Kayak Post

Kayak Post Contact information, map and directions, contact form, opening hours, services, ratings, photos, videos and announcements from Kayak Post, News & Media Website, york, York, PA.

Konpayi Sunrise anonse li poko ap vole sou Pòtoprens. Se plizyè santèn sitwayen Aysyen ki bezwen vole nan syèl ble an po...
01/06/2025

Konpayi Sunrise anonse li poko ap vole sou Pòtoprens. Se plizyè santèn sitwayen Aysyen ki bezwen vole nan syèl ble an pou lòt destinasyon. Malgre OFNAC te anonse Ayopò a louvri pou vòl yo sèl 2 avyon ki vòlè pou Brezil ak 2 avyon militè ki debake kèk sòlda pou misyon an, Donk leta Aysyen pa konn sa leta Aysyen ap regle.
Sunrise anonse li poko gen dat pou rekomanse vole akoz sitiasyon ki pa depann de konpayi an.
Plizyè santèn moun ki twouve yo nan Nò ak nan Sid bezwen antre Pòtoprens, menm sitiasyon an tou nan sans envès la.
Wout nasyonal yo toujou bloke anba men bandi, kèk bis ki fè zòn sa yo oblije negosye gwo lajan ak bandi yo, ki anpil fwa kanmenm fouye kèk bis lè lide yo di yo.
Tikè avyon Sunrise PAP/Kap Aysyen konn rive nan 199 us, plis ke 25.000 goud Aloske nan bis se 4.000 goud pasaje a. .

“De Mirebalais au sommet de l’Europe” Melchie Daelle Dumornay fè pati 11 jwè ki pi chè nan chanpyona fransè an. Yon klèb...
01/06/2025

“De Mirebalais au sommet de l’Europe” Melchie Daelle Dumornay fè pati 11 jwè ki pi chè nan chanpyona fransè an. Yon klèb ki bezwen sèvis natif Plato Santral la dwe dekese plis pase 100.000 ewo. Pami jwè ki gen pi piti oswa 21 lane yo pa gen youn ki pi chè pase atakant Aysyèn nan.
Corventina, nan moman nap ekri pòs sa, se pi gran atlèt Aysyen tout tan gen tan.
Kayak Post toujou ap poze kesyon sa, Konbyen Corventina kap soufri nan peyi an?
Depi plis pase 6 Lane, pa gen espò ki pratike nan peyi Dayti, pandan toujou gen minis espò. Sou gouvènman Ariel Henry an sete Tholbert Alexis, Aprèl fin gagote lajan nan palman epi nan konsila Ayti nan Repiblik Doninikèn, ki te gen ministè sa, ki te dekese plizyè milyon pandan plizyè peryòd san rezilta. Nap raple Tholbert te mete kòm minis yon fanm poupe twèl, ki te konn bal rapò tankou senp anplwayel.

Gouvènman Aysyen an sot dekese plis pase yon milya goud pou peryòd fen lane yo, se veritab dezyèm (2e) aksyon Alix Fils ...
01/06/2025

Gouvènman Aysyen an sot dekese plis pase yon milya goud pou peryòd fen lane yo, se veritab dezyèm (2e) aksyon Alix Fils Aime. Premye aksyon li te poze, sete moman li tap prete sèman dlo te kouri nan jel. Lajan sa pa ateri sou okenn moun nan popilasyon an, se yon lajan ki gagote yon fwa anko nan tranzisyon an.
Nap raple kòb sa te dekese pou asenisman, panye solidarite èd ak sila ki pi mal yo epi sekirite pandan fen ane an.
Nap raple depi aprè asasina Jovenel Moïse, peyi Dayti deja konnen 5 gouvènman: Claude Joseph, Ariel Henry, Michel Patrick Boisvert, Gary Conille epi Alix Fils Aimé. Tout, se nouvo rich sou do Larepiblik. Tris Ayti. .

Tranbleman’n tè jodi Dimanch 5 Janvye 2025 la nan peyi Salvador. Tè a ki sekwe ak yon mayitid 6.3 pa fè viktim. Daprè en...
01/06/2025

Tranbleman’n tè jodi Dimanch 5 Janvye 2025 la nan peyi Salvador. Tè a ki sekwe ak yon mayitid 6.3 pa fè viktim. Daprè enfòmasyon yo, Goudougoudou an souke tou Honduras, Nicaragua epi Guatemala. Pou Guatemala gen 9 Depatman sou 22 ki souke pandan tranbleman’n tè sa. Nap raple 2 dènye peyi ki voye sòlda yo Ayti week end sa konsène nan evenman sa ( Salvador e Guatemala) epi Nicaragua ki konsène anpil Aysyen nan moman li menm tou sekwe san fè viktim. Nap raple pi gwo katastwòf imanitè mond lan janm konnen te rive Ayti 🇭🇹 12 Janvye 2010, Kote plizyè santèn milye Aysyen te pèdi lavi yo. .

