Oromia Stars

02/03/2025

Presidaantiin Amerkaa Donaald Traamp Presidaantii Masrii Al-sisii Waliin mar'atan.

Presidaantiin Amerkaa Donald Traamp Presidaantii Masrii Al-sisii Waliin mar'ataniiruu jedhame. Dhimmi Marii isaanii inni ijoon dhimma gaazaa ta'uun himameera.
Ta'us Presidaanti Al-sisiin dhimma guddicha ilaalchisee qormaata kan natti ta'e jedhee Presidaanti Traampiif yaada kaaseeraa jedhame.
Masiriin Traamp Waadaa seenanii osoo 'White House' hin seenin dura dhimma hidha guddichaa ilaalchisee Presidaanti Traampitti dhiyeeffachuuf qopheeffadheera jechaa turte.

Traamp Bara Presidaantummaa isaanii Isa duraa, Masiriidhaaf looguudhaan haasaa Itoophiyaa mufachuusu ''Egipt hidhicha dhoosuu dandeessi" jecha jedhu fayyadamanii turuun isaanii ni yaadatama.

Marii Amma bilbilaan haasa'aniin dhimma Itoophiyaa ilaalchisee wanti jedhan dhaga'amu baatus, Akkuma yeroo duraa fedhii Itoophiyaan ala waliigaltee Masrii Waliin mallatteessisuuf dhiibbaa godhaa turan, ammas dhiibbaa isaanii ittifufu malu, hojii dipiloomaasii Masriin eegalte agarsiiftuudhaa kan jedhan danuudha.

Mariin Aanga'oota Lammanii kan itti aanu 'White House'tti ta'as jedhame.

Wayita kanatti Itoophiyaan hojii dipiloomaasii jabaa ta'e yoo hin hojjenne dhiibbaan isheerra gahuu malu cimaa ta'aa jedhu xiinxaltoonni.

Kanaaf Ammoo hojiin Ambaasaaddara Itoophiyaa reefuu Muudamaniifi Dipiloomaatota biroo daran cimaa ta'uu qabaa jedhama.

OS Gurraandhala 03/2025
Traamp Deeggarsa US biyyoota hedduuf kennitu yeroof akka Dhaabbata Ajajuun, ajajichi Israa'eliifi Deeggarsa Waraanaa Masriif kennamu hin ilaallatuu jedhanii turan.
Kana jechuun cimaa ta'uun isaa Murtoon Kun agarsiiftuudha.

02/03/2025

Naannoo Amaaraatti Doktorri Ispeeshaalistiin fayyaa tokko Ajjeefame.

OS Gurraandhala 03/2025
Yuuniversiitii Baayidaaritti Ispeeshaalistiin baqassanii hodhuu kan ta'an Doktor Andualen Daanyee kan Ajjeefame qaamota hin beekamneen Magaalaa Baayidaaritti galgala Naannoo sa'aatii tokkoo osoo lafa hojiitii galuu konkolaataa isaa keessatti rasaasaan rukutamee Ajjeefamee jedhame.

Ajjeechaa Doktora fayyaa kanaaf qaamni ittigaafatamummaa fudhate hanga ammaatti hin jiru.

02/03/2025

ijoon Amansiisaa biyyattiif fiduudha malee ifa karaarraa calaqqisu mitii" jedhan Ministirri Ministeera Nagaa duraanii Obbo Taayyee Danda'a.

Obbo Taayyeen barreeffama mata-duree fi jedhu fuula Miidiyaa isaanii 'Facebook' irratti qoodaniin dubbii ijoo dhimma Misooma jedhamuufi biyyaattiin nagaa dhabuun lammiileen akka feetee ajjeefamanii ilaalchisee qeeqa isaanii qoodaniiru.

