https://www.youtube.com/channel/UCySLkk8iTODo0ZoYYhM6A3A

Bayanul Islam Myanmar, 2760 Doe Meadow Drive, Munster, IN (2024)

10/15/2022

ကိုယ်တော်မြတ်(စွ)က ကျနော်တို့ကို
ဖိနပ်စီးတဲ့ ပုံစံကို သင်ပေးခဲ့ပါတယ်။
ခေါင်းဖီပုံစံကို သင်ပေးခဲ့တယ်။
စွရ်မာဆိုးတဲ့ပုံစံကို သင်ပေးခဲ့တယ်။
အင်ကျီ၀တ်တဲ့ပုံကို သင်ပေးခဲ့တယ်။
အိပ်တဲ့ပုံစံကို သင်ပေးခဲ့ပါတယ်။
အိပ်သာထဲ၀င်တဲ့ပုံစံ ထွက်တဲ့ပုံစံ
အိမ်ထဲ၀င်တဲ့ပုံစံ ထွက်တဲ့ပုံစံ
ပလီထဲ၀င်တဲ့ပုံစံ ထွက်တဲ့ပုံစံ
ထမင်းစားတဲ့ပုံစံ ရေသောက်တဲ့ပုံစံ
ခလေးတစ်ယောက်မွေးဖွားလာတဲ့ အချိန်ကနေ
လူတစ်ယောက်ဆုံးသွားလို့ ကဗရ်ထဲထည့်တဲ့အချိန်ထိ
အရာရာကိုသင်ပေးတဲ့ ကျနော်တို့ရဲ့နဗီတမန်တော်က
သူ့နာမည်နဲ့ သူ့မွေးနေ့လုပ်ဖို့
ဘာကြောင့် မသင်ပေးခဲ့တာလဲ ???
တမန်တော်ကိုမိမိတို့ရဲ့အသက်ထက်
သားသမီးတွေထက် အရာရာထက်ချစ်ခဲ့ကြတဲ့
စွဟာဗဟ်တွေက တမန်တော်နာမည်နဲ့
တမန်တော်ရဲ့မွေးနေ့ပွဲလုပ်ပေးရတယ်ဆိုတာကို
မသိကြတာလား ? သဘောမပေါက်ခဲ့တာလား ?
နအူဇူဗိလ်လဟ်မေ့နေကြတာလား ?????

တချို့ကဖြေကြသေးတယ်။
ဆရာကန်တော့ပွဲဆိုတာက ဆရာတွေက
လုပ်ခိုင်းတာမဟုတ်ဘူး။ ကျောင်းသားတွေက
အလိုက်သိသိလုပ်ပေးရတာတဲ့ "

အာ့တော့ ဆွဟာဗဟ်တွေက အလိုက်မသိကြတာလား ?
ဆွဟာဗဟ်တွေထက်ပိုပြီး ခင်ဗျားတို့က အလိုက်သိကြတာလား ?

အဲ့တော့ တမန်တော်လဲ မခိုင်းဘူး။
ဆွဟာဗဟ်တွေလဲ မလုပ်ခဲ့ဘူး။ ဒါပေမဲ့ ငါတို့သ‌ဘောနဲ့ ငါတို့ လုပ်တယ်ကွါ ဘာဖြစ်လဲ ဖြစ်သွားကြရော "

ဟုတ်ကဲ့ ခင်ဗျားတို့ သဘောနဲ့ ခင်ဗျားတို့လုပ်နေကြလို့ တမန်တော်မွေးနေ့ဆိုတာ ပေါ်လွင်းထင်ရှားတဲ့ ဗေဒါအသ်တစ်ခုဖြစ်သွားတာပါ။

Crd
ဝေယံဖြိုး (အဖျောက်)

တမန်တော်မြတ်ကြီး အမိန့်ရှိခဲ့တာ ဟဒီးစ်ထဲမှာ လာရှိတယ်
ဗစ်ဒ်အသ်တိုင်းသည် လမ်းမှားဖြစ်သည်။

10/12/2022

ရှိုက်ခ်ခွလ်အရဗ် ဝလ်အဂျမ်
ရှိုက်ခ်အဗ်ဒွလ်မန်နန်
006 မှန်ကန်သော ရှိုက်ခ် ဘဝလမ်းပြပုဂ္ဂိုလ်
ဗယာန်နားထောင်ရန် Link -
https://youtu.be/xT7CO1Tjqbk

Join our telegram
t.me/bayanulislammyanmar

10/12/2022

ရှိုက်ခ်ခွလ်အရဗ် ဝလ်အဂျမ်
ရှိုက်ခ်အဗ်ဒွလ်မန်နန်
005 သောင်ဗဟ်
ဗယာန်နားထောင်ရန် Link -
https://youtu.be/7CmWJZEE-20

Join our telegram
t.me/bayanulislammyanmar

10/12/2022

ရှိုက်ခွလ်အရဗ်ဝလ်အဂျမ် ရှိုက်ခ်အဗ်ဒွလ်မန်နန်
004 နောက်လိုက်ပြုခြင်း
https://youtu.be/DKhGgqKrtj4

Join our telegram
t.me/bayanulislammyanmar

10/08/2022

ရှိုက်ခ်ခွလ်အရဗ် ဝလ်အဂျမ်
ရှိုက်ခ်အဗ်ဒွလ်မန်နန်
003 - စောဒကများ၏ဆေး (၂)
ဗယာန်နားထောင်ရန် Link -
https://youtu.be/qG1mLjGbYlQ

Telegram Link
t.me/bayanulislammyanmar

10/06/2022

ရှိုက်ခ်ခွလ်အရဗ် ဝလ်အဂျမ်
ရှိုက်ခ်အဗ်ဒွလ်မန်နန်
002 - စောဒကများ၏ဆေး (၁)
ဗယာန်နားထောင်ရန် Link -
https://youtu.be/a7ObsvuEXlA

Telegram Link
t.me/bayanulislammyanmar

10/06/2022

ရှိုက်ခွလ် အရဗ်ဝလ်အဂျမ် ရှိုက်ခ်အဗ်ဒလ်မန်နန်
001 ဖနာဟ်
Youtube Link
https://youtu.be/Hh8Ag_JkuUo

Telegram Link
t.me/bayanulislammyanmar

07/26/2022

ဂျာမေအဟ် အရဗီယဟ် အဆ်အဒီယဟ် ကျောင်းတည်ထောင်သူ၊ ကျောင်းအုပ်ဆရာကြီး ၊ ရှိုက်ခွလ်ဟဒီးစ်နှင့် မွဖ်သီချုပ် ဟဇ်ရသ် မော်လာနာ မွဖ်သီ ကာရီ ယူစွဖ် အဆ်အဒီ ဆွာဟစ်ဗ်

