អាជ្ញាធរខេត្តបាត់ដំបងបញ្ឈប់ការជួបជុំរបស់យុវជននៅភោជនីយដ្ឋានមួយ
កាលពីថ្ងៃទី ២១ ខែកក្កដា ឆ្នាំ ២០២៤ អាជ្ញាធរក្រុងបាត់ដំបងបានបញ្ឈប់សកម្មភាពជួបជុំរបស់ក្រុមយុវជនមួយក្រុមដោយអះអាងថា ពួកគេមិនបានសុំការអនុញ្ញាតសម្រាប់ការជួបជុំឡើយ។ ក្រុមយុវជន និងអ្នកការពារសិទ្ធិមនុស្សថា ការបញ្ឈប់នេះប៉ះពាល់ដល់លំហសេរីភាពនៃការជួបជុំ និងបញ្ចេញមតិ។ លោក ស៊ឹម ចាន់សំណាង រាយការណ៍ឱ្យវីអូអេពីរាជធានីភ្នំពេញ។
អ្នកតាមដានជំរុញឱ្យរដ្ឋាភិបាលបង្ហាញព័ត៌មានសំខាន់ផ្សេងទៀតអំពីព្រែកជីកហ្វូណន
អ្នកតាមដានបានជំរុញឱ្យរដ្ឋាភិបាលកម្ពុជាបង្ហាញព័ត៌មានសំខាន់មួយចំនួនទៀត ដូចជាកិច្ចព្រមព្រៀងវិនិយោគ BOT ឬហៅថាសាងសង់ ប្រតិបត្តិការ និងផ្ទេរ របាយការណ៍វាយតម្លៃផលប៉ះពាល់បរិស្ថាន និងការដោះស្រាយសំណងជូនដល់ប្រជាជនជាដើម។ ការជំរុញបែបនេះ ខណៈកម្ពុជានឹងបើកការដ្ឋានសាងសង់ព្រែកជីកហ្វូណននេះ ក្នុងរយៈពេលពីរសប្តាហ៍ទៀត។ លោក លាស់ លីបលីប រាយការណ៍ឱ្យវីអូអេពីរាជធានីភ្នំពេញ៕
លោក Biden ដកខ្លួនពីការប្រជែងតំណែងប្រធានាធិបតី ហើយគាំទ្រ អ្នកស្រី Harris
លោក Biden ដកខ្លួនពីការប្រជែងតំណែងប្រធានាធិបតី ហើយគាំទ្រ អ្នកស្រី Harris
លោកប្រធានាធិបតី Joe Biden បានប្រកាសកាលពីថ្ងៃអាទិត្យថា លោកនឹងបញ្ចប់ការប្រឹងប្រែងស្វែងរកការឈ្នះការបោះឆ្នោតឡើងវិញ ហើយបានគាំទ្រអនុប្រធានាធិបតី អ្នកស្រី Kamala Harris ឱ្យក្លាយជាបេក្ខភាពប្រធានាធិបតីរបស់គណបក្សប្រជាធិបតេយ្យនៅលើសន្លឹកឆ្នោតខែវិច្ឆិកា។ អ្នកស្រី Patsy Widakuswara ប្រធានការិយាល័យព័ត៌មាន VOA នៅសេតវិមាន រាយការណ៍ពីរដ្ឋធានីវ៉ាស៊ីនតោន។ លោក ចាប ចិត្រា ជូនសេចក្តីប្រែសម្រួល៖
លោក Biden បញ្ចប់យុទ្ធនាការប្រធានាធិបតីឆ្នាំ២០២៤ និងគាំទ្រ អ្នកស្រី Harris
លោក Biden បញ្ចប់យុទ្ធនាការប្រធានាធិបតីឆ្នាំ២០២៤ និងគាំទ្រ អ្នកស្រី Harris
លោកប្រធានាធិបតី Joe Biden បានដកខ្លួនចេញពីការប្រកួតប្រជែងតំណែងប្រធានាធិបតីនៅឆ្នាំ២០២៤ កាលពីថ្ងៃអាទិត្យ ដោយបញ្ចប់ការប្រឹងប្រែងរបស់លោកសម្រាប់ការបោះឆ្នោតឡើងវិញ បន្ទាប់ពីការជជែកដេញដោលដ៏មហន្តរាយជាមួយលោក Donald Trump ដែលបានធ្វើឱ្យមានការសង្ស័យអំពីកាយសម្បទារបស់លោកសម្រាប់តំណែងនេះ ដែលនឹងត្រូវបោះឆ្នោតនៅត្រឹមតែបួនខែខាងមុខ។
