05/09/2024
महिला श्रमिकमाथि हातपाइ गरेको आरोपमा पञ्चायत प्रधान मणीराज डुमजन विरूद्ध प्राथमिकी दर्ता
गाडीधुरा : ज्याला , तलब, पीएफ, बोनस, ग्रयाचुटी आदि नपाएको कारण लङभ्यू चिया बगानका श्रमिकहरू हाल आन्दोलनरत छन्। श्रमिकहरूको उक्त आन्दोलन आज 17 दिन पुरा गरेको छ। आन्दोलनकै क्रममा आज पनि श्रमिकहरू धरना दिन बगानको अफिस परिसरमा भेला भएका थिए।
धरना हुँदै गर्दा भारतीय गोर्खा प्रजातान्त्रिक मेर्चाको युनियन हिल तराई डुवर्स प्लान्टेसन वर्कर युनियनका संयोजक एव सेन्ट मेरिज ३ का पञ्चायत प्रधान मणीराज डुमजनले आन्दोलनकारी श्रमिक प्रतिनिधिहरूलाई मिटिङ बस्ने बहनामा अफिस कोठामा बोलाएका थिए। तर कोठामा बैठक सुरू हुन साथ श्रमिक युनियन हिल प्लान्टेसन्स् एम्प्लोइज युनियनका युनिट सचिव सङ्गीता छेत्री माथि हातपाइ भएको प्रत्यक्षदर्शीहरूको भनाइ छ।
महिला श्रमिकलाई कुटपिट गर्ने आरोपीहरूमा पार्टी कार्यकर्ताहरू सुजित गोले र बादल राईको पनि नाम उल्लेख छ। पञ्चायत प्रधानकै अगुवाईमा भुक्तभोगी महिला श्रमिक माथि कुटपिट गरेको घटनालाई आज सम्पूर्ण आन्दोलनकारी श्रमिकहरू गाडीधुरा आउट पोस्टमा भेला भएका थिए।
श्रमिकहरूले लामो समयसम्म धरना दिँदै कुटपिट गर्न पञ्चायत प्रधान अनि अन्य दुइजना विरूद्ध प्राथमिकी दर्ता गरेको छ।
यी आरोपीहरू विरूद्ध थानाले भारतीय न्याय संहिताको 115(2), 351 अनि 76 अन्तर्गत मुद्दा दायर गरेको।
यता, पीडित श्रमिकहरूले सत्तासीन दलको नेतृत्व एव पञ्चायत प्रधानले नै यस्तो गर्नु भनेको पार्टीको नियत र अनुशासन माथि प्रश्न खडा भएको बताए। पार्टीले यस्ता प्रवृत्तिको नेतालाई चाडो भन्दा चाडो दलगत कारबही गरिनु पर्ने बताउँदै हाल महिलाहरू विरूद्ध दैनिक रुपमा हिंसा भइरहेकोमा चिन्ता व्यक्त गरेका छन्।