အရေးကိစ္စကြုံလာတိုင်း အွမ္မသ်ရှေ့မှ မားမားမတ်မတ် ရပ်တည် ဖြေရှင်းပေးခဲ့လေသူ ဆရာကြီး ကျွန်တော်တို့ကို ခွဲခွာခဲ့တာ တစ်နှစ်ပြည့်ခဲ့လေပြီ။

ကမ္ဘာ့ဒိတ်ဒိတ်ကြဲအာလင်မ်ကြီးတွေဖြစ်တဲ့ ဟဇ်ရသ် ရှိုက်ခွလ်ဟဒီးစ် မော်လာနာ ဇကရီယဟ်နှင့် ဟဇ်ရသ် မော်လာနာ အဆ်အဒွလ်လာဟ်တို့ထံပါးမှာ ဒုက္ခခံ သင်ယူခဲ့ပြီးတာဝန်ကျေပွန်စွာဖြင့် မြန်မာပြည်မှာ သာသနာ့ပညာရှင်တွေ မွေးထုတ်ရင်း အွမ္မသ်ကို ခစ်ဒ်မသ်လုပ်ရင်း မိမိအရှင်သခင်ထံသို့ ပြန်သွားခဲ့သည်မှာ တစ်နှစ်တင်းတင်း ပြည့်ခဲ့လေပြီ။

ဆရာကြီးကျွန်တော်တို့ကို ခွဲခွာသွားခြင်းက ကျွန်တော်တို့အတွက် အစားထိုးမရတဲ့ ဆုံးရှုံးမှုကြီးတစ်ခုသာ 😢😢

ဆရာကြီး သက်ရှိထင်ရှားရှိစဥ်က မေတ္တာရပ်ခံခဲ့သည့်အတိုင်း စူရာဟ်ခေလ်လားစွ် သုံးကြိမ်ဖတ်ပြီး အီစာလေစဝါးဗ်ပို့ပေးကြပါလို့ မေတ္တာရပ်ခံအပ်ပါတယ်ခင်ဗျား။

07/26/2022

ကျွန်တော်တို့ရဲ့ YouTube Channel လေးကို subscribe လုပ်ပြီး Telegram Channel ကိုလည်း Join ထားပေးပါ။

- Youtube Channel Link
https://www.youtube.com/c/bayanulislammyanmar

- Telegram Link
t.me/bayanulislammyanmar

05/05/2022

♧👝 ဘိုင်တို့ နမားဇ်ပြီးအောင် ဖတ်ကြလေ
---------------------

အဖဂန်နိုင်ငံရဲ့ အုရ်ဒွန်ဆိုတဲ့မြို့ရဲ့ဗလီ
တစ်လုံးက အဖြစ်အပျက်လေးပါ။

ညရဲ့ 3:30ခွဲအချိန်လောက်မှာ နယ်က
ခရီးသည်တစ်ယောက်က ဗလီကိုရောက်လာတယ်။
ထုံစံအတိုင်းဗလီက အဲ့ဒီအချိန်
မဖွင့်သေးပဲ ပိတ်ထားတာပေါ့
ဆောင်းရာသီလည်းဖြစ်တယ်
အေးတာကလည်း ဘာဆိုလားပဲ🤤🤤

တိုက်ဆိုင်ချင်တော့ အဲ့နေ့မှာ ဆရာသခင်
တစ်ပါးကွယ်လွန်တော့ သူကိုမြေမြုပ်ပြီး
ထမ်းစင်ကို ဗလီကိုပြန်ယူလာတာပေါ့
ဖြစ်ချင်တော့ ဗလီကပိတ်သွားပြီ🤗🤗

ဒါနဲ့ထမ်းစင်ကို ဗလီတံခါးနားမှာ ချခဲ့ပြီး
ပြန်လာလိုက်ကြတယ်
မနက်ကျ အလုပ်သမားလာသိမ်းမယ်ပေါ့😎😎

အဆိုပါခရီးသည်ဟာ ထမ်းစင်ကုိဖွင့်ပြီး
အထဲမှာဝင်အိပ်နေလိုက်တယ်ပေါ့
အော့ များမကြာခင်မှာ ဗလီရဲ့မော်ဇင်ဆပ်ကြီးက
ဖဂျရ်အဇာန်ပေးဖို့ ရောက်လာပါလေရော☺☺

ဗလီအဝက ထမ်းစင်ကို မပြီး သူနေရာသူထားဖို့
နမားဇ်ဖတ်ဖို့လာတဲ့သူကို အကူအညီတောင်းကာ
၂ ယောက်သားအိပ်ချင် မူးတူးနဲ့ လေးလို့
ိ့လေးမှန်းတောင်မသိရှာဘူး ထမ်းစင်ကို
ဗလီရဲ့အရှေ့ဆုံးနံရံမှာကပ်ပြီး ထားလိုက်ကြတယ်😁😁

မော်ဇင်ကြီးလည်း ဖဂျရ်အဇာန်ပေးလိုက်ပြီး
ဖဂျရ်ဖတ်သူ အယောက်၅၀ခန့်ရောက်လာတယ်
အားလုံးအိမာမ်ရဲ့အနောက်က
နမားဇ်လိုက်ဖတ်နေတယ်😄😄

ထိုစဉ်……………………😅😅
ထမ်းစင်အထဲမှာ အိပ်နေတဲ့ ခရီးသည်ဘိုင်ကြီး
နိုးလာတယ် ထမ်းစင်ကြီး လှုပ်နေတော့
နမားဇ်ဖတ်နေသူတစ်ချို့ ကြောက်ပြီး
မျက်စေ့ကိုပိတ်လိုက်တယ်။
ပြီးတော့ ပြန်ဖွင့်ကြည့်တယ်
ထုံးစံတိုင်း ထမ်းစင်က လှုပ်နေတုန်း…
အဲ့အချိန်မှာပဲ ထမ်းစင်ထဲက
ခရီးသည်ဘိုင်က ခေါင်းလေးထုပ်ပြီးမေးတယ်
မင်းတို့နမားဇ် ဖတ်ပြီးကြပြီလားတဲ့😂😂😂

ဘေကျာရဟ် နမားဇ်ဖတ်နေတဲ့လူတွေ
နမားဇ်ဖျက်ပြီး ထွက်ပြေးတာ

တချို့နံရံကိုတိုက်မိပြီး သတိလစ်သူကလစ်
တချို့အကျောက်လွန်ပြီးမေ့သူကမေ့
တချို့ထွက်ပြေးကြတာ ဖိနပ်ကျန်သူကျန်နဲ့😉😉