លោកប្រធានាធិបតី Joe Biden បាននិយាយនៅក្នុងសារបង្ហោះក្នុងប្រព័ន្ធផ្សព្វផ្សាយសង្គម X កាល ពីថ្ងៃអាទិត្យថា លោកសម្រេចចិត្តដកខ្លួនចេញពីការប្រជែងបោះឆ្នោតទល់នឹង លោក Donald Trump។
ការប្រកាសនេះ ធ្វើឲ្យការបោះឆ្នោតប្រធានាធិបតីក្រឡាប់ចាក់ បន្ទាប់ពីការជជែកដេញដោលគ្នាដែលបានជំរុញឱ្យសមាជិកសភាជាច្រើនរូបជំរុញឱ្យលោក Biden ដកខ្លួនចេញពីការប្រកួតប្រជែង។
ការប្រកាសនេះកើតឡើងចំពេលមានការបន្ទរកាន់តែខ្លាំងឡើងពីសមាជិកសភាគណបក្សប្រជាធិបតេយ្យដែលបានអំពាវនាវឲ្យលោកចុះចេញពីតំណែង។
ទន្ទឹមនឹងនេះ បន្ទាប់ពីបានបញ្ចប់សន្និបាតជាតិរបស់ពួកគេនៅទីក្រុង Milwaukee កាលពីសប្តាហ៍មុន មន្ត្រី អ្នកយុទ្ធសាស្រ្ត និងសកម្មជននៃគណបក្សសាធារណរដ្ឋ កំពុងបង
លោក Trump ទទួលការតែងតាំងជាផ្លូវការជាបេក្ខជនប្រធានាធិបតីបក្សសាធារណរដ្ឋ
លោក Donald Trump ទទួលយកការតែងតាំងជាផ្លូវការជាបេក្ខជនប្រធានាធិបតី បក្សសាធារណរដ្ឋ
សន្និបាតជាតិរបស់គណបក្សសាធារណរដ្ឋបានបញ្ចប់កាលពីយប់ថ្ងៃព្រហស្បតិ៍ជាមួយនឹងសុន្ទរកថារបស់បេក្ខជនប្រធានាធិបតីផ្លូវការរបស់គណបក្សគឺអតីតប្រធានាធិបតីលោក Donald Trump។ លោក Trump បានអង្គុយនៅក្នុងជួរទស្សនិកជនមើលសន្និបាតជាតិនេះអស់ពេញមួយសប្តាហ៍មកហើយ ប៉ុន្តែថ្ងៃព្រហស្បតិ៍ជាសុន្ទរកថាសាធារណៈដំបូងរបស់លោកចាប់តាំងពីលោកបានក្លាយជាគោលដៅនៃការប៉ុនប៉ងធ្វើឃាតកាលពីថ្ងៃសៅរ៍សប្ដាហ៍មុនមក។ អ្នកស្រី Carolyn Presutti អ្នកឆ្លើយឆ្លងព័ត៌មានជាតិជាន់ខ្ពស់នៃ VOA ប្រចាំនៅរដ្ឋធានីវ៉ាស៊ីនតោន នាំមកជូននូវទិដ្ឋភាព និងសំឡេងពីទីក្រុង Milwaukee រដ្ឋ Wisconsin តាមរយៈការធ្វើសេចក្ដីរាយការណ៍អំព
អ្នកដំណើរជាច្រើននៅអាកាសយានដ្ឋាន Stansted និង Gatwick កំពុងរង់ចាំជើងហោះហើររបស់ខ្លួនដែលត្រូវបានផ្អាកឬពន្យារពេល បន្ទាប់ពីមានការដាច់ចរន្តបច្ចេកវិទ្យា Microsoft ដែលបានប៉ះពាល់ធនាគារ ស្ថានីយ៍ទូរទស្សន៍ និងអាជីវកម្មផ្សេងៗទូទាំងពិភពលោក។
#IToutage #microsoftglitch
អាជ្ញាធរខេត្តមួយចំនួនចាប់ផ្តើមរុះរើស្លាកសញ្ញាផ្សាយពាណិជ្ជកម្មគ្រឿងស្រវឹង