Anpil deba toujou fèt nan sosyete Aysyèn 🇭🇹🇭🇹 nan pou konnen ki non fanmi (Siyati) ki pi popilè. Kayak Post ap eseye pot...
01/06/2025

Anpil deba toujou fèt nan sosyete Aysyèn 🇭🇹🇭🇹 nan pou konnen ki non fanmi (Siyati) ki pi popilè. Kayak Post ap eseye pote kèk eleman repons a pati yon ankèt li rive realize.
Anketè Kayak Post yo te travay pandan 90 jou nan 5 Depatman: Lwès, Nò, Nòdès, Sid ak Latibonit. Jounalis yo te fè entèvyou ak ajan mezon transfè, pwofesè, ajans vwayaj, anplwaye ONG, DGI, Imigrasyon, ONI, kèk moun aje elatriye.
Sevre nou pa rive jwenn ekzat kantite moun ki pote Siyati yo men nou rive ak klasman 10 premye siyati ki pi popilè nan tout peyi Dayti.
1- Jean
2- Joseph
3- Pierre
4- Louis
5- Charles
6- Paul
7- Etienne
8- Michel
9- François
10- Moïse
Gen plis pase 700 mil moun ki siyen Jean nan peyi Dayti epi pou Joseph se plis pase 600 mil moun.

Bandi sou motosiklèt tire maten Dimanch 5 Janvye an sou legliz Pèpetyèl sekou ki twouvel nan Delma 75. Se panik total pa...
01/05/2025

Bandi sou motosiklèt tire maten Dimanch 5 Janvye an sou legliz Pèpetyèl sekou ki twouvel nan Delma 75. Se panik total pandan fiziyad sa. Bilan fè eta yon moun mouri. Viktim nan idantifye sou non Roberson Rendel yon jèn antreprenè

Plizyè gwo chabrak nan tout sektè ap bat bravo lakontantman pou jan Dwàn yo ap byen mache, anpil lajan ap rantre, resèt ...
01/05/2025

Plizyè gwo chabrak nan tout sektè ap bat bravo lakontantman pou jan Dwàn yo ap byen mache, anpil lajan ap rantre, resèt la lwil. Pou Desanm ki sot pase la sèlman se 13 milya goud leta ranmase nan Dwàn. Nan ti ankèt Kayak Post mennen, li remake Majorite lajan sa yo soti bò kote ti konsomatè yo, donk malere ak malerèz yo. Gwo chabrak bò isit pa peye taks. Kayak gen enfòmasyon, lè Michel Martelly te prezidan li te pase lòd ak tout Otèl Petyon Vil yo pou pa peye taks, ansyen majistra Petyon Vil epòk sa Dominic St Roc te pataje sa ak Jounalis Kayak Post, sa ki te apovri komin nan. Pratik sa, rete yon vye demon nan koutim peyi an. Pri yon moun nan klas mwayèn nan kapab dedwane yon grenn machin egal ak pri 25 machin yon moun nan sektè prive a. Pa gen taks ditou pou moun ki nan leta Ayti, se konsa Ayti fonksyone.
Sevre medya yo pa gen twòp espesyalis nan kesyon ekonomi ak finans, men se nèg ki di yo se ekonomis yo, yo pap krache mòso a. .

Konbyen sitwayen Aysyen ki gen laj pou gen pyès idantifikasyon, men ki pa janm fèl? Nan ankèt Kayak Post realize, nou re...
01/04/2025

Konbyen sitwayen Aysyen ki gen laj pou gen pyès idantifikasyon, men ki pa janm fèl?
Nan ankèt Kayak Post realize, nou remake Aysyen pa renmen fè pyès idantite, tout otan li pa gen yon bagay li pral regle avèl.
Se youn nan rezon, kite lakoz mache prese devan biwo imigrasyon yo pandan pwogram Biden nan, avansa, pèsòn moun pat imajine si tout moun sa yo pat posede yon paspò.
Pou yon rezon oswa yon lòt, gen anpil enjistis lè lapolis deside touye yon sitwayen akòz li pa gen pyès pou idantifyel. yon moun kap mache san pyès pa fòseman yon bandi pou sa, metòd sa pa bon e Lapolis dwe korijel.
Gen bandi ki gen tout pyès disponib posib, tandis ke gen sitwayen pezib ki pa posede pyès idantite. Pandan Kayak Post ap ankouraje tout sitwayen fè pyès idantite yo, men nap denonse tou tout moun kap mache touye lòt ki pa gen pyès sou preteks se bandi.
Sa ap konsènew, se lèw gen yon pwòch Ou ki viktim nan menm sitiasyon sa.
Zafè fè pyès idantite an pa nan kilti Aysyen.