ဘေကျာရဟ်ခရီသည်းခများ အနောက်ကနေ
တကောက်ကောက်လိုက်ရင်း ပါးစပ်ကလည်း
ပြောနေတယ် ဘိုင်တို့နမားဇ်ဖတ်ပြီးမှပြန်ကြလေ😃😃တဲ့

👉သင်္ခန်းစာ
ပြဿနာတစ်ခုပေါ်လာရင် မစူးစမ်းမဆင်ခြင်ပဲ
အတွေးမမှားသင့်ပါ… ။

credit to
✍.ခင် ဖြူ ဝင်း

- ဗယာန်တွေ အလွယ်တကူနားထောင်နိုင်ဖို့ YouTube Channel ကို subscribe လုပ်ပေးပါ။
https://www.youtube.com/c/bayanulislammyanmar

05/01/2022

ကောင်လေးတစ်ယောက်သူ့ညီမငယ်လေးနဲ့
အတူထိုင်ပြီးဗလီရဲ့ထောင့်တစ်နေရာမှာဒု
အာတောင်းနေတယ်.ဘာတွေတောင်းနေတယ်
တော့မသိရဘူး?..

အဝတ်အစားတွေကအဖာအထေးနဲ့ဒါပေမယ့်
သန့်သန့်ပြန့်ပြန့်ပါပဲ.
ပါးပြင်နုနုမှာမျက်ရည်တွေစီးကျနေတယ်.

လူအတော်များများကောင်လေးဖက်ကို
အာရုံရောက်နေကြတယ်.သူကတော့သတိ
လက်လွတ်အလ္လာဟ်နဲ့စကားပြောနေတယ်.

သူဒုအာတောင်းပြီးလို့ထတဲ့အချိန်မှာပဲ
လူစိမ်းတစ်ယောက်ကသူ့ရဲ့လက်ကလေးကို
ဆွဲပြီးလာမေးတယ်.အလ္လာဟ့်ဆီကဘာတွေ
တောင်းနေတာလဲ?
ကောင်လေးကပြန်ဖြေတယ်.
"ကျွန်တော့်အပါကဆုံးသွားပြီမို့သူ့အတွက်
ဂျန္နသ်တောင်းတယ်"
"ကျွန်တော့်အမေကအမြဲငိုနေတဲ့အတွက်
သူ့ဖို့ဆွဗရ်တောင်းတယ်"
"ကျွန်တော့်ညီမလေးကအမေ့ဆီကအဝတ်
ပူစာနေတယ်.အဲ့ဒီအတွက်ပိုက်ဆံတောင်း
တယ်"

လူစိမ်းကမေးတယ်"သားကျောင်းကောသွား
လား?"
ကောင်လေးကပြန်ဖြေတယ်"ဟုတ်ကဲ့သွား
ပါတယ်"
လူစိမ်းကမေးတယ်"ဘယ်အတန်းမှာဖတ်
လဲ?"
ကလေးကပြန်ဖြေတယ်"စာဖတ်ဖို့သွားတာမဟုတ်
ဘူးအန်ကယ်လ်.အမေလုပ်ပေးတဲ့မုန့်တွေကို
ကျောင်းမှာသွားရောင်းတာပါ.ကလေးတွေက
ကျွန်တော့်ဆီကမုန့်တွေကိုဝယ်စားကြတယ်
အဲ့ဒါကျွန်တော့်အလုပ်ပါပဲ"

လူစိမ်းကပြောတယ်.ကလေးရဲ့စကားတစ်ခွန်း
တိုင်းကကျွန်တော့်ရင်ကိုထိရှစေတယ်.

လူစိမ်းလည်းမမေးချင်ပဲဆက်မေးလိုက်တယ်
"မင်းမှာဆွေမျိုးသားချင်းတွေကောမရှိဘူးလား?"

ကလေးကပြန်ဖြေတယ်"အမေပြောဖူးတယ်
ဆင်းရဲသားမှာဆွေမျိုးသားချင်းဆိုတာမရှိဘူး
တဲ့.အမေဘယ်တော့မှလိမ်မပြောတတ်ပါဘူး.
ဒါပေမယ့်အန်ကယ်လ်.ကျွန်တော်တို့ထမင်းစား
တဲ့အချိန်အမေပါလာစားလေလို့ခေါ်တဲ့အခါတော့
အမေကငါစားပြီးပြီလို့ပြန်ပြောတယ်.အဲ့ဒီအချိန်
တော့အမေလိမ်နေတယ်လို့ကျွန်တော်ထင်တယ်"

လူစိမ်းကမေးတယ်"တကယ်လို့အိမ်စားရိတ်အဆင်
ပြေသွားရင်ကောသားကျောင်းတက်မာလား?"

ကလေးကဖြေတယ်"လုံးဝမတက်ဘူးအန်ကယ်လ်.
ဘာဖြစ်လို့လဲဆိုတော့ပညာတတ်သွားတဲ့သူတွေက
ဆင်းရဲသားတွေကိုမုန်းတတ်ကြတယ်.အနားကဖြတ်
သွားတဲ့ဘယ်ပညာတတ်မှကျွန်တော့်အခြေအနေကို
မမေးခဲ့ဖူးဘူး"

လူစိမ်းကအံ့လည်းအံ့သြစိတ်မကောင်းလည်းဖြစ်
သွားတယ်.

ကလေးကဆက်ပြောတယ်."ကျွန်တော်ဒီဗလီကို
နေ့တိုင်းရောက်ခဲ့တယ်.ဘယ်သူမှဘာမှမမေးပါ
ဘူး.ဒီကိုလာနေကြတဲ့သူအားလုံးကျွန်တော့်အဖေ
ကိုသိကြပါတယ်.ဒါပေမယ့်ကျွန်တော့်ကိုတော့
ဘယ်သူမှမသိကြပါဘူး."

ကလေးကရှိုက်ကြီးတစ်ငင်ငင်ငိုပြီးပြောတယ်
"အန်ကယ်လ်!ကျွန်တော့်အပါဆုံးသွားပြီးထဲက
အားလုံးကျွန်တော်တို့နဲ့သူစိမ်းတွေဖြစ်ကုန်တာ
ပါပဲ"

လူစိမ်းကပြောတယ်.ကျွန်တော့်ဆီမာကလေးရဲ့
မေးခွန်းတွေအတွက်အဖြေမရှိခဲ့ဘူး.

ဒီလိုမျိုးစိတ်ဒဏ်ရာနဲ့အကူအညီမဲ့နေတဲ့ယသီးမ်
ကလေးတွေကျွန်တော်တို့ဝန်းကျင်မှာ
ဘယ်လောက်ရှိနေကြမလဲ.တတ်နိုင်
သမျှရှာဖွေပြီးသူတို့ရဲ့အခက်အခဲကိုကူညီပေး
မယ်ဆိုကျွန်တော်တို့ရဲ့အာခေရသ်လည်းလှသွား
မယ်သူတို့ရဲ့ဒွန္နယာလည်းလှသွားမယ်....

