Zomi Today

12/20/2023

CNA ten Zomi galkap lui khat man

12/20/2023

GERMANY IN LITHUNIA GAMAH GALKAP 4,800 KOIH DING

Germany gam in Lithunia gamah galkap 4,800 leh civil mi 200 a kip a kho a, (permanent) a koih den theih nangin December 18, 2023 niin gam nih palaite in kikemna suai kai uh hi.

Kikemna dung sun in Germany k*mpi in 2024 ciangin galkap koih kipan ding uh a, 2027 ciangin a bucingin (full strength) zoh sawm ding uh hi. Germany gam in Japan gal khit gam dangah galkap a khatvei koihna hi ci hi.

A koihna mun ding pen Russia gamgi pan KM 100 kim beka gamlatna mun hi ding a, a nasep ding uh pen NATO gam ahi, Lithunia gam venbit hi ding hi ci hi.

12/20/2023

CAPITOL POLICE-TE IN MI 60 MAN

Washington DC ah Palestinian panpih pawlin (pro-Palestinian) dan loin Rotunda of the
US Legislature huang sungah k*mpi lang panna (demonstration) nei uh ahih manin Capitol Police-te in mi 60 man uh hi.

Amaute in "Stop Funding Violence", "Stop Arming Israel" and "Cease Fire Now" cihte tawi uh hi.

11/09/2023

10/24/2023

Gu ne kha a si mi 3 RIP
October 24, 2023 Tuesday

Malaysia a om Pahang state sung mah ah a om a hi Rompin DC sung ah Construction sem a om Kawlgam mi 3 te October 17 ni in a sih na uh tawh ki sai in mi tawh ki tawt na om lo in mi dang suam sim hi lo in a mau te nek leh dawn lak ah gu a pa khat om hi ding hi ci in zato lam pan in ki mu khia hi.

A hi thei ding thu khat ah Malaysia ah zu pen a tuh fake Brand ki bawl in a ki man nono in ki zuak in tua te pen ci dam na ding in hoih het lo zu hoih lo dawn khak na pan in gu piang hi ding in ki um mawh hi.

2018 k*m in zu a tuh tawh Kawlgam mi 16 ki si khin in tua lo gamdang mi 21 bang si khin ci hi.

2012 k*m lai in zong zu a tuh dawn na hang in mi 25 bang ki si in tua lai in zu tuh a bawl te leh zu tuh te ki man in tua zu te a ki sit ciang in Methanol chemical na ki hel kha hi ci hi.

Tu lai tak a si te zu dawn te zong a ki sit lai tak a hihi. Zomi te zu tuh tawh a ki pelh ding bek tham lo in zu sit tawh zong a ki pelh ngiah ding in ih biak Pasian in thupha hong pia ngiat na ta hen. lungdam

Camp pan Contact ngahlo

1. Min - Pau Lian Muan
Khua-Tuilangh
Pamin-Mang Min Thang
Numin- Ciin Lian Nuam
Camp- KLIA

2. Min-Thang Ngaih Lian
Khua-Kawlpi
Pamin-Cin Khaw Pau
Numin-Zo Lam Niang
Camp - KLIA
Hih a tung aa sanggam te a theikha ih om leh zum ong zasak un. Sia Tuangpu 016 2544 093
ZAM Malaysia
Ngeisok Media

10/16/2023

Israel - Hamas News Update
October,16,2023 Monday
*****************************

- Palestine President Mahmoud Abbas in Hamas te gamtatna pen Palestinian gam bup ai awh peuh mah lo hi ci in gen.

-United Nations Secretary-General Antonio Guterres in Gaza kim teng akisam bang humanitarian huhna a kipiak theihna dingin aman lang theipen in Hamas te in na mi matte uh hong khah khia meng un ci in gen.

- Israel in Gaza leilam pan na vik sawm vua leh galphual mun tampi ki phuang beh lai ding hi ci in Iran in vau a, Iran’s Foreign Minister Hossein Amir Abdollahian leh Hamas makai Ismail Haniyeh Doha ah October ni 14 ni in a kimu khin ahi hi.

- Israel thunei ten West Bank lam ah Hamas mite 200 kem, Hamas te mimat 150 pha ci in Israel in confirm

- Hamas ten Israel a kapna hangin French gammi 19 si.

- Turkey, UK, US, Australia, Iraq, Bangladesh, Indonesia, Malaysia cih Muslim gam tuam tuam te ah Palestine support mi a tulsawm a sim in lungpho na nasia tak in nei uh.

- Arab league kipawlna leh African union kipawlna te in Joint statement nei khawm uh in Israel in leilam pan Gaza a sim sawm pen genocide din mun ciang tung thei ding hi ci in gen uh.

- Israel galkapte Gaza tawh KM 3 a kigamlatna munteng ah leilam, van lam leh tui lam pan a lut dingin nasia takin kiging uh a, Prime Minister Netanyahu ngiat in frontline a om Israel galkapte lak ngiat ah va pai in tha vapia.

- Israel in bomb a khiat zomlai na hangin mihing 1000 bang mangin a omna kithei nawnlo. UN sang te ah a bel Palestine mi inn leh lo nusia mihing 400,000 pha ta

- US official in Israel - Hamas buaina pen muntuam tuam lawh thei ding hi ci in US Defense Secretary Lloyd Austin gen a. Aircraft carrier dang khat Israel gam nai Meditarranian tuipi nisuahna lamah paisak.

- Jewist community sung leh Muslim kikal security lauhuai mahmah hi ci in FBI in gen.

- Pope Francis in Gaza a dingin humanitarian huhna kisam ahihna gena, hih buaina phisian (lemtuah) nuam ing ci in gen.

- Israel in Gaza a do a khawl kei leh galphual kibeh lap dinghi ci in Iran president in gen.

- Lebanon khanglam a UN headquarter rocket tawh kikap.

- Israel leh Lebanon gamgi kikal ah Hezbollah te tawh kikapna nasia,

- Israel in Lebanon gamgi neh a omte kiang mundang ah amanlangin a kihep khiatna ding thupia.

- Biden Israel gam hawh dingin geelna nei, US state department in Hamas in Israel a kapna hangin US gam mi 30 si in, 13 mang ci.

- Malaysia’s PM Anwar Ibrahim in Western mikang lam te in Hamas te a mawhsakna pen kisang zolo dinghi ci in gena, Malaysia in policy omsa mah bangin Hamas te tawh kizopna maban kizom ding hi ci in gen

- Tu ciang ciang misi langnih tuak ah
Gaza
A si: 2,670
A liam: 9,600

West Bank
A si: 57 killed
A liam: 1,200

Israel
A si: 1,400
A liam: 3,500
Voa

10/12/2023

Israel vs Palestine update news
October ,12,2023

- Hamas te in Israel a kap vat pen Holocaust khit zawh Jew te a dingin a tuahsiat pen ni hi ci in Biden in gen. Holocaust cih pen leitung galpi nihna lai in Europe gam ah Germany N**i Hi**er in Jew mi a million a sim in a thahna pen Holocaust kici hi.

