.

Авваломбор, айтиш керакки, саналган мамлакат ва ҳудудлар дунёдаги энг йирик автомобиль бозорлари ҳисобланади. Бу бозорларнинг ҳар бирида Европа ва АҚШ мисолида ўнлаб, Туркия ва Бразилия мисолида камида ўнга яқин автомобиль ишлаб чиқарувчилари мавжуд. Яъни саналган бозорларда импортни ҳисобга олмаганда ҳам, ишлаб чиқарувчиларнинг ўзида рақобат даражаси ҳаддан зиёд юқори. Масалан, Ваҳобов меҳр билан тилга олган Туркияда бозорда энг катта ишлаб чиқарувчи Renault'нинг улуши 25%га бормайди. Ўзбекистондаги монополлашган концентрацияни саналган бозорлардаги рақобат коэффициенти билан умуман солиштириб бўлмайди.

Иккинчидан, саналган мамлакатларда нотариф божларнинг миқдори палата раиси келтирган ва атайин қўрқинчли қилиб кўрсатилган рақамлардан анча фарқланади. Бу бўйича батафсил яна алоҳида ёзаман, лекин баҳс мазмуни фалон мамлакатда фалонча бож, биздаям шунча бўлиши тўғри қабилидаги уйдирмаларга чалғиб кетмаслиги керак.

Учинчидан, АҚШнинг бож киритиш бўйича (айниқса Трамп даврида) ташаббуслари доим қаттиқ танқид остига олинган ва бу бўйича консенсус йўқ. Европа иттифоқида ҳам шундай. Беҳзод Ҳошимов https://t.me/iqtisodchi_kundaligi/2765 таъбири билан айтганда, ҳеч қурса шу мамлакатлар даражасида очиқ бозорга эга бўлганимиздаям майлийди. Қолаверса, энг қашшоқ мамлакатлардан бир бўла туриб биздан каррасига бой мамлакатларнинг ютуқли эмас, хатоли қадамларидан ўрнак олишга уринишлар рости ачинарли.

Аккумуляторларни қайта ишлаш учун электромобилларга бож киритилиши зарурияти ёки Хитойда банкрот бўлган компанияларнинг Ўзбекистонга киришга уриниб кўришлари (!) тўғрисидаги важларни ҳатто қизил иплар билан ҳам боғлаб бўлмайди. Шунинг учун изоҳсиз қолдираман.

P.S. ўрнида

Мана "электромобилларга бож киритишаяпти" деб саналган АҚШ, Европа итифоқи, Туркия ва Бразилиянинг Ўзбекистондан яна бир улкан фарқи бор.

Бу мамлакат ва ҳудудларда бирон бир автомобиль ишлаб чиқарувчи компания яширин ва махфий қарор билан импорт божлардан (ҚҚСдан) озод қилинмайди.

Ва энг асосийси, агар яширин қарорлар билан импорт божи тўламайдиган компания бор дея тасаввур қилсак, унинг электромобилларга бож солишни таклиф этиши, иккиюзламачи компанияни ўша куниёқ банкротликка олиб келадиган даражада жамият тарафидан cancel қилишга олиб келган бўларди. Қанақадир ҳукумат вакили ёки шартли Савдо саноат палатаси раиси ўзи ҳам cancel бўлиб кетишини билгани учун бу абсурдни ҳимоялаб чиқишга журъат этмаган бўларди.

Уларнинг бахтига АҚШ эмасмиз.
Европа эмасмиз. Ҳатто Бразилия ва Туркия эмасмиз.

1 июнь ҳолатига бюджет жамланма дефицити 29,4 триллион сўмдан ошдиМай ойида https://t.me/minecofinuz/9353 Давлат бюджети...
04/06/2024

1 июнь ҳолатига бюджет жамланма дефицити 29,4 триллион сўмдан ошди

Май ойида https://t.me/minecofinuz/9353 Давлат бюджетининг даромадлари 22,7 триллион сўмдан ошган, харажатлар 26,6 триллион сўмни ташкил этган. Бюджет даромадларининг тезроқ ўса бошлагани ойлик дефицитни 3,8 триллион сўмгача қисқартирган.Бюджет даромадларининг ўсиши тезлашгани ҳисобига ойлик дефицит қисқара бошлаган.