Telegramမှအုရ်ဒူပို့စ်တစ်ခုကိုပြန်ဆိုထားတာပါ.

Credit to ခရီးသည်

04/29/2022

Bayanul Islam Myanmar ရဲ့ Telegram link ပါ။ ဗယာန်တွေတင်တိုင်း အလွယ်တကူနားထောင်လိုပါက Join ထားပေးပါ။
t.me/bayanulislammyanmar

04/18/2022

မြောင်လည်း သည်နေ့ ရိုဇာထားထားပါတယ်။
သည်လိုပဲ ရုပ်တည်နဲ့ ရွှီးရတာပေါ့ 😅

- Youtube Channel မှာ ဗယာန်တွေ နားထောင်လိူ့ဂပါတယ်။ အမြဲနားထောင်နိင်ဖို့ subscribe လုပ်ထားပါ။
www.youtube.com/c/bayanulislammyanmar
- ဗယာန် မာတိကာသို့ အောက်ပါ link နှိပ်ပြီး သွားနိုင်ပါတယ်။
https://www.facebook.com/400522976953169/posts/1170592369946222/

04/18/2022

သရာဝီနမာဇ်က ရကာအသ် ၂၀ ဖြစ်ပါတယ်ဆိုတဲ့
အထောက်ထားတွေ အများကြီး ရှိပါတယ်။
အခုပြောမဲ့စကားကရကာအသ် ၂၀ ဘဲ
ဖြစ်သင့်တယ်ဆိုတဲ့ ဟိက်မသ်တစ်ခုကိုဖော်ပြပေးမှာပါ။

မောင်လာနာအီလ်ယားစ်ဂိုမာန်ဆပ်၏စကားကိုတင်ပြခြင်းသာ

ရမ်လ၏သီးသန့်အေဗာဒသ်ကတော့ နေ့မှာရ်ိုဇာထားခြင်းနှင့်
ညမှာသာရာဝီနမားဇ်ဖတ်ခြင်းတို့ပဲဖြစ်ပါတယ်။

သီသန့်အီ‌ဗာဒသ်တွေဖြစ်သောကြောင့်
ပြည့်ပြည့်၀၀လုပ်ရန် လည်းအရေးကြီးပါတယ်။

ထို့အတွက်ကြောင့်လူတစ်ယောက်ဟာ ရိုဇာကို
တမင်သက်သက်ဖျက်လိုက်မည်ဆိုပါက ကဇွာရိုဇာနှင့်
အတူကဖ်ဖာရာရိုဇာပါ ပြန်ထားရန်အရေးကြီးပေသည်။

ရိုဇာ၏ဂဏ္ဍမှာပြည့်ပြည့်၀၀ထားရန်အရေးကြီးသလို
သာရာဝီ၏ဂဏ္ဍမှာလည်း ရကအသ်(၂၀)ပြည့်ပြည့်၀၀ဖတ်ရန်အရေးကြီးပါတယ်

တစ်ချို့သောပုဂ္ဂိုလ်တွေ ရမ်ဇန်လမှာ
နဖီလ်နမားဇ်(၈)ရကအသ်ဖတ်လိုက်ကြပြီး
သာရာဝီဆိုပြီးခေါင်းစဉ်တက်လိုက်ကြတယ်။

ကျွန်တော်တို့ကလည်း ဘာကြောင့်သာရာဝီ
ရကအသ်(၂၀)ဖတ်ရတာလည်း ဆိုတာနှင့်ပတ်သက်ပြီးတော့
အများနားလည်သဘောပေါက်အောင် ဆင်ခြင်တုံတရားနှင့်ပဲ
တွေးတောလို့ရတဲ့အထောက်အထားလေး တစ်ခုကို ပြောပြပါမယ်။

(၁)အားလုံးသိပြီးသားပဲဖြစ်တယ် ကေယာမသ်နေ့မှာ
ဦးစွာ ဖရဇ်နမားဇ်တွေနှင့်ပတ်သက်ပြီးတော့ မေးမြန်းလိမ့်မည်။
အကယ်၍ဖရဇ်နမားဇ်တွေမှာလျေ့ာနည်းမှုဖြစ်တယ်ဆိုလျှင်
နဝါဖီလ်‌တွေနှင့်အစားထိုးလိမ့်မယ်။

(၂)ကျွန်တော်တို့ တစ်နေ့တာလုံးမှာ ဖရဇ်နမားဇ်ရကအသ်(၂၀)၀တ်ပြုရပါတယ်

ဖဂျရ် ဖရဇ် (၂)ရကအသ်

ဇိုဟိုရ် ဖရဇ် (၄)ရကအသ်

အဆွရ် ဖရဇ်(၄)ရကအသ်

မဂ်ရီဗ် ဖရဇ်(၃)ရကအသ်

အီရှာ ဖရဇ် (၄)ရကအသ်

ဝီသေရ်ဝါဂျီဗ်(၃)ရကအသ်

အဲ့တော့ ဝီသေရ်ပါထည့်တွက်နေတော့ စောဒက ကတက်အုန်းမယ်
ဖရဇ်နှင့်ဝါဂျီဗ်ဆိုတာက အအ်မာလန်းမှာကွာခြားမှုမရှိဘူး။
အေအ်သေကားသ်မှာပဲ ကွာခြားမှုရှိပါတယ်။

ဖရဇ်ကိုငြင်းတဲ့သူဟာ ကာဖီရ်ဖြစ်မယ်၊
ဝါဂျီဗ်ကို ငြင်းတဲ့သူဟာ ဖာစစ်က်ဖြစ်မယ်၊
ဖတ်ဖို့အရေးကြီးခြင်းမှာတော့ ဖရဇ်နှင့်ဝါဂျီဗ်ဟာ အဆင့်တန်းအတူတူပဲဖြစ်ပါတယ်၊
တစ်နေ့တာမှာ စုစုပေါင်း (၂၀)ရကအသ်၀တ်ပြုရပါတယ်

လူတစ်ယောက် ဆုံးသွားတဲ့အခါမှာ သားသမီးတွေအနေနှင့်
တစ်ရက်တာ၏နမားဇ်ဖီဒ်ရဟ်ပေးမည်ဆိုလျှင်
နမားဇ်(၅)ကြိမ်စာ၏ဖီဒ်ရဟ်ပေးလို့မရပါဘူး။
ဝီသေရ်နမားဇ်တစ်ကြိမ်စာကိုပါပေါင်းပြီး
နမားဇ်(၆)ကြိမ်စာ၏ဖီဒ်ရဟ်ပေးရပေမည်။