Akkas jedhan Obbo Taayyeen: "Al-tokko Tiriippooliin Liibiyaa magaalaa akkaan bareeddu turte. Koloneel Gaadaafinis daran faarfamaa fi aango-jaalataa ture. Hardha garuu miidhagi Tiriippoolii fi faaruun koloneelichaa hin jiran. Dubbii ijoon nagaa amansiisaa fi waaraa malee ifaa karaa irraa calaqqisu akka hin tahin seenaan kun ni agarsiisaa" jedhan.

Dabaluunis "Dhaloota dhufuuf hojjachuunis kijiba ofii amananii bilaasha dhaadachuu otoo hin taane biyya nagaa daa’imman akka haala Suukaneessaan Ajjeefamte bilisummaan itti barataa guddatan uumuu ta’uu qalbi-qabeessi ni qalbifataa!" jedhan Ministir Deetaan Ministeera nagaa duraanii Obbo Taayyee Danda'a.

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

02/01/2025

02/01/2025

Israa'oolata 3, 'el immoo Filsixeemota 183 gadhiifte

Erga waliigalteen dhukaasa dhaabuu mallattaa'ee booda yeroo afraffaafi kanneen ugguraman kan gadhiifamaa jiran.

Israa’eel Filisxeemota 183 gadi lakkisuu beeksisete. Kunis Gaazaa keessatti lammiileen Israa’el sadii ugguramanii turan gadi lakkifamuu hordofee ta’uun ibsameera.

Filisxeemonni gadi lakkifaman wayita Westi Baankiin ga’an simannaa ho’aan taasifameeraafi.

02/01/2025

Pirezidantiin Ameerikaa Doonaald Traamp har'a irraa eegalee Meeksikoo, Kanaadaafi Chaayinaa irratti Taarifa dabalan.

OS Gurraandhala 01/2025
Pirezidaantiin Ameerikaa Doonaald Tiraamp Gurraandhala 1, 2025 irraa eegalee taarifa %25 fi irra akkasumas irra ammoo %10 akka kaa'an Waayiti Hawuus beeksise.

Haata'u malee, Tiraamp boba'aa Kaanaadaa irraa gara US galu irratti taariifa %10 akka kaa'uufi kunis torban lamaan booda hojiirra kan oolfamu ta'u dubbateera.

Tiraamp biyyoota Gamtaa Awurooppaa Ameerikaa haala gaariidhaan hin keessuummeessine jedhan irras taariifa kaa'uudhaaf karoora akka qaban himameera.

Chaayinaan, Kaanaadaa fi Meeksikoon michoota daldalaa Ameerikaa olaanoo yoo ta'an, meeshaalee bara darbe gara Ameerikaatti galfaman keessaayis %40 kan isaaniiti.

Taariifni cimaan haaraan kun waraana daldalaa guddaa cimsuufi US keessatti qaala'insa dabalu akka danda'u sodaatamaa jira.

Boba'aa Ameerikaan Kaanaadaa fi Meksikoo irraa galchitu irratti gibirri yoo dabalame, waadaa Tiraamp biyya keessatti baasii jireenyaa gadi buusuuf galan rakkoof saaxilamu mala.


Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

02/01/2025

Gabaa, gaddas dhaqnee Manaa baanee Manatti deebi’uun ulfaateera.

OS Gurraandhala 01/2025
Jiraattonni Naannoo Oromiyaa Godina Shewaa Kaabaa dararaan isaan irra gahaa jiru draran hammaachaa dhufeeraa jedhan, Jirattonni akka jedhanitti Manaa bahanii deebi’anii galuun rakkisaa ta’eera, namoonni gabaa ykn iddoo gaddaa osoo dhaqanii ykn galanii ukkaamfamaa jiruu jedhan.

Torbanuma darbe kana qofa Namoonni gara #50 ol ta’an, Debre Libanos irraa gara Yaya Guleletti utuu gara gabaa imalanii butamanii hanga ammaatti hin gadhiifamnee jedhan.
Humnoonni nageenyaa mootummaa ''opireeshinii''f gara naannoo sanaa dhufanillee osoo hin turin battalumatti lafa dhufanitti deebi'ani, haala amma jiruun baay’ee yaaddoo keessagalanii jiraachuu himani.