- Biden in Washington Jewish community makai te mai a thugen na ah Iran gam hong kidop kei uh a, tutung Israel - Palestine vai ah nong kihel khak uh leh ci in vau pha pha a, $3 billion Military assistance galvan huhna nasia takin Israel kipia ding hi ci pha pha. Hih $3 billion pen Galpi nih khit a Israel in galvai tawh kisai a huhna tam a ngah pen ahihi.

- Turkey official in Hamas te mat Isreal mite a khah khiat nadingin Hamas te kiang nget sak

- Gaza hospital ah mitampi tungin hospital dim bek thamlo in sole power station a run na fuel (datsi) beita ahih manin mei om nawn ngiatlo.

- US's secretary general Antony Blinken Israel gam Tel Aviv khuapi ah tung in Gaza ah nuntakna hutna ding akisam fuel (datsi), ann leh tui beek a lutsak nadingin gen a, Hamas lam pan zong Israel a mat te uh manlang in khah khia in, leilam pan Israel in a do na vuah mipi (civilian) a suk khak lohna ding hanthawn.

- Israel pen political party vai ah deih dan leh ngaih sut dan kibang lo hi mah leh lang pang party te tawh nasia tak buai uh ahih hangin tu in Hamas gal hangin tu in galvai ah pum khatin ding

- Israel president Netanyahu leh opposition leader Gantz te in Hamas gal do nadingin a kipum khat unity emergency government form uh a, joint statement cabinet pan in, Hamas thautawi te lei maitang pan in phiat siang ngiat ding cih kam ciam pia.

- Israel mi a si lak ah US gam mi 22 kihel, Palestine ah naupang 326 a kihel misi 1,100, a liam mihing 5339. 260,000 val te in, inn leh lo neilo, inn nusia in om. Israel lam ah a si 1200, mihing 2700 liam

- Israel in Gaza mun 450 bang nai 24 sungin nasia tak in bomb khiat beh beh lai

- Russia in UN Human Right Council join kik nawnlo ding

- Israel in leilam ground lam pan zong a lut ding in Israel galkap 300,000 ding bang ready in koih khin a, tung lam pan order ngak lai tak

- Israel in Gaza Hamas te kiang pan a hong leng thaupi te drone tawh bang zah kapkhia ziau cih genlo ding ci.

- Hamas te mimat lakah Thai gammi 16 kihel, Israel gam ah Thai gammi a si 21 pha

- Gaza leh Israel gamgi khenna dai hong kan peuh peuh ka kap lum ding uh hi ci in Israel galkap ten gen.

- Taiwan in zong Israel-Hamas tungtawn in lesson la in, China in Taiwan hong hih ziauh theih lohna dingin Intelligence lam a thupit na gen.

- India in Israel gam sunga om Idia mite Israel gam sungpan lak khiat ding kipan. A kisap leh India galkap te zong pai sak ding ci.

- Trump in President Joe Biden hun teh leitung ah gal kikap na tam ci in, Biden ii foreign policy a hoih lohna gen- Voa

10/09/2023

Israel ah 700, Gaza ah 500 si --October . 09, 2023

Hamas misokten thakhat-in Israel akap vial uh, Israel in' zongh Gaza Tuipi kiim Fighter tawh tamveipi vakap kik pah uh hi. Tuasung mahin Israel in' Gar kapthei ding Gam it mimal 300000 kaikhawm pah uh hi.

Israel Tui Garkap General Daniel Hagari in' Hamas misokte hong lutna Gaza Tuipi kiim, Israel in' kakembit ta uh hi ci'n Media te tungah ge hi. Israel huamsung alut Hamas misokte akiban zon laitak ci hi.

Hih kidona hang'in Israel ah mimal 700 leh Gaza ah mimal 500 kiim si hi. UN in' Gaza Tuipi kiimah mimal 123000 bang, Inn neilo-in om uh ci hi.

Israel Kidalvai thugenphal Lubawk Jonathan Conricus in' Gar kidona aman khitteh Israel Mipi hong buaisak Hamas misokte akipan kikzo ngeilo dingin hih ding leh Gaza Tuipi kiim Hamas misokten a ukzo ngeilo dingin kihih ding hi ci'n genkhia hi. Gam it Gar do thei ding mimal 300000 var ki kaikhawm khin ci hi.

Israel Kidalvai Puaklian Yoav Gallant in' zongh Gaza Tuipi kiimah Mei, Nekledawn, Tui leh Gas te kizangh sak nawnlo ding ci hi.

American in' Israel panpih ahihmanin Varnleng pua teembaw tuipi tungah vak khia sakin Varnleng zongh leng khia sak hialhial hi. Hih Teembaw sungah Garkap mimal 4000 var tuang zihziah hi.

~VOA

09/03/2023

Min: Huai Boih (Do Deih Huai) Khua: Pyidawtha Natna: Khuak in nasem lo Nu: Ning Khan Din… Vung Cing needs your support for Lia Huaiboih a ding huhnget na!

09/03/2023

05/16/2023

03/08/2023

Ling uih ( climbing wattle ) ဆူးပုတ်ရွက်

11/11/2022

Zomi Refugee vai 2022

Zomitoday , Zomi History, Zomi News

10/30/2022

South Korea khuapi ah mikang ten Sikha pawi 'Halloween' bawlna ah kihel soklet tang ki hawm ziah² in anekha mi 150 kim bang si khin ta uh, zato tung zong mi tampi om lai ci mawk ei leitung bel...😱😭
(Theih ngeiloh mi khatpeuh i napiak te nek hetloh dg hoih penwhi.)

Video 👇👇
https://m.facebook.com/story.php?story_fbid=5607690392631995&id=100001732680159

10/24/2022

UK gam conservative party makaipi ding kitelna ah Pu RISHI SUNAK in ngah ahih manin British Prime Minister sem dingin zingciang k*mpipa King Charles thukimna la ding hi.

Asian gam mi British PM masa pen ding, k*m 42 mi Hindu biakna zui mi hi a, British tangthu ah Prime Minister naupang pen hi ding hi.

UK in k*m 5 sungin Prime Minister 6 vei akilaihna leh kha 2 sungin Prime Minister 3 vei kilaihna hi ding hi.

Pu Rishi Sunak zi Pi Akshata Murty pen India gam mihau Narayana Murthy (Infosys company neipa) tanu hi a, British k*mpipa King Charles sang hauzaw in, British gam mihau 222 na Pound 730 million nei in kiciamteh hi. King Charles in Pound 350 kiim nei dingin kituat hi.