ထို့ကြောင့်အပေါ်မှာ တစ်နေ့တာ၏ စုစုပေါင်းဖတ်ရသော ဖရဇ်နမားဇ်၏
အရေအတွက်ဟာ ရကအသ်(၂၀)ရှိတယ်ဆိုပြီးတင်ပြရခြင်းလည်းဖြစ်ပါတယ်။

(၃)အခုပြောခြင်တဲ့စကားကို ရောက်ပါပြီ

ရမ်ဇန်လ၏ နဖီလ်နမားဇ်ဟာ ဖရဇ်နှင့်စ၀ါးဗ်မှာတန်းတူပါတယ်
ကေယာမသ်နေ့မှာ ဖရဇ်၏လျှော့နည်းမှုတွေကို နဖီလ်နှင့်အစားထိုးပေးမည်။
အစားထိုးပေးတဲ့နဖီလ်ကလည်း ဒီလိုနဖီလ်တွေပဲ ဖြစ်သင့်တယ်
ဖတ်တဲ့နေရာမှာတော့ နဖီလ် ရတဲ့စဝါးဗ်မှာတော့ ဖရဇ်နှင့်တန်းတူရမယ်၊

အဲ့လိုစဝါးဗ်ရတယ်ဆိုတဲ့နဖီလ်နမားဇ်ကလည်း ရမ်ဇန်လမှာပဲ ရနိုင်ပါတယ်
ရမ်ဇန်လမှာ နဖီလ်အနေနှင့် ရကအသ်(၂၀)ဖတ်တာကို
ကျွန်တော်တို့သာရာဝီဖတ်တယ်လို့ခေါ်ကြတယ်
အဲ့တော့ ကျွန်တော်တို့ တစ်နေ့တာမှာ ဖရဇ် ရကအသ်(၂၀)ဖတ်တယ်ဆိုလျှင်
သာရာဝီကိုလည်း ရကအသ်(၂၀)ဖတ်သင့်တယ်။
သို့မှသာ ကေယာမသ်နေ့၌ရကအသ်(၂၀)၏လျှေ့ာနည်းမှုကို
ရကအသ်(၂၀)ဖြင့် အစားထိုးပေးနိုင်ပေမည်။

အကယ်၍ကျွန်တော်တို့ တစ်‌နေ့တာမှာ ဖရဇ်နမားဇ်(၈)ရကအသ်ဖတ်တယ်ဆိုလျှင်
ရမ်ဇန်လမှာလည်း နဖီလ်နမားဇ်(၈)ရကအသ်ပဲဖတ်သင့်ပါတယ်။

Credit to
Mawlawi Mujibul Rahman Edrisi Eainme

- Youtube Channel မှာ ဗယာန်တွေ နားထောင်နိုင်ပါတယ်။ အမြဲနားထောင်နိင်ဖို့ subscribe လုပ်ထားပါ။
www.youtube.com/c/bayanulislammyanmar
- ဗယာန် မာတိကာသို့ အောက်ပါ link နှိပ်ပြီး သွားနိုင်ပါတယ်။
https://www.facebook.com/400522976953169/posts/1170592369946222/

04/13/2022

ပြီးခဲ့တဲ့ရမ်ဇာန်က
ဗလီမှာ တာရာဝီအပြီးကို
တရက်ခြား တခါ နှစ်ရက်ခြား တခါ
အကျွေးအမွေးနဲ့ ဧည့်ခံပါတယ်

တရက် အဲ့လိုဆွဲဇယားမှာ ဆွဲနေရင်း
ကျွန်တော့်ရှေ့တည့်တည့်မှာ
ဗလီကို ရောက်နေတဲ့ ဂျမာအသ် အဖွဲ့ကဘိုင်တွေလည်း
ဆွဲနေတာပေါ့

အဲ့နေ့က ဘာကျွေးလဲဆိုတော့
လဖက်ရည်နဲ့ အုန်းပြန်ပေါင်း

စားနေရင်း အရှေ့ကဘိုင်က
ကောက်ညင်းပေါင်းကုန်ကာနီးတော့
ကျွန်တော်က ဟေ့လာကြစမ်း
ဒီမှာ ပန်းသေးဘိုင် ကို ကောက်ညင်းပေါင်း
လာထည့်ပေးကြအုန်းလေလို့
ခပ်တည်တည်နဲ့ အော်လိုက်လေတယ်

အဲ့ဘိုင်က တကယ့်ပန်းသေးရုပ်
အဲ့လို အော်လိုက်တော့
အဲ့ဒီဘိုင်က ရယ်နေတယ်
သူ့အနားက ဘိုင်တယောက်က ဝင်ပြောတယ်
သူကပန်းသေးမဟုတ်ဘူး မြန်မာစစ်စစ် တဲ့

ကျွန်တော်ကလည်း
ဟာဒါဆို အပနီးလေးနဲ့ညားလို့ အပနားဖြစ်သွားတာပေါ့လို့
ပြောင်သလို ပြောလိုက်တော့
အဲ့ဘိုင်က ပြောတယ်
မဟုတ်ဘူးဗျ လင်မယား နှစ်ယောက်စလုံး
အရင်ကဗမာစစ်စစ်တွေ
အခုမှ အပနီးတွေ အပနားတွေ ဖြစ်ကုန်တာလို့
ပြောပြီး ရယ်နေလေတယ်

သူ့စကားကြားတော့ နည်းနည်းစိတ်ဝင်စားသွားတယ်

အဲ့ဒါနဲ့ ဆက်မေးလိုက်တယ်
ဟာဒါဆို ဘိုင်က နောင်မွတ်စလင်မ်ပေါ့ လို့

ဟုတ်တယ် တဲ့ အီမာန်ယူလိုက်တာ
4 . 5 နှစ်ပဲရှိသေးတယ် တဲ့

ဘယ်လိုဖြစ်ပြီး အီမာန်ယူဖြစ်သွားတာလဲလို့
ဆက်မေးတော့
သူက လဖက်ရည်ဆိုင်မှာ
လဖက်ရည်ဖျော်တဲ့အဖျော်ဆရာ တဲ့

အိမ်ထောင်ကျပြီးတော့
ကိုယ့်ကျွမ်းကျင်တဲ့ အဖျော်ဆရာအလုပ်ပဲ
ဆက်လုပ်ဖြစ်တယ် တဲ့
ဒါပေမယ့် ဟိုဆိုင်ပြောင်းလိုက်ဒီဆိုင်ပြောင်းလိုက်ပေါ့ဗျာ
ပိုအဆင်ပြေတဲ့ဆိုင်မှာ ဖျော်တာပေါ့