Akkuma Yaadatamu Jiraattonni godina kanaa yeroo adda addaatti Daandii irratti bahee dhala isaa akka horiitti Waanjoo baachisee nagaa kadhachaa turuun isaa hin dagatamu. Ta’us jijjiiramni dhufe tokkollee akka hin jirre, inumaa soda hamaa keessaa jiraachuufi Jireenya Jaarraa kanaa Osoo hin taane jireenyaa waggaa 50n on duubatti deebi’e jiraachaa akka jiran himu jiraattonni lubbuun jiran.

"Namoonni qawwee qaban bakka hundatti nama geessu, akka fedha isaaniitti nama dararu manaa gadi ba’aanii nagana deebi’anii galuun akka carraa gaariitti ilaalamaa” jedhan.

Namoonni #50 n butaman konkolaataa guutuun Konkolaa waliin namoota gabaadhaa deebi’an turan, hanga ammatti haala isaan keessa jiran kan beeku hin jiruu jedhan Maatiifi jiraattonni DWtti himan.
Bakki namoonni kun itti butaman (yaayyaa gulalleen) iddoo ji’a tokko dura qondaaltonni zoonii shan dabalatee hojjettoonni mootummaa itti ajjeefamaniidha.

Waraanni mootummaa hojii gaggeessuuf waadaa seenee zoonii irraa dhufe yeroo muraasa booda battalumatti deebi'e, garuu jijjiiramni tokkollee hin mul'anne. Magaalaa kanaan alatti baadiyyaa takka hidhattoota irraa bilisa jettee yaaddu hin jiru. Gandoonni Baadiyyaa hundi hidhattootaan qabameera. Akkasuma kan eenyummaan isaa hin beekamne qabanii nama saaman bakka hunda jiru, gidiraa takkaa arginee hin beekne aragaa jirraa jedhan.

Qaamonni hidhatanii jiran lammanuu (Waraanni Mootummaafi hidhattoonni WBO) yeroo fuulaaf fuulatti wal-lolan hin argamu, jiaraattonni gidduutti gidiraa hamaa argaa jiraachuu, qaamni Mootummaas yoo dhufu aarii isaa uummatatti baha, Jarri bosonaa dhufanis uummata dararu, haalli itti jirru jireenya hin jedhamuu jedhu jirattonni Godina kanaa.

Miidiyaan DW yaada jiraattota kanaa irratti ibsa gaafachuuf bulchaa olaanaa zoonii kanaa Ato Kefele Adre qunnamuuf yaale naaf hin milkoofnee jedha.

Hawaasni, kan naannoo Oromiyaa keessatti nageenya dhabuun rakkachaa jiru, fi waamicha isaa nagaa irra deddeebiin nagaa nagaa jechaa ture ammas kan dhagahu hin arganne. Uumaan qofti dhagahee hiika yoon nuuf kenneen ala qaama irraa furmaata argannu hin qabnuu jedhan.

Mootummaanis qaamolee Bilisummaaf qabsoofna jedhanis uummata nagaa gidduutti dararaa hamaa argaa jiruuf yaaduun uummata kanaaf nagaa buusaan ammas irra deebi’uun isin kadhanna.
Nagaa_Oromiyaaf

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

02/01/2025

Paartileen siyaasaa Tigray keessa socho’an adeemsa ajandaa walitti qabuu Komishinii Marii Biyyaalessaa irratti akka hin hirmaanne himan.

Paartileen kunneen Marii Biyyaalessaa kana keessatti akka hin hirmaanneef kan murteessan koomishinichi Bilisummaa fi iftoomina qabaachuu isaa waan hin amanneef ta'uu isaatiini jedhaniiru.