Crd: Melbourne Thuthang Viber Groups

07/26/2022

06/22/2022

https://fb.watch/dOi721ZZ0B/

06/20/2022

Kawlgam Zomi Bawlung siam
Tg. Suan Lam Mung in zi neihta ding

Zomite Kimawlna tawh hong lamsang in, hong tawisang, Myanmar 🇲🇲 Selected Player khat ahi, Tg. Suan Lam Mang leh Lia Cing Leng ( Zangtui khua) ten Mopawi bawl ding ahih manun, lungdampih mahmah hang.

22 June 2022 (Wed) ni 9:00 a.m (MM time) hunin Zion UPC Biakinn, Munlai, Kalaymyo ah Mopawi bawl ding cihthu ki za hi.

06/18/2022

TEDIM PAU HONG PIANNA
Tedim kam hong piankhiat zia

Dr James Suan Za D**g MB,BS., D.O. Sydney, Australia

Kampau in hong kinai sak in, hong gawm khawm aa, minam khat ong suak sak hi. Pau om masa lo-in minam om thei lo hi. Minam kician khat i hih nadingin, pau, athupipen khat ahi hi. Tua ahih ciangin, i taang pau, i Tedim pau bangci bangin ong piang khia cih i theih ding thupi hi.

Mi pawlkhatte-in “Tedim pau pen, Tedim ah i teen khop ciangin pau nam tuamtuam kigawmna pan ong piang khia hi “ ci-in agen, lai aa a-at uh i za, i sim kha zeelzeel hi. Hih pen athupi mahmah Tedim mi nampi khat ii taang-pau, i common dialect, i Tedim pau, hong pian khiatna taangthu laai-gil hi aa, zaangkhai laak lo-in, limtak ngaihsunin i etcian phat ding thupi kasa hi. Tangthu siksanin, logical, theithei dingin i enpha ding hi.

Pau tuamtuam azang minam tuamtuamte ateen khopna panin taang pau, lingua franca, khat ong pian khiat theihna dingin anuai aa thu nihte lak ah khat zawzaw hang ahi hi.

I. Pau tuamtuam kigawmna panin pau thak nam khat, taang-pau common dialect in ong piang khia ( evolved ) thei hi. Hih pen haksa mahmah ban ah sauveipi, k*m a-tulin akiteen khop, khit ciangin damdamin piang thei bek hi. Piang mengmeng nawn lo hi
II. Pau tuamtuam kigawmna panin a thahatpen khat, taang-pau ong suak thei hi. Amasa sangin hun tomzaw tham la hi. Tu mahmahin zong piang piang lai hi.

I. PAU TUAMTUAM KIGAWMNA PAN PAU NAM KHAT HONG PIAN KHIATNA

‘Tedim ah i ten khop ciangin pau tuamtuam kigawmna panin Tedim pau hong piang khia hi’ i cih ciangin, “pau-kee tuamtuam, (Teizang, Saizang, Sihzang, Zou, Guite, Thado pau, ctp.,(cihtepawl) kigawmna pan, a-om ngei nai lo, kam-pau thak (Tedim pau), hong piang khia tawm, ‘evolved,’ hi “ cih nopna ahi hi. Ahi thei ding mah hiam?, akizuun mawk hiam? limtak i enpha ding hi.

Bang ci bangin pau nam tuamtuam kigawm khopna pan kam-pau thak nam khat, evolution, tawh hong piang khia tawm thei hiam cih i theih masak kul hi. Hih pen piang mengmeng lo-in, hun sawtpi kisam hi. Mang pau, English, hih bangin ong piang khia ahi hi.

English pen Germanic peoples ahi, Angles, Saxon, Jutes, Frisii leh Franks-te ban ah Latin pau azang Roman Empire mite tawh Migration hun lai aa kipan k*m tul nih dektak sung ki hel zau-in ateen khopna pan un hong piang khia, evolved, kam pau thak, English language, ahi hi.

Hih mite k*m tampi sung ong om khop zau uh ciangin 5th Century panin 11th Century d**g, ( k*m 600) khit ciangin Old English ong piang khia zo pan hi. Tua khit, Middle English pen 11th pan 15th Century d**g ( k*m 400 ), tua zawh ciangin 15th pan 17th Century d**g ( k*m 200 ) khit ciangin Early Modern English hong piang pan aa, tuni aa ki zangh Modern English pen 17th Century pan tu ciang , k*m 300 val bang hun saupi la hi. A vekin, tua pau nam tuamtuamte kigawmna pan k*m 1500 val khit ciangin, tuni aa kizangh English pau piicingtakin, hong suak khia, evolved, zo pan ahi hi. (History of the English language, Wikipedia Encyclopedia; Cecigani Fousto 1981, Mallory, JP 2005 and Simek, Rudolf 2007 te ki-etkak )

Hi bang aa hong pian khiat theih nadingin ateen khop hun lai-un, sumzuak-sumlei, trades, leh Roman galkap sung ah nasepna cihbangin kihel-kigawm khopna hoih mahmah nei uh hi. Lai zong nei khin uh hi. Pau kigawm theih nadingin, trades, sumzuak-sumleina athupipen khat ahi hi. Tua bang hi napi, Angles, Saxon, Jutes, Frisii, Franks leh Latin mite pau kigawmin pau thak nam khat ahi, English, piicingtak aa, ong pian khiat nading k*m 1500 val kisam mawk hi.

Tua ahih leh, Tedim ah Zomite i pau tuamtuam kigawmin pau picingtaak khat ahi, ‘Tedim pau’ hong pian khiat nading zah d**gin bang tanvei Tedim ah i teeng khawm ngei hiam?, i ‘suulzuih’ ding hi

Ciimnuai aa kipan tu ciang, hun thumin i khen ding hi. 1. Tedim kisat maa, (Pre-Tedim); 2. Tu-maa aa Tedim, ahk.(ahih keh),Tedim Masa (Former Tedim), 3. Tulaitak aa Tedim (Today Tedim) ci-in khenin i en ding hi.

1. Tedim kisat-maa : ( Pre-Tedim ) : Hih hun pen, Ciimnuai i teen lai 1569 kiim [ Dr E H East-Burma Manuscript, page 123. (1400 kiim a-ummawh zong om hi )] pan Tedim Masa akisat 1750 k*m ( pawl khatte’n, 1600 ) sung teng ahi hi. Ciimnuai ah khang giat akiteen khit ciangin mun tuamtuam ah ki lal khia hi. Tu aa Tedim khua mun pawlteng ah nidang pekin, Thahdote, Vaipheite, Guite, Ganghte, Thawmte, Kawmte, mun tuam ciat ah hun tuamtuam sungin nateeng ngei uh hi. Tual gal om hun lai ahih ciangin, khat leh khat kikihta-in teeng khawm lo uh hi. Khuangzang, Sekzang, Phuaizang leh adang mun tuam-tuam ah na teng uh hi. Tedim kisat maa, Pre-Tedim hunin i pau ki gawm lo hamtang ding hi.