5 ой давомида Давлат бюджетининг жамланма дефицити 29,4 триллион сўмдан ошган.

Даромадлар ва харажатлар таркиби, ўтган йилнинг тегишли даври билан солиштириш имконияти йўқлиги учун бошқа чуқурроқ ва кенгроқ хулосаларни чиқаришга шошилмаслик керак бўлади.

Ўзбекистоннинг давлат қарзи 35 млрд доллардан ошдиЎзбекистоннинг давлат қарзи ўтган йил давомида 5,7 миллиард долларга к...
31/05/2024

Ўзбекистоннинг давлат қарзи 35 млрд доллардан ошди

Ўзбекистоннинг давлат қарзи ўтган йил давомида 5,7 миллиард долларга кўпайиб, 34,9 миллиард долларни ташкил қилган. Давлат қарзи 2024 йилнинг биринчи чорагида яна 417 млн долларга ошиб, 35,3 млрд долларга етган. Ислоҳотлар эълон қилинган ва фаол қарз олиш энди бошланган 2017 йилда Давлат қарзи қолдиғи 11,5 млрд доллар эди. Яъни, 2023 йилгача бўлган 6 йилда давлат қарзи қолдиғи 3 баробардан кўпроққа ошган.

Ўзбекистон 2022 йилдан кейин Давлат қарзи ҳолати ва динамикаси маълумотларини эълон қилишни тўхтатган (балки аҳвол ва вазият оғирлашаётганини кўрсатмаслик учун). Иқтисодиёт ва молия вазирлиги расмий саҳифасининг давлат қарзига оид қисми бир неча ойлардан буён “маълумотлар янгиламоқда” ҳолатида қолмоқда.

Янаям қизиғи, ташқи қарз бўйича 2022 йилгача бўлган тарихий ҳисоботларнинг ўзбек тилидаги версиялари ўчириб юборилган.
Шу сабабли, давлат қарзига оид маълумотларни бошқа ҳисоботлар ичидан (масалан, бюджетнома, фуқаролар учун бюджет) узуқ-юлуқ тарзда кўриб бориш мумкин.

Шундай қилиб, Ўзбекистон Давлат қарзи миқдордаям улушдаям ошишда давом этмоқда. Фуқаролар учун бюджет ҳисобига киритилган маълумотга кўра, 2023 йил якуни бўйича Давлат қарзи 5,7 млрд долларга ошиб, қолдиғи 34,9 млрд.долларга етган. Давлат қарзининг ЯИМдаги улуши 38,4%ни ташкил қилган (+2,4%). Эслатиб ўтамиз, бу ҳисобга зараркунанда давлат компаниялари, давлат банклари ва энергетикадаги шиширилган лойиҳалар учун олинган тўғридан тўғри қарзлар кирмайди.

Давлат қарзига хизмат кўрсатиш ҳам тобора ошиб, оғирлашиб бормоқда. 2023 йилда Давлат ташқи қарзига хизмат кўрсатиш харажатлари 2,82 млрд долларга етган (солиштириш учун, бу кўрсаткич 2018 йилда 0,5 млрд доллар эди). Ички қарзга хизмат кўрсатиш харажатлари эълон қилинмаган.
Ҳар йили янги давлат қарзларини олиш ҳажми ва давлат қарзларига хизмат кўрсатиш харажатлари миқдори тобора бир бирига яқинлашмоқда. Тенденция ўзгармаса, янги қарз ва қарз қайтариш миқдорлари тез орада тенглашади. Яъни, эски қарзларни олинаётган янги қарзлар оқими ҳисобига қайтариш бошланади (агарда кредиторлар қарз беришни тўхтатиб қўйишмаса).

