Voice of Eritrea Us (2024)

06/05/2024

🇪🇷ዮሃና መበል 33 ዓመት
ጽንብል ነጻነት🇪🇷

መዓልቲ ሃገራዊ ናጽነት፡ ብኹሎም ህዝብታት ዓለም ወትሩ ክኽበርን ብድምቀት ኪጽምበልን ልሙድ እዩ። እዛ ብመስዋእቲ ኣሽሓት ቡሉጻት ደቓን ፥ ብነዊሕ ዓመታት ቃልስን ዝመጸት 24 ግንቦት ዕለተ-ነጻነት ኤርትራ ከኣ ሕልፊ ኣለዋ።

ስለ ዝኾነ ብፉሉይ መልክዕን ኣገባብን ክንጽምብላ ዝተኸፍለ ዋጋ ንዘንተ-እለት ክዝከርን ክኽበርን ዓመት ዓመት ሓደስቲ መደባት እንዳ ተዋደደ ፥ ኣብ ውሽጥን ወጻእን ብፍቕሪ ተሳትፎ ህዝቢ : "ውሕስነት ሰላም ብ መኸተ" ኣብ ዝብል ቴማ ብውዕዉዕ ኤርትራዊ መንፈስ ክባዓል'ዩ ።

ኣብዚ ኣብ ዋሽንግተን-ዲሲ ድማ ናይ ሰለስተ መዓልቲ በዓል ብኸምዚ ዝስዕብ ኣገባብ ክጽምበል'ዩ ።

🇪🇷ዓርቢ 24 ግንቦት ጉዕዞ ብማኪና ፥
መደብ ኣብ ቀጽሪ ኤምባሲ ሃገረ-ኤርትራ ፥ ቀጺሉ
ኣብ ባህላውን ሲቪካውን ማእከል ድራርን ድሙቕ ምዝንጋዕ ምሸት ፥ ክሳብ ፍርቂ ለይቲ
🇪🇷ቀዳም 25 ግንቦት ፥ መደብ ኣብ ባህላውን ሲቪካውያን ማእከል (ኢሲሲሲ) ብውሩያት ድምጻውያንን ሙዚቀኛታትን
🇪🇷ሰንበት 26 ግንቦት ዙነት (Picnic ) ኣብ ፎርት
ሃንት ፓርክ (Fort-Hunt Park)

33rd 🇪🇷 Eritrea/s
Birthday Celebration
DC
-Friday 24th May Car Tour
Downtown DC &
Ceremony Eritrea, Continues
To Eritrean Cultural Community Center
-Saturday 25th May
Party
-Sunday 26th May
Picnic Hunt Park

14/02/2024

https://youtu.be/TxFY-Rd5Nbc?si=oqTyicsjW8DZM6Bv

መደብ ፈንቅልን 4ይ ግንባር ምብራቓዊ ዞባ ሰሜን ኣሜሪካ

07/01/2024

https://www.tiktok.com/t/ZT84p3wxr/

Check out Cheste's video.

24/12/2023

"ሆርዳታ"
ማለት ፥ "መንእሰይ" ማለት'ዩ ብቋንቋ ናራ ።

15/11/2023

ደቂ-ሓላል መሬት ፥
ዓሰብ ሃቡና ፥ ኢትዮጵያ ክንህበኩም 'ዩ ዘሎ እቲ ወረ ።

10/11/2023

እዞም ትግራይ ጆኖሳይድ እንዳ-በሉ ዝግዕሩ ፥ ንናይ ፍልስጤም 'ከ እንታይ ኢሎም ፥ ይጽውዕዎ ?

09/11/2023

https://x.com/traveltoeritrea/status/1722353268255346961?s=46&t=ZfT4k7xr2Vj-6erEEOBLLg

03/11/2023

ሕማቕ ሰማዕ

ተጋዳላይ ግርማይ የማነ ጻድቕ ኣብ ኣስመራ ተወሊዱ ዓብዩ ። ስሩዕ ህግ ኮይኑ ተልእኹኡ እንዳ’ብጸሐ ኣብ ማይ-ድብነት (ኣኽርያ) ብወተሃደራት ደርጊ ተታሒዙ ፥ ንዓመት ተኣሲሩ ።

ማእሰርቱ ምስ ወድአ ንሜዳ ወጺኡ ። ኣብ ሜዳ'ውን ኣብ ውግእ ተማሪኹ ፥ ኣለም በቃኝ ዝባሃል ውሩይ ቤት ማእሰርቲ ኢትዮጵያ ንዓመታት ክሳብ ነጻነት ኤርትራ ተኣሲሩ ።

ድሕሪ ነጻነት ካብ ቤት- ማእሰርቲ ምስ ተፈትሐ ኣብ ክፍሊ ቱሪዝም ይሰርሕ ነይሩ ፥ ድሕሪኡ ናብ ኣሜሪካ ኣምሪሑ ።

ዝያዳ ንተጋዳላይ ግርማይ የማነ ጻድቕ ፥ ታሪኻዊ ህይወቱ ንምፍልጣን ምልላይን ፥ "ገድሊ ኣለም በቃኝ ገድሊ" ዘርእስታ መጽሓፍ ፥ ብሓፍቱ ደራሲት ኣብርሀት የማነ ዝተጻሕፈት ኣንብቡ ።