2. Tumaa Tedim ahk. Tedim-Masa : ( Former Tedim ) : Hih pen Tedim kisat pan kipan, Mangkang k*mpi-in Tedim ahal ciang sung teng ahi hi. ‘Tedim’ ci aa min aphuak Thadote Guite hi dingin tangthu kan pawlkhat-in um uh hi. Bang hanghiam cih leh, ‘Te’ cih pen Vansangdim bual tui-in nitang lengin ‘te’ cihna hi in, ‘dim’ pen Thado pau-in ‘bual tui’ cihna ahih ciangin, Tedim min Thado-te phuah hi dingin um uh hi. Thadote-in zong tuni d**g mah, “Tedim, ko khua hi” ci liuliau lai uh hi.

Guite Pu Gui Mangin, na sat in Tedim na phuak hi zong kici hi. Zote Pu Em Do in zong sat ngei aa mi dang zong om lai hi. “Khukpi, ko Thawmte khuat hi” ci-in a-angtanpih zong om taleuleu hi. Hih hun sung ii atuung, earlier, lamin kiteeng zeel ahih hangin gal leh sa hangin, ki lawi zeelzeel hi. Anunung lam, later, hun ciang bekin hoih takin kiteeng khawm pan hi. Ahih hangin Mangkang k*mpi-in ong hal ciangin hih Tedim Masa ong bei leuleu hi. Zomi kuamah teeng nawn lo in Mangkang k*mpi-in hong la hi.

Hih Tedim Masa hun pen (i) Earlier Former-Tedim leh (ii) Later Former-Tedim ci-in i khen ding hi.

(i) Earlier Former-Tedim : Tedim-Masa ii atuunglam, 1750-1840 : Hih pen,Tedim kisat pan kipan, Pu Kam Hau, Pu Mang Gin leh Pu Khoi Lamte ( atomin, MKK ) makai-in ong uk maa hun teng ahi hi. Tedim kisat maa hunte mah bangin, gal leh sa tam lai ahih manin kiteeng suak zo lo-in kinusia kik zeelzeel hi. Tua ahih manin, “Tedim ah tap kuavei kiluak hi” ci-in khangluite-in na gen uh hi. Teeng suak zo lo-in giatvei na lal uh ahih ciangin, Tedim-Masa ii atuunglam, Earlier Tedim hun sungin zong i pau-te kigawm lo ding hi.

(2) Later Former-Tedim : Tedim-Masa ii anunung lam, (MKK)te-in ong uk hun, 1840-1889 : Hoihtak leh nuamtakin khuapi lian khat asuah d**g Tedim ah amasapen akiteen khop hun ahi hi.

1800 kiim pawl aa kipan Tedim ah tawmtawmin kiteng kik aa, gal launa hong tawm-zaw ta ahih manin, kilawi nawn lo-in khang to semsem hi. Ahih hangin Pawi gal, Meitei gal ki lauthawng lai simsim ahih manin, Falam gam Dalang hausapa, Pu Khuangceu tawh akimeltheih, Pu Kam Hau, Tedim hausa dingin Mualbem pan kizol aa, 1840 k*m aa kipan Pu Mang Gin leh Pu Khoi Lam-te tawh (MKK) ong makaih uh ciangin Dimtui vang khua, inn 300 val aphak d**g ngaihmuangtakin Tedim ah kiteng khawm hi. Hih pen minam-kee tuamtuamte Tedim ah kihelzau-in ngaihmuang-takin i ten khop amasapenpen hun ahi hi.

Ahih hangin k*m 50 bek sawt hi. 1889 k*m ciangin gamkeek Mangkang k*mpi-in Tedim haal ( Dr Desmond’s Kelly’s Burma Campaign, page 29 ) ahih manin kinusia-in, ‘Dimtui vang khau-inn 300 val, Tedim – Masa (Former-Tiddim) hong beileuleu ta hi. Tedim khua anunungpen akilawihna ahi hi.
Hih hun tomno, k*m 50 sung bekin i pau tuamtuamte kigawmin Tedim pau khat hong piang tawm, evolved, thei lo ding hi. Banghang hiam cih leh ei sangin, atamzaw, sumzuak-sumleina leh lai anei khin, aki helzauzaw, Europe gam mite nangawn k*m tul nih dektak ateen khopna sung uah, Mangpau-aluui, Old English, hong pian nading bek nangawn k*m 600 val kisam hi. Tua nangawn, apiicing Mangpau, English, hi nai lo lai hi.

I pau-kee tuamtuamte kigawmin pau nam khat, Tedim pau, hong pian khiat nadingin k*m 600 sangin sauvei la zaw kaan lai ding hi. Bang hanghiam cihleh, trades i nei kei hi. Lai i nei kei hi. Amimal mahmah i tawm hi. K*m 50 sung bek kihelzau-in Tedim ah i teeng khawm ngei hi. Tedim-Masa ii anununglam, MKK hun, k*m 50 sung bekin, pau nam khat piang khia thei lo ding hi.

3. Tu-aa Tedim hun : ( Today-Tedim ), 1910 pan tuni d**g : A nihveina nuamtak i teen khopna : Gam-keek Mangkang k*mpi-in Tedim ong haal ciangin Tedim masa ong bei-in k*m sawm nih sung Tedim ah Zomi ateeng om lo-in kinusia hi. 1891 k*min Tedim hong la (KBC), aa, hong tonpih uh anasem Gorkhate, Kala sumbuk bawlte leh Sen inn lam thei khutsiamte bek na teeng uh hi.Tua hunin Tedim ah Golkha pau leh Urdu pau bek kizang hi.

Tu laitak aa i Tedim khuapi ( Today Tedim ) ah, 1910 kiim aa kipanin Zomite tawmtawmin kiteeng kik panpan hi. Tua Zomite, Teizang minam-kee Pu Pau Za Kam, Saizang minam-kee Pu Gin Thual, Pu Thang Langte, leh Khuano minam-kee, Pu Thawng Cin ( tawmvei khit ciangin, ciah kik ) te Tedim ah nateeng masa uh hi.

Lamzang pau ( Lai i neih ciangin Kamhau pau kici ) na zang hi. Pu Pau Za Kam, Teizang pau, Pu Gin Thual leh Pu Thang Langte, Saizang pau, Pu Thawng Cin, Khuano pau na zang ciat uh hi. Tua zawh k*m thum, 1913 ciangin, Lamzang pau ahi, Kamhau pau tawh Zolai ki bawl hi.( anuai ah acingzaw-in) Hih k*m thum hun sung bekin i kigawmna pan pau athak, Tedim pau hong pianglo ding hi.