Gwo dezakò nan konsèy minis jodi an, Alòske pwen ki tap debat yo te gentan defini alavans, premye minis Fils Aimé te kan...
01/04/2025

Gwo dezakò nan konsèy minis jodi an, Alòske pwen ki tap debat yo te gentan defini alavans, premye minis Fils Aimé te kanpe pou egzije revokasyon Normil Rameau kòm DG PNH la, pandan échanj yo gen non Alain Auguste aktyèl DCPA ki site. Akoz majorite manm konsèy yo pa dakò revokasyon an, seyans lan te oblije kanpe pou yon bon ti tan. Kayak Post konfime dosye nominasyon plizyè direktè jenero pat alòd dijou tankou jan sa te ye avan, priyorite an sete kesyon sekirite.
Nan moman Kayak Post ap ekri la, sous nou nan konsèy la pa an mezi pou di ekzakteman tout pwen ki dwe debat nan konsèy minis sa. .

75 militè ki soti nan peyi Guatemala epi 10 sòlda Salvador rive jodi Vandredi 3 Janvye a nan Pòtoprens abò yon avyon mil...
01/03/2025

75 militè ki soti nan peyi Guatemala epi 10 sòlda Salvador rive jodi Vandredi 3 Janvye a nan Pòtoprens abò yon avyon militè. Se Leslie Voltaire, Alix Fils Aime, Normil Rameau ki te resevwa kontenjan sa pou vin ranfòse misyon miltinasyonal la. Kayak Post gen enfòmasyon demen Samdi an dwe gen yon lòt kontenjan kap debake, 75 sòlda anviwon.
Salvador, se youn nan peyi ki pi stab sou plan sekirite nan tout amerik lan, kote depi plizyè ane yo lanse yon veritab chas kont bandi.
Militè ki antre yo pral gen pou misyon premyè sekirize espas enpòtan yo, tankou: Vila Dakèy, Palè, Ayopò ak Pò yo.
Kayak Post konfime gen yon perimèt ki pral etabli pou sekirize espas ki loje Bank Repiblik Dayti BRH. .

Lapolis nan Repiblik Dominikèn arete Sitwayen sa, yo idantifye kòm yon chèf gang. Se Maten Vandredi an, CESFRONT yo remè...
01/03/2025

Lapolis nan Repiblik Dominikèn arete Sitwayen sa, yo idantifye kòm yon chèf gang. Se Maten Vandredi an, CESFRONT yo remèt li ak ajan POLIFRONT yo nan fwontyè Wanament lan. Gourin Enel, te gen yon paspò sou li nan moman arestasyonl. Nan moman Kayak Post ap ekri la, Lapolis nan Nòdès ap pozel kesyon pou konnen nan ki zòn li tap fonksyone kòm bandi. Pandan tan sa, popilasyon an ap mande Lapolis pou livre yo endividi an. Enold Jean Baptiste pou Kayak Post ap swiv evenman. .

Jerry Tardieu se kòdonatè gwoup kap travay pou refòme konstitisyon an. Chwa sa, lage machwè gonfle nan mitan sosyete an ...
01/03/2025

Jerry Tardieu se kòdonatè gwoup kap travay pou refòme konstitisyon an. Chwa sa, lage machwè gonfle nan mitan sosyete an espesyalman moun Petyon Vil. Ansyen depite komin sa, kite yon gou amè nan bouch moun Petyon Vil. Lè Tardieu te nan palman, li te itilize kòb leta pou peye anplwaye Otèl Oasis yo ke li se pi gwo aksyonè ladanl. Majorite anplwaye sa yo chèk mansyèl yo te soti nan palman pandan yap travay pou Oasis, Jerry Tardieu te eklate yon batay ak majistra komin nan alepòk Dominic St Roc, kote an gwo ponyèt se li ki te nome epi enstale direktè pak Ste Therèse nan Petyon Vil. Avek enfliyans li nan palman tou, li te pran yon bibliyotèk komin nan metel sou non manmanl nan gran mepri sitwayen komin nan. Nan yon rankont nan Otèl li, Jerry Tardieu te deklare lap goumen pou Dyaspora gen dwa vòt, paske daprè sal te di, Aysyen Ayti pap janm votel prezidan, men sil rive bay dyaspora dwa vòt la, li tap gen plis chans poul prezidan.