በዚ ኣጋጣሚ ክንማሃሮን ክንሓስበሉን ኣለና ዝብሎ ነገር ፥ ቡዙሕ ታሪኽ ዝሰርሑ ኤርትራውያን ኣብ ሞንጎና ስለ ዘለው፥ ኣብዚ እዋን ድማ ታሪኽ ምስናድ ይኹን ምዝንታው ቀሊሉሉ ኣብ ዘሎ እዋን ፥ ኩላትና ነንፈልጦም ክዛረቡን ከዕልሉን ፥ ከነገድዶም ወይ ክንልምኖም ኣለና ።

እዚ መልእኽተይ ንኹሉ ሃገራዊ ኤርትራዊ ዝምልከት እኳ እንተ'ኮነ ፥ ብፍላይ ግን ኣብ ሚድያ ዝነጥፉ ፥ ከም ድላዮም ፥ ዝምልከተናን ዘይምልከተናን ወረ ይኹን ታሪኽ ኣውሬሙልናን ኣዘንቲዮምልናን ኣርእዮምናን እንድዮም ፥ ንኽኽሕሱና ፥ ከምዚ ናይ ግርማይ የማነ ጻድቕ ዝዓይነቱ ታሪኽ ቀጻሊን ብብዝሕን ክቕርቡልና ይላቦ ።

ክብርን ዝኽርን ንሰማእታትና
ወትሩ ዓወት ንሓፋሽ

Church Service
St Mark Luththern Church
on Saturday November 4th, 2023 @ 11:00am EST
2110 Brockett Rd, Tucker ga 30084.

Burial Service - November 4th, 2023 @1:00pm EST
Millwood Cemetery
5170 E Ponce de Leon Ave
Stone Mountain, GA 30084

08/10/2023

https://x.com/shaebiaeritrea2/status/1710231723898781923?s=46&t=ZfT4k7xr2Vj-6erEEOBLLg

leaders promised Abay (Greater Tigray) November 2020 (Blitzkrieg), 💊 independence through violent annexation of Eritrea including the coast, regime change in The result of the miscalcation 👇 can be seen in the video below Man : „where are our childrens"

03/10/2023

ሓበን ሃገር ራብዓይ ግንባር!

Oct 3, 2023

ኤርትራውያን ነበርቲ ዓባይ ብሪጣንያ፡ ብ22 መስከረም 2023፡ ቅርዓት ሃገራዊ ምትእኽኻብ ኤርትራውያን ክዘርግ ዘንቀደ ዕብዳን ሎም ዘመን ብምቅዋም፡ ምዕሩግ ሰላማዊ ሰልፊ ኣካዪዶም። ክብርን መሰልን ማሕበረ-ኮም ኤርትራውያን ኣብ ዓባይ ብሪጣንያ ክሕሎ ዝጠልብ ልዕሊ 10,000 ክታም ዝሓዘ ደብዳበ ድማ ናብ ቤት ጽሕፈት ቀዳማይ ሚኒስተር ብሪጣንያ ኣረኪቦም።

ካብ እዋን ሓርነታዊ ቃልሲ ጀሚሩ፡ ኤርትራውያን ኣብ ወጻኢ ዝጽንብልዎ በዓላትን ዘካይደዎ ሰላማዊ ሰልፊን፡ ብብዝሒ ተሳተፍቱን ስነ-ምግባሩን ኳዕናን’ዩ። መርኣያ ርዝነት ኤርትራዊ መንነት ድማ’ዩ። ናይ 22 መስከረም ሰላማዊ ሰልፊ ዓባይ ብሪጣንያ ከኣ፡ ነዚ ምስኩር ጭውነት’ዚ ደጊሙ ብምኹላዕ፡ ብተዘዋዋሪ መገዲ ኣብ ዕብዳን ሎም ዘመን ዝተራእየ ነውራም ተግባር፡ ንባህሊ ህዝቢ ኤርትራ ዘይውክል ጓና ተርእዮ ምዃኑን ዋናታቱ ካልኦት ምዃኖምን ዘነጽር መልእኽቲ ዘመሓላለፈ እዩ።

ኣብ ወጻኢ ሃገራት ዝነብሩ ኤርትራውያን፡ ኣንጻር ህዝቦምን መንግስቶምን ዝቐንዐ ተጻብኦታት ኣብ ዝቕልቀለሉ፡ ብልዑል ውህደት ቅልጡፍ ግብረ-መልሲ ምሃብ ባህሎም’ዩ። ሓያሎ መንግስታት ንዜናዊ ስርሓትን ማልዶትን (ሎቢ) ብርኩት ወፍሪ ከፍስሱ ከለው፡ ኤርትራ ግን ከምኡ ዓይነት ፈሰስ ዘድልያ ሃገር ኣይኮነትን። ዜጋታታ፡ ብዘይ ዝኾነ መምርሒ፡ ብተበግሶኦም፡ ንሃገራዊ ጉዳዮም ባዕሎም ዝጣበቑ እዮም። ፈታዊን ጸላኢን “ኩሉ ኤርትራዊ፡ ኣምባሳደር ሃገሩ’ዩ” ክብል ዝተቐሰበ በዚ ምኽንያት’ዚ እዩ።