Tua hi aa, Tedim ki sat maa aa kipan, Tedim Masa (Former Tedim) hun nih sung ahi zongin, Tuni aa Tedim ( Today-Tedim) hun sung ahi zongin, i pau tuamtuamte kigawmin Tedim Pau hong pian, evolve, theih nading zahin hun, mun leh thu om ngei lo hi.

II. PAU TUAMTUAM KIGAWMNA PAN AHATPEN TAANG-PAU HONG SUAHNA:

Tu aa ih taang-pau ‘ Tedim pau’ thu i gen ciangin, Lamzang thu gen loh phamawh hi. Banghang hiam cih leh, i taang-pau, Tedim Dialect, pen akhanglui mahmah Lamzang mite pau-awkaih ahi hi. “Lamzang aphat lai-in inn 700 ciang pha in Guite Pu Mang Sum in Ukpi sem hi. A sialkong aa asuan mawng kung tu-in po lai hi” ci-in k*m 87 apha Pu Lo Za Khen leh Pu Thang Khen Cinte-in Rev Thang Khawm Pau tung ah 23.05.2014 ni-in a interview-na ah gen uh hi. Tedim inn 300 aphak ma pekin, Lamzang inn 700 na pha khin ahih ciangin, akhanghaam mahmah khua lian khat ahi hi.

Lamzang pen Geeltui tawh ki khan-gual himhim dingin ki-um hi. A mite zong, Teizang, Saizang, Sihzang, Zou, ctp.(cihtepawl); tawh Ciimnuai hun lai pekin a om khinsa, Lamzang minam-kee ahi hi. Tangthu aa kigen, Phucil leh Nan Tal zong Lamzang ah na teng uh hi. Nan Tal asih ciangin a zi, Nei No (Ni No zong kici) in la phuak aa,: “ Nan Tal na han tualzaang ah ee, Sialcing naupang lam nalingling ee//, Nan Tal nong lam ding sang ee “ (Rev. Dr Go Za Kham kiangpan) Hih hun lai pek aa kiphuak lamalte i et ciangin tuni aa Lamzang pau mah na hi khin hi.

Hun khat lai-in Lamzang Hausa Pu Thang Go Guite in a zikik leh a tate nih tawh Losau khua (anihveina) na sat hi (Zomi Encyclopedia- Sia Pum khan Nang) Losau pen Lamzang khua gei hi aa, amite zong Lamzang pan mah ahih ciangin, Lamzangte/Lamzangte Losaute mah ahi hi ( Pu Lo Za Khen 23.05.2014). Tua ahih manin, khanglui, upa mite-in, Lamzang awkaih azang, Anlang, Gawng, Kansau, Lailui, Ngennung, Thangkhal, Tonzang, Tuithang, Suangsaang, ctp., ‘Losau mi – Lamzangmi’ na ci uh hi. ( Pi Ging Zen, No. 1, Pu Vum Tual,. No. 2, Page 6 leh Pu Dam Khupin agen, atupa, Pu Kham Go Pau zakna bang, Pu Kham Zen, ctp. …. )

Lamzang pen awkaih akibatpih, Anlang, Gamlai, Gawng, Lailui, Mauvom, Ngennung, Ngalbual, Taaklam, Tonzang, Tuithang, ctp., khua 30 valte sung ah akhangluipen, a-uhaampen, abulpi, aphungpi ahi hi.

Losau-Lamzang mite amimal limlimin tam, (khua 30 val) hi. A awsuah uh neem hi. Teitangin navaak uh hi. Mi pawlbawl siam uh hi. Kipawl khawm thei uh hi. Thu khual uh hi. A pau uh thakhauh hi.

J H Cope T**a 1910 k*min Tedim hong tun khit ciangin “ Zolai hong bawlsak ding aa aki pat, hunin Kam Hau uk kici i gam sung ah pau nam 10 val bang na om khin hi. Tuate-in: Teizang, Khuano, Phaileng, Guite, Paihte, Dim, Saizang, Zou, Thahdo, Hualngo, cihte ahi hi. ( ‘Tedim pau tawh Zolai ki bawl cilna’ Pi Luan Za Cing )

Zolai aki bawl ding ciangin, siahkai tingteng, Thahdo, Zou leh Paihte hausa gukte-in Tedim khua sung aa kizangh pau tawh bawl ding adeih uh ciangin, (Pu Ngul Lang’ Diary), Cope T**a-in Tedim khua sung aa kizangh pau tawh hong bawl sak hi. Tedim khua sung ah bang pau kizangh cih, i en ding hi.

Tedim kiim teng ah Gawng, Lamzang, Lailui, Ngennung, Thangkhal khuate leh, Lamzang tawh awsuah akinaipen, Saizang pau azang, Teklui, Lailo, Tualzang, Sezang, leh Saizang khuate-in Tedim uumcihin om diimdiam uh hi. Tedim pen Mangkang Vuandok zum omna leh sumbuk om masakna khua ahih ciangin, vanlei ding, vanzuak ding, zum vai leh apai, ahawh mawkmawk dingin hih khuate panin ki nilehin nisimin Tedim nawksuk-nawkto uh ahih manin, Tedim khua sung ah Lamzang pau leh Saizang pau akizangpen pau ahi hi.

Tua hun, 1910 kiimin Kamhau Uk sung ah, Tedim Pau cih om lo hi. ( Atung ah, Tedim pau tawh Zolai kibawl cilna.) Om hi leh, na kihel hamtang ding hi. Tua ban ah, Mangkang k*mpi-in, i ngeinate hong kem suak sak lai-in, siahtung-siahphei zong hong pia sakin, Kamhau upadi zong hong zang sak lai ahih ciangin, ‘Tedim Pau’ om hileh, ‘Tedim Dialect’ na ci ding hi. Tua tham lo-in, Tedim aa omte-in zong na deih, na kal ding uh hi. Om lo ahih manin, Tedim khua sung aa kizangh Lamzang pau tawh Zolai kibawlin,‘ Kamhau Dialect ’ na kici hi.

Pau-kee tuamtuamte lak pan Lamzang pau hong thahatpen hi. Tu-ni aa i Tedim khua sung ah akizang masapen pau khat ahi hi. Cope T**a-in Tedim khua sung ah kizangh Lamzang pau tawh Zolai abawl ciangin, Lamzang mi, Gawngmual khua Sia Cin Lang in na huh hi. ’Kamhau Dialect’ ci-in saang ah kisin sak ahih manin official dialect, hong suak aa, zum lai leh laipai khempeuh Kamhau pau kizangin, i gambup ii taang pau hong suak hi. Tua hun lai-in Kamhau gambup pen tu aa Tedim gam, Tonzang gam leh Kansau gamteng khempeuh ahi hi.