P.S. Вазирлик вакилининг таъкидлашича, Давлат қарзи статистикаси маълумотнома кўринишида тақдим этиб келинмоқда (илгаригидек чораклик шарҳ тарзида эмас). Балки тегишли ҳавола вақтинча ишламагани ёки фаолсизлантириб қўйилган туфайли ушбу маълумотлардан фойдаланиш имкони бўлмаган. Айни дамда мобил версияда маълумотлар очилмоқда.

Давлат қарзи биринчи чоракда ҳам ошишда давом этган
Ўзбекистон Давлат қарзи 2024 йилнинг биринчи чорагида яна 417 млн долларга ошиб, 35,3 млрд долларга етган.

Биринчи чоракда Давлат қарзининг кўпайиши ички қарз ҳисобига рўй берган. Ички қарз охирги 3 ойда 597 млн долларга кўпайиб, 5,9 млрд долларга етган.

Халқаро суверен облигациялар орқали жалб қилинган қарз қолдиғи 3,4 млрд доллардан 2,9 млрд долларгача қисқарган (февраль ойидаги сўндиришлар ҳисобига). Майдаги янги чиқарилувлар эвазига мазкур тоифадаги қарз қолдиғи яна ошиши (+1,5 млрд доллар) иккинчи чорак ҳисоботларида акс этади.

Давлат қарзи бўйича маълумот очиқлашнинг мазкур кўриниши 2022 йилгача тақдим этиб келинган шарҳ форматидан фарқли равишда давлат қарзига хизмат кўрсатиш харажатлари (ундан бюджетга юклама), ҳисобот даврида янги жалб қилинган қарзлар, эски қарз битимларининг ҳолати, давлат компанияларининг “тижорий” қарзи каби қўшимча ахборотларни тақдим этмайди. Агарда ҳам шарҳ, ҳам жадвал маълумотлари (қайта ишлаш осон форматларда) бериб борилса, фойдаланувчилар сони кескин ошган бўларди.

Отабек Бакиров

Ўзбекистон вендинг ассоциацияси соха ривожига қўшган хизматлари учун тақдирландиШу кунларда Гуанчжоу шаҳрида “Asia Vendi...
30/05/2024

Ўзбекистон вендинг ассоциацияси соха ривожига қўшган хизматлари учун тақдирланди

Шу кунларда Гуанчжоу шаҳрида “Asia Vending & Smart Retail Expo” автоматик савдо (вендинг) саноатининг муҳим кўргазмаси бўлиб ўтмоқда. Ҳар йили жаҳоннинг етакчи вендинг ассоциациялари билан ҳамкорликда ўтказиладиган Халқаро Vending Industry дунёдаги энг йирик ва нуфузли халқаро кўргазмалардан бири ҳисобланади. Унда Ўзбекистон вендинг ассоцияцияси «УзВEНД» делегацияси ҳам иштирок этди. Кўргазма Ўзбекистон ва минтақа учун алоҳида аҳамиятга эга, чунки у савдо ва автоматлаштирилган савдони ривожлантиришга бағишланган дунёдаги энг йирик ва энг муҳим кўргазма ҳисобланади.

Ўзбекистон Республикаси Президентининг 2021 йилдаги 5136-сонли “Ўзбекистонда вендинқни қўллаб-қувватлаш тўғрисида”ги қарори мамлакатимизда қисқа муддатда автоматик савдо (вендинг) сохасини муваффақиятли ривожланишига олиб келганлигини алоҳида таъкидлаш лозим.

Тадбир очилиш маросимида Ўзбекистон «ЎзВEНД» ассоциациясини раиси Азизхон Йўлдошхонов Ўзбекистон ва Марказий Осиё давлатлари номидан қутлов нутқи сўзлаб, минтақада вендинг ва автоматлаштирилган савдони ривожлантириш муҳимлигини таъкидлади. Вакилларимиз шунингдек, автоматлаштирилган савдо соҳасидаги энг яхши компанияларни тақдирлаш маросимида иштирок этди.