ህዝባዊ ግንባር ኣብ እዋን ሓርነታዊ ቃልሲ “ፖለቲካዊ ንቕሓት ኣብ ሓፋሽ ምስዝሰርጽ፡ ናብ ብርቱዕ ነገራዊ ሓይሊ ይቕየር” ዝብል እምነት ዝነበሮ ውድብ’ዩ። በዚ ኣመለኻኽታ’ዚ ዝተዀስኰሰ ሃገራዊ ንቕሓት ከኣ፡ ንመኸተ ኤርትራውያን ወትሩ ኣብ በሪኽ ዝባንን ጽኑዕ ዕርዲን ከምዝሰፍር ገይሩዎ። ኤርትራውያን፡ ኣብ ውሽጢ ሃገር ይሃልው ኣብ ወጻኢ፡ ኣብ ጉዳይ ሃገሮምን ዓለማዊ ኩነታትን ኣናብባኦም ተመሳሳሊ ዝኾነሉ ምኽንያት፡ ብቐንዱ ውጽኢት ናይዚ ንቕሓት’ዚ እዩ። ከምዚ ዝኣመሰለ ሓባራዊ ርድኢትን ንቕሓትን ኣብ ዝኾነ ሕብረተሰብ ብቐሊሉ ዝርከብ ጸጋ ኣይኮነን። ህዝቢ ኤርትራ ኣብቲ ተሪር እዋን ሓርነታዊ ቃልሲ፡ እምነቱ ኣብ ነብሱን ንቕሓቱን ብምንባር፡ ጸጋታቱ ዘወሃህድ ውዳበን መርበብን ፈጢሩ፣ ባዕሉ ጠበቓ ፍትሓዊ ጉዳዩ ክኸውን በቒዑ’ዩ። ድሕሪ ናጽነት ከኣ፡ በዚ ብልሕን ንቕሓትን’ዚ፡ ንኹሉ ዓይነት ብድሆታትን ሽርሒታትን እናጠሓሰን እናሰዓረን ብቐጻሊ ኣብ ጎደና ዓወት ኣብ ምምራሽ ይርከብ።

ኤርትራ ኣብ ርእሲ’ቲ ሓቀኛን ፍትሓዊን ዕላማኣ ተወሳኺ ሓይሊ ዝኾና ዘሎ ረቛሒ፡ ዕዙዝ ሱታፌ ዜጋታታ ኣብ ሃገራዊ ጉዳይ’ዩ። ክንዲ ዝዀነ፡ እዚ ኣብ ፍሉይ ታሪኻዊ ክውንነት ናይዚ ሃገር’ዚ ዝማዕበለ ሓያልን ኣድማዒን ህዝባዊ ዲፕሎማሲ፡ ክዕቀብን ዝያዳ ክምዕብልን ይግባእ። ሃገር ትተኣማመነሉን ትሕበነሉን ራብዓይ ግንባር ብምዃኑ!

ሰላማዊ ሰልፊ ኤርትራውያን ነበርቲ ዓባይ ብሪጣንያ፡ ንቕሓትን ጥምረትን ህዝቢ ኤርትራ፡ ልዕሊ ዝኾነ ዓይነት ብድሆ በሪኹ ዝቕመጥ ምዃኑ ደጊሙ ብምርግጋጽ፡ ሕጂ’ውን ብድሕሪ’ዚ ዕብዳን’ዚ ንዘለዉ ሃንደስቲ፡ ሃቐንኦም ቅንጡእ፣ ኣተናኦም ምኽሉእ ምዃኑ ኣርዲኡዎም ኣሎ። ነቶም መሬትን ህዝቢን መንግስቲን ኤርትራ በበይኑ መሲሉዎም፡ ክሳብ ሕጂ ፍረ ኣብ ዘይብሉ ሃልኪ ተጸሚዶም ዝጸንሑ ሰብ ግጉይ ቅማረ ከኣ፡ “ደጊምሲ ቅበጹ!” ዝብል ሕልናኦም ዘዕርብ መልእኽቲ ኣመሓላሊፉሎም ኣሎ። ዘስተውዕል ኣእምሮ እንተለዎም፡ ህዝቢ፡ መንግስቲ፡ መሬት ኤርትራ፡ ሓደ ኣካል – ሓደ ተምሳል፤ ሓደ ሓይሊ – ሓደ መንፈስ እዮም።- ንዘንተ እለት!

ቦርድ ክፍሊ ጋዜጣ