1948 k*m, Independence i ngah khit ciangin, hun hong kikheelin ‘Kamhau’ cih sangin damdamin, i gambup a-uk Vuandok zum omna, ‘Tedim’ hong minthang zaw semsem aa, Subdivision hong suah ciangin ‘Tedim pau’ ci-in ong nung-pian ahi hi.

’Tedim pau’ cih kammal, tangthu tawh i et ciangin, 1948 khit ciangin damdamin hong piang hi pan aa, khangmoi mahmah hi. Kamhau Gam ii pau-in Kamhau pau ahih mah bangin, Kamhau, Tedim tawh i laih ciangin, ‘Tedim pau’ zong ‘Tedim Gam bup ii, i taang pau ahi hi.

Et kikna : 1. Earlier part of Former Tedim hun : Kiptak kiteeng lo-in, ‘tap kuavei kiluak’ hi Tap kuavei ki luak ahih ciangin giatvei, gal kitai hi ding hi. I pau kigawm man lo ding hi. 2. Later part of Former Tedim hun : k*m 50 sung bek nuamtakin kiteeng khawm hi. Kampau khat k*m 50 sung bekin, evolve, thei lo ding hi. 3. Today-Tedim, (Tuni – aa i Tedim), hun : Tedim akiteen zawh k*m thum ( 1910-1913) khit ciangin, Kamhau (Losau) pau-in lai i nei hi. K*m thum sungin, Lamzang, Saizang, Teizang pau pan pau nam khat piang khia, ‘evolved’ lo ding hi.

Hih teng i et cing dimdem khit ciangin, ‘Tedim pau’ i cih, pen, akigen mawkmawk bangin “Tedim ah i teen khopna pan ong piang khia pau hi phiingphiing lo hi. Ciimnuai laipekin a-omsa, Lamzang pau hi aa, Phucil, Nan Tal, Nei No-te zong Lamzang pau-in la na kiphuah khin uh hi. (Neino-in Nan Tal a la phuah)

Lamzang – Lamzang minam-kee thu, ka tuah khak ngei thu nih :

1. Ka neu lai, Tuu-aa Tedim (Today Tedim) ah inn 30 val bek ka phak lai-un, hong peemta, Pi Ging Zen pen numei pilvaang, tangthu-tuanthu athei mahmah nupi khat ahi hi. Amuiciai ciangin, ko Tedim naupangte ong phin thei zeel aa, “ Hei, Tedim naupangte, kiphasak kei un, Lamzang mi ka hi uh! Tedim bulpite ka hi uh maw ! ” hong ci thei zeel hi. Ni khat, Ginpi (Kim Khua Gin) leh ‘NaSuan (Nang Za Suan) hehin “ Lo nei beek kei uh teh; na huan uh lah sau pet kei “ acih uh leh suang tawh deen hong sawm mawkin deel zeenin ka tai keek uh hi. A mau Suangsaang khua pan ong peem uh hi aa, awkaih pen, Lamzang i cih te ahi hi. Tedimte’ bul, ‘Lamzang hi’, ci hi. ‘Tedim pau ii abuipi Lamzang pau hi’ zong, aci hipah hi.

2. 1948 k*m, Independence ih ngah khit ciangin, Tedim gam ah amasa pen Party nih mee tawh kiteelna om aa, tua hun laitakin Pu Vum Tual Tedim hong pai khat tawh kituak hi. Ka pa, Gin Thual, tung. “ Hih pen Thu Hoih Vaihawm Pawl ( THVP ) leh Khamtung Suahtak Vaihawm Pawl ( KSVP ) kiteelna hi aa THVP te pen Lamzang mi – Lamzang mite-in panpih zawdiak in tua lo tengin KSVP panpih uh hi. Kei zong Lamzang mi hi’ng. Ahi zongin ke’n ka mee-tang ……- te pia ning” ci hi. ‘Losaumi ‘ akicih ciangin, suang tawh deen ong sawm pi Ging Zen’ khuapih sa-in kihta sim pian pah ka hih manin ka mangngilh thei ngiat kei hi.

Pu Vum Tual pen Kansau khuate hi aa, Lamzang pau awkaih azang khuate khat ahi hi. Tapidaw suak masa, a khua ah Pawlpi keem sia hi-in Tedim ah Sangmang F O Nelson tawh ki mu dingin hong pai sialin ko inn ong tung den hi. Mite thudot, tangthu aciing mi pil khat zong ahi hi. Kansaute Lamzang mi hi ci hi. Kansaute pau zong Lamzang pau hi aci zong hi pah hi.

Thu khupna:

Tedim ah i teen khopna panin pau tuamtuam kigawmin Tedim pau hong piang khia tawm hi lo hi. ‘Tedim’ kici kammal a om maa, Ciimnuai hun lai pekin ‘Lamzang mite pau’ ahi hi. 1910 k*min Tedim gam sung aa pau nam sawm a kiciamtehna sung ah ‘ Lamzang pau’ om hi. Tua Lamzang pau Zolai akibawl 1913 k*m ciangin, ‘Kamhau pau’ ci-in min kilpia hi.1948 k*m nunglam ciangin hun hong kikheelin, damdamin ‘ Tedim pau’ ci-in kikhel leuleu hi.

Mailam ah hih i ‘Tedim pau’ pen ‘ Zopau ‘ icih hun zong hong tung lel ding hi ci-in ka um hi.

Dr James Suan Za D**g
MB,BS., D.O. Sydney, Australia
C/O~TGtuangpy=KyawShwe

06/18/2022

Tedim kam hong pianna thu(Tedim pau hong pianna thu )
~ Rev. Khoi Lam Thang

[Rev. Khoi Lam Thang pen Tedim gam, Cingpikot (Keizang) khuami khat hi a, tulaitak in The Bible Society of Myanmar ah General Secretary a seplai tak a hi hi. Falam Zomi Theological College pan Dip. Th, India Clark Theological College pan B. Th, Yangon Myanmar Institute of Theology pan M.Div., Yangon University of Distance Education pan BA (Philosophy), Thailand Payap University pan MA (Linguistics), Singapore Trinity Theological College pan M. Th cihbangin laitan sangpi leh Degree tampi azokhin khat ahihi.