Кўргазманинг муҳим воқеалари қаторида вендинг ассоциациялари ўртасида ўзаро ҳамкорлик тўғрисидаги меморандум имзоланди. Таъкидлаш лозим, вендинг саноати ривожига қўшган юксак хизматлари эътироф этилган ҳолда Марказий Осиёдан келган халқаро маслаҳатчи, эксперт советини аъзоси Азизхон Йўлдошхоновга тантанали равишда махсус диплом ва кўкрак нишони топширилди.

22/05/2024

Собиқ МХХ биноси ҳудудидаги кесиб ташланган дарахтлар яширин тарзда йўқотилмоқда!!!

Яшил Макон ҳақида эшитганмисиз?

Йўқ газ учун қурилаётган миллиардлаб долларлик мажмуалар бизга қанчалар керак?Миллиардлаб долларга газ-кимё мажмуалари қ...
21/05/2024

Йўқ газ учун қурилаётган миллиардлаб долларлик мажмуалар бизга қанчалар керак?

Миллиардлаб долларга газ-кимё мажмуалари қурилаётган бир вақтда газ қазиб олишнинг қисқариши тўхтагани йўқ. Шонли энергетиклар соғлом ақл қабул қилмайдиган шу феноменал ҳолатга ҳам қандайдир тушунтириш берсалар бўларди. Муборак, Шўртан ва GTL мажмуаларига газ етмаётган бир вақтда, МТО, Шўртан 2 ва Хоразмдаги лойиҳалар учун газ қаердан топиб берилади? Ё бу проектларнинг мазмун мақсади каррасига қимматлаштирилган пудратдан пул ўзлаштириб чиқариш холосми?

Хуллас, бурғулашга сарфланаётган триллионлар ва шимолдаги оғаларнинг рақамлаштириш ниқобида конларнинг бошқарувига киритилганига қарамай, газ қазиб олиш янги минимумларгача тушмоқда. Апрель ойида 3 703,1 млн.куб газ қазиб олинган холос, бу ўтган йил апрелидан 240 млн.куб кам. 2024 йилнинг ўтган ойларидаги янги минимум. Ҳозирдан прогноз қилиш мумкинки, 2024 йилда қазиб олинаётган газ ҳажми 2023 йилдагидан яна 3 млрд.кубга кам бўлади.

Ёқилғи энергетикасининг таназзули фақат газ билан чекланиб қолаётгани йўқ.
Нефть қазиб олиш 62,2 минг тоннагача тушган (-0,2 минг тонна).

Бензин ишлаб чиқариш 103,4 минг тоннагача пасайган (-15,9 минг тонна).

Дизель ишлаб чиқариш 150,8 минг тоннагача камайган (-21,6 минг тонна).

Триллионлаб тўғридан-тўғри ва кросс субсидия йўналтирилаётган а ваъда қилинаётган кўмир қазиб олиш ҳам тубга оғишмоқда. Апрелда 357.7 минг тонна кўмир қазиб олинган (-124,7 минг тонна).

Энергетикадаги кам сонли ижобий тенденция электр энергияси генерацияси билан боғлиқ. Ўтган ойда 7 869.4 млн.кВт.соат электр энергияси ишлаб чиқарилган (+1 704,4 млн.кВт.соат).

Отабек Бакиров

30/04/2024

БИЗЛАР АРРА ТОРТМОҚДАМИЗ

Бизлар арра тортмоқдамиз,
Аррамизнинг тиши йўқ.
Нега арранг тиши йўқ, деб
Сўрайдиган киши йўқ.

Чунки бизлар анойимас,
Пишиб кетган кўзимиз.
Арра тушган ўша шохда
Ўлтирибмиз ўзимиз.