အဲ့လိုနဲ့ လွန်ခဲ့တဲ့ 7 နှစ်နီးပါးလောက်က
ကျွန်တော်ရောက်သွားတဲ့လဖက်ရည်ဆိုင်က
ဘေးမှာ လူသွားလမ်းတလမ်းရှိတယ်
အဲ့လမ်းရဲ့ နောက်ဖက်မှာ အိမ်တွေလည်းရှိတယ်

အဲ့ဒီလမ်းလေးက
လမ်းအဝပိုင်းကအမြင့် အတွင်းပိုင်းကိုနိမ့်လျောပုံစံနဲ့
ကျွန်တော်က လဖက်ရည်ဆိုင်ကို
မနက် 4 : 30 , 5 နာရီ လောက်ဆို ရောက်ပြီ

အဲ့ဒီမှာ ကျွန်တော်သတိထားမိတာတခုရှိလာတယ်
အဲ့ဒီလဖက်ရည်ဆိုင်ဘေးက
လမ်းထဲကနေ မနက် 5 နာရီ ဝန်းကျင်လောက်ဆို
ချာတိတ်တယောက် ဗလီဦးထုပ်လေးဆောင်းပြီး
ဆိုင်ကယ်လေးတစီး တွန်းတွန်းပြီးထွက်လာတယ်

ဟော တွန်းလာပြီး လမ်းအဝရောက်တော့မှ
စက်နှိုးတယ် ပြီးတော့မှ မောင်းထွက်သွားတယ်

အဲ့ဒါက တရက်တည်းမဟုတ်ဘူး နေ့တိုင်း

သူတွန်းလာတဲ့ နေရာအစကိုတခါတခါ
လှမ်းကြည့်လိုက်တော့
အားပါးပါး ဟိုးအတွင်းထဲကတွန်းထွက်လာတာ
ပြောရရင် အဲ့လမ်းကြားလေးရဲ့
ဟိုးနောက်ဆုံး အိမ်တွေထဲက တအိမ်အိမ်ကပေါ့

သူ့ခမျာ အနိမ့်ပိုင်းကနေ အမြင့်ပိုင်းကို
တွန်းတွန်းလာတာ သက်သက်သာသာတော့မရှိ

အဲ့ဒါနဲ့
ကျွန်တော်သိချင်လာတယ်
ဒီကောင်လေး ဘာလို့အပင်ပန်းခံပြီးတွန်းလာသလဲပေါ့
တခါတည်းမောင်းထွက်လာလဲ ရရဲ့သားနဲ့ပေါ့
အဲ့ကိစ္စကို သိချင်နေတာတော့ အမှန်ပဲ

အဲ့ဒါနဲ့ တရက်
ဆိုင်ရှေ့မှာ လုပ်စရာလေးလုပ်နေရင်း
အဲ့ကောင်လေး ထွက်လာတာနဲ့
အတော်ပဲဆိုပြီး မေးကြည့်လိုက်တယ်

ညီလေး ဘာလို့အပင်ပန်းခံပြီး တွန်းထွက်လာတာလဲလို့ မေးကြည့်တော့

ထိုချာတိတ်က
ဘေးအိမ်ကလူတွေ အိပ်နေကြတုန်းလေ အကိုရဲ့
ူလူခြေတိတ်ချိန်ဆိုတော့
ကျွန်တော်မောင်းထွက်လာရင်
ဆိုင်ကယ်သံက အကျယ်ကြီးဖြစ်သွားမယ်
အဲ့တော့ အိပ်နေတဲ့သူတွေကို
အနှောက်အယှက်ပေးသလို ဖြစ်သွားမှာပေါ့ တဲ့

ကျွန်တော်က
ဟာ တချို့ လူတွေလည်း
မောင်းထွက်လာကြတာပဲ
လူသွားလမ်းပဲ မောင်ထွက်လို့လည်း
ဘယ်သူမှာ အပြစ်မပြောပါဘူးကွာလို့
ပြန်ပြောလိုက်တော့
သူပြန်ပြောတာလေးက တခါတည်းဟက်ထိသွားတယ်

ဘယ်သူမှ မပြာတာတော့ ဟုတ်တယ်အကို
ဒါပေမယ့်
ကျွန်တော်တို့ အစ္စလာမ် သာသနာက
ကိုယ့်အတွက်နဲ့ ဘယ်သူတဦးတယောက်မှ
စိတ်ဒုက္ခဖြစ်လို့မရဘူးဗျ
လူခြေတိတ်ချိန်ဆိုတော့ ကျွန်တော့်ဆိုင်ကယ်သံက
အိပ်နေသူတွေကို အနှောင့်အယှက်ဖြစ်သွားနိုင်တယ်လေ

အဲ့ဒါကြောင့်
အခုလို အပင်ပန်ခံပြီး တွန်းတွန်းလာတာပါ လို့
ပြောပြီး ဗလီနောက်ကျနေလို့ သွားတော့မယ်ဆိုပြီး
မောင်းထွက်သွားလေတော့တယ်

အဲ့ချာတိတ်ရဲ့ အဲ့ဒီစကားကြားပြီး
အစ္စလာမ်ကို
အထင်ကြီးတဲ့စိတ် သဘောကျတဲ့စိတ်က
ကျွန်တော့်ရင်ထဲ ကိန်းအောင်းလာပါတယ်

အဲ့ဒါနဲ့ ဆိုင်မှာ လဖက်ရည်လာသောက်တဲ့
မွတ်စလင်မ်တွေကို အစ္စလာမ်နဲ့ ပက်သက်တာ
ဟိုဟာမေးဒီဟာမေးနဲ့ နောက်ဆုံး
ကျွန်တော် အီမာန်ယူဖြစ်သွားတာပါ တဲ့
နောက်ပြီး မဆ်သူရသ် အကူအညီနဲ့ အမျိုးသမီးလည်း
အီမာန်ယူဖြစ်သွားတာပါ

သူ့စကားကြားပြီး ဒီလူပြောတဲ့ချာတိတ်က
အားပါးပါး တော်လိုက်တဲ့ချာတိတ်ပဲဆိုပြီး
ကျွန်တော့်စိတ်ထဲ တွေးမိတာအမှန်ပါ

အဲ့ဘိုင်က ဆက်ပြောတယ်
ကျွန်တော်က ဒီချာတိတ်လေးရဲ့ လုပ်ရပ်တခုတည်းကြည့်ပြီး
အစ္စလာမ်ဆိုတာ ဒီလိုပါလားဆိုပြီး
အထင်ကြီးလေးစားတဲ့စိတ်နဲ့ အီမာန်ယူလိုက်ပေမယ့်

တကယ်တမ်း အီမာန်ယူပြီး
မွတ်စလင်မ်အသိုင်းအဝိုင်းထဲလည်း ရောက်ရော
အဲ့ချာတိတ်လို အီမာန်ရှင်မျိုးက
တော်တော်ရှားရှားပါးပါး ပါလားဆိုတာ
သိလိုက်ရတယ် ဆိုပြီး ရယ်နေတော့တယ်.