Ayti 🇭🇹 klase 6e sou 10 peyi nan mond lan ki pral gen plis atansyon sou li pandan ane 2025 sa, akoz konfli tout kalte la...
01/03/2025

Ayti 🇭🇹 klase 6e sou 10 peyi nan mond lan ki pral gen plis atansyon sou li pandan ane 2025 sa, akoz konfli tout kalte lap viv yo. Se Gwoup Kriz “Crisis Group” ki pibliye lis sa.
Ayiti klase dèyè peyi tankou Siri 🇸🇾, Soudan 🇸🇩, Ikrèn 🇺🇦, Izrayèl 🇮🇱-Palestin 🇵🇸 epi Iran 🇮🇷, kote tout peyi sa yo gen anpil defi kap tann yo pou ane sa.
Nan atik yo ekri sou Ayti, yo mete aksan anpil sou arive Donald Trump nan kontèks migrasyon an pou Ayti, yo pale tou sou pwoblèm Ayti depi aprè asasina Jovenel Moïse, demisyon Ariel Henry, eskandal koripsyon konsèy prezidansyèl la, vyolans gang yo, popilasyon an ki paka rete lakay li ak prezans polisye Kenia 🇰🇪 yo ki poko ateri.
Ayti se 6e peyi nan mond lan, kote sitiasyon an pi mangoumen e ki merite gwo chanjman se sa Crisis Group te vle fè soti.
Peyi tankou Meksik 🇲🇽, Chin 🇨🇳 vini aprè Ayti.

Pati Politik EDE, lansel nan yon vas kanpay piblisite, pwomosyon ak maketin tankoul nan konpetisyon. Pati sa pran nesans...
01/02/2025

Pati Politik EDE, lansel nan yon vas kanpay piblisite, pwomosyon ak maketin tankoul nan konpetisyon.
Pati sa pran nesans aprè asasina Jovenel Moïse ak prensipal objektif ranpòte pwochèn eleksyon yo.
Kijan yon pati politik ki gen manm li nan konsèy la kapab patisipe nan pwochèn eleksyon yo?
Eske yon pwosesis elektoral enklizif kapab enkli yon pati ki aktè e espektatè an menm tan?
Pandan tan sa, pati Claude Joseph la, gen gwo mwayen nan menl nan tranzisyon sa, yo gen 2 manm nan konsèy sa pami yo youn ki enplike nan eskandal koripsyon BNC an, EDE e alye gen anviwon 5 minis nan gouvènman sa, semèn pase a EDE sot nome direktè depatmantal sid la atravè afè sosyal.
Pratik pran kòb leta pou fè kanpay oswa pou aswa pozisyon yo, pa nouvo pou politisyen Aysyen. Jude Celestin te lwe elikoptè ak kòb leta sou Preval pou mennen kanpay, ansyen prezidan Aristide sezi yon lopital yon peyi etranje te bal pou Ayti. .

Konsèy prezidansyèl la egzije Lafrans 🇫🇷 remèt lajan Endepandans 🇭🇹. A chak fwa deba sa tounen nan aktyalite an, Jounali...
01/02/2025

Konsèy prezidansyèl la egzije Lafrans 🇫🇷 remèt lajan Endepandans 🇭🇹.
A chak fwa deba sa tounen nan aktyalite an, Jounalis Kayak Post toujou chèche konnen pozisyon popilasyon an sou lejitimite ekip ki fè demand lan.
Men kèk preokipasyon:
Kijan yon gwoup moun ka egzije yon peyi restitiye Ayti yon dèt, pandan ke yo menm yo gen kòb peyi a nan men yo nan koripsyon?
Pawòl la di “La charité bien ordonnée commence par soi même”
Poukisa konsèy la pa kòmanse restitiye lajan BNC an?
Kote lajan sèvis entelijans lan?
Poukisa yo Pa relanse dosye Kòb Petro Caribe a, paske anpil nan dilapidatè yo chaje eritaj Ayti?
Kote milya goud fen ane an gentan pase?
Peyi Dayti nan yon enpas difisil, men dirijan yo pa mezire dimansyon kriz la, rezon ki pouse yap fè politik pou konsolide pouvwa yo sou do pèp la.
Antouka, Ann imajine yon moman, Lafrans ta aksepte peye kòb sa epi depozel nan BNC?
Robenson D’Haiti Kayak Post. .