Kanamalees naannichi ammallee jeequmsa Waraanaa keessaa hin baane. 'Salsa wayyaane Tigirayi' bulchiinsonni Naannoo Tigraay humnoota hidhatan birootiin qabamanii akka jiran ibsee, bulchiinsi yeroo naannichaas adeemsa marichaarratti akka hin hirmaanne ni amannnaa jedhan. Sababni isaas waan ka'umsa isaa hin beeknetti karaarratti ittidabalamuun bu'aa waan qabu hin ta'uu jedhan.

Paartileen 'Aranaa fi Baayitoon' jedhamanis koomishiniin Marii biyyaalessaa adeemsa hanga ammaatti jiruun rakkoo biyyatti fura jedhanii kan hin amanne ta'uu himuun, waamichi hirmaannaa hanga ammaatti koomishinichaan taasifameef akka hin jirres himaniiru.


Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/31/2025

Lammiileen Itoophiyaa baay'inaan sabaan ta'an keessatti dararaa hamaan irra gahaa jira.

OS Gur.01/2025
Anga'onni Somaaliyaa lammilee Itiyoophiyaa baqattoota seeraan alaa #500 ol torbaan kana keessa magaalaa Bosaasoo keessaa qabuu isanii ibsaniiru kunis tarkaanfii lammiilee biyya alaa kanneen seeraan ala gara naannichaatti seenan ari'uun kanneen qabaman kunneen konkolaataa fe'umsaatti irra keessatti fe'uun gara Itiyoophiyaatti ergamaniirus jedhameera.

Lammiilee Itoophiyaa achitti hafan walittiqabamanii hidhamanii waan jiraniif beelaaf allee saaxilamaniiru jedhame.
Jiraattoota VOA dubbise akka jedhanitti carraan silaa achiin darbanii gara biyya Sawudiitti taasisuuf turan waan jalaa badeef Amma gara biyyaatti deebi'uun akka jiran Himani.

Dhimma lammiilee Itoophiyaa keessattuu hedduun isaanii Oromoota ta'an kaan achiin gara biyya biraatti darbuuf turan, kaan ammoo daldala xixiqqaa hojjechuun osoo jiraataa jiranii qabeenya isaanii saamamanii harka qullaa konkolaataa Meeshaa fe'u irra keessatti fe'amanii gara biyyaatti deebifamaa jiru.

Hanga Oduun Kun qindaa'etti. Mootummaan Itoophiyaa waa'ee lammiilee Itoophiyaa 3 du'aniiru jedhamaniis ta'e, waa'ee lammiilee hidhamanii jiranii, qabeenya isaaniis saamamuun biyyattis deebifamaniu waan jedhe hin qabu.

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/31/2025

✍️Namoonni nagaan #8 Ajjeefamuu -Ittigaafatamummaan dhibuu,
✍️Dararaa Shamarree Libiyaatti,
✍️qaraxaa %100 Miseensota irratt- Tramp
Oduwwan kanaafi kan biroo kunooti👇

01/31/2025

Waldaan Hakiimota Itoophiyaa, Ogeessonni fayyaa yaala isaan barbaachisu dafanii osoo hin argatin lubbuun isaanii hanga darbutti gahaa jiraa jedhe.

OS Amajji 31/2025
Waldaan Hakiimota Itoophiyaa yaa'ii isaa 61ffaa kaleessa Finfinneetti gaggeessuu eegale irratti, Miseensonni hakiimotaa yaalii hatattamaa isaan barbaachisu dafanii argachuu dhabuu irraan kan ka'e lubbuun isaanii darbaa jiraa jedhe.
Naannoolee tokko tokkotti ammoo kaffaltiin sa'aatii darbaa (duty) hojjetan isaaniif hin kaffalamu, ogeessonni sababa kaffaltii gaafatamniif hidhamanis jiraachuu ibseera.

01/31/2025

Liibiyaatti Shamarree Nahiimaa Dararaan hamaan erga irra gahaa turee booda qar. Kuma 700 gadhiifamte.