© Эркин Воҳидов

24/04/2024

Давлат идоралари ўз автопаркини электромобиллар билан янгиламоқда. Баъзи ҳокимликлар бу учун етимларга аталган пуллардан фойдаланмоқда.

Манба https://www.gazeta.uz/uz/2024/04/24/gov-cars/

391$ дан 1097$ гача: Тошкентда ижара уй нархлари қанча?Тошкент шаҳрида ҳозирги кунда ижара нархлари қандай бўлмоқда? Мак...
23/04/2024

391$ дан 1097$ гача: Тошкентда ижара уй нархлари қанча?

Тошкент шаҳрида ҳозирги кунда ижара нархлари қандай бўлмоқда? Макроиқтисодий ва ҳудудий тадқиқотлар институти мутахассислари 2024 йилнинг март ойида Тошкент шаҳрида таклиф этилган уй-жой ижара нархларини таҳлил қилишди.

Ўртача таъмирланган уй-жой ижараси

2024 йил март ойида ушбу синфдаги 1 хонали хонадонлар учун таклиф этилган ижара нархлари ўтган февраль ойига нисбатан ўртача 0.6% га пасайиб, $391 ни ташкил этган бўлса, 2 хонали хонадонлар ижара нархлари эса 1.2% га арзонлаб, ўртача $436 гача тушди. Шунингдек, ўртача таъмирланган 3 ва 4 хонали уйлар ижара нархлари мос равишда 0.2% ва 0.4% га пасайиб, ўртача нархлар $513 ва $591 ни ташкил этди.

Нисбатан арзон нархлар

Ўртача таъмирланган туркумдаги уйлар учун нисбатан арзон ижара нархлари Сергели (1 хонали – $354, 2 хонали – $386 ,3 хонали – $435, 4 хонали – $441), Олмазор (1 хонали – $359, 2 хонали – $414, 3 хонали – $454, 4 хонали – $489) туманларида таклиф этилган бўлса, ушбу туркумдаги энг қиммат ижара нархлари Миробод (1 хонали – $463, 2 хонали – $518, 3 хонали – $620, 4 хонали – $819) ва Шайхонтоҳур (1 хонали – $437, 2 хонали – $456, 3 хонали – $537, 4 хонали – $624) туманларида кузатилди.

Тўлиқ таъмирланган уйлар ижара нархлари

Март ойида тўлиқ таъмирланган 1 хонали уйлар учун ўртача ижара нархлари $472 ни ташкил этиб, ўтган февраль ойига нисбатан 0.8%га тушган бўлса, 2 хонали уйлар учун ушбу кўрсаткичлар мос равишда $644 ва 1.1% ни ташкил этган. Шунингдек, 3 хонали уйлар учун таклиф этилган ўртача ижара нархларида ($788) ҳам бироз (0,3%) тушиш кузатилди. Шунингдек, тўлиқ таъмирланган 4 хонали уйлар ўртача ижара нархлари ҳам 0.9% тушиб, $909 гача пасайган.

Қайси туманларда арзонроқ?

Тўлиқ таъмирланган туркумдаги уйлар учун энг арзон ижара нархлари Сергели (1 хонали – $394, 2 хонали – $449, 3 хонали – $556, 4 хонали – $646) ва Учтепа (1 хонали – $396, 2 хонали – $496, 3 хонали – $622, 4 хонали – $646) туманларида ҳамда ушбу туркумдаги энг қиммат ижара нархлари Миробод (1 хонали – $567, 2 хонали – $844, 3 хонали – $1024, 4 хонали – $1097) ва Шайхонтоҳур (1 хонали – 556$, 2 хонали – $845, 3 хонали – $1050, 4 хонали – $1024) туманларида кузатилди.

Энергетика тарифлари ошади1 майдан бошлаб аҳоли учун:Электр энергиясининг кВт.соати 295 сўмдан 450 сўмга;Газнинг кубаси...
16/04/2024

Энергетика тарифлари ошади

1 майдан бошлаб аҳоли учун:

Электр энергиясининг кВт.соати 295 сўмдан 450 сўмга;

Газнинг кубаси 380 сўмдан 650 сўмгача оширилади.