អាជ្ញាធរខេត្តមួយចំនួនបានចាប់ផ្តើមរុះរើផ្លាកសញ្ញាផ្សព្វផ្សាយគ្រឿងស្រវឹងក្នុងតំបន់មួយចំនួន ក្រោយមានបញ្ជាពីរដ្ឋមន្រ្តីក្រសួងមហាផ្ទៃ។ អាជ្ញាធរបញ្ជាក់ថា នេះជាការរុះរើក្នុងតំបន់មួយចំនួនប៉ុណ្ណោះ មិនមែនទូទាំងខេត្តឡើយ។
អាដហុកចាត់ទុកការដកស្លាកទាមទារឱ្យដោះលែងលោក កើត សារ៉ាយ ជាការរឹតត្បិតសិទ្ធិសេរីភាព
មន្រ្តីនៃសមាគមការពារសិទ្ធិមនុស្សអាដហុកប្រចាំខេត្តកំពង់ចាម បានឱ្យដឹងថា អាជ្ញាធរបានរុះរើស្លាកទាមទារឱ្យដោះលែងប្រធានសមាគមសម្ពន្ធនិស្សិតបញ្ញវន្តខ្មែរ លោក កើត សារ៉ាយ នៅទីស្នាក់ការរបស់ខ្លួនកាលពីថ្ងៃពុធ។ មន្រ្តីអាដហុកចាត់ទុកថា នេះជាការរឹតត្បិតសិទ្ធិសេរីភាពមួយលើអង្គការសង្គមស៊ីវិល។
របាយការណ៍អាមេរិក៖ បរិយាកាសវិនិយោគនៅកម្ពុជាមិនអំណោយផលដោយសារអំពើពុករលួយ
ក្រសួងការបរទេសសហរដ្ឋអាមេរិកបានឱ្យដឹងនៅក្នុងរបាយការណ៍ថ្មីមួយថា កម្ពុជាបានផ្តល់ការលើកចិត្តជាច្រើនដើម្បីជំរុញការវិនិយោគ ដូចជាការបើកផ្លូវឱ្យជនបរទេសជាម្ចាស់ក្រុមហ៊ុនទាំងមូល ការកាត់បន្ថយអត្រាពន្ធលើសាជីវកម្ម និងការមិនយកពន្ធនាំចូលនៃទំនិញមូលធន ឬសម្ភារៈដើម្បីផលិតទំនិញផ្សេងទៀតជាដើម។ ប៉ុន្តែការលើកទឹកចិត្តទាំងនេះ មិនបានទាក់ទាញអ្នកវិនិយោគរបស់អាមេរិកមកបណ្តាក់ទុនរកស៊ីនៅកម្ពុជានោះទេ ដោយសារបញ្ហាប្រឈមមួយចំនួន ដូចជាអំពើពុករលួយជាប្រព័ន្ធ កម្លាំងពលកម្មជំនាញដែលនៅមានកម្រិតនៅឡើយ និងកត្តាផ្សេងទៀត ដូចជាការគេចមិនបង់ពន្ធ និងច្បាប់វិនិយោគទុនដែលនៅទន់ខ្សោយ។
លោក Donald Trump ថ្លែងសុន្ទរកថាទទួលការតែងតាំងជាបេក្ខជនប្រធានាធិបតីរបស់គណបក្សសាធារណរដ្ឋ
លោក Donald Trump ថ្លែងសុន្ទរកថាទទួលការតែងតាំងជាបេក្ខជនប្រធានាធិបតីរបស់គណបក្សសាធារណរដ្ឋ
ព័ត៌មានលម្អិតផ្សេងៗទៀត៖ khmer.voanews.com
ប្រព័ន្ធផ្សព្វផ្សាយរដ្ឋបានរាយការណ៍កាលពីព្រឹកថ្ងៃព្រហស្បតិ៍ថា អគ្គីភ័យនៅផ្សារទំនើបមួយបានសម្លាប់មនុស្ស ១៦ នាក់នៅក្នុងទីក្រុង Zigong ភាគនិរតីនៃប្រទេសចិន។ វីដេអូបង្ហាញពីផ្សែងខ្មៅហុយពេញអគារពាណិជ្ជកម្មកម្ពស់ ១៤ ជាន់ ហើយមនុស្សដែលជាប់នៅក្នុងអគារកាលពីថ្ងៃពុធ។
លោក Donald Trump មកដល់សន្និបាតជាតិរបស់គណបក្សសាធារណរដ្ឋ មុនសុន្ទរកថា ទទួលការតែងតាំងជាបេក្ខជនប្រធានាធិបតីរបស់លោក។