Zomite Zo leitang tungah Khristian I suah zawh k*m 100 a cing hita hi. Khristian biakna in k*m 100 sungin Zomite aniam mah mah mihinzia pan hong khaisang-a, a sangpente tawh hong kikhawlsak thei hi. Zomite I zia I tong, I ngeina, I khuasakziapawlkhat kinusia, pawlkhat kibehlap-in pawl khat kikemcing hi. Tuate sungah Zokam leh Zolai pen Khristian biakna in hong kepsak hong khansuah sakin hong zunsak hi. Tua a hih manin Zomi Khristian k*m 100 mualsuang ah hih thu a ngaihsut taak mah mah ahi hi. Zomi bup kampau thu tangzai mahmah ahih manin”Tedim kam” ci-in neuseek sukin a nuai-a thulute tawh kik*m leeng:

1. Tedim kam khanggui sutna2. “Tedim Kam” cih min i ngahna3. Tedim kam “Taangkam” a suahna4. Tedimkam kantelna5. Tedim kam nungta i cingam diam?6. Mailam ah i Tedim kam

1. TEDIM KAM KHANGGUI SUTNA

Leitung mihing awn 6,000 valte in kampau nam 6,908 bang nei hi ci-in kiciamteh hi. Kawlgam sungah mihing awn 50 valte in pawunam 135 bang kinei a, Zomite’ pau 53 om hi ci-in Kawlgam k*mpi in hong ciaptehsak hi. I Zogam neuseksek sawm leeng nam 100 val om dingin ka um hi.

Leitungah hizah a tam kampau tuamtuamte a guigui, a behbehin kikhen dimdiam hi. Kampau lam a siam (Linguist) David Bradley thukanna siksan le’ng i Tedim kam khanggui (Language family) a nuai-a bangin kisut ding hi.

Sino-TibetanTibeto-BurmanNorth-eastern india GroupKuki Chin NagaKuki ChinChinNorthern ChinTedim

2. “TEDIM KAM” CIH MIN I NGAHNA

Min thu gen-in pan ni cileng thukhupna a om thei nailo a buaihuai mahmah thu khat ahi hi. Zomite in k*m 100 sungin minam minkip neizo nai lo hi hang. “Chin” leh “Zo” peuh kisut kituh lai-in zattaang theih ding kampau nei nailo hi hang. Hi bang bilbial kawmkalah “Zomi” a kici phadiakte in ” Tedim Kam” cih min i ngahna thu a nuai-a bang hidingin ka um hi.

Sangmangte hun lai-in “Kamhau Dialect” na ci ngei uh a, Kampau a kan mi masate in “Sukte” ci-in zong na minvawh ngei uh hi. Tua minte in tua hun lai-a ukpite’ beh min ahih kei leh ukpipa min ahi hi. Ukpite’ thuneih lai-in a mau bangkua sung pau na thupisak mahmahin gambup zat dingin thu na pia hi leh “Teizangkam” kipau ngeingai kha ding hi. Gam uk makai masate thukhualna leh picinna ahi hi.

“Tedim Kam” cih pen midangte hong sapna hi loin ei le ei i kisapna min (egonymn) ahi hi. Pu le pa min khatpeuh a kitap hilo a, a te-dimdim “vansang dim” omna mun a kisat “Tedim” khua kitap (eoconymn) min ahi hi. Tedim khua pen 1550 k*min kisat hi cih tangthu kante’ ciaptehna ahi hi. Ahih hangin kilalsan zel kisuan kik zek hi. 1850 a kipan-in tuni d**g tatsat loin kiteng a, ei Tedim mite khuapi ahi hi. Tedim khua ah i teng ngeikei phial zongin Tedimmi cih ding a angtanpih ciat i hi hi. Tedim khua ah hunkhat lai-in Teizang, Saizang, Thado, Vaiphei, Guite, leh Zo kampaute in “tual” khat zangin kitengkhawm hi, Tua bang a, pau tuamtuam tenkhopna panin pautuam khat hong pianga a nungciangin “Tedim kam” kici hi. A neituam kuamah om lo hi.

3. TEDIM KAM “TAANGKAM” A SUAHNA

Hun khat lai-in Tedimgam i cih pen tu-in Tedim, Tonzang leh Cikha gamkhen (Myone) suakta hi hang. Tua sunga teng Zomite leh tua gam pan Kawlgam Vaigam a tung Zomite in i taangkam leh (common language) dingin “Tedim kam” zangkhawm theita hi hang.A mual a lui zui-in i awkaih tawmtawm kilamdang-a, ahih hangin kamphen kulloin kihothei hi hang. Tua a zang khawm thei kampau innkuan dungah Sihzang, Thado (Kuki), Zo, Dim, Guite, Khuano, Losau, Phailengm, Saizang, Teizang, Val leh Vangteh paute kihel hi hang,

Tedim pau “Taangkam” a suah theihna thu kampau lam pan, tangthu lam pan, gamdung leilupzia pan a tuamtuam kan leng a hang tampi om kha ding hi, I gensa bangin ukpite in a mau kam bek kizang ding na ci uh hileh ” Teizang” pau ki pau kha ding a sangmangte in a mau siam masak mah na thupisak hileh Sihzang pau kipau kha ding hi, Sangmangte in vai lian pi khat a angaihsut uh khat in pau nam tuam tuam a nei minamte pau nam a tawm thei pena gawmsak ding ahi hi. Tuabang hun lai-in Mangkang k*mpi in hong uk a, Khamtung gam ah Zo lai tawh pilna sin ding hong vai hawm uh hi. kampau kigawm theite bang kampau tawh “Laisimbu” gelhsak ding cih thu lianpi khat hi leuleu hi.

Tua ahih manin 1919 k*min Tedim vuandok zumah Tedim gam hausa lianteng kikhawm uh a, gambupah Sihzang pau zat dingin thu kisung hi. Tua ciangin Thado kampau Hiangzang khua hausa Pu Zam Khaw Thang, Zo kampau Phaitu khua hausa Pu Khan Thawng, Saizang khua hausa Pu Zaang Khaw Lian, Paihte kampau Tuimui khua hausa Pu Mang Za Thang, Haiciin khua hausa Pu Tual Pum-te in Sihzangkam a teltheih loh lam uh pulak hi. Ahi zongin Tedim, Ngennung, Haupi, Gawngmual, Leilum, Lezang, Tongsial, Lamzang,Laitui, Mawngken, Kahgen, Taklam, Tonzang, Tungtuang, Anlang, Gamlai, Khuaimual leh Seitual khua hausa te kuamah a pau a ham omlo uh hi.

Hih bangin Tedim gam sungah Tedim kam pen taangkam hong suak hi. Cope t**a in 1919 pan 1938 (a sih) d**g khasim thukizaksakna lai a na bawl lai-in “Tedim kam thukizakna lai” na ci hi. Sang laisimbu hong bawl sak hi. A nung ciangin T=Tedim pau eima pau” ci-in khangthak naupangte i awng ziahziah hi.