Ижтимоий норма электр энергияси учун 200 квт.соатни, газ учун ёзги мавсумда 100 куба, қишки мавсумда 500 куба миқдорида белгиланади.

Истеъмол ижтимоий нормадан ошганда

Ойлик истеъмол

электр энергияси учун

201-1000 кВт.соатни ташкил этса 900 сўм;
1000 дан 5000 кВт.соатгача 1 350 сўм;
5000 дан 10000 кВт·соатгача 1 575 сўм;
10 минг кВт.соатдан ошса 1800 сўм.

газ учун

ёзги мавсумда (март- октябрь)
101 дан 2500 кубометргача 1500 сўм;
2500 дан 5000 кубометргача 1 950 сўм;
5000 дан 10000 кубометргача 2 275 сўм;
10 минг кубометрдан юқорисига 2 600 сўм.
қишки мавсумда (ноябрь-февраль)
501 дан 2500 кубометргача 1500 сўм;
2500 дан 5000 кубометргача 1 950 сўм;
5000 дан 10000 кубометргача 2 275 сўм;
10 минг кубометрдан юқорисига 2 600 сўм.

Бир йилдан кейин электр энергияси тарифлари яна ошади

2025 йил 1 апрелдан бошлаб аҳоли учун электр энергиясининг кВт.соати 450 сўмдан 600 сўмгача оширилади.

Бунда, истеъмолнинг ижтимоий нормадан ошган қисми бўйича қуйидаги шкала ишга тушади:

201-1000 кВт.соатни ташкил этса 1000 сўм;
1000 дан 5000 кВт.соатгача 1 500 сўм;
5000 дан 10000 кВт·соатгача 1 750 сўм;
10 минг кВт.соатдан ошса 2000 сўм.

12/04/2024

МОНОПОЛИЯ

11/04/2024

Мардикорликда синалган мард аёллар...

Азиз ва қадрли обуначилар.Барчамизга Ийд Рамазон ҳайити муборак бўлсин!Она юртимиз тинч, ҳаётимиз фаровон бўлсин!DAVR24 ...
10/04/2024

Азиз ва қадрли обуначилар.

Барчамизга Ийд Рамазон ҳайити муборак бўлсин!

Она юртимиз тинч, ҳаётимиз фаровон бўлсин!

DAVR24 ижодий жамоаси!!!

t.me/davr24official

Рамазон ҳайити 10 апрель куни нишонланадиЎзбекистон мусулмонлари идораси Уламолар Кенгашининг навбатдаги онлайн мажлисид...
08/04/2024

Рамазон ҳайити 10 апрель куни нишонланади

Ўзбекистон мусулмонлари идораси Уламолар Кенгашининг навбатдаги онлайн мажлисида эълон қилинишича, Ўзбекистон мусулмонлари идораси Уламолар Кенгаши фиқҳий қоидалар, фалакий ҳисоб-китоблар ва астрономик кузатишларга таянган ҳолда жорий йилда диёримизда Рамазон ҳайити 2024 йил 10 апрель, чоршанба куни нишонланади.

https://t.me/davr24official/6947

06/04/2024

Бугунги кунда кимга яшаш осон ва қулай?

Хайвонот олами ҳақида...