Eskandal koripsyon nan Imigrasyon: ansyen direktè jeneral la ta sove a plis pase 18 milyon goud. Se plizyè ajan bwat sa,...
01/02/2025

Eskandal koripsyon nan Imigrasyon: ansyen direktè jeneral la ta sove a plis pase 18 milyon goud. Se plizyè ajan bwat sa, ki pa vle non yo site ki pale a Kayak Post. Stephane Vincent ta twouvel Dubai, aprèl fin vide kès biwo imigrasyon peyi an. Anplwaye sa yo, fè revelasyon sa paske sitiasyon sa anpeche yo touche lajan bwat la dwe yo. Mesye Stephane te antre an fonksyon 9 Out 2024 sou Gary Conille avan Antoine JN Simón Fenelon, nap ankete sou li tou, te ranplasel Lendi 25 Novanm 2024, li pase sèlman 3 mwa ak 16 jou nan bwat sa.
Stephane Vincent Sete tou konseye teknik Gary Conille epi se 2e manm fondatè pati politik En Avant ansyen depite Petyon Vil la Jerry Tardieu, ki nan tranzisyon sa, ki te bal pòs la ap dirije.

Tankou jan sa toujou fèt pandan dènye ane ki pase yo. Selebrasyon anivèsè endepandans peyi Dayti pat dewoule nan Gonayiv...
01/02/2025

Tankou jan sa toujou fèt pandan dènye ane ki pase yo. Selebrasyon anivèsè endepandans peyi Dayti pat dewoule nan Gonayiv. Nan okazyon 221e anivèsè sa, nan Vila Dakèy la, Leslie Volaire mande ak Lafrans remèt lajan Endepandans lan epi repare tout dega esklavaj la te koze. Pwoteje Jean Bertrand Aristide lan, te tou egzije ak kèk gran pisans nan mond lan pou remèt peyi a lajan li te ba yo pandan 2 syèk ki sot pase la.
Prezidan konsèy Tranzisyon an pwomèt ane sa, se pral yon ane elektoral, kotel dil satisfè pou 8 premye mwa konsèy la.
Si bilan parèt pozitif bò kote dirijan yo, men nan bouch pèp la, li amè kou fyèl Kote se bandi kap teworize popilasyon an, plizyè masak realize pandan 8 mwa sa yo, mizè a tounen yon flewo, dirijan yo fin anrichi epi enpinite ap taye banda, .

Montenegro 🇲🇪: 10 moun mouri, pami yo 2 timoun, plizyè blese se bilan yon atak jodi Mèkredi 1e Janvye an anndan yon rest...
01/02/2025

Montenegro 🇲🇪: 10 moun mouri, pami yo 2 timoun, plizyè blese se bilan yon atak jodi Mèkredi 1e Janvye an anndan yon restoran. Bandi an, ki te sot bwè tafya, te sou nan moman li ouvri katouch sou moun ki te nan espas la daprè premye eleman enfòmasyon yo.
Se premye jou nan ane 2025 lan, deja 2 fiziyad (Etazini e Montenegro) yon ventèn moun deja mouri anba aksyon kriminèl. 2025 lan, ki antre an fòs ak kriminalite. .

Address

York
York, PA

Website

Alerts

Be the first to know and let us send you an email when Kayak Post posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kayak Post:

Videos

Blennde Satan.
Blennde Satan.

Nan Depatman Latibonit, blennde Polis la, plizyè moun rele “Satan” detwi plizyè kay, pami yo kay chèf gang sa ki rele “DINOZÒ” Lapolis pa anonse gen bandi ki mouri, men plizyè bandi kouri kite fyète yo pou al rejije lòt Kote. Lapolis prezan nan Depatman pou deloje gang savyen an, yo gen ak yo plizyè gwo materyèl. #KayakPost

Wanament Vs Dajabon
Wanament Vs Dajabon

Videyo sa gen rapò ak dènyè piblikasyon sou paj sa, pouw byen konprann li, nou envitew al gade piblikasyon ki fèt avan. A 8h25 PM Jedi 26 Desanm 2024 Jounalis Kayak Post la anrejistre videyo sa sou plas piblik Wanament lan, touswit aprè li te fin anrejistre yon videyo sou plas Dajabon nan. Diferans lan klè. A travè piblikasyon nou yo, Kayak Post vle pou Aysyen gade tèt yo nan glas. Ansyen prezidan Jovenel Moise te deklare lap fè Wanamnet pi bèl pase Dajabon. Mandal Fini, li pwolonjel jiskaskel mouri Wanament vin pi mal ke janl te ye avan. Ki kandida kap vin fè yon lòt pwomès sou Wanament. Nap swiv……. #KayakPost.