នៅសប្តាហ៍នេះ មនុស្សយ៉ាងហោចណាស់ ១៦ នាក់ បានស្លាប់ដោយសារការប៉ះទង្គិចគ្នារវាងប៉ូលិសនិងសិស្សនិស្សិតបង់ក្លាដែសរាប់ពាន់នាក់ ដែលបាននាំគ្នាចេញធ្វើបាតុកម្មជាបន្តបន្ទាប់នៅកណ្តាលរដ្ឋធានីដាកា ដើម្បីទាមទារឲ្យមានការលុបចោលកូតា ៣០% នៃការងាររដ្ឋដែលត្រូវបានរក្សាទុកឲ្យសមាជិកគ្រួសារដែលបានធ្វើសង្គ្រាមដណ្តើមឯករាជ្យឆ្នាំ ១៩៧១ ពីប៉ាគីស្ថាន។ ភាពខឹងសម្បារបស់យុវជនបង់ក្លាដែសមួយផ្នែកក៏កើតឡើងដោយសារតែអត្រាអត់ការងារធ្វើខ្ពស់ ដែលមួយភាគប្រាំនៃចំនួនប្រជាជនប្រមាណ ១៧០លាននាក់ កំពុងអត់ការងារធ្វើ។ នេះបើយោងតាមសេចក្តីរាយការណ៍របស់ទីភ្នាក់ងារសារព័ត៌មាន Reuters៕
ហ្វូងមនុស្សប្រមូលផ្តុំគ្នានៅវេទិកា Fiserv ក្នុងទីក្រុង Milwaukee រដ្ឋ Wisconsin សម្រាប់ថ្ងៃចុងក្រោយនៃសន្និបាតជាតិរបស់គណបក្សសាធារណរដ្ឋ ដែលលោក Donald Trump នឹងបិទព្រឹត្តិការណ៍រយៈពេល ៤ថ្ងៃនេះ ជាមួយនឹងសុន្ទរកថាទទួលយកការតែងតាំងជាបេក្ខជនប្រធានាធិបតីរបស់គណបក្សជាផ្លូវការ។
អតីតប្រធានាធិបតីអាមេរិក លោក Donald Trump បានបង្ហាញខ្លួននៅលើឆាកនៅឯសន្និបាតជាតិគណបក្សសាធារណៈរដ្ឋកាលពីថ្ងៃពុធ ទី១៧ ខែកក្កដា ដើម្បីហាត់សមថ្លែងសុន្ទរកថា មុនពេលសុន្ទរកថាទទួលការតែងតាំងជាបេក្ខជនប្រធានាធិបតីរបស់គណបក្សសាធារណរដ្ឋរបស់លោកនៅយប់ថ្ងៃព្រហស្បតិ៍ទី១៨ ខែកក្កដា។ ក្រោយការតែងតាំងជាផ្លូវការនេះ លោក Trump នឹងប្រឈមមុខនឹងលោកប្រធានាធិបតី Joe Biden ក្នុងការបោះឆ្នោតប្រកួតយកតំណែងប្រធានាធិបតីនៅឆ្នាំ២០២៤ នេះ។
បេក្ខជនអនុប្រធានាធិបតីរបស់លោក Trump ថ្លែងនៅឯសន្និបាតបក្សសាធារណរដ្ឋ
បេក្ខជនអនុប្រធានាធិបតីខាងគណបក្សសាធារណរដ្ឋលោក J.D. Vance បានឡើងថ្លែងនៅយប់ទីបីនៃសន្និបាតជាតិបក្សសាធារណរដ្ឋកាលពីថ្ងៃពុធ។ បេក្ខជនអនុប្រធានាធិបតីរបស់លោក Trump រូបនេះប្រកាន់គោលជំហ «American First» ឬ «អាមេរិកមុនគេ» ទៅលើគោលនយោបាយការបរទេសនិងសន្តិសុខ។ អ្នកស្រី Katherine Gypson អ្នកឆ្លើយឆ្លងព័ត៌មាន VOA ប្រចាំនៅសភាជាតិ រាយការណ៍បន្ថែមពីទីក្រុង Milwaukee រដ្ឋ Wisconsin។ អ្នកនាង ស្រេង លក្ខិណា ជូនសេចក្តីប្រែសម្រួល។
ពលរដ្ឋអ៊ីស្រាអែលឃើញសារៈសំខាន់ច្រើនពីការបោះឆ្នោតនៅអាមេរិក