Address


Website

Alerts

Be the first to know and let us send you an email when Davr24 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Davr24:

Videos

Бугун Ўзбекистон чемпионлик ҳимоясини бошлайди ♟Ўзбекистон эркаклар терма жамоаси амалдаги шахмат Олимпиадаси чемпиони ҳисобланади. Улар икки йил аввал Ҳиндистоннинг Ченнай шаҳрида ўтказилган Олимпиадада тарихий натижа қайд этишган эди. Бугун 45-Бутунжаҳон шахмат Олимпиадасида ёш гроссмейстерларимиз чемпионлик ҳимоясига киришишади. Кеча мусобақанинг тантанали очилиш маросими билан бирга қуръа ташлаш тадбири ҳам бўлиб ўтди. Қуръа натижасига кўра, Владимир Крамник мураббийлигидаги Ўзбекистон эркаклар терма жамоаси бугун 1-турда Тринидад ва Тобаго шахматчиларига қарши баҳс олиб боришади. Алексей Дреэв мураббийлик қилаётган Ўзбекистон аёллар терма жамоаси эса илк турда Гаити давлати шахматчилари билан ҳисоб-китоб қилишади. 🇺🇿Юртимиз шарафини ҳимоя қилаётган терма жамоамизни бир ёқадан бош чиқариб қўллаб-қувватлайлик! Уларга омад ёр бўлсин!

Электромобиллар учун бож киритишни оқлаб бериш навбати Савдо саноат палатасига келдими?
Электромобиллар учун бож киритишни оқлаб бериш навбати Савдо саноат палатасига келдими?

Электромобиллар учун бож киритишни оқлаб бериш навбати Савдо саноат палатасига келдими? Палата раиси Даврон Ваҳобов электромобиллар импорти бўйича жаҳон тажрибаси ўрганилганда, етакчи хориж давлатларида ички иқтисодиётни ҳимоя қилиш мақсадида Хитойда ишлаб чиқарилган электромобилларга қўшимча божлар жорий қилинганини қайд этиб, ўз фикрини дастаклаш учун АҚШ, Европа иттифоқи, Туркия ва Бразилия мисолларини келтирган. Авваломбор, айтиш керакки, саналган мамлакат ва ҳудудлар дунёдаги энг йирик автомобиль бозорлари ҳисобланади. Бу бозорларнинг ҳар бирида Европа ва АҚШ мисолида ўнлаб, Туркия ва Бразилия мисолида камида ўнга яқин автомобиль ишлаб чиқарувчилари мавжуд. Яъни саналган бозорларда импортни ҳисобга олмаганда ҳам, ишлаб чиқарувчиларнинг ўзида рақобат даражаси ҳаддан зиёд юқори. Масалан, Ваҳобов меҳр билан тилга олган Туркияда бозорда энг катта ишлаб чиқарувчи Renault'нинг улуши 25%га бормайди. Ўзбекистондаги монополлашган концентрацияни саналган бозорлардаги рақобат коэффициенти билан умуман солиштириб бўлмайди. Иккинчидан, саналган мамлакатларда нотариф бо

БИЗЛАР АРРА ТОРТМОҚДАМИЗ Бизлар арра тортмоқдамиз, Аррамизнинг тиши йўқ. Нега арранг тиши йўқ, деб Сўрайдиган киши йўқ. Чунки бизлар анойимас, Пишиб кетган кўзимиз. Арра тушган ўша шохда Ўлтирибмиз ўзимиз. © Эркин Воҳидов

Давлат идоралари электромобиллар сотиб олиш учун етимларга аталган пуллардан фойдаланмоқда

Давлат идоралари ўз автопаркини электромобиллар билан янгиламоқда. Баъзи ҳокимликлар бу учун етимларга аталган пуллардан фойдаланмоқда. Манба https://www.gazeta.uz/uz/2024/04/24/gov-cars/

МОНОПОЛИЯ
МОНОПОЛИЯ

МОНОПОЛИЯ #monopoliya #GM #BYD #Uzbekistan

Мардикорликда синалган мард аёллар...

Мардикорликда синалган мард аёлларр
Мардикорликда синалган мард аёлларр

Мардикорликда синалган мард аёллар...

Янги хайвонот олами ҳақида…

Бугунги кунда кимга яшаш осон ва қулай? Хайвонот олами ҳақида...

Shortcuts

  • Address
  • Alerts
  • Contact The Business
  • Videos
  • Claim ownership or report listing

  • Want your business to be the top-listed Media Company?

Share