Dajabon Vs Wanament.
Dajabon Vs Wanament.

Jounalis Kayak Post depi Depatman Nòdès tap tante fè yon eksperyans. Li anrejistre videyo sa Dajabon nan Sendomeng 🇩🇴 sou plas piblik la, tou prè fwontyè Wanament. Li anrejistre Videyo sa Jedi 26 Desanm 2024 la a 8h00 PM. Li mache a pye pou antre Wanament, kotel rive sou plas Wanamnet lan a 8h25 PM epi lal anrejistre yon videyo preske nan menm lè an sou plas piblik Wanament lan donk Haiti 🇭🇹. Nan pwochen piblikasyon an, toujou sou menm paj sa, al gade plas piblik Wanament lan. #KayakPost

Tòbèk, Sid Haiti 🇭🇹
Tòbèk, Sid Haiti 🇭🇹

Vil Tòbèk nan Depatman Sid Haiti 🇭🇹 klere kou miwa zanj nan okazyon fèt nwèl la. Abitan vil la ki kontan, kap obsève, sa ki bay tou yon van lespwa sou tout Haiti ki plonje nan ensekirite ak mizè. Tòbèk se vil Boisrond Tonnerre, ki se redaktè ak Endepandans peyi an. Nap raple se pa jounalis Kayak Post ki anrejistre videyo sa. #KayakPost.

Jenès la pa gen bon modèl.
Jenès la pa gen bon modèl.

Poukisa Jenès la pa souvan swiv bon modèl yo? Kayak Post ap kesyone sou sa.

#KayakPost
#KayakPost

Espès animal sa, fè aparisyonl jodi an pandan lapli ap tonbe nan Depatman Nòdwès. Nan yon videyo abite zòn Croix St Joseph, Prè Pòdpè pibliye, yo mande kiyès ki ka idantifyel. Pandan Kayak Post ap chèche plis enfòmasyon sou animal la, ki espès e reyèlman Kotel soti, sitwayen zòn nan gen enterè pou pwoteje animal la. #KayakPost.

Ka sa yo pa janm Jeneral.
Ka sa yo pa janm Jeneral.

Pou rès ekip Kayak Post yo, agiman sa pa jeneral. Te gen gwo deba kontradiktwa nan entèvansyon sa. #KayakPost

Kayak Post.
Kayak Post.

Michel Martelly te bay pèp la 2 kanaval, zewo Ledilasyon. Anpil dirijan yo jwe sou fèblès popilasyon an.

Kayak Post.
Kayak Post.

Nan temwayaj yo, anpil Aysyen denonse konpòtman sak te la avan yo, ki parèt rasis. Men depi plizyè jou nou resevwa plizyè vèsyon ki montre anpil nan moun Biden yo pa gen bon konpòtman lòt bo a. #KayakPost

Kayak Post
Kayak Post

Nan entèvyou Kayap Post realize ak plizyè jèn nan peyi an. Yo plis sou kite peyi an pase yo fòme tèt yo. #KayakPost

Bòn fèt Max FM.
Bòn fèt Max FM.

Radio Max FM, 104.5 yon referans nan vil Senmak pral fete 20 Lane egzistans li. 25 Desanm 2004-25 Desanm 2024. PDG estasyon sa pataje ak gran piblik la yon tikal videyo kote vwal egal ak li menm ap montre yon estidyo flanban nèf. Jean Max Cajuste a travè Radio Max FM sipòte anpil jèn nan domèn teyat. Lòm sa ki mete vwal sou majorite spòt Unitransfer yo, te anime yon emisyon konpa sou Signal FM nan Potoprens. Bòn fèt ak Max FM. #KayakPost

Kayak Post ap kontinye travay sou kèk gwo dosye.
Kayak Post ap kontinye travay sou kèk gwo dosye.

Ki ta dwe sanksyon kont kategori moun sa yo? Eske moun ki ta dwe bay sanksyon yo, pou tèt pa yo pa merite sanksyon an tou?

Shortcuts

Share

Category