Credit to original uploader

04/09/2022

"A Great Man" is always willing to be "little".
ကြီးကျယ်ခမ်းနားတဲ့ ပုဂ္ဂိုလ်တစ်ယောက်ဟာ အမြဲ ကိုယ့်ကိုယ်ကို သေးသိမ် ချိုးနှိမ်ပြီးနေဖို့ စိတ်ဆန္ဒ အမြဲရှိနေတယ်။

ပုံထဲမှာရှိနေတဲ့ ချစ်စရာကောင်းတဲ့ ဆရာသခင်ကြီးနှစ်ပါးကတော့ ဆိုဖီယဟ်ကျောင်းကြီးရဲ့ ရှိုက်ခ်ခွလ်ဟဒီးစ် မော်လာနာ ရှမ်စွတ်ဒိုဟာနဲ့ အဆ်အဒီယဟ် ကျောင်းကြီးရဲ့ ဟဒီးစ်တန်းပြ ဆရာကြီးနှင့် ဓမ္မသတ်မှူး မော်လာနာ မွဖ်သီ အာဒမ်ဆဗ် တို့ပဲ ဖြစ်ပါတယ်။

အထူးသဖြင့် ဆရာအာဒမ်ဟာ မိမိကိုယ်တိုင် ပညာရဲ့ ဧဝရတ်တောင်ကြီး ဖြစ်လင့်ကစား ဆရာကြီးတစ်ယောက်ရဲ့ ရှေ့မှာ ရို့ရို့ကျိုးကျိုးလေး အရိုအသေပေး တလေးတစား ဆက်ဆံနေတာလေးဟာ ကျွန်တော်တို့အတွက် သင်ခန်းစာတစ်ခုပဲ ဖြစ်ပါတယ်။

ကျွန်တော်တို့ ဘယ်လောက်ပဲ ကြီးကျယ်တဲ့ ပုဂ္ဂိုလ်ကြီးတွေ ဖြစ်သွားပါစေ ဘယ်လောက်ပဲ ချမ်းသာတဲ့သူ ဖြစ်သွားပါစေ ဘယ်လောက်ပဲ ပညာတတ်ကြီး ဖြစ်သွားပါစေ ကျွန်တော်တို့ရဲ့ ဆရာသမားတွေရှေ့ ကျွန်တော်တို့ရဲ့ မိဘတွေရှေ့ အကြီးအကဲတွေရှေ့ရောက်ရင် ကျွန်တော်တို့ဟာ အမြဲတစေ ရိုသေလေးစားစွာဖြင့် မော်လာနာ မွဖ်သီ အာဒမ်ကဲ့သို့ ကလေးတစ်ယောက်လို ရိုကျိုးလေးစားစွာ ဂုဏ်ပေး ဆက်ဆံသင့်ကြောင်း သင်ခန်းစာပဲ ဖြစ်ပါတယ်။

အလ္လာဟ်အရှင်မြတ် ဆရာသခင်ကြီး နှစ်ပါးရဲ့ အရိပ်အာဝါသကို ကျွန်တော်တို့အပေါ်မှာ ကြာရှည်စွာ ထားတော်မူပါစေ။
အာမီးန်

By Muhammad As'adi.

04/07/2022

· *↶❖ ﷽ ❖↷*

ပညာရပ်လေးခု ရယူပြီးနောက်
•┈┈•◆ ✹•❀• •❀•✹ ◆•┈┈•

ဟဇရသ် ဟာသင်မ်အစွာမ်(ရဟ)သခင်က
အမိန့်ရှိတယ်။ ကျနော်ဟာလေးခုသောပညာရပ်
ကိုရယူပြီးနောက်လူအများနှင့်ခပ်ဝေးဝေး
နေလိုက်တယ်။တစ်ဦးသောသူက ထိုပညာရပ်
လေးခုမှာအဘယ်ဟုမေးတော့
သခင်ကြီးကဖြေတယ်... ..

၁။ ရိုဇီရိက္ခာဟာ ကျနော့်နဖူးစာမှာ ရေးမှတ်
ထားပြီးဖြစ်တယ်။ သတ်မှတ်ထားသည်နှင့် ပိုရလာမှာမဟုတ်သလို လျော့ပြီးရမှာလည်း
မဟုတ်ဘူးဆိုတာကို ကျနော်ဟာသိသွားပြီး
ဖြစ်တယ်။

ဒါ့ကြောင့် ကျနော်ဟာသာပို၍တောင်းခံနေခြင်း ကနေစိတ်အေးသွားရပြီးဖြစ်တယ်။

၂။ အလ္လာဟ်အရှင်မြတ်နဲ့ပတ်သက်ပြီး ကျနော့်
အပေါ်မှာရှိတဲ့တာဝန်ကို ကျနော်ကိုယ်တိုင်
ထမ်းဆောင်ရမယ်။တခြားသူထမ်းဆောင်
ပေးလို့မရဘူး။

ဒါ့ကြောင့်ကျနော်ဟာ တာဝန်ထမ်းဆောင်ခြင်းတို့
၌သာပျော်မွေ့နေလိုက်တယ်။

၃။ ကျနော့်ကို တစ်စုံတစ်ရာဟာ ရှာဖွေနေတယ်။
အဲ့တာကတော့ ကျနော့်ရဲ့သေခြင်းပဲဖြစ်တယ်။
သူ့ထံကနေကျနော်ဟာ ပြေးလွှတ်မှာမဟုတ်ဘူး။

ဒါ့ကြောင့်ကျနော်ဟာ သူ့ကိုလက်ခံလိုက်ခြင်းဖြင့် သူ့နဲ့အပေးအယူတည့်သွားတယ်။

၄။ ကျနော့်ရဲ့အလ္လာဟ်ဟာ တစ်ပါးတည်းသော အရှင်ဖြစ်တယ်။ထိုအရှင်မြတ်က ကျနော်နဲ့
ပတ်သက်ပြီးအရာရာကိုသိနေတယ်။

