06/25/2025
*Si nou wè yon atik CNN ki di admnistrasyon Trump lan ap prepare yon nouvo stateji kote yo prevwa rejte an mas plizyè santèn milye demann azil, men kisa atik lan di en detay.*
Administration Trump lan dapre CNN prevwa rejte an mas plizyè demann azil, sitou pou moun ki te antre ilegalman epi kounye a gen yon dosye azil kote yap tann yon repons.
*Kilès desizyon sa vize?*
Dapre atik CNN nan men kilès desizyon sa pral enpakte dirèkteman:
•Moun ki antre Etazini san papye, san enspeksyon.
•Migran ki deja depoze demann azil, men ki poko gen yon odyans ki pwograme epi ki te rantre de fason iregilye.
Nan dènye 10 ane yo, majorite moun ki te aplike pou azil avèk USCIS te di kijan yo te antre Ozetazini. 25% ladan yo te di yo te antre ilegalman, san otorizasyon.
Sa vle di omwen 250,000 moun selon yon rapò federal ki te analize nombre moun ki aplike pou azil nan ane 2023. Se moun sa yo ke admnistrasyon an vize ak desizyon sa
Rès aplikan yo te antre legalman atravè pò antre ak viza oswa lòt mwayen. Se pa de moun sa yo atik lan ap pale.
*Kisa etap yo ap ye dapre atik la?*
1.Yo pral rejte dosye azil yo san odyans endividyèl.
2.Apre sa, moun sa yo va imedyatman depòtab. MEN pou moun sa yo fè fas a “depòtasyon rapid” fòk yo paka pwouve ke yo tap Etazini pou plis ke 2 lane. Si yo tap viv pou plis, yo paka depòte yo anba “expedited removal proceedings”. Yap oblije pase devan yon jij. Men sa pa vle di yo paka mete yo nan on sant detention pou tann yo pase devan jij la.
En rezime, plan sa se yon aksyon agresif kont migran san papye. Tanpri kontinye li atik yo nan entegralite yo pou nou pa panike.