OS Amajji 31/2025
Shamarree Nahimaan barumsa ishee adda kuttee kan caaluttin baha jettee waggaa darbe Caamsaa keessa magaalaa Shaashamannee irraa ka'uun Liibiyaa erga geessee hidhattoota harka galte. Torbanoota dura shamarree kana harkaafi Afaanshee hidhuun osoo dararamaa jirtuu mul’ataa ture.

Viidiyoon mul’ataa tures qarshii #750 yoo hin kaffalle reeffa ishee isiniif ergina jechuun wayita maatii doorsisan viidiyoon agarsiisaa ture. Maatiinis horii walitti qabanii erganiifii akka gadhiifamte gabaasni bbc turtii ishee waliin taasisee ni agarsiisa. Qarshii gaafatan erga isaan dhaqqabee booda magaalaatti geessanii akka gadhiisan himte.

Dararan ana irragahe hamaadha, nama biraa irra akka gahu hin fedhu, gammoojjii Liibiyaa keessatti hiriyoonni waliin bane nu biraa du’aniiru, kanaaf lammiin biyya keenyaa karaa ani deemeen biyyaa ba’uu kan yaadaa jiran gidiraa kanaaf akka hin saaxilamne jechuunis dhaamteetti.


Ijoolleen Oromoo hedduun haala biyya keessaa baqachuun, jireenya ofii fooyyeffachuufis karaa seeraan alaa akka Nahiimaa osoo imalanii kan karaatti hafan hedduu dha.
Ijoolleen Oromoo/lammiin biyya kanaa imala seeraan alaafi dallaalaa seeraan alaa irraa of-eegaan dhaamsa keenya.

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/31/2025

Yaa’iin Waliigalaa Paartii Badhaadhinaa biyyoota adda addaa hirmaachise har’a Finfinneeti Eegala.

OS Amajji 31/2025
Paartiin Badhaadhinaa Yaa’ii waliigalaa isaa Marsaa 2ffaa har’a irraa eegalee hanga Amajji 25/2017tti gaggeessuun Presidaantiifi Itti’aanaa paartichaa, hoji gaggeessitootaa, fi miseensota Koree Giddugaleessaa ni filata, Murtewwan adda addaas ni dabarsaa jedhame

Yaa’chi Magaalaa Finfinneetti kan gaggeeffamu yoo ta’u, Hogganttonni Paartilee biyyoota adda addaa Affeeramanis Yaa’icha irratti hirmaachuuf Finfinnee galaniiru.

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/31/2025

Wal-waraansi fi Waraana gidduutti Adeemaa jiruun gaaga'amni lubbuu namaafi qabeenyaa akkuma ittifufetti jira.

OS Amajji 31/2025
Godinaaalee wallaggaa aanaalee adda addaatti walitti-bu’insa waraana mootummaa fi hidhattoota Waraana Bilisummaa Oromoo gidduutti deemaa jiruun wal-qabatee torban kana qofa namoonni nagaan #8 ajjeffamaniiruu jedhan maatiin midhaamtoota fi jiraattonni naannoo sanaa.

Ajjeechaa kana kan raawwate Humnoota nageenyaa Mootummaatii jedhu maatiin namoota ajjeeffamanii.

Walitti bu'insi Waraana Mootummaafi Hidhattoota Waraana Bilisummaa Oromoo gidduutti gaggeeffamaa jiru, gaaga'ama lubbuu namoota nagaatiif sababa ta'ee waggoota 6f osoo walirraa hin citin ittifufee jira.

Wal-Waraansi Humnoota hidhatan gidduutti gaggeeffamaa jiru, gaaga'ama lubbuu namaan alas hojiilee Misoomaafi haala Baruufi barsiisuu lammiilee danquun Uummata gadadootti galchee jira.