ကျနော်ဟာထိုအရှင်မြတ်ကို ရှက်သောအားဖြင့် မကောင်းမှုတွေကနေ ရှောင်ရှားလိုက်တယ်။

Credit to original uploader

04/05/2022

ကာ့အ်ဘာဝတ်ကျောင်းတော်ကြီးနဲ့ တမန်တော်ဗလီကြီးမှာ သရာဝီနမာဇ်ကို ၁၀ ရကအသ်ပဲ ဝတ်ပြုနေတဲ့အပေါ် ရကအသ် ၂၀ လုံး ဝတ်ပြုရန် ဆော်ဒီအစိုးရကို ဒါရုလ်အိုလူမ် ဒေယူဗန် ကျောင်းတော်ကြီးမှ တောင်းဆို

မြင့်မြတ်လှတဲ့ ကာ့အ်ဘာဝတ်ကျောင်းတော်ကြီးနဲ့ တမန်တော်ဗလီကြီးမှာ သရာဝီနာဇ်ကို ရကအသ် ၂၀ လုံး မဖတ်ဘဲ ၁၀ ရကအသ်ပဲ ဂျမအသ်နဲ့ ဖတ်နေတဲ့အတွက် ဒါရုလ်အိုလူမ်ဒေယူဗန်ဟာ အလွန်ပဲ ဝမ်းနည်းကြေကွဲ ဖြစ်ရပါတယ်

ကာ့အ်ဘာဝတ်ကျောင်းတော်နဲ့ တမန်တော်ဗလီကြီးဟာ ကမ္ဘာတလွှားမှ မွတ်စလင်တွေရဲ့ ချစ်ခင်ကြည်ညိုခြင်းခံရတဲ့ ဌာနကြီးတွေ ဖြစ်တယ်လို့ ဒါရုလ်အိုလူမ်ဒေယူဗန်ရဲ့ ဒုကျောင်းအုပ်ဆရာကြီးဖြစ်တဲ့ မောင်လနာ အဗ်ဒုလ် ခါလစ်က် မဒ်ရာစီဆပ်က ဆိုပါတယ်

အဲ့ဒီ မြင့်မြတ်လှတဲ့ နေရာတွေမှာ အမြဲတမ်း သရာဝီနမာဇ်ကို ရကအသ် ၂၀ပဲ ဖတ်ခဲ့ပါတယ်

ပြီးခဲ့တဲ့ နှစ်နှစ်မှာ ဆော်ဒီအစိုးက ကိုဗစ်ရောဂါရဲ့ ရိုက်ခက်မှုကြောင့် ရကအသ် ၂၀ အစား ၁၀ ရကအသ်ကိုပဲ ဖတ်စေခဲ့ပါတယ် အဲ့ဒီအချိန်တုန်းကလည်း အဲ့ဒီလျှော့ချမှုကို ပယ်ဖျက်ပြီး ရကအသ် ၂၀ အပြည့်သာ ဖတ်စေဖို့ ဒါရုလ်အိုလူမ်က ၂၈၊၄၊ ၂၀၂၁ ရက်စွဲနဲ့ စာရေးသားပြီး ဆော်ဒီအဆိုးရကို တောင်းဆိုခဲ့ပါသေးတယ်

အလ်ဟမ်ဒို့လစ်လာ! ဒီနှစ် ကမ္ဘာကြီးတစ်ခုလုံး ကိုဗစ်ရောဂါ ကင်းစင်သွားပြီ နေရာတိုင်းမှာ ကန့်သတ်ချက်တွေကို ဖြေလျှော့ပေးနေပြီဖြစ်ပြီး ဆော်ဒီမှာလည်း ဖြေလျှော့ပေးနေပါပြီ ဖြစ်ပါတယ်

သို့ပေသော်ငြားလည်း ၎င်းဝတ်ကျောင်းတော်ကြီးနှစ်ခုလုံးမှာ သရာဝီနမာဇ်ကို ၁၀ ရကအသ်ပဲ ဖတ်နေတာကို တွေ့ရပါတယ် ဒါဟာဆိုရင် နှလုံးသားကို နာကြင်စေပါတယ်

ဒီမြင့်မြတ်လှတဲ့ ဝတ်ကျောင်းတော်ကြီးနှစ်ခုနဲ့ ပတ်သက်ပြီး အခြားသော ဘာသာရေး အသိုင်းအဝိုင်းတွေရဲ့ အကြံဥာဏ်တွေကို ဂရုမမူဘဲ တစ်ဦးတစ်ယောက်တည်းရဲ့ တစ်ယူသန်အမိန့်တစ်ခုတည်းကိုပဲ အသက်သွင်းတာဟာ ဘယ်လိုမှ မဖြစ်သင့်တဲ့ ကိစ္စရပ် ဖြစ်ပါတယ်

ဒါ့ကြောင့် ဆော်ဒီအစိုးရအနေနဲ့ သရာဝီနမာဇ်ကို အရင်မူလရှိတဲ့အတိုင်း ရကအသ် ၂၀ စွန္နသ်တာဝန်ကို ပြည့်ပြည့်ဝဝ အကောင်ထည်ဖော်ရန် မိမိတို့အနေနဲ့ တိုက်တွန်းပါတယ်

ဆော်ဒီအစိုးရဲ့ ဒီလို ဥပဒေမဲ့ မထီမဲ့မြင်လုပ်ခြင်းဟာ အိန္ဒိယတိုက်နိုင်ငံတွေဖြစ်တဲ့ အိန္ဒိယ ပါကစ္စတန်အပြင် အခြားသော တစ်လောကလုံးက လာရောက်ကြတဲ့ အီမာန်ရှင်တွေကိုပါ စိတ်ဒုက္ခ ဖြစ်စေပါတယ် ဒါ့ကြောင့် ဒီအချက်ကို အမြန်ဆုံး ပြင်ပေးဖို့ သတိမူပါ

တခြားသော သာသနာရေး အင်အားစုတွေကိုလည်း ဆော်ဒီသံရုံးမှတဆင့် ဒီလိုစာရေးသား တောင်းဆိုကြရန် ဒါရုလ်အိုလူမ်ဒေယူဗန်ရဲ့ ဒုကျောင်းအုပ်ကြီးက တောင်းဆိုပါတယ်။

-ဒါရုလ်အိုလူမ် ဒေယူဗန်
-မောင်လာနာ အဗ်ဒုလ် ခါလစ်က် မဒ်ရာစီ
ဒုကျောင်းအုပ်ဆရာကြီး
ဒါအုလ်အိုလူမ် ဒေယူဗန် (အိန္ဒိယ)
credit to original uploader

04/03/2022

تم اچھےآدمی کی طلب ہوتو
پہلے خود اچھی بننا پڑےگا
ခင်ဗျားက ကောင်းတဲ့လူကို လိုချင်တယ်ဆိုရင်
အရင်ဆုံး ခင်ဗျားကိုယ်တိုင် ကောင်းအောင်လုပ်ရလိမ့်မယ်။
Bayanul Islam Myanmar