ពលរដ្ឋអ៊ីស្រាអែលកំពុងតាមដានយ៉ាងដិតដល់ទៅលើការបោះឆ្នោតនៅសហរដ្ឋអាមេរិក ដោយឃើញលទ្ធផលឆ្នោតមានសារៈសំខាន់ក្នុងការសម្រេចពីលទ្ធផលនៃសង្គ្រាមនៅតំបន់ហ្ហ្កាហ្សានិងផលវិបាកនៃសង្គ្រាមនេះ។ អ្នកស្រី Linda Gradstein រាយការណ៍ឱ្យ VOA ពីទីក្រុងហ្សេរុយសាឡិម។ អ្នកនាង ស្រេង លក្ខិណា ជូនសេចក្តីប្រែសម្រួល។
Hello VOA សុខភាព៖ ជំងឺរលាកសន្លាក់រ៉ាំរ៉ៃអាចកើតលើមនុស្សគ្រប់វ័យ
ជំងឺរលាកសន្លាក់រ៉ាំរ៉ៃ (Rheumatoid Arthritis) គឺជាជំងឺរលាកដែលបង្កឡើងពីពហុប្រព័ន្ធភាពសុំាដែលប៉ះពាល់ដល់ភ្នាសក្នុងនៃស្រោមសន្លាក់។ ជាធម្មតា ជំងឺនេះចាប់ផ្តើមវិវត្តលើមនុស្សចន្លោះអាយុពី ៣០ ទៅ ៦០ ឆ្នាំ។ នេះបើតាមការបញ្ជាក់របស់លោក តាំង តេកហុង វេជ្ជបណ្ឌិតខ្មែរអាមេរិកាំងចូលនិវត្តន៍នៅរដ្ឋ Florida សហរដ្ឋអាមេរិក។ លោកបានមានប្រសាសន៍ទៀតថា ជំងឺនេះអាចនាំឱ្យមានភាពរលាក ការបំផ្លាញសន្លាក់ ការខូចទ្រង់ទ្រាយសន្លាក់ និងពិការភាព ព្រមទាំងអាចប៉ះពាល់ដល់កន្លែងផ្សេងទៀតក្រៅពីសន្លាក់ផងដែរ។ លោកវេជ្ជបណ្ឌិត តាំង តេកហុង នឹងបកស្រាយអំពីមូលហេតុ ផលវិបាក ហានិភ័យ និងវិធីព្យាបាលជំងឺរលាកសន្លាក់រ៉ាំរ៉ៃនេះនៅក្នុងកម្មវិធី Hello VOA ស្ដីពីសុខភាពនៅក្នុងខែកក្កដានេះ៕
នៅយប់ថ្ងៃព្រហស្បតិ៍នេះ លោក Donald Trump នឹងធ្វើសុន្ទរកថាដោយលោកនឹងទទួលយកការតែងតាំងរបស់ប្រតិភូបក្សក្នុងនាមលោកជាបេក្ខជនប្រធានាធិបតីរបស់បក្ស ហើយលោកនឹងថ្លែងរិះគន់រដ្ឋបាលរបស់លោកប្រធានាធិបតី Joe Biden នៃគណបក្សប្រជាធិបតេយ្យ និងបង្ហាញពីគោលនយោបាយចម្បងៗរបស់លោក បើសិនជាលោកឈ្នះការបោះឆ្នោតខែវិច្ឆិកានេះ។ កាលពីយប់ថ្ងៃពុធ លោក Trump បានទទួលការស្វាគមន៍ពីក្រុមអ្នកគាំទ្រនិងប្រតិភូរបស់បក្សសាធារណរដ្ឋ នៅក្នុងវេទិកា Fiserv នៅក្រុង Milwaukee រដ្ឋ Wisconsin ខណៈសមាជិកបក្ស មន្ត្រីអ្នកមុខអ្នកការ និងសកម្មជននយោបាយដែលបានឡើងបង្ហាញខ្លួននៅយប់នោះ បានបង្ហាញជំហររបស់ពួកគេនៅក្នុងការគាំទ្របេក្ខភាពរបស់លោក Trump នៃគណបក្សសាធារណរដ្ឋ ដើម្បីប្រជែងយកជ័យជម្នះនៅក្នុងការបោះឆ្នោតប្រធានាធិបតីឆ្នាំ ២០២៤ ដែលនឹងធ្វើឡើងនៅថ្ងៃទី ៥ ខែវិច្ឆិកាខាងមុខ។ នេះបើយោងតាមសេចក្តីរាយការ