Jiraattonni Oromiyaa Godinaalee Wallaggaa arfanii, Shawaa kaabaa, Gujiifi Shawaa Lixaa Waraana kana baqachuun Qe'eefi qabeenya isaanii dhiisanii Magaalaatti galuun 'insa jireenyaa Magaalaa Waliin -aansoo wal-qabaa, haala jireenya gaarii biyyatti baran dhiisanii jireenya Gadadoo jiraachuuf dirqamaniiru.

Godinaalee eeraman kanatti kan jedhamaa turan, Qe'eefi qabeenya isaanii dhiisanii sababa Nageenyi dhabameef isaanii oolfachuuf jecha, Magaalaatti galanii ta'anii, haalli jireenyaas bitaa ittigalee haala baay'ee Nama gaddisiisu keessa jiru.

Yoom nagaan deebi'ee Qe'ee keenyatti galla jedhanii gurra qeensanii kan dhaggeeffatan, dhuguma Mootummaafi qaamota hidhatanii Mootummaa lolan gidduutti bu'ee Qe'ee keenyatti deebinaa jechuun Abdii guddaan kan eeggatan lakkoofsaan hedduudha.

Oduun Araaraa Mootummaafi WBO gidduu jedhamuun kan yaalamaa tures, kan Milkaa'eera jedhames Miidiyaa Hawaasaa irra jira malee baadiyyaa Oromiyaa nagaa barbaadutti gadi hin buune.
Ka Magaalaafi Miidiyaa irratti odeeffamu ammoo qabatamaatti hawaasaaf bu'aa buuse hin qabu.

Qe'een Oromoo sababa waraanaan jeeqamaa ture ammas hin arganne. Inumaayyuu iddoowwan hedduutti hammaatee ittifufee jira.

Maarree Inni tibba kana Wallaggaatti raawwatamaa jiru lubbuu namoota nagaa Humnoota Waraanaa gama lachuu keessattuu Hirmaannaa hin qabne Ajjeefamaa jiru.

Ajjeechaan guyyaa hunda raawwataa oola, ta'us Ajjeechaa tibba kanaa namoota nagaa #8 irratti Wallagga lixaatti raawwateef 'n Aanga'oota Mootummaa Godinaa hanga naannootti jiran irraa qulleeffachuuf yaaliin taasise akka hin milkoofneef gabaaseera.

Humnoonni meeshaa waraa hidhattanii wal-waraantan Uummata keenyaaf nagaa kennaa. Seera Waraana Idila Addunyaa kabajuun Qe'ee isaa irraa fagaadhaan dhaamsa keenya.
'ee_Oromoof

Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/30/2025

Balaa xiyyaaraa U.S tti mudateen lubbuun imaltoota hundaa dhumuu hin ooluu jedhame.

Oro.Star Amajji 30/2025
Xiyyaarri US imaltoota 64 qabatee ture hilikooptara waraanaa waliin walitti bu'uun laga Waashingitan Diisii keessatti erga kufee booda namni lubbuun oole akka hin jirre qondaatonni himan.

Presidaantiin Amerkaa Donald Traamp balaa mudate ilaalchisee haasaa godhaniin, "Amerkaan gadda keessa jirti" jedhan. Imaltoonni xiyyaaricha keessa jiran #60 ol ta'anis hundi dhumuu akka hin oolle mirkaneessan.

Donald Traamp, Presidaantota Amerkaa duraanii Baaraak Obaamaafi Joo Baayidanitti quba qabaniiru.

Hojjattoonni daandii qilleensaafi tiraafika xayyaaraa to'atan gahuumsa olaanaa kan qaban qofaa akka ta'an gochuuf waadaa galuun, bulchiinsi Obaamafi Baayidan hojjattoota daandii qilleensaa gahuumsa hin qabne qacaraa akka turan himan.


Hordoftoota keenya Odeeffannoowwan dabalataa biroo argachuuf
YouTube Monet Media:
https://youtube.com/?si=Oj8Yt64NkyZ-pPW4
Telegram: https://t.me/monetmultimedia

01/30/2025