4. TEDIM KAMPAU KANTELNA

Kawl leh Vai kikal-a om Zomite in kampau tuamtuam i nei hi. Kampau lam a kantel mipilte in tangzai takin hong kansak nai lo uh hi. Ei Tedim kampau zawdiak pen Mizo pau, Hakha paute zahin hong kikansak nailo hi. Tedim kam a pau mite sung pan Laipianpa Pau Cin Hau, Rev. Hau Go, Pu Gin Za Twang, Siapi Vul Za Thang, Sia Pau Cin Thang, Rev. Paul Thuam Thang leh ZCLS a kipan kampau a kin, a siam tampite in kanin na gelh ngei khin hi.

Minamdang kampau siamte sung pan hong kantelsak mi tamnai lo hi. Kei theihphak tan ah:

1904: George A. Grierson: ” Linguist Survey of India”1925: L.B.naylor: “A practical handbook of Chin Languages (Siyin dialect)”1965: Eugene J.A. Henderson: Tiddim Chin: A descriptive analysis of Two texts”1965: Ono Toro: “The Reconstruction of Proto Kuki Chin: Initial Consonants”1979: David B. Solnit: “Proto Tibeto Burma in Tiddim and Lushai”1989: Peri Bhaskararao: “The process of Chimming in Tiddim Chin”1996: Peri Bhaskararao: “Computerized lexical database of Tiddim Chin and Lushai”1998: Weera Ostapirat: Tiddim Chin tones in historical perspective”.

I Tedim pau pen a kampau ei Tedim mite leh a pua lam pan kampau siamte in kan khawm-in, laigelh-in i puahpuah i zunzun ding kisam hi. I tuntunna pan i kampau maizumpih lo-in hong d**g a om leh lungsau takin genpih ding kisam hi. Sia Lian Bawi (Siapi Lian Khan Mang) in Japan pan gam a pai lai-in Ono Toro kiangah na genpih ngei a, Dr. Dal Lian in Bhaskararao kiangah na genpih ngei hi.

5. I TEDIM KAM NUNGTA I CI NGAM DIAM?

Kampau dinmun (vitality) a tuamtuam om hi. Kawlgam ah Pyu minam leh Pyu pau beimang ta hi kici hi. Leitung kampau pawlkhat beibei-a pawl khat kipan khangto semsem hi. I Tedim kam nungta hi ci-ngam taktak ding hiam? Kampau nungta ih cih te a ki puahpuah a ki zunzun hi a, a kampau neite in it mah mah uh hi. A kampau uh khum sa-ngaungau uh hi.

Tu laitak Tedim mite 70% bang bekin Tedim kampau dingin ka um bek hi. Kawlgam leh Vaigamate in pau tuamtuam peuh nuam i sa zaw a, Kawl lak a Zo khangno te bangin kawlkam kawllai leh kawl TV khawng bek tawh hun kibei hi. I thungaihsutna nangawn kawl-khuak tawh kingaih sun hi. Kampau i pau sunsun bangkua sung bek hi a, sangkil kitantan lo hi, Biakinn sung bek hi a, biakinn huangpua kantan lo hi. Hibang kampau dinmunte “Muribung” kici hi. I kampau it-in, i kep tinten kei leh beikuan manawh kampau ahi hi.

I Tedim kampau zong “meidawi”mahmah hi ci-in ka ciamteh hi. Mizo, Hakha leh Falam pau khawng ei pau sangin ” suahngal” zaw hi. Kampau ameidawite a suahngalzaw kampaute in damdamin sung khumkhum dinga, a sawt lo-in valh ding hi. I kampau maizumpih kei ni.

Zolia tawh kisai-in, Laipianpa Pau Cin Hau tungtawnin Zotuallai nam nih i nei ngei hi. Tu in i zatna toi semsem a, minam vangil khat banga kep ding din mun hi ta hi. Lai hihna (malgawm) tawh Mualtung thuhilhna zong na khen ngei uh hi. Sangmangte tung pan i ngah Mangtuallai (Roman alphabet) tawh laisimbu i neih zawh k*m 91 cingta hi. Lai ih gelh ciangin lai-malgawmzia leh awsang awniam thu-ah i k*mk*m lai hi.

Cope t**a’hun a kibawl Zolai tan 4 ciang nangawn tu-in i nei nawn kei hi. Zolai tawh laibu kibawl tawm mahmah a, i neih sunsun zong Biakna lai bek ahi hi. Laibu i bawl ciangin “Pawlpi sung a zat ding” cih lai suang sawnsawn lai ihih manin i laibu a thatthat ihi hi. I leitung huihnunzia ahih manin tua lampi bek a nei ihi hi. Zolai i cih pen Lai Siangtho sim nading, Labu ettheih nading, Pawlpite thukizaksakna lai sim nading leh laikhak nading bekin kizang lawmlawm hi. Leitungthu vangtungthu theihhuai a tuamtuamte Zomite in a theih nadingin Zolai a kizat hun hong tung takpi tam! cih ngaih sutsut huai ka sa hi.

Kampau nungta te in huihkhua in huihkhua tungtawnin Radio, TV leh tulai Cassettee, CD leh VCD te tawh theihhuai thute khahkhia ziahziah uh hi, Ut hunhunin mun khempeuh pan a kampau uh kingai thei hi. Cik hun ciang i tunna peuhpeuh pan i Tedim kam i ngaih theih hun hong tung zen tam!

6. MAILAM I TEDIM KAM

Nam citawmte ihih hangin i kampau mangthang ngei nawn lo ding hi. Ahi zongin a khanton henhan ding lamet om lo hi.

K*mpi ki-ukzia kikhello-in, tulai khuahun mah tawh maban i zopzop lai leh kawlkam in gam hong kekek dinga Tedim kam in sangkil kan zo nawnlo semsem ding hi, I theihloh kalin thozo nawnlo in, i phawk khak ciangin zekai lua ding hi. Khuahun hong kihei-in Kawlgam Vaigam-a om Zomite in gam lenam a ding vaihawmkhop hun hong tun leh lah Mizo kam hong innteek mahmah dinga, khangnote in sin-in mun khenpeuhah kipau ding hi. I Tedim pau bel khanglo kiamlo, si lah nungta-in omthei ding hi.

Tua kawmkalah ei Tedim kampau innkuansung pan i kinensuah sawnsawn leh i huang hong toi semsem dinga i theihloh kal-in mite huangsung i tung ding hi.

Hi thei hileh Kawlgam Vaigam-a om Zomi a kici khempeuh in Mangkam i taangkam dingin zangkhawm mai le hang, k*m 30 sung bang i buaipih phial zongin manlang takin hong khantohpih thei pen dingin ka um hi. Taangkam dingin Mangkam i zatkhit ciang i nampau ciat i keptheih bangin i kem ding am kuamah kinawknawk se lo-in khat le khat kithupisimna tawh i kalsuan leh i minam khangto thei pan ding hi. Minam a khantoh leh i kampau mangthang ngeilo ding hi. Rev. Khoi Lam Thang